కిరణ్ గాలి ||వన్ మోర్ ఛాన్స్||

మృత్యువే నీకెదుట నిలబడి
ఈ రోజే నీకు ఆఖరని
రేపన్నది లేదంటే ఏం చేస్తావు?


కకల వికలమై కన్నిరవుతావా,
కాలంపై కడసారి స్వేఛ్ఛగా స్వారి చేస్తావా?

నిరాశాతో నిస్సారంగా గడిపేస్తావా?
ఘడియ ఘడియను గుండెలకు హత్తుకొని గాఢంగా జీవిస్తావా?

***

దేన్ని లెక్కిస్తావు
పొందలేని సుఖాలనా, పంచుకున్న ప్రేమలనా?
దాచుకున్న ఆస్తులనా, పొదువుకున్న జ్ఞాపకాలనా?

నిన్ను చూసి గర్విస్తావా,
నిరర్ధకంగా బతికినందుకు ధుఖిస్తావా?

***

మృత్యువే నీకెదుట నిలబడి

ఒకే ఒక్క అనుభవాన్ని మరల
అనుభూతించే అవకాశం ఇస్తానంటుంది?
ఏ మధుర క్షణాలని మళ్ళీ జీవిస్తావు?


ఒకే ఒకరిని రోజంతా తోడిస్తానంటుంది
ఎవరిని కోరుతావు?
నీ కోసమా ... తన కోసమా?


ఒకే ఒక్క మార్పుకు అవకాశమిస్తానంటుంది
ఏ మార్పు చేస్తావు?
చేసిన తప్పునా, చేయని మంచినా.. దేన్ని సరిదిద్దుకుంటావు?

ఒకే ఒక్క కోరిక తీరుస్తానంటుంది,
ఏం కోరుతావు?
మరుజన్మ లేని మొక్షాన్నా?
మరల నీలాగే నిన్ను పుట్టించమనా?

దయతో మరింత ఆయుష్షును పోయమనా!!!

***

మృత్యువు నిన్ను చూసి జాలి పడి


ఇంకొక వారం అరువిస్తా నంటుంది ...ఏం చేస్తావు?
ఇంకొక నెల అరువిస్తా నంటుంది ...ఏం చేస్తావు?
ఇంకొక సంవత్సరం అరువిస్తా నంటుంది ...ఏం చేస్తావు?
ఇంకొక జీవితం అరువిస్తా నంటుంది ... సరిపోతుందా?

***

గమనించావా...
మ్రుత్యువు నువ్వు అడగకున్నా
ఆయువు అరువిస్తూనే వుంది
ఆఖరి గడువును పొడిగిస్తూనే వుంది

అయినా నువ్వు
విలువైన నీ "ఆఖరి రోజు"ను
నిన్నటిలానే నేడు నిశ్ప్రయోజనంగా గడిపేస్తునే వున్నావా?...

***

మిత్రమా

ప్రతి రాత్రి మరణమని గ్రహిస్తే
ప్రతి ఉదయం జన్మిస్తావు,
ప్రతి రోజు జీవిస్తావు

***

In life there is a second chance.
But there may not be a second chance to life

Every "second" in life is a second chance...

Date: 29-10-2012

కిరణ్ గాలి || భ్రష్టమేవ జయతే ||

1) లేదు లేదు!
ఆశయాలు అవినీతిగా ఫొర్జరి చెయ్యబడలేదు
అనుమతులకు అధికారికంగా సర్జరి చెయ్యబడలేదు

శిక్షలేనిచోట అసలు నేరమనే పదానికి ఆస్కారమే లేదు...

నిజం నిజం!

నిధులు నజరానాలుగ నేతల ఖజానాలకు తరలలేదు
నిస్సందేహంగా అవి వికలాంగులకే చేరాయి
అవిటి చట్టాన్ని "విచారించమని" ఆదేశించనవసరం లేదు

తప్పు తప్పు!
కోట్లుమింగే కొలువులో వున్నవాడు
లక్షలకు సొంగ కార్చాడంటే నమ్మరాదు

***

2)

అవును అవును!
నిటారుగ నిలబడ్డ నిజాయితి వెన్ను విరవడం
అంత సులభం కాదు.
నిజాన్ని చాటుగ మరొక చోటుకు బదిలి చేసెయ్యి


భలె భలే!

మామిడి రసం పీల్చి
టెంకె మిగిల్చే గారడి తెలిసిన వాడు
అరటిపండును ఘన-తంత్రంతో వలిచి
పండు తనకి తొక్క ప్రజలకి పంచుతున్నాడు

చూడు చూడు !
వేటకుక్కలు తోడెల్ల గుంపుకు తోడుగా ఊలవేస్తున్నాయి
లేళ్ళూ, కుందేళ్ళు తిరగబడకుందా కాపలా కాస్తున్నాయి

***

3)

తప్పు తప్పు!

ఆడవారిదే అంతా తప్పు
మగవాడికంట పడడమే అసలు తప్పు
గడప దాటితే ఇంకెముంది చెప్పు


భేష్ భేష్!

చెరచ బడ్డ అసహాయతపై నింద వేసి
నిజాన్ని నిర్భయంగా బలాత్కరిస్తున్నారు
బాల్య వివాహాలె పరిష్కారమంటు
బహిరంగంగానే ఉపన్యాసాలతో ఉపదేశిస్తున్నారు

***

విను వినూ! బాగా వినూ!

కలంతొ శాసనాలను రాయడమే కాదు
కత్తులతో నెత్తురుని చిందించగలమూ ఖబర్దార్ అంటున్నారు

లేదు లేదు! మనకిక దిగులు లేదు

దేశంలో ధర్మమేకాదు
న్యాయమూ నాలుగు పాదాలా నడుస్తున్నది.
దాని మెడకు కట్టిన గొలుసు వాళ్ళ చేతిలో
మరింతగా బిగుసుకుని ఒరుసుకుంటుంది...

సత్యం స్వఛ్ఛందంగానే ఉరి పోసుకుంటుంది

Date: 20-10-2012

కిరణ్ గాలి || ఒక్కొసారి ||

1. ఒక్కొసారి

సమూహాలకి సాధ్యమైనంత దూరంగా
ఒంటరితనం నడిమధ్యలోకి నడవాలి
నిన్ను నువ్వుగా కలవాలి, పలకరించాలి, పరామర్శించాలి

ఎమో అలా చేస్తె
సమూహాలలొ లేని స్నేహం, స్వాంతన, కోలాహలం
నీకు నీలోనే దొరుకుతుందేమొ

2. ఒక్కొసారి

శబ్ధాలను బహిష్కరించి నిశ్శభ్దాన్ని ఆహ్వానించాలి
కాలం అడుగుల చప్పుడు వినపడని ఖామొషి తేవాలి

ఎమో అలా చేస్తె
నిశ్శభ్దం మౌనం వీడి నీతో మట్లాడవచ్చు,
నువ్వు ఇదివరకెరుగని నిజాలను చెప్పవచ్చు
నువ్వు నిజమనుకున్న అబద్దాలను చెరపవచ్చు


3.ఒక్కొసారి

అలొచనలన్నిటిని ఆర్పేసి శున్యాన్ని వెలిగించి ధ్యానించాలి
స్తబ్ధతలోని చైతన్యాన్ని, చైతన్యంలోని నిశ్చలతను అన్వేషించాలి

ఎమో అలా చేస్తె
ఆ ధ్యానంలోనే సర్వసత్యాలు సాత్కక్షరించవచ్చు
సమస్త సంశయాలు ధ్వంసం కావచ్చు

***


1. ఒక్కొసారి

స్నేహితులని కాకుండా శత్రువనుకున్న వాడినీ సంప్రదించాలి
అహాలు అపోహలు అడ్డురాకుండా అడగవలసినవి అడగాలి

