Sai Padma కవిత

కవి పిట్ట లొల్లాయి పిల్లాయి పాటలు గాఢoగా పాడింది నెత్తినేట్టుకొని పాడు చేసారు కొందరు నేలకింద రాసి పాడుచేసారు కొందరు పొగడ్త పిట్ట తలకెక్కింది విమర్శకి పిట్ట కుదేలయింది కవిత్వం ఆగింది లోల్లాయితనం బోలుగా శబ్దిస్తూనే ఉంది --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1oALHB8

Posted by Katta

Sai Padma కవిత

సాయి పద్మ // గరకు సమయాలు .. కొన్ని నీవీ, కొన్ని నావీ .. వెరసి మనం అనుకునే ఒక సందిగ్ధత కనిపించేదేదీ నిజంలా అనిపించదు నిజంలా తెలిసేదీ .. అబద్ధం అని ఎవరన్నా చెప్తే బాగుండు నిర్ణయాధికారం లేనిది కూడా ప్రేమే నంటావా అద్దంలో నమ్మని శరీర జాడలు.. రెండు కాన్పులు , పాతవన్నెలు గోడెక్కి కట్టిన ఫోటో ఫ్రేములు నీ కళ్ళద్దాలు.. నిర్లక్ష్యాల గడ్డాలూ సాయంరాత్రి.. స్వప్న సుందరితో పోలికలూ మాట్లాడుకోవటానికి ఏమీ లేకపోవటాలూ నిజం మాట్లాడుకకోవటానికి అద్దెకి తెచ్చుకున్న పరదాలూ అసహనపు నిశ్శబ్దాన్ని కూడా బంధమేనంటావా ? చందమామ కూడా డైటింగ్ చేస్తున్నాడేమో గరకు సమయాలలో తనను తాను ఆరగతీసుకుంటున్నాడో తడారి ఆవిరైన సంద్రం .. నీ వైపు సగం ఖాళీ మంచం లా పోడారని కళ్ళు .. ఆవిరి మధ్యాహ్నపు ఆశల్లా నీకోసం నిలుపుకున్న ప్రాణాలూ.. వదులుకున్న బంధాలూ బంధాలని ఎంత అరగదీసినా పోనీ గరకుతనాలు Oh.. We are going through Rough times .. you see..!! --Sai Padma

by Sai Padma



from kavi sangamam*కవి సంగమం*(Poetry ) http://ift.tt/1lmQDHw

Posted by Katta

Sai Padma కవిత

సాయి పద్మ // ఈసుళ్ళు వానరాకముందే ముసురుకునేవి ఆలోచనలే కాదు , ఈసుళ్ళు కూడా ఏదీ తెలీని ముగ్ధ మోహనాంగి లా ..ప్రియుని స్పర్శతో, ప్రౌఢత్వాన్ని తెచ్చుకొనే, పడతిలా , కొంచం భయపడుతూ, వెలుగు నీడలా అమరికలో అలవోకలో , వెలుగుని కావలించుకొని ఆత్మాహుతి చేసుకొనే పిల్ల ఈసుళ్ళు కాస్త వ్యవధి ఇస్తే, కొంచం సమయం ఇస్తే నిరాశని నిండారా దుప్పటి కప్పుకొని నిద్రపోయే మనుషులకి , ఈసుళ్ళ సోదలూ వ్యధలూ ఎందుకనేమో .. నిమిషంలో వూడ్చి పారేస్తారు వరండా నిండా ఈసుళ్ళు .. యిట్టె వచ్చి అట్టే మరణించే మన ఊహల మేడల్లా కోరికల, ఆశల , నిరాశల ఈసుళ్ళ ని ఊడ్చే చీపుళ్ళు ఉంటె బాగుణ్ణు ..!! -సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1pEHrO0

