Afsar Afsar కవిత

కవిత్వంతో కరచాలనం-7: ~ రాజకీయ కవిత్వం అంటే...ఇదిగో ఇదీ!! ~ అమీరి బరాకా అంటే దట్టించిన ఫిరంగి. అతని కవిత్వంలోని ప్రతీ పంక్తీ వొక రాజకీయ ప్రకటన, వొక ధిక్కార కవితాగ్రహం. ఈ కాలంలో కవిత్వాన్ని అంత బలంగా అంత ఆవేశంగా అంత పొగరుగా రాసిన వాళ్ళు అరుదు. ఇప్పుడు మీరు చదవబోతున్న కవిత అమీరి బరాక అంటే ఏమిటో బలంగా చెబుతుంది. వొక కవి గట్టిగా నిలబడి స్పష్టంగా గొంతు విప్పితే అది ఎంత రాజుకొని నలుదిక్కులూ అంటు కుంటాయో అనుభవంలోకి తెచ్చిన కవిత ఇది. ఈ కవిత అచ్చయాక అమెరికా కంటి మీద కొన్నాళ్ళు కునుకు కరువయింది. ఇవి ఆ దీర్ఘ కవితలోని కొన్ని పంక్తులు మాత్రమె. 1934 లో అమెరికాలోని న్యూ జర్సీ నూవార్క్ లో పుట్టిన బరాక తన కవిత్వం నిండా విప్లవ గాలులని పోత్తంగా వూదిన వాడు. ఎక్కడ విప్లవాగ్నులు రగిలితే అక్కడికి అతని కవిత్వ వాక్యాలు ప్రయాణించాయి. SOMEBODY BLEW UP AMERICA ఎవరు ఎవరు ఎవరు? వాళ్ళంటారు వొక టెర్రరిస్ట్ అని. ??? ఎవరో వొక అనాగరికుడని. మొత్తానికి ఎవరయితేనేం ఆ పని చేసింది అమెరికన్ టెర్రరిస్టు కాదు, కాస్టూమ్ లో కళకళలాడే గనేరియా కాదు నల్ల జనం గొంతు నులిమిన ఆ తెల్ల తెల్లని మహమ్మారి కాదు కసి దీరా మానవత్వాన్ని ఉగ్రవాదం చేసిన మరేదో మాయల మారి కాదు. ఎవరు ఎవరు అని అడుగుతారు గుచ్చి గుచ్చి వాళ్ళే! * * ఎవరు ఎవరు ఎవరు? వాల్ స్ట్రీట్ మీద తిష్ట వేసిన వాళ్ళు ప్లాంటేషన్ ల కింద నీలోని జీవాన్ని తెగనరికిన వాళ్ళు నీ తల్లి మానాన్ని దోచిన వాళ్ళు నీ తండ్రిని నరికి పోగులు పెట్టిన వాళ్ళు ఎవర్రా వాళ్ళు? ఎవర్రా? * * కలల్ని తొక్కిపెట్టిన వాళ్ళు కళలకి గిరి గీసిన వాళ్ళు శాస్త్రాలని శాసించిన వాళ్ళు బాంబులు చేసిన వాళ్ళు తుపాకుల్ని కన్న వాళ్ళు బానిసల్ని అమ్మిన వాళ్ళూ, కొన్న వాళ్ళూ వాళ్ళకి నానా రకాల పేర్లు పెట్టి హింసించిన వాళ్ళు ఎవర్రా? ఎవర్రా? * * రాజ ప్రాసాదాల వంటి ఇండ్లల్లో వుండే వాళ్ళు నేరాలకు నెలవయిన వాళ్ళు తలచుకున్నదే తడవుగా విహార యాత్రలకి పరిగెత్తే వాళ్ళు నిగ్గర్లని చంపిన వాళ్ళు యూదుల్ని హననం చేసిన వాళ్ళు ఇటాలియన్ల కుత్తుకల్ని కత్తిరించిన వాళ్ళు ఐరిష్ల ఉసురు పోసుకున్న వాళ్ళు ఆఫ్రికన్లని అంతం చేసిన వాళ్ళు లాటినోలనీ, జపనీయులనీ వెంటాడిన వాళ్ళు ఎవర్రా, ఎవర్రా? — సముద్రాల్ని మింగేసిన వాళ్ళు కడు విశాల మాల్స్ లో జల్సాలు చేసే వాళ్ళు టెలివిజన్లని తోడు పెట్టుకున్న వాళ్ళు * * ఎవరు చూసారులే, దేవుణ్ణి! కాని, దెయ్యం మాత్రం ఇప్పుడు అందరికీ కనపడింది. నీ బతుకులోకి నీలోకి నీ ఆత్మలోకి నీ మెదడులోకి పేల్తూ వస్తున్న గుడ్ల గూబలాగా నరకలోకపు అగ్ని కురిపిస్తున్న యాసిడ్ లాగా ఎవరూ? ఎవరూ? ఎవ…ర్రా?! *

by Afsar Afsar



from kavi sangamam*కవి సంగమం*(Poetry ) http://ift.tt/1juapdg

Posted by Katta

Bandla Madhava Rao కవిత

by Bandla Madhava Rao



from kavi sangamam*కవి సంగమం*(Poetry ) http://ift.tt/1orxtRF

Posted by Katta

బాలసుధాకర్ మౌళి కవిత

అజేయులు ------------ ఆ యిద్దరు పిల్లల కాళ్ల ముందు సముద్రం కుక్కలా మొరుగుతుంది వాళ్లకదేది పట్టటలేదు సముద్రం మొరిగి మొరిగి అలల తోకాడించుకుని మళ్లీ వెనక్కి జారుకుంటుంది పాదాలపడవలేసుకుని తీరం గ్రామం మీదుగా నడుస్తూ ఎక్కడో వుండీ లేని ఇంటి గుమ్మంలోనో ఎప్పుడో వుండేదనుకుంటున్న వీధిలోనో తమకు తెలీకుండానే పారేసుకున్న కళ్లు వాళ్ల ఆల్చిప్పల చంద్రకాంతి కళ్లు - అడుగడుక్కీ కనిపిస్తుంటే సముద్రం వాళ్లకి కుక్కేనా అవుతుంది సముద్రం వాళ్లకి చచ్చిన పామేనా అవుతుంది వాళ్లు అజేయులు - సముద్రాన్ని జయించారు ! రచనా కాలం : 14 మే 2014 ------------------------- 14.05.2014

