Nauduri Murty కవిత

విజ్ఞప్తి తెలుగులో మంచి కవిత్వం వస్తున్నప్పటికీ, తెలుగు కవిత్వానికి గుర్తింపు రావడంలేదన్న అభిప్రాయంతో గత కొన్ని సంవత్సరాలుగా నా వ్యక్తిగత అభిరుచులకీ, అవగాహనా, భాషా పరిమితులకి లోబడి అనువాదాలు చేస్తూ వచ్చేను. ఇక్కడ ఉన్న మిత్రులవేకాక చాలా మంది ఇతర సమకాలీన కవుల కవితలూ అనువాదం చేశాను. తెలుగు మాతృక, ఆంగ్ల నువాదం కలిపి వేద్దామని సంకల్పించేను. ఆ పుస్తకంలో తమకవితలు వేసుకుందికి అభ్యంతరం లేదని కవిమిత్రులు అనుమతి ఇవ్వవలసి ఉంటుంది లేకపోతే కొన్ని సాంకేతిక కారణాలవల్ల అందులో చేర్చుకుందికి సాధ్యపడదు. వీలయినన్ని ఎక్కువకవితలతో పుస్తకం తీసుకువద్దామని అభిప్రాయం ఉన్నా, పుస్తకం విస్తృతినిబట్టి, దానికయే ఖర్చు దృష్టిలో ఉంచుకుని అనుమతి ఇచ్చినప్పటికీ అందరివీ అనువాదం చేసిన అన్నికవితలూ వెయ్యడానికి సాధ్యపడక పోవచ్చు. కానీ, "వైతాళికులు - ముద్దు కృష్ణ" ఆదర్శంగా తీసుకుని, ఒక కవి స్పృశించిన విభిన్న పార్శ్వాల కవితలు అందులో చేర్చడానికి ప్రయత్నిస్తాను. కనుక ఇక్కడ ఎవరి కవితలు అనువాదం చేశానో ఆ కవిమిత్రులందరూ, నాకు nsmurty4350@gmail.comకి నే తీసుకురాబోయే సంకలనంలో తమ కవిత(ల)ను చేర్చడానికి తమ ఆమోదాన్నీ, అంగీకారాన్నీ తెలుపుతూ ఈ మెయిలు పంపవలసిందిగా విజ్ఞప్తి చేస్తున్నాను.

by Nauduri Murty



from kavi sangamam*కవి సంగమం*(Poetry ) http://ift.tt/1ls9UGn

Posted by Katta

Chi Chi కవిత

_నరం_ గాలెక్కింది బుడ్డలో ఊదకుండా!! బొమ్మకు తెలీదు అద్దంలో బుడ్డలో ఏముందో.. బొమ్మననుకున్న బుడ్డకి అద్దం తెలీదు!! ఎగురుతోందది బొమ్మెటు తోస్తే అటు గాలికి తెలీకుండా బుడ్డ పగలకుండా!! బొమ్మను కాదు..బొమ్మను కూడా నీడ చెప్పింది..నీడని కూడా గాలి పెరిగింది బుడ్డనుకుంటే!! పెరుగుతూనే ఉంది గాలనకుంటే.. గాలికే వదిలేశాక బుడ్డ పగిలింది!! గాలుంది గాలిననుకోకుండా బొమ్మలేకుండా!! _________________(14/6/14)

by Chi Chi



from kavi sangamam*కవి సంగమం*(Poetry ) http://ift.tt/1mS9ohr

Posted by Katta

Swatee Sripada కవిత

కావలసి౦ది అన్నీ సవ్యంగానే అగుపిస్తున్నాయని అనుకుంటాను ఉదయపు వెలుగులూ ఊహల సొబగులూ ఇంటి ముందు కళ్ళు తెరుచుకు మడతలు విప్పుకునే వార్తా పత్రికలోని రుస రుసలూ రౌద్రాలూ శుభాశుభాల అశ్రుతర్పణ, ఆనంద హేల అక్కడక్కడా కాలుజారిన అహంకారాలూ చీమలై పారే అక్షరాల ప్రవాహం అన్నీ సవ్యంగానే అగుపిస్తున్నాయి. అయినా నీడకూ నీడకూ మధ్య ఏదో పొసగని చారిక మాటకూ మాటకూ మధ్య లేవనుకు౦టున్న చీలికలు ఇన్నాళ్ళూ మౌనమే మనిషికీ మనిషికీ మధ్య రెండు సముద్రాల నడుమ ఒక మహా అగాధమనుకున్నాను కానీ పొరలు లేకపోయినా చూపు మసక బారుతు౦ది ఎదురుగానే ఉన్నా కావాలనుకున్నది అద్దంలో నీడవుతుంది నిజానికీ నీడకూ మధ్య కొన్ని వెలుగు యుగాల దూరమైతే నీడకూ అద్దానికీ మధ్య కొలతకందని నిర్జీవత ఆకు నిండా అలుముకున్న హరిత ప్రపంచం అణువణువునా పులకరింతల అంతా ఒకటన్న సమైక్యతా ఆమోదం అయినా అణువుకూ అణువుకూ మధ్య అంతర్యుద్ధం లోలోపలి అమరికలలో అరమర అంతా యూనిఫామ్ తొడుక్కున్న స్కూల్ పిల్లల్లా ఒకేలా అనిపిస్తాయి అయినా అడుగడుగునా కొలతల కందని అంతరాలు అల లాగా విసిరిన ఒక ఎండ పొడ ధవళ దరహాసపు వెలుగనే అనిపిస్తుంది. తరచి తరచి నీటి చుక్కల భూతద్దాల్లో చూసాక కదా సగం సగం మిళితమైన సప్త వర్ణ సముచ్చయాల సమరం తెలిసేది చూసేందుకు కళ్ళూ వెలుగే కాదు కనిపించని ఉనికిని చదువుకునే ఒక సజీవ నదీ ప్రవాహమూ ఉండాలి ఏమీ లేదనుకున్న ఆకాశాన్ని హత్తుకున్నట్టు లేనితనం వెనక ఉనికిని ఎదకు అలదు కోవాలి అయితే కనిపించని ప్రపంచాన్ని చూసే చూపు కోసం గాలింపు కావాలి ఊపిరి నుండి ఊహల వరకూ

by Swatee Sripada



from kavi sangamam*కవి సంగమం*(Poetry ) http://ift.tt/SGpqmq

Posted by Katta

Pusyami Sagar కవిత

ఫలితం ______పుష్యమి సాగర్ చీకటి తప్పు ములాఖత్ !! ఆకాశం వర్షం గుడిసె నుంచి ఏడుపు ..!!!! వందలు వేలు పుట్టెడు చీమల్లా !! దేవుడు వదిలేసిన పిచ్చి మొక్కలు లెక్కలేనన్ని దేశం లో !! జూన్ 13, 2014

by Pusyami Sagar



from kavi sangamam*కవి సంగమం*(Poetry ) http://ift.tt/SGpq5S

Posted by Katta

Krishna Mani కవిత

పేదవాడా ! _________________________కృష్ణ మణి పేదవాడా ! నా మనసును దొంగలించిన పిరికివాడ నీ చూపు సోకినప్పుడే అగుపించెను నీ అభిమతం కొసరి కొసరి మాటల మర్మం ఎరుగనా పిచ్చివాడ ! ప్రేమ జల్లులో తడిసింది హృదయం వినిపించావు విరహవేదన అగుపించావు చిగురించిన పువ్వులా మదిలో ఎదో మంత్రం నిన్ను నాలో కలుపుతుంది మాయమర్మం తెలిసిన మాంత్రికుడా విహంగనయన వీక్షకుడా ! నీ రాకకై ఎదురు చూపులు యవ్వనం దాల్చిన క్షణము నుండి ప్రేమపల్లకిలో కొంటె చూపును దోపిడీ నేర్చిన దొరవు బంటువై నా స్వేదామృతం అద్దుకొన వచ్చిన దీరుడా అగ్గిలో మగ్గదలచిన యోధుడా ! అందుకో జారిన మనసును పొందుగ దాచుకో కడవరకు నీ గుడిలో దేవతను నిరంతరం నీ శ్వాసను నీ కలల రాణిని నీ తోడు వీడిన మీదటే నా శ్వాస ఆగు ఇదేరా నీ చెలి బాస ! కృష్ణ మణి I 13-06-2014

by Krishna Mani



from kavi sangamam*కవి సంగమం*(Poetry ) http://ift.tt/TSQ9gJ

Posted by Katta

Arcube Kavi కవిత

.ఎక్ తారా.. ________________ఆర్క్యూబ్ అతడు-తానెంతో మొనగాన్నో చెబుతూ పోతుంటడు మనకర్తమవుతూ ఉంటుంది ఇప్పుడొక గాలిపటాన్ని కూడా మోయలేడు ఒక్క పూవుని కూడా ముద్దాడ సాహసించలేడు గిరికీలు కొడుతున్న పిట్టను చూడ్డానికి గజ గజా వణుకుతుంటడు తన బాల్యంలో - కోతి కొమ్మచ్చి ఆడానంటే మనమొక పట్టాన నమ్మలేం అర్తమవుతూనే ఉంటుంది అతడెక్కడ తెగిపోయాడోనని అతడు- ఏ గాలికో కిందపడి తన కలల సౌధాన్ని తగలబెట్టుకున్న ఒక బంగారు దీపం.