ఎమో అలా చేస్తె
స్నేహితుడిలా సలహాలతో సరిపెట్టకుండా సహాయం కుడా చేస్తాడెమో


2. ఒక్కొసారి

మనిషితో కాకుండా మనసుతో పరిచయించాలి
తనువుతో కాకుండా ఆత్మతో సహచరించాలి

ఎమో అలా చేస్తె
పరిణయంగానె మిగిలిన ప్రహసనం,
రసవత్తర ప్రణయంగా తర్జుమా కావచ్చు


3. ఒక్కొసారి

కూడ బెడుతున్న సంపాదన కాకుండా
దాచి పెడుతున్న కాలాన్ని కుడా ఆత్మీయులకు ఖర్చు పెట్టాలి

ఎమో అలా చేస్తె
కొని తెచ్చిన వస్తువులు ముడివెయ్యలేని అనుభందాన్ని
కలిసి గడిపిన క్షణాలు కడవరకు తోడు తేవచ్చు


***

1. ఒక్కొసారి

పొందవలసిన సుఖాల జాబితా పక్కన పెట్టి
పోగొట్టుకున్న సంతోషాల చిట్టా విప్పి చూసుకోవాలి

ఎమో అలా చేస్తె

లేని వాటిలో వున్న సౌఖ్యం కన్న
వున్నవాటిలో లేని ఆనందంమేముందని తెలుస్తుంది


2. ఒక్కొసారి

పరిగెత్తటం మానెసి
ఆయాస పడుతున్న కాలాన్ని కుదురుగ కూర్చొని చూడాలి
రాలి పడిన క్షణాలని, నిమిషాలని, రోజులని దులుపుకోని జేబులో దాచుకొవాలి

ఎమో అలా చేస్తె
గమ్యంలో వుందనుకున్న గెలుపు గమనంలో దొరకచ్చు


3. ఒక్కోసారి
ప్రశ్నలడగడం, జవాబులు వెతకటం మానెయ్యాలి
పరీక్ష అనుకొని జీవితాన్ని చదవడం ఆపెయ్యాలి

ఎమో అలా చేస్తె
ఫలితం గురించిన బెంగ లేకుండ
స్వేచ్చగా జీవించవచ్చు సంత్రుప్తిగా మరణించనువచ్చు

Date: 29-09-2012

http://www.facebook.com/groups/kavisangamam/permalink/450458578340233

కిరణ్ గాలి || రాసుకో సాంబా (1)

1. ఓటమి అంటే
గెలవలేక పోవటం కాదు
ఇక గెలవలేను అనుకోవడం

2. ఓటమి మెట్లు ఎక్కకుండా
గెలుపు శిఖరాన్ని చేరలేము

3. కాలం పురుడు పోస్తె
ఓటమి తల్లి ఓర్పుతో కన్న బిడ్డే గెలుపు

4. గెలుపు చెట్టు, ఓటమి విత్తనం

5. గెలుపు పల్లకి మొయ్యడానికి
నలుగురూ వస్తారు
ఓటమి పాడె ఎక్కినప్పుడు
ఒక్కడూ తోడు నడవడు

6. ప్రతి గొప్ప గెలుపు వెనుక,
ఒక మర్చిపోలేని ఓటమి వుంటుంది

7. వెలుగులో గమ్యాన్ని మాత్రమే చూడగలము
దాన్ని చేరుకునే దారి చీకటిలోనే కనిపిస్తుంది

8. గమ్యాన్ని చేరాలంటే
వేగం, దారి, సత్తువ కన్నా ముఖ్యమైనది
అలిసినా ఆగకుండా అడుగులెయ్యగలగడం
కోరిక బలమైనదైతే అది కొండనైన పిండిచెయ్యగలదు

9. గురి తప్పడం తప్పు కాదు
గురే లేకుంటే ఎప్పటీకి గెలవలేము

10. పగటి కలలు కనడం తప్పు కాదు
ముఖ్యంగా వాటి కోసం
అహొరాత్రులు నిద్ర లేకుండా కష్టపడితే

11. ఈ రోజుల్లో చెడ్డవాళ్ళే గెలుస్తారు
మంచి వాళ్ళు ఓడిపోతారు ... అనేది అపోహ
ఏ కాలంలో నైన బద్దకస్తుడు గెలవలేడు
పని చేయడం వ్యసనమైన వాడు ఓడిపోడు

12. గెలిచే వాడికి ఓడిపొయెవాడికి తేడా...

సామర్ధ్యంలో లేదు సాధనలో వుంది
తెలివిలో లేదు తెగువలో వుంది
అలొచనలొ లేదు అచరణలో వుంది
లక్ష్యంలొ లేదు గురిలో వుంది

Date: 22.09.2012

http://www.facebook.com/groups/kavisangamam/permalink/447949481924476/

కిరణ్ గాలి || కాల జ్ఞానం ||

వస్తుంది

నాగుపాములను నీటి కప్పలు నోట కరిచే రోజు
గద్దలను కోడిపిల్లలు పొడిచి చంపే రోజు
తోడేల్లని కుందేల్లు చుట్టు ముట్టే రోజు
వేటగాళ్ళ తలలను జింకలు చెట్లకి కట్టే రోజు
వస్తుంది

ఏం నమ్మ లేవా?

అణువులో అనంతాన్ని
పుక్కిటి పురాణాలను
సనాతన అధర్మాలను
ముక్కోటి అసత్యాలను
నమ్మ గలిగిన వాడివి

క్రూరమ్రుగాలను
సాధుజంతువులు
ముట్టడించే రోజొకటి
నిజంగా వస్తుందంటే నమ్మవేం?

పోనీ
మనువు మర్మాంగాలు తెగి పడి
శవమయ్యే రోజు వస్తుందని

మనిషి ముందు మోకరిల్లి
దేవుడు కన్నీళ్ళతో
తన తప్పులను
మన్నించమనే రోజు
వస్తుందని చెప్తే
నమ్ముతావా?

నమ్మవు కదూ?
నమ్మలేవు కదూ?

***

మనువుని ఎవరన్నా దూషిస్తే
నీలో మతోన్మాదం క్షణకాలం రెప రెపలాడినా

అంటరాని తనాన్ని అమ్మనా బుతులు తిట్టినప్పుడు
నీలొ అట్టడుగుని అగ్రవర్ణం ఆవగింజంతైన అలిగినా

కులకుక్కలను గుడ్డలూడదీసి కొట్టండని వాడంటే
నీలో ఏ రకమైనా "తామరిక"మైన లిప్త పాటు జివ్వుమన్నా

నీ ఆత్మలొ ఇంకా అశుద్దం వున్నట్టే

పో దాన్ని తులసి తీర్దంతోనో
నీ బుజంపై పట్టు కండువాతోనొ
నా గోచి గుడ్డతోనొ
మొలరా పరిశుభ్రం చేసుకోని
మలినాలన్నిటిని వదిలి
మనిషిగా తిరిగి రా

***

అప్పుడు

వివేకం అనేకం అయి

మతం గతానికి గొయ్యి తీసి కప్పెట్టే రోజు
కులం మూలాలకు కొరివితో నిప్పేట్టే రోజు
అంతరాలు అంతమయి వివక్ష అస్పృష్య్యత అయ్యే రోజు

వస్తుందని నమ్ముతావు

***

(నేను ఇతిహాసాలలో, ఉపనిషత్తుల్లో ప్రస్తావించబడిన
మనువును చూడలేదు, వినలేదు, చదవ లేదు.
నాకు తెలుసుకోవాలని కుడా లేదు.

నాకు తెలిసిన మనువు వ్యక్తి కాదు,
వాడు ఒక వ్యాఘ్ర వర్ణ వ్యవస్త.
ఆ వ్యవస్త బతికున్నంత కాలం
మనువు బతికే వుంటాడు మానవత్వాన్ని చంపుతాడు.

