Sriramoju Haragopal కవిత

కాపిశ్కెడు నెనరు పిడీలు గడిచినయి పిడికెడు దయగలిగిన మనుషులు పిడికెడుగూడ దొరకలే దోసెడు దోసెడు కన్నీళ్ళు తాగి ఆశలు దూసిన బతుకుచెట్టునీడల ఎండిపోయినయి చల్లటి అయినోల్లనీడలు ఎవల్నడుగాలె బాధలెందుకుంటయని మొగులొడ్డున పొద్దొకనది యెలుగు, మాపొకనది సీకటి బురద బురద కప్పు తొర్రల్లో చిక్కిన యాదిచుక్కలు పొయ్యిల కొర్రాయిలెక్క చిటపట యిడిచిపోయినోల్లె కాని వున్నదెవరుతోడు? పుటుకపొద్దు, సావుమునిమాపుల నడుమ చానా ముచ్చట్లు కతలుగ చెప్పడానికే నిజం మనం కలిసి బతికిన రోజులన్నిట ఆత్మగల్లలోకం వొకటుంటదనే భావుకం, నీకు నాకు నడుమ వెలిసిపోని పావురం దుక్కం మొగురమై గుండెల్లో దిగబడితే బొమ్మరిల్లు బొమ్మయిల్లే తండ్లాడి పేర్చుకన్న బతుకమ్మయితే బతుకు పిడీలకవుతల కూడా ప్రేమలచేన్లే పండుతయి

by Sriramoju Haragopal



from kavi sangamam*కవి సంగమం*(Poetry ) http://ift.tt/1i3zFd5

Posted by Katta

Bandla Madhava Rao కవిత

కవి మిత్రులారా మీ మీ కవితలు ఏ పత్రికలో ప్రచురితమైనా వాటి వివరాలు లేదా ఆయా కవితలు కవిత 2014 ప్రచురణల డైరీ పేజీలో అతికించడి.

by Bandla Madhava Rao



from kavi sangamam*కవి సంగమం*(Poetry ) http://ift.tt/1i9qngm

Posted by Katta

Rajkumar Bunga కవిత

ఆర్కే||ఓ క్షణం చాలు|| అవును, జీవితం అందమైనది ఒక యుగమైన ఒక్క క్షణమైనా జీవితం అందమైనది కొన్నిసార్లు ఎవరో చెప్తేగాని తెలియదు అంతమయ్యేలోపు మరింత అందమని తెలుసుకో ఎందుకు ఆ భయం రోగంనిన్ను పీడుస్తుందా లేక రోగిని అనే దిగులు నిన్ను పీడుస్తుందా What is more hurting you? Disease or fear about Disease. ఇదిగో మనసా నీకో రహస్యం చెప్పనా, రోగం లేనోళ్ళు ఉన్నారేమో గాని మరణం లేనోళ్ళు కాదు...పిచ్చిముఖమా! న్యాయ సమ్మతమైన సమయంలో పరస్పర సమ్మతిపత్రం తీసుకొని ఏ ఉద్దేశ్యంతో ఇక్కడకు వచ్చావో నీకు ఆ భగవంతునికి మాత్రామే తెలుసు అదో రహస్యం ....మీ ఇరువురి మధ్య ఒప్పందం ప్రయాణంలో ఎన్నో మజిలీలు, తోటి ప్రయాణికులు!! కార్యం ముగింపులో కార్యాలయం ఆలోచన ఎందుకు ఎలా వచ్చావో అలాగే స్వచ్చంగా, లేతగా వెళ్ళిపో కార్యాలయం బీటలు వేస్తే నీకేంటి, బూజులు పడితే నీకేంటి శిధిలాలు భుజాన్నేసుకొని తిరుగు ప్రయాణం ఎందుకు, భూమిలో పాతెయ్ కాన్సర్ కణాలు మట్టితోకట్టిన కార్యాలయపు గోడలను కూల్చగలవు గాని, నిన్నుదాటుకొని నీ గుండెను కాదుగా ...తెలుసుకో అద్దెకొంపలో ఏమైనా కట్టిపడేసే బాధ్యతలుంటే తేలికపాటి ప్రయాణం కోసం అన్ని ఖాళి చేసుకొని నీగుండెలో నువ్వు చేరి సిద్దపడిపో పక్షిలా ఎగరడానికి Everything looks like important in life, but everything is not need in life, until unless you know the difference between important and need. సమస్తం ఆవశ్యకమైనవే, కాని అవసరము కాదు వాటి మధ్య వ్యత్యాసము తెలియనంతసేపు జీవితమంటే శరీరంలోనే నివాసం కాదు .... జీవితమంటే ఓ అందమైన ప్రయాణం, ఓ జ్ఞాపకం అందరిలో జీవించడానికి , అందమైన జ్ఞాపకంగా మిగిలిపోవడానికి వందేళ్ళు అవసరం లేకపోవచ్చు.. ఒక్కోసారి ఓ క్షణమే చాలు What is more hurting you? Death or fear about Death నవ్వినా నవ్వించగల్గిన...ఓ క్షణం చాలు ఎవరో ఒకరిలో నీవు తిరిగి జీవించడానికి..కమ్మని జ్ఞాపకంలా!! ఆర్కే||ఓ క్షణం చాలు|| 20140311

by Rajkumar Bunga



from kavi sangamam*కవి సంగమం*(Poetry ) http://ift.tt/1nFMHQ0

Posted by Katta

Yasaswi Sateesh కవిత

యశస్వి.. ఎన్నికల లోగిళ్ళలో.. ఎదురుచూపులు చాలిక తెరతొలగించి చూపించాలి మొదలైంది డచ్చాల యుద్ధం రంగం సిద్ధం చూస్తున్న వారిప్పుడూ.. మౌనాన్నే ఆశ్రయిస్తున్నారు ఈలలు వేసి గోల ఆడేవారే చేస్తున్నారు జీడిపప్పు తిని బలిసిన పందెం కోళ్ళు బరిలో నించున్నాయ్ ప్రయాణంలో, పనివేళల్లో.. కాలక్షేపం కబుర్లు బోలెడు పేపరు నిండా కాలక్షాపం బఠాణీలే చోద్యం పంచడానికి తోడున్నాయిగా మన ఛానళ్ళు ప్రజలంతా ఎవరినో గెలిపించడానికి సిధ్ధమైపోయారు లేదా తాము ఓడిపోవడానికి సిధ్ధమైపోతారు ఏమీ అడగలేక పోతారు అయాచితానికి ఆశపడిపోతారు చూపున్నా దృష్టి లేక బ్రతికున్నా స్పృహలేక ఆకలికి తాళలేక బరువుకీ కరువుకీ తాయలాలకై తొందరపడిపోతారు ఎన్నికలలనో పోగేసిన మాటల్ని నెమరేయలేక కలల్ని కనే అవకాశాన్ని వదిలిపోతారు అలవాటైన చీకట్లోకి నడిచిపోతారు.. కవీ! గోరీలు తవ్వి లేపనక్కరలేదు.. బ్రతికున్న మనుషులేగా మనవాళ్ళు! అయోమయంలో వారి ఆనవాళ్ళు ఎన్నిక చేసుకునేది మనుషుల్ని కాదు ముందురోజుల జీవితాన్నని.. మరలచెప్పు. అమ్మ-నాన్న, ఊరూ-కులం, భాష- ప్రాంతం పుట్టుక- చివరికి నువ్వు మగో- ఆడో నిర్ణయించుకునే అవకాశం కూడా లేకుండానే ప్రయాణం మొదలెట్టాముగా! నీపరమైన వన్నీ గౌరవించే మనసున్నోడివి బతుకు బండి నడిపే వాడిని ఎన్నుకోమని అడిగితే తలదించుకు పోతావే? అని కదా మనం అడగాలి!! ఓటు కోసం వచ్చిన వాడ్ని ప్రశ్నించమని చేప్పేవి- చేసేవి చిట్టాల తూకం వెయ్యమని మరలచెప్పు మన మనిషికి గొంతెత్తి పిలువ్! వెలుగు దారి తొక్కమని ==11.3.14==

by Yasaswi Sateesh



from kavi sangamam*కవి సంగమం*(Poetry ) http://ift.tt/N3slTl

Posted by Katta

Usha Rani K కవిత

మరువం ఉష | అనుసంధానం ---------------------------- ఆ విముక్తాకాశతలాన విలాసంగా విహరించే విహంగం మదిలో అసూయ గుప్పిస్తోంది అప్రయత్నంగా రెక్కగూడు తడుముకున్నాను ఎక్కడో అగాథపు లోతుల్లో మొండి పర్వతం ఇబ్బందిగా కదులుతూనే ఉంటుంది ఊహల్లో ఎగిరే నాకింత అత్యాశ కలిగితే, గతించిన యుగాల్లో సుఖించిన రెక్కజోరు కడలి హోరులా ఊపుతూనే ఉండాలిగా ఈ విశాలభూతలాన విస్తారంగా పరుచుకున్న వనం ఎదలో అనుభూతిని రగిలిస్తోంది అనుకోకుండా కళ్ళు మూసుకున్నాను ఇక్కడే ఎక్కడో శాపవిముక్తి పొందని నిస్త్రాణ దేహమొకటి స్థాన భ్రంశం కోసమని ఆరాటపడుతుందేమో కలలకే అబ్బురపడే నేను, భ్రమణ కాంక్షకి లోనైతే కామరూప విద్యల కలదిరిగిన విలాసాలు శ్వాస నిశ్వాసలుగా ఆయువిస్తున్నాయేమో అనుభవానికి రాని ఆరాటాలు ఆగవెందుకో ఆనవాళ్ళ మాయతివాచీ మీద పయనాలు చేస్తుంటాయి నిదురలోనూ మూత పడని మనసు, మూస్తున్న కళ్ళలో పక్క వేసుకుంటుంది కుతూహలపు కేరింతలతో వింత ప్రదర్శనలు చూసి వస్తుంది 11/03/14