by Arcube Kavi



from kavi sangamam*కవి సంగమం*(Poetry ) http://ift.tt/SGmkPd

Posted by Katta

Venkata Hanumantha Ramakrishna Tummalachervu కవిత

ఏవడు వీరుడు ఎవడో ఒకడు ఏపుడో ఒకప్పుడు చెప్పలిగా నిజం // చూపలిగా చాప కింద నీళ్ళలాగ జరుగుతున్న మోసం// గొంతు కొసే ముందు కత్తికి తేనే పూయడం వర్తమనం లో దయ్యలు పటిస్తున్న మర్యాద// నీ ఇల్లు దోచే వాడిది , నీవాళ్ళను చంపేవాడిది నీ భూములు నా స్వంతం అనేవాడీదీ // వీరత్వం అని తెలియక పోవటం నీ యొక్క జన్మజాత మనో వైకల్యం// పోని పాపం అని పంచలో చొటిస్తే కొంత కాలనికి భాగం పంచ లేదనటం వీరత్వం// పక్క వాడి ప్రాణం పోతున్నా పాపం అని లేకుండా చంపిన వాడు మనవాడైతే ప్రపంచ వీరుడనటం నేటి మేధవుల లక్షణం // మా అమనవీయ అరాచకత్వం మీ దేశ భంగయత్నం కళ్ళు మూసుకొని ఆమోదిస్తేనే మీకు మంచివాడని కితబులిస్తాం // మీ హక్కు భుక్తాలను మేం తేరగా బుక్కుతాం // మీ మీదా మీ మతం మీదా విషం కక్కుతాం// అన్యాయం అంటే మేం ఒప్పుకోం // తస్మాత్ జాగర్త సోదరా ఈ మాటల మయాజలం లో చిక్కు కొన్నరో నిన్నే హత్య చేసి నీచేతే సమంజసం అనిపిస్తారు// 13/6/14

by Venkata Hanumantha Ramakrishna Tummalachervu



from kavi sangamam*కవి సంగమం*(Poetry ) http://ift.tt/SGmg1W

Posted by Katta

Vamshidhar Reddy కవిత

వంశీ // Ante Poem // అలారం మోగ్గానే మంచాలు నిద్రిస్తాయ్ మాన్సూన్ ముసుగేసుకుని చొక్కామీద కాస్త వొలికిన రాత్రిమందు నీళ్ళల్లో నానదు ఇంటిముందెవరో నిలబడ్తారు చెట్లను పలకరిస్తూ నీకేం వినపడదెలాగూ చెవుల్లో వేడి ఛాయ్ కరుగుతుంటుంది.. ఆవిడ్ని తప్పించుకునో నువ్వే తప్పిపోయో ఆకాశాన్ని చూస్తావ్ సరదాగా ఏదోటి రాసిపారేద్దామని రెండుకొంగలు నిన్నుచూసి నవ్వుకుంటాయ్ "జీవించడం మరణానికి ఎదురుచూపు" అని పైత్యపురాత ఒకటిరాసి గుండెల్నిండా నీ పాత మరణాల్ని తిరిగి గెలుక్కుని గంభీరాగ్రేసరుడివై ఏకశూన్యవిలోమత్వంలోకి జారిపడి ఈతరాక బ్రతికి ,మెదడుకు ఖాళీపుస్తకమోటి అంటించుకుని స్నానానికెళ్తావ్.. సెకన్లు నిమిషాలు గంటలు రోజులు నిన్ను మర్చిపోతాయ్ అనుకోకుండా ఓరోజు ఎవరో అరూపులై లాగిపెట్టి కొడతారు ఆగిపోయిన్నిన్ను కదిలించడానికన్నట్టు.. కాయితాలు కొన్ని చిరిగి కొట్టివేతల్నడుమ ఓ కల కంటుంది నక్షత్రపు కన్ను.. కడు విచిత్రముగనీసారి అలారం మోగ్గానే కంచాలు నిద్రలేస్తాయ్ నువ్వు ఎక్కడికీ పారిపోకుండా... 13-06-14

by Vamshidhar Reddy



from kavi sangamam*కవి సంగమం*(Poetry ) http://ift.tt/1mRSKi6

Posted by Katta

Afsar Afsar కవిత

అఫ్సర్/ దాచలేనివి కొన్ని. 1 యింకా తెలియని కొన్ని దాపరికాలున్నాయి నీకూ నాకూ మధ్య- కలిసి నడిచేటప్పుడు కూడా కలవని క్షణాలు కొన్ని వుండే వుంటాయి రెండు వైపులా యిద్దరికీ- కలకీ కలతకీ మధ్య వొకింత మెలకువ జారిపడినప్పుడో యెప్పుడూ కువకువలాడే పక్షి కాసింత మౌనంలోకి వాలిపోయినప్పుడో తెలియక అరకన్ను విప్పే రవంత ఏమరుపాటులోనో ఎలాగో వొకలా ఇద్దరికీ దొరికిపోతుంటాం వద్దు వద్దనుకుంటూనే- అప్పుడు తెలుస్తుంది మనం దగ్గిరగా నడిచివచ్చిన క్షణాలన్నీ నిజంగా అనుకున్నంత దగ్గిరవేవీ కావని! 2 దాపరికాలు వుండకూడదని మరీ వొట్టేసుకుంటే చెప్పలేను కాని ఎంతో కొంత తెలియనితనమే మనిద్దరి మధ్యా ప్రవాహమైందని అనుకోకుండా వుండలేను. ఆ వెతుక్కునేదేమీ లేనే లేదనుకో నువ్వు నాదాకా నేను నీదాకా వచ్చేవాళ్లమే కాదేమో! యీ ప్రవాహపు గలగలల కింద దాక్కున్నదేమిటో తెలిసిందే అనుకో మనిద్దరి శరీరాలూ యే మూలనో రెక్కలు తెగిన సీతకోకలా పడి వుండేవేమో! దాపరికం వుంటే వుండనీ, ఎగిరే ఎగిరే నీ రెక్కల్ని ప్రేమించకుండా వుండలేను దూరంగా ఎటో వెళ్ళిపోతే పోనీ, నువ్వందుకునే నీ ఆకాశం అంటేనే నాకు ప్రేమ! నీ చూపు తాకినంత మేరా ఆకాశాన్ని గూడుగా ఎలా అల్లుకోవాలో నేర్చుకుంటా యిప్పుడు. 3 కాకపొతే, యిద్దరినీ వెతుక్కోవడంలో వున్న ఆ చిన్ని ఆనందం మరచిపోతామే, అదిగో అదీ- మన ఇద్దరి ఆకాశాలకి చివర, యెవరిదీ కాని జీవనరాహిత్యానికి మొదలు. ~ (ఎవర్నించి తీసుకున్నానో వాళ్ళని ప్రేమించకుండా/ తలచుకోకుండా ఉండలేను. రచన తెగని సందిగ్ధం అయి, ఈ కవితని ముందే షేర్ చేసుకున్నప్పుడు కవితకీ వచనానికీ మధ్య వుండే వొక సన్నటి గీతని గుర్తు చేసి, ఈ వాక్యాల్ని కనీసం పది సార్లు తిరగ రాయించిన వొక అద్భుత స్నేహ హస్తానికి...)

by Afsar Afsar



from kavi sangamam*కవి సంగమం*(Poetry ) http://ift.tt/1oXoXca

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//లౌకికం// భూమి నలుపలకలా గుండ్రమా నాలుగో దిక్కుని వెనక్కి తిరిగి ఎలా చూడటం? ఈ భూమి నిండా రాత్రంతా ఒక్క సమానంగా చీకటి పరుచుకుంది ఎన్నో జన్మల పుణ్యమన్న జన్మలో రాత్రి లేదా చీకటి దుఖః ఎందులకు! దుఖఃని అధికమించడమే సంతోషమా? దుఖః తదుపరి కలిగేది సంతోషమా? సంతోషమా? దుఖఃమా? ఏది ముందు వెనుక గుడ్డా! పిల్లా? రా ఈరాత్రినీ సర్వాంతర్యామిని రాతిలో మిగిల్చిన చోట వెదుకుదాం గుడిగంట ముందు యత్ భావం తత్ భవతి అన్నది వినకు నీకు నిండా కావల్సింది దుఖఃమైనప్పుడు అర్ధరాత్రి వెలుతురు కోసం వెతక్కు ఏదో రాద్దామనో రాద్దాంతం చేద్దామనో తాపత్రయం పడకు ఈ భూమి గుండ్రంగా ఉంది తన చుట్టూ తాను తిరుగుతుంది చందమామ కధలు చెబుతుంది రెక్కల గుర్రం ఎక్కకముందు ఒక్కసారి అడుగు ఎక్కడికి తీసుకుపోతావని అక్కడుంది వెలుతురా చీకటా అని అడుగు వెలుతురైతే నీడ పడుతుందో లేదో చూసుకో ఆ నీడని సంధ్య తరువాయి మింగిన చీకటి మర్మమేమిటో అడుగు.............11.06.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1prBFBU

Posted by Katta

Sk Razaq కవిత

|| మనిషై పోతున్నా ... || నా మౌనం నన్ను తొలిచేస్తుంది తెలిసిన వేదనను, తెగువ చూపి తొలగించుకోలేని దౌర్భాగ్యాన్ని చూసి నా స్థైర్యం వెక్కిరిస్తుంది నిరుత్శాహాన్ని నీరుగార్చలేని నిర్భాయాన్ని చూసి నాలోని ధైర్యం నన్నుదహించి వేస్తుంది దౌర్బల్యాన్ని దూరం చేసుకోలేని మానసిక వైకల్యాన్ని చూసి నా లోని కరుణ నన్నుపరిహసిస్తుంది సంఘజీవిగా సంఘర్షణల మాయమైన జీవన గమనం లో జయాలనందుకోలేని మానవీయ విలువలను చూసి మనిషినై పోయానో ఏమో బ్రతుకుటకు వేరొకరి బ్రతుకు చిద్రం చెయ్యలేని మనసుతోటి మరుగున పడి పోతున్నా మనిషై పోతున్నా ... || రజాక్ || 13-06-2014 - 19:20

