పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Jagadish Yamijala లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Jagadish Yamijala లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

18, జూన్ 2014, బుధవారం

Jagadish Yamijala కవిత

నమ్మకం… డియర్… మొన్నామధ్య మనం కలుసుకున్నప్పుడు అనేక విషయాలు మాట్లాడుకున్నాం. వాటిలో కొన్నింటితో మనం ఒకరికొకరం వాదించుకున్నాం. ఒక నిర్ణయానికి రాలేకపోయాం. నమ్మకం విషయానికి వస్తాను…. మా అబ్బాయో అమ్మాయో మంచి వాళ్ళే అని మనం నమ్మితే ఏ విధమైన గొడవా ఉండదు. అలాకాకుండా అబ్బాయో అమ్మాయో చెడుగా ఉన్నారేమో …ఎవరు చెప్పగలరు….ఒకవేళ నిజంగానే చెడు సహవాసాలు చెడు తిరుగుళ్ళు ఉంటే వాటి ఫలితాలను వాళ్ళు అనుభవించేతీరుతారు. ఇందులో ఎటువంటి అనుమానం అక్కరలేదు. భార్య ఉత్తమురాలు…ధర్మపత్ని …అని నమ్మితే నీ వరకు నీకు ప్రేమ జీవితం సుఖమయమే. అలా కాకుండా ఆమెది తప్పుడు నడవడిక అయితే అందుకు తగు శిక్ష తానే అనుభవిస్తుంది. ఇందులో సందేహం లేదు. పనిమనిషినీ నమ్మేతీరాలి. ఒకవేళ ఆ నమ్మకానికి ద్రోహం చేస్తే అతనిని తప్పించాలి. అందుకోసం ఎవరినిపడితే వారిని అపనమ్మకంతో చూస్తే జీవితం తెల్లారినట్టే. నమ్మకంతో మనమనుకున్న గుడికో లేక పవిత్ర స్థలానికో వెళ్ళాలి. నమ్మిన వాళ్ళు చెడింది లేదు అనే నానుడిని గుర్తుంచుకో. వాస్కోడాగామా నమ్మకం కొత్త ప్రాంతాన్ని కనిపెట్టింది. కొలంబస్ నమ్మకం అతని మాతృ దేశానికి ఒక కొత్త ప్రాంతాన్ని ఇచ్చింది. ఆయుధాలు లేని చర్చిల్ నమ్మకం రెండవ ప్రపంచ యుద్ధంలో ఇంగ్లాండ్ కి విజయాన్ని అందించింది. సముద్రంలో మునిగిపోయి కొన్ని రోజులపాటు ఒక వ్యక్తి ఈదుతూ చివరికి ఒక నౌక సహాయంతో ఒడ్డుకు చేరేడన్న వార్త ఓ పత్రికలో చదివాను. నమ్మకమనేది లేకుండా ఉంటే అతను ఎప్పుడో శవమై పోయేవాడు. ప్రహ్లాదుడి నమ్మకం అతనికి దేవుడిని చూపెట్టింది. కృష్ణుడి నమ్మకం భారత యుద్ధంలో విజయాన్ని అందించింది. ఒక మనిషి చదువుతో మాత్రమే ఎదిగిపోలేడు. నమ్మకం కూడా తోడవ్వాలి. నాకు వ్యక్తిగతంగా తెలియదు కానీ ఒక మహాకవిని చూసాను. ఆయన ఒక చోట రాసుకున్నారిలా…. “అప్పుడు నాకు పదునాలుగేళ్ళు. కవితలు రాయాలని కొండంత ఆశ. ఒక రోజు తెల్లవారుజామున నిద్ర లేచి నాలుగు వాక్యాలు రాసాను…వీణానాదం ఇంకా వెలుగెక్కకముందే వినిపించింది….