Posted by Katta

Sai Padma కవిత

తెలంగాణా కోసం, బలిదానం చేసుకున్న పిల్లల కోసం ఎప్పుడో రాసుకున్న కవిత .. తెచ్చిన వాళ్ళు, ఇచ్చిన వాళ్ళు , మూలస్తంభాల్లా నిలబడి సాధించిన యువకులు .. ఇవాళ ఉద్యమం , రాజకీయంగా మారిన తరుణంలో వాళ్ళే గుర్తొస్తున్నారు .. మళ్ళీ మళ్ళీ గుర్తొస్తున్నారు ..!! మేరె దిల్ కే టుక్డా ....భద్రం !! ఎందల కెల్లి ఎట్ల సచ్సిన్రో తెలీలా.. పోరగాండ్లు మల్ల తెలంగానం తెరపైకి తెచ్చిన్రు.. పాత గానమే.. ఎన్ని సార్లు లొల్లి పెట్టి శురూ చేసిన.. చెవిటోడి ముంగట ధన్కా బజాయించినట్టే.. సురూ చేస్తే చేసిన్ర్లు. వచ్చే టోల్లు సక్కంగున్ర్లు.. పోయే టోల్లూ చల్లన్గున్రు.. అట్లేల్లి సూసి రాండ్రి పిలగా౦డ్లారా. ఆంధ్ర అంత బాగున్నారు.. హైదరాబాద్ల మంచిగున్రు . ఆల్ల అస్తులల్ల రంగు రంగుల పాగాలు సుట్టి ఆల్ల బిల్డింగులు పతంగుల్లా పైకి లేస్తున్నాయి కొడకా.. సక్కంగా సదూకొని పొగ సూరిన తల్లుల జిందగీలు బదలయిస్తరంటే ఇట్ల దెబ్బలు తిన్నవేంది కొడకా.. ఇరుపక్కల ఆద్మీలతో చేసేది.. ఉద్యమంరా కొడకా.. బద్నాం మనసులతో కాదు.. నువ్వు జై ఆంధ్రా అను.. జై తెలంగానమను.. నువు సావకురో బిడ్డా వాళ్లకి ఫరక్ పడదు.. మాకు జిందగీ లేదు.. తెలంగాణా వస్తది అపుడు సూసుకునేందుకు నువ్వుండాలే కదా బిడ్డా !! బిడ్డ లేని గొడ్డుదాన్ని సేయ్యకురో ఈ యమ్మని మండిన మన మట్టి మనకి దక్కక ఏడ పోద్ది పోరు సెయ్యి పానాలు మాత్రం జర భద్రం కొడుకో ఈ అమ్మ దిల్ కి టుక్డా నని యాద్ మరవకు !! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1wUhle5

Posted by Katta

Sai Padma కవిత

సాయి పద్మ //.................................. మెలికల మలుపుల్లో మననీయని నడకల్లో కూడా నీ తలపు తెలుస్తూనే ఉంది రానివ్వని వెచ్చని కన్నీళ్ళలో " కాదు ' అని చెప్పలేని ఘోష లాంటి అస్తిత్వం ప్రతీ రాత్రీ గుచ్చుకుంటూనే ఉంది పంజరాల్లో చిలకలకి ఆర్ధిక స్వతంత్రం అవసరం లేదు బయట పెద్ద పంజరం ఎదురు చూస్తోందిగా మరి ఉష్.. తప్పని సరి బంధాల్లో ప్రేమ ఒక అతకని చవక అరల్దయిట్ అతికినట్టు కనబడుతూనే ఉంటుంది ఎందుకంటె ... మాట్లాడితే మనసివ్వాలేమోనని స్నేహిస్తే మోహించాలేమోనని చిరునవ్విస్తే ఆస్తి రాసివ్వాలేమోనని భయపడే ప్రేమికులూ, స్నేహితులూ ప్రపంచ పంజరంలో చాలామందే మరి ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/T0iBN6

Posted by Katta

Sai Padma కవిత

సాయి పద్మ //రాజకీయ చింతామణి గెలుపు ప్రతీ మలుపులోనూ ఒక భయం పొంచుంది కలివిడి లేని తెలివిడితనాల్లో ముడి ఎంతకీ వీడనంది అవంద్యులకి అనుమానం కొత్తేం కాదు నీడని కూడా అనుమానించే జాతి, గర్భాస్రావాల్ని తప్పించుకుంది పొడారిన కళ్ళతో, లాభాల మెదళ్ల తో లేక్కలేసే సమూహాల్లో మనసు తడి గురించి మాట్లాడటం మరీ హాస్యంగా ఉంది బంగారక్క , డ్వాక్రా రుణాలకు బలై బాధపడుతోంది కేతిగాడు, అవినీతికి అజీర్తికి నవ్వలేక పోతున్నాడు సుబ్బిశెట్టి , ధరల పట్టిక తగిలించటం మానేసాడు రాజకీయ చింతామణి వ్యాపారం వెలిగిపోతోంది భారతదేశం , సుషుప్తి మంచం దిగుదామా వద్దా అని ఆలోచిస్తోంది ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1jbm8lC

Posted by Katta

Sai Padma కవిత

Sai Padma//.................................... ఒక్కోరోజు జీవితానికి పెడమొహం గా ఉండాలని అనిపిస్తుంది ప్రవాహాన్ని లో కొట్టుకొనే సుఖం అనుభవించాలని అనిపిస్తుంది రాముడిని మలచిన సీత కైనా , నిగ్రహానికి నీళ్ళోదలలాలని నిజాన్ని నిలువునా నిగ్గదియ్యాలని అనిపిస్తింది ఒక్కో గడియ ప్రేమించాలని అనిపిస్తుంది కాస్త ఎక్కువైనప్పటికీ, శృతి మించాలని అనిపిస్తుంది వేదన నిండిన క్షణాల్ని , తృణీకరించి అమ్మ వొడిలో నిండిన సీతలా , భూగర్భంలో ఎగరాలనిపిస్తుంది వొక్కో క్షణం జీవించాలని అనిపిస్తుంది దండకారణ్యాల దారుల్లో , బంగరు లేళ్ళ మోహంలో ప్రాయిపవేశం అడగని ఆత్మీయతల్లో అయోనిజ లో నిజంలా, అచ్చమైన జానకిలా బ్రతకాలనిపిస్తుంది ఒక్కోసారి ప్రశ్నించాలని అనిపిస్తుంది ఆడతనం పేరుతో, సున్నితత్వంలో నెట్టేసిన దృఢత్వాన్ని మళ్ళీ మళ్ళీ , మళ్ళీ మళ్ళీ , మళ్ళీ మళ్ళీ ధ్రువీకరించాలని అనిపిస్తుంది ..!! --సాయి పద్మ ( ఎప్పుడో సీత గురించి రాసుకున్న పద్యం.. ఇప్పుడు సీతని ఆవాహన చేసుకొన్న వాళ్ళ కోసం )

