శాంతిశ్రీ // ఆఖరి రాత్రి // అన్ని రాత్రుల్లానే ఈ రాత్రి గడిచిపోతుంది కానీ ఏదో బాధ గుండెల్లో మెలిపెడుతుంది గులాబీలు విరబూసాయని తోటమాలి ఒకటే మురిసిపోతున్నాడు ఒక్క పువ్వు అందుకునేలోపే ఎన్ని ముళ్ళు గుచ్చుకున్నాయో రక్తం కారుతోంది అప్పుడు ఇప్పుడు అదే పరిస్థితి ఇదే ఆఖరి రాత్రి మార్పు జాడ కోసం వెతికా రాత్రి మేఘాలు ఒకటే ఉరుముతున్నాయి ఆ చప్పుడు నా ఆకలి పేగుల చప్పుడల్లె అనిపించింది గబ్బుకున్న మెలకువ వచ్చింది లేచి కూర్చున్నా ఇంటిముందు రావి చెట్టు ఆకులు సందడి చేస్తున్నాయి రేపు సంబురాలు కదా అందుకే అనుకున్నా ఇంతలో కరెంటు పోయింది ఒక్కటే ఉక్కపోత వర్షం చినుకైనా రాలట్లేదు ఆకాశంలో చప్పుడు మాత్రం ఆగలేదు ఇదే ఆఖరి రాత్రి మార్పు జాడ కోసం వెతికా కంటి మీదకు కునుకు రాలేదు పక్కింటాయనకు బ్రెయిన్ స్ట్రోక్ అంటా ఆవిడ ఒకటే ఏడుస్తోంది మేము తప్ప బిల్డింగ్ లో ఎవరు లేవడంలేదు కడుపున పుట్టినోడికి ఫోన్ చేసింది "దగ్గరలోని ఆసుపత్రికి తీసికెళ్ళు అంతా వాళ్ళే చూసుకుంటారు కార్డు తీసిచ్చింది అందుకే నేను ఇప్పుడు నైట్ షిప్ట్, రేపు పొద్దుగాలే వస్తా " అంటూ ఫోన్ పెట్టేశాడు మేమిద్దరమే ఆసుపత్రికి వెళ్ళాం కార్పొరేట్ ఆసుపత్రి మర్యాదలన్నీ అయిపోయాయి ఇదే ఆఖరి రాత్రి భళ్ళున ప్రతిరోజులానే తెల్లారింది మార్పు జాడ కోసం వెతికా కనిపిస్తుందని వెతుకుతూనే ఉన్నా.. ఉంటాను.. మొహంపై కిరాణాలు పడగానే చురుక్కు మంది తలెత్తి చూశా సూరీడు ఎరుపు మోహం చూశాక ఒక ఆశ కలిగింది.. ధైర్యంగా లేచి నుంచున్నా తేది :1. 6. 2014
by Santhisri Santhi
from kavi sangamam*కవి సంగమం*(Poetry ) http://ift.tt/1kfmdGI
Posted by Katta
by Santhisri Santhi
from kavi sangamam*కవి సంగమం*(Poetry ) http://ift.tt/1kfmdGI
Posted by Katta
