Ramabrahmam Varanasi కవిత

భేద నీతి వారణాసి రామబ్రహ్మం 18-2-2014 1905 మత ప్రాతిపదికన కర్జను బెంగాలును విభజింప పూన గర్జించాము నరసింహాలమై తిలక్ అరబిందో మొదలగు వారి నాయకత్వమున హిండులవులము ముస్లిములము అందరు భారతీయులము తోక ముడిచినది తెల్ల ప్రభుత్వము 1947 అఖండ భారతదేశమును అటులనే విడచుటకు మనస్కరించక తెల్లదొరలు వేసిన ఎత్తుకు చిత్తై తెల్లమొహాలేసిన నాయకులు ఒప్పుకొనిరి మతప్రాతిపదికన దేశ విభజనకు; ఉన్మాదము ఊపిరిగా ఊచకోత చేయూతగా నరమేధ నరమేధం నవ్యవాదముగ కట్టించితిమి నెత్తుటి కాల్వల ఎర్రబరిచితిమి అన్ని నదుల నాయకత్వ లోపం మనలోని ప్రకోపం కల్లిగించెను దారుణ శోకం 1990 ఇంతటి గాయం మాను పట్టక ముందే బీటలు తీసిరి మన మనసుల కులములు మతములు భాషలు ప్రాంతములు గునపములుగ పదవీ వ్యామోహమున మన నల్లదొరలు; మన స్వార్థ నాయకుల కుల, మత, భాషా, ప్రాంతీయ భేద నీతికి వశులమై మనము ఆడుచున్నాము కీలుబొమ్మలమై మరచితిమి ఐక్యత శాంతి సమత సుఖము సఖ్యత ప్రతి ఊరు ఖండ ఖండములైనది ప్రతి హృదయం ముక్క ముక్కలైనది 2014 ప్రతి రాష్ట్రము సంకుచిత నాయకుల కుటిల భేద నీతికి అల్లల్లాడుచున్నది అయోమయ విభజనలకు ఆలవాలమగుచున్నది ప్రతి క్షణము భయభ్రాంతులమగుచు తీసికొనుచున్నాము ప్రాణ మానముల పశు ఆవేశముల; అందరూ శత్రువులే ఏది మనది? ఏది పరాయిది? తెలియక; స్వదేశం లోనే విదేశీయులమగుచున్నాము ఇంతలో ఎంత మార్

