Boorla Venkateshwarlu కవిత

*రాండ్రి రాండ్రి* రాండ్రి రాండ్రి తెలంగాణ తల్లిని రథంల ఎక్కిచ్చి ఊరంతా జులూస్ దీద్దాం రాండ్రి అమరుల పోటువలు నెత్తిమీద వెట్టుకోని వీరులారా వందనం అని వాడవాడనా తిరుగుదాం రాండ్రి మనుసు నిండా తంగెడు పువ్వుల పేర్చి గుండె నిండా గునుకపూల గజ్జెల గట్టి జయ జయహే తెలంగాణ అని ఇంటింటా పాడుదాం రాండ్రి మనిషి మీద మనిషి మనిషి మీద మనిషి మొగులు ముట్టేదాక నిలవడి కాళోజీ జయశంకర్ లకు జేజేలు గొడుదాం రాండ్రి ఆ బక్క పలుచటి ఉక్కు మనిషిని ఈ కొండంత కోదండ రాముణ్ణి బుజాల మీదికెత్తుకొని ఎగిరెగిరి దునుకుదాం రాండ్రి సోనియమ్మకు సుష్మక్కకు ఆడిబిడ్డ కట్నాలు వెట్టి విజయ హారతులిద్దాం రాండ్రి నాలుగు తరాల ప్రజల నాలుక్కోట్ల కల నవనవలాడే తెలంగాణకు న్యాయం జేస్తమని నాయకులతో బాస జేయిద్దాం రాండ్రి రాండ్రి రాండ్రి నదులకు నక్షత్రాలకు పట్నాలకు ప్రాజెక్టులకు పుట్టిన బిడ్డలకు కట్టిన స్థూపాలకు అమరుల పేర్లు పెడుదాం రాండ్రి రాండ్రి. 01.06.2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1nF1Ncx

Posted by Katta

Boorla Venkateshwarlu కవిత

*కోర్ట్ చౌరస్తా అను ప్రేయసికి* ఓ మేరీ ప్యారీ బుల్ బుల్! కహా గయే ఓ దిన్! మూడు దారుల పాయల్ని కలిపి ఎంత సొగసైన నల్లటి జడ వేస్కుంటివి నువ్వు నిన్ను చూస్తూ చూస్తూ స్వప్నా కేఫ్ ల చాయ్ సిగరెట్ తాగుతూ తాగుతుంటే యవ్వనం రెండింతలై బుసలు కొట్టేది లేత మీసాన్ని మెలిపెట్టించి పొగల్లోంచి ఏ గాంధర్వ లోకాల్లోకో లాక్కు పొయ్యే దానివి లచ్చన్న పాన్ టేలాల మీటా ఇంటి కెళ్ళే దాకా రెండు పెదవుల్నితడిమి తడిమి అద్దేది కదే! నిత్తెం పెళ్లి కూతుళ్ళతో ముస్తాబైన రాజరాజేశ్వర కళ్యాణ మండపం ఎంత వైభవంగా మన గుండెల్లో మంగళ వాయిద్యాలు మొగించేదే! హాయ్ మేరీ ఖూబ్ సూరత్! చక్కదనాల నీ మొకం వక్కలు వక్కలై అర్థం గాని పజిల్ ఐపాయె గదా! ఎప్పుడూ కొన్ని తుపాకులు ముందూ వెనకా రాగా అనామక ఖైదీలు బేడీల్తో వెళ్తుంటే నిన్ను ముద్దాడుతారని సంకెళ్ళు వేసినట్టుండేది. ధర్నాలూ,రాస్తా రోకోలు జరుగుతుంటే అంబేద్కర్ నడిరోడ్డు మీదికచ్చి వాదిస్తున్నట్టుండేది. అబ్ తేరా చహరా అన్ జాన్ హో గయా! ఇప్పుడిక్కడ చాయ్ బిస్కట్లమ్మితే బతకలేం ఇప్పుడిక్కడ జాన్ ప్లేయర్స్, అడిడాస్, రీబాక్, లివైస్ లు చాలా వైజ్ గా జేబులు కత్తిరిస్తరు. హియర్ ఇటీజ్ రెడ్డీస్ రెసిడెన్సి ఓన్లీ! ఇప్పుడిక్కడ మాఊరి ఐలయ్య ఒంటి తువ్వాల తోటి పిచ్చి లేసి తిరుగుతుండు ఐనోడూ కానోడూ దండలేస్తుంటే అసలు దొంగలు వీళ్ళేనని అంబేద్కర్ వేలెత్తి చూపిస్తుండు శవాలకు చికిత్స చేసే ఆస్పత్రి చుట్టూ అభాగ్యులు మృత సంజీవని కోసం తిరుగుతుండ్రు కానీ మేరీ జాన్! జనాలు ఇవేవీ పట్టకుండా నీ కొత్త అందం వెనుక కుట్రలు తెల్వక పరుగు పరుగున పైసల కోసం ఉరుకుతుండ్రు హాయ్ మేరీ జాన్! నౌ యూ ఆర్ డెవలప్ద్ విత్ రూపీ ఫేస్ నౌ యూ ఆర్ కల్చర్డ్ విత్ మల్టీ నేషనల్ రోజ్ 05.04.2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1rUG2Sy