by Sai Padma



from kavi sangamam*కవి సంగమం*(Poetry ) http://ift.tt/RvtJkC

Posted by Katta

Sai Padma కవిత

Sai Padma// Naked on Tsunduru land –Confessions of a Lower Caste Prostitute ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Yes, we too have a voice, Crucified under caste, Running naked feet From the touchable weapons And untouchable looks Yes, people can mutilate Play and violate our bodies In the broad day light We are untouchables Only to be touched to be raped Yes, we are genderless Men get raped here by Leaving their women in upper caste Chastity belts Preserving their vestige of prestige Yes dears... Caste is infallible and incorrigible Our bodies were mutilated Honorably killed In the sea of sacred blood We float, carrying upper caste zygotes Yes dear... we are untouchables Touched by many Tortured by some Titillated by intellectuals Yes we are affable and untouchable From the sickness of this world Called Caste..!! --Sai Padma ( on the eve of my favorite poetess, Maya Angelou, who is celebrating her birthday, being a black American poetess, discriminated for color.. here we discriminate dalits by convenience .. what if we juxtaposition maya with a tsunduru women.. just a thought , hence the poem )

by Sai Padma



from kavi sangamam*కవి సంగమం*(Poetry ) http://ift.tt/1nNRUoX

Posted by Katta

Sai Padma కవిత

సాయి పద్మ // నేనూ- నా చుంపాత ముతక పరికిణీ కచ్చపోసి కట్టి నాన్న బుష్కోటు పైన తొడిగి ,పైగా గళ్ళ తువ్వాలు భుజానేసి పగుళ్ళు పట్టిన కాళ్ళతో ,సిమెంట్ దూరిన గోళ్ళతో వాడిపోయిన మల్లెల దండతో, ఎండకి మాడిపోయిన మొహంతో చెమటకి తడిసి రంగుమారి వదులైన బట్టలతో, తిరిగే నేను, ఆ కామపు దున్నపోతుని యెట్ల రెచ్చగొట్టానో అర్ధం కాలేదు రెచ్చగొట్టటానికి ఆకారం తెలీకపోయినా ఆడపిల్లయితే చాలని అప్పుడు అర్ధం కాలేదు నిత్యం నే నెత్తిన పెట్టి తిరిగే నా చుమ్పాత నా మాడుకి గొడుగయ్యింది ఎండ గాడ్పుకి చల్లటి చలివెంద్రమైంది ఆకలి చూపులని వడపోసే ఆచ్చాదన అయింది ఇంతేనా ..ఇంతేనా దున్నపోతు మేస్త్రీ నా కొడుకు మస్తరేస్తానంటూ కన్ను మలిపితే, విసిరికొట్టే చర్నాకోలయింది తాగుబోతు కూలీల విసురు మాటలకి కనబడని ఖడ్గమైంది అంతేనా .. అంతేనా చిరగని బట్టల్లో నన్ను రేచ్చగోట్టావంటూ మునిమాపు వేళల్లో , కళ్ళూ మనసూ మూసుకుపోయి ఓ మృగం నన్ను నలిపెస్తుంటే వాడి మగతానానికి వురేసే ఉరితాడయింది నా చుంపాత ఉరి పడ్డ మగతనంతో లుంగలు తిరుగుతూ వాడు నన్ను రక్షించుకోగల ధైర్యంతో నేను ఇప్పుడు ఎప్పుడు బయటికెళ్ళినా నా చుంపాత మర్చిపోను అది నన్నెప్పుడూ మోసం చేయదు ..! ఎందుకంటె ... పద్యంలో నాకు నమ్మకం లేదు గద్యం , నా మీద దాడి చేసిన వాడి గరుకు గడ్డంలా నన్నెప్పుడూ బాధిస్తూనే ఉంది అక్షరం - నువ్వు చాలీ చాలని బట్టల్లో నన్ను రేచ్చగోట్టావంటూ పలికే చాతకాని మాటల్లా నంగిగా నవ్వుతుంది --సాయి పద్మ ( తన మీద దాడి చేసిన వాడ్ని, తన తలకు బరువులు మోసేందుకు వీలుగా పెట్టుకున్న తువ్వాలు గుడ్డ తో, అతని పురుషాంగాన్ని బిగించి, తనని తాను రక్షించుకున్న ఒక చెల్లెలికి వందనాలతో.. )