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1gzCy5m

Posted by Katta

Ramabrahmam Varanasi కవిత

బ్రాహ్మణులు - బ్రాహ్మణ మతము వారణాసి రామబ్రహ్మం 18-2-2014 భారత దేశంలో ప్రస్తుతమున్న అన్ని కష్టములకు, కలవరములకు, విచక్షణలకు బ్రాహ్మణులను, బ్రాహ్మణ మతాన్ని నిందించడము ఒక పరిపాటి అయిపోయింది. ఇందులోని నిజానిజములు తర్కించవలసినవి. ఎవరికీ ఆ ఓపిక లేదు; అంతటి మానసిక స్తోమత, బుద్ధికుశలత్వము గుండుసున్న. అయినా తెల్లారింది మొదలు ప్రొద్దుగూకె వరకు బ్రాహ్మణులను బ్రాహ్మణ మతాన్ని తిడుతూ, భారత దేశపు అన్ని క్రూరత్వాలకు, కఠినత్వాలకు బ్రాహ్మణులనే బాధ్యులను చేసి వారిని అనరాని మాటలు అనడము, వారి పట్ల అనాగరికముగా ప్రవర్తించడము దక్షణాదిన ఒక వ్యతిర్రెక ఉద్యమము మొదలై ఓట్ల బంకలా తయారై , వ్యాపారములా నడుస్తోంది. ఉత్తరాదికీ అది పాకింది. భారత దేశములో ఎప్పుడూ engineering and technology బ్రాహ్మణుల చేతిలో లేవు. ఇవి రకరకాల కులముల వారికి అప్పగించబడ్డాయి. ఒక కులము ఒక సాంకేతిక జ్ఞానానికి ప్రతీక. ఒక్కొక్కళ్ళది ఒక్కొక్క Profession. ఎవరు అప్పగించారు? ఎవరు ఇవన్నీ నిర్దేశించారు? అందరూ కలిసి నిర్ణయించుకున్నారా? ఎవరికీ ఏమీ తెలియదు. బ్రాహ్మణులని మాత్రము అన్ని అనర్ధాలకు బాధ్యులను చేయడము ఓక మేధావితనముగా విరాజిల్లుతోంది. Engineering and technology అప్పుడు, ఇప్పుడు, ఎప్పుడు జీవికకు, ధనము సంపాదించి బ్రతుకు నడుపుకోవదానికి వీలు కలిగిస్తుంది. అలా జీవికకు ధనము తెచ్చే Engineering and technology బ్రాహ్మణుల చేతిలో లేనప్పుడు బ్రాహ్మణులు మిగతా వారిని ఎలా నిలువరించారు? ఎలా దోచుకున్నారు? What Brahmins deprived others of? And there were no government jobs till the British started ruling. బ్రాహ్మణులు భారతజాతికి చేసిన ఉపకారాన్ని స్మరించే వాళ్ళే లేరు. ఆధ్యాత్మిక జ్ఞానము, లలిత కళలు, వైద్యము, గణితము, సాహిత్యము, ఒక రమ్యమైన సృష్టి; ప్రపంచమంతా ఈ సృష్టికి ముగ్ధయై భారతదేశాన్ని మెచ్చుకుంటూంటే, కుహనా మేధావులు మాత్రము బ్రాహ్మణులను, బ్రాహ్మణ మతాన్ని మన అన్ని ఇక్కట్లకు బాధ్యులని చేసి నిరసిస్తున్నారు; అనాగరిక భాషలో నిందిస్తున్నారు. అలా నిందించడము ఒక సరదా (fashion) అయింది. ప్రపంచములో మరెక్కడా బ్రాహ్మణ మతము లేదు. కాని అక్కడా భారత దేశములో ఉన్న అన్ని కష్టములు, కలవరములు, విచక్షణలు ఉన్నాయి. అన్ని రకాల అనర్దాలు అక్కడా చోటు చేసికుంటున్నాయి. అక్కడి అనర్ధాలకు ఎవరు కారణము? సంస్కృతీ, సంప్రదాయము ఏ సంఘములోనైనా మార్పుకి లోనవుతాయి. ఇది అన్ని సంఘాలకు, దేశాలకు వర్తిస్తుంది. దీన్ని అందరు "మేధావులు" గమనిస్తే సరియైన దోవని నడిచి ప్రస్తుత ఇబ్బందులని అధిగమించవచ్చు. లేనిచో బ్రాహ్మణులను, బ్రాహ్మణ మతాన్ని అన్ని అనర్ధాలకు బాధ్యులని చేస్తూ, "మేధావులుగా" చెలామణీ ఆవుతూ, అసలు అందర్నీ బాధిస్తున్న సమస్యలను అలాగే ఉంచేసి, వదిలేసి, రోగము ఒకటి అయితే మందు మరొకటి వేసి సంఘ అనారోగ్యాన్ని పెంచుతూ డాక్టర్లని తప్పు పడుతూ, నిందిస్తూ సంఘాన్ని, దేశాన్ని తప్పుదారి పట్టిస్తూ ఎన్నడూ రోగనివారణ జరగకుండా ఆపేస్తూనూ ఉండవచ్చు. ఒక వర్గమే అన్ని అనర్ధాలకు కారణము అనే అబద్ధపు ప్రచారము, ప్రకటనలు ఆగిపోతే వర్గభెదము లేకుండా మనందర్నీ ఇబ్బంది పెడుతున్న మిగతా ముఖ్య అంశాలపై దృష్టి సారించవచ్చు. We also can find solutions and implement them. మనందరికీ తాగడానికి మంచి నీరు లోటుగా ఉంది. పాలన దరిద్రముగా ఉంది. విద్యుత్ శక్తి లోటు, ఇతర అవసరాలు, చదువు, వైద్యము అందటము లెదు. ఎంతో ఖరీదు అయిపోయాయి. ద్రవ్యోల్బణము, ధరల ఉత్తర దిశా గమనము, పాలనలో, వ్యాపారములలో, పరిశ్రమలను నడపడములో, ఉద్యొగస్థులలొ, నాయకులలో, corporate bigwigs లో అవినీతి; మనందర్నీ సమానముగా పట్టి పీడిస్తున్నాయి. వీటికి అన్నిటికీ ఎవరు కారణము? బ్రాహ్మణులు, బ్రాహ్మణ మతము కాదు కదా!! నిదురలోంచి మేలుకుని పూర్తి మెలకువలో దేశాన్ని, సంఘాన్ని సరియైన మార్గములో పెట్టుకోవడము మనందరి కర్తవ్యము. బ్రాహ్మణులను, బ్రాహ్మణ మతాన్ని నిందించుకుంటూ పోవడము "మేధావితనము" అవుతుందేమో తప్ప మనకష్టాలకు, జీవితములోని వడి దుడుకులకు పరిష్కారము మాత్రము కాదు. Let wisdom dawn on us.

