Kodanda Rao కవిత

"మేము చదువుకునే రోజుల్లో, అబ్బో! మా కాలేజీ రోజుల్లో ఎంత అల్లరిచేసేవాళ్లమంటే" అని చాలామంది చెబుతూ ఉంటారు. ఆ జ్ఞాపకాలు, ఆ మధుర స్మృతులు మరొక్కసారి మిమ్మల్ని పలకరించి పోవాలని నా ఈ చిన్న ప్రయత్నం ఈ పాట ద్వారా... ఇది నిజానికి పాట కాదు, మిమ్మల్ని పలకరించే జ్ఞాపకాల ఊట... కె.కె.//హల్లో స్టూడెంటుగారూ...// ******************************* పల్లవి:- హల్లో స్టూడెంటుగారూ... తగ్గాలి మీ జోరు...(2) ఖాళీ బస్సులో సైతం వేలాడేస్తుంటారు, క్లాసు మాస్టార్లపైనే కార్టూన్లే గీస్తారు, (మీ)ఫ్రంట్ బెంచిలో అమ్మాయుంటే...(2) ఈలేసి గోల్జేస్తారు ****************************************//హల్లో// చరణం:- క్రికెట్ మ్యాచులు చూస్తూ మీరు చిందులు వేస్తారు, సినిమా టికెట్లకోసం మీరే ఫీజులు తీస్తారు, పికునికులంటూ మీరు తెగ తిరిగేస్తుంటారు, బైకు పెట్రోలుకోసం ఫాదర్ పర్సే కోస్తారు, (మీ)ప్రోగ్రెస్ కార్డ్ ఇంటికి ఇస్తే...(2) సంతకాలే చేసేస్తారు. **********************************//హల్లో// చరణం:- ఎలెక్షన్సులో మీరు హీరోలమే అంటారు, జోడీ సెలెక్షన్సులో ఎపుడు మీరు ముందే ఉంటారు, కొత్త స్టూడెంట్ ని చూస్తే ర్యాగింగులు చేస్తారు, లేడీస్ హాస్టల్ ముందే జాగింగులు చేస్తారు, (ఫైనల్) పరీక్ష డేటుని ఎనౌన్సు చేస్తే...(2) గుళ్లో అర్చన చేసేస్తారు. *******************************//హల్లో// (స్టూడెంటులంటే అబ్బాయిలేనా??? అందుకే...) చరణం:- ముఖసౌందర్యం కోసం మేకప్పులు వేస్తారు, ప్రతీవాడికి మీరే నిక్ నేములు పెడతారు, చిలిపిగ నవ్వే కళ్లే రింగుటోనుగా పెడతారు, షాపింగ్ మాల్ బిల్లే బాయ్ ఫ్రెండుకి తోస్తారు, (ప్రేమతో) గ్రీటింగ్ కార్డ్ చేతికి ఇస్తే...(2) రాఖీతో బాయ్ అంటారు. ******************************//హల్లో// Date: 16/05/2014

by Kodanda Rao



from kavi sangamam*కవి సంగమం*(Poetry ) http://ift.tt/1nXwQwP

Posted by Katta

Thilak Bommaraju కవిత

తిలక్/వెండి పురుగులు రాత్రిని వెలుగులతో పూడ్చడానికి కొన్ని మిణుగురులు స్వేచ్ఛా ప్రతీకలుగా నీటిపై తేలియాడే గాలి బుడగలు కొత్తదనానికి ఊతమిస్తూ సహజంలో అసహజంగా కూరుకుపోయే కృత్రిమ నవ్వులు కొన్ని క్షణాలు నీవనుకొని బ్రతికేయచ్చు నరాల్లో ఎండిన నెత్తురు కరుగుతున్నపుడు నీ జ్ఞాపకాలు నీకు తోడుగా మిగిలినవి కాసిని వాన చినుకులుగా తోడుకుంటూ పశ్చిమాన అస్తమించే స్వర్ణకమలంలా ఆలోచనలు మాటి మాటికి తొలుస్తూంటే కంట బూజు చెలమలు తెరలు తెరలుగా అల్లిన కన్నీటి కళేభరాలు తిలక్ బొమ్మరాజు 16.05.14

by Thilak Bommaraju



from kavi sangamam*కవి సంగమం*(Poetry ) http://ift.tt/1j38hh2

Posted by Katta

Sreekanth Yadav Talasani కవిత

గెలిచేవారెవరు? ఓడేవారెవరు? జిల్లా, నియోజకవర్గాలవారీగా ఎన్నికల ఫలితాల సమగ్రసమాచారం కొరకు చూడండి... http://tgtoday.in/