by బాలసుధాకర్ మౌళి



from kavi sangamam*కవి సంగమం*(Poetry ) http://ift.tt/1iM9WDh

Posted by Katta

Kanneganti Venkatiah కవిత

వొరిగిందేమిటి...పిచుక .....కన్నెగంటి వెంకటయ్య. పిచుకల జంట వగచింది పొదిగే గుడ్డును తడుముకొని పీచు పొత్తిళ్ళగూటిలొ ఒదిగి ఎదిగే బిడ్డను తలచుకొని //పిచుక// పురుగో బూసో పొట్టపోసుకొని హాయిగ జీవిస్తున్న పిట్టలు తల్లడిల్లినవి రేడియేషనుల బాధను చెప్పుకొని. .//పిచుక// కన్నవాళ్ళను ఆదరించని ప్రకృతినీ ప్రేమించనోళ్ళకు దూరం పోయి బ్రతుకుచున్నవి చెట్లను నమ్ముకొని .//పిచుక// రోజుకో జీవి కనుమరుగవుతూ భూమి ఎడారిగ మారితే ఇగిరి పోతాడు మనిషి కూడ తను గురుతును చెరుపుకొని .//పిచుక// జీవవైవిద్య సభలను జరిపితే వొరిగిందేమిటి కన్నెగంటి ప్రాణి రక్షణకు నడుం బిగించు కండ్లను నులుముకొని .//పిచుక//

by Kanneganti Venkatiah



from kavi sangamam*కవి సంగమం*(Poetry ) http://ift.tt/1goavc6

Posted by Katta

Kanneganti Venkatiah కవిత

వొరిగిందేమిటి...పిచుక .....కన్నెగంటి వెంకటయ్య. పిచుకల జంట వగచింది పొదిగే గుడ్డును తడుముకొని పీచు పొత్తిళ్ళగూటిలొ ఒదిగి ఎదిగే బిడ్డను తలచుకొని //పిచుక// పురుగో బూసో పొట్టపోసుకొని హాయిగ జీవిస్తున్న పిట్టలు తల్లడిల్లినవి రేడియేషనుల బాధను చెప్పుకొని. .//పిచుక// కన్నవాళ్ళను ఆదరించని ప్రకృతినీ ప్రేమించనోళ్ళకు దూరం పోయి బ్రతుకుచున్నవి చెట్లను నమ్ముకొని .//పిచుక// రోజుకో జీవి కనుమరుగవుతూ భూమి ఎడారిగ మారితే ఇగిరి పోతాడు మనిషి కూడ తను గురుతును చెరుపుకొని .//పిచుక// జీవవైవిద్య సభలను జరిపితే వొరిగిందేమిటి కన్నెగంటి ప్రాణి రక్షణకు నడుం బిగించు కండ్లను నులుముకొని .//పిచుక//

by Kanneganti Venkatiah



from kavi sangamam*కవి సంగమం*(Poetry ) http://ift.tt/1nOloDB

Posted by Katta

Pulipati Guruswamy కవిత

శకలస్వరం // డా.పులిపాటి గురుస్వామి // ఎప్పటికీ ఏదో ఒక బాధ దానికి రూపం ఉండదు నువ్వనుకుంటున్నట్టు సరిహద్దులు కూడా ఉండవు . నన్ను కాపాడుకోవటం కోసం అది ఆవహించుకు పోతుంది వందశాతం వశీకరణ మంత్రమేదో ఉంది. నేను దాన్ని ప్రేమించినట్టే అది కూడా నన్ను ...... కనికరింపుల కలత దుఃఖాన్ని సాదరంగా చేయి పట్టుకు తీసుకువచ్చి నిలబెడితే... దాని దీనమైన ముఖానికి నవ్వాగదు నాకు..... నాకు నువ్వు కావాలి దుఃఖం కూడా కావాలి . .............. 14-5-2014

