R K Chowdary Jasti కవిత

ఏదీ నేను కనిపించనేం మీలో మీరు మాయం చేసేశారా లేక నేనే తప్పిపోయానా!

by R K Chowdary Jasti



from kavi sangamam*కవి సంగమం*(Poetry ) http://ift.tt/1f6WCZe

Posted by Katta

Rama Krishna కవిత

మితృలార ,విప్లవ వీరుడు కామ్రేడ్ భగత్సింగ్ పై సుమారు 30 యేళ్లక్రిందటి రాసిన నాపాట రెడ్డి రామకృష్ణ//భగత్సింగ్// అక్కలార మీరు ఉయ్యాలో సక్కంగ యినరమ్మ ఉయ్యాలో అన్నలారా మీరు " ఆలించ రారండి " భరత ఖండము కొరకు " బలిజేసి ప్రాణాలు " వేగుసుక్కాలయ్యి " మనల వెలిగేటి వీరుల " గాధలు వినరండి ఉయ్యాలో గబగబ నడవండి ఉయ్యాలో "అక్కలారా" అట్టి వీరులలోన ఉయ్యాలో విప్లవ వీరులు " జాతి మనుగడకొరకు " చేత రైఫిలు పట్టి " ప్రాణాలు విత్తులుగ " త్యాగాలు పండించి " దేశభక్తుల కన్న " త్యాగధనులే మిన్న " చాటిచెప్పిన వీరుల ఉయ్యాలో వీరగాధలు వినుడి ఉయ్యాలో "అక్కలారా" విప్లవ వీరులలొ ఉయ్యాలో జాతిరత్నము తల్లి " వురికొయ్య కేలాడి " జాతి కూపిరిపోసె " వీరుని కధ వినుడి " పేరు భగత్సింగ్ " ఆ భగత్సింగ్ కధ వినుడి ఉయ్యాలో నాటి భారత కధ వినుడి ఉయ్యాలో "అక్కలారా" ఉత్తరా దేశాన " పశ్చిమా దిక్కునా " పంజాబు రాష్ట్రాన " పల్లెటూరులోన " పుట్టెనీ బాలుడు ఉయ్యాలో పుడమి పులకింపగా ఉయ్యాలో "అక్కలారా" నాడు దేశము తీరు " ఏ రీతిగున్నాది " పరదేశ దొరలంత " ఢిల్లీ పాదుషాలైనారు " కష్టాల సంద్రములొ " జనులు కడకీదలేకను " ఉప్పెనై పొంగొచ్చి " ఉద్యమాలే చేసె " ఖద్దరు నాయకులు " ఆ ఉద్యమాలను నడిపి " స్వాతంత్ర్యమను పంట " తాము పండిస్తమన్నారు " దొరలవద్దకు పోయి " దొడ్డవారని పొగిడి " స్వాతంత్ర్య మిమ్మాని ఉయ్యాలో చెయిచాపి అడిగేరు ఉయ్యాలో "అక్కలారా" బాధలతొ బాటుగా " భగత్సింగు పెరిగె " దేశాన్ని చూసాడు " లోకాన్ని చదివాడు " గాంధి నెహ్రూ కాదు " గన్ను పట్టాలనెను " కొండమాటున సూర్యుడు " ఉండి ఫలమేమానె " జనము సంద్రములోనె " తూరేటి సూర్యుడు " పేదోళ్ళ ముంగిళ్ళు " పలకరిస్తాడాని " బాటయిది కాదాని ఉయ్యాలో బాంబు చేపట్టాడు ఉయ్యాలో "అక్కలారా" భగత్సింగంటేను " భయపడి దొరలంత " అరగజము పరుగెత్తి " వారు తిరిగి చూసేవారు " భగత్సింగంటేను " జై అంటు జనులంత " ఉరికి పరుగులు తీసి ఉయ్యాలో వారు ఉప్పొంగి పోయారు ఉయ్యాలో "అక్కలారా" భయపడిన దొరలంత " భగత్సింగుని పట్టి " కుట్రకేసులు పెట్టి " కుత్తుకులు తెంచగా " కుట్రలు పన్నేరు " చరఖాల నాయకులు " నొరు మెదపక కూచుంటె " ఆశయానికి ప్రాణం " అడ్డుకారాదాని " చిరునవ్వుతో ఉరిని ఉయ్యాలో చేరనడిచెను వీరుడు ఉయ్యాలో "అక్కలారా" నడిచిన నడకలు " నదిని పోలినవయ్య " సూసేటి సూపులు " సుక్కలిని పోలేను " పెదవిపై చిరునవ్వు " ఉదయన్ని పోలింది " తలపులన్ని జనుల ఉయ్యాలో మదిల మొలకలై నిలిచాయి ఉయ్యాలో "అక్కలారా" *** 08/09/1986 (ప్రజాసాహితి)

by Rama Krishna



from kavi sangamam*కవి సంగమం*(Poetry ) http://ift.tt/1f6WBoc

Posted by Katta

R K Chowdary Jasti కవిత

జాస్తి రామకృష్ణ చౌదరి ఆరాటం అందమైన మూడు గదుల ఇల్లు కానీ మరో ఇల్లు కోసం ఆరాటం మంచి హోదా జీతమూ ఉన్న ఉద్యోగం కానీ ఇంకా గొప్ప ఉద్యోగం కోసం ఆరాటం జీవితం హాయిగా సాగడానికి సరిపడే సంపద కానీ ఇంకా కోట్లకి పడగెత్తాలని ఆరాటం చక్కని గుణమూ రూపామూ గల భార్య కానీ మరో అందమైన ప్రేయసి కోసం ఆరాటం సుఖమూ శాంతి సమృద్దిగా ఉన్న జీవితం కానీ ఇంకా ఏదో ఆనందం కోసం ఆరాటం ఈ పోరాటంలో జీవితం అలసిపోయింది ఐనా ఇంకా పోరాటం కోసం ఆరాటం ఆఖరు ఘడియలు వచ్చేశాయి లోకం వదిలి వెళ్లిపోవాలి, తప్పదు ఆ ఆరాటంలో మనశ్శాంతిని పోగొట్టుకుని ఇక ఏ ఆరాటం లేకుండా కొద్ది రోజులు ఇక్కడే బ్రతకాలని నిజమైన ఆరాటం పడుతోంది మనసు ఇప్పుడు కానీ చాలా ఆలస్యమైపోయింది ఇక ఆయుస్షు తీరిపోయింది ఆరాటం ఆగిపోయింది 23Mar2014

by R K Chowdary Jasti



from kavi sangamam*కవి సంగమం*(Poetry ) http://ift.tt/Q4nTX0

Posted by Katta

Nirmalarani Thota కవిత

మంద నుంచి తప్పి పొయిన లేగదూడకు తనవారు తిరిగి దొరికినట్టు ఏ తుఫాను తాకిడికో రెక్కలు విరిగిన పక్షి కూనకు కొత్త రెక్కలు మొలిచినట్టు దశాబ్ధాల గ్రీష్మ తాపానికి ఇంకిపోయిన భావ తటాకంలో అనుభూతుల పూరేకులేవో గమ్మత్తుగా విచ్చుకున్నట్టు చిన్నప్పటి జనగణమన చెవుల్లో మార్మోగినట్టు తర తరాల తరంగాల తరగలు నిలువునా తడిపేసినట్టు స్వజాతి పక్షులన్నీ సంబరంగా కొమ్మ పైకి చేరినట్టు సందె కాంతుల్లో అందంగా విరిసిన ఓ రంగు రంగుల పూదోట లేలేత చివుళ్ళ మొక్కలకు నీరు పోస్తూ అరవిరిసిన మొగ్గలకు పాదులు కడుతూ విప్పుకున్న పూల గుండెల్లొంచి మకరందాన్ని పంచి పెడుతూ మహా వృక్షాల నీడన ఆశల రెపరెపలతో అవని ఒడిన ఒదిగిన గరిక పోచలు గాలి కిరణాలనో వెలుతురు వీచికలనో అలవోకగా తోట వైపు మళ్ళించాలని చేతులూపుతూ.. గుండెల్ని తాకుతూ . . స్పందనల్ని సాకుతూ . . భావ స్వరాల్ని మీటుతూ.. శృతి చేస్తూ తోటంతా కలియ తిరుగుతూ ... తోటమాలి . . ఓ ఆకు పచ్చ రంగు చొక్కా.. ఆకు పాటలకూ ఆకుపచ్చ శ్వాసలకూ ఊపిరి పోస్తూ, ఆస్వాదిస్తూ చిరునవ్వుల బాసలతో బాసటగా నిలుస్తూ ఆప్యాయపు పలుకుల స్పర్శలో ఓ అన్న కొత్త పిలుపుల మాటున పాతబడిన పలకరింపులను తట్టిలేపుతూ ఓ తమ్ముడు మరచి పోయిన మమతల రాఖీలను మనసు చేతులకు కడుతూ ఓ చెల్లి ఆశయాల హుందాతనంతో నిరాడంబరత మూర్తీభవించిన విమలత్వం బాల్య స్మృతుల్ని గుర్తు చేస్తూ మనసును తాకిన అరుణారుణ స్నేహ కిరణం వాగుల్లో ఓలలాడించి.. కన్నీల్లు పెట్టించి.. ఓదార్చి మనిషికీ మనసుకూ మధ్య రోడ్డు వేస్తూ ఙ్ఞాపకాలు మూటగట్టి సాగనంపుతూ వీడ్కోలు చెప్పే రైల్వే స్టేషన్ అది.. అంతర్జాతీయ కవితా దినోత్సవమేనా ? అంతర్జాల కవిత్వ మహోత్సవమేమో... ఏమో.. నాకు మాత్రం శతాబ్ధాల సుషుప్తావస్త నుంచి పునర్జన్మించిన అంతరంగపు ఆవిష్కరణోత్సవం..!! Nirmalarani Thota [ 23.03.2014 ]