Posted by Katta

Boorla Venkateshwarlu కవిత

*నోటా ఛాయిస్* నువ్వూ చూస్తున్నావ్! అరవై ఏళ్ళుగా ఎన్నికల్నీ ఎన్నికైన నాయకుల్నీ నిన్నూ, నీ దేశాన్నీ ప్రేమిస్తున్నామంటూ వాళ్ళు చేసే ప్రతిష్టాత్మకమైన పనుల్నీ నువ్వూ చూస్తున్నావ్! నువ్వు చూసే ఉన్నావ్! ఐదేళ్ళకింద నీ పొలంలో నాగలి పట్టుకొని నీ తువ్వాలను నడుముకు చుట్టుకొని నీతో నాలుగు అడుగులు నడిచి ఫోటోలు దిగిన వాళ్ళని విరిగిన నీ గుడిసె నిట్టాడును చూసి కళ్ళ నీళ్ళ పర్యంతమైన వాళ్ళని కూలిన నీ బతుకు బంగారం చేస్తానన్నవాళ్ళని నువ్వు చూసే ఉన్నావ్! నువ్వు అనుభవిస్తూనే ఉన్నావ్ ! ప్రజాసేవ పేర వ్యాపారీ, దళారీ, స్థానికుడూ, సామ్రాజ్యవాదీ నువ్వేసే ఓటుకు వెలకట్టి ప్రజాస్వామ్యాన్ని అంగడి సరుకుచేసి కులాన్నీ, మతాన్నీ, సంఘాన్నీ క్వింటాళ్ళ కొద్దీ డబ్బులతో తూకం వేస్తున్న స్థితినీ నువ్వు ఐదేళ్ళూ అడుక్కునే పరిస్థితినీ రెండు రూపాయల బియ్యంతో మొదలుపెట్టి ఇప్పుడు రెండు పడకగదుల దాకా నీ బిచ్చగాని వేషాన్ని డెవలప్ చేసిన దుస్థితినీ నువ్వు అనుభవిస్తూనే ఉన్నావ్ ! వాళ్ళు నీ ఒక్క ఓటునే అడుక్కునీ వీలైతే కొనుక్కొనీ నిన్నేం చేశారో నువ్వు చూస్తూనే ఉన్నావ్! చూస్తూ చూస్తూ ఊరికే ఉంటావా! నువ్వూ ఒక చూపు చూడు! ఈతాకులిచ్చి తాటాకులు దొబ్బే నాయకులకు షాకిచ్చెయ్! ఆ నోటా ఈ నోటా పాకిన గాలిబుడగ వార్తలు పేల్చేయ్! ఏ నోటూ వద్దని ఈ“నోటా” మీటెయ్! ఎందుకంటే! భారతదేశం నీ మాతృభూమి ప్రజాస్వామ్య రక్షణ నీ ఆజన్మ విధి తేదీ: 16.04.2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1l5G5sz

Posted by Katta

Boorla Venkateshwarlu కవిత

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1m19o3p

Posted by Katta

Boorla Venkateshwarlu కవిత

*ఓటేయడం* ఓటేయడమంటే సీటెక్కి మాట మరచిన చిలుక పలుకుల నాయకులపై తెలివిగా వేటేయడం స్విస్ బ్యాంకుల్లో నల్లధనం పోగేసి దేశం పొట్ట మాడ్చినోళ్ళను మెరిగెల్లా ఏరేయడం ఓటేయడమంటే నీ తలరాతను మార్చుకోవడానికి నువ్వే బంగారి అక్షరాలతో చేవ్రాలు చేయడం ఐదేళ్ళ ఒక పసిపాపలాంటి ఓటుయంత్రం బుగ్గను సుతారంగా నొక్కి ప్రజాస్వామ్యాన్ని మల్లెపువ్వులా పరిమళింప జేయడం చేసిన తన ప్రమాణాన్ని మంత్రంగా తలదాల్చి రేపటి నీ కలల ఉదయానికి భరోసానిచ్చే ఒక సూర్యుణ్ణి ఎన్నుకోవడం 03.04.2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1hzh5Lb