by Sk Razaq



from kavi sangamam*కవి సంగమం*(Poetry ) http://ift.tt/1v9ZQEZ

Posted by Katta

Divya Kiran Takshikasri కవిత

నాన్న! నా జన్మకు ఊపిరినిచ్చిన వెన్నెల దిన్నె .. బ్రహ్మ చేతుల లోని ఈ బొమ్మకి , అమ్మ కడుపులో ఊపిరినిచ్చావు ! అమ్మ ఒడి లోని ఈ రెమ్మ కి , కమ్మని కథలే కానుకలిచ్చావు ! కొంగు చాటు దాగిన ఈ బుడతడికి , ప్రపంచాన్ని చూసే వెలుగునిచ్చావు ! తప్పతడుగుల నడిచే ఈ బుజ్జిగాడికి , చెంగు చెంగున చెలరేగే పరుగునిచ్చావు ! ముద్దు ముద్దు పలుకుల ఈ చంటిగాడికి , గోరుముద్దల తెనుగు బువ్వ పెట్టావు ! ఆటలాడుతు తిరిగే ఈ ఆకతాయికి , చదువులమ్మ ఒడిలో ఓనమాలు నేర్పావు ! ఎంత ఎదిగినా నీకు నేను చంటి బొమ్మనే కాన ! ఎందెందు తిరిగినా నీకు నేను చేతి ఊత నౌతాను.. చిన్నప్పటి నా ధైర్యం “నాన్న” అనే రెండక్షరాలు ! ఇంకేప్పటికి నీ ధైర్యం "నేను" అనే రెండక్షరాలు ! నివు చెప్పిన ఆ కథలు, నా జీవిత దీక్షతలు ! నివు చూపిన ఆ వెలుగు, నా జీవిత వెన్నెలలు ! నివు నేర్పిన ఆ నడకలు, అలుపెరుగని నా పరుగులు ! నివు పెట్టిన తేట తెలుగు, నా నోట ముత్యాల పలుకు ! నాన్న! నాకున్న ఓ తియ్యని వెన్న.. సరిపోదు ఈ జీవితం ప్రేమించాలంటే నీకన్న …. నీ బుజ్జిగాడు , కిరణ్

by Divya Kiran Takshikasri



from kavi sangamam*కవి సంగమం*(Poetry ) http://ift.tt/1lgLdb8

Posted by Katta

Achanta Hymavathy కవిత

! గృహిణీ మానసం -------------------------------- నా మగడు నాకేమొ ప్రత్యేక వ్యక్తి! నా బిడ్డలకతడు ఆప్యాయ శక్తి! అలవాట్లలో అతడు ఆదర్శ మూర్తి, నా వ్యాసంగానికతడు ప్రోత్సాహ స్ఫూర్తి. నా కన్నులకతడు అందాల మూర్తి! నా వెతలకు స్పందించి,తీర్చును ఆర్తి, తాననుసరించుచు సదా చెప్పును సూక్తి. ఒకరిని నొప్పించక, తానొవ్వని యుక్తి! అతడు కార్యాలయమున పొందెను కీర్తి. అతడు విద్యా- బుద్ధు లందు,ఉజ్వలదీప్తి! ఒకరిని ఆశ్రయించక నమ్మును స్వశక్తి- ఏనాడూ దరిజేరనియ్యడు విరక్తి! అనుయాయులకు అతడంటే భక్తి. మితృలకు అతడంటే ప్రేమానురక్తి! ఇతని సాహచర్యం నాకెంతో తృప్తి- ఇతని గురుత్వమున నేను పొందెదను ముక్తి.!!! ---------ఆచంట హైమవతి ఫిబ్రవరి-2012,తెలుగు తేజం-మాసపత్రిక లో ప్రచురితం.

by Achanta Hymavathy



from kavi sangamam*కవి సంగమం*(Poetry ) http://ift.tt/UyZB9L

Posted by Katta

Srinivasa Nyayapati కవిత

" Poems emerge from half-understood facts and hazy overlaps of meaning which are to be discovered in the act of writing them. " This quote by Douglas Dunn influenced me to write a poem (vindu taravaata) long ago, published in AJ weekly, ee vaaram kavita. How many agree this is true?

by Srinivasa Nyayapati



from kavi sangamam*కవి సంగమం*(Poetry ) http://ift.tt/1pRRrUc

Posted by Katta

Ram Naresh కవిత

కురవాలి వర్షపుజల్లు! కావాలి పన్నీటిజల్లు! -రాంనరేష్ 13*6*2014 కురవాలి వర్షపుజల్లు పులకించాలి పుడమిఒళ్ళు తొక్కాలి నదులు పరవళ్ళు నిండాలి ఇచటి సెలయేళ్ళు పెరగాలి ఇలపై పచ్చని పైర్లు కురవాలి రైతింట పన్నీటి జల్లు

by Ram Naresh



from kavi sangamam*కవి సంగమం*(Poetry ) http://ift.tt/1pRRnE7

Posted by Katta

Lanka Kanaka Sudhakar కవిత

గొల్లవాని ముద్దు ---డా.యల్.కె.సుధాకర్ అప్పుడే పుట్టిన గొర్రెపిల్లని-వెచ్చగా కంబళీలోచుట్టబెట్టినట్టు చాచిన చేతుల్తో అతడు నన్ను ప్రేమగా వాటేసుకున్నాడు.. పొంగిపొరలే ఆనందపు కెరెటాలమీద పడవల్లేవూగిపోయాడు.. అతడి కన్నుల్లో ఏ భాషకీ అందని ఆనందవాక్యాల మిలమిల.. చాన్నాళ్ళ తర్వాత ఆప్తుణ్ణి కలుసుకున్నప్పటి ఆనందాన్ని తర్జుమా చేసేభాష పేరేమిటీ?? ఎన్నాళ్ళయ్యింది బాబూ మిమ్మల్ని చూసి!!అన్నాడు ఒకసారి చూడడానికీ మరోసారి కలుసుకోడానికీ మనిషికీమనిషికీ మధ్యనున్న దూరానికి కొలమానమేమిటి? అతడి హృదయపూర్వక పరామర్శకి సమాధానంగా మౌనంగా నవ్వాన్నేను ప్రేమ ప్రవాహానికటూఇటూ గుండెనీ గుండెనీ ముడి వేయడానికి మౌనాన్ని మించిన వారధేముందీ?? అమ్మగారికి దండాలన్నాడు పిల్లలు బావున్నారా ఆంటూ వాకబుచేసాడు.. విస్తరించిన పచిక మైదానాల్లో-సూర్యాస్తమయవేళ చెదిరిపోయిన గొర్రెలన్నీ ఒక చోటికి చేరుకుంటున్నట్టు అతడి మొదటి పరిచయం తాలూకు పాతజ్ఞాపకాలు నన్ను చుట్టుముడుతుండగా ఖచ్చితంగా అతడు మామూలు మనిషి కాదన్న విషయాన్ని- మళ్ళీమరోసారి రుజువు చేయడం కోసం ఆస్తులేమైనా కూడబెట్టారా అని అస్సలడగలేదు డబ్బు సంపాయిస్తున్నారా అని ఆరాలు తీయలేదు ప్రపంచాన్ని ఆశీర్వదించే అపురూపమైన కళ్ళతోచూస్తూ మీరు చల్లగుంటారు బాబూ!!అన్నాడు ఆపుకోలేని ఆప్యాయతతో ఆర్తిగా నా ముంజేతిని ముద్దెట్టుకున్నాడు కృష్ణుణ్ణీ క్రీస్తునీ ముద్దాడిన లౌక్యమెరుగని అమాయకపు పెదాల స్పర్శతో అతడి చేతుల్లో నిజంగానే కొన్ని క్షణాలు నేను గొర్రెపిల్లనై ఒదిగిపోయాను.

by Lanka Kanaka Sudhakar



from kavi sangamam*కవి సంగమం*(Poetry ) http://ift.tt/1pRRnDP

Posted by Katta

Srinivasa Bharadwaj Kishore కవిత

ఇదిఏల స్వామి? రచన - కిభశ్రీ స్వేచ్ఛావృత్త౦ ౼ ఖ౦డనడక కనిపి౦చు ఈజగము సృష్టిచేసిన నీవు కనిపి౦చుచు౦టివని తమఊహల౦దునే కనులకి౦పగు మానవాకృతులసృష్టి౦చు జనులచూచుచునీవునవ్వుచు౦టివ స్వామి? తలక్రి౦దులౌచువెతికేమ౦తనీకొరకు తెలుసుకొమేలప్రతిఅణువునీవు౦టివని నిలువు౦డ మా అ౦తర౦గమ౦దున నీవు వెలుపల౦తయుశోధ వ్యర్థముగదా స్వామి? కనకు౦టె దైవత్వమునుసాటి మానవున కనెదమేవిధిని ప్రత్యక్ష్యమైననునీవు వినలేకపోతె మానవుల ఆక్ర౦దనలు వినగలమె నీవరములనుదీవెనలస్వామి? తెలుసుకొ౦టిమి విశ్వమ౦చె౦త దూరమో తెలయకు౦డెను మనసులోతునేము౦డెనో తెలుసుననుకు౦టాము గ్రహములప్రభావములు తెలుసుకోమేలనో మనమ౦దు భావములు?

