కవి సంగమం..కవులకు ..దండాలు - Ramesh Hazari

Ramesh Hazari

నమస్తే తెలంగాణ'పత్రిక ఢిల్లీ బ్యూరో ఇంచార్జ్ గా ..అర్జంట్ గా ..ఢిల్లీ వెళ్ళాల్సిన క్రమం లో జీవితం లో నాకు అత్యంత ఇష్టమయిన 'కవి సంగమం' ఇఫ్లు కార్యక్రమంలో పాల్గొనలేక పోయినందుకు..క్షంతవ్యుణ్ణి.

ఘనంగా జరిపినందుకు యాకుబ్ అన్న,గుడిపాటి అన్న, మరియు కవిసంగమం బాధ్యులకు,సభ్యులకు ...వేదికనిచ్చి సహకరించిన సీతారాం కు ..పాల్గొని ఈ కార్యక్రమాన్ని చారిత్రకంగా మార్చిన ప్రతి వొక కవి సంగమం..కవులకు ..దండాలు ..

రమేష్ హజారీ కవిత

నీ ప్రతీ జాడ వేకువ గాలయి నాలో ఆశల వుపిరిలూదెది
నీ మంచు కడ్గపు చూపు పదునుకు నా ప్రేమ చెలిమ తొవ్వ కుండానే వుటలూరేది
నీ అలౌకిక స్పర్శ నా పంచేంద్రియాలను కబ్జా చేసి నాకు పంచామ్రుతాన్ని పంచేది
నీ ఎడబాటుకు బెదిరి నీ అరచేయి రేఖనయి నీలో నే ముడుచుకు పోయేది
నీ ప్రేమామృతాన్ని పొందేందుకు నా హృదయ సముద్రాన్ని మదించాను
అమృతము నాకొదిలి హాలాహలాన్ని స్వీకరించావు
హిందూ మహాసముద్రపు సునామీలో కొట్టుక పోతున్న విలువలను వడిసిపట్టేలోపే
నా మీద ప్రేమతో నీవు విధించిన జీవిత కాలపు శిక్షను శిలారూపమయి భరిస్తాను
ప్రాణమా..గతం జ్ఞాపకమయి వర్తమానాన్ని కొరుక్కు తింటుంటే
మరణమే లేని నీ రూపాన్ని.నా మదిలో రేపటి కొరకు దాచిపెడుతా..
*26-07-2012

రమేష్ హజారి కవిత

చాయి..చాయమ్మా చాయి ..
నిన్ను తాగినంకనే మనసు హాయి
ఇరాను కేఫులెంట బోయి
ఎలిగిత్తివి సిగిరెట్టు బాయి
యిగ చెప్పుతాంటే ముచ్చేటంత నోయి
గంటకింత పెర్గునంట సోయి
సుట్టమొత్తే వుల్లెనయితే భాయి
తాల్లల్లకు తోలుకేల్తి మొయి
పట్నంల దోస్తులోత్తే నోయి
పది రూపాలతో పనిఎల్లును చాయి
బగర్ ఉమ్లి పాని తాగి నంకా
ఏక్ మే దో చాయి దాగుతింక
సోర్గమే కండ్లముందు దునుకా
యెవ్వడు కనిపెట్టే నిన్ను గాని
చెయ్యకుంటే రోజేల్లదు నిను బోని
కడుపునిండా లేనప్పడు బువ్వ
నిన్డుతావే మాకడుపునిండా అవ్వా
విప్లవాలు పూసెనే నీ సుట్టు
నక్సలైట్ పుట్టెనే నిను తాగి
గరీబోల్ల గాజు గలాసులంట
నీ అద్దాల రాణివాసమంటా
ఎంతసేపు జెప్పినా చాయి
తీరదు నీ ముచ్చటంతా హాయి ......
---పోటో పెట్టి టెంప్ట్ చేసిన ..భరత్ భూషణ్ గారికి ధన్యవాదాలతో
     .....
*25.7.2012

రమేష్ హజారి॥రేపటి కొరకు॥

నీ ప్రతీ జాడ వేకువ గాలై నాలో ఆశల వూపిరిలూదేది

నీ మంచు కడ్గపు చూపు పదునుకు నా ప్రేమ చెలిమ తొవ్వ కుండానే వూటలూరేది
నీ అలౌకిక స్పర్శ నా పంచేంద్రియాలను కబ్జా చేసి నాకు పంచామ్రుతాన్ని పంచేది
నీ ఎడబాటుకు బెదిరి నీ అరచేయి రేఖనయి నీలో నే ముడుచుకు పోయేది
నీ ప్రేమామృతాన్ని పొందేందుకు నా హృదయ సముద్రాన్ని మదించాను
అమృతము నాకొదిలి హాలాహలాన్ని స్వీకరించావు 

హిందూ మహాసముద్రపు సునామీలో కొట్టుక పోతున్న విలువలను వడిసిపట్టేలోపే
నా మీద ప్రేమతో నీవు విధించిన జీవిత కాలపు శిక్షను శిలారూపమయి భరిస్తాను
ప్రాణమా..గతం జ్ఞాపకమయి వర్తమానాన్ని కొరుక్కు తింటుంటే
మరణమే లేని నీ రూపాన్ని.నా మదిలో రేపటి కొరకు దాచిపెడుతా.

*24.7.2012