by Usha Rani K



from kavi sangamam*కవి సంగమం*(Poetry ) http://ift.tt/1g4CfuN

Posted by Katta

Murthy Kvvs కవిత

KVVS MURTHY|జ్ఞానీలు-32 మాటలు ఒక్కొక్కసారి వాటి భావాన్ని సరిగా మోసుకుపోలేవెందుకని..? మాటలు ఒక్కొక్కసారి ఒట్టి శబ్దాల వలెనె ధ్వనిస్తాయెందుకని....? మాటలు ఒక్కొక్కసారి వాటి వ్యతిరేక భావాన్ని వ్యక్తంచేస్తాయెందుకని...? మాట ఒక్కొక్కసారి కుంటిది...! మాట ఒక్కొక్కసారి మూగది...! ------------------------------ 11-3-2014

by Murthy Kvvs



from kavi sangamam*కవి సంగమం*(Poetry ) http://ift.tt/1g4Cfeu

Posted by Katta

Aruna Naradabhatla కవిత

వృద్ధి _______అరుణ నారదభట్ల ఎంతకాలం అభివృద్ది బాటలోనే సాగుతాం వందేళ్ళు గడచినా నేర్చుకుంటునే ఉన్నాం! కాలాలు నల్లమబ్బుల్లా పరుగెడుతూనే ఉన్నాయి జీవితాలు కుప్పలుగా కూలడం గమనించావా!?! ఎన్ని కాగడాలో పథకాలై పరిచినా గుడిసె మేడయి కూచుందా...! రాచరికం రాజకీయమై రంగురాళ్ళలా పేరుకుపోతుంది! నడుస్తున్న వారసత్వం జీన్స్ తొడిగి నూతన భాష్యం చెబుతుంది! పెరిగే వృద్ధి రేట్లు కేవలం కొందరి లెక్కలే... వసుదైక కుటుంబపు రహదారి కింద కంకర రాళ్ళై నలిగిపోయే ఇసుక తిన్నెలను ఎప్పుడైనా పలకరించారా! సాఫ్ట్ వేర్ ఆడిన పాచికలో పెరిగిన ధరలను ఎన్నడైనా మాటాడిస్తే తెలిసేది పేదరికపు ఆనవాళ్ళు! భూమీ చిన్నది... అయినా మోసే స్థాయి కంటే ఎక్కువే మోస్తుంది... ఇసుకా చిన్నది అయినా భవంతులై మోస్తుంది ఇక్కడ అభివృద్ధీ అంతే....పేద..మధ్య తరగతులు భారాన్ని మోసి పన్ను కడితే రాజ్యమై నిలబడుతుంది! ఇంకా అభివృద్ధి చెందుతున్న దేశమే... చెందిన దేశం ఎన్నడవుతుందో...మరి ఇంగ్లీషు రాజ్యలను వీసాలై ఆహ్వానించడానికి! 11-3-2014

by Aruna Naradabhatla



from kavi sangamam*కవి సంగమం*(Poetry ) http://ift.tt/1iwBZg8

Posted by Katta

Satya Srinivas కవిత

మోదుగ చంద్రవంక అర్ధచంద్రాకార కిటికీ అద్దం రాలిన చుక్కతో పడుకున్న నేను ఆకులు పూలైన మోదుగ వనంలా ఓ నగ్నాకాశం నేల వాంఛల పచ్చని పున్నమి వెన్నెలదారుల కలయిక మనస్సు చూచుక కళ్ళలో ఒకే దృశ్యమైన కనుపాప బీజం (నా ప్రయాణంలో వెన్నంటే వుండి, వచ్చిన మోదుగ పూలకి)

by Satya Srinivas



from kavi sangamam*కవి సంగమం*(Poetry ) http://ift.tt/1nF4VkH

Posted by Katta

Kavi Yakoob కవిత

SELECTED READINGS ~

by Kavi Yakoob



from kavi sangamam*కవి సంగమం*(Poetry ) http://ift.tt/1ke3FDK

Posted by Katta

Gaddamanugu Venkata Satyanarayana Rao కవిత

సంటోడి కయిత్వం ----------------------------------------------- ఎం రా భయ్.. నువ్వేమైనా కవితల్గనుక్కున్నవా రా..? నువ్వు గాదూ, నీ ముత్తాతల్ గుడక పుట్తలే కవితల్బుట్టినప్పుడు.. అర్రె, ఏదో చంటి పోరగాండ్లు వాళ్లకొచ్చిన తీర్ల నాలుగు ముక్కల్ రాస్తంటే అది బాలే, ఇది బాలే అంటావ్.. ముళ్ళల్ల తిరిగి ఏరకొచ్చిన పండ్లమ్మె అవ్వకు దెల్సు కష్టమేందో.. అంతెగానీ బాల్కనీల మొక్కల్వెంచి సప సపా కొసుకదినే నీకేం తెల్సురా భయ్,, గట్లనే అప్పుడప్పుడే కవితలంట ఆసక్తొచ్చినోడికి ముంగలే బయపెడితే ఎట్ల.. అవసరమైతే గానికి అట్ల గాదు ఇట్లా అని సెప్పాలే.. ఒక పదం కాకపోతే ఇంకోటని సెప్పాలే.. అంతెగానీ ఇట్ల రాయద్దు అట్ల రాయద్దంటే గానికి అసల్ రాయడమే సిరాకొస్తది.. ఇంగొ ముసలాయనా.. నువు బానే గ్యానమున్నోనివి లే గానీ గిట్ల అందరికి గ్యానం రావల్నంతే ఇట్టంటి సిన్న సిన్న తప్పుల్జెయ్యలే.. చెయ్యకుంద ఎట్ల తెలుస్తయ్..? అర్రె మనింట్ల సంటోడే పది సార్లు లేస్తడు పడతడు.. ఇది గుడక అంతె అంకోవాలె.. నిజమే, తప్పుల్ని సెప్పకపోతే ఎట్టా తెలుస్తయ్ అంటావ్.. కరక్టే వయా, కానీ ఇంటి దానికి అది జేసిన కూర బాలే అన్నమనుకో ఎమైతది..? రెండో రోజు మన కడుపే మాడిద్ది.. అట్లగాకుంద గా కుర్ల అట్ల కాకుండ ఇట్టా సెయ్యవే నాకు శాన ఇట్తం అన్నవనుకో, ఏముంది ఇంగ పండగే పండగ.. గట్లనే వాడు ప్రతీ పాటకుడికీ కవి హృదయం ఇంటిదాని లెక్క.. దాన్ని ఎంత స్మూత్ గా యాండిల్ జేత్తే అంత సక్కటి కవిత్వం బైటికొస్తదప్ప.. ఏంది.. ఓకేగా..? - సాట్నా సత్యం, 11-03-2014, 15:12

by Gaddamanugu Venkata Satyanarayana Rao



from kavi sangamam*కవి సంగమం*(Poetry ) http://ift.tt/N33UoX

Posted by Katta

Gaddamanugu Venkata Satyanarayana Rao కవిత

కవిత్వీకరించటం - ఈరోజు చూసిన ఒక కొత్త పదం.. చాంద్ గారి కవితకి మన యాకూబ్ గారు ఇచ్చిన వ్యాఖ్య లో ఈ పదాన్ని వాడారు.. బాగుంది.. అనువదీకరించటం, ఆంధ్రీకరించటం, విశదీకరించటం లాగా "కవిత్వీకరించటం" అన్నమాట.. సొ మన మనసులో పుట్టిన భావాలని కవిత రూపంలోకి తీసుకురావటాన్ని "కవిత్వీకరించుకోవటం" అని అనుకోవచ్చు. - తెలుగు కవి సాట్నా సత్యం.

by Gaddamanugu Venkata Satyanarayana Rao



from kavi sangamam*కవి సంగమం*(Poetry ) http://ift.tt/NVnftj

Posted by Katta

Madhu Eruvuri కవిత

||మధు ఇరువూరి||గడ్డి పూలు-2|| పూటకో పువ్వు పూస్తూ...రాలుతూ... జీవితం. *** గోడపై శకుని ఎటుదూకాలో తెలియక మనిషి ఆలోచన. ***** రేయి ఓ నల్ల రాయి శూన్యంలో శిల్పానికి దిష్టి చుక్కలు తారలు. ***** ఊడ్చి ఎంత శుభ్రం చేసినా... మూల మూలిగే ముసలి చీపురు. ******* మనసులో మళ్ళీ పూస్తున్నాయి గడ్డి పూలు. 11-03-2014.