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1jylEnA

Posted by Katta

Ramabrahmam Varanasi కవిత

గోవింద మాల వారణాసి రామబ్రహ్మం 17-2-2014 వికసించిన కమలములు నిండు సరసికి శాంతి నిండిన మానవులు నిండు అవనికి క్రాంతదర్శులైన జ్ఞానులు నిండు లోకమునకు శాంతి నిచ్చు గోవిందుడు నిండు మనసుకు

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1gKkvZs

Posted by Katta

Ramabrahmam Varanasi కవిత

మేధావులు వారణాసి రామబ్రహ్మం 16-2-2014 సంఘాన్ని మేధావులు నడుపుతారు. ఇప్పుడు భారత దేశంలో మేధావుల సంఖ్య చాలా పెరిగిపోయింది. ప్రతి కులానికి, మతానికి,ప్రాంతానికి, సిద్ధాంతానికి, రాద్ధాంతానికి, దేనికి అయినా సరే, ఒక సమూహం ఏర్పడుతోంది. సమూహం మిగతా సమూహాలని చీల్చి చెండాడుతోంది. అలా ఒకరితో ఒకరు పోట్లాడు కొనే మేధావుల వల్ల సంఘములో శాంతి సుఖములు కరవు అయిపోయాయి. ప్రతి మేధావుల సమూహము వెనుకా కొందరు రౌడీలు; అసాంఘిక శక్తులు దన్నుగా నిలిచి గందరగోళం సృష్టిస్తున్నారు. ఒక కులాన్నో, మతాన్నో, ప్రాంతాన్నో, సిద్ధాంతాన్నో మాత్రమె వెనకేసికొని రావడమే మేధావితనముగా చెలామణీ అవుతున్న ఈ వేళ అందరూ మేధావులే; చెప్పేవాళ్ళే. ఆచరించేవాళ్ళు సున్నా. న్యాయము, ధర్మము సూక్ష్మమైనవి. కులము, మతము, ప్రాంతము, సిద్ధాంతము ముసుగులో, కళ్ళతో చూసే వారు "మేధావులు" కారు; సంఘములో ప్రజల మధ్య వైషమ్యాలు, వైమనస్యాలు సృష్టించడము తప్ప మరేమీ సాధించలేరు. అందర్నీ "సాధిస్తూ", తిడుతూ, తీసిపారేస్తూ, మేధావులుగా పేరు ప్రతిష్టలు సంపాదించి, సంఘాన్ని అతలాకుతలం చేసి నెమ్మదిగా ప్రకృతిలో కలిసిపోతారు. ప్రజలు మాత్రము ఈ మేధావులు సృష్టించి, పోషించిన వైషమ్యములతో కొట్టుకుచస్తూ అలమటిస్తూంటారు. ప్రస్తుతపు మేధావి తనము సంఘానికి తలనొప్పి గా తయారైంది . హృదయాలని శాశ్వతముగా విడదీస్తోంది. సమన్వయము హుళక్కి. సమన్వయము లేక శాంతి సుఖములు లేవు. అందరూ మేధావులే. శాంతి సౌఖ్యములకే లోటు.

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1dyLPdc

Posted by Katta

Ramabrahmam Varanasi కవిత

Wise Woman Says by Dr. Varanasi Ramabrahmam 15-2-2014 Happiness is a journey And not the destination; Unless you visualize You can not realize; Love is above law and beloved is above love I am love versified And personified; Compose me And Experience the bliss, creation, enjoyment And the taste of loving and being loved Followed by exhilaration of our Union.

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1jjDJpl

Posted by Katta

Ramabrahmam Varanasi కవిత

శాంతి ప్రవచనములు వారణాసి రామబ్రహ్మం 14-2-2014 కలత చెందకే మనసా! బాధ నొందకే మనసా! జనని భారతి గుండె తెగి నిరంతరముగా రుధిర ధారలు స్రవించుచున్నను అమ్మ కన్నులు ఆర్ద్రమ్ములై ఎడతెగక అశ్రువులు వర్షించుచున్నను తల్లడిల్లకే మనసా! కుదురు వీడకే మనసా! జ్ఞాన దారిద్ర్యముచే బలహీనపడిన జనుల మనసుల తిష్ట వేసి ఉన్మాదులు ఇంద్రజాలికులు నటులు ఆటగాళ్ళు సంకుచిత నాయకులు అగ్ర తాంబూలమందినను దిగులు చెందకే మనసా! వెతలు వీడవే మనసా! యంత్రమునకు బానిసై మనిషి తనను తాను నిష్ప్రయోజకునిగా మార్చుకున్నను ఆశ్చర్య పడకే మనసా! ఆరాటము వలదే మనసా! డబ్బు సంపాదించుటలు మాత్రము ధ్యేయమై తోటి మనుషుల జీవుల ప్రాణములు తృణమై అందరు పీల్చు గాలిని త్రాగు నీటిని తిను తిండిని కొందరు ప్రాణాంతకముగ కలుషితము చేయుచున్నను ఆందోళన వలదే మనసా! అలజడి చెందకే మనసా! అడ్డ దారులు త్రొక్కి పదవులు పొంది అడ్డముగా ధనము ప్రోగుచేయువారికి "చదువు" "విజ్ఞానము" "బుద్ధి" "నేర్పరితనము" దాస్యము చేయుచున్నను కలత వలదే మనసా! వ్యథ నొందకే మనసా! అరణ్యములు ఎడారులైనను ఋతువుల ఆగమనము క్రమము తప్పుచున్నను; కరువు కాటకములు వరదలు జనుల ఎన్ని ఇక్కట్ల పాలు చేసినను బెంబేలు పడకే మనసా! ధైర్యము వీడకే మనసా! పరికించు ప్రకృతిని పరితపించకు పొంది వికృతిని చూడు నెలవంక వయ్యారాలను మర్చిపో అమవస నిశలు ఆనందించు శారదరాత్రుల మర్చిపో చిత్తడి ముంచు జల్లులు; జడి వానలు వాడిన పూల సరసన గమనించు వికసింపబోవు మొగ్గలు కనవే మనసా! కలతలు వీడవే మనసా! కలరు మనుషుల దుష్టుల మించు శిష్టులు మూర్ఖుల అణచు జ్ఞానులు మృగ తత్త్వముల మచ్చిక చేయు సర్వజన శ్రేయోకాములు శాంతించు మనసా! శాంతించు ప్రియ వయస్యా!