by Sreekanth Yadav Talasani



from kavi sangamam*కవి సంగమం*(Poetry ) http://tgtoday.in/

Posted by Katta

Smitha Tati Smitha కవిత

Telugu People with Telugu Desam Party Victory http://goo.gl/twQ1hP #Results2014 #ElectionResults #TDP #BJP #Teluguone

by Smitha Tati Smitha



from kavi sangamam*కవి సంగమం*(Poetry ) http://goo.gl/twQ1hP

Posted by Katta

Sriarunam Rao కవిత

మహాభారత ఉద్యమం ప్రజాస్వామ్యమే గెలిచిందిప్పుడు. ఎన్ని ఆశలను ఎరవేసినా ప్రజల మనసులోతుల్లో చూపిన ప్రభావమే ఎప్పటికీ నిజమైన ఫలితాన్నిస్తుందనేది ఈ ఎన్నిక ఫలితాలు మరోసారి నిరూపించాయి. డబ్బూ, మద్యం, పధకాలూ, వాగ్దానాలూ...ఎవరు ఎన్ని చెప్పినా అంతిమ ఫలితందగ్గర మాత్రం ప్రజలమనోనిశ్చయాన్ని ఏమాత్రం మార్చలేకపోయారన్నది వాస్తవం. రాష్ట్రవిభజనపేరుతో ఒక సాధారణ విషయాన్ని తేల్చటానికి రెండుప్రాంతాల ప్రజల జీవితాలని అస్తవ్యస్తం చేసిన వారికి తమ సత్తా చూపించారు. తెలంగాణా కొరకు ఎందరో యువకులు బలిదానాలు చేస్తున్నా, నేలలతరబడి ప్రజలు రోడ్డుమీదకొచ్చినా, అలాగే సమైఖ్యాంద్ర కొరకు నెలలతరబడి ప్రజలు అరచి గగ్గోలుపెట్టినా, పిల్లలుసైతం ఎండలో ఉద్యమాలు చేసినా చలించని ప్రభుత్వానికి ఇలాంటి సమాధానం చెప్పి రెండుప్రాంతాలప్రజలు నిజమైన ప్రజాస్వామ్యన్ని బ్రతికించుకున్నారు. తెలంగాణాలో కాంగ్రేస్ కి కొంత అధిక్యం వచ్చినా అది తమ కలని నిజంచేసిందన్ని కొద్దిపాటి విశ్వాసం మాత్రమే. అంతకంటే తెలంగాణాకోసం అవిర్భవించిన టీఅర్.యస్. ని ప్రజలు ఎక్కువగా ఆదరించటానికి కారణం అంతిమంగా ప్రజలుకోరుకున్న లక్ష్యసాధానకోసం దేనికైనా తెగించినిలబడినందుకే అన్నది ఇక్కడ గమనార్హం. అదే భావజాలం సీమాంద్రలోనూ కనిపించింది చూడండి. సమైఖ్యాంద్ర సాధనలో భాగంగా ఎవరెన్ని మాయలను ప్రజలముందు ప్రదర్శించాలని చూసినా ప్రజలిచ్చినతీర్పులో కాంగ్రేస్ ఏమయ్యిందో...చూశాం కదా. అదొక్కటే నిజమైన ప్రజాతీర్పుకు సూచిక. మిగిలిన పార్టీల విషయమంతా వారివారి సొంతవ్యవహారం గానే సాగిందికదా. ఇక్కడ నేను చెప్పదలుచుకున్నవి రెండు అంశాలే. ఒకటి...ప్రజాస్వామ్యం మన దేశంలో ఇంకాబ్రతికేవుందన్న నమ్మకం. రెండు...ఎన్ని రాష్ట్రాలుగా విడదీసినా తెలుగువాడి మనసు ఒకేలా ఆలోచించగలిగే భావజాలం కలిగివుంటుందన్న నమ్మకం. ఈ రెండూ మిగిల్చిన ఆనందంతో నాభారతావనికి శిరస్సువంచి నమస్కరిస్తున్నాను. శ్రీఅరుణం విశాఖపట్నం 9885779207

by Sriarunam Rao



from kavi sangamam*కవి సంగమం*(Poetry ) http://ift.tt/1hQNn0L

Posted by Katta

Kanneganti Venkatiah కవిత

నా పాటల లేపనాలద్దుతా .. చుక్కల్ని తొక్కేసి సూర్యుణ్ణి మెక్కేసి భూమిని భోంచేసే కార్పో " రేటు"రాజకీయాలలో కస్టజీవులకండగా.. ఒక్క జెండా ఎగిరినా.. వుద్యమ వ్యవసాయాన్ని విడవకుండా... వోటు వైపరిత్యాలకు వెరవకుండా.. ఆశయపథాన చెగువేరాలయి కవాతుచెయ్యాలి చావేజ్ లై గర్జించాలి కాష్ట్రోలై సుందర సమాజాన్ని నిర్మించాలి లే లెమ్ము ... సోదరా ... నీపాదాలకు నా పాటల లేపనాలద్దుతా ..