by Madhu Eruvuri



from kavi sangamam*కవి సంగమం*(Poetry ) http://ift.tt/Ogv1Ov

Posted by Katta

Kapila Ramkumar కవిత

సిహెచ్.మధు||అధ్యయనంతోనే సాహితీ సేద్యం|| రచయితకు అధ్యయనం చాలా గొప్పది. అధ్యయనం లేకుండా మంచి రచయిత కాలేడనేది వాస్తవం. వర్తమాన రచయితలు, కవులు ఇప్పుడొస్తున్న రచనలన్నీ చదువుతున్నారా? చదవకపోవడం వల్లే మంచి సాహిత్యం రావడం లేదా? ఎందుకంటే రచయితకు అధ్యయనం చాలా అవసరం. అభిప్రాయాలతో మనం విభేదించవచ్చు. పుస్తకంలోని సిద్ధాంతం మనకు నచ్చకపోవచ్చు. రచయిత పేరు మనకు ఎలర్జీ గావచ్చు. పుస్తకం మీద ఎవరో చెప్పిన మాటలతో ఓ అభిప్రాయం ఏర్పాటుచేసుకోవచ్చు. అయినా ఆ పుస్తకం చదవాలి. తప్పక చదవాలి. అలా చదివినపుడే ఏది ఎందుకు నచ్చలేదో మనకు తెలుస్తుంది. ఏది ఎందుకు వ్రాయకూడదో మనకు తెలుస్తుంది. పది సంవత్సరాల క్రితం పేరుగాంచిన రచయితల గూర్చి, కవులగూర్చి ఒక మాట తరచుగా వినిపించేది. ఇంగ్లీషులో చదివి తెలుగులో రాస్తారని.. అందుకే ఇప్పుడు మన ముందున్న పేరున్న రచయితల ఇంటర్వ్యూలలో మీకు ఎవరి రచనలంటే ఇష్టం? అనే ప్రశ్నకు ఇంగ్లీషు రచయితలు కవుల పేర్లు, పుస్తకాల పేర్లు చెపుతుంటారు. ఇంగ్లీషు సాహిత్యం తప్పని అనలేం. అది ప్రపంచ సాహిత్యం. అయితే ఇంగ్లీషు సాహిత్యం చదవటమే ముఖ్యం కాదు. తెలుగు సాహిత్యంలో ఎన్నో మంచి రచనలున్నాయి. తెలుగు సాహిత్యమంటే వీరికి ఎలర్జీ. ఇది మంచి అధ్యయనం గాదు. కాళీపట్నం రామారావు ‘యజ్ఞం’ గొప్ప కథ, తెలుగు కథకు వనె్నతెచ్చిన కథ. దీన్ని వర్తమాన రచయితలలో ఎందరు చదివారు? ఈ కథే చదవనపుడు- మిగతావి చదివినా అది ‘అధ్యయనం’ క్రిందికి రాకపోవచ్చు. ‘మంచికథ’ చదవాలి. మంచి కవిత్వం చదవాలి. మంచి నవలలు చదవాలి- వీటన్నిటికంటే విమర్శనాత్మక సాహిత్యాన్ని ఒంటబట్టించుకోవాలి. విమర్శ అంటే మెచ్చుకోలు గ్రంథాలు కావు. సాహిత్య లోతుపాతులు సామాజిక దృష్టికోణంతో వచ్చిన ‘విమర్శ’ పుస్తకాలు చదవాలి. ఈ గ్రంథాల నుంచి చాలా నేర్చుకోవచ్చు. రావూరి భరద్వాజ నవల ‘పాకుడురాళ్లు’కు జ్ఞానపీఠ అవార్డు యిచ్చారు. అంతకుముందు ఆ నవల గురించి పెద్దగా తెల్సింది లేదు. జ్ఞానపీఠ అవార్డు లభించిన తర్వాత ‘పాకుడురాళ్లు’ను- భరద్వాజను అందరూ ఆకాశానికి ఎత్తుతున్నారు గానీ- ‘పాకుడురాళ్లు’పై విమర్శనాత్మక వ్యాసం ఇప్పటివరకు రాలేదు. సరియైన అధ్యయనం జరిపినపుడు ఈ విషయం కూడా రచయిత దృష్టిలోకి వస్తుంది. అధ్యయనం అంటే రామాయణ భారత భాగవతాలను కూడా చదవాలి. వేదాలు చదివితే ఇంకా మంచిదే! ఖురాన్, బైబిల్ చదివారా? రచయితకు అన్నీ తెలిసివుండాలి. గతం వర్తమానం బాగా గుర్తింపు వుంటే భవిష్యత్తు చెప్పగలడు. భవిష్యత్ పరిణామాలు చెప్పగలవాడే మంచి రచయిత. భగవద్గీత చదివారా? ఇది సాహిత్యం కాదని అనుకోవద్దు. భగవద్గీతలో సాహిత్యముంది. ప్రతి అక్షరంలో సాహిత్యముంటుంది. అక్షరమే సాహిత్యం. ప్రతి రచయిత ‘మార్క్సిజం’ చదవాల్సిన అవసరముంది. మార్క్సిజం మూల సూత్రాలు తెలుసుకోకుండా ‘రచయిత’ మంచి రచనలు చేయలేడు. ‘గతి తార్కిక భౌతికవాదం’ ‘పెట్టుబడి- దాని పుట్టుపూర్వోత్తరాలు’ ఇవి తెలుసుకోకుండా ప్రజల గూర్చి- వ్యవస్థగూర్చి ఏమి వ్రాయగలం? ‘మార్క్సిస్టు’ అయినా- విశ్వనాథ వేయిపడగలు చదవాల్సిందే, కృష్ణశాస్ర్తీ వెంకిపాటలు చదవాల్సిందే. మన రాజ్యాంగం మూల సూత్రాలు చదవకుండా మంచి రచయిత కాలేడు. అధ్యయనం అంటే ఇదే! సాహిత్యానికి రాజ్యాంగానికి సంబంధమేమిటని రచయిత భావిస్తే- ప్రపంచ జ్ఞానం రచయితకు కరువవుతుంది. రాజ్యాంగం తెలియకుండా మంచి సాహిత్యాన్ని ఎలా సృష్టించగలం? ప్రజల కన్నీళ్లకు, బాధలకు కారణాలు తెలుసుకోవాలంటే రాజ్యాంగం చదవాల్సిందే. ‘రాజ్యాంగం’ అంతిమ లక్ష్యం సమానత్వం. అంతరాలు లేని సమాజం. ఇపుడు అంతరాలు పెరుగుతున్నాయి. ఇవి తెలియటానికి రచయిత రాజ్యాంగం చదవాల్సిందే. ఒక రైతు ఆత్మహత్య చేసుకున్నాడు. ఎక్కడో ఓ దగ్గర ఎన్‌కౌంటర్ జరిగింది. కొందరు చట్టాన్ని చేతుల్లోకి తీసుకుంటున్నారు. ఎందుకు? ఇవి అన్నీ రచయితకు అవసరమే, కారణాలు తెలియాల్సిందే. రైతు ఆత్మహత్యను కథగా, దుఃఖంతో కవితగా వ్రాసినా, రాజ్యాంగం తెలియకుండా రాస్తే పరిపూర్ణత వుండదు. తెలిసి రాస్తే ఆ రచనలో చాలా లోతులు కనిపిస్తాయి. ‘అధ్యయనం’ అనేది చాలా గొప్పది. పుస్తకాలు చదవటం అలవాటు కావాలి. విసుగు అనిపించకూడదు. టైంపాస్ కొరకు చదువుతున్నామనుకోకూడదు. మొదట చదవకుండా వుండలేం అనే పరిస్థితి రావాలి. ప్రతిదినం ఏదైనా పుస్తకం చదవకపోతే ఏదో పోగొట్టుకున్నట్టుగా ఫీల్ కావాలి. దిన చర్యలో ఏదో లోపం జరిగినట్టుగా భావించగలగాలి. కొందరు పెద్ద రచయితలు కొమ్మూరి సాంబశివరావు డిటెక్టివ్ నవలలు చదివామని చెప్పుకుంటారు. అవి అందరినీ చదివించే నవలలు. అధ్యయనంపైన ఆసక్తి కల్గించే నవలలు. నవల ప్రారంభించిన తర్వాత ఆఖరు వరకు విడిచిపెట్టలేం. ఇటువంటి పుస్తకాలు డిటెక్టివ్‌లోనే కాదు, శరత్‌బాబు నవలలు చదివి చూడండి. గొప్ప నవలలు అధ్యయనం పెంచే నవలలు బెంగాలీ రచయిత కావచ్చు. తెలుగు అనువాదం సులభంగా చదివిస్తుంది. అనువాద నవలలుగా వుండవు, శరత్‌బాబులోనే ఆ ప్రతిభ వుంది. దేవదాసు అందరికీ తెలుసు. భారతి, శేషప్రశ్న, చరిత్రహీనులు- ఈ నవలలు చదివిన తర్వాత తెలుగులో ఇంత మంచి నవలలు వచ్చాయా అనిపిస్తుంది. అధ్యయనం లేకుండా మనం మంచి రచనను సృష్టించలేం. మంచి కవిత్వాన్ని అల్లలేం. అజంతా చెట్లు కూలుతున్న దృశ్యం. తిలక్ అమృతం కురిసిన రాత్రి, శివసాగర్ కవిత్వం మొత్తం చదవాల్సిందే. మొదట చదవటం అలవాటు కావాలి. అధ్యయనం అలవాటు అయితే పుస్తకం విడిచిపెట్టలేరు. అధ్యయనం ప్రతి రచయితకు వ్యసనంగా మారాలి. మంచి కవి, మంచి రచయిత కావాలంటే మంచి పాఠకుడు కావాలి. మంచి పాఠకులవౌదాం.-, 9949486122 10/03/2014http://www.andhrabhoomi.net/content/a-26