Posted by Katta

Boorla Venkateshwarlu కవిత

*జయం* కాలం కాళ్ళకింద పచ్చడైన మా బంగారి బతుకు ఇప్పుడు ఉగాది పచ్చడికి ఉవ్విళ్ళూరుతుంది నాయకులారా! మీ నోట్లకు దండాలు మీ నోళ్ళకు దండాలు నిన్నటి రాక పుల్లపుల్లగ మాట్లాడినోళ్ళు చల్ల చల్లగ మారుతుండ్రు పచ్చనోట్లు మెడల ఏసి ప్రజాస్వామ్యం పుస్తెలు తెంపుతుండ్రు మీ ఒగరు మాటల కోటలకు దండాలు చేదు నిజాల మరుసుటానికి చేదు మత్తుల ముంచుతుండ్రు మీ తియ్యటి కోయిల పాటలకు దండాలు ఓటు మీట కోసం సార పొట్లాలు కార పొట్లాలు ఇకమతుగ ఇసురుతుండ్రు సార్లూ మీ పైసకు దండం బార్లూ మీ నిషాకు దండం ఉగాది పచ్చడి తోడు ఇగ మేం సోయి దప్పం నియ్యతి గల్లోడే మా నాయకుడు సేవజేసేటోడే ప్రజా సేవకుడు ఇగ మేం మాట దప్పం అరువై ఏండ్లు కొట్లాడి ఆత్మగౌరవం నిలుపుకున్నం ఆగమైన తెలంగాణ పునర్నిర్మించుకుంటం పోయిన విజయం మాదే వచ్చే జయం మాదే ౩౦.౦౩.౨౦౧౪

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1rWcdnc

Posted by Katta

Boorla Venkateshwarlu కవిత

నోట్ ఎన్నికల సంగ్రామంలో నోట్ల చెట్లూపి కట్టలు రాల్చే గ్రామ సింహాలు ఎప్పుడూ ఒక బొక్కకే లొంగిపోతాయి తెలుసుకో నీ చెమట చుక్కల్ని బ్రాందీ చుక్కల్తో వెలకట్టే వినయపు నక్కలు శవాల్నీ పీక్కుతింటాయి పోల్చుకో ఈ ఐదేళ్లూ నీ ఐదేళ్ళూ నోట్లోకి వెళ్ళాలంటే ఒక నీ బలహీనతను ఉచితంగా తీర్చేవానికంటే నోటివ్వని వాడు “నోటా” కు చోటివ్వని వాడు నోటిని ప్రజల కోసం మైక్ లా వాడేవాడు సింహాసనమెక్కాలోయ్ నోట్ చేస్కో

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1hmRq7N

Posted by Katta

Boorla Venkateshwarlu కవిత

//జ్ఞానోదయం// జోడించిన విత్తనం చేతుల్లోంచి రెండు ఆకుల్నీ సునాయసంగా కిరణాల దారాలతో పైకి లాగుతున్న సూర్యుడు ముడుచుకున్న కొమ్మ గుప్పిటిని మెజీషియన్ లా ఊపీ ఊపీ పూల గుత్తుల్ని ప్రదర్శిస్తున్న కొత్త ఉదయపు గాలి కృష్ణశాస్త్రి పాటలందుకొన్న భావకవుల్లా వసంతానికి దిష్టి పూసలు కడుతూ రాత్రిలోంచి రాలిపడ్డ గండు తుమ్మెదలు ఏమందం ఏమందమ్మని గొంతు ముడి విప్పి అడివికి పాటల చీరల్ని చుడుతున్న నల్ల కోయిలలు నిజంగా ఇప్పుడు నేను జ్ఞానోదయం కోసం తిరిగీ తిరిగీ వసంతం తోటలో కళ్ళుమూసుకున్న శుద్దోదన కుమారుణ్ణి తరతరాల కులాల అంతరాల దొంతరల్ని తెల్ల పువ్వులుగా విప్పి చేదు పాఠం చెప్తున్న వేపచెట్టు నా బోధి వృక్షం ఒక్కమొదలే గుంపులు గుంపులుగా ఎదిగిన సామ్యవాద ప్రతీక తీపి చెఱకుగడ నా కొత్త నిచ్చెన కొండెత్తు కేంద్రీకృతమైన సంపద చాస్తున్న చేతులకు వేల మామిడి పిందెలై అందాలన్నది నేనాశిస్తున్న పుల్లటి సహకారం నిత్యం కళ్ళ భూగోళాల్ని చుట్టుముట్టే దరిద్ర తుపానుల్నుంచి సామాన్యుల్ని ఉప్పునీటి సముద్రాల్ని దాటిందాలన్నది నా పడవ సత్యాగ్రహం ప్రజాస్వామ్యం తోటలో నెమళ్ళకు తూటాలు దించి నిమిషం మౌనమయ్యే కుట్రల్ని రాపాడించి ఎగిసే మంటల ధిక్కార కారం నా అలంకారం కొత్త కొత్త చిగుర్లై ఎప్పుడు నాలుక మీదికెక్కినా ఎదిగీ ఎదగని పలుకుల వ్యంగ్యం నా మాటల వగరు పొగరు ఇప్పుడు నా రెండు కిటికీల తలుపులు తెరిస్తే నా ఎదురుగా బుద్దుని శిష్యులు. 28/03/2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1ftr53K