by Kanneganti Venkatiah



from kavi sangamam*కవి సంగమం*(Poetry ) http://ift.tt/1jlCOYP

Posted by Katta

Mohammad Abdul Rawoof Chinni కవిత

@ చిన్ని @ // సాగిపోతున్నాను // ========================= పేదవాడి చితి మంటలు రేగుతుంటే కులగజ్జి చాపకింద నీరులా మెల్లగా సాగిపోతుంది తోటివాడు మద్య తరగతి జీవితాలతో మదన పడుతుంటే మత పిచ్చి తుమ్మ ముల్లులా బ్రతుకులో గ్రుచ్చ్చుకుంటుంది దట్టమైన పొగలాంటి వర్గ పిచ్చి పిచ్చిదానిలా పరుగులు తీస్తుంది అన్యాయపు దీవి లాంటి డబ్బు రొచ్చు అసహాయతను వెక్కిరిస్తుంది కనుల ముందు పేదవాడి జీవితం రాలిపోతుంటే కనులుండి చూడలేని గ్రుడ్డివాడిలా బ్రతుకు గమనం సాగిపోతుంది ఆవేశం కట్టలు తెంచుకుని ప్రవాహంలా పరుగులు తీస్తుంటే అయ్యో బ్రతుకు పందెం ఓడిపోయనేమో అని భ్రమ కలుగుతుంది అయినా సరే.... సమాజ జీవచ్చవాలను లెక్కపెట్టుకుంటూ నా గుండెకు అయిన గాయానికి అతుకులు వేసుకుంటూ సల సల మనే నెత్తుటి శబ్దాన్ని నెమరు వేసుకుంటూ ముందుకి సాగిపోతున్నాను...... @ చిన్ని @ // 16-05-2014 MY Heart Beats

by Mohammad Abdul Rawoof Chinni



from kavi sangamam*కవి సంగమం*(Poetry ) http://ift.tt/1jlCQjy

Posted by Katta

Sriramoju Haragopal కవిత

హిఫాజత్ గ పెట్టు బిడ్డా నేను జీవిస్తున్న కాలం నాదే పరాయితనాలతో పోరాడ్డమే బతుకంతా నేను నేర్చుకున్న యుద్ధవిద్య నా ముందుతరాలవాళ్ళు నాకిచ్చిన వారసత్వం, సత్వం నా రేపటి తరాల వాళ్ళకు నేనివ్వాల్సిన వేకువ జెండా ప్రతిదినం బతుకుపోరులో అలిసిపోని గుండెలెక్క బతికించే ప్రేమలప్రవాహాలై వాళ్ళు రేయింబవళ్ళు ఒకే శ్వాసగా ఈ నేలని ఆకుపచ్చటివనం చేసి బతుకును సద్దిగట్టి ఆకళ్ళు తీర్చిన వాళ్ళు అంతులేని చిన్ననీటివూటలై, వాగులై నదులై సముద్రాలై నిరంతరం కాపలాకాచే అలలసెంట్రీలై వాళ్ళు నింగీ నేల ఆల్చిప్పల నడుమ ముత్యాలలెక్క మనల్ని తమ స్వేదబిందువులతో జీవంపోసిన వాళ్ళు వాళ్ళ నుండే కదా ఈ దేహం, వాళ్ళదే కదా ఈ దేహం వాళ్ళిచ్చిన రక్తమాంసాలు,ఆలోచనలు అమానత్ గా తరాల కందియ్యాలె కద, నేను నా మీద నుండే అవతలి ఒడ్డుకు నడువాలె లోకమంతా ఒక్కయిల్లయితే బాగుంటది లోకానికంతా ఒక్కటే దుకాణమైతే ఏం బాగుంటది లోకాన్నే అంగడిజేస్తున్నోండ్లను వూర్లనుండి తరుమాలె మనది మనం పంచుకో నేరిస్తే బయటోనికి సందుండదు దుర్మార్గమైన ప్రపంచీకరణకు మందు స్థానికీరణే సకల అస్తిత్వాలను నిలబెట్టుకుంటనె సామూహికం కావాలె సకల జీవనసంస్క్రుతులను బతికించే ఏకత్వం కావాలె వాళ్ళు మనకు బతకడం నేర్పించిండ్రు, లడాయి చేసి చావడం చూపించిండ్రు వాళ్ళు మనుషులకొరకు ఎట్లా కొట్లాడాలో చెప్పిండ్రు, పానంజేసి ప్రేమించుడు తెలుసు పానమిచ్చిబతికించుడు తెలుసు వాళ్ళెత్తిన జెండా దించేదిలేదు వాళ్ళు చూపిన గమ్యం మరిచేది లేదు పొలాలు దోచి, హలాలు దోచి, ఇలాతలంలోని హేమం దోచి మాళ్ళు కట్లి, మాయామహళ్ళు కట్టి, ఆ దేశం నుంచి ఈ దేశం దాక మనుషుల రెక్కలు దోచి, రెక్కల కష్టం దోచి, మాటలు దోచి, బాటలు దోచి ఇండ్లు దోచి, పనులు దోచి, బతికేతత్వాన్ని దోచి, మనిషి లావు దోచి ఒక్కడుగ కనపడే పెక్కురూపాల దెయ్యాల్ని కాల్చే కాలం మనదే ఒక్కడుగు కూడ వెనకకు పొయ్యేది లేదు అక్కరకొచ్చే పానం వుంటే లోకమంతా, పొయినా లోకానికంత రేపు నా తర్వాత నావోళ్ళుంటరుకద