by Kapila Ramkumar



from kavi sangamam*కవి సంగమం*(Poetry ) http://ift.tt/NUZgdR

Posted by Katta

Kavi Yakoob కవిత

by Kavi Yakoob



from kavi sangamam*కవి సంగమం*(Poetry ) http://ift.tt/1ggE4tj

Posted by Katta

Narayana Sharma Mallavajjala కవిత

జుగుప్స __________________________ అక్కడక్కడే అక్కడొక్కదగ్గరే బతికెయ్యాలి అసలిక్కడెవడూ అవసరం లేదు వాడుమసైతున్నా నున్నటి ఎగిరె జెండానే కలగంటూ జీవితాన్ని వదిలేసి నానుంచినేను స్ఖలనమైపోయి నామట్టిలేకుండా పాండ్స్ పౌడర్ పూసుకుని పెద్ద ఆకాశంలో గిలగిలా తన్నుకుంటూ ఒక్కొక్క రాత్రీ నువ్వు వెన్నెల్లో కూచుని రక్తంతో పావురాళ్లబొమ్మలుగీసి వరి పండిచొచ్చు సత్యాన్నో అసత్యాన్నో భ్రమనో విభ్రమాన్నొ తర్కిస్తూ తాత్వికమనితేల్చేస్తూ నున్నటి బోడగుండుమీద చక్కటి సరళరేఖని గీయొచ్చు ఆచ్చాదన అవసరంలేకుండా ఓ నల్లటి పిడికిలిని పట్టుకొని బతకొచ్చు ఆకుల్నినాకి స్వర్గాన్ని చేసిందెవడు ఉన్నదగ్గరే కళ్లు ముడుచుకుని భ్రమించడం తప్ప నిమిషనిమిషానికి అలా మునిగిపవిత్రమవలేను ఒకే సారి చచ్చి..మళ్లీ మళ్లీ నేనుగా పుడుతాను

by Narayana Sharma Mallavajjala



from kavi sangamam*కవి సంగమం*(Poetry ) http://ift.tt/1ggE2By

Posted by Katta

Sky Baaba కవిత

మొహబ్బత్ కీ తాజీ దునియా `-.-`-.`-.-`-.-`-.-`-.-`-.-` తను తోడిందాకా తెలియరాలేదు నాలో ప్రేమ జల ఇంకి పోలేదని..! * తను జలజలా మాట్లాడుతుంటే గలగలా నవ్వుతుంటే టపటపా ఆ కనురెప్పలు కొట్టుకుంటుంటే చకచకా సౌందర్య శాస్త్రమేదో చదువుతున్నట్లుంటుంది నాకు తన హావభావాలపై మనసులో ఎన్ని కావ్యాల్ దొర్లిపోతుంటాయో..! ఆ కనుల రశ్మికి మాటి మాటికీ నా మోము వెలుగుతూ... ...! నన్ను చూసిన మెరుపుతో నన్నే పొదువుకునే ఆ తేనెల కనుపాపలకు నా రూపం రోజు రోజుకీ దగ్గరవుతూ... ... ఇద్దరి ముచ్చట్ల గిచ్చుట్ల మైమరపులకు కాలం స్థాణువై నిలుచుండి పోతుంది చుట్టూ జన హోరు మా ఇద్దరి గొంతుల మధ్య నలిగి మూగబోతుంది మనసు లేకమైతేనే లోకం అద్రుశ్యమైపోతున్నదే... ఇక తనువు లేకమైతే... ... ...! * స్థిత ప్రగ్నుణ్ణని మహా గొప్పలు పోయేవాణ్ణి తను పాదం మోపి నా అహాన్ని వెయ్యి ముక్కల్ చేసింది

by Sky Baaba



from kavi sangamam*కవి సంగమం*(Poetry ) http://ift.tt/1ivSHMv

Posted by Katta

Kapila Ramkumar కవిత

by Kapila Ramkumar



from kavi sangamam*కవి సంగమం*(Poetry ) http://ift.tt/NUNkZs

Posted by Katta

Kapila Ramkumar కవిత

by Kapila Ramkumar



from kavi sangamam*కవి సంగమం*(Poetry ) http://ift.tt/NUNkJ5

Posted by Katta

Kapila Ramkumar కవిత

by Kapila Ramkumar



from kavi sangamam*కవి సంగమం*(Poetry ) http://ift.tt/1oHy51p

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//107 DSNR to SEC// కాకా నాల్గు దినాలైంది కనిపిస్తలేవ్? సుస్తీసేసుండె దావఖన బోయిన టికెట్ టికెట్ ముషీరాబాదా అన్నా పదమూడు రూపాయలు మూడు రూపాయలు చిల్లరియ్యన్నా... టికెట్ తీసుకుని కిటికీలోంచి చూస్తున్నా కొండను తవ్వి కట్టిన బవంతులు సిగ్నల్ దగ్గర పెరిగిన బిచ్చగాళ్ళు ఎన్ని చెరువులుండేవి ఈ పట్నంలో ఇప్పుడన్ని షాపులముందూ వాటరు బాటిల్సే మొలలో చిన్న గుడ్డ సంచి నోట్లో ఆకు వక్కతొ పండిన ఆ అవ్వ చటాకో అర్దపావో కూరలమ్ముతూ కంటబడుతుందనుకుంటే నిరాశే ఆవహించిది ఆ పుటెపాత్ మీద ఆమేనా ఆ ముసలి లంబాడీ చిన్నప్పుడు బాలానగర్ రింగులో ఎడ్లబండి మీద సీతాఫలాలు అమ్మిన ఆమేనా సంఘటిత సంచార జాతులూ ఒంటరివాళ్ళయ్యరే ఆ పట్నం ఆ లష్కరూ మారిపోయిందే... ఆలోచనలకి సడన్ బ్రేక్ పడ్డ బస్సు అందరినీ అటో ఇటో విసిరేసింది ఒక చేత్తో తోలు డబ్బు సంచి ఒకచేత్తో టికెట్లు తూలుకుంటా పోయి డ్రైవరు దగ్గర ఆగాడు కండక్టర్ ఇంద అని సాయి బాబా గుడికి పోయొస్తున్న బిడ్డ సంగం అరటి పండు కండక్టరుకి ఇచ్చి ఇంకో పండు డ్రైవరు ఇవ్వమని ఇస్తే డ్రైవర్ ఆలీ సాబ్ నాకు సగమే నీకు మొత్తం పండు దానే దానేమే కానేవాలేకా నామ్మ్ అరటిపండు అరటిపండుమే కానేవాలేకా నామ్మ్ అంటూ కండక్టర్ నువ్వు నీ బిడ్డలు సల్లగుండాలె అక్కా చిలుకూరి బాలజీ జై అనగానే బస్సంతా అమ్మల అక్కల జ్ణాపకాలే నేనూ అరటిపండు అడిగి తిన్నాను దిగుతూ కండక్టరుతో హైదరబాదు మారలేదు అన్నంతలోనే రైట్ రైటంటూ బస్సు ముందుకు సాగిపోయింది....10.03.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1nf9Wnl

Posted by Katta

Narendra Babu కవిత

నాకు నమ్మకమివ్వు -------------------- నాకు కాస్త నమ్మకాన్ని ఇవ్వు అసాధ్యాన్ని సుసాధ్యం చేస్తాను గడ్డిపోచ మొలకెత్తని చోటా సొగసరి సిరిమల్లెల సాగు చేస్తా సువాసనల పరిమళాలు గుబాళింపజేస్తా ప్లీజ్ నాకు కాస్త నమ్మకమివ్వు అనంత బండరాళ్ల గుట్టల సందుల్లో సెలయేటి పరవళ్లను తీసుకువస్తా పల్లమెరుగని ఎగుడుదిగుడు నేలల్లో నవనవలాడే జొన్న, కంది పంటలే కాదు మేలైన వరిసాగు కలసాకారం చేస్తా నాకు నమ్మకమివ్వు మన వారసుల భవిష్యత్తుకు బంగారు బాటలు వేస్తా అనంత అంటే ఫ్యాక్షనేనా మన మమకారాల మాధుర్యం పండగల కోలాహలం.. ఇవన్నీ ఏమయ్యాయి నాపై విశ్వాసముంచు ప్రపంచ యవ్వనికపై అనంతను అగ్రగామిగా నిలబెడతా ఇన్ని మాటలు ఎందుకుగానీ అనంత అభివృద్దిలో నేనూ ఓ రేణువు నవుతా మరి మీరు? _నరేంద్రబాబు, 11-03-14

by Narendra Babu



from kavi sangamam*కవి సంగమం*(Poetry ) http://ift.tt/1h8Kcl8

Posted by Katta

Chand Usman కవిత

చాంద్ || నా కిటికీ వద్దకు రా || ఒక్కసారి నా కిటికీ వద్దకు రా ******* నన్ను మొత్తం పోగేసుకొని ఈ చిన్న ద్వారం గుండా పిలుస్తుంది నేనే బరువెక్కిన నా కనురెప్పలను నీ ఒడిలో పిండి కొంత వెలుగు నింపుకుంటాను వెలేసిన లోకం నా బట్టలూడదీసింది నిండుగా నిన్ను కప్పుకొని మరలా పోరాడతాను ******* కిటికీ ఇప్పుడు నాకు జన్మనిచ్చింది దీని నుండే నీకోసం పసిపాపలా మరలా పుట్టాను నాకోసం సమాధి నుండి బ్రతికి కిటికీ ప్రక్కనే నువ్వు ఎదురుచూస్తున్నావని నాకు తెలుసు నువ్వు బ్రతికి నన్ను బ్రతికించడమే ప్రేమని ఇక ఇద్దరమూ కలిసి ఇక్కడి నుండి ప్రకటిద్దాం మీ చాంద్ || 11.03.2014 ||