గానామృతం వినసొంపు….నిద్రలోనుంచి ఎగిరి గంతేసాను…. పక్క మీద నుంచే సేవించాను అమృతం…” ఈ నాలుగు మాటలు రాసిన తర్వాత ఇంకా ఏం రాయాలో తెలియలేదు. పదిహేడో ఏట ఒక కవితను పూర్తిగా రాసాను. ఆ వయస్సులో ఒక పత్రికలో పనిచేసాను. ” ఒక మిత్రుడు ఎంత డబ్బైనా ఒకడికిచ్చి దాచమంటాడు….అది అతని నమ్మకం….అతను దానిని జాగర్త చేస్తాడని మిత్రుడి నమ్మకం. నమ్మకద్రోహం చేసే వ్యక్తి కచ్చితంగా పెను శిక్షే పొందుతాడు. ఇందులో అనుమానం లేదు. కొందరు కొందరి దగ్గర మాయమాటలు చెప్పి డబ్బులు తీసుకుంటారు. కానీ వాళ్ళు ఆ డబ్బును సక్రమంగా ఖర్చు చెయ్యరు. అది వాళ్ళు చేసిన ద్రోహానికి దండన. దేశాన్ని నమ్ము….దైవాన్ని నమ్ము….ప్రపంచం నిన్ను కొనియాడుతుంది. “ఫలానాది నేను చెయ్యగలను…నాకది సాధ్యమే….అని నమ్ము…కచ్చితంగా నువ్వనుకున్నది జరుగుతుంది” మనోధైర్యం, వైరాగ్యం నమ్మకానికి బిడ్డలు. ఒక రంగంలో స్థిర చిత్తంతో ఉండి అంకితభావంతో నమ్మకంతో శ్రమిస్తే కృషిచేస్తే నీకక్కడ అనుకున్న స్థాయికి పేరూ ప్రఖ్యాతులూ లభిస్తాయి. సముద్రాన్ని దాటడానికి పడవ ఇచ్చింది ఎవడో…ఆ పడవతో మరో తీరం చేరగలనని మరొకడి నమ్మకం…. వీటిలో ఉన్నతమైనది దైవ నమ్మకం. దైవనమ్మకం ప్రశాంతత ఇస్తుంది. న్యాయంగా నడవనిస్తుంది. వైద్యుడిపై నమ్మకం ఉంచితే మందుల అవసరం లేకుండానే సగం జబ్బు నయమవుతుంది… నమ్మకం కలిగిన వ్యక్తే వేదాంతి అయ్యాడు. శాస్త్రవేత్త అయ్యాడు. నమ్మకం లేని వ్యక్తికి సుఖం అంతంత మాత్రమే… ఆయుష్షు తక్కువే…. నీటిని పాలు అని నమ్మితే అది పాలే. వేపాకు తీపే అని నమ్మితే అది తీయగానే ఉంటుంది. నమ్మకానికి ఎంతో అవసరమైనది మనసు. అది ఎక్కడో లేదు. మనదగ్గరే ఉంది….అందుకోసం నువ్వు ఒక్క పైసా కూడా ఖర్చు పెట్టక్కర లేదు….. ఏమంటావు మిత్రమా…మరీ ఎక్కవ చెప్పానంటావా…సరేలే ఇక్కడితో ఈ ఉత్తరం చాలిస్తున్నా…. ఇది చదివి నువ్వు నన్ను కలుస్తావనే నమ్మకంతో నీ జగదీశ్ యామిజాల 18.6.2014