***

నాకు తెలిసిన ఒకే ఒక నిజం

రక్తం ఏ వర్ణంలో నైన ఎర్రగానే వుంటుందని
స్వేదం ఏ శరిరాని దైనా శ్రమిస్తెనే వస్తుందని
కన్నీరు ఏ కంటి దైనా కల్మషం లేకుండ కారుతుందని
మరణం ఏ ఇంటి దైనా దాన్ని ముక్కలుగ చేస్తుందని)

కిరణ్ గాలి ||ఏడడుగులు||

నేను ప్రొద్దునె నిద్దుర లేస్తానా
నీ కన్నుల కాంతి నా నిర్జీవ దేహాన్ని ప్రేమగ తడిమి లేపుతుంది

నేను తొలిమంచులో నడుస్తుంటానా
నీ మృదువైన మాటొకటి బొటనవేలుకు తగిలి గాయమైచిట్లుతుంది

నేను మొక్కలకు నీళ్ళు పొస్తుంటానా
నీ చిరునవ్వొకటి చిగురుటాకులా రాలిపడి కనిపిస్తుంది

నేను ఆలొచనగా అద్దం ముందుంటానా
నీ మెత్తటి స్పర్శొకటి నాజుకుగా చెంపను చీరుస్తుంది

నేను ఏదో బాధను తింటుంటానా
నీ మునివేళ్ళు గొంతుకడ్డంపడి పొలమారుతుంది

నేను ఎడతెరగక ప్రయాణిస్తుంటానా
నీతొ గడిపిన జ్ఞాపకాలన్ని కిటికివారగా దూరమవుతుంటాయి

నేను అలుపెరగక పనిచేస్తుంటానా
నీతో నాప్రతికలయిక కలతనిద్రై మెళకువంతా నన్ను కలవరపెడుతుంది

నేను నిశ్చల తమస్సులో వుంటానా
నీ ఊహ నా నీరవ తపొవనాన్ని ఉద్దీపనం చేస్తుంది


నేను ప్రతిరోజు జీవిస్తుంటానా
నీ అకాల నిష్క్రమణ నన్ను అనుక్షణం అంధకారమై వ్యాపిస్తుంది


నేను ప్రతిరాత్రి మరణిస్తుంటానా
నిన్ను మృత్యువు మరపిస్తుందెమోనన్న భయం నన్నుమళ్ళీ బ్రతికిస్తునే వుంటుంది


ప్రియా,
నువ్వు విడిచి వెళ్ళిన లోకంలో నేను నడిచే ప్రతి అడుగు
ఆరడుగులైన మన బంధాన్ని ఏడడుగులుగా ఒంటరిగా నడిపిస్తునే వుంది

Date:06.09.2012

కిరణ్ గాలి || Casanova ||

నేనెప్పుడూ
ప్రేమించలేదు
ప్రేమించబడనూ లేదు

నాకోసం ఎక్కడా ఒక్క వెచ్చటి కన్నీటిచుక్క నేలరాలిన దాఖలాలు లేవు
ఏ అందమైన మునివేళ్ళూ తమ డైరీలో నన్ను ఆజన్మ ఖైదుగ బంధించలేదు
ఏ మూసిన కనురెప్పలు తమ మనఃఫలకంపై నన్ను మురిపెంగా ముద్రించుకోలేదు
ఏ ఆలింగనము దేహన్నిదాటి నన్ను తమ ఆత్మతో స్పృశించిన స్మృతి లేదు

నేనెప్పుడూ ఎవరి ఊహల రాకకై కలలపట్టాలను కాలంపై పరచలేదు
ఎవరి అమోదంకోసం చిక్కటిరక్తాన్ని చిందించిన చారిత్రక ఘట్టాలు లేవు
ఎవరి స్మృతులను రాజేసి నిశీధిలో నిద్రలేనిరాత్రినై చలికాచుకున్న గుర్తులేదు
ఎవరి నిర్దాక్షిణ్య నిష్క్రమణ...ఘడియైనా నా గడియారపు బాహువులను ఆపలేదు

***

అవును నిజం..నేనెప్పుడూ ప్రేమించలేదు..ప్రేమించబడనూలేదు..
అలాగని ప్రేమంటే నాకెటువంటి అపనమ్మకమూ అనంగీకారము లేదు

ప్రయత్నించాను అదేపనిగా ఒక "నిన్ను", మరొక "తనను", మరెన్నొ "తనువులను"
వాంచించాను అతిపవిత్రంగా మనసుని, ఆత్మని....ఏ శరతులులేని శరీరాన్ని

***

వెన్నెల్లో తడుస్తూ మెత్తటిఇసుక పాదాలకు జతనైనప్పుడుకూడా
నా చూపు దిగులుమేఘాలనడుమ మౌనంగా దుఃఖించే చంద్రునిపైనే

అలలుఅలలుగా ముద్దులు పెదవులతీరంపై ఎగిసిపడుతున్నా
నా చూపు ఎందుకో సుదూరాన దారితప్పిన ఒంటరిఓడపైనే

కారులో కోరికల గేర్లుమారి లిబిడోమీటర్ గిర్రున తిరుగుతున్నప్పుడు కూడ
నా చూపు రేర్ వ్యు మిర్రర్లో రొప్పుతూ వెంటాడుతున్న జ్ఞాపకాల జాగిలాలమీదే

పబ్బులో పావురాయిరెక్కలు నన్ను గూడులోకిరమ్మని గోముగా గుంజుతున్నా
నా చూపు లేత పిడికిటిలో చలనము, రంగు లేని రబ్బరు బూర మీదే

ప్రేమని వ్యక్తీకరించడానికి స్పర్శ అవసరం
ప్రేమని అనుభూతించడానికి కూడా అదే మార్గం
కాని కేవలం స్పర్శకోసమె అయితే
ప్రేమనే అందవికారమైనముసుగు తొడగనవసరంలేదుకదా?

***

ఒక స్నేహం, ఒక స్వాంతన, ఒక సాంగత్యం, ఒక సంగమం
ఎవరి కారణాలు, వారి కుండవచ్చు.
ఎవరి నిర్వచనాలు వారు ఇచ్చుకొవచ్చు
దాహమెదైతెనేమి ఎలగోల దప్పిక తీరాలిగా

కోరుకున్న వారినెవరిని కాదనలేదు
అందుకోగలిగినంతా అందించాను
ఒకరి తర్వాత ఒకరిని, ఒకరు కుదరక పోతె మరొకరిని
ప్రేమించె గలిగే లౌక్యం లోక జ్ఞానం లేని వాడిని

నేనిక్కడే ఈ తనువుల తపొవనంలొ
నా దేహపు గుంజను పాతి నా చుట్టూ నేనే
వలయమై నిరంతరంగా పరిభ్రమిస్తున్నా
ఏ పువ్వో వచ్చి నాపై శాశ్వతంగా వాలక పోతుందా అని

***

మోహాల వేటలో,
నిస్సుగ్గు నగ్నత లాంటి చిటికెడు ప్రేమ కొసం
అనేకానెక శరీరాలను అన్వ్యేశిస్తూ
కాలి పోయి రాలి పోయిన
నా యవ్వనానికి అంకితమిస్తూ
...ఒకానొక కాసనొవాను

***

నువ్వు ప్రేమించావా? సులువైన ప్రశ్న
నిన్ను ఎవరైన నిజంగా ప్రేమించారా? నీకెప్పటికి జవాబు దొరకదు

సులువైన ప్రశ్నకి కూడ నీ దగ్గర సమాధానం లేనప్పుడు
"తొలిసారివై" ఏ దేహాన్ని తాకకు

Date: 30.08.2012

కిరణ్ గాలి ||అక్షరాన్ని నమ్ము||

కవీ
అక్షారాన్ని నమ్ము
నీ లోలోపల రాజుకునే అగ్గిని నమ్ము

అవహేలనపహాస్యాలను,
అర్ధంగికార అభినందనలను
అద్రుశ్య అపనమ్మకాలను కాదు

అమ్మ తోడు!
అరవాక్యం అర్ద్రంగా రాయలేని
అంతర్జాతీయ కవులున్నారు

వాళ్ళ అంతరాత్మలకీ తెలుసు
వాళ్ళ అంతరంతరాలలో
ఎంత లోతుందో,
ఎంత చెమ్ముందొ,
ఎంత చేవుందో

అందుకే
అక్షారాన్ని నమ్ము
నీ లోలోపల రాజుకునే అగ్గిని నమ్ము

***

విమర్శుకుల సంగతా?