by Chand Usman



from kavi sangamam*కవి సంగమం*(Poetry ) http://ift.tt/1h8Kete

Posted by Katta

Yasaswi Sateesh కవిత

by Yasaswi Sateesh



from kavi sangamam*కవి సంగమం*(Poetry ) http://ift.tt/1cLJFc2

Posted by Katta

Chilakapati Rajasheker కవిత

---- చిరాశ // 33. రావోయ్ ఓ విద్యార్థి ర౦గుల కల కాదోయ్ ఇది // ********************************************* నీతిలేక, భీతిమరిచి జాతికెసరు పెట్టుదురా?!... సిగ్గులేక, నిగ్గుదేలి భవిత బుగ్గి సేయుదురా?!... కన్నవారి కలలన్నీ కళ్లలుగ మార్చొద్దోయ్ రావోయ్ ఓ విద్యార్థి ర౦గుల కల కాదోయ్ ఇది కోరుకున్న విద్యనేర్చి కొత్తపు౦త తొక్కవోయ్ మేథకె౦తొ పదునుపెట్టి మేధావిగ మారవోయ్ నీలో ఒదిగు౦దోయ్ విజ్ఙతె౦తొ నివురుగప్పు నిప్పువోలె మొక్కవోని స్థైర్య౦తో మొత్తమ౦త తెలుసుకో నిరీక్షణలు నీకొద్దోయ్, పరీక్షలకు సిద్దమవ్వు భవిష్యత్తు నీదేనోయ్ బాధ్యతెరిగి మసలుకో నీదీ ఒకరోజు౦దోయ్ నీకై అది వేచు౦దోయ్ దారితెన్నూ లేనోళ్లకు దిక్సూచివి నువు కావాలోయ్ *********************************************** ---- {11/03/2014}

by Chilakapati Rajasheker



from kavi sangamam*కవి సంగమం*(Poetry ) http://ift.tt/1g3voC7

Posted by Katta

R K Chowdary Jasti కవిత

జాస్తి రామకృష్ణ చౌదరి పుష్పవిలాపం ఆ వస్త్రమంటే తనకి చాలా ఇష్టం ఆ పరిమళమంటే తనకి మరింత ఇష్టం ఆ వస్త్రం చినిగిపోయినా ఆ పరిమళం ఆవిరై పోయినా అదే వస్త్రాన్ని కప్పుకుంటుంది అదే పరిమళంతో ఆకట్టుకుంటుంది తనదొక దివ్యమైన మనసు ఆ ప్రాంగణమంటే తనకి చాలా ఇష్టం ఆ నివాసమంటే తనకి మరింత ఇష్టం ప్రాంగణాలు మారినా నివాసాలు మారినా అదే జీవితం కొనసాగిస్తుంది అదే సంసారంలో సర్దుకుపోతుంది తనదొక నిర్మలమైన మనసు క్షణానికో చూపు క్షణానికో కోరిక క్షణానికో స్పర్శ తనని ఇష్టపడుతూ ఉంటాయి తనని కష్టపెడుతూ ఉంటాయి తనకి కష్టమైనా తనని తాను సమర్పించుకుంటుంది తనదొక విస్కృతమైన మనసు తనకీ ఒక భాష ఉన్నా చెప్పుకోలేదు తనకీ ఒక భావం ఉన్నా విప్పుకోలేదు గది లోకి వెళ్ళాకా మనిషి ఎదురుగా ఉంటే కళ్ళు మూసుకుని దీనంగా చేతుల్లో నలిగిపోతుంది గుళ్ళోకి వెళ్ళాకా దేవుడే ఎదురుగా ఉన్నా కళ్ళు మూసుకుని ప్రార్ధిస్తూ ఆయన పాదాల దగ్గర దీపంలా ఒదిగిపోతుంది తనదొక నిశ్చలమైన మనసు తనకిష్టమైన వస్త్రం అందంగా లేదని తనకిష్టమైన సువాసనలో మైకం లేదని కొత్త రంగులతో తనని అలంకరించి కొత్త కొత్త వాసనలతో తనని ద్రవీకరించి వారి సంతోషం కోసం తనని బలివ్వడానికి కోరికల ముళ్ళదారుల్లో ఊరేగిస్తున్నా మౌనంగా వాళ్ళని సంతోషపెడుతూ తాను దుఖపడుతూ ఊపిరి నిలుపుకుంటుంది తనదొక ఆర్ధ్రత గల మనసు తనకి జీవనమంటే ఇష్టం తనతో తనకి సహజీవనమంటే మరింత ఇష్టం తనదొక జీవం గల మనసు కానీ ఈ మానవమారణయజ్ఞంలో తనొక మరణించే మనస్సు! (ఆంధ్రప్రభ – 21 మార్చి 2010, ఆదివారంలో ప్రచురితమైన కవిత)

by R K Chowdary Jasti



from kavi sangamam*కవి సంగమం*(Poetry ) http://ift.tt/1cLJH3J

Posted by Katta

చెన్నాప్రగడ వీఎన్నెస్ శర్మ కవిత

ఎన్నికల ప్రస్థానం-1 మున్సిపల్ సమరానికి చుట్టినారు శ్రీకారం.. ఎన్నికల చిత్రానికి వచ్చిందొక ఆకారం.. ఆశావహుల ఎదురుచూపులు వేసేందుకు నామినేషన్.. టికెట్ రాని నేతలంతా అవుతుంటిరి పరేషన్.. \11.3.14\

by చెన్నాప్రగడ వీఎన్నెస్ శర్మ



from kavi sangamam*కవి సంగమం*(Poetry ) http://ift.tt/1cspKOY

Posted by Katta

Krishna Mani కవిత

అలసిన చూపులు ****************** నూనె స్తంభ దీపాల వెలుగుల జాతరలో మురిసిన జీవులు కరెంటు తీగల జిలుగుల తోడుగ యంత్రాల ఉప్పెనలో తడిసి నవ నాగరిక నిర్మాణానికి పాదులు నింపి అలసిన బొక్కల ఒంగిన నడుములు ! మొఖాన కనిపించే రాతలెన్నో ? జరిగిన కథలకు సాక్షలెన్నో? ఆ మడతల అడుగున దాగిన ముత్యాలెన్నో? చేతి కర్రతో చెలిమిని చేస్తూ కనపడని వినబడని లోకంతో పలకరింపుకై వింత దిక్కులు చెక్కిలి తడిమిన ప్రేమలు చూపు కానక రాలిన చినుకులు పొరల కోతకు నిలబడు ఆశా చీమలెన్నో? కదలని తనవున చూపుకై అరాటమాడు పెగులెన్నో? మరిగిన రక్తం చల్లారిన దినమున బిడ్డల ప్రేమను పొందని గడపల కాసాయి కడుపున కన్నానేందుకని ఒంటరి అరణ్య రోదనలెన్నో ఎన్నో ...ఎన్నో ! ప్రేమకు అనాధలై అరాటపడు అభాగ్యుల నోరుమెదపని ముసలితనపు కన్నీరులెన్నో... ఎన్నో....ఎన్నో ! కొంగుచాటు కొడుకుల చూపుకు కానని యదలో మండు అగ్నిగోళాలెన్నో ...ఎన్నో ...ఎన్నో ! కడుపుకు గంజిలేక విల విలలాడి తేలిన బొక్కల అలసిన గుండెలెన్నో ... ఎన్నో ... ఎన్నో ! కృష్ణ మణి I 11-03-2014

by Krishna Mani



from kavi sangamam*కవి సంగమం*(Poetry ) http://ift.tt/1lsslIN

Posted by Katta

కంచర్ల సుబ్బానాయుడు కవిత

(^^^) మట్టి నేల పైన నింగి గొడుగు క్రింద నేల అరుగు మధ్యలో నడిచే చెట్లు మనుషులు వాన చెలికాని కౌగిటచేరి నేల ఏటా నిండు చూలాలౌతుంది అనుకోవడం తప్పు ఆమె నిత్యం పచ్చి బాలింతై పురిటి నొప్పుల తిప్పలు పడుతూనే వుంది నిజం చెప్పాలంటే మనం మట్టి మనుషులం కాదు కాదు మట్టిలో కలసిపోయే మనుషులం మట్టిలో పుట్టి మట్టిలో పెరికి మట్టిలో పోతాం కాబట్టి ఇందులో నిర్జీవుల పాత్ర వుంది సజీవుల యాత్ర వుంది మట్టి కడుపులో ఎన్ని ఆకు పచ్చ భూగోళాలు దాగి ఉన్నాయో విత్తు నాటామో లేదో అది పచ్చని ఆకుల హస్తాలతో నమస్కరిస్తూ పైకి లేస్తుంది మట్టి మనకు మెతుకౌతుంది బ్రతుకౌతుంది తన కడుపులో నాగేటిని గుచ్చి గుచ్చి దున్నినా తన ఉదరంలో ఎన్ని గడ్డపారలు తెచ్చి పెళ్ళగించినా నవ్వుతూ నవ్విస్తూ తాను మాగాణి పొలమై చినుకుల కునుకులకు మురిసి సిరుల మొలకౌతుంది మట్టి అమ్మై ఆకలి తీరుస్తుంది ప్రాణ చిలుక కాస్త ఎగిరి పోయాక ఈ కర్మ సంచిత దేహాన్ని పంచ భూతాల గేహాన్ని తన కడుపులో దాచుకొంటుంది చివరకు అంతా మట్టే అన్న నగ్న సత్యాన్ని చెప్పకనే చెబుతుంది. :putnam: కంచర్ల