by Nirmalarani Thota



from kavi sangamam*కవి సంగమం*(Poetry ) http://ift.tt/Q4nTGu

Posted by Katta

బాలసుధాకర్ మౌళి కవిత

ప్రగతిశీల సాహిత్య సంస్థల అవసరం.. యిప్పుడు కచ్చితంగా వుంది ! 1 సకల వ్యవస్థలూ ధ్వంసమైపోతున్న వొకానొక ఎడారితనం మన దేశంలో పరుచుకుని వుంది. గత నలభై, నలభై ఐదు సంవత్సరాలుగా దేశంలో గానీ, రాష్ట్రంలో గానీ వొక అనిశ్చిత స్థితి వ్యాపించింది. వొక స్తబ్దత ఆవరించింది. నైన్టీస్ తర్వాత Globalization ప్రభావం చేత మరింత వేగంగా వైషమ్యాలు సమాజాన్ని పట్టిపీడించడం మొదలుపెట్టాయి. మనుషులలో నిజాయితీతనం స్థానంలో నటన ఆక్రమించడం, ఉత్త వెర్రి భ్రమలు పెరగడం, వస్తువీకరణ జరగడం - ఇవి అత్యంత విషాదకర దశాబ్దాల అనుభవాలు. ఈ స్థితి నుంచి బయటపడడం ఎలా ? సామాన్యంగా విజ్ఞులకు తోచే ప్రశ్న యిది. బహుశా సాహిత్యం - ముఖ్యంగా 'పోరాట సాహిత్యం' దానికి జవాబు అవుతుందని.. అనుకుంటున్నాను. డబ్భైల్లో ఆ పనినే సాహిత్యం నెరవేర్చింది. కవితైనా, కథైనా, వ్యాసమైనా, నాటికైనా, నవలైనా - ఏ సాహితీరూపమైనా - సమాజాన్ని జాకృతి పరిచి, చైతన్యవంతం చేస్తుందనడంలో ఎటువంటి సందేహం లేదు. దీనిని చరిత్ర నిరూపించింది. మానవ సమూహాలకు వెలుగు దారి చూపించే దివ్వె 'చరిత్ర' .. అని నమ్ముతున్నాను. 2 సాహిత్యం ప్రజలిది. ప్రజాబాహుళ్యాన్ని విముక్తి చేయడంలో సాహిత్యం అగ్రగామి. నేను ఉపాధ్యాయుడుగా పనిచేస్తున్న ఊరిలో - ఈ రోజు నేనొక Experiment చేసాననుకుంటున్నాను. ఫలితం - అనుకున్నట్టే వస్తుందని పూర్తి విశ్వాసం వుంది. నా మిత్రుని ఇంటిలో ఐదుగురు స్కూల్ పిల్లలతో.. 'వొక సాహితీ సంస్థ ఏర్పాటు చేసుకోవాలి' - అనే దానికి Ground work చేసాము. ప్రపంచంలో గానీ, దేశంలో గానీ - వాటి సూక్ష్మరూపాలైన గ్రామాలలో గానీ పరుచుకుని వున్న - సంక్లిష్టమైన సామాజికావరణం నుంచి - నూతన వ్యవస్థ దిశలోకి వెళ్లడానికి ఏం చేయాలి ? .. అనే ప్రశ్న గత రెండు సంవత్సరాలుగా నా మనసును దొలుస్తుంది. గత సంవత్సరం ముఖ్యంగా అదే పని కోసం నా పాఠశాల గల ఊరిలోకి మకాం మార్చాను. వివిధ కారణాల వలన ముఖ్యంగా అమ్మ మీద ప్రేమ.. నన్నా ఊరిలో వుండనివ్వలేదు. పిల్లల కోసం సాహితీ సంస్థను స్టార్ట్ చేయాలనే - నా మనసులో కదిలిన ఆలోచన. కానీ సాధ్యపడలేదు. ఈసారి సాధ్యం కాబోతుంది. సాహితీ సంస్థ బాధ్యతను పిల్లల భుజాల మీదే పెట్టాను. They are pillars of our country and world - వాళ్ల మీద నాకు చాలా నమ్మకం వుంది. నిర్భందం ప్రతి చోటా వుంటుంది. యిప్పుడు దేశంలో నిర్భందం వుంది. గ్రామాల్లోనూ వుంది. మనుషులు - శత్రువును గుర్తుపట్టని స్థితిలో దాడి జరుగుతుంది. దేశ సాంస్కృతిక సంపదపై దాడి జరుగుతుంది. వాటన్నింటినీ తట్టుకుని లేవాలి. లేస్తాము. దురదృష్టవశాత్తు మనలోని మనుషులే - ప్రపంచీకరణ మాయ వలన సామూహిక జీవనం నుంచి దూరమై.. వ్యక్తివాదానికి.. దాని పరిమితులకు కుదించుకుపోతున్నారు. యిది వొక సాహితీసంస్థకు చాలా ఇబ్బందులను బహుశా సృష్టించవొచ్చు. కానీ ఇబ్బందులను అధిగమించి విజయవంతంగా నిలబడ్డ చరిత్ర మన కళ్ల ముందు వుంది. 3 ఉగాది కవిసమ్మేళనంతో 'పిల్లల సాహితీ సంస్థ'ను ప్రారంభించాలని నిర్ణయించుకున్నాం. ప్రణాళికలో అంశాలు : ------------------------- అ. నెలకు రెండు, మూడు సాహిత్య సమావేశాలు నిర్వహించుకోవడం. ఆ. అభ్యుదయ సాహిత్య పుస్తకాలు, సాహిత్య - సామాజిక పత్రికలు చదవడం; అందులోని అంశాలు చర్చించుకోవడం. ఇ. తరుచుగా కవిసమ్మేళనాలు నిర్వహించుకోవడం. ఈ. ప్రగతిశీల కవిత్వం, కథలపై చర్చ. ఉ. మంచి వక్తల ఉపన్యాసాలను వినడం. ఊ. పట్టణాల్లో జరిగే అభ్యుదయకర సాహిత్య కార్యక్రమాలలో పాల్గోవడం. ఎ. సామాజిక పరిశీలన చేస్తూ.. దానిని కళ చేయడం. ఏ. విష సంస్కృతిని వ్యతిరేకిస్తూ.. సాహితీ సృజన చేయడం. ఐ. సభ్యుల సంఖ్యను పెంచడం. 4 సంస్థకు వొక పేరు కావాలి. పేరు కూడా చాలా ప్రధానం అనుకుంటున్నాను. మిత్రులు, శ్రేయోభిలాసులు, సాహితీ జీవులు, సాహిత్య ఆరాధకులు వొక పేరు సూచిస్తారని కోరుతున్నాను. పిల్లల సాహిత్య సంస్థే - కానీ వాళ్లతో పాటూ అది పెరుగుతుంది - భవిష్యత్తులో కూడా వాళ్లూ, వాళ్ల తర్వాత వాళ్లూ సంస్థను మోస్తారు. అందులో.. సీరియస్ అంశాలనే చర్చించడం జరుగుతుంది. పేరును సూచిస్తారని అందరినీ మళ్లీ మరోసారి కోరుతూ.. ధన్యవాదాలు. 23 మార్చి 2014

by బాలసుధాకర్ మౌళి



from kavi sangamam*కవి సంగమం*(Poetry ) http://ift.tt/1jqPw4T

Posted by Katta

Arcube Kavi కవిత

.....కర్నా(కవిత్వం)... ____ఆర్క్యూబ్____ నేను : కర్నా కేసీఆర్ :క్యా కర్నా నేను : డిస్కో కేసీఆర్ : క్యా డిస్కో నేను : తీస్కో కేసీఆర్ :ఎవరిని నేను :పార్టి నుంచి కొండా దంపతులను...