by Sriramoju Haragopal



from kavi sangamam*కవి సంగమం*(Poetry ) http://ift.tt/QPMYnS

Posted by Katta

Padma Arpita కవిత

వలపు విశ్లేషణ ప్రేమంటే తెలియకనే ప్రేమించాలనుకుని ఏరికోరి ఎదను చూసి మరీ ఎంచుకుని... దరకాస్తుకై దర్యాప్తులెన్నో చేసుకుని..ప్రేమిస్తే! తెలిసిందది ఒక అసంకల్పిత ప్రతీకార్యచర్యని వాదనలేల వలపు వలలో పడ్డాక అనుకుని చెప్పుకున్నాం ఎన్నో కాలక్షేపపు కబుర్లని... ఇచ్చుకున్నాం బహమతుల ఎరలని..ఇస్తే! తెలిసింది ధనరాసులకది ఒక పరాన్నజీవని కాలగమనంలో ప్రేమయే ప్రతిష్టంగా నిలవాలని నమ్మకాన్ని నమ్మి కట్టాం కష్టాలకంచుగోడలని... ఆకలితో అలమటించి జీవితయానంలో చెమటోడిస్తే! తెలిసింది అదీ ఒక అనిశ్చల ఆకర్షణల పరావర్తనేనని ఏమైనా ప్రేమంటే తెలిసీతెలియక ప్రేమించేసానని చేతులేవో కాల్చుకుని ఆకులు నులుపుకుని... కళ్ళెమేయలేని కోర్కెలతో అందలమెక్క ప్రయత్నస్తే! తెలిసింది విధి చేతిలోన విఫలమయ్యే వక్రీకరణమని 16th May 2014

by Padma Arpita



from kavi sangamam*కవి సంగమం*(Poetry ) http://ift.tt/RYBsrn

Posted by Katta

Bhavani Phani కవిత

భవానీ ఫణి ॥ బ్లాక్ హోల్ ॥ చిరు చెంపల్లో బిడియపు ఎర్రదనం లేదు పెదవంచుల్లో పలుకుల పచ్చదనం లేదు కనురెప్పలపై కన్నీటి చుక్కల కలకలం లేదు కనుపాపలకి ఎదురు చూపుల కలవరం లేదు హృదయాంతరాల్లోదుఃఖపు కెరటాల సందడి లేదు కనీసం ఎడారిలోలా ఇసుక తుఫానైనా చెలరేగడం లేదు నువ్వు సృష్టించి వెళ్ళిన అపనమ్మకపు బ్లాక్ హోల్ నా భావాలన్నిటినీ తన బాహువుల్లో బంధించి మాయం చేసాక నన్ను కోల్పోయిన నేను మాత్రం ఇలా మిగిలాను చీకటి జ్ఞాపకాల్లోకి చూపుల్ని పోగొట్టుకుంటూ !!! 16. 05. 2014