by Jagadish Yamijala



from kavi sangamam*కవి సంగమం*(Poetry ) http://ift.tt/1r5ZtJh

Posted by Katta

15, జూన్ 2014, ఆదివారం

Jagadish Yamijala కవిత

చదివినవే ఇవి... --------------------------------- నువ్వు అనుకున్నట్టు నీ నీడ కూడా నడవడం లేదు ... మరెందుకు ఇతరుల వద్ద ఆశించడం...? ------------------------------------- ఏది పొందాలో అనే దానిలో స్పష్టంగా ఉండాలి లేకుంటే నువ్వు ఏదీ పొందలేవు ---------------------------------- ఈరోజు మీరు నవ్వేది రేపటి ఏడుపుకోసమే అయితే ఈరోజు నవ్వడాన్నిఆపకండి... రేపు ఏడవడాన్ని అడ్డుకోవడం ఎలాగు అనే దానిని ఆలోచిస్తూ నవ్వండి ----------------------------------- ఈరోజు వరకు జరిగిగ్న దానినే ఆలోచించడం కన్నా ఇక ఎలా జరగాలి అని ఆలోచించిన వాళ్ళే బతకడం తెలిసిన వాళ్ళు ---------------------------- నేరం చేసిన వ్యక్తీ తనకు న్యాయం అడుగుతున్నాడు నేరానికి బలైన వ్యక్తీ న్యాయం అడుగుతున్నాడు ఎవరికి న్యాయం చెయ్యాలని డబ్బు నిర్ణయిస్తోంది --------------------------- తమిళంలో కవి కన్నదాసన్ అనుసృజన - యామిజాల జగదీశ్ 15.6.2014 ---------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/TYhXR0

Posted by Katta

14, జూన్ 2014, శనివారం

Jagadish Yamijala కవిత

గీతలూ, చిత్రాలూ ----------------------------- నా పాదాల కింద పువ్వులు లేవు పది ఉన్నవన్నీ ముళ్ళే అయినా రక్తం తుడిచేసుకుని నడచి వచ్చాను నన్ను తాకుతూ వెళ్ళింది దక్షిణాన స్నానం చేసి వచ్చిన గాలి కాదు ఊపిరితిత్తులను కార్బన్ కాగితాలుగా మార్చేసే భాస్వరపు గాలి అయినా వేడి వేడిగా నేను శ్వాసించాను ఏడాది పొడవునా ఉండిన అగ్ని నక్షత్రంలో మండిన నా గొడుగు అయినా నా నీడ నీడలోనే బహుదూరం వొదుగుతూ వచ్చాను నా తలపై డేగలు ఎగురుతూనే ఉన్నప్పటికీ నేను ఇంకా చనిపోలేదు అని అనునిత్యం నిరూపించికోవలసి వస్తోంది నా నగ్నత్వాన్ని ఒక చేత్తో కప్పుకుని నా మరో చేత్తో వస్త్రాన్ని నేసి ధరించాను ఈ రోజు నా ప్రవాహం చూసి తీరాలు భ్రమించవచ్చు కానీ ఈ నది ఎడారి ప్రాంతంలో బండల మధ్యలోనుంచి దిగి వచ్చిన ప్రవాహం తన స్వీయ కన్నీరు కారడంతో రెట్టింపైంది ఈ నది ఈ విత్తనం తనపై పడిన బండరాళ్ళను చీల్చుకుని మొలకెత్తింది ఈ రోజు గాయాలను కప్పే పువ్వులతో నేను రాజీపడటం అసాధ్యం ఈ సామాజిక ఏర్పాటు నాకు సమ్మతం కాదు చరిత్ర అనేది ఒక మనిషి పరిచయ అట్టముక్కా...? లేక అది ముగింపుని వెతికే ఒక సమాజపు చిరునామానా ? ఇదిగో గాయంతో పాడిన సంగీతం నా జ్ఞాపక చలనానికి నలిగిన నమ్మకాలకు నా కలం నుంచి రక్తదానం చేస్తున్నా... ఇందులో కొన్ని నిజాలు చెప్పలేదన్నది నిజం కానీ చెప్పినదంతా నిజం నేను గీయాలనుకున్న చిత్రమే అయితే వచ్చినవేమో గీతాలు కానీ గీతాలూ చిత్రాలే.... మానవత్వమే జీవితం అనే దాన్ని తెలుసుకున్నప్పుడు నా వీపు బరువెక్కుతోంది మరో ముప్పై ఏళ్ళుగా ---------------------------------- తమిళంలో కవి వైరముత్తు అనుసృజన - యామిజాల జగదీశ్ 14.6.2014 ---------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1ll7J2D