by Arcube Kavi



from kavi sangamam*కవి సంగమం*(Poetry ) http://ift.tt/Q4nVOk

Posted by Katta

Murthy Kvvs కవిత

KVVS MURTHY|జ్ఞానీలు-34 చెమటపట్టిన తరవాత గాలివీస్తే ఎంత చల్లగా హాయిగా ఉంటుందో... కష్టపడిన తరవాత వచ్చే సుఖం కూడా అదేతీరుగా ఉంటుంది.. పట్టరాని అనుభూతి తో హృదయం బరువైనపుడు అది ఆనందమే కాని,విషాదమే కాని కాసిన్ని ఉప్పునీటి చుక్కలు కారవలసిందే ఏ కంటినుంచైనా ... అవి మరి ఏ సముద్రం నుండి ప్రవహిస్తున్నవో ఎవరికైనా...!! ఏకం సత్ విప్రా బహుధా వదంతి అన్నది దీనిగురించేనా..? -------------------------------- 23-3-2014

by Murthy Kvvs



from kavi sangamam*కవి సంగమం*(Poetry ) http://ift.tt/1iQS3Hf

Posted by Katta

Sree Kavitha కవిత

శ్రీ కవిత ॥ ఏమని వర్ణించను ॥ 23.04. 2013 పచ్చని ప్రకృతి వడిలొ సెలయేటి నుంచి వీస్తున్న చల్లని పైరగాలి శబ్దం వేణుగానమై వినిపిస్తుంటే కోకిలలు మన కలయికు శ్రుతి కలపగా నా హృదయమంజరివైన నీతో మనసువిప్పి మట్లడాలనుకోంటున్న సమయంలో నీ గురుంచి చెప్పమంటే ఏమని చెప్పను ..!! తెల్లని పద్మం లాంటి నీ ముఖము చూసి చక్కని చెలిమికి, పవిత్రతకు చిహ్నం అని చెప్పనా .?? నీ నుదుట గల ఎర్రని బొట్టు చూసి శ్రమించి ఉన్నత శిఖరాలను అందుకోగలవని చెప్పనా...?? నీలిరంగు గల నీ "అక్షులు" చూసి విశాలమైన నీ హృదయమునకు ప్రతీక అని చెప్పనా ..?? పసుపు పచ్చని నీ శరీర వర్చస్సు చూసి నీతో, నీవారికి శుభములు కల్గునని చెప్పనా..?? లేత ఆరంజ్ రంగుగల నీ చీర చూసి కష్టాలలో, త్యాగానికి గుర్తు అని చెప్పనా....?? ఆకుపచ్చని రంగుగల నీ చేతి గాజులు చూసి నీ ఇల్లు సిరిసంపదలకు ఆలవాలమని చెప్పనా పింక్ రంగుగల నీ పాద పద్మంలు చూసి నీ సున్నిత వ్యక్తిత్వానికి నిదర్శనమని చెప్పనా..?? లలిత కళలతో, అపూర్వ మెధాశక్తితో మంచి స్పూర్తితో, స్నేహమాదుర్యం పంచుతున్న నా "స్నేహమాధురి" వన్నెల రవళి అయిన నీ గురుంచి !! ఏమని వర్ణించను...??!!

by Sree Kavitha



from kavi sangamam*కవి సంగమం*(Poetry ) http://ift.tt/NGhPBR

Posted by Katta

Kotha Anil Kumar కవిత

@ ఇ౦క్విలాబ్ జి౦దాబాద్ @ భారతావని గర్వి౦చి౦ది జగన్మాత త్రిమూర్తులకు జన్మనిచ్చిన౦తగా అఖ౦డ హై౦దవ దేశ౦ ఆన౦దపడి౦ది కదిలె అస్త్రాలు ఉపఖ౦డపు అమ్ములపొదిలొ వచ్చి చేరాయని వేదభూమి ఉద్యమయజ్ణ౦ ఆర౦భి౦చి౦ది విప్లవమ౦త్రాలు ద్వని౦పజేసె గొ౦తుకల జన్మనాధాలు వినపడ్డాయని తన పేరు పుట్టకము౦దే తానొక దేశభక్తుడు..భగత్ సి౦గ్ తన పేరులొనె గురుత్వాన్ని నిలుకున్న రాజ్ గురు పేరులొ ఉన్నా సుఖమ౦టె తెలియని సుఖ్ దెవ్ మార్క్సిజపు ఉగ్గుపాలతో పెరిగారెమో ఆ గొ౦తులకు ఇ౦క్విలాబ్ శబ్దమే శ్రీకారమయ్యి౦ది. తల్లిపాల రుణ౦ తీర్చుకునే బాద్యత కన్నా నేలతల్లి రుణ౦ తీర్చుకొవడమే గొప్పగా భావి౦చారేమో.. ఆ అడుగులు భరతమాతదాస్య శ్రు౦ఖలాలు తె౦చే దిశగా నడిచాయి. పోరాట౦ బతుకై పొయి౦ది అవనిమాతను అణచివేత ను౦డి విడదీసె స౦కల్ప౦ వాళ్ళకు శ్వాసయ్యి౦ది. ఆ ఊపిరి తెల్లవాడి సేనలకు ముచ్చెమటలు పట్టి౦చే బడభాగ్నిగా మారి౦ది. ఆ త్రిమూర్థులు చేసిన విస్పోటన౦ ఆ౦గ్లేయుడీ గు౦డెలోని దైర్యాన్ని విచ్చిన్న౦ చెసి౦ది. స్వరాజ్య పోరాట స౦గ్రామ౦ లొ ఉరికే యువకులకు కొత్త ఊపిరినిచ్చి౦ది మితవాదపు శా౦తి కాముకుల తప్పిదమో... అతివాద యోదుల ఐక్యతా వైఫల్యమో... విప్లవ నాధాలు పలికె గొ౦తుకలను తెల్లవాడి పిరికితనపు ఉరి కబలి౦చి౦ది అదిగో..ఆ శబ్ద౦ ఇ౦కా...ఇ౦కా.. అఖ౦డ భారతావనిపై ప్రతి యువకుడి గొ౦తులో..గు౦డెలో...జీవన విధాన౦లొ ప్రతిద్వనిస్తు౦ది..ప్రతిబి౦బిస్తు౦ది ఇ౦క్విలాబ్ జి౦దాబాద్..ఇ౦క్విలాబ్ జి౦దాబాద్.. ఈ నినాద౦ ఇ౦కా మా పోరాటపు శ్వాసనే నేలని౦కిన అమరుల నెత్తురు సాక్షిగా... ని౦గికెగిసిన వీరుల ఆత్మసాక్షిగా... _ కొత్త అనిల్ కుమార్. 23 / 3 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/NGhPBF

Posted by Katta

Sravanthi Itharaju కవిత

స్రవంతి ఐతరాజు "సౌగంధిక జాజరలు" 23.3.14 "పెళ్ళి" పెళ్ళి .. రెండు అక్షరాలు రెండు తనువులు రెండు వంశాలు మూడు ముళ్ళు మూడు రాత్రులూ ముగ్గురవటం మాత్రమే కాదు పెళ్ళి... ఒక సున్నితబంధం సునిశిత ఆనందం సుందర అనుభవం సుధీర్ఘ జీవన వొప్పందం ఆశయాల అనుబంధం ఏడడుగుల బంధం ఏడేడు జన్మల గాఢ సంబంధం ఇరుమనసుల నడుమ ఇగిరిపోని గంధం ఇరు తనువుల తపనల తారంగం చెరిగిపోరాదు ఇరుల తీయని స్వప్నం కరిగిపోరాదు కలతల కన్నీట కాపురం!!!