by Bhavani Phani



from kavi sangamam*కవి సంగమం*(Poetry ) http://ift.tt/1iRN19r

Posted by Katta

Satya Srinivas కవిత

ఆవరణ పొద్దున్నే దేవగన్నేరు ఆకుల్లోని వర్షపు చుక్కల కొలనులో పిట్ట స్నానం చేస్తోంది ఆమె నా మదిలో ఈత కొడుతున్న సవ్వడి కొమ్మలపైన ఆకుల నీడల మీద పిచుకల జంటల కేరింతలు ఆకుల తంత్రుల నుండి ప్రవహించే లేత పచ్చని వెలుతురు పాటలు ఇదంతా నా ప్రహరీ గోడ వెలుపల వాయుగుండం పిదప ఏర్పడిన వాతావరణం మరి సముద్రపు తీరప్రాంతంలో... తలలు వాల్చేసిన వరి చేలు సముద్రపు అంచున పుట్టిన నేల కలయిక,విడిపోయే పక్షి గూటి చూపు నింగి అలల నావ నీటి మట్టి సారం ఇదంతా దేవగన్నేరు ఆకుల్లోని వర్షపు చుక్కల కొలనులో పిట్ట స్నానం చేసేలోపే రెక్కల సవ్వడి గాలికి ఏర్పడిన శ్వాస నిట్టూర్పు (10-5-14)