by కంచర్ల సుబ్బానాయుడు



from kavi sangamam*కవి సంగమం*(Poetry ) http://ift.tt/1kd5e4O

Posted by Katta

Thilak Bommaraju కవిత

తిలక్/అ(నిశ్శబ్ధం) --------------------­-------- 1/నువ్వు నేను రెండు శరీరాలు పక్కపక్కగా పడుకున్నపుడు నా చేతులు లతల్లా నిన్ను అల్లుకుంటాయి నువ్వు నాలో బంధీవి కావు ఓ బాంధవ్యంలా 2/నేను నీ ముఖాన్ని ఓ పసికూనలా అరచేతుల్లోకి తీసుకున్నపుడు నీ వెచ్చని శ్వాసకు నా కనురెప్పలు వాలిపోతుంటే సహస్ర ఎడారుల్లో అప్పుడే తిరుగాడి అలసిపోయిన ఓ బాటసారిలా నేను నీ కౌగిళ్ళలో సేద తీరుతున్నట్టుగా 3/నా రెక్కలను అదిమినన్ను గట్టిగా హత్తుకున్నావు చూడు క్షణాల్లో చనిపోవడం అంటే ఇదేనేమొ 4/నా ప్రాణం అంటూ ఏది లేని కొన్ని నిమిషాలు నీలో ఏకమైనప్పుడు అప్పుడు నువ్వంటావు... నేను లేకపోతే ఏంచేస్తావని 5/అన్నం జిగురులా పెగలని నా పెదవులు ఒక్కసారిగా నిశ్శబ్దంలో బిగ్గరగా రోదిస్తుంటే నీకు వినబడేలా...నన్ను దగ్గరకు తీసుకొని నువ్వంటావు ఇప్పుడేమైదని ఇంకొన్ని క్షణాలు నీలోనే కరుగుతానుగా అని నువ్వంటుంటే 6/స్థంబించిన ఓ చెట్టులా నేను భళ్ళున కూలి పడ్డట్టుగా అనిపిస్తుంది 7/ఇప్పుడు మళ్ళా ఒకసారి నీ పక్కగా పడుకోవాలి కొంచం ప్రేమను పులుముకోడానికి ఈ రాత్రికి. తిలక్ బొమ్మరాజు 11.03.14

by Thilak Bommaraju



from kavi sangamam*కవి సంగమం*(Poetry ) http://ift.tt/1ggjVU6

Posted by Katta

చెన్నాప్రగడ వీఎన్నెస్ శర్మ కవిత

హృదయవీణను మీటితే పలికేవి అను`రాగాలే` ..@శర్మ \11.3.14\

by చెన్నాప్రగడ వీఎన్నెస్ శర్మ



from kavi sangamam*కవి సంగమం*(Poetry ) http://ift.tt/1kd5fpA

Posted by Katta

Sri Modugu కవిత

శ్రీ మోదుగు // మరి ఇక ఎలా ...? // సమాధానం తెలిసే ప్రశ్నలడుగుతావ్ మలుపు అందంగా ఉందని మజిలీని చేయలేం మరే ఋతువు మార్పుకు సంకేతమనుకుంటే ఎలా …. ఎప్పటిలా అలాగే ఇప్పటిలా ఇలాగే జరగనీ వెనక్కి వెళ్లి మిగిలినవి సరిచేసుకొనే వీలు లేదు ఐనా ఎవరి గమ్యాన్ని వాళ్ళు చేరాల్సిన వాళ్ళం ఒకానొక ప్రయాణంలో చిన్న ఉనికినితో తెలుసుకున్న వాళ్ళం సంశయాలు సందిగ్ధతలు లేని కాలంతో చెలిమి చేసే ఉమ్మడి కలలు నెరవేర కూడదని కోరుకొనే అమాయకులం ఇక ఎక్కడో ఒక అమావాస్య చీకట్లో పిలిచే పిలుపులే చుట్టు కుంటాయ్ ఆసరాగా ఉన్న కిటికీని అడుగుతాను మరిక నేనేం చేయాలి అని అది కినుకు వహించి ఒక వంకర నవ్వు తో ఇలా అంటుంది నీ చేతుల్లో లేని ప్రయత్నాలని ఆపాలనుకుంటే ఎలా అని మరి ఇక ఎలా …. ? Date: 10/03/14

by Sri Modugu



from kavi sangamam*కవి సంగమం*(Poetry ) http://ift.tt/NUpRYq

Posted by Katta

Kavi Yakoob కవిత

CONGRATULATIONS !! డా.నలిమెల భాస్కర్ కు కేంద్ర సాహిత్య అకాడమి అనువాద పురస్కారం డాక్టర్ నలిమెల భాస్కర్ 'స్మారక శిలలు ' నవలకు నలిమెల భాస్కర్ గారికి కేంద్ర సాహిత్య అకాడమి అనువాద పురస్కారం -2013 జయహో !

by Kavi Yakoob



from kavi sangamam*కవి సంగమం*(Poetry ) http://ift.tt/1oHgQgy

Posted by Katta

Kavi Yakoob కవిత

ABOUT POETRY ~ "ఒక మంచి కవితని చదవడం / దానిపై వ్యాఖ్యానాన్ని చదవడం అంటే, 'మరు క్షణం లో ఎడురవబోయే సన్నివేశం లో ఎన్ని ఆశ్చర్యాలని రహస్యంగా దాచిపెట్టుకుని వుందో తెలియని జీవితం' లోలోపలికి ఒక్క క్షణం తరచి చూడడమే కదా ! ." -koduri vijaykumar [ఒక కామెంట్ నుంచి... :) ]

by Kavi Yakoob



from kavi sangamam*కవి సంగమం*(Poetry ) http://ift.tt/1oHgRBl

Posted by Katta

Bhaskar Palamuru కవిత

ఒకరి కోసం మరొకరం వేచి చూడటమే కదా ప్రేమంటే దారులు వేరైనప్పుడు ఆలోచనలు అల్లకల్లోలంలా మారినప్పుడు దేహాలు వెదుకుతూనే ఉంటాయి కళ్ళు ఆలింగనంలో అరమోడ్పులై పోతాయి నీ కోసం నేను నా కోసం నీవు అనుకుంటూ సాగిపోతూ కదులుతూ .. పారే ప్రవాహంలా చూపులు వాలి పోతాయి ఏదో మార్మికత్వం మైకంలా అల్లుకుపోతుంది గుండెల్లో అలజడులు రేపుతుంది ఆశలు చినుకుల్లా కోరికలు ముల్లులా గుచ్చుకుంటాయి .. అయినా ఆరాటం ఆగదు ఆనందం ఆవిరైపోయినప్పుడు కనురెప్పలు దేహాన్ని తాకుతాయి అక్కడక్కడా నక్షత్రాల్లా నిమురుతాయి .. ఓహ్ ప్రేమ జీవన మాధుర్యాన్ని వెలిగించే దీపం కదా అందుకే అదంటే అందరికి ఇష్టం!

by Bhaskar Palamuru



from kavi sangamam*కవి సంగమం*(Poetry ) http://ift.tt/NUpOvT

Posted by Katta

Rajeswararao Konda కవిత

by Rajeswararao Konda



from kavi sangamam*కవి సంగమం*(Poetry ) http://ift.tt/1emGsuh

Posted by Katta

Panasakarla Prakash కవిత

శుభోదయ‍‍‍౦ కిరణాల సూదులు నాన్న అరుపులై గుచ్చుకు౦టున్నాయ్ తెల్లారి౦ది లెగరా......గాడిద.. అని తిడుతూ.. పూలు అమ్మ పిలుపులా నిశ్శబ్ద౦గా విచ్చుకు౦టున్నాయ్ తొ౦దరగా లేచి ముఖ౦ కడుక్కోమ్మా టిఫిన్ చేద్దువుగాని అని.....నాకు మాత్రమే వినిపి౦చేలా చెబుతూ............ చి౦త చెట్టు చిటారు కొమ్మ మీద‌ కొ౦గలు... ఎగరాల్సిన దిక్కును ఎ౦చుకు౦టున్నాయ్ ఇప్పుడే నిద్ర లేచిన కొబ్బరి చెట్లు... ఇ౦కా మత్తులోనే నెమ్మదిగా అటూ ఇటూ ఊగుతున్నాయ్.... టిఫినీకర్రలు పట్టుకుని... మా ఇ౦టి గుమ్మ౦ము౦దు పాలకోస౦ రోజూ వచ్చే పిల్లలు... వ౦టి౦టి ప్రయోగ శాలలో పాలూ నీళ్ళూ సమపాళ్ళలో కలుపుతూ అమ్మ..... ఏమే ఇ౦కా ఎ౦తసేపు.. గేదికి చిట్టు తౌడు కలిపి తీసుకురా....అ౦టూ పిల్లలతో పాటూ గుమ్మ౦ దగ్గర నిలబడి నాన్న‌ వాడి౦కా లేచాడా లేదా.....అని అడిగిన ప్రశ్నకు.. ఉలిక్కి పడి లేస్తూ ఆ....ఆ....లేచా నాన్నా...... అ౦టూ.......నా సమాధాన౦...... ఏ పనిలో ఉన్నా అమ్మా నాన్నల కళ్ళన్నీ ఇ౦కా పసిపాపల్లా కనిపి౦చే పిల్లలమీదే.... పోపుడబ్బాలో దాచిన డబ్బులిచ్ఛి ఊ...జాగ్రత్తగా వెల్లరా కాలేజీకి........అ౦ది అమ్మ‌ దూర౦ను౦చి చూసినట్టే ఉన్నాడు........ పని చేసుకు౦టూనే ముసి ముసిగా నవ్వుతూ జాగ్రత్తరా అని..నేను వెల్తున్న వైపుకి ఒక్కసారి చూసి మళ్ళీ పనిలో పడిపోయాడు నాన్న.. దృశ్య౦ రక్తి కట్టడ౦తో........ మా వాకిల౦తా వెలుతురుతో ని౦డిపోయి౦ది.... పనసకర్ల‌ 11/03/2014