by Sravanthi Itharaju



from kavi sangamam*కవి సంగమం*(Poetry ) http://ift.tt/NGhMpJ

Posted by Katta

Sateesh Namavarapu కవిత

***నవరత్నాలు*** కొందరిని కొన్ని అడిగి.., మరికొందరిని.. అడుగలేక, అవుతాము చులకన.! కొందరికి కొన్ని చెప్పి., మరికొందరికి..చెప్పలేక, అవుతాము పలచన.! కొందరిని కొన్ని అన్నందుకు.., మరికొందరిని..అనలేక బాధ పడతాము.! కొందరిచే కొన్ని అనబడినందుకు.., మరికొందరిచే.అనబడనందుకు చింతిస్తాము.! ఏ క్షణం ఆగిపోతామో తెలియని గడియారాలం, ప్రతీ క్షణం పోటీ పడి పరుగు తీస్తుంటాము.! మూడే కాలం ఎప్పుడో తెలియని మూర్ఖులం, నడిచే కాలం మనదే అని కాలర్ ఎగరేస్తాము.! కొన్ని సార్లు చెప్పలేని బాధ అని చెప్పుకుంటాము, చాలా సార్లు అది మనం సృష్టించుకున్నదే అని మరచి పోతుంటాము.! చేసేది మనమే, చేయబడేది మనవల్లనే.., బంధాలు తగిలించుకోవడం, విచ్చిన్నం చేసుకోవడం.! ఆకాశం అందుకునే తెలివితేటలు మనవే అంటాము, అవకాశవాదం ప్రదర్శించడంలో ..అంతే ముందు ఉంటాము..!!..23MAR2014.

by Sateesh Namavarapu



from kavi sangamam*కవి సంగమం*(Poetry ) http://ift.tt/NFRROX

Posted by Katta

Thilak Bommaraju కవిత

తిలక్/ప్రసవం ---------------------------- 1/గర్భం దాల్చిన నిండు మేఘాలు చినుకులను ప్రసవించడానికై ఉరుములు 2/ఆకాశం(లో)తో ప్రతి నిత్యం రమిస్తూ మబ్బుల చాటున దినం దినం అధరీకరణం ధరణిలో కూరుకుపోవడానికి 3/కొన్ని వెలుతురుల ప్రసరణ ఈనాడు మళ్ళా పుడమిపై సంతృప్తిగా ఓ నిట్టూర్పు 4/చెట్ల కొమ్మల మధ్యగా జరుగుతున్న పిడుగుల ప్రక్షాళన వాటి మొదళ్ళను కుదించేస్తూ 5/కొన్ని చేతులు చాపిన ఆవరణం ప్రకృతి ఒడి ఎన్నిమార్లు ఇంకిపోయాయో గుర్తుపట్టని పదార్థాలు 6/కణాలు ప్రతి కణాలు అంతమవుతూ మళ్ళీ ఆవిర్భావం. తిలక్ బొమ్మరాజు 23.03.14

by Thilak Bommaraju



from kavi sangamam*కవి సంగమం*(Poetry ) http://ift.tt/1nQ5VGm

Posted by Katta

Sana Chittaluri కవిత

చిత్తలూరీలు మీ కట్టుబాట్ల ఇనుప గొలుసులు వేసి పూల చెట్లను లాగకండి విస్తరించే పరిమళాన్ని బంధించటం మీవళ్ళేమవుతుంది. మీ అజమాయిషీల చేతులు చాచి కోయిలల కంఠాలను నొక్కకండి నినదించే ధిక్కార స్వరాన్ని ఆపటం మీ వళ్ళేమవుతుంది. ** ** ** వంటింటి కుందేళ్ళు పాత పాట. పులులు కూడా వంట చేస్తాయి... రుచులు పోయే అమ్రుత హస్తాలు అవసరమైతే పంజా విసురుతాయి.. కొత్త మాట. ** *** ** నా పద్యాలేమైనా పావురాలా ఎగరేసిన చోటికే మళ్ళీ తిరిగి రావటానికి.. అవి పాడుతూ పడుతూ వెళ్ళి ఏ తోటలోనో తప్పిపోయిన కోయిలలు. చిత్తలూరి 9912346673

by Sana Chittaluri



from kavi sangamam*కవి సంగమం*(Poetry ) http://ift.tt/1gWECVm

Posted by Katta

Sree Kavitha కవిత

శ్రీకవిత || హ్రుదయ సరాగాలు || 23.03.2014 నిన్నే నిన్నే తలచుకొని మది వీణను మీటే రాగం నీవవనీ నన్నే నాలో నెమరేసుకొని మది అంతరంగం లో మ్రొగే ఆలాపన నేనవనీ ప్రతి రోజు కవితై వచ్చి నిను వర్ణించనీ ..వర్ణించనీ..!! ఎన్నో ఎన్నో భావాలను తలపులలో రచియించాను మొదటి ఆక్షరం నీవవనీ భావాల ఝరిలొ విజ్రుంభించే పదాలు ... గమించె గమనం నేనవనీ ప్రతి కవితా మాలికలో ప్రస్ఫుటింఛె అర్దం నీవని ..!! అక్షరం అక్షరం కలిపి పలికే రెండక్షరాల "ప్రేమ "కి అర్దం మనమవ్వని 'ప్రే'రణతో మనోహరమైన ఆకర్షణ నీవనీ 'మ'దురంగా మైమరిపించే యంత్రం నేనవనీ ప్రతి ఆకర్షణలో చెలరేగే పులకింతల పరవశాల .. 'ప్రేమ'లొకంలో మనం ఒకటై !! .. విహరించనీ..!!

by Sree Kavitha



from kavi sangamam*కవి సంగమం*(Poetry ) http://ift.tt/1gWEB3R

Posted by Katta

Jyothirmayi Malla కవిత

|| జ్యోతిర్మయి మళ్ళ|| ఊరికొక్కరు వీళ్ళు... మెట్లు కట్టే మేస్త్రీలు ఇటుకలు మోసే కూలీలు ప్రతిభుంటే సరిపోతుందా నాలుగుగోడలు చూస్తూ అది బతికేస్తుందా ఎంత కోరిక ఎంత తపన ఎంత శోధన ఎంత సాధన ఎన్నుండీ ఏంలాభం ఎత్తుకెత్తే మెట్టు దొరకక? మన ఇల్లు మనం కట్టుకోగలం గానీ విజయశిఖరానికి ఎక్కించే మెట్లు మనం కట్టగలమా అవి ఎవరో కట్టిపెట్టాలి మొదటిమెట్టుమీద మనల్ని నిలబెట్టాలి ఒకో మెట్టూ ఓ విజయానికి పునాది రెండో విజయానికి స్ఫూర్తి అదిగో అలాంటి కట్టుడు పనిగాళ్ళే వీళ్ళు.. మెట్లు కట్టే మేస్త్రీలు ఇటుకలు మోసే కూలీలు కాళ్ళు మొక్కాలనిపించే కళాపోషకులు ఎక్కేందుకు కాదు వారి శ్రమ ఎవరినో ఎక్కించేందుకు వీరి స్వేదం ఎవరికో శీతలపవనం వీరి ఆరాటం ఎవరికో ఆనందం వీరి కష్టం ఎవరికో ఫలితం వీరుకట్టిన మెట్లమీంచి ఇంకొకరు ఎక్కడాన్ని చూస్తూ పడుతున్న చమటని తుడుచుకోడం మర్చిపోయే సహృదయత్వం గెల్చినవారి ఆనందాన్ని తమ ముఖాల్లో వెలిగించుకునే సున్నితత్వం నిస్వార్ధం వీరి రక్తంలో దూరి ప్రవహిస్తుంటుంది మానవత్వం వీరి అడ్రసు వెతుక్కుని నివసిస్తుంటుంది వీళ్ళే..ఆ మెట్లు కట్టే మేస్త్రీలు ఇటుకలు మోసే కూలీలు ఊరికొక్కరుంటే చాలనిపించే దేముళ్ళు ! (సూర్యపేటలో నా గజల్ కార్యక్రమం జరుగుతున్నప్పుడు సోదర సమానుడు శ్రీ Ganesh Peddireddy గారు పడిన శ్రమ ను చూసినపుడు కలిగిన భావావేశం ఈనాటి ఈ కవిత నా గజల్ ప్రయాణానికి దారి చేసి ఇలాంటి మేస్త్రీలు..శ్రీ కొమ్మోజు సత్యనారాయణ గారు(కొసనా, విశాఖ), శ్రీ Kranthi Srinivasa Rao గారు (ఖమ్మం), శ్రీ Peddireddi ganesh గారు (సూర్యాపేట), శ్రీమతి Hema Valluri గారు..ఇలా ఎందరో..అందరికీ ఈసందర్భంగా హృదయపూర్వక కృతజ్ఞతాంజలి)