Posted by Katta

Boorla Venkateshwarlu కవిత

నాగుంబాము గోధుమ రంగు వన్నె నున్నగ జారిపొయ్యేటి తోలు ఇగ పడిగె ఎత్తుతె దాని అందమే వేరు ఒక్కసారి దాని మొకం సూడుండ్రి తేట గల్ల కండ్లు ముత్తెమంత ముక్కూ మూతీ రెండు ఏళ్ళసందుల్ల గరుకపోసలెక్క నాలికె పరుసుకుంటె చేతిల కట్టె అంత ముడుసుకుంటె సుట్టకుదురంత దాని గదువకింద చందనం గీతలోలె నలుపుతెలుపు చారలు దాని తల మీద మణులు పీకేసిన బర్రలోలె కృష్ణగుర్తులు బుస్సబుస్స లేసుడు మిట్టమిట్ట జూసుడు సర్రసర్ర పోవుడు దాని పుట్టువడి లక్షణం ఆలుమగల అనుబంధ కావ్యం దాని జంట నాట్యం నాగస్వరం ఊదుతె ఒంపులు తిరిగే దాని అమాయకత్వం శివుడు నాగహారమని మెడల ఏసుకున్నడు విష్ణువు శేషుని గొడుగు పట్టిచ్చుకున్నడు దానికి పడిగె తప్ప పగెక్కడిది? అది ఏం దాసి పెట్టుకున్నదని పాత పుట్టలు తవ్విపోత్తండ్రు ఏం మంచి చేసిండ్రని కొత్తపుట్టలల్ల పడిగెలేసి పాలువోత్తండ్రు దాన్ని అనుడు గాదు అంటే గింటే మనుషుల్నే అనాలె అది ఒక్కసారి బుస్సుమంటే బొండిగ విసుకుతిరి అరె అదేమంటది! ఆకలైనప్పుడు సర్రసర్ర పాక్కుంట వొయ్యి ఐతె ఓ కప్పను లేకుంటె ఓ ఎలుకను పట్టుక తింటది నేల అడుగున అడుగు జాగల మలుసుక పంటది అది కాళ్ళురెక్కలు పోడగొట్టుకోని ఎన్నుపూసను నేలనిచ్చెన చేసుకొని బతుకును ఈడ్సుకపోతది కదా! అరె మనుషులూ! ఎంత పాపం జేత్తిరి మీ భయాలకు దాని ఉసురు దీత్తిరి పాలువోసిన చేతులతోని పానాలు దియ్యవడ్తిరి జనమేజయ సర్పయాగాలై ఉదంకుల కుట్రలై రురుల ప్రతీకారాలై ఆస్తికులైతే ఏం లాభం ఆస్తీకులు గావాలె! లేకుంటే మీకంటె ముంగిసలే నయం ఆకలైతె సంపుక తింటయ్ ఆపతైతె కలిసి ఉరుకుతయ్ తేది: 02.03.2014 (ఆస్తీకుడు= జనమేజయ సర్పయాగాన్ని ఆపించిన వాడు, ఆస్తికులు= దేవుణ్ణి నమ్మే వారు)