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1gwJ4sP

Posted by Katta

Ramabrahmam Varanasi కవిత

విన్నపము! వారణాసి రామబ్రహ్మం 13-2-2014 అట నుంటివో ఇట నుంటివో ఎద ఎద నుంటివో కంటికి కానరావు ఎట నుంటివో తిరు వేంకటరాయా! ప్రవహించు గోదావరులు నీ వేగమో ఊహించు కవులు నీ భావావేగమో సాహసించు శూరుల ధైర్యము నీవో వచించుము వన్నెలదొరా ! తిరు వేంకటరాయా! కన్నెల సొగసులు రమణుల రంజనములు నీ రూపో వారి వన్నెల చిన్నెల సింగారములు నీ కులుకో ప్రేమ భక్తి అనురాగములు నీ కరుణలో వాత్సల్యమున నను చేరదీయుము తిరు వేంకటరాయా! అన్నమయ్య పదములు నీ నెలవో త్యాగరాజు కృతుల నీ నివాసమో రామదాసు కీర్తనల నెలకొంటివో పలికించుము నన్నును తిరు వేంకటరాయా! అష్టాక్షరిని ఊయలలూగెదవో పంచాక్షరిని పూర్తిగ నిండితివో షోడశాక్షరిని తల్లి పద్మావతితో నుంటివో అందుము అక్షరరూపా! తిరు వేంకటరాయా! ధ్యానములు తపములు ఉపాసనల నుంటివో పూజలు భజనలు అభిషేకముల నుంటివో జ్ఞానుల నిర్మల మానసము నీ తావో తెలియగజేయుము తిరు వేంకటరాయా! అట నుంటివో ఇట నుంటివో ఎద ఎద నుంటివో కంటికి కానరావు ఎట నుంటివో తిరు వేంకటరాయా!

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1gwfRNx

Posted by Katta

Ramabrahmam Varanasi కవిత

మహాకవి వారణాసి రామబ్రహ్మం 12-2-2014 తన కవితలలో నిండి జీవించి ఉండును మహాకవి తానున్నను లేకున్నను కదలికలాగి ఒడలు కట్టెగా మారినను మరణము లేదు ఆతని భావ శరీరమునకు క్షణ భంగురమైన దేహముననే ప్రభవించును చిరముగ నిలచు స్ఫురణలు ఊపిరి ఆగునది తోలుతిత్తికి ఊహల ఉయ్యాలలూగి ఊసులుగ మార్చు ఉత్తమునికి కాదు నిశ్శబ్దమున జనించు తలపులు అగును శబ్ద అర్థ భరిత కావ్యములు పవళించినను తాను దీర్ఘ నిద్రకై శయనించి ఉండును తన కవితా శాయిపై నిలిచి ఉండును ఆడిన పలుకులు లేకపోయినను పలికిన పెదవులు ప్రకృతి ఆతని చెలి సలుపును పదములతో కేళి ప్రవహించు గోదావరి పొంగు నీలి సంద్రము ఇముడునాతని గురులఘువుల అవ్యక్త ఆత్మజనిత చైతన్య దీప్తి కవీశ్వరుడు సాహితీ తాతల తండ్రుల మించు మనుమడు రసికులైన నాగరికులు స్మరింతురు ఆతని కమ్మని కవితలు ఇంపార గానము చేతురు కవి హృత్ కమల దివ్య వికాసములు