by Pulipati Guruswamy



from kavi sangamam*కవి సంగమం*(Poetry ) http://ift.tt/T2JHnn

Posted by Katta

Ravela Purushothama Rao కవిత

కలల సారధ్యంలో -------- =============== కలల్ను గూర్చి సమగ్రంగా ఓ కవితను రాయాలన్న తపన నా గుండెలో గూడు కట్టుకుని కరుడుగట్టుకుని పోయిందనుకుంటా క్షణ క్షణమూ ముల్లుగా గుచ్చి బాధపెడుతూ ఉంటుంది. రాత్రి వచ్చిన కలే తెల్లవారుతూనే మంచులా కరిగి నీరయి మనోఫలకం మీదనుంచి చెరిగిపోతూ వుంటే గతకాలంలో శరపరంపరగా వచ్చిన కలలు కవితకో సం కాగితం మీదకు ఎలా తేవాలన్నదే తీరని సమస్య తీరా అదే దొరకని పరిష్కారం. కలంటే ఒక కళాఖండం కాదుకదా కలకాలం మనో ఫలకంపై చెరగని ముద్రవేసి చిరకాలం స్మృతిపధంలో చెదరకుండా మిగలడానికి. కలంటే అపురూపమైన, అద్భుతమైన తైలవర్ణ చిత్రమూ కాదాయె చాయా చిత్రంగా వెన్వెంటనే తీసి భద్రపరచి తరువాత తీరిగ్గా వర్ణించవచ్చుననుకోడానికి. కలంటే కాలానికనుగుణంగా నేతలు చేసే నీటిమీద మూటలాంటి వాగ్దానం. ఎప్పుడు క్షుణ్ణంగా కరిగిపోతుందో ఎవ్వరికెరుక ? అందుకే కలంటే కల్లగానే మనం స్వీకరించాలి బుద్బుద ప్రాయమూ కేవలం క్షణభంగురమనీ మనం గుర్తెరుగాలి. కవితకు ప్రాతిపదికగా కలల నేపధ్యాన్ని ఎంచుకో వడం మానాలి. కలికాలంలో కరిగి నీరయి రూప రహితమై నిలిచే కలలకన్నా మరో మంచి ఇతివృత్తాన్ని ఎంచుకో మని ఉచిత సలహా పారేసి చిత్తగించి సెలవుతీసుకున్నాను. ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

by Ravela Purushothama Rao



from kavi sangamam*కవి సంగమం*(Poetry ) http://ift.tt/1iLLxhb

Posted by Katta

Krishna Mohan Gorle కవిత

పూలు పూయని కాలంలో..

by Krishna Mohan Gorle



from kavi sangamam*కవి సంగమం*(Poetry ) http://ift.tt/1sNwtXM

Posted by Katta

Pardhasaradhi Vutukuru కవిత

నువ్వు ఏమి తెచ్చుకున్నావు నేస్తమా ఏది తీసుకున్నా ఇక్కడిదే కదా ఏమి తీసుకు వెళతాం .... ఏమి లేదు సంతోషం ఇక్కడిదే .. విషాదం ఇక్కడిదే నాదే అనుకుని సంబర పడ్డావు నాది కాదేమో అని వేదన పడుతున్నావు నీది అయినది ఎక్కడ నీ సొంతమే కానిది నీతో వున్నా వ్యర్ధమే ప్రతి యదను తట్టి చూడు ఎన్ని ఎన్ని కధలో కదా నిన్ను నీవు నమ్ముకో కళ్ళు చూపిన వైపు చూడకు మనసు చెప్పింది విను నేస్తమా నీకు నీవున్నంత తోడూ ఎవరు వుండరు కదా నీకోసం వున్నా తోడూ సదా నీకోసమే వుంటుంది అది నిజం !!పార్ధ !!14/05/14

by Pardhasaradhi Vutukuru



from kavi sangamam*కవి సంగమం*(Poetry ) http://ift.tt/1jsLF5g

Posted by Katta

Ravela Purushothama Rao కవిత

తెరువెరుగని బాటసారి *******************************రావెల పురుషోత్తమ రావు. నిదురించే తోటలోంచి పాట యే మైనా వినిపిస్తుందేమోనని చెవులన్నీ చెట్ల ఆకులకు అతికించి శ్రద్ధగా ఆలకించి విన్నాను. పదినెలలు గడుస్తున్నాయేగాని పదిలమైన పాట మాత్రం నా చెవుల చెంతకు చేరిన దాఖలాల్లేవు. ఆశల తరువుమాత్రం చివుళ్ళు తొడగడం మొదలయింది. ఒక్క పాటా అటు వైపునుంచి పొటమరించిన దాఖలాల్లేవు. ఏక్కడకు పయనమై వెళ్ళావో ఎలా తెలుస్తుంది? గమ్యం తెలిస్తీ గదా గమన మార్గం వెదికే వీలయేది. దారులెన్ని ఎదురుగా స్పష్టంగా గోచరమవుతున్నా గానీ సరయిన త్రోవను మాత్రం ససేమిరా పట్టుకోలేక పోతున్నాను. ఆఖరు క్షణాల్లో నీవు చూసిన జాలిచూపులకు యేమైన కర్తవ్య బోధచేసావేమోనని కన్నీటిచుక్కలనన్నింటినీ విడిడిగా విడదీసి మరీ గాలించాను. ప్చ్!!! ఏమాత్రం అనుపానాలను అందుకోలేక పోయాను. పుట్టిన ప్రతిప్రాణీ గిట్టకతప్పదని తెలిసినా గిట్టిన నీ వు ఏ దిశగా పయనం సాగించావో నని పరిశోధించినా ప్రయోజనం చేకూర్చలేకపోయింది. అగ్ని సంస్కారం చేసిన కాపరిని అడిగాను విసుక్కున్నాడే గాని వివరమేమీ చెప్పనిచ్చగింపలేదు. అస్తికలను నిమజ్జనం చేసుకున్న పవిత్ర నదులనూ బ్రతిమాలాను మౌనమే తమ భాష్గా మూగనోమూ పట్టాయి అంతే. ఆమని నడిగాను ఆమె వెళ్ళిన జాడతెలుసునా అని? విరబూసిన సుమాలన్నీ మందస్మిత మయాయే గాని నోరు మెదపిన పాపాన పోలేదు. గతించిన శిశిరమూ, శరత్తూ, హేమంతం ఏ ఆచూకీ నివ్వలేకపోయాయి. గ్రీషం కూడా నాఘోషను ఆలకించిన పాపాన పోలేదు. సూర్యాస్తమయందాకా శూన్యదృక్కులను సారిస్తూ వివిషణ్ణ వదనంతో తెరువెరుగని బాటసారిలా నా ఒంటరితనాని మళ్ళీ భుజ స్కందాలకెత్తుకుని ఇంటిముఖం పట్టాను, విసిగి వేసారి విసిగించిన కాలాన్నీ తనివితీరా తిట్టుకుంటూ .14-5-14 ======================================