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1fzqjH6

Posted by Katta

Boorla Venkateshwarlu కవిత

నిద్ర నా పెద్ద కొడుకు వేదశీర్ష్ (ఇంటర్ సెకండియర్)రాసిన కవిత) చలి అనే దుప్పటి తోడైతే నిద్ర బండి టాపుస్పీడుతో దూసుకెళ్తుంది రగ్గు దానికి ఆక్సిలరేటర్ ప్రియమైన కలలే దానికి పెట్రోలు పీడకలలు హాల్టింగ్ స్టేషన్లు సమయానికి బ్రేక్ వెయ్యకపోతే నిద్రపోతు పేరే జీవితానికి పెద్ద ఆక్సిడెంట్ చిన్నపిల్లాడికి అదొక వరం బడిలో విద్యార్థికి అదొక అపరాధం. యువతకు అదొక శాపం ఎంత నిద్రపోయినా ఇంకొంచెం సేపు పడుకో అని మనసుతో పలికిస్తుంది. నిద్రపట్టని నాడు మాత్రం ప్రతిక్షణం ఒక కాళరాత్రవుతుంది. నార్కోటిక్ ల కన్నా పవర్ ఫుల్ మత్తుమందు నిద్రే పనిలేనివాడికి అదొక సుఖయాత్ర పనిముందుంటే అదొక భయంకర స్వప్నం అలారం క్లాకుల్లాంటి పదునైన ఆయుధాలైనా దానిముందు వెనక్కి పోవాల్సిందే తపనతో ఉన్న మనస్సే దాన్ని మట్టుపెట్టగల ఏకే 47 నిద్రబండిని మేనేజ్ చెయ్యడానికి డ్రైవింగ్ స్కూల్లుంటే బాగుండు నిద్రబండిని సరిగా తోలేవాడు కాలాన్ని జయించినట్టే! అందరికీ అవిరామ నిద్ర దొరికేది జీవితం ఆఖరుకే!

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1gKba4x

Posted by Katta

Boorla Venkateshwarlu కవిత

నిద్ర నా పెద్ద కొడుకు వేదశీర్ష్ (ఇంటర్ సెకండియర్)రాసిన కవిత) చలి అనే దుప్పటి తోడైతే నిద్ర బండి టాపుస్పీడుతో దూసుకెళ్తుంది రగ్గు దానికి ఆక్సిలరేటర్ ప్రియమైన కలలే దానికి పెట్రోలు పీడకలలు హాల్టింగ్ స్టేషన్లు సమయానికి బ్రేక్ వెయ్యకపోతే నిద్రపోతు పేరే జీవితానికి పెద్ద ఆక్సిడెంట్ చిన్నపిల్లాడికి అదొక వరం బడిలో విద్యార్థికి అదొక అపరాధం. యువతకు అదొక శాపం ఎంత నిద్రపోయినా ఇంకొంచెం సేపు పడుకో అని మనసుతో పలికిస్తుంది. నిద్రపట్టని నాడు మాత్రం ప్రతిక్షణం ఒక కాళరాత్రవుతుంది. నార్కోటిక్ ల కన్నా పవర్ ఫుల్ మత్తుమందు నిద్రే పనిలేనివాడికి అదొక సుఖయాత్ర పనిముందుంటే అదొక భయంకర స్వప్నం అలారం క్లాకుల్లాంటి పదునైన ఆయుధాలైనా దానిముందు వెనక్కి పోవాల్సిందే తపనతో ఉన్న మనస్సే దాన్ని మట్టుపెట్టగల ఏకే 47 నిద్రబండిని మేనేజ్ చెయ్యడానికి డ్రైవింగ్ స్కూల్లుంటే బాగుండు నిద్రబండిని సరిగా తోలేవాడు కాలాన్ని జయించినట్టే! అందరికీ అవిరామ నిద్ర దొరికేది జీవితం ఆఖరుకే!

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1gKba4x

Posted by Katta

Boorla Venkateshwarlu కవిత

నిద్ర నా పెద్ద కొడుకు వేదశీర్ష్ (ఇంటర్ సెకండియర్)రాసిన కవిత) చలి అనే దుప్పటి తోడైతే నిద్ర బండి టాపుస్పీడుతో దూసుకెళ్తుంది రగ్గు దానికి ఆక్సిలరేటర్ ప్రియమైన కలలే దానికి పెట్రోలు పీడకలలు హాల్టింగ్ స్టేషన్లు సమయానికి బ్రేక్ వెయ్యకపోతే నిద్రపోతు పేరే జీవితానికి పెద్ద ఆక్సిడెంట్ చిన్నపిల్లాడికి అదొక వరం బడిలో విద్యార్థికి అదొక అపరాధం. యువతకు అదొక శాపం ఎంత నిద్రపోయినా ఇంకొంచెం సేపు పడుకో అని మనసుతో పలికిస్తుంది. నిద్రపట్టని నాడు మాత్రం ప్రతిక్షణం ఒక కాళరాత్రవుతుంది. నార్కోటిక్ ల కన్నా పవర్ ఫుల్ మత్తుమందు నిద్రే పనిలేనివాడికి అదొక సుఖయాత్ర పనిముందుంటే అదొక భయంకర స్వప్నం అలారం క్లాకుల్లాంటి పదునైన ఆయుధాలైనా దానిముందు వెనక్కి పోవాల్సిందే తపనతో ఉన్న మనస్సే దాన్ని మట్టుపెట్టగల ఏకే 47 నిద్రబండిని మేనేజ్ చెయ్యడానికి డ్రైవింగ్ స్కూల్లుంటే బాగుండు నిద్రబండిని సరిగా తోలేవాడు కాలాన్ని జయించినట్టే! అందరికీ అవిరామ నిద్ర దొరికేది జీవితం ఆఖరుకే!