Posted by Katta

13, జూన్ 2014, శుక్రవారం

Jagadish Yamijala కవిత

చెట్టు పిల్లలు -------------------------- ఈ చెట్టు ఆకులు ఏ ఇంటి వాకిట్లోనూ తోరణాలు కాకుండా ఉండుగాక చిలకల్లారా లోపలి నుంచే తొలుచుకోచ్చే భ్రమరాల్లారా ఈ పండ్లను ఇప్పుడేమీ చెయ్యకండి.... ఈ మామిడి చెట్టులాగానే ఎదిగారు ఆ ఇద్దరు చిన్నారులు ఆకులను చించేసి మొగ్గలను చిదిమేసి దాని కొమ్మలలో ఉరి తీసి వేలాడేసే వరకు కాస్తంత పక్కకుజరిగి వినోదం చూడండి ఈ చెట్టు నీడ జాతుల రక్తం హింసాయుత శోకం ఆ చిన్నారి వెంట్రుకలను గోళ్ళను వారి వారి దుస్తులలో ఈ చెట్టులోనే ఉండనిచ్చి ప్రకృతికి ఓ విజ్ఞప్తి చేస్తాను ఈ చెట్టు కొండను చీల్చి ఆకాశమంత ఎత్తు ఎదగాలి ఒక వనదేవతలా..... ముఖం ఎర్రబడి జుత్తు చెదరి శాఖలైన గోళ్ళు పెరిగి చేయాలి నృత్యం --------------------------- తమిళంలో కవి పళనిభారతి అనుసృజన - యామిజాల జగదీశ్ 13.6.14 --------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1v7wG9k

Posted by Katta

12, జూన్ 2014, గురువారం

Jagadish Yamijala కవిత

స్నేహం --------------------- స్నేహమనేది సూర్యుడిలా .... అన్ని రోజులూ పూర్ణమై ఉంటుంది స్నేహమనేది సముద్ర కెరటంలా .... ఎల్లప్పుడూ విరామమెరుగక వెంటే ఉంటుంది స్నేహమనేది అగ్నిలా.... అన్ని చెడులను నాశం చేస్తుంది స్నేహమనేది కనీరులా ..... ఎందులో పోసినా ఒకే స్థాయిలో ఉంటుంది స్నేహమనేది భూమిలా.... అన్నింటినీ సహనంతో భరిస్తుంది స్నేహమనేది గాలిలా.... అన్నిచోట్లా వ్యాపించి ఉంటుంది ---------------------- తమిళంలో కవి వైరముత్తు అనుసృజన - యామిజాల జగదీశ్ 12.6.2014 -----------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1lpzcod

Posted by Katta

11, జూన్ 2014, బుధవారం

Jagadish Yamijala కవిత

పరవాలేదుగా ఇవి.... ----------------------------- మాట్లాడేందుకు ఎంతో ఉంది కానీ ఈ మౌనం నచ్చింది --------------------------- రాతిలో బుద్ధుడు ఉండొచ్చు అలాగే రాయే బుద్ధుడుగానూ ఉండవచ్చు ---------------- ప్రపంచంలో ముఖం చూసుకున్నాను నన్నూ అందంగా బ్రహ్మాండంగా చూపుతోందీ లోకం ---------------------- కొన్ని ప్రశ్నలకు ఫలానా దిశ అంటూ చూపితే చాలు తానుగానే జవాబు చూసుకుంటాయి -------------------- ఎంతో మాట్లాడింది నక్షత్రం .... కానీ వాటిని రాసుకోలేకపోయాను, తెల్లవారిపోయింది ------------------------- తమిళంలో మా మిత్రుడు రాజా చంద్రశేఖర్ రాసిన వాటిని నేను తెలుగులో మీ ముందు ఉంచాను......... యామిజాల జగదీశ్ 11.6.2014 ------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1mHxCLb

Posted by Katta

10, జూన్ 2014, మంగళవారం

Jagadish Yamijala కవిత

పంచ రత్నాలు -------------------- వెలుగు రేఖ చీకటి నౌకరు ------------------- క్షణాలలో నిల్చోలేను అని అంటోంది నటుడి దేహం ఆలోచనాపరుడేమో పడున్నాడు రాయిలా --------------------------- మరణించిన అన్ని దేహాలలోను మిగిలే ఉంది కామం --------------------- చీకటని వెలుగని అలలై ఎగసిపడుతున్నాయి నక్షత్రాలు బోర్లా పడుకున్న నది ---------------------------- కింద పడటంతోనే నేనుగా లేచానని అనుకున్నాను లేపిందేమో నా నీడ ----------------------- తమిళంలో మిత్రుడు మా పుహళేంది అనుసృజన యామిజాల జగదీశ్ 10.6.2014 ----------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1mzYdKg