by Jyothirmayi Malla



from kavi sangamam*కవి సంగమం*(Poetry ) http://ift.tt/1jpns1H

Posted by Katta

Sri Venkatesh కవిత

***పైసా*** ప్రస్తావన : మనిషి యొక్క స్థితిని గతిని నిర్ణయించేది డబ్బు, డబ్బు యెంత అనివార్యమో ప్రస్తుత లోకంలో మనకు తెలియనిది కాదు, దాని ప్రాముఖ్యతను వివరిస్తూ రాసిన చిన్న అక్షరమాలిక!!! మిమ్మల్ని అలరిస్తుందని ఆశిస్తూ మనమే తన సృష్టికర్తలం!!! సృష్టించాం, రూపమిచ్చాం, నామకరణమూ చేసాం, చాలలేదు తనకి మనకి కూడా, ఆపై రకకరకాల రూపాలతో, పలురకాల పేర్లతో, సృష్టించిన మనల్నే శాసిస్తూ, పాలిస్తూ, లాలిస్తూ, నవ్విస్తూ, కవ్విస్తూ, వంచిస్తూ, తుంచేస్తూ, అనుబంధాలను తన బంధీలుగా చేసి, ప్రతి మనిషి నుదుటిపై "నా బానిస" అని రాసి, దారేదైనా చేరే గమ్యం తానంటూ, రోగమేదైనా తగ్గే మార్గం తానంటూ, "పుణ్య,పాప,మిశ్రమ"కర్మత్రయాలకు మూలమై, ప్రేమానుబంధాప్యాయతల పట్ల శూలమై, మానవ అగత్యాలకు, ఆకృత్యాలకు, అభిష్టాలకు తానే అనుమతమై, అభిమతమై, కోరికైన, కనకమైన, కాంత ఐన, కామమైన, కష్టమైన, క్లిష్టమైన, పరిస్థితి ఏదైనా పరమార్ధం తానై, జేబు ఏదైనా డాబు ఉండాలంటే తాను తప్పనిసరని, తనకి తాను తప్ప వేరెవరు లేరు సరని, చంకలు గుద్దుకుంటుంది. భూగోళం మొత్తం తన గోళాకార ఆకారం చుట్టే, విలువలలో హెచ్చుతగ్గులు దీని మోతాదును బట్టే, కర్త, కర్మ , క్రియ అంతా పైసా, మనిషికి దీనిని ఆర్జించడం పైనే జ్యాస, ఇదే అందరి శ్వాస!!! పైసామే పరమాత్మా, పైసా ఆ పరమాత్మ ఇంకో జన్మ!!!

by Sri Venkatesh



from kavi sangamam*కవి సంగమం*(Poetry ) http://ift.tt/1jpnrL8

Posted by Katta

DrAcharya Phaneendra కవిత

స్నేహ సంస్కృతి ’రాస్తా’ లన్నిట ప్రక్కలన్ వెలయు ’యీరానీ కెఫే’ లందునన్ ’మస్తుం’డున్ గద ’రద్ది’! ఐన నట, ’ఛాయ్’మాధుర్యమున్ గ్రోలరే - దోస్తుల్ పల్వుర గూడి రోజు, యువకుల్ ’దోతీను బా’రేగుచున్! ఆస్తుల్ గాంచగ స్నేహ సంస్కృతి కవేగా ’హైదరాబాదు’లో!

by DrAcharya Phaneendra



from kavi sangamam*కవి సంగమం*(Poetry ) http://ift.tt/1jp96yt

Posted by Katta

రంజిత్ రెడ్డి కర్ర కవిత

by రంజిత్ రెడ్డి కర్ర



from kavi sangamam*కవి సంగమం*(Poetry ) http://ift.tt/1ldIRPH

Posted by Katta

Bhaskar Kondreddy కవిత

kb ||రో*శోధన|| ఇప్పుడిక కవిత్వం బట్టలు విప్పుకుని, నగ్నంగా నిలబడి, బెరుకులేకుండా రోదించడం మొదలుపెట్టింది, ఇక శోధించుకోండిరా, నన్ను అంటూ పిచ్చిగా అరుచుకుంటూ,. అయినాసరే, మనకి విషయమే ముఖ్యంకదా, సత్యాన్వేషకులంకదా,. శోధనే మన ప్రాణం కదా., మనకు సూత్రాలే ముఖ్యం కదా, ఒక పదనైన కత్తినై, కోల్పోయిన విచక్షణతో గాట్లు పెట్టి ఆ శరీరం పై, నేను రాసుకుంటానిక, లోపలి అవయవాలను వెలికితీస్తూ, సత్యం వెలుగులను ప్రసరించుకుంటూ, విపులంగా నోట్సు రాసుకుంటానిక,. ఇది చైతన్యవంతమైనదని, ఉదాత్తమైనదని, సౌందర్యవంతమైనదని, దివ్యమైన ఓదార్పని,. అందరి తుత్తరలు తీర్చే వేశ్యని, కీర్తికాంక్షకుల వాహకమని, నా అంతరంగ స్వయంతృప్తని, ఇదొక జీవనదని, మహాముదరదని లేత కొబ్బరని, జీవన నైవేధ్యమని లాలించే అమ్మని,. ప్రకృతని, పరమాత్మని ******* శోధించి, శోధించి అలసిపోయి దాని చెంతనే మళ్లీ సేదతీరుతాను. బహుశా, శవం లాంటి ఆ వడిలోనే. అన్నీ మరిచిన పసిపాపలా, అది ప్రేమగానే హత్తుకుంటుంది,. మళ్లీ. -----------------------------------------------23/3/2014

by Bhaskar Kondreddy



from kavi sangamam*కవి సంగమం*(Poetry ) http://ift.tt/OMAlJv

Posted by Katta

Rajeswararao Konda కవిత

సేవలు నాస్తి... ఆస్తులు జాస్తి... నమస్తే... నేస్తమా..! @ రాజేష్ @ 23/03/14 ఇదేమిటా... అనుకుంటున్నారా.. అవునండీ.. ఇదినిజం పచ్చినిజం..! మన దేశంలో ఆస్తులు పెరగాలంటే షేర్లు కొనాల్సిన అవసరంలేదు లాటరీ టిక్కెట్ కూడా కొనాల్సిన పనీలేదు ప్రజసేవ పేరుతో నేతలైతే చాలు ఉన్న ఆస్తులు వాటంతట అవే పెరిగిపోతాయి ఒకటికి వందరెట్లవుతాయి ఎందుకవుతాయో ఎలా అవుతాయో వారికే తెలియదు మనకెలా తెలుస్తుంది అయితే ఇక్కడో ట్విస్ట్ ఉందిలే అదేనండి.. ఏ సేవ చేస్తామని వచ్చారో ఆ సేవ కించిత్ కూడా పెరగదు కనీసం ప్రజలను పలకరించే సమయం కూడా దొరకదు వారికి అదేమంటే ప్రొటోకాల్ అంటుంటారు బడా నేతలు కాకముందు ప్రజలు కావాలి పదవులొచ్చిన తర్వాత అధికారం రావాలి అధికారం రాగానే ఆస్తులు పెరగాలి ఆ ఆస్తులు పెరగాలంటే ప్రజాసేవ మరవాలి ఇది నిజం... నేటి యిజం... కాదంటారా నేస్తమా..!