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1iZPCRb

Posted by Katta

Ramabrahmam Varanasi కవిత

పోషకుడు వారణాసి రామబ్రహ్మం 11-2-2014 "నా వేదన, నా శోధన నా మేధ, నా వ్యథ; వీటన్నిటి ఫలితం నా కవిత్వం ఇదంతా నీకే అంకితం; నువ్వు ఎలా అణగ ద్రొక్కబడుతున్నావో ఈ (అ) సభ్య సమాజానికి చెప్పి దాన్ని నిద్ర లేపడమే నా జీవిత లక్ష్యం" అని రాతలు రాస్తూ జీవిస్తున్నారు ఎందరో! అవార్డులు అందుకుంటున్నారు కొందరు "నా శక్తి, నా యుక్తి నా శ్రమ, ఆంతా నీవే నా లక్ష్యం నీ సేవే అందుకే నేను ఎన్నికల్లో నిలబడుతున్నాను" అంటూ నా ఓట్లు పట్టి పదవులు పట్టేస్తున్నారు ఎందరో "మహానుభావులు" నా జీవితాన్ని బొమ్మ వేసి తానూ జీవిస్తున్నాడు అభినవ చిత్రకారుడు నా బాధల్ని "నటించే" నటుల్ని నా దౌర్భాగ్యాన్ని చిత్రీకరించే దర్శకులని ఆకాశానికి ఎత్తి హారతి పడుతోంది ఈ సమాజం నా బాధల్ని, కష్టాలని, కన్నీళ్ళని మాత్రం ఎవరూ పట్టించుకోరు పంచుకోరు, పోగొట్టరు, తుడువరు; ఏం చేసికోను ఈ రచనలు ఇంకా వినలేను ఈ ప్రసంగాలు ఎవరికోసం ఈ చిత్రాలు బాగున్నాయి నాగరీకుల చిత్రాలు ఇంతే జీవితం చీకటి మయం లేదు నాకు ఆనందపు ఉషోదయం అయినా నాకు ఎంతో సంతృప్తి నా బాధలు, కష్టాలు, కన్నీళ్లు ఎందరినో పోషిస్తున్నాయి రాళ్ళ లాంటి వాళ్ళ జీవితాలను రమ్య శిల్పాలుగా మలిచే ఉలిని నేను

by Ramabrahmam Varanasi



from kavi sangamam*కవి సంగమం*(Poetry ) http://ift.tt/NvSX0r

Posted by Katta

Ramabrahmam Varanasi కవిత

చల్లని దేవుల అల్లరిలో రాధ! డా. వారణాసి రామబ్రహ్మం 10-2-2014 చల్లని దేవుల అల్లరిలో రాధ ఉల్లము పొంగ పొందె తీయని బాధ ఆహ్లాదము కలిగించు కిరణములతో స్పృశించి రాధను వివశను చేసెను ప్రేమికుల పాలిటి ప్రియ శత్రువు పున్నమిని చల్లదనములు పంచు కలువల రేడు గాయములు కనిపింప నీయక పూలబాణములతో తనువునంతా అతలాకుతలం చేసే రూపు లేని దొర తీపుల బారిని పడవేసి రాధను నిలువనీయడము లేదు మనసు పంచుకుని; ఊసుల మురిపించుచు వయసు పండింప వలసిన రస తరుణమున రాదు మాధవుడు సంకేత స్థలమునకు అభిసారికయై అరుదెంచి వేచియున్న రాధను రతిని ముంచి తేల్చి రసైక్యము నొందుటకై ఇలా చల్లని దేవుల అల్లరిలో రాధ ఉల్లము తల్లడిల్ల పొందె తీయని బాధ "మల్లెల వలపుమాలలు వైచి కొని ప్రణయ జీవులమైతిమి తెల్లని వలువలు విడచి పొర్లాడుటకునై, ఏమిది?" అనుకొనుచున్నది మాధవ సంగమేచ్ఛతో రాధ వలపుల మల్లెల మాల శృంగార తార ప్రణయ సితార

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1gd5nUp

Posted by Katta

Ramabrahmam Varanasi కవిత

అందం వారణాసి రామబ్రహ్మం 9-2-2014 రెండు అక్షరాలలో ఇమిడి ఉన్న ఆనందం అందం కాలాతీతం అనంతం కనులపండువలో వీనులవిందులో వీటి వెనుక పరవశించే మనసులో ఉన్నది అందం ప్రకృతీ చందమామ అందానికి నిలయాలు హృదయముల కలయికలోని వివశత్వం లోనూ వాటి వియోగపు విరహపు సలుపులోనూ ఉన్నది అందం అనుకున్నది అందితే అందం అందినది నిలిస్తే అందం సౌందర్యం సౌమనస్యం తారుణ్యం లావణ్యం ముగ్ధత్వం రాసిక్యం అందానికి అందాలు తపించే హృదయపు గాఢానుభవ దర్శనంలోనూ ప్రీతిలోనూ ఉన్నది అందపు చందం