by Panasakarla Prakash



from kavi sangamam*కవి సంగమం*(Poetry ) http://ift.tt/NUe10v

Posted by Katta

Kapila Ramkumar కవిత

మాష్టారూ..జవాబు చెప్పరూ... ! Posted on: Sun 09 Mar 23:46:09.196764 2014 తెల్లని పూలు విరిసిన పత్తి తోటలో ఆ పిల్ల ... పదహారేళ్ల ఆ పిల్ల వొక్కో పువ్వూ గంపలోకేరుతూ.... .. తెగిన ఆశల రెక్కల్ని కసితో శూన్యంలోకి విసిరేస్తుంది రెండు విరుద్ధాంశాలు వొకేసారి కూడి ఉక్కిరిబిక్కిరి చేస్తుంటే.. బహుశా, భరించలేకపోతుందనుకుంటా - ఆలోచనల చిగుళ్లకు దిగులు చీడ పట్టినట్టు.. ముఖం- అంతరంగాన్ని బహిరంతరం చేస్తుంది ఆ పిల్ల నా శిష్యురాల్లాగే వుంది ఆశ్చర్యం లేదు - నిజంగా, నా శిష్యురాలే.. ఏడాది క్రితం - నేనూ తనూ వొకే తరగతి గదిలో.. నా పాఠ్యాంశాలు వింటూ ప్రతిసారి తనే ప్రథమం సాధిస్తూ - ఆత్మాభిమానం ఎక్కువ ! చదువుకోవాలనే కోరికను మాత్రం పేదరికం పాము మింగేసింది చదువా ! తండ్రి లేని ఇంటికి కాసింత చేయూతా ! రెండు విరుద్ధ ఆలోచనల మధ్య .. తనిప్పుడు నలిగిపోతుంది వో రోజు పాఠం చెప్పడం పూర్తయిన తర్వాత నన్నడిగింది - ''మాష్టారూ.. చదువుకోవాలంటే కష్టపడాలండీ..!' - బాల సుధాకర్‌ మౌళి 9676493680 http://ift.tt/1kcJCWm

by Kapila Ramkumar



from kavi sangamam*కవి సంగమం*(Poetry ) http://ift.tt/1kcJB4I

Posted by Katta

Nvn Chary కవిత

ఎన్నికలలో ఎన్ని "కలలో " మరెన్ని" కళలో " నటనలు నాట్యాలు ఓటరునూరించే విరించిని మించిన వాగ్దానాలు చట్ట సభల్ని చట్టు బండలు చేసిన ముఖాలే మాస్కులు మార్చుకుంటూ జనాన్ని ఏమార్చు కుంటూ పార్టీల మాస్కులు మార్చుకుంటూ తస్మాత్ జాగ్రత్త సావధాన సావధాన సుముహూర్త సావధాన ఓటుకు నోటు తీసుకుంటే మన నోటికి తాళాలే ఒక్కరోజు ఆశ పడితే ఐదేళ్ళు మన బ్రతుకులు కుదేలే ఓటు ఆయుధమున్న అర్జునులం మనం లక్ష్యాన్ని గురిపెడదాం ఓట్ల పండుగ నాడే కాదు బిర్యానీ ప్రతిరోజూ వసంతం విరియాలి