by Rajeswararao Konda



from kavi sangamam*కవి సంగమం*(Poetry ) http://ift.tt/1jhpe9x

Posted by Katta

Chand Usman కవిత

చాంద్ || వదులుకోక తప్పదా..? || చిన్నోడు అడిగాడు నాన్నా వదులుకోక తప్పదా ఒకటి కావాలంటే మరొకటి వాడి ప్రశ్నతో నేను ఉదయించాను ఈరోజు అవును వదులుకోక తప్పదా అని ******* ఎండిన ఆకులును కొమ్మ వదులుకొని పచ్చని ఆకులుకు జన్మనిస్తాది రాత్రి వెన్నెలను వదులుకొని వెచ్చటి సూర్యున్ని రమ్మంటుంది అమ్మ వ్రేళు వదలకుంటే నేను నడక నేర్వలేనుగా బాల్యపు ఒడి వీడకుంటే ఎదిగిన నన్ను చూసేవాడినా అడుగు అడుగునా ప్రతీ అడుగునూ వదిలే నడవాలి గతం విడిచిన శ్వాస వంటింది మరలా వాస్తవాన్ని శ్వాసించాల్సిందే కంటి రెప్ప కన్నీటిని వదలకుంటే గుండె భారం తీరదు కదా ******* నేను వాడి తల నిమురుతూ అన్నాను సిద్దంగా ఉండు ఎప్పుడూ ఏదో ఒకటి వదలడానికి విలువైనవన్నీ పొందాల్సిన రహస్యం ఏదో ఒకటి కోల్పోవడంలోనే దాగివుంది త్యాగం లేని ప్రేమ కూడా ఎప్పటికీ పూయని మొగ్గలాంటిది కన్నా మీ చాంద్ || 23.03.2014 ||

by Chand Usman



from kavi sangamam*కవి సంగమం*(Poetry ) http://ift.tt/OMAlcF

Posted by Katta

Kamal Lakshman కవిత

నా ప్రతి తలపూ నీవే నా ప్రతి స్వప్నం నీవే నా ఊహల కెరటాలలో ఒలలాడిన ప్రతి అలవూ నీవే నీవు లేని సాగరమైనా నీరు లేని ఎండ మావే కదా నీ జ్ఞాపకాల సవ్వడిలో నిరంతర నీ ధ్యానంలో జీవంలేని నవ్వులతో ఆకులు రాలిన మోడువలె నన్నునేనే మరిచా నీ ఊహలలో జీవించా నీవిక రావని తెలిసి నా నీవు లేని ఈ లోకాన్ని... ఈ ప్రాణాన్ని... తృణప్రాయంగా విడిచా... కమల్

by Kamal Lakshman



from kavi sangamam*కవి సంగమం*(Poetry ) http://ift.tt/OJwgpH

Posted by Katta

Kapila Ramkumar కవిత

ఓ కవిత్వమా...!Posted on: Fri 21 Mar 00:36:39.869782 2014 నిన్ను ఎంతగా ప్రేమిస్తానంటే నన్ను నేనుగా అపాదమస్తకం పులకంచిపోయి నీకై తపిస్తాను. విశ్వంలోని గోళాలన్ని దోసిట నింపేసుకుని నీకర్పించి ప్రణమిల్లాలనిపిస్తుంది. నువ్వంటే నాకంతిష్టం మరి. నీవు చూపిన దారిలోనే నిరంతరం అలుపెరుగక సంచరిస్తున్నాను. ఎన్నో ఏళ్ళుగా నిన్ను మాత్రమే నమ్ముకున్నా. ఈ ప్రపంచానికి దిశానిర్దేశం చేయాల్సింది నువ్వే మరి. చేస్తావనే విశ్వాసంతోనే నీతో నిరంతరం కలిసి నడుస్తున్నాను. భావాలన్నింటినీ ప్రపంచ పళ్ళెంలో వేసి నైవేద్యంగా పెడుతున్నాను. నా విన్నపాన్ని ఒకసారి మన్నించు. ఆకలి దప్పులు తీర్చి అత్యాచార ఆర్తనాదాలు వినిపించని, సమాజాన్ని ఆవిష్కరించు. నీ సాంగత్యంతోనే సఫలమౌతుందనే నమ్మకంతోనే జీవిస్తున్నాను. నీవు చూపించిన దారిలో వేల కోట్ల నక్షత్రాల వెలుతురులో గుండెల్లో నిన్ను ప్రతిష్టించి ఎర్రటిబావుటా చేబట్టి, శ్రమిస్తూ సంచరిస్తున్నా. ( ప్రపంచ కవితా దినోత్సవం సందర్భంగా...) -కెంగార మోహన్‌, కర్నూలుhttp://ift.tt/1h8rLMl

by Kapila Ramkumar



from kavi sangamam*కవి సంగమం*(Poetry ) http://ift.tt/1h8rLMl

Posted by Katta

Kavi Yakoob కవిత

"మిత్రులారా ! 'కవిసంగమం'లో రాస్తున్న కవిత్వం చూస్తుంటే కొన్ని మాటలు చెప్పాలనిపించింది. # కవిత రాయగానే వెంటనే పోస్ట్ చెయ్యకండి.కొంచెం మరొక్కసారి చూసుకుని ,ఏమైనా మార్చాలనిపిస్తే లేదా ఎక్కడైనా భావం చెప్పేటప్పుడు అది పాఠకుడికి చేరే దశలో అర్థం సరిగా చేరుతుందా లేదా అని ఒకసారి ఆలోచించి తిరగారాయండి. # కవిత్వంలో గాఢత అవసరం. మనలోకి ప్రసరించిన అనేక విషయాలను వడపోసి ,చిక్కబరిచి చెప్పే ఒకానొక ప్రక్రియ. వ్యర్థపదాలు,పునరుక్తులు లేకుండా ఒక భావాన్ని అనుభూతిప్రధానంగా చెప్పే ప్రక్రియ.కాబట్టి కవిత్వనిర్మాణంలో అత్యంత శ్రద్ధ కనబరచండి. # కవిత్వం విరివిగా చదవండి. కవిత్వ సంకలనాలు సంపాదించి చదవండి.కవిత్వానికి సంబందించిన పుస్తకాలు చదవండి.అధ్యయనం చాలా అవసరం. # ఎవరైనా మీరు రాసే కవిత్వం పైన తగు సూచనలు చేస్తే,వాటిని వినమ్రంగా స్వీకరించండి. అది మీ ఉన్నతికి,కవిత్వ ఎదుగుదలకు ఉపకరిస్తుంది.[మేం ఏం రాసినా అదే గొప్ప, దీనిపై ఎవరూ ఏం చెప్పక్ఖర్లేదనే భావనను పెంపొందించుకోకండి .కవి ఎంత ముఖ్యుడో ,పాఠకుడూ అంతటి ముఖ్యుడే.పాఠకుడు లేకపోతే కవిత్వం చేరేదేక్కడికి? కవి -> కవిత్వం->పాఠకుడు =ఈ క్రమాన్ని గుర్తుంచుకోవాలి ] # కవికి తనదైన ఒక సొంత గొంతు,మార్గం ఉంటుంది.దానిని వీడకుండా మీదైన ఒకానొక ప్రత్యేక పద్ధతిలోనే మీరు రాయండి.మీరు మరొకరిలాగా రాయకండి.ఒకే వస్తువును ఏ ఇద్దరూ ఒకలా రాయరు. ప్రతి ఒకరికీ తమదైన శైలి ఉంటుంది. # ఫేస్ బుక్ లో 'కవిసంగమం' చేస్తున్న పని - ప్రతి ఒక్కరిలో ఉన్న కవిత్వం రాయాలన్న కాంక్షను గౌరవించి, వారి రాతలకు వేదికలా నిలబడటం.అలా రాస్తూ రాస్తూ కవిత్వసృజనలో పరిణతిని సాధిస్తూ ఉండటాన్ని ,నిండుమనసుతో స్వాగతించడం ,సంతోషించడం. 'కవిసంగమం' చేస్తున్న ఈ ప్రయత్నం కేవలం కవిత్వం మీదున్న ఇష్టమూ, అభిమానం వల్లనే. ! అందువల్ల 'కవిసంగమం' నుండి ,ఇతర కవిమిత్రుల నుండి ఏవైనా సూచనలు,అభిప్రాయాలు చెబుతున్నప్పుడు ,వాటిని గౌరవిస్తూ పాటించడానికి ప్రయత్నిచండి. ఇదంతా మనందరి కవిత్వం కోసం, కవిత్వం రాసే మీ కోసం ! జయహో !'కవిత్వం కావాలి కవిత్వం !! "