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1fMG9dF

Posted by Katta

Ramabrahmam Varanasi కవిత

Little Drops of Love Dr. Varanasi Ramabrahmam 8-2-2014 Little drops of love make Mighty ocean of togetherness Love is like rain It pours Love is like full-moon light It delights Love is like sunshine It lights up and warms hearts And life-giving, Life-sustaining; Makes life lively, cheerful and youthful! When it is raining The drops you collect Is how you miss me; The drops that miss you Is how I miss you We need each other as we need air We need each other as we need water We need each other as we need food We need each other as we need sensual pleasure So dear Let's breathe each other Let us drink each other Let us have each other Let us savor each other Let us be cheerful Blissful, peaceful, Silent in Love, Together... Now, Ever, Always

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1d4bU3H

Posted by Katta

Ramabrahmam Varanasi కవిత

పిల్లారాయాష్టకము వారణాసి రామబ్రహ్మం 6-2-2014 ౧. కల్లోలిత సరసిని కనిపించదే ప్రతిబింబము నిలువదు సంక్షుభిత హృదయమున నీ మూర్తి మదినిండ నిండి నెమ్మది నిమ్ము పిల్లారాయ ప్రభో! యానాము పుర విభో! ౨. నాసికాత్రయంబకమున నాజూకుగా మొదలై మరటాంధ్ర సీమల ఏరుల సెలయేరుల కలుపుకు నదిగ మారి భద్రగిరి రాముని పాద పద్మములకు పాద్యమై పున్నెములప్రోవై పట్టిస వీరభద్ర స్వామిని చుట్టుముట్టి అఖండ గౌతమై అన్నపూర్ణయై గోదావరి లవణాబ్ధిని కౌగలించుదరి నుంటివి ప్రసన్న వీక్షణముల ప్రపంనుని కావుము పిల్లారాయ ప్రభో! యానాము పుర విభో! ౩. సిద్ధి బుద్ధి పతివి నీవు శ్రీవల్లి దేవసేనాపతి తమ్ముడు; మంచి బుద్ధుల సిరుల సంపత్తుల నిచ్చి బ్రోతురు మమ్ము పిల్లారాయ ప్రభో! యానాము పుర విభో! ౪. సంసారపు బండిని లాగు మాకు బాడిబందల దారిని కాడి భారమయ్యె కలతల వడిని అలజడిని బాపుము పిల్లారాయ ప్రభో! యానాము పుర విభో! ౫. విలసిల్లును సదా పూవుల పిందెల కాయల నారికేళ వృక్షము కళ కళలాడును గృహములు సదా పిల్లలు పాపలు పెద్దలతో తళతళలాడును మీ మోము మామ్ము కాచుతరి భళి! భళి! పిల్లారాయ ప్రభో! యానాము పుర విభో! ౬. భావముల వరుసయే మనసు; నిరంతర కామ భావనయే మన్మథుడు; ప్రియమెప్పుడు మదిని మెదలుటయె వలపు; తలపుల సదా మీరుండుటయే భక్తి! పిల్లారాయ ప్రభో! యానాము పుర విభో! ౭. మీరు లేనే లేరని నాస్తికులు, అంతట మీరేనని ఆస్తికుల తగవులాటలు మొదటినుండీ శంకిసుమంతయును లేని నమ్మకము కుదుర్చుడు పిల్లారాయ ప్రభో! యానాము పుర విభో! ౮. జగమంతయును అల్లకల్లోలములు హాహాకారములగ నున్నది దేవుని పేరనే జరుగుచున్నవి దారుణములు మతముల మతులు సరిచేసి మమ్ము కాచుడు పిల్లారాయ ప్రభో! యానాము పుర విభో! తటిల్లతా సమరుచి గాత్రి తల్లి పార్వతి అనుంగుపట్టీ! అనుగ్రహము చూపి వ్రాయించితివి నాచేత నీ అష్టకమును వ్యాసమౌని మేటి వ్రాయసకాడా! ప్రీతితో గొని దీనిని బ్రోవుము నన్ను సమస్తవిద్యా ప్రదాతా! సకల విఘ్నాన్తకా! ఈశ్వరకుమారా! ఐశ్వర్య కారకా! పిల్లారాయ ప్రభో! యానాము పుర విభో!