by Satya Srinivas



from kavi sangamam*కవి సంగమం*(Poetry ) http://ift.tt/1nVipJx

Posted by Katta

Abd Wahed కవిత

ఈ రోజు ఉర్దూ కవిత్వ నజరానాలో గాలిబ్ కవితా సంకలనంలోని పదహారవ గజల్లో మిగిలిన షేర్లు చూద్దాం. పదహారవ గజల్ 4వ షేర్ కుఛ్ న కీ, అప్నే జునూనె నార్సానె, వర్నా యాం జర్రా జర్రా రోకషె ఖుర్షీదె ఆలమ్ తాబ్ థా నా విఫలప్రేమ ఏమీ చేయలేక పోయింది, లేకుంటే లోకంలో కణకణం సూర్యతేజానికి సవాలు అయ్యేదే ఉర్దూ పదాలకు అర్ధాలు చూద్దాం. కుఛ్ న కీ అంటే ఏమీ చేయలేదు అని అర్ధం. దీనికి భావం నిరాశగా పడి ఉంది అని కూడా చెప్పుకోవచ్చు. జునూన్ అంటే ఉన్మాదం కాని ఇక్కడ పిచ్చి ప్రేమ అని అర్ధం. నా రసాం అంటే అర్ధం విఫలమైన అని. జునూనె నా రిసాం అంటే లక్ష్యం సాధించలేని పిచ్చి ప్రేమ లేదా విఫల ప్రేమ అని భావం. రోకష్ అంటే సవాలు చేసేది. ఖుర్షీద్ అంటే సూర్యుడు. జర్ర జర్ర అంటే కణ కణం. ఆలమ్ తాబ్ అంటే యావత్తు ప్రపంచం మెరిసిపోవడం. ఇప్పుడు ఈ కవితకు భావం చూద్దాం. ఈ కవితలో కూడా గాలిబ్ విఫలప్రేమనే వర్ణించాడు. ప్రేయసి నిరాసక్తతనే పేర్కొన్నాడు. తన ప్రేమ విఫలం కావడం వల్ల తాను సాధించదలిచింది సాధించలేకపోయాడు. విఫల ప్రేమ వల్లనే అతను అనుకున్నది చేయలేకపోయాడు. లేకపోతే ఈ ప్రపంచంలో మామూలు ధూళి కణం కూడా ప్రపంచానికి వెలుగునిస్తున్న సూర్యతేజాన్ని కూడా సవాలు చేసేదే. మరో మాటలో చెప్పాలంటే, ప్రేమ విఫలం కావడం వల్ల అతను ధూళి కణం కన్నా దిగజారిపోయాడు. ప్రపంచంలో ధూళికణం కూడా సూర్యతేజాన్ని సవాలు చేసే శక్తి కలిగి ఉంది. అలాంటిది గాలిబ్ ఆ ధూళి కణం కన్నా దిగజారిపోయి ఎందుకు కొరగానిస్థితికి చేరుకున్నాడు. ప్రేమ సఫలమై ఉంటే లేదా అతను ప్రాణాలు పోగొట్టుకుని దుమ్ములో కలిసిపోయి ఉన్నా, ఆ దుమ్ములోని ప్రతి కణం కూడా తన ఉనికి ప్రత్యేకతను చాటేది. సూర్యుడిని కూడా సవాలు చేసే వ్యక్తిత్వాన్ని ప్రదర్శించేది. ప్రతి కణానికి సూర్యుడి స్ధాయిలో ప్రకాశించే సామర్థ్యం ఉంది. ప్రతి కణం సూర్యుడిగా మారాలన్న సహజ కోరిక కలిగి ఉంటుంది. ఏ వ్యక్తి అయినా ఒక లక్ష్యంతో పనిచేస్తే అనుకున్నది సాధిస్తాడు. కాని లక్ష్యం లేకుండా విఫలప్రేమతో వగచే వ్యక్తి ఏమీ సాధించలేడన్న భావం ఈ కవితలో అంతర్లీనంగా ఉంది. తర్వాతి కవిత గాలిబ్ సంకలనంలో పదహారవ గజల్ 5వ షేర్ ఆజ్ క్యుం పరవాహ్ నహీ, అప్నే అసీరోంకి తుఝే కల్ తలక్ తేరా భి దిల్ మహరు వఫా కా బాబ్ థా ప్రేమ బంధాలను నేడెందుకు లక్ష్యపెట్టడం లేదు నువ్వు నిన్నటి వరకు నీ హృదయం కరుణార్ధ్రతలకు నిలయం ఉర్దూ పదాలకు అర్ధాలు చూద్దాం. పర్వా అంటే లక్ష్యపెట్టడం. పర్వాలేదు అని తెలుగులో వాడే పదం కూడా ఇదే. పర్వాలేదు అంటే పట్టించుకోనక్కర్లేదని. ఇదే అర్ధం ఇక్కడ కూడా వర్తిస్తుంది. అసీర్ అంటే సంకెళ్ళు లేదా బంధనం అని అర్ధం. మెహర్ అంటే దయ, కారుణ్యం. వఫా అంటే విశ్వాసం అని అర్ధం. ప్రేమ అన్న భావం కూడా వర్తిస్తుంది. బాబ్ అంటే అధ్యాయం, తలుపు, ఫౌంటేన్ అన్న అర్ధాలున్నాయి. ఈ కవితకు భావం చూద్దాం... ఈ కవితలో ప్రేయసి నిరాసక్తత, ఆమెలో వచ్చిన మార్పును ప్రశ్నిస్తున్నాడు. నీకేమయ్యిందో అర్ధం కావడం లేదు. మనం ప్రేమ బంధనాల్లో బంధీలుగా ఉన్నాం. కాని ఈ ప్రేమ బంధనాలను నువ్వు లక్ష్యపెట్టడం లేదు. ఇంతకు ముందు నువ్విలా లేవు. మునుపు నీ హృదయంలోను ప్రేమ పొంగిపొరిలేది. నీ ప్రేమసంకెళ్ళలో బందీగా ఉన్న నా పట్ల దయచూపేదానివి అంటూ వాపోతున్నాడు. ఈ కవితలో ప్రత్యక్షంగా ప్రేయసి అన్న సంబోధన లేదు. అలాగే అసీరీ అన్న పదం కేవలం ప్రేమ బంధాలను సూచించే పదం కాదు. ఇది మామూలుగా ఖైదును, సంకెళ్ళను సూచించే పదం. మనం చాలా ప్రేమించే వ్యక్తి ఎవరైనా కావచ్చు. ప్రేమలు అనేక రకాలు. ప్రేయసి పట్ల ప్రేమ, సంతానం పట్ల ప్రేమ, మిత్రుల మధ్య ప్రేమ. సాధారణంగా మనం ప్రేమించే వ్యక్తి మనకు దూరంగా ఉంటే, మన పట్ల నిర్లక్ష్యంగా ఉంటే ఇలాంటి భావాలే కలుగుతాయి. ఇలాంటి సందర్భాల్లో ఖచ్చితంగా వర్తించే కవిత ఇది. ఇది ఈ వారం గాలిబానా. వచ్చే శుక్రవారం గాలిబ్ 17వ గజల్ చదువుదాం. అంతవరకు సెలవు. అస్సలాము అలైకుమ్.

by Abd Wahed



from kavi sangamam*కవి సంగమం*(Poetry ) http://ift.tt/1iRnmhk

Posted by Katta

Satya Srinivas కవిత

ఆవరణ పొద్దున్నే దేవనగరి ఆకుల్లోని వర్షపు చుక్కల కొలనులొ పిట్ట స్నానం చేస్తోంది ఆమె నా మదిలొ ఈతకొడుతున్న సవ్వడి కొమ్మలపైన ఆకుల నీడల మీద పిచుకల జంటల కేరింతలు ఆకుల తంత్రులనుండి ప్రవహించే లేత పచ్చని వెలుతురు పాటలు ఇదంతా నా ప్రహారి గోడ వెలుపల వాయుగుండం పిదప ఏర్పడిన వాతావరణం మరి సముద్రపు తీరప్రాంతంలో... తలలు వాల్చేసిన వరి చేలు సముద్రపు అంచున పుట్టిన నేల కలయిక,విడిపొయే పక్షి గూటి చూపు నింగి అలల నావ నీటి మట్టి సారం ఇదంతా దేవనగరి ఆకుల్లోని వర్షపు చుక్కల కొలనులొ పిట్ట స్నానం చెసేలొపే రెక్కలసవ్వడి గాలికి ఎర్పడిన శ్వాసనిట్టుర్పు (10-5-14)