by Sai Padma



from kavi sangamam*కవి సంగమం*(Poetry ) http://ift.tt/1jh5LCH

Posted by Katta

Sai Padma కవిత

సాయి పద్మ // .............................. గడియయేని విరహం తాళని సగ భాగాన్ని మాటలతో హింసించని మూల దాచి పెడదామని పరిసరాలు చూడకుండా శరాల్లా విసిరే మాటలని పూలబాణాలనుకొని బ్రతికా చాన్నాళ్ళు నా ఆశయాల జమ్మి చెట్టు లో దాచిన అపురూప అస్త్ర శస్త్రాలు కర్ణుడి శాపాల్లా కళ్ళ నీళ్ళవుతుంటే మమతల ఎరువులేసి పెంచిన పిల్లలు కాళ్ళకు మోగని పాంజేబులవుతుంటే నింపుకుందామనుకున్నా ..జీవన మాధుర్యాన్నీ కాంక్షనీ రెండు చేతులా .. కానీ, ఒక చెయ్యేమో సగభాగం వదలదాయే రెండో చెయ్యేమో ఇంటిపనుల్లో తలమునకలాయే ఓయి చిన్నదానా.. జీవితం చిన్నది మనసిలాయో ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/QCXa45

Posted by Katta

Sai Padma కవిత

సాయి పద్మ // .............................. గడియయేని విరహం తాళని సగ భాగాన్ని మాటలతో హింసించని మూల దాచి పెడదామని పరిసరాలు చూడకుండా శరాల్లా విసిరే మాటలని పూలబాణాలనుకొని బ్రతికా చాన్నాళ్ళు నా ఆశయాల జమ్మి చెట్టు లో దాచిన అపురూప అస్త్ర శస్త్రాలు కర్ణుడి శాపాల్లా కళ్ళ నీళ్ళవుతుంటే మమతల ఎరువులేసి పెంచిన పిల్లలు కాళ్ళకు మోగని పాంజేబులవుతుంటే నింపుకుందామనుకున్నా ..జీవన మాధుర్యాన్నీ కాంక్షనీ రెండు చేతులా .. కానీ, ఒక చెయ్యేమో సగభాగం వదలదాయే రెండో చెయ్యేమో ఇంటిపనుల్లో తలమునకలాయే ఓయి చిన్నదానా.. జీవితం చిన్నది మనసిలాయో ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/QCXa45

Posted by Katta

Sai Padma కవిత

సాయి పద్మ //రైనా బీతి జాయే ...!! ~~~~~~~~~~~~~~~~~~ ఎందుకొస్తారు ఎవరైనా .. ఆకాంక్షలని అదిమిపెట్టి, జీవితానికి స్తేపిల్ గా గడిపేస్తున్న, వ్యగ్ర మోహ ప్రపంచంలోకి , అనుభూతులని తాకట్టు పెట్టి , ఎంత సంతోషంగా ఉన్నామో అని , దుఃఖంగా మురుసుకునే ముసిరిన మనసుల్లోకి .. ఎందుకు రావాలి ఎవరైనా .. నీ జ్ఞాపకాల నీడల్లో సేదదీరుతూ.. అనుభూతుల్లో నాని , నాని చిరునవ్వుగా కన్నా మేలాంకలిక్ గా మారిన నీ దగ్గుత్తికని నువ్వంత ప్రేమిస్తున్నప్పుడు .. చోటులేని తనంతో ఉక్కిరిబిక్కిరి అవరా .. జ్ఞాపకాలు అవమేమో అని బెంగేట్టుకుంటున్న నీ ప్రస్తుత శకలాలు ..? ఎవరో ఆపే ఉంటారు.. కన్నీరు తోనో, నిస్సహాయత తోనో, కరుణ తోనో... ఇవేవీ కాకుండా ..విడిచిన బట్టల్లా మరచిపోయే మొహంతోనో.. స్వైరత్వం మరణం కన్నా మహాపాపమనే సాంప్రదాయవాదం తోనో.. విషయం ఏదన్నా .. ఆగటం ఖాయం.. నువ్వు రావన్న వార్త మాత్రమే నా వచనానికి వర్తమానం అన్నది కూడా నిశ్చయం .. జ్ఞాపకం కాలేని తెలివైన ప్రియతమా .. నేనిప్పుడు జ్ఞాపకాలు లేని మనిషిని.. విరహాన్ని విరజాజి మల్లే అనుభవించే అస్కలిత రాధను .. నీ ఆభద్రతని మోసే కుబ్జని కానందుకు.. మాసిన జ్ఞాపకాల మంగళ స్నానం చేసినంత సంతోషం .. నీ భవిష్యత్ భయాల అష్టావక్రాలు మోయనందుకు నా మనసు ఉల్లాస విశుద్ధం పంజరమే ఒక ప్రపంచం... చిన్ని పిట్టా.. ఎగరటమే స్వేచ్ఛ కాదు ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1iH4nJU