by Ravela Purushothama Rao



from kavi sangamam*కవి సంగమం*(Poetry ) http://ift.tt/1jsLGG4

Posted by Katta

Gubbala Srinivas కవిత

గుబ్బల శ్రీనివాస్ -------ప్రేమంటే ఇదేనా ? ఇన్ని సంవత్సరాలుగా నాతో సహకరించిన నా మనసు ఈనాడు నన్ను ప్రతిఘటిస్తోంది ఏనాడూ ఏ బాధా ఎరుగని ఈ దేహం ఔషదం తెలీని వింత రోగానికి గురైంది బహుశా ఇదేనేమో ప్రేమంటే ! (ఈ కవిత 2001 లో "ఆంద్రభూమి " వారపత్రికలో ముద్రితం ) 14-05-2014

by Gubbala Srinivas



from kavi sangamam*కవి సంగమం*(Poetry ) http://ift.tt/1sN7QKM

Posted by Katta

Kodanda Rao కవిత

KK // ఇదిగో బెదరూ!!! నీ తెలుగు తెలుసుకో// ============================== ఈ మద్య తెలుగు సినిమాలలో, టీవీ సీరియళ్లలో .... ముఖ్యంగా యాంకరింగులో వాడే కొన్ని తెలుగు పదాల విశ్లేషణ... క్లుప్తంగా... ఎవ్వరు పుట్టించకపోతే అసలు మాటలెలా పుడతాయి, వేసుకో వీడికి రెండు.... అన్న చందాన కొన్ని మాటలు అలా పుట్టేస్తుంటాయి, అంతే. వాటి పుట్టు పూర్వత్రాలు పక్కనబెడితే... మీ అసలు ప్రశ్నకి సమాధానంలోకి వెళదాం. 1. తొక్క:- సహజంగా వొలిచి పారేసేదాన్ని తొక్క అంటారు, ఇక్కడ సదరు వ్యక్తికి రుచించని/నచ్చని ప్రతీ విషయం గురించి తొక్క అనే పదం ఉపయోగిస్తారు. 2. తొక్కలోది:- తొక్కలోనిది పండో లేక కాయో ఒలిచేవరకూ తెలియదు ఎవ్వరికైనా... అలాగే సందిగ్ధంలో సదరు వ్యక్తి ఉంటే వారు తొక్కలోది అనే పదప్రయోగం చేస్తారు. 3. పీకావులే:- కలుపు పీకితేనే పంట ఏపుగా పెరుగుతుంది అన్న సత్యం నుంచి ... పరిస్థిని మన అదుపులోకి తెచ్చుకుంటే పీకాడని, లేదంటే ఏమీ పీకలేకపోయాడని ప్రయోగం జరుగుతుంటుంది. 4.బొంగు:- వెదురు బొంగు పైకి దృఢంగా కనపడినా లోపలంతా డొల్లే అనేది ఇక్కడ అర్ధం.... పైకి తెలిసినట్టు కనపడి తర్వాత నిర్ఘాంతపోయే సందర్భంలో ఈ ప్రయోగం జరపబడుతుంటుంది. 5.అదుర్సు:- సహజంగా కంపించేది విపరీత పరిణామాలు లేదా ఊహించని మార్పులు జరిగినప్పుడే... అలాంటి సందర్భంలో ఈ ప్రయోగం. 6.చింపావులే:- తప్పురాస్తే కాగితాన్ని చింపేస్తాంగా... నువ్వు తప్పు చేసావోచ్ అని చెప్పడానికి ఈ ప్రయోగం. 7.ఇరగదీసావ్:- పొయ్యిలో పెట్టే కట్టెల్ని చిన్నవిగా/అనువుగా చెయ్యడానికి విరిపినట్లే... విషయాన్ని అతి సునాయాసంగా ఎదుటివాడికి అర్ధం అయ్యేలా చెప్పగలిగితే ఈ ప్రయోగం చెయ్యవచ్చు. చివరగా నేను ఇరగదీసాను అని మీరు ఈ సందర్భంగా అనవచ్చు. తెలుగు దేదీప్యమానంగా వెలుగుతోంది. అందరికీ జేజేలు. మీరు ఇద్దామనుకున్న పుణ్యం మొత్తం ఇచ్చేయ్యండి సార్ (కొరియర్ చేసినా/ ఆన్లైన్ ట్రాంజాక్షన్ చేసినా అంతా మీ ఇష్టం. ======================================================== Date: 13/05/2014