విశ్లేషకుల ముసుగులో విదూషకులు వాళ్ళు
బంటుని రాజంటారు రాణిని దాసంటారు
యోధానుయోధుడికి మాత్రం కత్తితిప్పడం రాదంటారు
వారు ఔనంటె దాసి రాణవుతుంది
వారిని కాదంటె రాజు బంటవుతాడు

వారి "స్వ అర్ధాన్ని" నిమరక పోతె
మొగ్గను తుదిమెస్తారు, పువ్వును చిదిమెస్తారు
మొక్కను పీకెస్తారు, చెట్టును నరికెస్తారు

అందుకే
అక్షారాన్ని నమ్ము
ఎ ఆయుధాలు కొనగోటిని తాకలేని మహ వృక్షమవ్వు

***

ప్రసిద్ధ కవి సంగతా?

ఆయన నిలువెత్తు అహం కూల బడ్డ కలం...
తరం మారినా తీరు మారని జడం
పేరు చూసి మోసపోయి అద్భుతమనుకోకు
తూకమేసి తూచి మరీ వారి విలువను కట్టు

వారి వంధిమాగధులు అంతే!

వారి సాలె గూడులో ఈగలు వారి నీడలొ ఛాయలు
కవిగారు ఏం రాసినా, ఎలా రాసినా వాహ్ అంటారు వహ్వ అంటారు
వారు కనికరించి వీడి బుజం తట్టి బాగా రాసావ్! నా లాగ రాసావ్ అన్నారా
వీడిక పుస్తకం అచ్చెసుకుంటాడు ముందు మాట రాయించు కుంటాడు.

***

ప్రచురణకర్త సంగతంటావా?

భవదీయులకే మరి బట్రాజులు వీళ్ళు
అతిరధమహారధులకే వీరి అథిధి సత్కారాలు
వీళ్ళు కొట్టని చప్పట్లకు నీ కవిత ఓడి పోదు
వీళ్ళు ముడిచె నొసళ్ళకు నీ కలం చిట్లి పోదు

***

నిరుత్సాహ పడకు...

నిప్పులు వంటికి రాసుకొని అగ్గిలోకి దూకు
కణకణ మండే అక్షరాలు దోసిటిలో పట్టు

ఆ అక్షరమే నిన్ను
నిర్మిస్తుంది
ఆ అక్షరమే నిన్ను
నిర్వచిస్తుంది
ఆ అక్షరమే నిన్ను
నిర్భయిస్తుంది

నీ అక్షరం నిజమైతే నిఖిలమై నిలుస్తుంది
నీ అక్షరం నిజాయితి నిండు మనసులు గెలుస్తుంది
నీ అక్షరం ఆర్ద్రత వేయి గుండెలు తడుపుతుంది
నీ అక్షరం ఆవేశం ఆరిన ఆశయాలను వెలిగిస్తుంది

అందుకే
అక్షారాన్ని నమ్ము
నీ లోలోపల కుసుమించే పువ్వుని నమ్ము

*27-08-2012

కిరణ్ గాలి ||మృగ రాత్రి||

చీకటి చిరుతపులి చెట్లమించి దూకింది
కాలం కొండచిలువ నోరు తెరిచి కదిలింది

గాలి జాగిలాలు జోరుగా రొప్పాయి
కిటికి కీచురాళ్ళు ఆగి ఆగి అరిచాయి

గోడపైని గండుపిల్లి నీడపైకి దూకింది
భయంతోటి మిడత పిల్ల గుండె ఆగి చచ్చింది

ఊడల మర్రి తొర్రలోన ఉడత ఒకటి నవ్వింది
ఉరవతల స్మశానంలో పీనుగొకటి ఏడ్చింది

చెరువు పక్క గుంటనక్క ఊల పెట్టి పాడింది
నీటి లోని చేప పిల్ల గోల ఆపి చూసింది

కాలు జారి జింకపిల్ల మొసలి నోట చిక్కింది
బావి లోన కప్ప శవం బైటి కొచ్చి తేలింది

తోవ వెనుక చర్చిలోన గుబులు గంట కొట్టింది
తోట లోన గాలి వీచి పువ్వు ఒకటి రాలింది

జ్ఞాపకాల గుడ్లగూబ గుడ్లు మిటకరించింది
దేహపు గబ్బిలం చూరుకింద వణికింది

కోరికల తోడేళ్ళు గుంపులుగా కదిలాయి
కాళ రాత్రి కళ్ళల్లో కదలాడెను వింత నవ్వు

కిరణ్ గాలి ||ఎద తెగిన పావురాలు||

ఒక ఊహ గర్భస్థశిషువులా అండంలో ఉండగానే
ఉపిరాడని ఉల్కలా రాలి పోతుంది

ఒక మౌనం మాటగా పునర్జన్మించకుండానే
గుండె గోంతుక పూడుకొని సజీవ సమాధవుతుంది

ఒక మృదు స్పర్ష మునివేళ్ళ కోసలపై విచ్చుకోకుండానే
ముడుచుకొని ఎందుకనో ఎప్పుడూ వాడి పోతుంది

ఒక హృద్యమం ఉద్వేగసంభరిత ఉప్పెనయ్యే లోపె
అలల తలలు పగిలి కుప్ప కూలి పొతుంది

***

ఒక పరిచయం తనువంతా పరుచుకోకుండానే
కరచాలనాల పురిట్లోనె కన్ను మూస్తుంది

ఒక ప్రణయం పరిణయంగా తర్జుమా కాలేక
కాలగమనంలో తొనికి ఒలికిపోతుంది

ఒక అనుబంధం అవకాశవాదాల అసమ్మతిలో
అవిశ్వాస తీర్మానమై వీగిపోతుంది

***

ఒక అనుభవం అనుభూతిగా మారకుండానే
కనురెప్పల అంచుల నించి దూకి ఆత్మహత్యించుకుంటుంది

ఒక విశాద తంత్రి వినువీధిలో గానమవ్వకుండానే
తీగలు తెగిన తంబురా అవుతుంది

ఒక దుఖ నౌక ప్రతిసారీ తీరాన్ని చేరకుండానే
దేహపు తెరచాప తెగి తల్లకిందులుగా మునిగి పోతుంది

***

నా అక్షరాలు

విహంగాలై ఎడతెగని ప్రయాణంలో
స్వేచ్చని శ్వాసించె లోపె
ఎద తెగిన పావురాలై నెత్తురోడుతాయి
నేలకోరుగుతాయి

*21.8.2012

కిరణ్ గాలి || ఆకాశం ||

ఈ రోజు ఆకాశాన్ని చూసాను
అదే పనిగా తదేకంగా చూసాను

వంద చుక్కలు లెక్క గడదామని
మొదలు పెట్టిన వాడిని
రాలుతున్న తోక చుక్కలను చూసి
అమాంతంగా పట్టుకొవాలని
అంతులేని పరుగులెట్టాను

ఆ ఉరుకులో
ఎన్ని నడకలు నేర్చాను
ఎన్ని ఓటములు జయించాను
ఎన్ని తపస్సులు ఫలించాను

***

ఈ రోజు ఆకాశాన్ని చూసాను
అదే పనిగా తదేకంగా చూసాను

వెలుతురిని ఆర్పేసి
చీకటిని వెలిగించి చూసాను
శబ్ధాలను నిశ్శబ్దించి
అనంతాలను శొదించాను

సప్త ఋషులను కలిసాను
పాల పుంతలను ఈదాను
అంగారకుడిని కలిసాను
అరుంధతినీ చూసాను

***

ఈ రోజు ఆకాశాన్ని చూసాను
అదే పనిగా తదేకంగా చూసాను

అకాశమే జీవితమని
అనుభందాలే గ్రహాలని
అనుభూతులే నక్షత్రాలని
నేర్చుకున్నాను

కళ్ళు మూస్తే కనిపించేదంతా
శూన్యమని కనుగొన్నాను
కళ్ళు తెరిస్తే కనబడనిది కుడా
శ్రుష్టే అని తెలుసుకున్నాను