Posted by Katta

Sai Padma కవిత

నెప్పుల నెమలీకలు..!! ~~~~~~~~~~~~~~ పల్చగా సుతారంగా, కేవలం స్పర్శ మాత్రమే కాదు నెప్పి కూడా ప్రయాణిస్తుంది.. ఒకానొక సమయంలో సహస్ర ఘంటికానాదం గుండెల్లో కొట్టుకొని, తెగని శ్లేష్మంలా ఎంత ఇబ్బంది పెడుతుందో, ఆగక చూసే కాంక్షా చూపులా బాధ ఎంత బాధిస్తుందో చెప్పలేము.. కలుస్తారు ఎవరో, నమ్మకంగా చెప్తారు, నెప్పిలో కూడా నీతోడుంటాం అని.. ఎలా ఉంటారో అర్ధం కాకపోయినా వినటానికి బాగుండి, కృతజ్ఞతగా అనిపిస్తుంది. ఆ భావం కొంచం ఎక్కువ అవగానే, కొంచం భారంగా ఉంటుంది, మరో కొత్త నెప్పి మొదలవుతుంది. ఎందుకొచ్చిన ప్రయాసలే ఇదంతా ! ఆణువణువూ విచ్చుకోవటం, శృంగారంలోనే కాదు, శారీరక బాధలో కూడా తెలిసొస్తుంది. అలాగే ఉన్నాడో లేడో తెలీని దేవుడి జాడ కూడా.. కనబడని దేవుడు , వినపడని ఆకాశవాణి , నరనరాన ముంచేసి ... కదనరంగం చేసే ఒకానొక సమయాన ... భలే యాతన వంటి నవ్వు కూడా వస్తుంది ... నిజమే.. మానసిక బాధ ముందు శరీరం ఏముంది ? ఈక ముక్క అంటారా ? కానివ్వండి. కొత్తగా చెప్పేదేముంది.. ఒక్కోచోట ఒక్కోబాధ, ఒక్కొక్కరిదీ ఒక్కో బాధ, వొళ్ళంతా నేప్పెట్టే సూదుల మయమై, మనమంటే శరీరమే అనిపించే ఓ క్షణాన .. పొడి దగ్గు కి ఒకటే హడావిడి పడి మందు తీసుకుంటున్న స్నేహితురాలిని అడిగాను.. ఎందుకంత గాభరా పడుతున్నావు? కొంచం టైం ఇవ్వు తగ్గుతుంది’ నా టైప్ మోటివేషన్ కొంచం అరగదీసి పోసి, నేనేదో ఇరగదీద్డామనుకున్నా..!! సిగ్గుపడి, మొహమాటపడి, అసహ్యపడుతూ చెప్పిందామె... నన్ను దగ్గరకి తీసుకుంటే , నా దగ్గు మావారి మూడ్ ని పాడుచేస్తోందట.. తిట్టే తిట్లకు, ఎదిగిన పిల్లలముందు అభాసు అవుతోంది.. ఆహా ..ఆడతనమా, నువ్వంటే ఎంత మర్యాద! ఆహా మనిషితనమా, మగాళ్ళకి వచ్చిన దగ్గులు వొగ్గు కథలు కాబోలు, ఓ రెండు తగిలించాలన్నంత కోపం వచ్చింది. దగ్గు రావటం ఏదో , పాతివ్రత్యం లా కనబడని విషయం కోల్పోయినట్టు బాధ పడుతున్న ఆ ముగ్ధ సుందర నారీమణి ని చూస్తే, తరతరాలుగా మేము బానిసలమే, కుక్క గొలుసులాగ, సూత్రపు పటకా అక్షయ తృతీయ నాడు కొనుక్కున్నామంతే అని .. ఇల్లెక్కి కూస్తున్న మోడరన్ మహాలక్ష్మిలను తలచి, వగచి, గతించితిని..!! నెప్పి సీతాకోక చిలుక లాంటిది కూడా... భరించలేని లార్వా దశ భరించాలంతే ... మూలన పెట్టి మూల విరాట్వి , మూల పుటమ్మవి అంటూ మెడ పాశాలు పెడుతూ ఉంటె భరించటం లేదూ.. ఇది కూడా అలాంటిదే..!! కొన్ని నెప్పులు నెమలీకల లాంటివి, ఎంత సమయం పుస్తకాల్ల్లో పెట్టినా ,అలానే ఉంటాయి. పిల్లలు పెట్టవు, అది ఎంత పెద్ద హాయో అనుభవిస్తే గానీ తెలీదు..!! చురుక్కుమనిపించే మాటల తోటల్లో, రాలిన పిందేల్లా అపర్ణాహ వేళల్లో, కళ్ళముందు కదలాడే నిశిలా శరీర స్పృహ తెలిసే నెప్పులు , కాస్సేపు మనసు మనస్సాక్షి లాంటి పడికట్టు మంత్రజాలాల్లోంచి మనల్ని బయట పడేస్తాయి శరీరం లేనిది మనసెక్కడుంది? చెంపదెబ్బ కొట్టి , మాటలతో అనునయిస్తే నేనే , సర్వ జగన్నియామక భవానీ భర్గ పాదాంబుజ ధ్యానైకాత్మికనేని .. ఇలా ఎన్ని శపధాలు చేస్తే ఏం లాభం ? అర్ధమవుతోందా... శమించని శరీరమా ? --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1fW6Avv