Posted by Katta

8, జూన్ 2014, ఆదివారం

Jagadish Yamijala కవిత

1 సిగ్గులో పడ్డ సూరీడు --------------------------- నీ ముక్క పుడక కాంతిలో దాటుకొచ్చాను ఆ రాత్రిని.... ఒకే సమయంలో విజయంలో సిగ్గుపడి పరాజయంలో సంతోషించి ఆ కదనరంగంలో నువ్వు రాజకుమారివయ్యావు దారంతా విస్తరించిన నీ సిగ్గులో జారి పడ్డాడు సూర్యుడు -------------------------------- 2 అంతా మీ చేతుల్లో ఉంది ------------------------------ సున్నితంగా నన్ను తీసుకోండి నేను మామూలు పుస్తకాన్ని కాను ధ్వంసం చేసిన అడవుల నుంచి శరణు కోసం వెతుకుతూ టపటపా కొట్టుకుంటున్న కాగితపు పక్షిని నన్ను పదిలంగా చూసుకోవడం మీ చేతుల్లో ఉంది ---------------------------- తమిళంలో కవి పళనిభారతి అనుసృజన - యామిజాల జగదీశ్ రెండవ వచన కవితలో నేను కొద్ది మార్పు చేసాను 8.6.2014 ----------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1q9XZwT

Posted by Katta

6, జూన్ 2014, శుక్రవారం

Jagadish Yamijala కవిత

ఇవీ చదవండి ... --------------------- పుస్తకాలను చదివి మనసులో నాటాను చెట్ల ప్రేమను... ------------------------ ప్రేమతో దగ్గరకు తీసుకున్నావు మరణ వాకిలి తాత్కాలికంగా నెమ్మదిగా దూరమవుతోంది --------------------- గాలిని ఎదిరించి నూనెను సేవిస్తోంది దీపం ---------------------- ఏ రంగులో గీశానో ఆ వర్ణంలోనే ఉంది ఊసరవెల్లి ------------------- చీకటిని ప్రేమిస్తున్నాడు దేవుడు కానీ భక్తులేమో దీపాలు వెలిగించి వాడిని వాడి మానాన ఉండనివ్వడంలేదు ------------------------- తమిళంలో మిత్రుడు మా పుహళేంది రాసారు.... చివరి దానిలో కొంచం మార్చాను. అనుసృజన - యామిజాల జగదీశ్ ------------------------------ 6.6.2014 ------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1oyHEAO

Posted by Katta

5, జూన్ 2014, గురువారం

Jagadish Yamijala కవిత

మరో కప్పు టీ తాగుదాం ------------------------------- బహుదూరమే పయనించాం ఓ టీ కోసం ఈ చోటు అందుకోసమే రూపొందినట్టు నువ్వు విప్పారిన మోముతో మైమరచి టీ తాగుతున్నప్పుడు నేను నీ భుజాన పడి వ్యాపించే బంగారు ఎండను సేవిస్తున్నాను నీ చెవి రింగులలో చల్లదనాన్ని పుట్టింఛి నృత్యం చేయించే గాలిని సేవిస్తున్నాను నీ శ్వాసలో కదిలే వర్ణాలను సేవిస్తున్నాను నిన్ను స్పర్శించే వెదురు చెట్టు నీడను సేవిస్తున్నాను నీ కాళ్ళను తడి చేసే మంచుబిందువుల రసాన్ని సేవిస్తున్నాను ఆకులు రాలే కాలంలోని చందమామ మరొక టీ కప్పులా తచ్చాడుతున్నాడు ఇప్పుడు మనం తిరిగిపోలేము మరో కప్పు టీ తాగుదాం - తమిళంలో మిత్రుడు పళనిభారతి రాసిన మాటలు అనుసృజన - యామిజాల జగదీశ్ ---------------------------------- 5.6.2014 ----------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1owf8je