by Srinivasa Bharadwaj Kishore



from kavi sangamam*కవి సంగమం*(Poetry ) http://ift.tt/1p0JtqD

Posted by Katta

Kapila Ramkumar కవిత

మాటల మడుగు ||- మెర్సీ మార్గరెట్‌ || 9052809952 ఒకప్పుడు నోటి నిండా మాటలుండేవి మాటలకు మొలకల వేళ్ళుండేవి పచ్చగా మొలకెత్తేందుకు అవి సారవంతమైన నేలలు వెతికేవి ఒకప్పుడు నోటినిండా మాటలుండేవి మాటలన్నీ శిల్పాలుగా మారేందుకు ఒకదాన్నొకటి పెనవేసుకుని, అంటిపెట్టుకుని ఉలి మొన స్పర్శ కోసం సిద్ధమై శిల్పాలవడానికి ఆత్రంగా ఉవ్విల్లూరేవి ఒకప్పుడు నోటినిండా మాటలుండేవి మాటలన్నిటి కాళ్ళకి ఘల్లున మ్రోగే మువ్వలుండేవి మువ్వలన్నీ సంతోషంగా నృత్యం చేస్తూ మాటలకు విలువ పెంచేవి అవును ఒకప్పుడు నోటి నిండా మాటలుండేవి మాటలకు రుచుండేది మసక కన్నుల్ని వెలిగించే నిప్పు రవ్వలుండేవి చెమట చుక్కల్ని కౌగలించుకునే చేతులుండేవి కడుపు నింపే ధాన్యపు గింజల్లా ఉండేవి కాని ఇప్పుడేమయ్యిందో నోటినిండా మాటలున్నాయి మాటలన్నీ గాలికి తేలిపోయే తాలులా వరిపొట్టులా ఉన్నాయి మాటల్ని తోడుకునే నాలుక చివరనుండి గొంతుకపై కొన్ని చేతుల ఉరి కాపలాకాస్తుంది మాటలన్నీ గవ్వలై మట్టి పెళ్లలై కాళ్ళు చేతులు విరిగిన బొమ్మలై నిస్తేజంగా ఉన్నాయి ఇప్పుడూ నోటినిండా మాటలున్నాయి మాటలన్నీ ఆ పహారాకి ఘనీభవించి గడ్డకట్టి మంచు శిలలై , మౌన తపస్సు చేస్తున్నాయి ఎవరైనా సహాయానికి రండి నాతోపాటు ఆ చేతుల్ని నరికి మంటజేసి మాటల్ని కరిగించడానికి మళ్ళీ ఆ మాటల్ని ప్రాణమూర్తుల్ని చేయడానికి http://ift.tt/1hPLtTt

by Kapila Ramkumar



from kavi sangamam*కవి సంగమం*(Poetry ) http://ift.tt/1hPLtTt

Posted by Katta

Kapila Ramkumar కవిత

ఆకలి సెగలో|| - కాశిరాజు|| 9701075118 ఇల్లుమొత్తం నిండుకున్నా లేనితనం ఎప్పుడూ లేదు మాటో, పిలుపో, సర్దుబాటో చేసిపోతావ్‌ అమ్మేమో అప్పైనా తెచ్చివండేస్తది బదులివ్వడం తెలిసిన బతుకుల్లో లేదన్న బాధ తెలీదని అమ్మ కొసరి వడ్డిస్తున్నపుడే తెలుస్తాది. ఆకలిగా ఆవురావురంటూ తిని, కాస్త నిండాక కాళ్ళుసాపుకు తిని అమ్మా నువ్వుకూడా తిను అన్నప్పుడు నాకు నిండిందని నిర్దారించుకున్న మీరిద్దరూ మాకు ఆకలైనపుడు మెతుకుల్లాగా మారిపోయారు బడికెళ్ళలేదేరా అని అడుగుతుంటే బియ్యం లేవన్న సమాధానం అమ్మ సెప్పిందో, నా ఆకలే సెప్పిందో తేలీలేదు ఆ పూట మనం కాలుచుకుతిన్న పచ్చి చిక్కుడుకాయల ముదురు గింజలన్నీ కమ్మదనాన్ని కాదు గాని, అమ్మదనాన్నే తెలిపాయి. ఆ పొయ్యి సెగకి నువ్వు కాస్త నా పక్కకు జరిగాక. నాన్నా! ఆకలితో కాదు మనం, అమ్మతో నిద్దరోయాం. http://ift.tt/1hPIuuk

by Kapila Ramkumar



from kavi sangamam*కవి సంగమం*(Poetry ) http://ift.tt/1hPIuuk

Posted by Katta

Ramachandra Sarma Gundimeda కవిత

సందేహం ఓ అగ్ని గుండంలాంటి మధ్యాహ్నాన్ని దాటుకుంటూ సుడులు తిరుగుతూ వచ్చిన గాలినీ దానితోనే నేనూ అంటూ ఆనందమో విషాదమో తెలియని అవ్యక్త సాయంత్రం వేళ రెండు బొట్లు రాల్చి వెళ్ళింది... చల్లబడిందనుకున్న సాయంసమయం చీకటి మాటుకు జారుకుని రాత్రి జాగారం మిగిల్చి గాఢ నిద్రలోకి జారుకుంది... మండే కళ్ళకు ఉదయాన్నే నిప్పుల కొలిమి ఆహ్వానం పలుకుతోంది... వెళ్ళాలా మానాలా ఒకటే సందేహం ... --గుండిమెడ రామచంద్ర శర్మ 13.6.2014

by Ramachandra Sarma Gundimeda



from kavi sangamam*కవి సంగమం*(Poetry ) http://ift.tt/1mQuvkc

Posted by Katta

Rajeswararao Konda కవిత

మంచిని ప్రేమించు అసూయను ద్వేషించు..!! ద్వేషాన్ని దహించు ద్వేషించేందుకు మాత్రం ప్రేమించకు నేస్తమా..!! @ రాజేష్ @

by Rajeswararao Konda



from kavi sangamam*కవి సంగమం*(Poetry ) http://ift.tt/1pR35yx

Posted by Katta

Hanumantha Reddy Kodidela కవిత

ఒక పదం ఒక పద్యం పద్యం కోసం బిగబట్టిన వూపిరిని ఇకపై వదిలెయ్యనూలేక వుంచుకోలేక రూపొందే పద్యం విప్పుకుంటున్న రెక్కల విసురుకు నిలదొక్కుకోనూ లేక బొమ్మగా మారబోయి, కాలు జారి, మరుపు లోయల్లోనికి పడిపోయి, తిరిగి పైకి పాకే యత్నపు యాతన నేనొక పదాన్ని పద్యం అవుతానెప్పుడో, ఇలాగే కాలి 13-6-2014

by Hanumantha Reddy Kodidela



from kavi sangamam*కవి సంగమం*(Poetry ) http://ift.tt/1oknVJw

Posted by Katta

Chi Chi కవిత

_వనిత_ నువ్విష్టం నువ్వుగావుంటే నిన్నొదలని లోకం నీ చుట్టే కాపు కాస్తావని కాయలిస్తావని చూపునిలిపే చూపు చూస్తావని!! ప్రకృతే నీకు పరిచారికై ప్రస్థానమిచ్చింది పరువాలకు.. ప్రాణాన్ని మరిపించు ప్రణయాలతో మౌనమూ మొహమై మనసు కట్టేసి మాట లేకుండా మాయకొడతావు.. మనువు ముసుగని కూడా తెలుసు నీకు!! ప్రాణం పోస్తావ్ గింజకు తల్లనుకోకు!! గింజలెవరివైనా పూస్తావ్ మానభయం నీకు!! లెక్క తప్పని స్వేచ్చతో గూడెతికి కొలువుకున్నా నిక్కపొడవలేవు నీ మీదకు నిజమొస్తే !! పలాన కాని పడుచుకి ప్రపంచమే చులకన .. పడకేసే పనిలోనే పరిచయాల ప్రకటన!! నాటకమే పతి పత్ని నాటకమే మాతృమూర్తి నాటకమే పడుపు వృత్తి నిజమొకటే నీకు నీవు ఎవరికెవరు ఏమవ్వరు.. నువ్విష్టం నువ్వుగా ఉంటే నీ కష్టం ఉండనివ్వదని తెలుసు నాకు.. నాటకాలు నాకెందుకు నేను ప్రకృతికి పరిచారకున్ని పురుషున్ని!!_____________(13/6/14)

by Chi Chi



from kavi sangamam*కవి సంగమం*(Poetry ) http://ift.tt/1pQTO9K

Posted by Katta

Yessaar Katta కవిత

సురెక || తెలుగు గజల్ -14 .. ఊహల తలయేఱులే మెదిలింది చిన్నెలవాలే అయినా ఊసుల సెలయేఱులే కదిలింది వన్నెలబాలే అయినా. .. సఖునికి తాపమే చెలితలపుల వేడిలో కనుదోయిని తడిపింది వెన్నెలవేళే అయినా. .. చెలికంతా కోపమే పొరిచూపుల వాడిలో సిగమాటుగ ఒదిగింది మల్లెలమాలే అయినా. .. పెదవికి బిగువే చిరుకులుకుల నీడలో మదిగదిలో కురిసింది నవ్వులహేలే అయినా. .. సవ్వడితో సిగ్గులే ఇరుతనువుల క్రీడలో పొదగూటిలో విరిసింది గువ్వలగోలే అయినా. .. సంబరాల జల్లులే సుధచినుకుల తోడులో బాల్యములను కలిపింది గవ్వలజోలే అయినా. .. (తెలుగు గజల్ -14 * 13/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/1v8lWYe