శాపవిముక్తిని పొందాను

***

మబ్బులు మౌనంగా దారి
విడిచాయి
చంద్రుడు చెంపల మీద రాల కుండానే
గుండెలోకి ఇంకిపొయాడు

 

*18.8.2012

కవిత్వంతో ఒక నిండైన కుటుంబాన్ని పొందాను - Kiran Gali

Kiran Gali

ఇన్నాళ్ళూ ....కవిత్వం రాసి, ఏం సాధించాను ఏం సాధించగలను అన్న ప్రశ్న పదే పదే వేదించేది. కాని ఈ రోజు రాలిపొయాయనుకున్న అక్షారాలన్నీ అప్యాయతలై తిరిగొచ్చి నన్ను అల్లుకున్నప్పుడు కవిత్వంతో ఒక నిండైన కుటుంబాన్ని పొందాననే ఒక అనిర్వచనమైన అనిభూతికి లోనయ్యాను

కిరణ్ గాలి || యువరానర్ ||

మి లార్డ్

అర్దనగ్న న్యాయదేవత
ఆఖరి అఛ్ఛాదనాన్ని తీసేసి
పలుకుబడి పక్కలొ దూరి
పచ్చిగా కులుకుతుంది
పతనానికి పరాకాష్ట లేదని
పక్కాగా రుజువయ్యింది

నల్ల గౌను, తెల్ల కోటు
ఎర్ర టోపి, గంజి ఖద్దరు
తక్కెటలో తీర్పుకి వెలకడుతున్నాయి
కోర్టులు వ్యభిచార గుహాలయ్యాయి

పచ్చ నోటు కనబడితె
న్యాయమిప్పుడు
పల్లికిలిస్తుంది
పెదవి కొరికి
పైట సవరిస్తుంది

***********************

అబ్జక్షన్ మి లార్డ్

నేరం నిర్లజ్జగా చేసె నైతిక హక్కుని
వ్యవస్తే మనకిచ్చింది
ఏ ఘొరం చేసినా శిక్ష పడని
స్వేచ్చను రాజకీయం తెచ్చింది

నిజానికిప్పుడు
అవిభాజ్య భారతావనిలో
వ్యాజ్యం వాణిజ్యమయ్యింది

అన్నీ మూసుకొని
నీతి
బల్లమీద కోతైనప్పుడు
ధర్మస్థానాలలో
న్యాయం స్థనాలతో
రమించినా
తప్పు లేదు

శిక్ష వున్నా, సాక్షం వుండదు
సాక్షమున్నా శిక్ష లేదు

(అబ్జక్షన్ సస్టైండ్)

***********************

కవీ,

ఈ దేశ న్యాయ వ్య(అ)వస్తని
చూసి విస్మయించకు
వివస్త్రని చేసినా సరె విమర్శించకు
కోర్టు దిక్కారణా నేరం అమలులో వుందని
విస్మరించకు

ప్రొసీడ్ ఫర్దర్

***********************

మిస్టర్ జస్టిస్

నింద పడ్డ నిజం తలదించుకొని
బోనులో నిలబడింది
బరితెగించిన అబద్దం
బల్ల గుద్ది మరీ వాదిస్తుంది
అసత్యమే సత్యమై ప్రతిధ్వనిస్తుంది

కోర్టు కోర్టుకి
న్యాయం నిర్వచనం మారుతుంది
నీతికి మూలశంకమై ముక్కుతుంది
అవినీతికి విరొచనమై అసహ్యాం కారుతుంది

***********************

అబ్జక్షన్ మి లార్డ్

నిజనిర్ధారణకాని నిందితులు
నిరీక్షించే బాధితులెందరుంటెనేం
వంద దోషులు తప్పించుకునెలా
ఒక్క నిర్దొషినీ పట్టకోండని
మన రాజ్యాంగమె చెప్పింది

ఆర్ధికనేరాలకేగాని
ఆకలి తప్పుకు ఇమ్మ్యూనిటీ లేదని
స్వరాజ్యం తేల్చి చూపింది

చుట్టాలకెగా చట్టంలో సవరణలు
తదనుగునంగ వివరణలు
పదవి విరమణలు
ఎఫైయార్ రాసెలోగ
బైల్ మంజురయ్యె
ముందొస్తు బందొబస్తులు

(అబ్జక్షన్ సస్టైండ్)

***********************
కవీ,

వ్యర్ధ వాదాలతొ
విలువైన పాఠకుల కాలాన్ని
వృధా చెయ్యకు

ప్లీజ్ కం టు ద పాయింట్
క్విక్లి

***********************
యువరానర్

కన్న కూతురి శీలాన్ని కాపాడక పోగా
పడుపు వృత్తిలోకి దింపిన
ఈ దేశాన్ని ఉరితీయండి

ఉరంటె అలాంటిలాంటి ఉరికాదు

ఊపిరాడక ఉక్కిరిబిక్కిరై, ఉపిరితిత్తులు బద్దలయ్యెదాక
మెడ ఎముక విరిగి, మెదడు చిట్లె దాక
కనుగుడ్లు ఉబ్బి పగిలి, నాలుక బయట పడెదాక
కాళ్ళు గిలగిలా కొట్టుకొని కళేబరం అయ్యెదాక
ఉరితీయండి

దయచేసి
నిజాన్ని నిజంగా రక్షించండి

ప్లీజ్ యువరానర్
నా కన్నిళ్ళని చిలికి చిలికి
కవిత్వంగా
కాగితం మీదకు ఒలికించి
మరీ వేడుకుంటున్నాను

దేశాన్ని ఉరితీయండి
దాని శవంపై బట్టతొ
న్యాయం మానాన్ని కాపాడండి

***********************

ఆర్డర్ ఆర్డర్, వెర్డిక్ట్ మర్డర్
ధర్మాసనం శిర్షాసనం వేసింది

కేసు పుర్వాపరాలూ పరిశీలించిన పిమ్మట
SexSin 101, 420, 786 ల కింద

విక్టింస్ ఆర్ కన్విక్టెడ్, క్రిమినల్స్ అక్విటెడ్
లెట్ ట్రూత్ బి బూరిడ్ & జుస్టిస్ డేడ్

***********************

కవిగాడి మీద

సెడిషన్ చార్జెస్ ఫైల్ చెయ్యండి
ఎముకల్లొ సున్నంలేకుండ కొట్టండి
మళ్ళి న్యాయం ధర్మం అని అరవకుండా
వాడి కలంతోనె వాడి కంఠనరాలు తెంపండి

సత్యం వధ
ధర్మం చెర
సర్వే జనా సుఖినొభవంతు

కేస్ డిస్మిస్.

*12-08-2012

కిరణ్ గాలి ||నీలి చిత్రం||

వాడు అద్బుతమైన నీలి చిత్రాలను
అత్యంత రసవత్తరంగ తీస్తాడు


వాటిని సరాసరి మీ నట్టింట్లొకి
కేబుల్ చేస్తాడు

మీరు మీ గది నాలుగు గోడల మధ్య
సకుటుంబ సపరివార సమెతంగా
వాటిని ఆస్వాదించే సౌలభ్యం కలిగిస్తాడు

..............

వాడు అసమాన ప్రతిభాశాలి

మానవత్వం గుడ్డలూడి
నగ్నంగ నడిచినప్పుడల్ల
వాడు దాన్ని అతి లాఘవంగ దృశ్యీకరిస్తాడు

ఆకలి అవసరంతొనో,
అవసరం అవకాశంతొనో
అవకాశం అధికారంతొనో,
అధికారం అధిష్టాన
శీష్నంతోనో,
రమించినప్పుడల్ల దాని ఆనవాలు పట్టెస్తాడు
దాని గుట్టూ మీముందు విప్పేస్తాడు

..............