Posted by Katta

4, జూన్ 2014, బుధవారం

Jagadish Yamijala కవిత

చూస్తాను మీరేమంటారో... ----------------------------- నిన్ను తప్ప ఇంకెవరినీ ఇప్పటివరకు ప్రేమించలేదన్నది అబద్ధం ఇది కవిత మాట నువ్వు ప్రేమించినట్లు ఇప్పటిదాకా నన్ను ఇంకెవ్వరూ ప్రేమించిందీ లేదు అనేది నిజం ఇది ప్రేమ మాట కవిత అబద్ధం చెప్పొచ్చు కానీ ప్రేమ నిజమే చెప్పాలి మీరే చెప్పండి మీరు చెప్తున్నది కవితా? ప్రేమా? అర్ధమైన వాళ్లకు మాత్రం ఇదేదో చెప్పి వాళ్ళ కళ్ళు తెరిపించండి ప్లీజ్ ---------------------- యామిజాల జగదీశ్ 4.6.2014 -------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1x5Pyr7

Posted by Katta

3, జూన్ 2014, మంగళవారం

Jagadish Yamijala కవిత

ఏదో చెప్పాలనుకుని.... ----------------------------- అన్ని ఆకులను తాకుతూ వచ్చిన గాలి నన్నూ తాక్కుంటూ పోయింది నేనూ ఒక ఆకునై నృత్యం చేస్తూనే ఉన్నాను... ----------------------- సముద్రాన్ని చదివాను గుప్పెడు నీటిలో.... ----------------------- ఎన్ని చినుకులను కలిపినా చివరికి ఒక్క చినుకే మిగులుతోంది --------------------------- ఒక్కొక్క క్షణంలోనూ ఒక్కో ప్రపంచం --------------------------- ఒక్క మంచుబిందువునైనా సంపూర్ణంగా చూసింది లేదు ------------------------- నీడను తరిమితే సూర్యుడు దాక్కుంటున్నాడు ------------------------- అంతిమంగా ఏం చెప్పగలం మరణాన్ని తప్ప.... ------------------------- తమిళంలో నా మిత్రుడు మా పుహళేంది రాసారు.... ఆ భావాన్నే నాకు తోచిన తెలుగులో చెప్పాను - యామిజాల జగదీశ్ 3.6.2014 ---------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1n6Isxt

Posted by Katta

31, మే 2014, శనివారం

Jagadish Yamijala కవిత

ఇవీ చదవండి ప్లీస్ ---------------------------- అది చదరపు కొలను చదురపు రాయి విసిరాను వృత్తాలు విరిశాయి --------------------------- ఎల్లప్పుడూ నిరుపేదకు నికర లాభం బాధలే --------------------------- సముద్రం మునిగిపోయి ఉంది కాళ్ళ కింద ------------------------- చినుకులు అద్దిన వర్ణాలతో గీయడం పూర్తి చేసాను వాన చిత్రం ముందుంది ------------------------- ఎంత నీరు తాగినా పల్లాన్ని నింపలేని వాళ్ళం మనం ---------------------------- దాహం తీరడానికి ఎవరి చుక్కను ఎవరు తాగబోతున్నారో ---------------------------- లోలోపల ఉన్నది ప్రశాంతత ఎవరి లోతు ఎవరో...? -------------------------- అరకొరను నేను పరిపూర్ణతకోసం ఒక్కటొక్కటిగా నింపుతున్నాను -------------------------------- మరణం వస్తుందని తెలియక పుట్టిన శిశువులం మనం మరణం వస్తుందని తెలిసీ ఎదిగిన వృద్దులం మనం ------------------------------- తమిళంలో వీటిని మా మిత్రుడు మా పుహళేంది రాసారు అనుసృజించాను - యామిజాల జగదీశ్ 31.5.2014 ------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1lZV1XR