Posted by Katta

Sai Padma కవిత

అకవిత్వం-7- వాటాలు పోనాయి, మరేటి సేత్తాం .. మళ్ళీ కౌకిలే ! ~~~~~~~~~~~~~~~~~~~~~~~~~~~~~~~~~~~~ ఇయ్యాల మనేదిగుంది .. అది గుబులో ఎటో తెల్నేదు గానీ.. సివరాఖరికి తెలిసీసి పడేసినారు. వోరి వోరి ఎదవకానల్లారా , ఇది మీది కాదెసెహ్ , అవల్రయిట్గా వోప్పగించీసి ఎలిపోచ్చీయండి అని.. సర్లేవో, ఇయ్యాల అమిరికాలూ, ఏరే దేశాలూ అట్టుకుపోయే మడుసులకి వూరేటేహే .. అని మీరడగచ్చు ..నిజమే గానీ.. పోరా పోరా అంటే సూరట్టుకు నిలబడిపోనానికి మావు తినేదీ వోన్నమే గదా .. అదిగదిగేప్పుడో, రంగం ఎలిపోయీవారు, మా భీమిలి, ఇజీనారం, సికాకులం పిల్లలు... ఉన్దీవారో అక్కడే సచ్చేవారో తెలీకపోనాది,పెల్లాలూ, తల్లులూ కంటికీ మింటికీ లేనట్టు ఎద్సీసీ వారు ఆళ్ళ పేరెత్తితే, వద్దులేవో, అంత దూరం ఎల్లిపోయి కట్టపడిపోవాల్నా, ఉన్నూరు వదిలేసి, ఇదిగిదిగో మన ఐద్రాబాదు, రాండి, ఆ కట్టమేదో ఇక్కడే పడదాం అంటే వచ్చిన పిలగాల్లకు , మల్లీ ఎటో ఒక్కాసి పోయి గుక్కెడు గంజి తాగడం ఎంతసెపెహ్ .. మరాల్లకి బెంజి తెలీదు గదా ..!! సుకపడిపోనారు , నిండు పార్లమెంట్ లో గుడ్ద్దలూడదీసినట్టు సిగ్గుపడనేక..!! హమ్మియ్య.. ఇన్నాల్లకన్నా ,సుకంలో కాపు గాసి, కట్టంలో మర్యాద లేని పెల్లి పెటాకులయిపోనాది. సుబ్రంగా తలారా నీళ్ళోసి, పనిలోకి దిగండేహే.. ఇంకెన్ని బుజ్జి బెంగలూరులు, చేన్నపట్నాలు, మన చిన్ని చిన్ని వూల్లల్లో తయారు చేయాలి గందా.. వింటున్నారా అండీ.. ఆయ్ .. నేనేనండీ చెప్త.. పక్కవాడి ఇల్లు దుమ్ము దులిపి కల్లాపెసేందుకు ఉన్న శక్తి, మనిల్లు కడుక్కొని కళ కళ లాడించేన్దుకు డబల్ గా వస్తాది కదండీ.. సందేహం ఎందుకు .. ?? ఓయ్.. అమిరికా,ఇతర దేశాల సీమాంధ్ర బాబులూ.. మనిల్లు శుభ్రం చేద్దాం రండి . కాలికి దూరం కావచ్చు మీరు, కంటికి చాలా దగ్గరే కదా .. రండి, రండి మీ ఇంటి దుమ్మూ ధూళీ దులిపి, అయినవాల్లతో ఆనందంగా అభివృద్ది పాలు పొంగించండి.. శుభమస్తు !! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1d8oET1

Posted by Katta

Sai Padma కవిత

సాయి పద్మ //చూస్తూ, వింటూ, కలుస్తూనే ఉన్న నా నువ్వు ..! ఎక్కడో చూసినట్టే ఉంది నిన్ను .. పులుసు కలయబెడుతూనో, వెల్లుల్లి సరిపోతుందో లేదో అని ఆదుర్దా పడుతూనో చిక్కగా చిక్కడిన దారపురీలుని సవరదీస్తూనో, తటాల్న విసిరే మాటల గాయాలకి మందు రాసుకుంటూనో మోకాళ్ళ నెప్పుల నిప్పుల గుండం కుంటుతూనో అరిచేతుల ఆవిరైన స్వర్గాల పెళుసులు నిమురుతూనో ఎక్కడో విన్నట్టే ఉంది నీ మాట సుళ్ళు తిరుగుతున్న సంగీతం హటాత్తుగా ఆగిన అపశ్రుతి లా అరిగిపోయిన మంగళసూత్రంలో విరిగిపోయిన లక్క శబ్దంలా జవాబు తెలిసీ మాట్లాడని భేతాళిని లా , నీ కళ్ళల్లో నీ మాట వినపడుతూనే ఉంది అత్యంత రుచికరమైన నీ అసహనపు తిరగమోత లయలా ఎక్కడో కలిసినట్టే ఉన్నాను నిన్ను వోద్దిగ్గా మడతపెట్టిన కుర్చీలో, జాగ్రత్తగా సర్దిన పేపర్ల మధ్య జయజయధ్వానాల చప్పట్ల కీర్తి వెనుక సాయంకాలపు నీరెండలో వొంటరిగా వచ్చిన పేరెంట్స్ మీటింగుల్లో , నిరామయ జంట చేతుల చప్పట్లలో నిర్లక్ష్యపు ఆహాలకు నలిగి, మూడంకె వేసిన మొహాల కన్నీటి మధ్య బితుకు బితుకు మంటూ కలిసీ కలవని పాత స్నేహితుల మాటలలో చూస్తూ, వింటూ, కలుస్తూనే ఉన్నాను నిన్ను ఇక్కడే , ఎప్పుడూ, నీ మేధో సమాధుల్లో మెదడు దాచిన మేకపు తళుకుల మధ్య నీరవమైన జీవోత్సాహపు చిరుచెమటల మెరుపుల వరుసల్లో సమాధానపడుతూ, నువ్వు నమ్మినట్టు నటిస్తున్న నీ కవితల పంక్తుల్లో ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/N24owL