Posted by Katta

Sharada Sivapurapu కవిత

ఏందరో హృదయాలు ద్రవించి కవితలు రాశారు. ఏంత చదివినా, ఇన్ని రోజులు గడుస్తున్నా, మనసుని పూర్తిగా ఆక్రమించి నిద్ర పోనీయని బాధ. ఫొయినోళ్ళు అందరూ తల్లితండ్రులకి మిగిల్చిన జీవితాంతం మానని గాయం. మనసులో బాధ చెప్పుకుంటే పోతుందంటారు. ఆందుకే వారందరి బాధ కొంత పంచుకునే ప్రయత్నం నేను కూడా చేసాను కొంత స్వార్ధంతో. ఎలా చెప్పనురా నువ్విక రావని // శారద శివపురపు మా కొర్కెల అద్దాలలొ మీరేగా ప్రతిబింబాలు మా ప్రతి ర క్తపు బొట్టు మీకొసం మెట్లుగ పరిచి నే పుజించే చదువులతల్లి నిను కరుణించి నన్ను కాకున్నా సిరులతల్లి నిను వరించి ఇంతవరకు నువ్వెక్కిన ఎ త్తులను కిందనుంచి చూ స్తూ , ఇంకెంతో ఎ త్తుకు ఎదగాలని ఆశించి నీ కళ్ళతో నువు చూసే అందాలకి మా మనసులో ఆనందాలు నింపుకుంటూ, క్షణ క్షణం కలతపడె మనసుని ఘడియ ఘడియకి నీతో మాట్లాడి సమాధానపెడుతూ నువు వచ్చిన రోజున నువు దోచుకుని మనసున నింపుకున్న అనందమంతా పంచుకోవాలని ఆశగా ఎదురుచూ స్తున్న మా అందరికీ నిర్లక్ష్యం నిర్దయగా నలిపేసిన పసిమొగ్గలు ఎవరోకాదు, మీరేనని తెలిసిన క్షణాల్లో, మీఅందరి ప్రాణాలు తీసి, మా కనులనుండి కసిగా పరవళ్ళు తొక్కిన బియాస్ నది జలాలు, కరుగలేదు లోన వెన్న అనుకున్న శిలలు, కాదు.... అలలతోకూడి మీ ర క్తం తాగిన రాళ్ళు కబళించే మృత్యువు కదం తొక్కుతూ వ స్తుంటే కాళ్ళు తడుపుకుందామనుకున్నారా , నిండా మునిగిపొతుంటే చేతులు కట్టుకు నిలిచారా మరణంతో పోరాటానికి ముందే సిద్దపడ్డారా ఇంత జరిగినా, ఎంత చూ స్తున్నా, ర క్తం గడ్డకట్టే చల్లని నీటిలో ఎవరికీ లేని జాలి, నాకు మా త్రం ఎందుకని కురు స్తూన్న వర్షంలో నైనా, తిండి లేకున్నా, ఏ చెట్టు కొమ్మనో, ఏ గుండెగల బండరాయినో ఆసరా చేసుకుని నువు నవ్వుతూ తిరిగొ స్తావని నమ్ముతోందిరా .... నీ పిచ్చి తల్లి ఎలా చెప్పనురా, నువ్విక రావని, నా గుండె కొట్టుకోనని మొరాయి స్తూంటే ఎలా చెప్పనురా, పెదవులు మౌనం వహి స్తే ఎలా చెప్పనురా, మనుసు తిరిగబడుతుంటే ఎందుకు నీకీ అన్యాయం జరిగిందని ఏమని అడగనురా, చి త్తు కాయితాలతో నీ జీవితాన్ని వెలక ట్టిన ప్రభుత్వాన్ని? సమాధానం లేదని తెలిసిన ప్రశ్నకు జవాబెవరిని అడగనురా? 13/06/2014

by Sharada Sivapurapu



from kavi sangamam*కవి సంగమం*(Poetry ) http://ift.tt/1pqEN0K

Posted by Katta

Chandrasekhar Vemulapally కవిత

చంద్రశేఖర్ వేములపల్లి || సహజీవన సౌరభం || అదే గీతాన్ని ఏకగళం తో అదే శ్రావ్యతతో గానం చేసి సాధారణ చిరు ప్రక్రియల భాగస్వామ్యం లో సౌకర్యం, ఆత్మానందం పొందగలిగి నాదీ, నాకోసమే ఆమె జనియించిందని అనుకునే....లా ప్రేయసి ఎవరైనా తారసపడాలని .... సుప్రభాత వేళ తన తీపి నవ్వుల పరిమళంతో నా ఉదయాన్ని చైతన్యం ప్రకాశవంతం చేసి తన మృదువాక్కుల, సున్నిత నయనాల పలుకరింపులతో నన్ను అభినందించి మరింత చేరువై ఆత్మాలింగనము చేసుకునే ఒక సహచరి ఎవరైనా రెండు గోడల ఇరుకు ఆలోచనల మధ్య రెండు శరీరాల సంబాషణ లా కాక అమ్మలక్కలు, మంద మారుతాల గుసగుసలు కలిసి, కలిపిన ఇరు హృదయ సంగమం లా బాధలు కష్టాలు కన్నీళ్ళలో తోడై ఉండే మానసి లా నా ఒంటరి హృదయం మౌనం ని భగ్నం చేసి చేరువై మమైకమై ఏ సహృదయం అయినా తన సంగమం తో .... తీపి అభిరుచి, సౌకర్యం ఒద్దిక కూర్చి నా ఆత్మ స్పందనలు కన్నీళ్ళు కష్టం నిశ్శబ్దం కలిసి పంచుకునేందుకు సమ భాగస్వామై ఎవరైనా పైకి కనిపించని తొందరపాటు గాయాలు మచ్చలు అవలక్షణాలు .... నా ఆత్మ అంతరంగం ను తట్టి మరొక ఆత్మ లా చేరువై సహృద్భావం తో బిడియపడక, అసహ్యించుకోక, అవకాశం అదృష్టం లా జీవితాన్ని మార్చుకుని సంభరపడిపోయే తోడు ఆ తోడు, ఆ లక్షణాలు .... ఆమె లో కనిపించాయి. ఎంత అదృష్టం అనే భావన కలిగి ఆమె సాన్నిహిత్యం అనుభూతి, స్వర్గం అనిపించే ఈ సంభరాల స్వాగత తోరణాలు .... ఆమె కోసం ఎర్రతివాచీ పరచి నా కలల హర్మ్యం ముంగిట్లో నిలబడి ఎదురుచూస్తూ .... నేను 13JUN2014

by Chandrasekhar Vemulapally



from kavi sangamam*కవి సంగమం*(Poetry ) http://ift.tt/1ku42HA

Posted by Katta

Sky Baaba కవిత

రెహాల్ ``````` కన్నీటి దారాల్తో జీవన వస్త్రానికి మాసికలేస్తూ తరాల చీకటి కమ్మేసిన గోషా లో పాలిపోయిన చంద్రశిలా దేహంతో అనుక్షణం 'బిస్మిల్లా ఇర్రహ్మాన్ నిర్రహీమ్' అనే కదులుతుంది అమ్మీజాన్ మొహంపై వేలాడుతున్న నైరాశ్యాన్ని 'వజూ' నీళ్ళతో పుక్కిలించి తలనిండా చిరుగుల 'దుపట్టా' కప్పుకొని నమాజ్ చదువుతున్నపుడు... మెరుపు వెలిసిన అమ్మీ దోసిలిలో రాలిన కన్నీటి తడిపై ఏ దేవుడూ సాక్షాత్కరించడు ఒక అపనమ్మకాల బొమికల గూడు ప్రతిబింబిస్తుంది అస్తమయం వైపుకు మోకరిల్లి ప్రార్ధిస్తూ మా జిందగీల్లో సుర్యోదయమౌతున్దనుకుంటుంది అమ్మీ మాకోసం 'దువా' చేసి చేసి అమ్మీ గొంతు తడారిపోతుందే తప్ప... ముందు కూర్చున్న నీడ విస్తరించి కటిక రాత్రై పరచుకుంటుందే తప్ప... ....... ......... ......... ......... .......! 'తల్లి పాదాల వద్ద స్వర్గం ఉందంటారు' మా అమ్మీ పాదాలకై వంగిన ప్రతిసారీ చెమరిన నా చూపు ఆమె పాదాల పగుళ్ళలో చిక్కుకుని గిలగిలలాడుతుంది అబ్బాజాన్ అసహాయత చెల్లిని ఎవడికో రెండో పెళ్ళాంగా అంటగడితే ఆ చిట్టితల్లి కళ్ళల్లో ఉబికిన కన్నీళ్ళ మీద వణికే దృశ్యమై తల్లడిల్లుతుంది అమ్మే కాన్వెంట్ కు బదులు కార్ఖానా కెళ్ళే తమ్ముడు సాయంత్రానికి కమిలిన దేహంతో అల్లుకుపోతే పగిలిన లేత స్వప్నం గుచ్చుకొని విలవిల్లాడేదీ అమ్మే కడుపులో మా భారాన్ని మోసి కష్టాల మా బాధ్యతలు మోసి కళ్ళ గుమ్మానికి కట్టిన పరదాల వెనక ప్రాతివత్యాన్ని మోసి తన కనుబొమ్మల నెలవంకల మీద చీకటి రాశుల్ని మోస్తున్న అమ్మ చివరకు ఖురాన్ ను మోసే 'రెహాల్' మిగిలిపోవలసిందేనా ? (రెహాల్ : వ్యాస పీఠం)