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1kW3c9h

Posted by Katta

Ramabrahmam Varanasi కవిత

చెవికి సోకని బధిరులు వారణాసి రామబ్రహ్మం 7-2-2014 కుక్కలు పిల్లులు మన ప్రేమకు తోటి మనుషుల కన్న ఎక్కువగా నోచుకుంటున్న నేడు బంధములేవి రాగములేవి? అటకెక్కినవి అన్ని అనుబంధములూ మనుషులలో మంచితవమును మర్యాదను గౌరవించుటలను అందరు మనుషులను అభిమానించటను నేర్పు చదువులు హుళక్కి చేసికొని; ఇంగితము మరచి అన్నిటికీ రక్షక భటులపై ప్రభుత్వములపై ఆధారపడు అమాయకత్వాన్ని పెంచుకున్న మనకు; మృగముల వంటి మనుషులనుంచి రక్షణ ఎటులదొరకును? అమెరికా వెళ్లి తెలుగువారు అందలముల నెక్కెదరు స్వంత రాజధానినుంచి వెళ్ళగొట్టబడెదరు? దీని భావమేమి తిరుమలేశ! ? కులములోని తోటివారికి అందనీయక ప్రభుత్వములిచ్చు తాయిలములను తాము మాత్రమే వంశ పారంపర్యముగా కొల్లగొట్టుకొను కుల కునాయకులు దుర్బలము చేయుచున్నారు దేశమును; తాయిలములను ఒక సారి అందుకున్న వారే, సైంధవులై మరల మరల అనుభవించుచున్నారు!! తమ పేద వెనుకబడిన సోదరులకు ఎంత మాత్రమూ అందనీయడము లేదు ఏ తాయిలములను వీరి ఈ ధాష్టీకమునకు దురాగతములకు తెరవేయువారులేరు ఓట్లకై వంతపాడువారే అందరు కురాజకీయ నాయకులూ!!!! దేశము సంఘము ; మాటలు కోటలు దాటించుచు పనిదగ్గర పడుకొను పనికిమాలిన నాయకుల వల్ల బాగుపడవు, అభివృద్ధి చెందవు కులము చూసి, మతమునకు భ్రమసి ప్రాంతీయ భావమునకు ప్రాణమిచ్చి ఓట్లు వేయు సోదరసోదరీమణులకు మిగులునది మాటల ఫలహారము మాత్రమే నిత్య జీవనము మాత్రము అష్ట కష్టములమయము ఈ తెలివితక్కువ తనమునకు అందరమూ; దురాగతములకు దుష్పరిపాలనకు అలవాటు పడి అలమటించ వలసినదే అవినీతి సంద్రమున మునిగి పోవలసినదే పంచతంత్రము రామాయణము మహాభారతము భాగవతము ఇతర ఆస్తిక నాస్తిక సద్గ్రంథముల ఉపయోగించుకొని జీవించని జాతి; అలో లక్ష్మణా అని వ్యథల వేదనల విచక్షణలకు గురి అగుచూ, హుందాతనము లేని జీవితముల ఈడ్చుకొనుచు; తమ దౌర్భాగ్యమునకు ఎవరిని నిందించవలనో నిందించుకొనవలనో తెలియని అయోమయమున అఘోరించవలసినదే ఆర్తి నొందవలసినదే "మేధావులు" కుల మత ప్రాంతముల పేరుతో విడిపోయి కాట్లాడుకొనుచున్న నేడు ఏది జాతికి ఆశాకిరణం? ఏది జాతికి ఆదరణీయం? ఏది జాతికి ఆచరణీయం? ఏది జాతికి గౌరవం? ఏది జాతికి విముక్తి? చెప్పే నాథుడే లేడే చెప్పినా వినలేని బధిరులే అందరూ!!!!