Posted by Katta

28, మే 2014, బుధవారం

Jagadish Yamijala కవిత

నలుగురితో పంచుకోవాలనిపించీ... ------------------------------------ మతం మనిషిని మృగంలా మార్చేస్తుంది కులాలు మనిషిని మురికి కాలువలా మార్చేస్తుంది -------------------------------------------- మిమ్మల్ని మీరే తక్కువ చేసుకుంటే మీరు చెయ్యగలిగినది కూడా మీరు చెయ్యలేరు ----------------------------------------- ప్రయత్నాలు తప్పవచ్చు కానీ ప్రయత్న లోపం ఉండకూడదు ---------------------------------- జీవితంలో ఏదో సాధించేసేనని గొప్పలు చెప్పుకునే కన్నా ఎవరినీ నొప్పించక బతకడంలోనే ఉంది గొప్పతనం ------------------------------------- ఆదా చెయ్యడం చాలా కష్టం ఖర్చు చెయ్యడం చాలా తేలిక డబ్బు విషయంలోనే కాదు ఇతరుల మనసులో మనపై మంచి అభిప్రాయం పెంచుకోవడం కూడా కష్టమే ------------------------------- మనసు విప్పి మాట్లాడండి ప్రేమ పెరుగుతుంది ----------------------------- మన్నించండి తప్పులు తగ్గుతాయి -------------------------- జీవితం అనేది వ్యాపారం అందులో జనమనేది రాబడి మరణమనేది ఖర్చు --------------------------- ప్రేమకు ఇద్దరు కావాలి ఏడవడానికి ఒక్కరు చాలు ఆనందం పంచుకోవడానికి ఇద్దరు ఉండాలి ఆరాటానికి ఒక్కరు చాలు -------------------------- మెలగిన వారు విడిపోయేటప్పుడు కూడా నొప్పెట్టలేదు కానీ వాళ్ళు అసలు పరిచయమే లేని వారులా మెలగడమే ప్రాణం తీస్తోంది -------------------------------------- తమిళంలో అక్కడక్కడా చదివినవి ------------------------------------- యామిజాల జగదీశ్ 28.5.2014 ------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1tmQjaN

Posted by Katta

17, మే 2014, శనివారం

Jagadish Yamijala కవిత

1 నేనో బింబాన్ని... -------------------------- ఉండేందుకు మనసు లేదు ఎగిరేందుకు రెక్కలు లేవు మంచుబిందువులలో ప్రతిబింబించే సీతాకోకచిలుక బింబాన్ని నేను ------------------------------ 2 ఇంతకూ నువ్వెవరివి? ------------------------------ చెన్నైలో ఈ రోజు నీ వాతావరణం .... చలి పుట్టించే ఆకులలో వర్షం అల్లిన పాట పక్షుల రెక్కలతో షికార్లు చేస్తున్నాయి వర్షానికి నువ్వు ఇచ్చిన ముద్దులు అపూర్వా..... ఇంతకూ నువ్వు వర్షానికి అమ్మవా ? బిడ్డవా ? --------------------------- ఈ రెండు కవితలూ తమిళ కవి పళని భారతి రాసినవి అనుసృజన యామిజాల జగదీశ్ 17.5.14 ---------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/Td4tAN

Posted by Katta

15, మే 2014, గురువారం

Jagadish Yamijala కవిత

నా వంక చూస్తున్నారు ----------------------------------- నా వద్ద అనేకమైన ఆశ్చర్యార్ధకాలు ఉన్నాయి మీ వద్ద అనేకమైన ప్రశ్నార్ధకాలు \ ఉన్నాయి నేను ఎగురుతున్నాను నా ఆశ్చర్యార్ధకాల వల్ల కానీ మీరు చూస్తూ నిల్చున్నారు ప్రశ్నార్ధకాలు మిమ్మల్ని ఉక్కిరిబిక్క్రి చేస్తున్నాయి నాకున్న రెక్కల్లో ఏమున్నాయని.... - యామిజాల జగదీశ్ 15.5.2014 --------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1svR5Sq

