Yessaar Katta కవిత

సురెక || తెలుగు గజల్ -16 ... బాసలెన్నో చేసివున్నా చేష్టలుడిగిన నేతలే ..లెస్సపలికీ ఎందుకో గోసలెన్నో మోసుకున్నా కథమారని రాతలే ..ఇచ్ఛవిరిగీ ఎందుకో .. ఎలుగుఏనుగు పునుగుపులులు కానలో ఎన్నున్నా ఎదురు తిరగని మేకపిల్లలె........అమ్మబలికీ ఎందుకో. .. వివాదాలను త్రొక్కిపెట్టి తోడునీడగ వుందునంటూ వీపు వెనక గోయిత్రవ్వుడు ... నమ్మగొలిపీ ఎందుకో. .. పల్లెసీమలో కూడివున్న మైదానాలు ముందరున్నా చెట్టు మీదనే పిల్లలాటలు....... కొమ్మవిడిచీ ఎందుకో. .. కష్టకాలమున దంటనేనని విషాదాలు చేరుతుంటే ఉడాయింపుల దారిచూపులే....జబ్బచరిచీ ఎందుకో. .. తప్పుతోవన సాగుతుంటే తప్పవెపుడూ తిప్పలంటూ తమకు మాత్రం అడ్డదారులే....... చెవ్వుకొరికీ ఎందుకో. .. ఒకరికొకరు తోడువుంటే ఒదలుగొనవా మమతలంటూ సుధకు ఆశల చూపులెన్నో........నవ్వువిరిసీ ఎందుకో. .. (తెలుగు గజల్ -16 ** 18/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/1kMDDVC

Posted by Katta

Yessaar Katta కవిత

సురెక || తెలుగు గజల్-15 .. చిన్నమనసును తీర్చిదిద్దగ నాన్న సేవన చాలదా పిన్నమనిషిని గొప్పచేయగ నాన్న పాలన చాలదా. .. కోరికలను మోసుకుంటూ కష్టకాలము సాగినపుడు మదికి తనుపుల నివ్వగా నాన్న దీవెన చాలదా. .. సంపదలను కోసుకుంటూ నష్టకాలము వేచినపుడు హృదికి మెలపుల నివ్వగా నాన్న లాలన చాలదా. .. ఈసులెన్నో మోసుకుంటూ మనికిబండి ఆగినపుడు బతుకు బాగును చేయగా నాన్న భావన చాలదా. .. నిక్కులను చూసుకుంటూ తప్పుడడుగు వేసినపుడు సుధల ఝరులు చూపగా నాన్న ఆలన చాలదా. .. పితృదినోత్సవ సందర్భంగా- కొద్దికాలం క్రితం స్వర్గస్తులయిన మానాన్నగారి స్మృతిలో : (తెలుగు గజల్ -15* 15/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/1sfxQS7

Posted by Katta

Yessaar Katta కవిత

సురెక || తెలుగు గజల్ -14 .. ఊహల తలయేఱులే మెదిలింది చిన్నెలవాలే అయినా ఊసుల సెలయేఱులే కదిలింది వన్నెలబాలే అయినా. .. సఖునికి తాపమే చెలితలపుల వేడిలో కనుదోయిని తడిపింది వెన్నెలవేళే అయినా. .. చెలికంతా కోపమే పొరిచూపుల వాడిలో సిగమాటుగ ఒదిగింది మల్లెలమాలే అయినా. .. పెదవికి బిగువే చిరుకులుకుల నీడలో మదిగదిలో కురిసింది నవ్వులహేలే అయినా. .. సవ్వడితో సిగ్గులే ఇరుతనువుల క్రీడలో పొదగూటిలో విరిసింది గువ్వలగోలే అయినా. .. సంబరాల జల్లులే సుధచినుకుల తోడులో బాల్యములను కలిపింది గవ్వలజోలే అయినా. .. (తెలుగు గజల్ -14 * 13/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/1v8lWYe

Posted by Katta

Yessaar Katta కవిత

.. ఆగష్టు 2012 పదిహేనున హైదరాబాదు “ఇఫ్లూ” లో జరిగిన 'కవిసంగమం పోయెట్రీ ఫెస్టివల్' మన కవిసంగమం ప్రయాణంలో ఓ మలుపురాయి. ఆ పండుగ సంబురాలలో నేనూ పాలుపంచుకున్న సంతోషం నాలోన నిలిచేవుంది. కవిసంగమం అపూర్వ సమ్మేళనంలో నాలో కలిగిన కొన్ని అనుభూతుల్ని అప్పుడే కవిత్వంలా రాసుకున్నా యిది అందరితో పంచుకోలేదు. ఎందుకంటే నేను రాసింది ఆధునిక వచన కవిత్వంలో కాదు. ఆరు కందపద్యాల్లో నాటి నా అంతరంగాన్ని జోడించి రాసుకున్నవి. మన కవిసంగమంలో చేరిన కొందరు క్రొత్త మిత్రులతో ఆనాటి అనుభవాల్ని పంచుకోవాలనే ఉద్దేశ్యంగానే యిపుడు పోస్ట్ చేస్తున్నాను. సురెక || పంద్రాగష్టు 2012 .. ||కం||కవనం కవనం ఐనది కవిజనమంతా మిళింద కటకము కాగన్ కవియించిన రాగాలతొ కవగొనిరానాడు పండుగ దినము జేసీ ! .. ||కం||అలరించిరి గానాలతొ తొలకరి భావాల వాన తొలుకగ బాగా చెలరేగిరి వారందరు ఒలికిన ఆలోచనమ్ము లొడికము కాగన్! .. ||కం||కురిపించిరి రాగాలను మురిపెము జారన్ కవిత్వముదిరము నుండీ విరచించిన గేయాలను పరితము లాగా నుతించి పటిమను జూపీ ! .. ||కం||కవిసంగమమే కోరగ చవిగొని మన్నించె వారు చతురిమ జూపీ కవిమాన్యులు తామందరు కవితల గూర్చీ గణించి కడుగొనిరెంతో! .. ||కం||పదిహేనవ ఆగస్టున కదలిరి వారందరెంతొ కలితము కాగన్ ముదలించిరి వారెంతయొ మదిమది తోనే కవనమ్మలరగ నాడున్ ! .. ||కం||అనురాగముతో కూడిరి అనువును చూపీ కవితల అమరికచేసీ తునికోలగ వారందరు అనఘపు గేయాల మత్తు అనువుపడంగన్! .. (12/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/1v3AR6a