by Kavi Yakoob



from kavi sangamam*కవి సంగమం*(Poetry ) http://ift.tt/1nOjgiu

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//ఐడెంటిటి// ఎలా చెప్పాలి ఎలాగోలా చెప్పాలి ఎలాగోలా అనేకంటే నీకు నాకూ మధ్య ఏమీలేదని చెప్పేసుకుందామా మనం అంటే వర్మనే అడగాలంటే నేనేం చెప్పగలను? అంతరాలయంలో దాగిన మట్టి వేళ్ళను చూపనా? అనంత సౌధమై వెలుగుతున్న పచ్చని చెట్టును చూపనా ? మనం అంటే లోపలా బయటా ఒకటేనని మర్మం ఒకటి విప్పనా ఓహో అదన్నమాట చిత్తం మనం, మనం ఎలాగయ్యామన్నదే ఈ లోకానికి ఓ సందేహం ప్రియతమా నీలో నాలో దాగిన దుఃఖం చాలదూ మనం మనం అని చాటడానికి పిచ్చిలోకం దానికీ తెలుసు దుఃఖం దుఖం మధ్య అగాధం సంతోషం దాని లోతులు దాపరికాలు తొలగాలంటే తానూ శిఖరం నుంచి రాలిపడాలని రాలిపడిన పువ్వు ఒక్కరోజూ నవ్వలేదు బాల్యాన్ని గుర్తు చేసుకుని ఏడ్వనూ లేదు నిర్వేదం అనుకున్నారంతా కానీ, రాలిన పువ్వుదొక తన్మయం. అమ్మ ఒడిలో జోల పాట వింటున్న సంబరం ఈ సంబర సందర్భం మనకొక ద్వారం తెరుచుకొన్న మనో:కుహరం మనల్ని తమలో కలుపుకోలేని తమకాలకి ఆలింగనాలకూ, కర స్పర్శకూ అందని ప్రపంచానికి మనం ఒక నువ్వూ , ఒక నేనూ... మనం దాపరికాలు లేని నగ్నవనం దేహాలు మిగుల్చుకున్న మనస్సులం అర్ధరాత్రి కట్రాడు తెంపుకుని వీదినపడ్డ లేగదూడలం మనం రాత్రుళ్ళు పశుపక్షాదుల మెరిసే కన్నులం చీకటికి అలవాటు పడ్డ కళ్ళు అద్దరాత్రి రాసుకునే కవిత్వం తెల్లవార్లూ తలచుకునే తన్మయత్వం... 22/03/2014

by Nvmvarma Kalidindi



from kavi sangamam*కవి సంగమం*(Poetry ) http://ift.tt/NDMks5

Posted by Katta

నేనే ఇమ్రాన్ శాస్త్రి కవిత

"నాకది చాలు" రచన:ఇమ్రాన్ శాస్త్రి కళ్ళలో కళ్ళు పెట్టి చూస్తూ కాలమంతా గడపొద్దు.. పగలంతా నిను వెతికే కనులకు ఎదురైతే చాలు....! గుండెల్లో గుసగుస మని పలికే భావాలన్నీ చెప్పొద్దు.. పెదవంచున మౌనం దాచిన మాటెంటో పసిగడితె చాలు...! ప్రతి నిమిషం వెనువెంట తిరిగే నీడలా మారొద్దు.. నీ వెనక నడిచేటప్పుడు నా వైపు చూస్తే చాలు...! నీ ధ్యాసలో పడి నే మరచిన నన్ను., నువ్వు గుర్తించొద్దు... నీకంటూ ఏమి కాని నేను నీకై ఉన్న వాడిలా గుర్తుంటే చాలు....! నే రాసే ప్రతి లేఖకి బదులివ్వకపోయినా పర్లేదు.. అవి చేరలేనంత దూరంగా నీ చిరునామ మార్చకుంటే చాలు...! బ్రతుకంతా నీ జతలో ఉండాలనే ఆశకు ఆయువు పోయద్దు.. కను మూసిన నా కథ విన్నాక నీ కంట కురిసే ఒక్క కన్నీటి బొట్టు చాలు...!

by నేనే ఇమ్రాన్ శాస్త్రి



from kavi sangamam*కవి సంగమం*(Poetry ) http://ift.tt/1nOjeXS

Posted by Katta

Nauduri Murty కవిత

కవిత్వంతో ఏడడుగులు 26 . కవిత్వం అంటే ఏమిటి? ఇదొక మిలియన్ డాలర్ ప్రశ్న. దీనికి ఎన్ని వందల తరాలు ఎంత స్పష్టంగా, సోదాహరణంగా చెప్పినా, చెప్పకుండా మిగిలిపోయింది ఎప్పుడూ ఉంటూనే ఉంటుంది. అయినా కవులు కవిత్వం చెప్పకనూ మానరు; కవిత్వాన్ని నిర్వచించడానికి ప్రయత్నించకా మానరు. ప్రపంచ కవితా దినోత్సవం సమీపంలో ఈ టపా వేస్తున్నాను కాబట్టి, నా స్నేహితురాలు, మంచి భారతీయ కవయిత్రి అయిన Shernaz Wadia వ్రాసిన కవిత మీకు పరిచయం చేద్దామనిపించింది. Shernaz Wadia వృత్తిరీత్యా ఉపాధ్యాయిని అయినా, మంచి కవయిత్రి. కుసుమకోమలమైన పదాలతో భావాన్ని, ఔచిత్యవంతమైన పదాలతో అర్థాన్నీ వడగట్టగల ప్రతిభాశాలి. ఈ కవితలో కవిత్వానికి ఉన్న అనేక పార్స్వాలు స్పృశిస్తూనే, ఒక్కొక్క పార్స్వాన్నీ ప్రకటించడానికి ఆమె ఎన్నుకున్న వస్తుసముదాయాన్ని చూడండి. సంప్రదాయమైనా, ఆధునికమైనా కవిత్వం జీవితానుభవంలోంచి, వైయక్తిక స్పర్శతోనీ రావాలని నా అభిప్రాయం. . కవిత ... . కవిత ఎలా ఉండాలి? స్ఫటికం లా... అంది నిశ్చల సరస్సు మెరుస్తూ నాలా ఉదాత్తంగా --- గంభీరంగా పలికింది మహావృక్షం నిరాఘాటం గా ప్రవహించాలి --- గలగలలాడింది సెలయేరు సద్యః స్ఫురణ కలిగిస్తూ జీవం తొణికిసలాడాలి --- కూని రాగాలు పోయింది పిట్ట సువాసనలతో మత్తెక్కించాలి --- ఝుంకరించింది తుమ్మెద మనసు దోచుకోవాలి --- నవ్వింది సీతాకోక చిలుక రమణీయం గా ఉండాలంటేనో? అడిగాయి పూలు లోతుగా సారవంతంగా ఉండాలి --- ఘోషించింది లోయ కొంత రాజసం కూడా ఉండాలి -- ప్రతిధ్వనించాయి కొండలు ఆహ్లాద పరచాలి సుమా--- గుసగుస లాడింది వేసవి తెమ్మెర కరిగిపోతూ ఆలోచనలు గిలకొట్టాలి -- గలగలమన్నాయి శిశిర పుటాలు ఇకనేం అని రమణీయ ప్రకృతి నడుమ భావావేశంతో గబగబా బరికేశాను సగర్వంగా నా కవిత్వాన్ని అంకితం ఇద్దామని. ప్రకృతి ఒక్కసారి భళ్ళున పగలబడి నవ్వింది ఓరి మూర్ఖాగ్రేసర చక్రవర్తీ! ప్రకృతి అంతరంగాన్ని అవిష్కరించడం అంత సులువుట్రా? శాశ్వతత్వపు చిరుశ్వాస అందులో ఏదిరా? . Shernaz Wadia. . A Poem How should a poem be? Crystalline, mirrored the placid lake Stately like me, intoned the tree Free flowing, gurgled the river Spontaneous and lively, crooned a bird Fragrantly enticing, droned the bee Captivating, laughed the butterfly. How about colorful? Asked the flowers Deep and meaningful, averred the vale With certain majesty, echoed the hills. Refreshing, whispered the summer breeze Mellow. Evocative. Crackled autumn’s leaves So, deep within the inspiring woods I scribbled and scrawled and hastened To proudly dedicate my poem... All nature burst into splits! Oh, you poor nitwit! The soul of nature cannot be conveyed Except with the breath of immortality! English Original: Shernaz Wadia Indian