by Kodanda Rao



from kavi sangamam*కవి సంగమం*(Poetry ) http://ift.tt/1gn4Cf2

Posted by Katta

బ్రెయిన్ డెడ్ కవిత

నిశీధి | అ "జ్ఞానం " | మగ వెన్నెల కురవదా? సూర్యుడు ఆడ కాకూడదా? మెత్తని నవ్వుల్లో నిక్కచ్చి ప్రశ్నలు వెన్నెల లో మృదుత్వపు చలి శరీరాన్ని తాకినప్పుడు ప్రియురాలి వొళ్ళో అనుభవించిన వెచ్చదనపు జ్ఞాపకాలు కదలని మేఘంలా కురిసీకురియని వర్షపు జల్లులా తగులుతుంటే మగవెన్నెల ఎలా కురుస్తుంది ? ప్రకృతి ఆడ కాకుండా ఎలా ఉంటుంది ? ప్రకృతి అసమానత్వాలు పదాల్లో కూడా దాచేస్తూ అంతే మెత్తని సమాధానాలు అందులోనూ సూర్యుడు తన శక్తి ని ప్రకృతికాంత అందించి కొత్త జీవం తయారు చేసే శక్తిభాండాగారం కదా అందుకే సూర్యుడు పురుష్ గా ప్రయాస పడుతున్నాడు దాచుకొంటున్న గర్వపుకొంటె నవ్వుల స్వరం.. ఇంకోసారి ** గాయాలకి కారణాలు అన్నిసార్లు మారణాయుధాలు కాదేమో ? ** మరయితే ప్రతిసారి పురుషుడు అందించే శక్తి పసిబిడ్డలై జీవం పోసుకుంటుంటే స్త్రీ ఆశక్తిగా ,జీవచ్చవం గా ఎందుకు మారిపోతుందో “ఆడ” నుండి వినిపిస్తున్న మృదుస్వరం లో గాయపడ్డ ఏహ్యాత వెనక భేదాలన్ని శారీరకమే అయితే ఆలోచనల్లో ఇన్ని ఆసమానత్వాలు ఎందుకో ఎప్పటికి అర్ధం కాని కన్ఫ్యుజన్ ** నిజమే మనసులు మాట్లాడుకోకుండా పెదవులు మాటలు ఆడుకున్నపుడల్లా గాయాలకి కారణాలు మారణాయుధాలు కానక్కర్లేదు . ** ఎడారి ఇసుకల్లో దాగున్న సున్నితపు తడి మేఘాల్లోంచి జారిపడే రాళ్ళ వర్షాలు మృదువుగా మంచు కాల్చే గాయాలు అన్నిటిలో దాగున్న మసకనీడలా నిజం మిగిలింది అంతా నమ్మకాలంత అసత్యం ** నువ్వు నేను సత్యం As long as you treat yourself as first and best amongst equals నీకు నాకు మధ్య కనిపించని పరదాలు కూడా అంతే సత్యం . ** నిశీ !! 14/05/14 ***** అర్ధం కాని ఇష్యూస్ లో చేతులు పెట్టి అయ్యవారిని చేయబోతే కోతి అవుతుంది అన్నది కూడా అంతే సత్యం :)

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1lmFGjZ

Posted by Katta

Subhash Koti కవిత

ఒక పాకిస్తానీ కవి షేర్ ~~~~~~~~~~~~~~~ " చష్మె సాకీ ముఝే హర్ గామూ పై యాదాతీ హై రాస్తా భూలూ తో జావూ కహీ మైఖానేకా " ' ప్రియురాలి కళ్ళు నాకు జీవితపు ప్రతి మలుపులో జ్ఙాపకం వస్తున్నాయి. రస్తా ఎక్కడ మరచిపోతానో, మధుశాలకు వెడుతూ..... ' ప్రియురాలి కళ్ళపై చాలా మంది కవులు ఉర్దూలో మంచి కవిత్వం రాశారు. మచ్చుకు ఒక షేర్ ఇది . (అనువాదకుడు ; గుంటూరు శేషేంద్ర కవి )

by Subhash Koti



from kavi sangamam*కవి సంగమం*(Poetry ) http://ift.tt/1jrTic6

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//వారసత్వం// ఒట్టి మాటలు కోటలు దాటినప్పుడు భుజకీర్తులు బెంబేలు పెట్టారు పొదలు పట్టిన జంతువొకటి మైదానంలో ఒట్టిగడ్డి లేదంది తీరా మేడలెట్టా కట్టారంటే కోట మట్టి నవ్వింది వారసులు లేని చోట వాల మూపుతూ కపి కవ్విస్తుంది నాలుగు మెతుకులకే కడుపు నింపగల అమ్మచేయి ఏ మేనమామ ఇంటిదో తెలియక మూర్కత్వమొకటి వారసత్వంగా దొరకని బాల్యం విడిచి అన్నీ పుట్టుకతో తెలుసని విర్రవీగుతుంది మేనమామ కూతుర్ని ఎందుకు వద్దన్నానంటే సగం పిచ్చ పూర్తవుతుందిరా బామర్దీ........14.05.2014. (19.04.2014. ఒక రాత్రి 8కవితలు ఆరోది)

by Nvmvarma Kalidindi



from kavi sangamam*కవి సంగమం*(Poetry ) http://ift.tt/T172FY

Posted by Katta

Rajender Kalluri కవిత

సంకలో సంటి పిల్లనేత్తుకుని సద్దన్నం మూటగట్టుకుని కొడవలి చేత బట్టుకుని పొద్దు తెరవక ముందే పొలం గట్ల మధ్య నడిచి పొద్దంత మరచి ఎంద్దెంత పనిచేసి గడ్డి మోపునెత్తుకుని యడమ కాలువ బయికాడ నీ యడ్లకు మేతేషి , నువ్వు మేసేషి ఎంత కష్టపడతావే సుగునమ్మా ? అంటే ఇది ఎంత మాత్రంలె రాజన్నా ... అన్న నీ మాటలకు , ఉన్న నీ ఓర్పుకు నా జోహార్లె సుగుణమ్మ !! kAlluRi

by Rajender Kalluri



from kavi sangamam*కవి సంగమం*(Poetry ) http://ift.tt/1jrud0T

Posted by Katta

Rvss Srinivas కవిత

|| పారిజాతం || నందనవనం చిన్నబోయిందిట నీ నవ్వుల ఎగుమతి ఆపేసావని పారిజాతాలని చూసినప్పుడల్లా గుర్తొస్తాయి పారాణి పూసిన నీ తెల్లని పాదాలు. పారిజాతాలకి నీకు సారూప్యం ఉంది సుమా చిరుసిగ్గుల్లో అందం ఒలకబోయడం మీకిద్దరికే తెలుసు గడ్డిపూలు సైతం నీ పాదాలు తగిలి పారిజాతాల పరిమళాన్ని వెదజల్లుతాయి నీవు ఊయలలూగినప్పుడు ఆ నవజాతాలు ...నీ పాదాలను ముద్దాడుతూ ఎర్రని రంగుని పూసుకుంటాయి పాదాలకి... లత్తుకలా నీవు నడిచే బాటలో పరిచాను పారిజాతాలని కాడలమీద పాదం మోపకు సుమా! తొలగించాలంటే ... పట్టు సూదులు కావాలి గాయాలకి లేపనాలు పూసేందుకు పున్నమి వెన్నెల తేవాలి ...@శ్రీ 14/05/2014