వాడు అనితర సాధ్యుడు

దుఃఖాన్ని, భయాన్ని, బాధని,
చీకటిని, మ్రుత్యువుని
ప్రత్యక్ష ప్రసారం చేస్తాడు

దేశంలో ఆశనిరాశల సంభొగ శ్వాసను
అనునిత్యం మీకు వినిపిస్తాడు

అసహాయత అంగాంగాన్ని
ఆధిపత్యం చెరచడం
అతిదగ్గరగ చూపిస్తాడు

.............

వాడు ఆధునిక ధురంధురుడు

సూయిసైడుని లైవ్ చేసి
మరణాన్ని మీకు పరిచయిస్తాడు

Rape లపై రివ్యు అంటు
కారణాలు సమీకరిస్తాడు
తప్పొప్పులు సమిక్షిస్తాడు

మన సంస్క్రుతి మట్టి గడ్డ అంటు
మాబ్ ని ప్రొవొక్ చేస్తాడు
మొలెష్టేషన్ చిత్రిస్తాడు

.......

వాడొక అమొఘమైన దృష్టికోణం

స్వాపింగ్, ఫెటిష్, ఇన్సెస్ట్ లాంటి
కొరుకుడు పడని పదాలను మనకు విశిధికరిస్తాడు
ఇంక రాయలేని వాటినెన్నిటినో
విశ్లేషిస్తాడు

చీకటి అంచుల ఎరుపును
వెలుతురు పెదాలకు పూస్తాడు
వేశ్యను చేస్తాడు
వేడుక చూస్తాడు

మిమ్మల్ని ఊరిస్తాడు
ఊగిస్తాడు
శాసిస్తాడు

.............

అమ్ముడవుతుందంటె అమ్మనైన
అంగట్లొ పెట్టె
కాపిటలిష్టుల కొవర్టు వాడు

వాడి ఫొకస్ TRP
వాడి టార్గెట్ Rupee

టికెట్టు లేని బ్లూ ఫిల్మిది
ఆత్మలను తాకట్టు పెట్టకుండానె అందరం చూడొచ్చు

------------------------------------------------------------

Dear Viewer

శుభొదయంలో
మతాచారుల సూక్తిముక్తావలి పిదప
సన్ని లియొన్ ఫిట్నెస్ ష్కెడ్యుల్ని
బిపాష బసు బ్రేక్ఫాస్ట్ మెనుని
మరెన్నొ ఉదయపు ఉల్లాసలను
నమ్ముకున్న భక్తులకు
ఎటువంటి కమర్షియల్ ఆటంకాలు లేకుండా అందిస్తాము

అపరాహ్నం
"ఆమెకు ఆమె శతృవు"
రీటెలికాస్ట్ చేస్తున్నాము
తల్లి కుతురు మధ్య అందం ఎలా
అగాధమవుతుందొ
ఎవరి బాయ్ ఫ్రెండ్ని ఎలా కాపాడుకొవాలొ
జాగ్రత్తలు నేర్పుతాము
దయ చేసి ఇద్దరు కలిసి మాత్రం చూడకండని సూచన

మీ ఆయన, పిల్లలు
ఇంట్లొ లేని సమయంచూసి
Gigilo లపై
చిన్న స్నిప్పెట్ స్లిప్ చేసాము
సావకాశంగ చూసి
మిమ్మల్ని మీరు అప్డేట్ చేసుకొండి

సాయంత్రం "సౌందర్య లహరి" లో
అనుష్క నడుము మడతను
ప్రియమని పెదవి ముడతను
నమిత చాతి కొలతను
ఇంట్లోనె కూర్చొని ఎలా సంపాదించచచ్చొ
సవివరంగ విజ్యూల్స్ తొ సహ చూపిస్తాం
మీ ఆవిడ చానల్ మార్చమనదని
మాదీ గ్యారంటి

రాత్రి "పాశ్యత్త సంస్కృతి పెడ పొకడలు" అనే శిర్షికతొ
అర్ధనగ్న దేహాలను అరగంట పాటు చూపిస్తాము
అవసరం లేక పొయినా అప్పుడప్పుడు బ్లర్ చేస్తు
లేనిది వున్నట్టు కనికట్టు చేస్తాము...
మీలొ నిద్రానంగా వున్న దేన్నొ ఉద్రెక పరుస్తాము

ఇంకా
"గవర్నర్ గారి గరం గరం శృంగారం" స్టింగ్ ఆపరెషన్
Open Heart విత్ తారా చౌరి
వాన పాటలు
కత్తి పోటులు
వగైర
వగైర
వయాగరాలు

..............

24/7 , 365 days
సదా మీ సేవలో
మీలొ పలురకాల
పెర్వెర్షన్సుకి
ప్రాంట్ సొల్యుషన్ తొ
రోజంతా మల్టిపుల్ ఏజాకులషన్స్

...........

Breaking News మిస్ అయ్యావని
Speacial Episode స్లిప్ అయ్యిందని
Popular program పవెర్ కట్లొ పొయిందని
Retelecastకి రీచ్ కాలెకపొయావని
బాధ పడొద్దు

YouTube లో లింకుంది

*09-08-2012

కిరణ్ గాలి॥మరో ప్రస్థానం॥

మనసుకు పట్టిన
సాలె గూడు ఛేదించూకొని
మరో శ్రీ శ్రీ లా

మళ్లీ రా

ఇక నీ కలం

ఒక ఖడ్గమై
పదాల పదాతి దళాల్ని
కవితా కదనరంగంలో
కవాతు చేయించాలి
అక్షరాలతో అవిరామరమైన
అశ్వమేధం జరిపించాలి

ఒక పాంచజన్యమై
దిక్కులు పిక్కటిల్లెలా
మరొక్క సారి
సామ్యవాద శంకారావాన్ని
దద్దరించాలి

దాని "సమానతా" ప్రకంపణలు
సుశప్తావస్తలొవున్న
భావ సారూప్య హృదయాలలో
ఆత్మశొదన అనుకంపణలు
సృష్టించి జాగృతం చెయ్యాలి

ఒక సమాజ గళమై
సామాన్యుడి స్వరాన్ని
ఈ కాంక్రీటు కీకారణ్యం లో
అసమర్ధ ప్రభుత్వాల
కర్ణ భేరీలు వ్రయ్యలయ్యేలా
ప్రతిధ్వనించాలి

గురి పెట్టిన గాండీవంలా
అంతరంగపు అంబుల
పొదిలోని ఆలోచనాస్త్రాలను
విప్లవపు వింటిపై
ఆశయాలుగా సంధించి
అభ్యుధయ బ్రహ్మాస్త్రాలుగా మార్చాలి

మాటల అంకుశమై
నిరసించిన
నిస్సత్తు వ నిండిన
నిర్జీవ, నిర్ 'లక్ష్య'
అస్థిత్వ లోపిత
బాధ్యతా రహిత
వ్యక్తిత్వ దిగంబర

దిశా హీన యువతరాన్ని
మావటిలా
గుచ్చి గుచ్చి
నవ చైతన్యం వైపు
నడిపించాలి

గాండ్రించే బెబ్బులై
వెలలేని
"స్వ" భాష
వలువలు విడిచి
ఆంగ్ల ఉచ్చారణల
అచ్ఛాదనల వెనుక
నక్కిన నిజ నగ్న శరీరాలను
వెంటాడి వేటాడీ ఛిద్రమ్ చెయ్యాలి

భావ రాహిత్యంతో
భాషా విహీనతతో
శిల్ప,శబ్ధ
శైలి శూన్యతతో
బీల్ళు వాడి, బీటలు పడి
నిస్సారమైన
సమకాలీన సాహిత్య
క్షామ ధాత్రిని

ఇక నీ కలం

చలం హలం లా
పెకిలించి
కృష్ణ శాస్త్రి భాష్ప జలంతో
తడిపి
శ్రీ శ్రీ రక్త భీజా లను నాటి
హరిత "తిలకా"న్ని
దిద్ది స-ఫలం చేయాలి

పరిణితి పరిపక్వతల
పంట చెల్లుగా పచ్చిక బయల్లుగా
మార్చాలి

...........