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1gKba4x

Posted by Katta

Boorla Venkateshwarlu కవిత

జయించెరా తెలంగాణ ఫలించెరా తెలంగాణ తరతరాల ఉత్తేజం నరనరాన చైతన్యం వెల్లువెత్తి పెల్లుబికి గజ్జెకట్టి గళమెత్తి ఆత్మగౌరవ పోరు జయించెరా తెలంగాణ ఫలించెరా తెలంగాణ జై తెలంగాణ హోరు వీథులన్ని మార్మోగ సభలన్నీ దద్దరిల్ల జయించెరా తెలంగాణ ఫలించెరా తెలంగాణ అమరుల నెత్తుర్లు పారి యువకుల ఉసుర్లు రాలి ఆశల నిప్పులు రగిలి శ్వాసల డప్పులు మోగి జయించెరా తెలంగాణ ఫలించెరా తెలంగాణ గొంతులన్ని ఏకమయ్యి గోసలన్ని మమేక మయ్యి జయించెరా తెలంగాణ ఫలించెరా తెలంగాణ

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1kQL2s0

Posted by Katta

Boorla Venkateshwarlu కవిత

*ప్రేమ కోసం ఒక రోజు*బూర్ల వేంకటేశ్వర్లు* మనిషికొక పుట్టిన రోజున్నట్టు ప్రేమకొక పుట్టిన రోజుండడం అది కొవ్వొత్తై కరిగిపోతూ నాకోసం వెలగడం ఆ వెండి వెలుగుల్లో హృదయం తెల్ల పావురమై ఎగరడం ఎంత గగుర్పాటు ఎవరైనా ఒకనాడు చూపుల్లో తేనె సముద్రపు నావ వలె చిక్కిపోయి నవ్వుల్లో మైమరచి కదలని కన్నులా నిలిచిపోయి మాటల్లో కాలమంతా పూలవర్షమై కురిసిపోయి నిలువెల్లా పాదపీఠి దగ్గర పూవులా ఒదిగిపోతే అది ప్రేమ కాక మరేమిటి? దిగంతాల ఆవలి పాలమీగడల సౌందర్యం వొళ్ళో తలదాచుకున్నట్టు బంగారు జలపాతాలు చుట్టు ముట్టి హృదయం స్వర్ణ కాంతి మయమైనట్టు సమ్మోహన పూల సౌరభం లోబరచుకున్న కాంక్షల పరిష్వంగంలో దేహం నీటిమీది ఆవిరై తేలినట్టైతే అది ప్రేమ కాక మరేమిటి? చెంపమీద నెమలీకలు కదిలినట్టు కంఠంమ్మీద ముని వేళ్ళతో నిమిరినట్టు హృదయం మీద తారాడే మెత్తని స్పర్శ ప్రేమ కాక మరేమిటి? ఒక రోజుతో అలసిపోతే ఒక రోజాతో విసిగిపోతే పర్సు ఖాళీ అయి వెల వెల పోతే కత్తులు నూరితే కాట్నాలు పేరిస్తే కోర్కెలన్నీ తీరిపోతే కొలతలన్నీ మారిపోతే నేల రాలే తోకచుక్క ప్రేమ కాదు కదా! అది విశ్వాన్ని చుట్టిన అనంత వస్త్ర చైతన్యం మనుషుల్లో పసిపాపల కళ్ళలాంటి నైర్మల్యం భూమ్మీద ఉచితంగా దొరికే కైవల్యం ప్రేమ కోసం ఒక్కరోజుండడమేమిటి? సమస్త మానవాళి హృదయాలింగనం కోసం నేను రోజూ ఒక రోజాపువ్వుతో ప్రేమగా ఎదురుచూస్తుంటాను. తేది: 14.02.2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1jlNALm