by Rvss Srinivas



from kavi sangamam*కవి సంగమం*(Poetry ) http://ift.tt/1mU2C0H

Posted by Katta

Kapila Ramkumar కవిత

రసశిల్పి అన్నమయ్య –|| ఆచార్య ఎస్ గంగప్ప -||అన్నమయ్య 605 వ జయంతి || by gdurgaprasad శ్రుతులై, శాస్త్రములై, పురాణ కథలై, సుజ్ఞానసారంబులై/ యతిలోకాగమ వీధులై, వివిధ మంత్రార్థంబులై, నీతులై,/ కృతులై, వేంకట శైల వల్లభ రతిక్రీడా రహస్యంబులై,/ నుతులై తాళుల పాకయన్నయ వచోనూత్న క్రియల్ చెన్నగున్' - ఈ విధంగా ప్రసిద్ధి పొందిన తాళ్ళపాక అన్నమాచార్యులు (1408-1503) జననంతో తెలుగులో పదకవితావిర్భావ వికాసాలు ప్రారంభమయ్యాయి. అంతకు ముందు జానపదుల నోళ్లలో నానుతున్న పద కవితకు ప్రాధాన్యం లభించింది. అన్నమాచార్యుల రచనలను సంకీర్తనలంటారు అవి పదాలని గూడా ప్రసిద్ధమే. అందుకే అన్నమాచార్యులకు పదకవితా పితామహుడనీ, సంకీర్తనాచార్యుడనే బిరుదులున్నాయి. ఆనాటికే ప్రబంధకవుల వల్ల పద్యం ప్రసిద్ధమైంది. పద్యానికి పట్టాభిషేకం జరుగుతూంది. అది పండితులకు మాత్రమే పరిమితం. పదం ప్రజలందరికీ అర్థమయ్యేది. కనుకనే అన్నమాచార్యులు శ్రీ వేంకటేశ్వరునిపై శృంగార, అధ్యాత్మ సంకీర్తనలు 32 వేలు రచించి భక్తి, నీతి, వైరాగ్యాలను ప్రబోధించారు. ఆ పదాలలో పద్యకవులకు ఏ మాత్రం తీసిపోని కవితా వైభవాన్ని అన్నమాచార్యులు ప్రదర్శించారు. అన్నమాచార్యులు 32వేల సంకీర్తనలు రచించగా, మనకు లభించినవి సుమారు 14వేల పదాలు మాత్రమే. ఈ సంకీర్తనలు లేదా పదాలు శృంగార, అధ్యాత్మ సంకీర్తనలని రెండు విధాలు. శృంగార సంకీర్తనలన్నీ పైన పేర్కొన్న 'వేంకట శైల వల్లభ రతి క్రీడా రహస్యంబులు' అంటే, అలివేలు మంగా శ్రీ వెంకటేశ్వరుల అలౌకిక శృంగారాన్ని చిత్రించు పదాలని అర్థం. ఈ శృంగార పదాలలోను, అధ్యాత్మక పదాలలోను శృంగారంతో పాటు, భక్తి, నీతి, వైరాగ్యాల వర్ణన మనోహరం. అందులో వ్యంజితమయ్యే కవిత్వం మనోహరమై, సహృదయరంజకమై ఏ పద్యకవికీ తీసిపోని రీతిలో ఒప్పారుతూండడం విశేషం. ప్రతిభాపూర్వకమైన భావుకత, చమత్కార వైభవం, వ్యంగ్య స్ఫూర్తి, వర్ణనా వైదగ్థ్యం, ఆలంకారిక శైలీ విన్యాసం-మొదలైన విశిష్ట కవితా లక్షణాలతో అన్నమాచార్యుల కవిత్వం మనోజ్ఞమై ఒప్పుతూంటుంది. లాక్షణికులు విశ్వనాథుడు చెప్పినట్టు 'వాక్యం రసాత్మకం కావ్య'మ్మనే నిర్వచనానికి, జగన్నాథపండితరాయల 'రమణీయార్థ ప్రతిపాదక శబ్దఃకావ్య'మ్మనే సిద్ధాంతానికీ సమంగా సరిపోయే పదాలివి. అందుకే అన్నమాచార్యులు ఆంధ్ర పదకవులందరికీ గురువనడం సమంజసం. కవికి ప్రతిభ, వ్యుత్పత్తి, అభ్యాసముండాలంటారు. అందులో ప్రతిభ అనేది శ్రేష్ఠమైన గుణం. అన్నమాచార్యులలో ఈ ప్రతిభకు కొదవలేదు. భావుకత, ఊహాశాలిత అనే అంశాలు ప్రతిభా గుణ విశిష్టాలు. ఈ లక్షణాలన్నీ అన్నమాచార్యుల ఈ పదంలో మనం గమనించగలము. 