ఇక నీ కలం

పట్టాలపై పొగ బండిలా
ధడ ధడ లాడాలి
ఒక సుధీర్గ సాహితీ
ప్రయాణానికి సిద్దం కావాలి

జన జాగృతి గీతంలా
గణ గణ లాడాలి
కర్షక, కార్మిక, శ్రమైక
శక్తులన్నిటిని సంఘటితం చెయ్యాలి

కొలిమి లోంచి ఎగిరి పడిన నిప్పు కనికలా
కణ కణ లాడాలి
సమస్త సమాజ అసమానతలను
దావానలమై దగ్ధం చెయ్యాలి

తలారి చేతిలో మెరిసే గండ్ర గొడ్డలిలా
తళ తళ లాడాలి
నీ ఆశయ సాధనకు అడ్డొచ్చే ప్రతి
అవాంతరాన్ని అడ్డంగా తెగ నరకాలి

ఇక నీ కలం
కాష్టంలో కాలే కపాలంలా
కఠెల్ కఠెల్ మనాలి
నీ చేతి వ్రాతల
చితి జ్వాల లతో
సగం చచ్చిన
సగటు మనిషిని
ఆవాహనం చేసి
అగ్ని పునీతం చెయ్యాలి
పునర్జన్మ నివ్వాలి

*06-08-2012

కిరణ్ గాలి॥A ఫర్ Apple॥

కాశ్మిరీ కన్నెపిల్ల బుగ్గల్లా మెరుస్తుంటే
కసుక్కున కొరికితిన్నాడు వాడు
తీపి మనసంతా పరుచుకుంది

హాయి వొళ్ళంతా నిమురుకుంది

(....)

భుమి పైని ఆకర్షణ Newton కి
Eve లోని ఆకర్షణ Adam కి
తెలిసింది ఆపిల్ తొనేనట!!!
అందుకనే అతడిపై ఆకర్షణ కలిగించే
ఆ"పిల్"ని ఆమె కొసం కొన్నాడట

(...)

పసిపిల్లాడికెం తెలుసు
దాని విలువ మన దేశపు దారిద్య రేఖ
దాటిందని
పేదరికం ఆకలి కవల పిల్లలని
ఇంకా ఆశగానె చుస్తున్నాడు దాని వంక
అటుగవెల్తు ఆగిన ఒక మానవత్వం...

(...)

నిన్న రాత్రి దళితపేట దుర్మార్గంలొ
కులంకత్తికి తెగి పడిన శిశువుల అశువులు

పాలిట్బ్యురో మీటింగ్ టేబులుపై
నెత్తురోడుతున్న గుండెకాయల్లా

వాటిపై ఇంకా తడారని
కన్నపేగు అశౄవులను
చూసి ఎరుపెక్కిన వాడి కళ్ళు

(...)

ఎండిన బొడ్డుపై
కుళ్ళిన ఆపిల్ పండు
తెరపై క్లొజప్లో
చొంగ కారుస్తు
చూస్తున్నాడు ప్రేక్షకుడు

(...)

మరణం అనివార్యమని తెలిసినా
తుది శ్వాసవరకు
మానవాళి జీవ(న)నాడితొ ముడిపడిన
అనేకనేక
సాంకేతిక సౌలభ్యాలందించిన
యోధుడి విజయ చిహ్నమది

(...)

పచ్చటి దే(శ)హంలో
చొచ్చిన రక్కసి పురుగులు
ముంబైలొ, పునెలో,
డిల్లిలో, గల్లిలో
తెగిన అంగాలు
కాలిన అవయవాలు
నుజ్జయిన ఆయువులు
గుజ్జయిన ఆత్మియులు

(...)

అక్కడ తుఫాను వెలిసిన ప్రశాంతత
వైతరణి తీరం నుండి వెనక్కి వచ్చాడు మరి
అవిడ చేతిలొ ప్రేమగ నిమరబడుతు
యుధ్ధభుమిలొ శ్వేతకపొతాలు

(...)

ఆపిలుపై నవరసాలను
పండించడమా...
నిజంగ సాదించగలిగితే

(...)

 

*4.8.2012

కిరణ్ గాలి || అగణిత ముక్తావళి ||

Hypothesis
Love is abstract, there is nothing absolute about it.
It is relative, situational and subject to conditions***.

Theorem
Life is full of variables and constraints.
Hence love can be instant but it will never be constant.
Any thing which has a basis in "irrational" (feelings) can neither be "real" nor "whole".

ప్రేమ, తర్కం రెండు సమాంతర రేఖలు

..............

ప్రేమనే ఈక్వేశన్ని సాల్వ్ చేసి
ఎక్స్ వాల్యు మరేదొ కాదు
సెక్స్ అని తెలిసి నివ్వెరపోకండి

...........

జీవిత వృత్తానికి
డబ్బే కేంద్ర బిందువు

........

అనుభందాలను అహం భాగించినప్పుడు
మిగిలే శేషమ్
క్లేశమే

...........

కీర్తి కాంత కనకం
త్రికొణాల మద్య సమాజం వ్యాకొచించింది

...........

అవకాశాలెప్పుడు అనుకోని పెర్ముటేషన్, కాంబినేషన్లలోనె వస్తాయి
అది తెలిసినవా(నా)డు
నిరాశ ఆఖరి శ్వాసనించి దాన్ని శ్రుష్టించగలడు

.............

గెలుపెప్పుడు ఓటమి తర్వాతే వస్తుంది
हार जीत / Failure Success
నిఘంటువులలొనె కాదు... జీవితంలో కూడా

నువ్వు ఎన్ని ఓటములని అధిగమించి
నిలువుస్తావొ నీ గెలుపుకంత విలువ వస్తుంది
సున్నాల ముందు ఒకటికిలాగ

...........

Birth is a probability
Life is a certainty
Death is an eventuality
Life after death is our creativity

............

జీవిత గణితం

ప్రేమ అనంతము అపరిమితము
Love= Infinity (I)

నిజాయితికి విలువ లేదు
Honesty=0

నువ్వు ఒక్కడివే
i=1

నీనించి నిజాయితీని తీసేసినా పర్వాలేదు నువ్వు చచ్చిపోవు
1-0=1

ప్రేమకు నిజాయితితొ పనిలేదు. దాన్ని కలిపినా కలపకున్నా నష్టం లేదు
I+0 or I-0 = I

నీలొంచి "నేను" అనే ఈగొ ఫీలిన్గ్స్ తీసేస్తే నిజాయితీగా వుండగలవు
1-1=0
Also నిన్ను నువ్వు దురం చేసుకొకు. నువ్వంటు వుండవు.ఇది నిజమ్

నిన్ను నువ్వు భాగించినా, గుణించినా, తల్లకిందులుగ తపస్సు చేసినా నువ్వు గానె వుంటావు
1*1 or 1/1=1

నిజాయితీని నువ్వు భాగించినా, ప్రేమ భాగించినా మిగిలేది నిజాయితీనే. నిజాయితి నిఖార్సైనది.
0/I or 0/1=0

ప్రేమ లొంచి ప్రేమను తీసెస్తే...

I-I = -I or I or 0
ద్వేషం, ప్రేమ , నిజాయితి

నిజయితిగా ప్రేమను గుణించినా(multiply) భాగించినా(share)అనిర్వచనమైన అనుభూతిని పొందగలవు
I*0 & I/0 = Undefined

కిరణ్ గాలి || అవ్యక్తం ||

కవిత రాసి రొండెళ్ళు దాటింది
గుండె అడుగున లావాల అది గడ్డకట్టింది
ఎదైన చేసి దాన్ని బయటకు లాగాలి
ఇప్పుడిహ నార్మల్ డెలివెరి కుదరదు
సిజెరీయన్ చెయ్యలి

స్వార్దమను దుర్మార్గమను
పెద్ద ప్రాణం దక్కాలంటె
మ్రుత శిశువుని బయటకు లాగాల్సిందె
ముక్కలుగ అయినా కవితను వెలుపలికి ఈడ్చాల్సిందె

...ఇప్పుడు

అక్షరాలు ఆప్యాయంగా పలకరించటం లేదు
అసహ్యించుకుంటున్నాయి వాటిని అనాధలని చేసినందుకు
భావాలు నగ్నంగా నా ముందుకు రావటానికి సంకొచిస్తున్నాయి
బహుశ మా మధ్య తెలియని అగాధమేదో ఏర్పడింది

కాగితం కళ్ళలోకి నేరుగా చూడలేకపొతున్నాను...