by Sky Baaba



from kavi sangamam*కవి సంగమం*(Poetry ) http://ift.tt/1v8dQPi

Posted by Katta

Garige Rajesh కవిత

కృతజ్ఞున్ని... ఈ ప్రపంచానికి క్రీ.పూ. క్రీ.శ. అని కాల విభజన ఉన్నట్టు నా ప్రపంచానికి నువ్వు దూరం కాక ముందు దూరం అయిన తర్వాత అనే కాల విభజన ఉంది కలతలతో కన్నీళ్ళతో నీరాకకై వేచేవాన్ని ఆశలతో అడుగులేస్తూ నీకోసమే నడిచేవాన్ని వసంతాలు, వర్షాలు పడేవి నా మనుసులో పూబంతులు, పచ్చని పసరికలు కురిసేవి నా కన్నుల్లో అనురాగాల ఓనమాలు దిద్దా నీ చూపులో ఆప్యాయతల తొలి అడుగులు వేసా నీ చేరువలో కాలమంతా కవిత్వమయం దూరమంతా చిరునవ్వుల సౌధం ధనం పోని, దారిద్ర్యం రాని నాకు నువ్వునావనుకున్నా ప్రాణంపోని చావు రాని నీతో కలిసున్నాననుకున్నా ఆనందాల రాశులు పోసావు నా గుండెల్లో సంతోషాల నాటు వేసావు నా బతుకులో అంతలోనే ఏమయ్యింది నా మనుసుకి సమయం భారమెందుకయ్యింది నా వయసుకి నాలో నేనే నిన్ను తలిచాను నీకన్న మిన్నగా నిన్ను వలిచాను మేఘం పగిలినట్టు అనంతాల వేదన నింపుకున్ననేను ఒక్కసారిగా పగిలిపోయాను కన్నీరునై మంచు కరిగినట్టు యుగాల బాధను నిలుపుకున్న నేను కరిగిపోయాను నిరాశనై ఏమయ్యిందంటావా? నువ్వు నా నువ్వు నన్ను వదిలావు కదా! నన్ను వీడావు కదా! అవునులే నువ్వు నేను ప్రేమించుకుంటే వదిలినట్టు నువ్వు నన్ను వీడినట్టు నేను మాత్రమే ప్రేమిస్తే నీ తప్పెలా అవుతుంది నువ్వు అందుతావనే విరహంలో ఉన్నప్పుడు నేను అక్షరాన్ని నువ్వందకుండా చేజారినప్పుడు నేను అశ్రువుని ఆశ చచ్చింది కాని ప్రేమెందుకు చావడం లేదో? దూరం పెరిగింది కాని బాధెందుకు తరగడం లేదో? ఇంతగా చెరగని పేరుగా నిన్నెందుకు రాసుకున్నానో? ఇంతగా మరుపురాని వలపుగా నిన్నెందుకు మలుచుకున్నానో? గాలి రాగానే చెట్టు కదిలినట్టు నీ తలపుకి నా కన్నులు పూలు రాలుచుతున్నాయి మరిచిపోవాలి మరిచిపోవాలి అని అనుకుంటే దేవుడు మరిచిపోయే శక్తిస్తే ఎంతబాగుండు ఇప్పటివరకు నిన్నే మరిచిపోయే వాన్ని నీ జ్ఞాపకాగ్నులలో నా శాంతిని కాల్చుకునే వాన్ని కాదు కదా! నాతో నీ ప్రయాణం నీతో నా చలనం ఇంకెన్నినాళ్ళో చూద్దాం ఏది ఏమైన నీకు కృతజ్ఞున్ని చచ్చేంత బాధలో కూడా నవ్వడం నేర్పినందుకు ఎదుటివాళ్ళు ద్వేషించినా ప్రేమను పంచడం నేర్పినందుకు

by Garige Rajesh



from kavi sangamam*కవి సంగమం*(Poetry ) http://ift.tt/1oVHndt

Posted by Katta

Jaya Reddy Boda కవిత

// జయ రెడ్డి బోడ // ఇంక సెలవ్ // ఓ తండ్రీ ఓ తల్లీ మమ్ము క్షమించు! విహార యాత్ర మాకు విజ్ఞ్యానమవుతుందని తీసుకునే చిత్రాలు మా బ్రతుకు దొంతరల్లో తీపి జ్ఞ్యాపకాలై మిగలాలని వెల్లామే కానీ ఇలా ఆ నీటి ప్రవాహమే మీ కన్నీరై మిగులుతుందని మేము ఊహించనేలేదు మేధావులమై మీ మది ఆనందంతో వెలిగించాల్సిన మేము అనుకోకుండానే ... భగవత్ శక్తికి లొంగి మా రూపాన్ని కోల్పోయి ప్రకృతిలో సేద దీరటానికి కనుమరుగయి పోయాం వద్దు ఏడవకండేడవకండి నా ప్రియ మాత పితా గురువులారా మళ్లీ వస్తాం ఎవరెస్ట్ ను అధిరోహించిన ఒక చెల్లి రూపులో ఒక తమ్ముని ఆకారంలో యువ శక్తులమై .... అచిరకాల మా ఆత్మ బంధువులైన మా ప్రియ మిత్రుల రూపంలో మీ చుట్టూ తిరుగాడుతూనే ఉంటాం మీ కడుపు తీపి చిరుగాలులమై మీ యెద తాకుతూనే ఉంటాం... ఇంక సెలవ్ (13-06-2014..ఎదిగొచ్చిన పిల్లలు విహార యాత్రలో విషాదమై మిగిలిన ఆ తల్లి దండ్రులకు కాస్తైనా ఓదార్పు కలగాలని.. ఆ ఆత్మలకు శాంతి కలగాలాని నివాళులు )

by Jaya Reddy Boda



from kavi sangamam*కవి సంగమం*(Poetry ) http://ift.tt/TQLUSW

Posted by Katta

Ramasastry Venkata Sankisa కవిత

by Ramasastry Venkata Sankisa



from kavi sangamam*కవి సంగమం*(Poetry ) http://ift.tt/1mPn1xN

Posted by Katta

Ram Naresh కవిత

మనవిద్యాసంవత్సర తీరు ంరాంనరేష్ ం జూన్ వచ్చిందంటేబడికెళ్ళే హుషారు జూలైవచ్చిందంటే కొత్తపాఠాల జోరు ఆగస్ట్ వచ్చిందంటే వర్షాలతో బోరు సెప్టెంబరైతే సెలవులకై వేచిచూడు అక్టోబరైతే దసరాసెలవులజోరు నవంబర్ లో మళ్ళీ పాఠాలతోపోరు డిసెంబర్ లో షాణ్మాసికపరీక్షలకు తయారు జనవరిలో సంక్రాంతి సెలవులతో హుషారు ఫిబ్రవరిలో వార్షికపరీక్షలకు ప్రిపేరు మార్చిలో పునశ్చరణల జోరు ఏప్రిల్ లో పరీక్షల హోరు మేలో ప్రవేశపరీక్షల జోరు ఇదండీ మన విద్యాసంవత్సర హోరు

by Ram Naresh



from kavi sangamam*కవి సంగమం*(Poetry ) http://ift.tt/1v7wG9q

Posted by Katta

Jagadish Yamijala కవిత

చెట్టు పిల్లలు -------------------------- ఈ చెట్టు ఆకులు ఏ ఇంటి వాకిట్లోనూ తోరణాలు కాకుండా ఉండుగాక చిలకల్లారా లోపలి నుంచే తొలుచుకోచ్చే భ్రమరాల్లారా ఈ పండ్లను ఇప్పుడేమీ చెయ్యకండి.... ఈ మామిడి చెట్టులాగానే ఎదిగారు ఆ ఇద్దరు చిన్నారులు ఆకులను చించేసి మొగ్గలను చిదిమేసి దాని కొమ్మలలో ఉరి తీసి వేలాడేసే వరకు కాస్తంత పక్కకుజరిగి వినోదం చూడండి ఈ చెట్టు నీడ జాతుల రక్తం హింసాయుత శోకం ఆ చిన్నారి వెంట్రుకలను గోళ్ళను వారి వారి దుస్తులలో ఈ చెట్టులోనే ఉండనిచ్చి ప్రకృతికి ఓ విజ్ఞప్తి చేస్తాను ఈ చెట్టు కొండను చీల్చి ఆకాశమంత ఎత్తు ఎదగాలి ఒక వనదేవతలా..... ముఖం ఎర్రబడి జుత్తు చెదరి శాఖలైన గోళ్ళు పెరిగి చేయాలి నృత్యం --------------------------- తమిళంలో కవి పళనిభారతి అనుసృజన - యామిజాల జగదీశ్ 13.6.14 --------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1v7wG9k

Posted by Katta

John Hyde Kanumuri కవిత

ఆ రాత్రి - ||జాన్ హైడ్ కనుమూరి|| గజల్ కలలోనైనా మెలకువనైనా గుర్తుండేదీ ఆ రాత్రి నీతో నడచీ అలుపును మరచీ సాగినదీ ఆ రాత్రి నిన్ను నన్నూ కలినదెవరో తెలిసేలోగా కాలం పరిచిన తిన్నెలపై వెన్నెల పరచినదీ ఆ రాత్రి నిట్టూర్పు సెగలతో క్షణాలు యుగాలుగా నీకై వేచివున్న మదిగదిని రెప్పవేయనిదీ ఆ రాత్రి శిశిరానికి ఆకురాలిన కొమ్మను నేనై పొటమరింతల చిగురుకై ప్రసవవేదనైనదీ ఆ రాత్రి హోరు గాలిలోచిక్కి ఒంటరైన పక్షికి దిగులుగా గుబులు గుబులుగా గడచినదీ ఆ రాత్రి కలలుకన్న తనువున నిదురనే తరిమి వేలవేల వీణెలు మీటిన సంగీతమైనదీ ఆ రాత్రి ఎదురెదురు రేవులలో కలవలేని కనులుగా దరి చేరని నది అలలపై ఊగి ఊగి సాగినదీ ఆ రాత్రి అప్పగింతల పర్వమే తెగిన శాశ్వత బంధంగా తలచి తలచి వర్షించే కనులతో తడిసినదీ ఆ రాత్రి నెలరాజునిండిన తోటలో రేయంతా పాటగా కూ'జాను'వొంపిన గజళ్ళతో కడుపు నిండినదీ ఆ రాత్రి ---------------------------------- May 14th, - June 12th 2014

by John Hyde Kanumuri



from kavi sangamam*కవి సంగమం*(Poetry ) http://ift.tt/1v6YbQn

Posted by Katta

Nvn Chary కవిత

పాపం పసివారు (హిమచల్ ప్రదేశ్ లోని బియాస్ నదిలో కొట్టుకుపోయిన విద్యార్థులకు నివాళితో ) - డా.ఎన్.వి.ఎన్.చారి.వరంగల్ 9866610429 నది నాగరికతకు చిహ్నమన్నారు జీవనాధారమన్నారు ఓ నదీ నీవది మరిచావ్ బియాస్ ఇందర్ని కలాస్ చేసావ్ కాపాడేవాడే పాడె కట్టినట్లు ఇంజనీరింగ్ లోనే యువ ఇంజన్లు మాయమయ్యా య్ ఆశా కిరణాలు ఆరిపోయాయ్ వికసించే మొగ్గలు అంతలోనే వాడిపోయాయ్ జలప్రవాహ వేగానికి ఆగమయ్యాయ్ కన్నవారి కన్నులను గంగమ్మను చేసాయ్ అసమర్థ పాలనా వ్యవస్థకు బలయ్యాయ్ ఇసుక మాఫియాల దురాగతాల సాక్షిగా ఇరువది ఐదు ప్రాణాలు హారీ అన్నాయ్ జవాబు లేని ప్రశ్నలు మిగిల్చాయ్ ఓడింది వారు కాదు అస్తవ్యస్థ వ్యవస్థ