Posted by Katta

Boorla Venkateshwarlu కవిత

//కట్టెలు కొట్టే వాడు//బూర్ల వెంకటేశ్వర్లు// అతను కట్టెలు కొట్టే వాడు అవును నిజంగానే అతడు అన్నంకోసం కట్టెలు కొట్టే వాడు ఇంట్లోని చిన్నమ్ములు కట్నం కోసం అమ్ములు అమ్మ ఆరుగజాల చీరకోసం అతడు కట్టెలు కొట్టే వాడు అతని నల్లని పొట్ట లోపలికి నోరు తెరుచుకున్న గుహలా మారుతుంటే అతడు కాళ్ళను అయస్కాంతీకరించుకొని నడుమ్ముందుకు చాపి పంజా విసురుతున్నచిరుతపులిలా గొడ్డలితో కసిగా కష్టాల కట్టెల్నికొట్టేవాడు మోపులు మోపులుగా మూపున కాయలు కాయించి కుతికెలో పిడికెడు మెతుకుల్ని గుడిసెలో మూడు వెలుగు పుల్లల్ని నిలుపుకునేవాడు ఒకప్పుడు గుట్టుగా బతకడానికి అతనికో గుట్టుండేది గుట్టకో చెట్టుండేది చట్టబద్దంగా ఇప్పుడు గుట్టలేదు చెట్టును పొట్టకోసం కూడా కొట్టరాదు ఇటున్నపుల్ల అటు పెట్టరాని వాడు అతణ్ణి కట్టెపుల్లను చేశాడు చిన్నమ్ములు చెట్టెడు కలలు ఎండుటాకులై రాలాయి అమ్ములమ్మ పాత చీర ఇపుడు మెడకు చుట్టుకుంది. పెట్టుబడి విషవృక్షం చెట్టును గుట్టను పొట్టకూటిని నమిలి మింగింది. అక్కడి సామూహిక సమాధి మీద ఇప్పుడు మూడు మందార పూలు స్మృతిచిహ్నంగా నిల్చొని మార్గ నిర్దేశం చేస్తున్న గొడ్డలి తేది: 04.02.2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1k81BiS

Posted by Katta

Boorla Venkateshwarlu కవిత

//కట్టెలు కొట్టే వాడు//బూర్ల వెంకటేశ్వర్లు// అతను కట్టెలు కొట్టే వాడు అవును నిజంగానే అతడు అన్నంకోసం కట్టెలు కొట్టే వాడు ఇంట్లోని చిన్నమ్ములు కట్నం కోసం అమ్ములు అమ్మ ఆరుగజాల చీరకోసం అతడు కట్టెలు కొట్టే వాడు అతని నల్లని పొట్ట లోపలికి నోరు తెరుచుకున్న గుహలా మారుతుంటే అతడు కాళ్ళను అయస్కాంతీకరించుకొని నడుమ్ముందుకు చాపి పంజా విసురుతున్నచిరుతపులిలా గొడ్డలితో కసిగా కష్టాల కట్టెల్నికొట్టేవాడు మోపులు మోపులుగా మూపున కాయలు కాయించి కుతికెలో పిడికెడు మెతుకుల్ని గుడిసెలో మూడు వెలుగు పుల్లల్ని నిలుపుకునేవాడు ఒకప్పుడు అతనికో గుట్టుండేది గుట్టకో చెట్టుండేది చట్టబద్దంగా ఇప్పుడు గుట్టలేదు చెట్టును పొట్టకోసం కూడా కొట్టరాదు ఇటున్నపుల్ల అటు పెట్టరాని వాడు అతణ్ణి కట్టెపుల్లను చేశాడు చిన్నమ్ములు చెట్టెడు కలలు ఎండుటాకులై రాలాయి అమ్ములమ్మ పాత చీర ఇపుడు మెడకు చుట్టుకుంది. పెట్టుబడి విషవృక్షం చెట్టును గుట్టను పొట్టకూటిని నమిలి మింగింది. తేది: 04.02.2014

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1k81BiS

Posted by Katta

Boorla Venkateshwarlu కవిత

Todays Andhra jyothi KNR edition: courtesy by Andhra jyothi E-paper

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1i12Rk4

Posted by Katta

అర్థాంగికి//బూర్ల వెంకటేశ్వర్లు//

ఎన్నిసార్లు అడిగి ఉంటావు
నీ గురించి కవితరాయమని?
నా జీవన ప్రపంచపటానివైన
నిన్ను చుట్టి రావడానికి
అనుభూతులు తప్ప
అక్షరాలు ప్రయాణిస్తాయా?
ఇదిగో ఇప్పుడు విను
నేన్నీ మొదటి చూపులో
పునీతమయ్యానని చెప్తూ
నా హృదయం చుట్టూ
జలజలపారే నదివి నీవని రాస్తున్నాను
పెళ్ళి అనే ఒకే ఒక్క సూత్రంపై
కోటానుకోట్ల తంత్రీస్వనాలు మోగించావని
మోకరిల్లుతున్నాను
ఇదిగో విను
నిత్య చైతన్య శిల్పానివైన నిన్ను
ఇరుకుమాటల్లో కీర్తించడమెందుకు!
అర్థాలకాంతిపై అక్షరాలు ప్రకాశించినట్టు
అర్థమై నువ్వు వెలుగుతుంటే
అక్షరమై కన్పించేది నేను
నువ్వు అలంకరించడం వల్ల ఈ సంసారమొక
ఉత్తమోత్తమ కావ్యం.