by Satya Srinivas



from kavi sangamam*కవి సంగమం*(Poetry ) http://ift.tt/1lGgYxU

Posted by Katta

Mothi Mohanaranga కవిత

మోతి మోహనరంగా/పోర్న్ పిక్చర్ ..................................................... ఈ దేశం పోర్న్ పిక్చర్ అయి చేతుల్లోకి రావడానికి ఎ0తో సమయం లేదు. చికటిలోని కంపుని బెడ్గా మార్చుకొని చేస్తున్న భీకరం. సభ్యత సంస్కారం అని పండితులు రాస్తున్న దైవ గ్రందాలు సమిక్షల్లో గొప్పలై యూజ్ మి బాక్సుల్లో చేరడం. సమాజంపై తెలివి అనే అ0ధకారం పుట్టల్లా మొలకెత్తడం. తిరగలబడి వరసు తప్పుతున్న సంస్కృతి. కొ0డలా0టి సా0ప్రదాయాలు నిశ్శబ్ధంగా పగిలి మట్టిలో కలిసిపోవడం. శార్ట టె0పర్ శరీరాలు నడిరాత్రి రోడ్లపై చేస్తున్న నేరాలు. వైద్యశాల ఎనకాల పాపపు పి0డాల దిబ్బలు. దేవుడు కనికరం లేని మీడియాలాగ (దేవుడి మిదికి తొసేయట్లేదండి ఆయన జడ పదార్దంలా ఉ0డేసరికి లేపడానికి అలారం పెడుతున్న) విలయం జరుగుతు0టే వీడియో తీస్తున్నట్టు. మొత్తంగా మౌనంగా ఉ0డి జనం మద్య టాపిక్ అయి టిఆర్పి రేటి0గ్ పె0చుకోవాలని చూడటం. ఈ దేశం పోర్న్ పిక్చర్ అయి చేతుల్లోకి రావడానికి ఎ0తో సమయం లేదు. 16-05-2014

by Mothi Mohanaranga



from kavi sangamam*కవి సంగమం*(Poetry ) http://ift.tt/1sy5b5B

Posted by Katta

Ravela Purushothama Rao కవిత

గాయాల చెట్లు. -----------------రావెల పురుషోత్తమ రావు. యు వత గుండెలు పిండేలా నాలుగుబజార్ల కూడలిలో ఊర్ధ్వ దిశగా వేలాడుతూ ఊపిరాడనివ్వకుండా కండల పెండేరాన్ని ప్రదర్శించే పీల కధానాయకుడు. నూలుతాడు బరువును సైతం భరించడం నా వల్ల కాదన్నట్లుగా ఆందాల ఆరబోతలో అగ్రశ్రేణి నధిరోహించి కన్నుల విందుకు రా! రమ్మన్నట్లుగా హొయలొలకబోసే అర్ధనగ్న సుందరి నేటిమేటి కధానాయిక. త్రిభాషా సుత్రానికి కట్టుబడి మూడు భాషల్లోని తిట్లనూ కదంబంలా కలిపికుట్తి పాటగా అల్లి ప్రజలచెత్తహోరెత్తించుతూ జ్ఞాతుల గడపలన్నింటా ఎక్కి దిగ్గి సిఫార్సుల చట్రంలో చిక్కుకుపోయిన చిత్ర విచిత్ర గీత రచయిత. కొన్ని వందలకోట్ల పెట్టుబడితో యేడాదిపొడుగునా విదేశీ లొకేషన్సులలో నిర్మితమై కక్షలూ కావేషాల నేపధ్యం గీసిన గిరిదాటలేక సినిమాలో తిరగబడే సుమోల్లా ప్రేక్షకుల అనాదరణకు గురై తిరుగు తపాలో డబ్బాల్లో పంపిణీ సన్oస్థ వాకిట్లో వాలిపోతున్న వందలాది మూస తెలుగు సినీ చిత్రాలు. ఇవoడీ మన సంస్కృతీ సంప్రదాయాలను కళ్ళకు కట్టినట్లు మంటగలపడంలో బహుధా ఆరితేరిన కధలూ కాకరకాయల కమామిషులూ బాధామయ గాధల గాయాల చెట్లు. 15-5-14 ===============================