'ఏమొకో చివురుటధరమున యొడనెడఁ గస్తురి నిండెను/ భామిని విభునకు వ్రాసిన పత్రిక కాదుకదా కలికి చకోరాక్షికిఁ గడ కన్నులు గెంపై తోచిన/ చెలువంబిప్పుడిదేమో చింతిపరె చెలులు/ నలువునఁబ్రాణేశ్వరుపై నాఁటిన యాకొన చూపులు/ నిలువునఁ బెరుకఁగ నంటిన నెత్తురు కాదుగదా ముద్దియ చెక్కుల కెలకుల ముత్యపు జల్లుల చేర్పుల/ వొద్దికలాగు లివేమో వూహింపరె చెలులు/ గద్దరి తిరు వేంకటపతి కామిని వదనాంబుజమున/ అద్దిన సురతపుఁ జెమటల అందము కాదు గదా' ఇందులో భావుకతననుసరించి భావమూ, భావాన్ని అనుసరించిన భాష ఒకటిని మించి మరొకటి పోటీపడుతున్నట్లు తెలుస్తుంది. అది అన్నమాచార్యుల ప్రతిభా సంపదకు చక్కటి నిదర్శనం. నాయక యొక్క 'చిగరు టధరమున' లేత పెదవిపై కస్తూరి నిండినట్లుందట. అంటే నల్లగా ఉంది. అది ఎలా ఉంది? 'భామిని' అంటే నాయిక 'విభునకు' ప్రియుడైన నాయకునకు వ్రాసిన 'పత్రిక' లేఖ ఏమో అన్నట్లుందట! ఇదెంత మనోజ్ఞమైన భావన! ఇలాంటి భావన చేసిన కవులు లేరు తెలుగులో. అది అన్నమాచార్యుల ప్రతిభ! ఇది కేవలం పల్లవి మాత్రమే. ఈ మూడు చరణాల్లోను ఈ చమత్కారం విదితమై కవి ప్రతిభా ప్రకటనకుపకరిస్తుంది. కవితలో చమత్కారముంటే కవి విశిష్టత తెలుస్తుంది. అన్నమాచార్యులు ఆయా పదజాలాన్ని ప్రయోగించి చెబుతూ వాటికున్న అర్థం ఎంత సార్థకమో వివరించాడు ఈ క్రింది పదంలో . అంతేగాక ఇందులో మరో చమత్కారం దశావతారాలకొన్నిటిని వర్ణించడం జరిగింది. 'ఈకెకు నీకుదగు నీడు జోడులు/ వాకుచ్చి మిమ్మఁ డొగడ వసమయొరులకు జట్టిగొన్న నీ దేవులు చంద్రముఖి గనుక/ అట్టె నిన్ను రామచంద్రుఁడన దగును/ చుట్టమై కృష్ణ వర్ణపు చూపుల యాపె గనుక/ చుట్టుకొని నిన్ను కృష్ణుడ వనదగును చందమైన వామలోచన యాపె Äౌఁగనుక/ అందరు నిన్ను వామనుడన దగును/ చెంది యాకె యప్పటికిని సింహ మధ్య గనక/ అంది నిన్ను నరసింహుడని పిల్వదగును' నాయికకున్న విశిష్ట లక్షాణాలని బట్టి నాయకుడైన వానిని శ్రీకృష్ణుని, శ్రీరామచంద్రునిగా చెప్పడం జరిగింది చమత్కారంగా. అద్భుతమైన వర్ణనా వైధగ్థ్యం, ఆలంకారిక శైలీ విన్యాసంకు శబ్దాలంకారం, అర్థాలంకారాలకు అన్నమయ్య పదాలు ఆటపట్టులు. ఈ సంకీర్తనలో చక్కటి శైలీ విన్యాసంను చూడండి: 'నెరజాణవు కడు నేర్పరివి మరిగె నీకు నిన్ను మన్నించవయ్యా దొంతులు వెట్టీ దొయ్య వలపులు పంతపు మాటల బలుమారును చింతల చిగురుల సిగ్గులనయ్యా చెంత జేరి మచ్చికగొనవయ్యా' ఇలాగా అన్నమ ఆచార్యులు సంకీర్తన రచన చేసినా ప్రబంధ కవులకు మాత్రం తీసిపోనిరీతిలో కవిత్వంలో తన సహజమైన ప్రతిభాపాటవాన్ని ప్రకటించి తదనంతర వాగ్గేయకారులకు ఆదర్శమయ్యారు. n ఎస్. గంగప్ప విశ్రాంతాచార్యులు http://ift.tt/1llCQf1