Posted by Katta

14, మే 2014, బుధవారం

Jagadish Yamijala కవిత

ఈరోజుకు ఇదే తొలి కవిత ----------------------------- నిశ్శబ్దమైన ఉదయం అంతకన్నా ప్రశాంతమైన గొంతులో కోకిల గానారాధన సాక్షిగా భానుడి కిరణాల సాక్షిగా సాంబారు ఘుమఘుమల సాక్షిగా తట్టి లేపే అమ్మ చేతిని పట్టుకున్నా ఇంకేముంది ఆరోజు ఉదయం నా తొలి కవిత ఇదే అయ్యింది - యామిజాల జగదీశ్ 14.5.14 ------------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1sLBoZk

Posted by Katta

13, మే 2014, మంగళవారం

Jagadish Yamijala కవిత

భ్రమ ------------------ పసితనంలో చందమామ బహు దూరాన ఉంటాడు కానీ నేను నడుస్తున్నప్పుడల్లా నాతో నడచి వస్తున్నట్టు మనసు ఆనందంతో ఉబ్బితబ్బిబవుతుంటుంది ఇప్పుడు నువ్వు బహు దూరాన ఉండి నాకు అందని బంధమే.... అయినా నీతో కలిసి మమేకమై అనుక్షణం నేను ఆనందంతో జీవిస్తున్నట్టు భ్రమిస్తున్నాను ఇది ఎంత కాలమో తెలియడం లేదు - యామిజాల జగదీశ్ 13.5.2014 -------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1mjTf7G

Posted by Katta

12, మే 2014, సోమవారం

Jagadish Yamijala కవిత

అన్వేషణలో కొట్టుమిట్టాడుతున్నా ----------------------------- మౌనం ఎన్నో అర్ధాలను అరటి పండు ఒలిచినంత తేలికగా నాకు ఎప్పటికప్పుడు చెప్తూనే ఉంది హెచ్చరికా చేస్తోంది అయినా ఆ అర్దాలన్నింటినీ పెడచెవిన పెట్టి మాటల్ని కుప్పలు తెప్పలుగా కుమ్మరించి ఏరికోరి సమస్యలు సృష్టించుకుని నజ్జుగుజ్జయి పోవడం సర్వసాధారణమైపోయింది అప్పుడు ఎంత గుంజుకున్నా మౌనం అక్కున చేర్చుకుని ఓదార్చడం మాని మరింత మౌనంగా నన్ను చూసి నవ్వడం భరించలేకపోతున్నాను మౌనమూ మాటలూ నడుమ నేనెంత కాలం నన్ను నేను నడిపించుకోవాలో తెలియడం లేదు మౌనమాటల కలయికలో నన్ను నేను మమేకం చేసుకోవడానికి అన్వేషిస్తున్నాను అదేపనిగా ఆ ఘడియల కోసం చూస్తున్నాను నిద్ర లేని రాత్రులే నా తపనకు సాక్ష్యం - యామిజాల జగదీశ్ 12.5.2014 ------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1sjdH8u

Posted by Katta

11, మే 2014, ఆదివారం

Jagadish Yamijala కవిత

అవీ ఇవీ .......................... రాయి రాయి ... నాకో ఉత్తరం రాయి నన్ను ప్రేమిస్తున్నానని కాదు నువ్వు మరెవరినీ ప్రేమించడం లేదు అనయినా రాయి --------------- అద్దంలో చూసాను చదివాను ఒక కవిత అది నీ ముఖారవిందం ------------------- ఎప్పుడో ఒక రోజు నిన్ను మరచిపోతాను ఆరోజు గాలి వీయదు ప్రేమ అదృశ్యమైపోతుంది ---------------------- నీ పెదవులు పలికేదాకా నేను అనుభూతి చెందలేదు నా పేరు అంత అందంగా ఉందని ------------------------ విజయమనేది పొందేందుకు.... ఓటమి అనేది నేర్చుకోవడానికి ------------------- ప్రేమకు కళ్ళు లేవనేది అబద్ధం నీ కళ్ళను చూసిన తర్వాతే నిన్ను ప్రేమించడం మొదలుపెట్టాను ----------------- తమిళ మూలం కవి వైరముత్తు అనుసృజన యామిజాల జగదీశ్ -------------------------------- 11.5.2015 ----------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1gaa3hq

Posted by Katta