by Nauduri Murty



from kavi sangamam*కవి సంగమం*(Poetry ) http://ift.tt/NDMmA7

Posted by Katta

Katta Srinivas కవిత

కట్టా శ్రీనివాస్ || తిప్పరదండం ఉక్కుగోళ్ళ లోహపు పక్షి ఒకటి ముక్కుతో పొడుస్తూ తెగతిడుతోంది. సజీవ శిలాజంలా మిగిలున్న ఓ పిచ్చిపిట్టని వెధవపక్షీ ఎప్పుడూ ఎందుకిలా మొత్తగా వుంటావంటూ లేబుల్ సీసాలోని నీళ్ళు ఎగిరెగిరి మిడిసిపడుతూ మూగనదిని ఆడిపోసుకుంటున్నాయి. పిచ్చిమొహమా కొంచెం నాగరికత నేర్వరాదేఅంటూ ... వెనకగదిలోని అమ్మకాలం నాటి నిర్మలత్వంలాగానే అవికూడా మౌనాన్నే సమాధానమిస్తున్నాయి. ► 23-03-2014 ► http://ift.tt/1pm2nXG

by Katta Srinivas



from kavi sangamam*కవి సంగమం*(Poetry ) http://ift.tt/1pm2nXG

Posted by Katta

Kotha Anil Kumar కవిత

@ కవిత్వ౦ @ కవిత్వమ౦టే ఎవరికి తెలియని వి౦త భాష కాదు ఎక్కడొ తగిలేట్టు రాయడ౦ కాదు తెలియనిదేదో చెప్పినట్లు రాయడ౦ కాదు అసలు విషయాన్ని అర్ద౦ కాకు౦డా మెలిక పెట్టి చెప్పడ౦ కాదు ఇల్లు సదిరినట్లు అక్షరాలని తీర్చిదిద్దడ౦ కాదు మన౦ చెప్పాలనుకున్న దాన్ని ఇ౦కొకరు చెప్తేనే అర్దమయ్యేటట్లు రచి౦చడ౦ కాదు. బుర్ర బద్దలు కొట్టుకుని రాసి చదివే వారి బుర్ర బద్దలు కొట్టడ౦ కాదు మనకున్న అసూయను ఇతరులపై పెట్టి వేలెత్తి చూపడ౦ కాదు కవిత్వమ౦టే.... మనసుతొ మాట్లాడె మధుర భాష చదవగానె హౄదయానికి సుతిమెత్తగా తగిలె చెక్కిలి పై ను౦డి జారె కన్నీటికి ఆనకట్ట కవిత్వ౦. గు౦డె భాష మెలికలలొ చిక్కుకున్న జీవితాన్ని చక్కదిద్దె ఒదార్పు భాష అలిసిన యెదలు సెద తీరె చల్లని నీడ కవిత్వ౦ స్ప౦ది౦చిన హౄదయ౦ లో౦చి వెల్లువెత్తి మనసులను ఉత్సాహపరిచె ఇ౦దన౦ కవిత్వ౦ కల్మశమైన వ్యక్తిత్వాలను ప్రక్శాలన చెసే ప్రక్రియ కవిత్వ౦ నిస్సిగ్గుగా దేశద్రోహానికి పాల్పడె నీచుల వీపుపై బర్గె దెబ్బ కవిత్వ౦ బుర్ర బద్దలు కొట్టుకు౦టె వచ్చేది కాదు గు౦డెలు బద్దలు కొట్టుకు౦టె వచ్చేది నిజమైన కవిత్వ౦. _ కొత్త అనిల్ కుమార్ 22 / 03 /2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1gmX3DS

Posted by Katta

Kavi Yakoob కవిత

ఉత్తమ వ్యాఖ్య : :) బాల సుధాకర్ మౌళి 'కవిత్వ అనుభవం' పోస్టింగ్ కి స్పందన : by Rajasekhar Gudibandi చాలా నిజాయితీ , నిబధత కూడుకున్న వాక్యాలు మౌళి . నువ్వు రాసింది చదువుతుంటే నా బాల్యం గుర్తుకొస్తుంది. నేను తొమ్మిదో తరగతి లో ఉండగా ROOTS (ఏడుతరాలు) మా నాన్న , నేను పోటీపడి చదవటం ఇంకా జ్ఞాపకమే ... అప్పుడు చదివిన శ్రీశ్రీ , బైరాగి కవిత్వం , గోర్కీ “అమ్మ”, ఇంకా రష్యన్ అనువాద సాహిత్యం , అభ్యుదయ , విప్లవ సాహిత్యం నాకు ఇప్పటికీ చోదక శక్తిగా పనిచేస్తుంది. నువ్వన్నట్లు “వొకొక్కప్పుడు కవిత్వం కొందరికి చెందిన సరుకుగా చెలామణి అయినా చివరకు అది చేరాల్సిన వాళ్ల చేతుల్లోకే చేరింది.” కొంతవరకు నిజమే కానీ ఇంకా చేరాల్సిన చోటులు చాలా ఉన్నాయనే అనిపిస్తుంది....ఇప్పటి కవిత్వం చదివేవాళ్ళలో ఎక్కువమంది రచనారంగంలో ఉన్నవాళ్ళే.. కవులో, విమర్శకు లో,రచయితలో. ఎంతమంది సామాన్యపాఠకుడికి చేరుతుంది. నాఉద్దేశ్యం ఏమిటంటే కవిత్వం రాయటంతో పాటుగా చదివే వాళ్ళను కూడా తయారు చేయాలి. స్కూలు స్థాయి నుండే అది మొదలవ్వాలి ...ఏడో తరగతినుండే IIT, MBBS లకోసం తాయారు చేయాగాలేంది , కవిత్వం కోసం ఎందుకు తయారుచేయలేం... కవిత్వమనేకాదు సామాజిక స్పృహ , మానసిక వికాసం కల్గించే ఏ సాహిత్య ప్రక్రియ ఐనా సరే... ఇక మౌళి.. నీవరకు నీవు మీ స్కూలు పిల్లల్ని తయారుచేసే విధానం అందరికీ ఆదర్శం... కవిత్వం చేతిలో నువ్వొక ఆయుధం గా కవిత్వం చరిత్రను తిరగరాయాలని, చరిత్రగా మిగిలిపోవాలని మనసారా కోరుకుంటున్నాను..

by Kavi Yakoob



from kavi sangamam*కవి సంగమం*(Poetry ) http://ift.tt/1gmX2jA

Posted by Katta

కాశి రాజు కవిత

కాశి రాజు || కమ్యూనికేషన్ || ఇంతలేటైంది కదరా ఇంకా తినలేదా అని అమ్మకి ఆకలైనట్టే అడుగుతావుంటే ఓ దుఃఖపు జీర నా చెవికెలా చేరిందీ తెలుస్తూ ఉంది దాన్ని నాదాకా మోసుకొచ్చిన ప్రేమది ఎన్ని సెకన్ల వేగమని ఎవరినడిగితే తెలుస్తుంది కాల్ కట్ చేస్తే ఫోన్ టూ హార్ట్ , హార్ట్ టూ అమ్మా నాన్న అన్న సంభాషణ సమాదైపోయి రేపు చేయాల్సిన పనినంతా రివైండ్ చేసుకున్నా దాహమైనట్టు అనిపించాక లెగాలని చూస్తే సహకరించని ఒళ్ళు నీరసాన్ని బద్దకంగా చేసుకుని బయట తినేద్దాం అని సర్ది చెప్పుకుంది మెట్లుదిగి కాస్త ముందుకెళితే ఆ మలుపు తిరిగాక ఉండే చపాతీలోడు సర్దేసుకున్నాడు నవ్వుకుని నేను పడుకుంటాననుకో పర్లేదు అక్కడ మా అమ్మకి ఆకలేస్తేనో !

by కాశి రాజు



from kavi sangamam*కవి సంగమం*(Poetry ) http://ift.tt/1pm2lzd

Posted by Katta