by Ramabrahmam Varanasi



from kavi sangamam*కవి సంగమం*(Poetry ) http://ift.tt/Mw1v6c

Posted by Katta

Ramabrahmam Varanasi కవిత

పిల్లారాయాష్టకము వారణాసి రామబ్రహ్మం 6-2-2014 ౧. కల్లోలిత సరసిని కనిపించదే ప్రతిబింబము నిలువదు సంక్షుభిత హృదయమున నీ మూర్తి మదినిండ నిండి నెమ్మది నిమ్ము పిల్లారాయ ప్రభో! యానాము పుర విభో! ౨. నాసికాత్రయంబకమున నాజూకుగా మొదలై మరటాంధ్ర సీమల ఏరుల సెలయేరుల కలుపుకు నదిగ మారి భద్రగిరి రాముని పాద పద్మములకు పాద్యమై పున్నెములప్రోవై పట్టిస వీరభద్ర స్వామిని చుట్టుముట్టి అఖండ గౌతమై అన్నపూర్ణయై గోదావరి లవణాబ్ధిని కౌగలించుదరి నుంటివి ప్రసన్న వీక్షణముల ప్రపంనుని కావుము పిల్లారాయ ప్రభో! యానాము పుర విభో! ౩. సిద్ధి బుద్ధి పతివి నీవు శ్రీవల్లి దేవసేనాపతి తమ్ముడు; మంచి బుద్ధుల సిరుల సంపత్తుల నిచ్చి బ్రోతురు మమ్ము పిల్లారాయ ప్రభో! యానాము పుర విభో! ౪. సంసారపు బండిని లాగు మాకు బాడిబందల దారిని కాడి భారమయ్యె కలతల వడిని అలజడిని బాపుము పిల్లారాయ ప్రభో! యానాము పుర విభో! ౫. విలసిల్లును సదా పూవుల పిందెల కాయల నారికేళ వృక్షము కళ కళలాడును గృహములు సదా పిల్లలు పాపలు పెద్దలతో తళతళలాడును మీ మోము మామ్ము కాచుతరి భళి! భళి! పిల్లారాయ ప్రభో! యానాము పుర విభో! ౬. భావముల వరుసయే మనసు; నిరంతర కామ భావనయే మన్మథుడు; ప్రియమెప్పుడు మదిని మెదలుటయె వలపు; తలపుల సదా మీరుండుటయే భక్తి! పిల్లారాయ ప్రభో! యానాము పుర విభో! ౭. మీరు లేనే లేరని నాస్తికులు, అంతట మీరేనని ఆస్తికుల తగవులాటలు మొదటినుండీ శంకిసుమంతయును లేని నమ్మకము కుదుర్చుడు పిల్లారాయ ప్రభో! యానాము పుర విభో! ౮. జగమంతయును అల్లకల్లోలములు హాహాకారములగ నున్నది దేవుని పేరనే జరుగుచున్నవి దారుణములు మతముల మతులు సరిచేసి మమ్ము కాచుడు పిల్లారాయ ప్రభో! యానాము పుర విభో! తటిల్లతా సమరుచి గాత్రి తల్లి పార్వతి అనుంగుపట్టీ! అనుగ్రహము చూపి వ్రాయించితివి నాచేత నీ అష్టకమును వ్యాసమౌని మేటి వ్రాయసకాడా! ప్రీతితో గొని దీనిని బ్రోవుము నన్ను సమస్తవిద్యా ప్రదాతా! సకల విఘ్నాన్తకా! ఈశ్వరకుమారా! ఐశ్వర్య కారకా! పిల్లారాయ ప్రభో! యానాము పుర విభో!

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1kW3c9h

Posted by Katta

Ramabrahmam Varanasi కవిత

కవి రాజులము వారణాసి రామబ్రహ్మం 5-2-2014 మారాజులము మేము కమ్మని కవితల మిమ్ములను పలకరించి పరవశింపజేయు మాటల రారాజులము మేము కన్నీళ్లు నవ్వెను తప్త హృదయ వేదన శమించెను కలువ కన్నెలూ నవ్వెను విరహానంతర ప్రియ సమాగమున నవ్వెను ప్రేయసీ ప్రియుల మనములూ వర్షించెను రస ప్రేమ జల్లులు హర్షించెను మోదమున వారి వారి మనములు తనువులు సడలెను చీర ముడులు పరవశమున హసించెను కొప్పుముడుల సుమ కన్నియలు విచ్చి సౌరభమును పంచెను సమాదరముగా

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1fsSCTJ

Posted by Katta

Ramabrahmam Varanasi కవిత

వారణాసి రామబ్రహ్మం 4-2-2014 జీవితం ఏడుస్తూ పుడతాం ఆశ పడుతూ ఎదుగుతాం అలిసిపోయాం అనుకుంటాం అయిపోయింది అనుకుంటారు

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1cOJlqH

Posted by Katta

Ramabrahmam Varanasi కవిత

2-2-2014 గోవింద మాల వారణాసి రామబ్రహ్మం ప్రవాహమిచ్చును సోయగము నదికి మృదుత్వమిచ్చును సోయగము సుమమునకు యవ్వనమిచ్చును సోయగము కన్నియకు గోవిందుడిచ్చును సోయగము మనసుకు

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1kuAFHO

Posted by Katta

Ramabrahmam Varanasi కవిత

Dr. Varanasi Ramabrahmam 1-2-2014 Silent Love! Your Silence is Charming as your beauty; You are lovely within As full moon My heart is Shrine of Love You are the presiding Deity; Pleasantness and Bliss Sans you miss in me Peace is you and my mate Says my heart My dear Embodiment of Love In Silence; Shower me with your Delightful looks For Good books and good looks Are always inviting and bliss-giving; Drench me in your love! Oh! My Love! Share with me your beauty Heart and mind As now forever; For Sans your love and you I am Extinct!

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1fGc0wK

Posted by Katta

Ramabrahmam Varanasi కవిత

2-2-2014 గోవింద మాల వారణాసి రామబ్రహ్మం ప్రవాహమిచ్చును సోయగము నదికి మృదుత్వమిచ్చును సోయగము సుమమునకు యవ్వనమిచ్చును సోయగము కన్నియకు గోవిందుడిచ్చును సోయగము మనసుకు

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1kuAFHO

Posted by Katta