పెరుగు సుజన రామం // కార్పోరేట్ కొమ్మల పై ..//.

బహుళ జాతి కార్పోరేట్ కొమ్మలపై
వాలాక వారికి తల్లి తండ్రులు పెట్టిన పేర్లు వలస పోయి
ఐ.బి ఏం,టి.సి.ఎస్,విప్రో,సి.టీ.ఎస్,ఇంటెల్ ,
ఇలా యాక్స్సేస్ కార్డులుగా మిగిలారు..

తరాల నటి ఇంటిపెర్లన్నీ
ఈ మెయిల్లో కుదురుకున్నాక
మనిషేమో పేస్ బుక్ వంశ వృక్షపు
సభ్యు లైనందుకే సంబర పడి పోతున్నారు ..

సమూహంలో ఒంటరిగా
కనిపించని స్నేహాలతో కరచాలనాలుగా
మనిషి తనపు ఆనవాల్లన్నీకోల్పోయి
ఆ నలుగురినీ కనీసం మిగుల్చు కోలేకున్నారు ..

మృగ త్రుష్ణల వెంట పరిగెడుతూ
బతుకు దాహం తీర్చు కోవాలని ఆశ పడ్తూ
ప్లాస్టిక్ కార్డుల సంపద మెట్లెక్కి
శిఖరం చేరాలను కుంటున్నా రు ....

నేల విడిచి చేసిన సాము
మూలాలు మరిచి ఎదిగిన జీవితం
విజయాలుగా నమోదయిన
చరిత్ర లేదని తెలియని అమాయకులు ..!!

*23-08-2012

పెరుగు సుజనారాం || రేపటి బానిసలు ||

బతుకు చివరి క్షణం వరకూ తెలీదు
బానిసత్వపు సంకెళ్ళు
తెంపే దాకా తెలీదు
తెగింపు నిప్పు పుల్ల కొనలా
భగ్గుమంతుందనీ ....
విషాదాల్ని మొగిన్చినంతకాలం
తెలీనే లేదు
మనసు వేడెక్కినప్పుడు
కరచాలనం సైతం
ఇంత తీక్షణంగా ఉంటుందనీ ...
మా జాతి ఏక శక్తిగా పిడికెల్లెత్తితే
మీ అహంకారపు జాతి మొత్తం
అక్వేరియంలో
చేప పిల్లలై తిరుగుతాయనీ
మీ అత్యాచారాల
పై శాచిక నృత్యం ఆపేందుకు
ఆది శక్తిలా విరుచుకు పడితే
పిల్లి పిల్లలై మీరు నక్కి దాక్కుంటారు.
వయ్యారాలై మేము నడుస్తుంటే
మా కాలి మువ్వల దగ్గరే
మీరు వేలాడుతుంటారు.
మీకింకా తెలీదేమో
ఎగిసిపడే ఈ శక్తి తరంగం ముందు
రేపటి బానిసలంతా మీరేనని ?



*13-08-2012

పెరుగు సుజనారాం || నన్ను క్షమించొద్దు ప్లీజ్ .. ||

నా చిట్టి తల్లీ
నిమిషంలోనే
నా మనసంతా ఆక్రమించావు

తామరాకుల్లాంటి
బుజ్జి బుజ్జి పాదాలతో
ఎగసి పడే తరంగాలతో
నా పొట్టలో నువ్వు చేసే
అల్లరి
నా ఉహల్లోకి రాకముందే
నిన్ను భ్రూణ హత్య చేశాను
నా కళల కంటి పాపా
నీ తల్లి నిర్దయరాలేనమ్మా
నన్నెందుకు మొగ్గలోనే త్రున్చేసావమ్మా
అని ప్రశ్నించకుతల్లీ !
నీ కోసం ప్రపంచాన్ని ఎదిరించాలనే ఉంది
నీ కోసం దూరంగా పారిపోవాలనే ఉంది
కాని నిస్సహారాలుని
నా చుట్టూ ఉన్న
అందరి ప్రేమ రాహిత్యంతో
అందరూ ఉండీ
లేనిదానిలా
నిన్నో ఇర్భాగ్యురాల్ని చేయలేను
నా కేప్పటికీ నీ మీద ప్రేమే తప్ప
ద్వేషం రానే రాదు
ప్లీజ్ ....నీ బుజ్జి కాళ్ళ తో
నా గుండెని తన్నోడ్డు

అమ్మా...అమ్మా అంటూ నా చెవిలో
గుస గుస లాడవద్దు
నా మీద నాకే పెరిగిన కోపాన్నీ ద్వేషాన్నీ
తగ్గించ వద్దు
నన్ను క్షమించవద్దు.

*03-08-2012

పెరుగు సుజనారామం||ఆకాశంలో సగం..||

పంచి ఇవ్వడమే
పరమావధిగా జీవించేది ఆమే..
ఎంగిలిచేసి ,రుచి చూసి
రాముడి ఆకలి తీర్చిన శబరి
భిక్షాటన చేసి
బిడ్డల ఆకలి తీర్చిన కుంతి
అప్పటికీ
ఇప్పటికీ
కాలమేదైనా
ప్రేమేనుపంచే అమృత ధార ఆమే
కడుపు తీపి కోసం
కన్నవారికోసం
బంధాల కోసం బందీ అయి
చివరి పంక్తిలో
ఆఖరి విస్తరిగా మిగిలే సహన రూపం ఆమే
మానాన్ని గాయాల చెట్టు చేసినా
దేహాన్ని తాకట్టు పెట్టినా
గర్భ సంచీ అద్దెకిచ్చినా
ఎక్కడో..
ఎవర్నో..
వుద్దరించేందుకు త్యాగ ఫలమయ్యేది ఆమే
పగలు నిప్పులు కక్కే సూర్యుణ్ణి
రాత్రి వెన్నెల చిందే చంద్రుణ్ణి
సమంగా భరించే ఆకాశంలో సగం ఆమే
సాధికారత వున్నా ,లేకున్నా
కొత్త చట్టా లిచ్చే శాతం ఎంతైనా
నూటికి నూరు శాతం
పంచి ఇవ్వడమే
పరమావధిగా జీవించేది మాత్రం ఆమే..! 

*23.7.2012