by Kapila Ramkumar



from kavi sangamam*కవి సంగమం*(Poetry ) http://ift.tt/1llCQf1

Posted by Katta

Jagadish Yamijala కవిత

ఈరోజుకు ఇదే తొలి కవిత ----------------------------- నిశ్శబ్దమైన ఉదయం అంతకన్నా ప్రశాంతమైన గొంతులో కోకిల గానారాధన సాక్షిగా భానుడి కిరణాల సాక్షిగా సాంబారు ఘుమఘుమల సాక్షిగా తట్టి లేపే అమ్మ చేతిని పట్టుకున్నా ఇంకేముంది ఆరోజు ఉదయం నా తొలి కవిత ఇదే అయ్యింది - యామిజాల జగదీశ్ 14.5.14 ------------------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1sLBoZk

Posted by Katta

Mothi Mohanaranga కవిత

మోతి మోహనరంగా/అమ్మకు అక్కకు వద్దు వీళ్ళు వాళ్ళే.. ........................................................... బయిట ఆశగా ఎదురు చూస్తున్న అమ్మకు ,ఆడపిల్లని తెలియగానే భూకంపం అయి0ది. పెద్దమ్మ చేతిలో ను0చి తీసుకోకు0డా ,మొహన్ని పొద్దెకి0చుకొని గోడకానుకొని అటు పడేయమంది అప్పుడు మృగరాజు గర్జన బయిలుదేరి0ది నాలో.... గోనె సంచిలా0టి దా0ట్లో అక్కను ఆపరేషన్ థియేటర్ ను0చి శవంలా తీసుకొస్తు0టే ,అక్క కను రెప్పలపై ఆడా మగా అనే సందేహత్మక భయం..... అక్క కళ్ళు తెరవగానే నాన్న కళ్ళ ము0దు.....ఆడపిల్లని అక్క కార్చిన కన్నీళ్ళు జుగుప్స కలిగి0చి.... ఆకాశం చీల్చుకొని ఎక్కడో పడిపోయాను నేను. ఎక్కడ చంపేస్తారోనని ,ఆ రాత్రి కాపలా కాసిన నాకు... వివక్షతను పోగొట్టే యంత్రాన్ని కనిపెట్టి ఆకాశంలో వేలాడదీసి కనిపెట్టుకు0టు ఉ0డేలా..... ఆడది పుడితే ఎవడు చంపినా చావకూడని ఇ0జక్షన్ కనిపెట్టాలని ఇలా ఎన్నో...... చూశాను నేను ఇద్దరు పుట్టాక మూడోది మగాడు కాకపోయే సరికి బడి ను0చి వచ్చేసరికి చంపబడిన చిన్నారిని. అప్పుడు నన్ను నేనే కొట్టుకున్న గాయాలి0కా మానలేదు చిన్నప్పటి ను0చి చూస్తున్నా ఆడదాన్ని మూడు ముళ్ళ కంచలో బంది0చి చేస్తున్న వద. అత్తలు వాళ్ళను వంటగదిలో పొయిగా కాల్చడం ఇల్లు అనే నాటకశాలలో స్త్రీ హి0స ప్రదర్శి0పబడటం. అమ్మకు అక్కకు వద్దు ఆడపిల్ల నాకిది చెది0చిలేని సూత్రం..? అ0దుకే నేన్నిప్పుడు పిలునిస్తున్నా తూటాగా పుట్టమని బాణంగా పుట్టమని యాసిడాగా పుట్టమని..... 14-05-2014

by Mothi Mohanaranga



from kavi sangamam*కవి సంగమం*(Poetry ) http://ift.tt/1jqF1fH

Posted by Katta

Ramaswamy Nagaraju కవిత

కవిత : ('సిలికాన్ఆంధ్రా' వారి ఈ -పత్రిక 'సుజనరంజని' ఏప్రిల్ 2014). ........॥ మృత్యు సంధ్య ॥........ అవసాన ఘడియల్లో అల్లాడిపోతుంటాడు ఆత్మారాముడు అర్ధ చైతన్యపు సరిహద్దుల మీద, సాగిపోతుంటాడు తడబడుతూ తాపం తడిపిన తడితోవల్లోంచి కడపటి పడమటి నీడల్లోంచి అనంత ప్రస్థానం కేసి ఆశరీరంగా సుషుప్తిలో కరుగుతున్న స్వప్నంలా. పొడలు పొడలుగా కదలుతున్న పరాపర స్పృహ పొరలు పొరలుగా చీలుతున్న ఇహపర స్పర్శ భావాభావ అస్పష్ట సంధి గీత మీద ఒక అడుగు అటు ఒక అడుగు ఇటు సంధిదోషం కమ్మిన సాయంత్రపు నీడలు ! అపస్మారం చిమ్మిన ఆఖరి మెరుపులు ! వెన్నంటే వెలుగు నీడలకు అతని అడుగులకింద ఆశ్రయం దొరుకదు రాలిపడుతుంటాయి ఒక్కొక్కటిగా ఆతని చాపల్య చాపంలోని సప్తవర్ణాలు మెడ తిప్పిన నిర్లిప్త పడమర కడసారి ఉషస్సు కేసి చూపు తిప్పుతుంది ఆరీఆరని తూరుపు చక్షూరాగం ! మూసీ మూయని జీవన దిన ద్వారం! ఏవో నీరెండల పరాధ్యాస అంతిమ శోషల ఆఖరు శ్వాస అంతరాంతరాలలో ఎక్కడో గుండెను తవ్వుతున్న గునపం సవ్వడి నాభిని పెకిలిస్తున్న అలికిడి ఆత్మబంధాలు తెగుతున్న అలజడి . ఆవలి తీరం అస్తమయం పిలుస్తుంటుంది పడవ పడమటి గట్టున వేచియుంటుంది ఎర్రెర్రని మరుభూమిలో ఎండుటాకు ఎగురుతుంటుంది కళ్ళు సోలిపోతుంటవి కాళ్ళు తూలిపోతుంటవి దేహం తేలి పోతుంటుంది గొంతు లోతున పడుతుంది పిడచ కట్టిన నాలుక ఆఖరి మాట మరుస్తుంది ఆకాశం సంధ్యను వర్షిస్తుంటుంది చీకటి కౌగిలో నీడ నిద్రలోకి జారుకుంటుంది రంగు రంగుల దీపం చరమ సంధ్యలో సమాధి అవుతుంది. --నాగరాజు రామస్వామి. Dt :14.05.2014.

by Ramaswamy Nagaraju



from kavi sangamam*కవి సంగమం*(Poetry ) http://ift.tt/1qBjIBQ

Posted by Katta

Aravinda Raidu Devineni కవిత

అరవిందరాయుడు//మహామాయాబజార్//08.... ******** ఇక్కడ అప్పులున్నవాడికీ ఆదాయపుపన్ను వర్తిస్తుంది ఇక్కడ కారులున్నవాడినీ తెల్లరేషన్ కార్డు వరిస్తుంది సదా పాతికలక్షలకోట్లరూపాయల నల్లధనం విదేశీబాంకుల్లో నర్తిస్తుంది బాబూ ఇది మహామాయాబజార్ ఇక్కడనుండి రీతులు-నీతులూ ఏనాడోఅయినాయి పరార్ 14-5-2014 (మార్చి2014.

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1jZ67PM

Posted by Katta

Abd Wahed కవిత

by Abd Wahed



from kavi sangamam*కవి సంగమం*(Poetry ) http://ift.tt/1jdsPoy

Posted by Katta