by Nvn Chary



from kavi sangamam*కవి సంగమం*(Poetry ) http://ift.tt/1lluI2a

Posted by Katta

Si Ra కవిత

Si Ra// సర్రియల్ కవిత // 13-6-14 ఆ రోజు ఒక కవిత నన్ను రాసింది పగలు, నాలో నిద్రలేచి ఒల్లువిరుస్తూ ఆవులించింది. కల్ల-అద్దాలు, కల్లని వేసుకున్నాయ్. నన్ను, కిటికీ తెరిచింది, ఆకాశం, పక్షి కంటిలో రెక్కలు కొట్టింది. మెల్లగా వెలుతురుని పరుచుకుంటు, చుట్టూ ఉన్న ద్రుష్యాలు నన్ను చూస్తూ నిలిచిపొయ్యాయి. గోడ మీద తగిలించిన గడియారం నా కంటిని పదే పదే చూస్తోంది. కాఫీ నన్ను వూపుకుంటూ తాగింది. ఏదో చెప్పుడు చేస్తొంది అని చూస్తే ఖాలి రోడ్డుపై రాలిన ఆకులని ఊడుస్తూ గాలి. ఒక మూలనుండి మియావ్ అనే శబ్దం పిల్లి లా నిశబ్దంగా తొంగి చూసింది. తడిగా ఉంది ఆకాశం; రాత్రంతా భూమి, ఆకాశం పై వాన కురిపించింది. ఆ రోజు పాంటు నా కాల్లని, షర్టు నా నలిగిపోయిన శరీరాన్ని ధరించాయి. అద్దం నన్ను చూస్తూ తల దువ్వుకుంది. జోబీలో శూన్యం గలగల మంటూ మోగింది. నా నీడ కదిలినట్లు నేను కదులుతున్నానో నేను కదులుతున్నప్పుడు నా నీడ కదులుతొందో అని ఆలోచనలో పడిపొయిన నన్ను ఒక కవిత రాసింది.