by Ravela Purushothama Rao



from kavi sangamam*కవి సంగమం*(Poetry ) http://ift.tt/1k5VVF2

Posted by Katta

Kotha Anil Kumar కవిత

@ రాజకీయ పార్టీలు @ అసలే గుర్తులు కరువు అయినై నాయినల్లార అంటే గడియకో పార్టీ వెట్టి గందరగోళం జేయ్యవట్టే సర్కార్ ను ఏరి కోరి తీసుకుంటే కుదురధనొ ఏమో ఆఖరికి చెప్పు శీపుర్లకు గూడా మంచి గిరాకి అచ్చి పాడయింది ఏత్త..తీత్త అని ఉరికచ్చిన గా సారుకు ఇగ వట్టుమని జెప్పి ఊడ్సుడు పని అప్పజేప్తే ఊరంతా తిరుక్కుంట చెంప దెబ్బల పాలయిండు. నీతి నిజాయితి తెలియని నిబద్దత లేని నత్తి నల్లికుట్లోల్ల సంఘానికి గట్టి దెబ్బ తగిలింది. కుక్క కాటుకు చెప్పు దెబ్బ అన్నట్లు ఆ సంఘం పెట్టిన పార్టీకి ఆ గుర్తే ఇచ్చారు. అదేదో గాలి అట అదే ఫ్యాను గాలి అట ఆ గాలి అట ఏదో దులిపెస్త ఊపేస్త అంటుందటా ఏమో,?చెర్ల పెల్లి జైలు గోడల దుమ్మేమోనట అని అందరు అనుకుంటున్నారట ఇగ,ఈకలు ఈకలు కలిపి తయారయ్యిందోక తోక పార్టీ . తల లేదు...మొండెం కనిపించదు కాని మెదడున్న పార్టీ అని తెగ డబ్బాలు కొట్టడం ఇగ,దాని కథ జూడు రాజకీయ పార్టే కానీ పోటీ జేసుడు లేదని చెప్పుక తిరుగుడు. ఇవన్ని గట్లుంటే ముసలోనికి పడుసు పెండ్లమన్నట్లు ఏండ్లకేండ్లు దేశాన్ని మేమే ఏలుతం...అని పాత సంచిల కొత్త సరుకు జబ్బకేసుకుని ఒక తిరుగుడు గాదు జేజమ్మ ల పేర్లు జెప్పుకుంట. నేను అటు జూత్త..ఇటు జూత్త ఎటు వడితే ఆటే జూత్త నా దారికి అడ్డం అచ్చిండ్రనుకో ఎనుకకేలి అచ్చి ఈపుల గుద్దుత అని రెండు మూడు సిద్ధాంతాల కామెర్ల రోగాపోల్ల లొల్లి ఒక దిక్కు ఇగ గవ్వైతే గవ్వే అటోల్లకి ఆ దిక్కు మేమే ఇటోల్లకు ఈ దిక్కు మేమే అనుకుంట,. ఒగలకొగలను పడనిచ్చేది లేదు ఎవల జాగల వాళ్ళను ఉండనిచ్చేది లేదు. ఎవని తోని మాకెందుకు బై మాది మాకు గావలె అని ఒక కొట్లాట సరే.,మనది మనకు వచ్చింది గాని మల్ల అండ్లకేలి మాది మాకు గావాలంటే గుండె వలిగి సత్తం దొర జనం మొర పెట్టవట్టే. ఎనుకటి లెక్కనె గడ్డి కుప్ప కాడి కుక్క పార్టీలు అధికారం లకు రారు అచ్చినోల్లను పనిజేయ్యనియ్యారు. ఇగ గా రంగు జూత్తే, ఎవనికైన ఉచ్చ వడుతది. గిన్ని లోల్లుల నడుమ ఇంట్లకెళ్ళి బైలెల్లుతే.. ఒగడు వెయ్యిత్త నంటాడు ఇంకోగాడు క్వటరిత్తానంటాడు ఏది ఇత్తేంది ఇయ్యాక పోతేందని గట్టిగనే గుద్ది వచ్చిన రాజకీయ బ్రోకర్ల మాట ఇనకుంట పొయ్యి దేశాన్ని దోసుకునేటోల్లకు మొస మర్రకుంట _ కొత్త అనిల్ కుమార్ ( 16 / 5 / 2014 )

by Kotha Anil Kumar



from kavi sangamam*కవి సంగమం*(Poetry ) http://ift.tt/1mYMMSw

Posted by Katta