Posted by Katta

Sai Padma కవిత

సాయి పద్మ //.......................... నాదీ అనబడే పెద్ద ఆశలేం పెట్టుకోలేదిక్కడ కాటి దాకా కంట నీరై తిరగాలని కూడా లేదు కొత్తనీరు, పాతచావు రెండూ సమానమే అయ్యాయి జీవితమంతా చిటికెడు ప్రేమ కోసం తపించే స్త్రీలు అణచివేతని ఆరుగజాల చీరలా చుట్టిన పడతులు గుప్పెడు బూడిదయ్యే విషయంలో కూడా అసమానతల్ని... అధికారాన్ని రోజువారీ వంటలా ..కర్మ సిద్ధాంతపు మంటలా సమాధాన పడటం చూస్తే నిస్సహాయితని , అది పెంచే సంస్కృతి నీ నిద్ర లేపి మరీ ,మళ్ళీ చంపాలనిపిస్తోంది .. ఈ కవితకి క్రాఫ్ట్ లేదు ... ఐచ్చిక జైలు ముంగిట్లో కళ్ళాపి జల్లే ఆడవాళ్ళని ప్రేమించే నాకు బుద్ధి లేదు ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1bVgk8N

Posted by Katta

Sai Padma కవిత

Sai Padma //Lonely Lust…!! ~~~~~~~~~~~~~~~~~~~~ Pondering over twisted tongues Metaphorically physical beings You feel lonely Suddenly you feel lovely being lonely Amidst cacophony of life You lust for loneliness Where is real lonely-dom really? Who is real loner anyway? The smells, sounds waffling through minds Windows The brutality of silence, the sound of it The baffling lust for the unachievable Unconsummated.. yet mated passions The temple of body... the ruins of soul Both are lonely and deserted Who is real loner anyway… my dear ? Who is real loner anyway…? If you find the answers.. Don’t dare to enter my lonely-dom I am done with your Predictions and procrastinations I am lusting my real loneliness I am trying to find serene loneliness ..!! --Sai Padma

by Sai Padma



from kavi sangamam*కవి సంగమం*(Poetry ) http://ift.tt/1efpJxH

Posted by Katta

Sai Padma కవిత

కొన్ని నిర్మోహ నిర్వచనాలు ~~~~~~~~~~~~~~~~~~~~ అందం : డేగ కళ్ళ సమూహాల కొలతల డెఫినిషన్ ప్రేమ : రాత్రికి గుర్తొచ్చే ఒక అవసరం మోహం ; ప్రేమ పదం మానేస్తే , కవితల్లో వాడేది కామం: అర్వాచీన అవసరం.. ..మా కాలం లో ఇలా కాదు ' అని అవాక్కయ్యేది ఆవేశం: ఆడవాళ్ళకి మాటల్లోనూ, మగవాళ్ళకి చేతల్లోనూ ఉండేది ఆత్మీయత : బంధాల్లో తక్కువగానూ, నిర్బందాల్లో అతి తక్కువగానూ, స్వేచ్చ లో హక్కుగానూ ఉండేది ఆధ్యాత్మికత: ఇన్వెస్ట్మెంట్ దొరికితే మంచి బిజినెస్స్,.. లైన్ కి మరరోవైపు ఒక నిస్సహాయత వొంటరితనం : అస్సలు జెండర్ లేని .. అనాదిగా ఓవర్ రేటెడ్ కవిత్వ వస్తువు సున్నితమైన మనసు : ఎవరికి వాళ్ళు, తామొక్కరికి మాత్రమే ఉంది అనుకునేది కథ : జెండర్ గోల లేకుండా ... అందర్నీ ఊరించే ప్రేయసి కవిత్వం : నిర్వచించలేకపోయినా .. అందరూ వచించేది --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1kkzlXV

Posted by Katta

సాయి పద్మ || చెలిమి... ||

నాలో అహంకారం నశించేందుకు నమ్మకమైన నేస్తం..
నువ్వు..
మొత్తం నువ్వే నిండాక ఖాళీతనానికి ఖాళీ ఎక్కడిదని..
అందమైన అమ్మాయికి తను అందమైనదని తెలిస్తే..
అందంగా ఉండదు..
నాలో నిండుగా నువ్వే ఉన్నావని నువ్వు మురిస్తే
నాకీ గర్వం నిలవదు..
భలే విచిత్రం కదూ..
నువ్వు...నేను..
అస్తిత్వ శిఖరాలపై నువ్వు...
అక్షరాల నిచ్చేనలేసుకుంటూ...నేను

ఉదయాలూ.. సాయంత్రాలూ..
లేక్కపెట్టని రాత్రులూ..
అన్నీ తెలిసేసుకున్నాక...అంతా మాటాడేసుకున్నాక
నా పదాల్లో నువ్వు..
నీ నిశ్శబ్దంలో నేను..