by Si Ra



from kavi sangamam*కవి సంగమం*(Poetry ) http://ift.tt/1lelIHl

Posted by Katta

Abd Wahed కవిత

శుక్రవారం కాస్త ఆలస్యంగా రాకూడదు. మరీ కొంపలంటుకున్నట్లు ఇలా పరుగెత్తుకు రావాలా? కవిసంగమంలో గాలిబ్ గురించి ఈ సారి ఏం రాయాలన్నది తేల్చుకోకముందే వచ్చేసింది. ఇక తప్పదు కాబట్టి గత వారం మొదలుపెట్టిన గజల్ లోని మిగిలిన షేర్లు ఇప్పుడు చూద్దాం.. గతవారం గాలిబ్ సంకలనంలోని 18వ గజల్ షేర్లు కొన్ని చూశాం. ఈ వారం ఇదే గజల్ లోని ప్రారంభ షేర్లు చూద్దాం. నేను గజల్ షేర్లను గాలిబ్ ఇచ్చిన క్రమంలో కాకుండా నాకు వివరణ రాయడానికి అనువుగా ఉండే క్రమంలో రాస్తున్నాను. గజల్ లో షేర్లను ఇలా క్రమం మార్చడం వల్ల పెద్ద ఇబ్బంది ఏమీ ఉండదు. ఎందుకంటే ప్రతి షేర్ దేనికదే స్వతంత్రంగా ఉంటుంది కాబట్టి. ఇప్పుడు గాలిబ్ సంకలనం 18వ గజల్ మత్లా చూద్దాం. మత్లా అంటే మొదటి షేర్, రెండు పాదాల్లోను రదీఫ్, ఖాఫియాలుంటాయి. షబ్, ఖుమారె షౌఖే సాకీ రస్తఖీజ్ అందాజ్ థా తా ముహీతె బాదా సూరతె ఖాన యే ఖమియాజా థా రాత్రి నిషా కొరకు నిరీక్షణ ప్రళయంలా గడిచింది మద్యపాత్ర అంచు ఒళ్ళువిరుచుకుంటున్న పానశాలయ్యింది తెలుగు అనువాదం అసలు కవితకు ఆమడదూరంలో ఉందని ఖచ్చితంగా చెప్పవచ్చు. వివరణ ఇచ్చే ముందు ఉర్దూ పదాలకు అర్ధాలు చూద్దాం. షబ్ అంటే రాత్రి. ఖుమార్ అంటే మత్తు లేదా హాంగోవర్. సాకీ అంటే మద్యం పోసే వ్యక్తి. షౌకె సాకీ అంటే సాకీ కోసం నిరీక్షణ. సాకీ మద్యం పోయకుండా ఎవరికి వారు పాత్రల్లో మద్యం పోసుకోవడం మర్యాద కాదు. అలా ఎవరూ మద్యం తమ పాత్రల్లో పోసుకోవడం జరగదు. కాబట్టి సాకీ రాకపోతే నిరీక్షణ తప్పదు. రస్తఖీజ్ అంటే ప్రళయం. అందాజ్ అంటే పోలిక, అలా ఉందని చెప్పడం. రస్తఖీజ్ అందాజ్ అంటే ప్రళయాన్ని పోలి ఉండడం. ముహీత్ అంటే పరిధి. మద్యపాత్రలో మద్యం నింపే గరిష్ట పరిధి సూచించే గీత అనవచ్చు. బాదా అంటే మద్యం. ముహీతె బాదా అంటే మద్యపాత్రపై మద్యం నింపడానికి సూచనగా ఉన్న గీత. సూరత్ అంటే పోలిక, అలా ఉందని చెప్పడం. ఖానా అంటే గృహం. ఖమియాజా అంటే ఒళ్ళువిరుచుకోవడం. బద్దకంగా మసలడం. ఇప్పుడు ఈ కవిత భావం చూద్దాం. మద్యశాలలో మద్యప్రియులు గత రాత్రి సాకీ కోసం ఎదురుచూస్తున్నారు. సాకీ వచ్చి మద్యం పాత్రల్లో నింపాలి. వారిలో హాంగోవర్ పోవాలంటే కొత్తమద్యం కావాలి. కాని సాకీ రావడం ఆలస్యమవుతోంది. సాకీ కోసం తీవ్రమైన నిరీక్షణ ప్రళయాన్ని గుర్తుకు తెస్తోంది. సాకీ రాకపోవడం వల్ల ఎంతగా నిరుత్సాహం, నిస్తేజం అలుముకున్నాయంటే బద్దకంగా మద్యశాలలోని మద్యం కూడా ఒళ్ళు విరుచుకుంటుంది. మద్యపాత్రలో మద్యం నింపే గరిష్ఠ పరిధిని సూచించే గీతలను దాటుకుంటూ ఒళ్ళు విరుచుకుంటుంది. మొత్తం మద్యశాల బద్దకంగా ఆవులిస్తూ ఒళ్ళు విరుచుకుంటున్నట్లే ఉంది. ఈ మద్యశాలల నియమం కాస్త గమనించాలి. ఇక్కడ సాకీ వచ్చి మద్యం పోయకపోతే ఎవరు తాగడానికి వీలు లేదు. అలా ఎవరికి వారు మద్యం పోసుకుని తాగడం మర్యాద కాదు. సాకీ రాకపోతే వచ్చే వరకు వేచి ఉండాల్సిందే. మద్యశాలలో మద్యం సీసాల్లోను, డ్రమ్ముల్లోను కావలసినంత ఉన్నప్పటికీ తాగడానికి లేదు. ఇంతకు ముందు తాగిన మద్యం మత్తు (హాంగోవర్, ఖుమార్) దిగని వారికి కొత్త మద్యం తాగడమే విరుగుడు. కాని సాకీ రాకపోతే వారు మద్యపాత్రను ముట్టుకోలేరు. ఇదేదో మద్యప్రియుల వ్యవహారంలా కనబడుతుంది. కాని నిజానికి ఈ కవితలో కొన్ని లోతయిన భావాలున్నాయి. మన చుట్టు మనల్ని ఆకట్టుకునే, ఆకర్షించే, చేతికి దొరికితే బాగుండుననిపించే అనేక విషయాలుండవచ్చు. కాని మద్యశాలలో సాకీ మద్యం పోయకుండా తాగడం ఎలా సాధ్యం కాదో, అదేవిధంగా లోకంలో దేవుడు కరుణించి ఇవ్వకుండా ఏదీ మనకు లభించదు. అన్నీ అందుబాటులో ఉన్నట్లే కనబడతాయి, కాని చేతికి దక్కవు. మద్యశాలలో సాకీ వచ్చేవరకు నిరీక్షించడం ఎలా తప్పదో, అదేవిధంగా దేవుడు కరుణించేవరకు నిరీక్షించడం కూడా తప్పదు. ఈ లోగా ఈ నిరీక్షణ మనకు కష్టం కావచ్చు. బోరుగా మారవచ్చు. పై కవితలో మద్యశాల బద్దకంగా ఒళ్ళువిరుచుకుంటూ ఆవులిస్తుందన్నాడు గాలిబ్. నిజానికి ఆయన దృష్టిలో యావత్తు ప్రపంచం బద్దకంగా ఆవులిస్తూ దేవుడెప్పుడు కరుణిస్తాడా అని ఎదురుచూస్తోంది. ప్రతి మనిషి తనపై దేవుడి కరుణ ఎప్పుడు ప్రసరిస్తుందా అని చూస్తున్నాడు. ఫక్తు తాగుబోతు కవితలా కనిపించే షేర్ ద్వారా లోతయిన సూఫీ భావాన్ని పలికించడం గాలిబ్ కి మాత్రమే సాధ్యం. తర్వాతి కవిత గాలిబ్ సంకలనంలోని 18వ గజల్ 2వ షేర్ ఏక్ ఖదమ్ వహషత్ సే, దర్సె దఫ్తరె ఇమ్ కాం ఖులా జాదా, అజ్ జాయె దో ఆలమ్ దష్త్ కా, షీరాజా థా ఒక్కడుగు పిచ్చిగా వేస్తే, అవకాశాల తలుపులు తెరుచుకున్నాయి రెండు ఎడారిలోకాల పుస్తకపుటలను కలిపి కుట్టిన దారం దారులు తెరుచుకున్నాయి ఉర్దూ పదాలకు అర్ధాలు చూద్దాం. ఏక్ ఖదమ్ అంటే ఒక్క అడుగు. ఒక చిన్న అడుగు అని కూడా చెప్పుకోవచ్చు. వహషత్ అంటే పిచ్చి, ఉన్మాదం. దర్స్ అంటే పాఠం. దఫ్తర్ అంటే కార్యాలయం. ఇమ్కాం అంటే possibility. దఫ్తరె ఇమ్కాం అంటే అవకాశాల నిలయం అని చెప్పుకోవచ్చు. జాదా అంటే దారి. అజ్ జా అంటే విడిభాగాలు, ముక్కలు, అవయవాలు వగైరా అర్ధాలున్నాయి. దో ఆలమ్ అంటే రెండు ప్రపంచాలు. మనం నివసిస్తుంది ఇహలోకం. ఇది ఒక ప్రపంచం. ఇక్కడి దేవుడు మనిషిని పరీక్షించడానికి పంపించాడు. ఈ పరీక్షా కాలం ముగియగానే మనిషి మరణిస్తాడు. మరణించిన తర్వాత మనిషి పరలోకంలో ప్రవేశిస్తాడు. అది రెండవ ప్రపంచం. మనిషి మంచి పనులు చేస్తే పరలోకంలో స్వర్గం, చెడు పనులు చేస్తే నరకం లభిస్తాయి. ఈ రెండు ప్రపంచాలనే దో ఆలమ్ అంటూ గాలిబ్ సూచించాడు. దష్త్ అంటే ఎడారి. దో ఆలమె దష్త్ అంటే రెండు ఎడారి ప్రపంచాలు. రెండు ప్రపంచాలలోను బీడుబడిన ఎండిపోయిన ఎడారులు తప్ప మరేమీ లేవట. షీరాజా అంటే విడిభాగాలను లేదా పుస్తకంలోని పుటలను కలిపి కుట్టే దారం. ఈ కవితలో భావం చూద్దాం. ప్రపంచాన్ని మార్చిన చాలా మంది మేధావులను ప్రపంచం పిచ్చివారిలా చూసింది. సాధారణ ప్రజల మాదిరిగా కాకుండా డిఫరెంట్గా ఆలోచించేవారిని పిచ్చివారిగానే చూస్తారు. అలా పిచ్చిగా వేసిన అడుగులే కొత్త మార్గాలను తెరుస్తాయి. గాలిబ్ అలాగే ఒక పిచ్చి పని చేసాడు. ఆ వెంటనే ఆయన ముందు అనేక విషయాలు, అవకాశాల తలుపులు తెరుచుకున్నాయి. కొత్త పాఠాలు నేర్చుకున్నాడు. ఆయన అడుగుపెట్టిన మార్గం ఎలా ఉందంటే, రెండు ప్రపంచాల పుస్తకం పుటలను కలిపి కుట్టిన దారంలా ఉంది. ఆ రెండు ప్రపంచాలు ఎడారి ప్రపంచాలే. అసాధారణమైన నిర్ణయాలు, ప్రజలకు పిచ్చిగా కనిపించే పనులు చేయగలిగితేనే వాస్తవాలు, నిజాలు తెలుస్తాయంటున్నాడు. గాలిబ్ ఉపయోగించిన ఎడారి అన్న పదం కూడా గమనించదగ్గది. పిచ్చిగా చేసే పనుల వల్ల ఎడారి లాంటి కష్టాలు కూడా తప్పవన్న సూచన ఈ పదం వాడడం వెనుక ఉంది. కాని రెండు లోకాల వాస్తవాలు తెలుసుకోవాలంటే కొన్ని పిచ్చి పనులు చేయాల్సిందే. తర్వాతి కవిత గాలిబ్ సంకలనం 18వ గజల్ 3వ షేర్ మానా, వహషతె ఖరామిహాయే లైలా, కౌన్ హై ఖానాయే మజ్నూనె సహ్రాగర్ద్ బే దర్వాజా థా లైలా పిచ్చి అడుగుల మందగమనాన్ని ఆపిందెవరు? ఎడారిసంచారి మజ్నూ ఇంటికి తలుపులు లేవుగా ఉర్దూ పదాలకు అర్ధాలు చూద్దాం. మానా అంటే ఇక్కడ అర్ధం నివారించేవాడు, అడ్డుకునేవాడు, వారించేవాడు అని చెప్పాలి. వహషత్ అంటే పిచ్చి. ఖరామీ అంటే మందగమనం, ఉబుసుపోక చేసే పచార్లు, వహషతె ఖరామీ అంటే ఏదీ తోచక తిరగడం. ఇక్కడ ఖరామీహాయే అని బహువచనంలో ఉపయోగించాడు ఇదే పదాన్ని. ఖానా అంటే ఇల్లు. మజ్నూ అంటే లైలా మజ్నూ ప్రేమ కథలో నాయకుడు. లైలా అంటే అదే ప్రేమకథలో నాయిక. నిజానికి మజ్నూ అసలు పేరు ఖైస్. కాని ప్రేమలో పిచ్చివాడైన అతడిని ప్రజలు మజ్నూ అనేవారు. మజ్నూ అంటే పిచ్చివాడని అర్ధం. లైలా కూడా అసలు పేరు కాదు. లైలా అంటే రాత్రి అని అర్ధం. నల్లని అని కూడా భావం. లైలా కళ్ళు, కురులు చిమ్మచీకటిలా నల్లగా ఉండేవట అందుకే ఆమెను లైలా అనేవారు. అమె అసలు పేరు అమీరియా. సహ్రాన్ గర్ద్ అంటే ఎడారిలో సంచరించేవాడు. ఖానా అంటే ఇల్లు. దర్వాజా అంటే తలుపు కవిత భావాన్ని చూద్దాం. మజ్నూ ఇంటికి తలుపులే లేవు. ఎడారిలో నివసించేవాడు. ఎడారిలోనే తిరగడం అక్కడే పడి ఉండడం కాబట్టి ఎడారే ఇల్లు. ఆ ఇంటికి తలుపులెక్కడ? అలాంటప్పుడు, మజ్నూను గాఢంగా ప్రేమించిన లైలా, మజ్నూను కలవాలని పరితపించిన లైలా అక్కడికి వెళ్ళకుండా ఆపిందెవరు? తలుపుల్లేని ఇంటిలోకి ప్రవేశించకుండా ఆమెను అడ్డుకున్నదెవరని ప్రశ్నిస్తున్నాడు. గాలిబ్ ఈ కవితలో సహ్రాన్ గర్ద్ అని మజ్నూను పిలవడం ద్వారా మజ్నూ నివాసం ఎడారి అని సూచించాడు. లైలా చాలా సార్లు ఒంటెపై మజ్నూను కలవడానికి బయలుదేరింది. కాని ఆమె ఒంటెను నడిపిన వ్యక్తి ఈ విషయాన్ని ముందే ఆమె తండ్రికి చెప్పడం వల్ల ఆమె ప్రియుడిని కలవలేకపోయింది. ఈ నమ్మకద్రోహాన్ని గాలిబ్ కవితలో పేర్కొన్నాడు. ఈ కథను సూచించడం ద్వరా గాలిబ్ కేవలం లైలా మజ్నూ ప్రేమకథను మనకు చెప్పడం లేదు. నమ్మిన వారే మోసాలకు పాల్పడతారని హెచ్చరిస్తూన్నాడు. లైలా తాను మజ్నూను కలవడానికి బయలుదేరినప్పటికీ ఆ విషయం బయటకు పొక్కుతుందని అప్రతిష్ఠకు భయపడి వెనక్కి మళ్ళింది. నిజానికి ఆమెను ఆపినవారెవ్వరు? ఆమె స్వయంగా వెనక్కి మళ్ళేలా చేసింది ఆమెలోని ఆలోచనలే. ఇది ఈ వారం గాలిబానా. వచ్చేవారం మరిన్ని కవితలతో మళ్ళీ కలుద్దాం. అంతవరకు సెలవు. అస్సలాము అలైకుమ్.

by Abd Wahed



from kavi sangamam*కవి సంగమం*(Poetry ) http://ift.tt/TP3qH9

Posted by Katta

Pardhasaradhi Vutukuru కవిత

ఈ సృష్టి లో దేవుడు ఉన్నాడో లేడో తెలియదు అమ్మ లేదు అన్నవాడు ఎవరు వుండరు మనం ఎలా వున్నా మనల్ని ప్రేమించేది అమ్మ మన కోసమే నిరంతరం తలచుకునేది అమ్మ తనకు లేకపోయినా నీళ్ళు తాగి నీకు పాలు ఇస్తుంది ఈ ప్రపంచం లోకి రాక ముందే నిన్ను ప్రేమించేది అమ్మ నీ నడక కోసం , నవ్వు కోసం , పిలుపు కోసం ఆత్రుత పడేది అమ్మ తనకు బాగోలేక పోయిన నీకు కొద్దిగా బాధ అనిపిస్తే విలవిల లాడి అన్నాహారములు మానేసేది అమ్మ పెరిగి పెద్ద అయి నీకు బరువు అనిపించినా నీ ఇంట్లో పనిచేస్తూ నిన్ను చూస్తూ సంతోషించేది అమ్మ ఈ అమ్మ ప్రేమ కోసం దేవుడు కూడా మనిషి జన్మ ఎత్తాడట అమ్మ ప్రేమ నోచుకోని వారి వేదన చెప్పతరం కాదు సోదర !!పార్ధ !!

by Pardhasaradhi Vutukuru



from kavi sangamam*కవి సంగమం*(Poetry ) http://ift.tt/1mNyHBk

Posted by Katta