బూర్ల వెంకటేశ్వర్లు//నాకొక మనిషి కావాలి//

నల్ల ఆకాశాన్ని చూసి
నల్ల రేగడిని వలచి
మనుషుల నోటి బువ్వ కోసమే కదా

నేను కారు నలుపయ్యింది

సాటి మనుషులనే కదా!
అడవి జంతువుల్లాంటి మీకు
జుట్లు కత్తిరించి, గడ్డాలు గీసి,
బట్టలునేసి, బట్టలుతికింది.

నోరెత్తని చెప్పునైనా
లబలబలాడే డప్పునైనా
నేపడ్డ తపనంతా
తోటి మనిషి కోసమే కదా!
నేనెప్పుడేపనిచేసినా
రక్తమాంసాలున్న సాటి మనిషి కోసమే కదా!

నన్ను చూసి బీళ్ళు భయపడ్డాయి
నా కండలకెదురై రాళ్ళుపగిలాయి
నన్ను చూసి మోళ్ళు నవ్వాయి
నా కాళ్ళకింద ముళ్ళు తలదాచుకున్నాయి

ఆదిమ యంత్ర నాగరికతకన్నా ముందట్నుంచి
నేను చూపిన పనితనం కదా
మిమ్మల్నిట్లా సౌధాల్లో నిలిపింది

మీ కుర్చీల్లో కులాసాల్లో
విల్లాల్లో విలాసాల్లో
నా జాతి శ్రమ చెమట నీరైతే కదా
మీరిట్లా ఉయ్యాలలూగుతున్నారు
నేను కర్రపెత్తనమిస్తే కదా!
మీరు నేడిట్లా రారాజులై ఊరేగుతున్నారు

నా పాదపూలు ముద్రించబడని నేల
నా వేలిముద్రలు లిఖించబడని వస్తువు
నా చెమట తడి అద్దని భోగం
మీలో ఈ నేలమీద ఒక్కటుందా!

ఎందుకురా మరి!
కులం గీతగీస్తారు, కులం కూత కూస్తారు.
అందుకే అంటున్నా!
నాకొక కులమంటని మనిషి కావాలి.
నాకొక మనిషి కావాలి
అచ్చమైన మనిషి
కులం పేరెత్తని స్వఛ్ఛమైన మనిషి కావాలి.

*19-10-2012

‎ బూర్ల వెంకటేశ్వర్లు || నాయీ బ్రాహ్మణుడు

ఒక చేత్తో కత్తెర
మరో చేత్తో దువ్వెనపట్టి
ముందునుండి, వెనుకనుండి, పక్కనుండి
ఏ వైపుచూసినా
నా మొఖాన్నినాకు కొత్తగా పరిచయం చేస్తాడు
నల్లజింకల మీద దాడిచేసినట్టుగా
తెల్లదువ్వెన పరుగెత్తించి
జుట్టును కత్తెరతో వేటాడుతాడు
అడ్డంగా పెరిగిన గడ్డం గడ్డిని
నురగలెత్తించి అలలా తోసుకెళ్తాడు
తాటికాయల్లాంటి తలల్ని చందమామల్ని చేసి
మేనమామై సంస్కరిస్తాడు
దారికిరువైపులా చెట్లతలల్ని సమానం చేసినట్టు
అతడొక్కడే నిల్చొని
అసమానత్వం మీద యుద్దం చేస్తాడు

బొడ్డుకోసి,వసపోసి, మైలతీసి, గుండుగీసి
మానవజీవితం చుట్టూ
సీతాకోకచిలుకలా పరిభ్రమిస్తుంటాడు
అతడు వాలినచోటల్లా
అందం తలెత్తుకు తిరుగుతుంది

కంఠంమీద కత్తి అంచునడిపించగల
కళావిలాసమతని సొంతం
కాలిగోళ్ళనుంచి తలచివరి వెంట్రుకదాకా
తళుకులీనజేయగల సునిశితత్వం
అతని హస్తాక్రాంతం
అందుకే,
ఎవరికీ తలవంచని నేను
నా తరాలన్నిటి తరపునా
కృతజ్ఞతలతో శిరసువంచుతున్నా!

http://www.facebook.com/groups/kavisangamam/permalink/445253968860694/