by Nvn Chary



from kavi sangamam*కవి సంగమం*(Poetry ) http://ift.tt/1i1AV0c

Posted by Katta

Rajaram Thumucharla కవిత

చదివిన కవితా సంపుటి -5 )( ---------------------)( సంపుటి కవయిత్రి:-శిలాలోలిత ******************* పరిచయం చేస్తున్నది:-రాజారామ్.టి ################# -సంపుటి పేరు:-గాజునది¬- -------------------- " హైద్రాబాద్ నా మతం"అనగలిగే ధైర్యంతో పురుషాధిక్యసమాజ"గాజుముక్కల వంతెన' మీద" కొత్తదేహపటం" ఎగరేస్త"తెగిపడ్డ సీతాకోకరెక్కలు"చూసీ" బాధార్ణవగీతి"ని 'సముద్రఘోష"గా చేసీ మొగలిపువ్వు-నందివర్ధనం"ల సమాగమసంబంధం వారు"కోల్పోయినతరువాత"కానీ అసలు విషయం తెలీదనీ అంటూ 'కవిత్వం""వేణురాగపుపూలుగా మారి"కొత్తరెక్కలు" పుట్టించ్చుకొని అవి "మట్టిధుప్పటిపైపరుచుకున్నదృశ్యాన్నిదర్శిస్తూ"కన్నీటిచెలిమలోనాన్న"నుతలుచుకోంటూ"మనుషులుమాట్లాడుకోవడంలేదు"అన్న భారతీవ్రత"తో రాయడమంటే ఏమిటని చింతన చేస్తూ క్లుప్తంగా గుప్తంగా స్త్రీలకన్నీటిసిరాతో కవిత్వచంద్రవంకల్ని దీపశిఖప్రజ్వలనంతో గాజునది ని ప్రజ్వలింప చేసిన రచయిత్రి శిలాలోలిత గారు. "కవిత్వమొకౌఉరట/నాకొకస్వాంతన/నా కొక ఆలంబన/నాకొక ఆత్మతృప్తి/నాకొక అఙాత చక్షువు/ జీవన దాహార్తిలో నీటిచెలిమ'-అని అంటున్న శిలాలోలిత పేరు వినగానే ప్రముఖ మనోవైఙానిక నవలా రచయిత దగ్గర పరిశోదన చేస్తూ దగ్ధశిలైన రేవతిదేవి కనురెప్పలముందు అలా కదిలిపోతుంది. శిలాలోలిత గారు చాలమందిలా లోలకంలా డోలనం చేసే కవయిత్రి కాదు.వొకానొక దృక్పథంతో వొక నిబద్దతతో కవిత్వం రాస్తున్న కవయిత్రి.పసుపులేటి గీత గారన్నట్లుగా "స్త్రేత్వం నుంచి మనిషి తనం లోకి సాగే ప్రయాణం తాత్వికంగా చేస్తున్న కవయిత్రి ఆమె. కొన్ని సందర్భాల సమాహారాన్ని కవిత్వంలోకి అనువదించిన మంచి కవితా సంపుటి "గాజునది'.సాహితీవిమర్శకుడు గుడిపాటి గారు " శిలాలోలిత స్త్రే వాద ప్రేరణతో కవిత్వం రాసినప్పటికి అంతకు మించిన వస్తు విస్తృతిని సాదించారన్నారు.ఏ కవైనా తన కవిత్వంలో వొక కీలకమైన కవిత శీర్షికనే సంపుటికీ పేరుగా ఉంచటం సాంప్రదాయం.ఈ సంపుటిలో గాజునది అనే పేరుతో ఏ కవిత లేదు.కవయిత్రి తాను విశ్వసించిన వాదానికీ ప్రతీకగా ఈ పేరును సంపుటికి ఉంచి వుండవచ్చు. గాజు పెళుసైనది సున్నితమైనది కూడా.ఏ చిన్న గాయానికైనా ముక్కలుముక్కలయ్యే స్వభావం గాజుది.నది ప్రవహిస్తుంది.ప్రవహించినట్లు కనిపించినా ఆ నదిలో స్థిరత్వం వుంటుంది.స్త్రీ మనసు పురుషాహంకారపు సమ్మెట దెబ్బలకు గాజులా చిట్లిపొయినా ఆమె మనసులో స్థిరత్వం స్థిరీకృతంగా ఉంటుంది కాబట్టి గాజునది అనే పదాన్ని తనకవిత్వంలోని వాదానికీ ప్రతీకగా స్వీకరించివుండవచ్చునని అనుకుంటున్నా. "పురుషామ్య సగాన్ని ఇంకెన్నోసగాలుగాకత్తిరించి రూపమే పోల్చుకోకుండా చేస్తున్నది కఠిన నిజం"-అని అనటంలోనూ;"ఇలా మిగిలిన ఆకాశంలో సగమా?పురుషస్వామ్య అహంకారం తెగ్గోసి మిగిల్చిన సగమా?......ఎల్లప్పుడూ నిత్యనూతనంగా నిల్చునే మనం సమరభూములం'-అని పేర్కోనటం లోనూ,"ఇగోల,అహంకారాల మూల స్వభావాల్ని ప్రశ్నించి పరిశీలించి పరిశోదించే మేధోజీవులు స్త్రీలు.....సమాజంలో పురుషులతో సమానస్థితి కోసం పోరాడి గెలిచిన వీరవనితలు"-అని రాయటంలో మనం శిలాలోలిత గారి కవితాదృక్ప్తథాన్ని అర్థంచేసుకోవచ్చు.పురుషస్వామ్యవ్యవస్థలో స్త్రీలకు జరుగుతున్న అన్యాయాలను వారికీ అయిన గాయాలగాట్లను మా న్చడానికి "ఆశను ప్రోది చేసి రాలిపోతున్న ఆ స్త్రీలకు చైతన్యమిచ్చే కవితల్ని ఈ సంపుటంతా పరిచారు. స్త్రీ పురుషులు ఏలాంటి ఆధిపత్య ధోరణి లేకుండా పరస్పర అవగాహనతో సహాకారంతో బ్రతకాలనే ఆశను కవయిత్రి"మొగలిపువ్వు-నందివర్దనం"-అనే కవితలో వ్యక్తం చేశారు.ఇదొక కవితాత్మక కథనంగా శిలాలోలిత గారు మలిచారు.'నందివర్ధనంతెల్లటి నవ్వుతోనూ/మొగలిపువ్వు పరిమళ భరితంగానూ/మన ముందుండే రోజు కోసం సప్నిద్దాం"-అని అనటంలో కవయిత్రి కి గల సామరస్య దృక్ఫధం ద్యోతకం అవుతుంది.ఈనాటికీ స్త్రీలపై జరుగుతున్న అత్యాచారాలకు అంతం లేదు.రోజురోజుకీ ఆ అత్యాచారాలకీ మరో కొత్త పుటలు తెరుచుకొంటున్నయి.అందుకే కవయుత్రి "నిజంగానిజమే/ఆమె నిప్పు కనికెల చర్మాన్ని చుట్టుకొని మండుతున్నట్లుంది"అని చేలరేగుతున్న సంఘర్షణల నడుమ మిణుకు మిణుకు మంటున్నాచైతన్యం గల స్త్రీ "సమానత్వపు బావుటాను ధరించి/ బ్రతుకు ఉలితోతననుతాను చేక్కుకొంటున్న శిల్పి/కొత్తపటంతో కొంగొత్త స్వేచ్చ తో /సగర్వంగా నిలబడిన శిఖరం"-అని కవయిత్రీ ఆమెను తీర్చిదిద్దింది. అతడు-ఆమె ల మద్య గల వ్యత్యాసాన్ని అతి తేలిక మాటలతో మాటలపొదుపుతో వొక గొప్ప శిల్పాన్ని కవయిత్రి సాదించింది" అనగనగా ఒక ఇల్లు"-అనే కవితలో.అతడు/ప్యాంటు తొడుక్కునివెళ్తాడు/ఆమే ఇంటిని కూడా తొడుక్కొని వెళ్తుంది'.ఈ వొక్క వాక్యంలోనే ఉద్యోగిని సాదకబాధకాలన్ని ఈ కవయిత్రి పాఠకులకు స్ఫురణకు తెస్తుంది".ఆర్థిక సంబంధాలే జీవితాన్ని నిర్దేశిస్తే ఆమె కూడా సాటి మనిషేనన్న ఇంగిత ఙానంకొరవడితే ఏమవుతుందో శిలాలోలిత గారు సైన్స్ తో కవిత్వాన్ని అనుసంధానించి "కాంతి+కాంతి= చీకటి అనే కవితలో చమత్కారంగా చెప్పినా ఈ కవిత స్త్రీల జీవితాల్లొని చీకటి చారికల్ని బయట పెడుతుంది. ఈ కవయిత్రి స్త్రీ వాదాన్ని తన కవిత్వంలో ఏంత కొనసాగించినా తాను నివసించిన సమాజంలో ప్రంచీకరణ,మతోన్మాద తీవ్రవాదం,తెలంగాణా ఉద్యమం,అమెరికా మానసంబం ధాలాలోని అవకతవకలు,హైద్రాబాద్ లోని బాంబ్ పేలుళ్లు,సన్నిహితుల మరణం ఇలాంటివన్ని కొన్ని శిలాలోలిత కలంలోంచి కవిత్వమై ఆమెనొక ఉత్తమ కవయిత్రి గా నిలబెడాతాయి.వాదాలా కళ్ళజోడు లేకుండా చూసినా వాటిని అమె కవితగా చేసిన శిల్ప నైపుణ్యాన్ని మెచ్చుకోకుండా వుండలేం.మతోన్మాదాన్ని నిరసిస్తూ హైద్రాబాద్ నా మతం అనగలిగే ధైర్యం ఆమెది."దుఃఖం అన్ని మతాలకు సమానమే నంటూ మీ అమ్మ మా అమ్మ వొకే దుఃఖంతో విలపిస్తున్నారు-అని నిర్మోహమాటంగా అన గలిగింది.హృదయాన్ని కరగించే కదిలించే పదాల పేర్పు ఈమె సొంతం. "దుఃఖం గుండేను కావలించుక కూర్చుంది"-అని దిగాలుగా అన్న ప్రపంచీకరణ వేయి నాల్కల పడగల్ని దర్శిస్తూ స్త్రీలందరీ తరపున వకాల్తా పుచ్చుకొన్న న్యాయవాదిని నేను"-అంటూ ప్రపంచీకరణ ధిక్కార స్వరాన్ని వినిపిస్తుంది ఆమె.జరిగినా జరుగుతున్న కొన్ని సంఘటనలు ఆమెను ఆ వైపుగా ఆలోచింపచేయించి కవిత్వమయ్యాయి. మరణం గురించిన చింతన ఎందరో చేశారు.ఈ కవయిత్రి కూడా తన దైన తాత్విక చింతన మరణాన్ని గురించి ఈ సంపుటిలో చేసింది.బైరాగి కవి మరణాన్ని ఇలా వ్యాఖ్యానిస్తాడు."ఏమంటే ఏదీ చావదు ఇచట/ద్రవ్యం లోంచి రూపంలోకి/రూపంలోంచి భావంలోకి/బీజం లోంచి భావంలోకి/ రూపం మారుతున్నది ఒకే శక్తి/రాలుటాకుసెజ్జె లోంచి క్రోంజిగురులు లేచినట్లు"-ఇందు లోని తాత్వికతా ఒకలా వుంటే మహాశూన్యం లో కవి మరో రకంగా'ప్రభువు వద్దకు పరుగెత్తున్నాను / దారిలో మృత్యువు కలిసింది/వణికిపోయాను/చావంటే భయంతో కాదు/బ్రతుకంటే యిష్టంతో/ ఎంతిష్టమంటే చావును చంపి బ్రతకాలన్నంత ఇష్టం" అని చింతన చేస్తాడు.గాజునది లో శిలాలోలిత తనదైన ధోరణిలో మరణాన్ని వ్యాఖ్యానించింది."మనం కూడా అనుకుంటాం/చొక్కా తొడుక్కున్నంతా తేలిగ్గా/బతికేయేచ్చనుకుంటాం/ ఈశరీరం శాశ్వతమనుకుంటాం/రోజులన్నీ మనవేననుకుంటాం " అని ఆమె తేలికగానే అన్న ఆ మాటల్లో ఏంతోబరువుధ్వనిస్తుంది.జీవితచలనసూత్రాలుఈమెకీబాగాతెలుసు."మనుషులంతాఇలావెళ్ళిపోతున్నారేమిటిమొన్నున్నారు./నిన్నున్నారు/నేడున్నారనుకుంటేలేరు"అంటూ తన తాత్వికతను వెళ్ళడిస్తుంది. హైద్రాబాద్ పేళ్ళులను,సునామీ విషాదాన్ని ఈమె కవిత్వ వేణువు ఏంత బరువెక్కిన దుఃఖంతో పలికించిందో,అంతే స్వరలేపనంతో చౌరాసియా గాన మాధుర్యాన్నీ రాగాలబాణాలను సంధిస్తూ స్వర ఝరులను వూదుతుంది. నాన్న గురించి కవిత "కన్నీటి చెలిమలో నాన్నా"అనే కవిత"కారు అద్దంపై ఎంత తుడుస్తున్న తడిసే వర్షపు చుక్కలా"మన గుండెల్ని తడుపుతుంది.మనిషే నిలిచే వెలుగు రవ్వ-అని అనే కవిత ఐదుపొరలు ఈ సంపుటిలో కవయిత్రి శిల్ప వైవిధ్యానికి తార్కాణం.శిలాలోలిత గార్నికవిత్వం కొనసాగించమని... కోరుతున్నాను.ఆరోగ్యం సహకరించక పోవటం వల్లా ఈ వారం కొత్త సంపుటిని పరిచయం చేయలేక పోతున్నందుకు కవి మిత్రుల్నీ అన్యథా భావించవద్దని కోరుతున్నాను.కొందరి మిత్రుల కోరిక కారణంగా" శిలాలోలిత" గారి "గాజు నది" సంపుటి పరిచయాన్ని మరోసారి మీకు పరిచయం చేస్తూ వచ్చే వారం మన మిత్రుల కొత్త కవితా సంపుటి పరిచయంతో కలుద్దాం.

by Rajaram Thumucharla



from kavi sangamam*కవి సంగమం*(Poetry ) http://ift.tt/1flIQ8U

Posted by Katta