ఎన్ని అకాల వత్సరాలు గడిపానో.... ఎదురు చూపుల్లోనే..
అకారణంగా మారాం చేస్తూ..
బురదలో పొర్లాడే పిల్లాడిలా..
నీ జాడ తెలిసాక.. జన సమ్మర్దంలో..
ఒక మనిషి నీడనైతే చాలదూ..
అనే ధీమా, నమ్మకం..

జీవితం ఎప్పుడూ బాగానే ఉంది..
నువ్వు అర్ధమయ్యాక హరివిల్లైంది.. అంతే..

అదేమంత గొప్ప విషయం కాదులే..
అని.. నువ్వన్నా..
నీ గుండె చప్పుళ్ళ రిథం
వేదంలా వినే నాకు..
ఆ పోకడలూ..నడకలూ తెలియకనా..

రాసేటంత గొప్ప విషయాలేం లేవు మన మధ్య..
నా అక్షరాలూ నచ్చలేదంటూ అలుగుతావు కూడా..
కానీ.. నేను రాసేనని.. నువ్వు చూసే చూపు నచ్చ్సుతుంది నాకు..
మరింక ఎవరి లెక్క నాకేం..?
నీ చూపే నా రాతలకి దిష్టి చుక్క..
అదీ అందమే.. ఎందుకంటె..ఆనందంలాంటి అవసరం కనుక..
--సాయి పద్మ

Sai Padma // మాకు...మేమే..!!

మారీ మారని శరీరం,
మారుతున్న మనసు.
నేనేమిటో నా ఒక్కడికే తెలుసు..
మీకు నచ్చినట్లే బ్రతికా..
తెచ్చిన బట్టలు కట్టుకున్నా..
ఏదీ నచ్చని స్థితి..
నా వాళ్ళు నచ్చే పరిస్థితి..
నా వాళ్ళంటే నా సహచరులు..
మిత్రులు..మగవాళ్ళు..
ప్రేమంటే.. ఆడా..మగా మాత్రమేనా?
మరి మీరు చూపించే ప్రేమ ధర్మమా..నాన్నా..
మీరు తప్పంటారు..
నా మనసు ఒప్పనంటోంది..
మీకు సిగ్గంటారు..
నాకు సహజం అనిపిస్తోంది..
అడగందే అన్నీ ఇస్తారు..
మనసులో కావలసింది తప్ప..
స్వలింగం తప్పంటే..
మన కులం..మతం..ధర్మం..అంటూ..
మీరు చేసే సంకుచిత స్వధర్మాన్ని ఏమంటారు..?
స్వలింగ సంపర్కం..
కోర్ట్లూ.. చట్టాలూ.. ఒప్పుకున్నాయిగా..
కానీ అవి నా హక్కులు మాత్రమే..
మీ మనస్సులో.. తోమబడ్డ ప్రేమ భావజాలానికి
సమాజపు సంకేళ్ళకి..
ఎంతటి వారైనా ..బద్దులు కావలసిందే..
సంఘానికి కావలసింది.. మన మనశ్శాంతి
కాదని తెలిసినా.. మీకేదో అశాంతి..
ఏదైనా.. సరైనది కాదని ఎవరైనా ఎలా చెప్పగలరు..
మీ గాయాలు మీకుంటే..
మా భయాలు మాకున్నాయి..
మమ్మల్ని మేం అర్ధం చేసుకోవాలంటే..
మా ప్రేమ ఆలంబన అని మీకెందుకు అర్ధం కాదు..
అయినా..ఛీ కొట్టే ఆడవాళ్ళ కన్నా..
మాతో సహజీవనం చేసే మగవాళ్ళే మిన్న..
ఎవరో తెలియని సంఘ లింగాల కోసం..
మా లైంగిక హక్కులు కాలరాస్తే ఎలా..?
కొత్తదే కావచ్చు.. మీకు చేత్తదే కావచ్చు..
మా స్వరం మాకుంది..
ఈ తరం మాదైంది..
మీ చీత్కారాలు మీదగ్గరే ఉంచుకోండి..
మా ధిక్కార సంగీతం ..మేం పాడుతూనే ఉంటాం..
ఈ లోగా.. "మగాడివి నువ్వు" అనే వంకతో,
ఒక వెన్నెలమ్మ లాంటి ఆడపిల్ల జీవితం..
మా వల్ల నాశనం కానీకండి..
ఇది తప్పనిసరి.. అర్ధం చేసుకోండి..

00-09-2012