తనతో గడిపిన ఎకాంత క్షణాలని
తన కౌగిట్లొ హత్తుకొని నన్ను లాలించిన ప్రేమని
నా అవేశాలను, కన్నీళ్ళను, ఓటములను
దేన్ని కాదనకుండ తనలొ ఇముడ్చుకున్న వైనాన్ని
అన్నిటిని వదులుకొని వెల్లిపొయాను చూడు...

నాకు తెలుసు నన్ను చుసి
ఇప్పుడు తన పెదాలు అదురుతున్నాయని
దుఖం పన్టికింద బిగపెట్టిందని
నా స్పర్శ తగిలితె తను భొరున ఎడ్చెస్తుందని

కాని మలినమైన నా ఈ వేల్లతొ
తనను మునపటిలా తాక గలనా?
స్వఛ్ఛమైన తన దేహాన్ని
నా కల్తి రాతలు బహిరంగంగ చెరచవా?
ఇక నేను రాసెదంతా ఒక రకంగా అశ్లీలమెనేమో

సందేహం లేదు
నాలో పల్చటి పొర ఏదో తెగిపొయింది
పవిత్రమైనది ఏది నేనిక స్రుశ్టించలేను

*25.7.2012

కిరణ్ గాలి॥పాంచాలి పంచభర్తౄక॥

లవ్ @ ఫస్ట్ సైట్
ఇల్లాజికల్,ఇమ్మేచూర్ అన్డ్
infatuation అంటారు

instant ప్రేమలు
కాంస్టాంట్ కావనీ అంటారు

లోకం సంగతి తెలియదు కాని
నా వరకు నేను
నిన్ను తొలి చూపులోనె ప్రేమించాను
అదీ నిజాయితీగా...

తొలి పరిచయమ్ లో
నీ పెదాలు కదల లేదు
నాకు మాట పెగల్లేదు
నిరుద్యోగం నాకు మరణ దండన
విధించినట్టనిపించింది

నా కాల్ల మీద నిలబడె వరకు
మళ్ళి నీ కంట బడలేదు నేను

.....

మొదటి సారి
మనం కలిసి బయటకి వెల్లిన రోజు
కొన్ని వందల దిష్టి కళ్ళు ...

నా తనువుకు
నీ స్పర్శ తెలిసినప్పుడు...
నరనరాల్లో ప్రవహించిన విజయగర్వం

అది మొదలు
నేను నిన్ను
ఎంత గాఢంగ ప్రేమించానంటే
నువ్వు లేని నిమిశాన
నన్ను నేను బహిశ్కరించెంతగా

నువు నాలొ ఎంత మమేకం అయ్యావంటే
నిద్దర్లొ కుడా నీ ఉనికిని తడుముకునేంతగ
మెలకువలో స్వప్నం లా
పిలవకున్నా పలకరించినట్టుగా

నీ మాటలు నన్ను ఉక్కిరి బిక్కిరి చేసేవి
నీ మౌనం నా ఊపిరి తీసేది

నీ ప్రేమలొ పడ్డ నాకు
ఆకలిని అలసటనే కాదు
కాలాన్ని, దూరాన్ని
శొకాన్ని, శూన్యాన్ని చివరకు లొకాన్నే
జయించగలనన్న ధిమా వచ్చేది

కాని ఆ రోజు నాకింకా గుర్తు....

వంద మైల్ల వేగంతొ
నువ్వు, నేను, నా బైకు వెల్తున్నప్పుడు
నీ పెదాల చల్లదనం
నా చెంపలను గిలిగింతలు పెడుతున్నప్పుడు
మైమర్చి నేను ఒక్క క్షణం...

ఒకే ఒక్క క్షణం...

పట్టుతప్పినప్పుడు..

లోకం చీకటయ్యింది
జీవితం అవిటిదయ్యింది

........

నీ గాయాలు
మానకముందే
నా జ్ఞాపకాలు చెరిపేసుకున్నావు
నీ మనసు మార్చేసు కున్నావు
బహుశ ఇప్పుడంతా కొత్త పరిచయాలు
కొత్త కేరింతలు...

ఇప్పుడు నీలా ఎవరు నవ్వినా
నాకు సమ్మెట పోటులా వుంది

...

పాంచాలి పంచ భర్తౄక***
ఏమే ఏమేమే నీ ఉన్నత్త వికటాట్టహాసము
ఎంత మరువయత్నించినను మరపునకు రాక
హ్రుదయ శరిరాయ మానములైన
నీ రింగుటోనులే..
నా కర్ణపటములు వ్రయ్యలు చేయుచున్నవే

(మోబైల్ ఫొన్ మత్తులో వున్న యువతను చుసి...మోబైల్ని అమ్మయిగా ఊహించి రాసిన కవిత )

(***ప్రభుత్వమ్, టెలికామ్, సర్విస్ ప్రొవైడెర్, హార్డువేరు, సాఫ్టువేరు మానుఫాక్చురర్స్)

*23.7.2012

కిరణ్ గాలి॥గీతొపదేశం॥

ఎన్ని గీతలు గీస్తావు
గిరి గీసుకొని వుంటావు
గీతకు అటుపక్క వారంతా అస్మదీయులు అంటరాని వాళ్ళు...
ఇటుపక్క వారంతా త.స.మ.దీయులు తప్పులేని వారు కారు

నీ కులము, మతము, జాతి, వర్గము, ప్రాంతము
నిశ్చయంగా నీ మూలాలకి ఆనవాల్లె
నిస్సందేహంగ నీ అస్తిత్వ నిర్మాణంలో పునాది రాళ్ళే
కానీ అవే నీ వ్యక్తిత్వానికి గీటురాళ్లు కావు
నీ సామర్ధ్యానికి కొలమానాలు కాలేవు

కళ్ళు ముక్కు కాళ్ళు చేతులు వ్రుషనాలు పేర్చితే
కళేబరవమవుతుంది కానీ శరీరం కాదు
అండంలొ పిండంగా వున్నప్పుడే
ఆపాదించబడ్డ ఆకస్మిత కాకతాళీయ
సామాజిక తొలు ముద్రలివి
వీటిలో నీ గొప్పేమి లేదు
వీటికంటు స్వతహాగ తప్పొప్పులు లేవు

స్వజాతిపై ప్రేమ సమంజసమే
స్వధర్మే నిధనం శ్రేయః శాస్త్రమే
"స్వ" అర్దం సమ్మతమే

కాని దాన్నె సాగ దీసి
పర దూశనగా ద్వేశనగా మారిస్తే
సంస్కారం అనిపించుకోదు
స్వాభిమానం అంతకన్నా కాదు
పచ్చిగా చెప్పాలంటే
స్వలింగ సంపర్కం అవుతుంది

నీదని పట్టు బట్టావా
నిజమని కట్టు బడ్డావా
నిజయితీగ నిన్ను నువ్వు ప్రశ్నించుకో

తొడ గొట్టి , మీసం మెలెసి
జబ్బ చరిచి, రొమ్ము విరిచి
రంకేలేసే ముందు

"నిస్వార్దం"గానా "నీదనె స్వార్దం"తొనా
నువ్వు వాటికొసం నిలబడెది కలబడెది
అన్నది ఒక్కసారి ఆత్మ విమర్శ చేసుకో

సరిహద్దులు కుంచించుకు పొయినా
హ్రుదయ మైదనాలు విస్తరించాలి
సిద్దంతాలు సంఘర్శించినప్పుడే
స్థితప్రఙ్నత ప్రదర్శించు

లేదంటె గీత.. గీత లోపల గీత
ఇలా గీసుకుంటు పోతు
గోరిలో అఘొరిలా అవుతావు

*21.7.2012