Posted by Katta

Yessaar Katta కవిత

సురెక || తెలుగు గజల్-13 .. హళదిచంద్రాలు కురుస్తుంటే తెలిసిందిలే అది మేకము బలిఆసమని పాదచారులను కఱుస్తుంటే తెలిసిందిలే అది శ్వానము పొలిసీసమని. .. కన్నవాళ్ళను కలవాలని పుట్టింటికి సతిపోతే విభునికి తెలిసిందిలే అది వెన్నెల చలిమాసమని. .. అత్తింటిలో చేతికిచ్చిన లవణలడ్డు తినిచూస్తే బావయ్యకు తెలిసిందిలే అది సాలిక మెలిహాసమని. .. చేతికొచ్చిన పెళ్ళిపిలుపు ఒకసారి చూసుకుంటే ప్రియునికి తెలిసిందిలే అది నెచ్చెలి తొలిమోసమని. .. తనుచేసిన కనుసైగకు స్పందనేమి రాకపోతే సఖునికి తెలిసిందిలే అది నచ్చని చెలికోసమని. .. మీదపడిన బొద్దింకతొ ఎగురుతూ అరుస్తుంటే ప్రభువుకు తెలిసిందిలే అది శాలిని గిలిలాసమని. .. మల్లెపూవులు మరచిపోయి మత్తులోన ఇంటికెళ్తే మగనికి తెలిసిందిలే అది కౌగిలి వెలివాసమని. .. (తెలుగు గజల్-13 * 11/06/2014 )

by Yessaar Katta



from kavi sangamam*కవి సంగమం*(Poetry ) http://ift.tt/1hHuCT0

Posted by Katta

Yessaar Katta కవిత

సురెక || తెలుగు గజల్-12 .. పుడమితల్లికి కోపమెంతో ఎండిపోయిన కుంట చూసీ పల్లెతాలుపు కళ్ళమంటా గొడ్డు-కాపుల జంట చూసీ. .. కోతకొచ్చిన వరిచేనులొ ధాన్యమంతా నేలరాలితే రైతుగుండే మూగపోయే నీరుముంచిన పంట చూసీ. .. నేలవాలిన జొన్నపంటలో కంకిపైనే మొలకలొస్తే పేదబతుకు ఆగమాయే వానతెచ్చిన తంట చూసీ. .. వానజల్లుల కుండపోతలొ పూరిగుడిసెలు కూలిపోతే ఆకలమ్మకు కడుపుమండే గింజఉడకని వంట చూసీ. .. పూతకొచ్చిన పళ్ళతోటను గాలివానలు ఊడ్చిపెడ్తే కౌలుదారుకు కళ్ళుతిరిగే అప్పులెక్కలు ఇంట చూసీ. .. కూలీనాలికి పోదమన్నాకురిసెవానలో పనుల్లేక పల్లెతల్లీ తల్లడిల్లే వెతలబతుకులు వెంట చూసీ. .. బ్రతుకుసుధలు దేవులాడా ఊరునొదిలీ పోదమంటే అన్నదాతకు గుండెజారే గొడ్డుగాదము కంట చూసీ. .. (తెలుగు గజల్-12 * 09/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/TyiUzd

Posted by Katta

Yessaar Katta కవిత

సురెక || తెలుగు గజల్-11 .. నిరుపేదను చేరదీస్తే సానుభూతి వున్నట్టే ఆపదలో ఆదుకుంటే ధర్మనిరతి వున్నట్టే. .. సెగలురేపు కనులకింత సైగల తోడుంటే చినదాని మనసులోన అభిరతి వున్నట్టే. .. నెచ్చెలిచేసే అల్లరంత మురిపెంగా భావిస్తే ఎదగదిలో మాలిమికి అనుస్మృతి వున్నట్టే. .. ముసిరిన చలిలోన ఒంటిపాటు వెక్కిరిస్తే చెలివొడిలో చేరాలని అనుమితి వున్నట్టే. .. గతప్రేయసి బంధాలు నాగులై ఊగినా దేవేరిని గెలుస్తుంటే అవగతి వున్నట్టే. .. కలతల దారిలోన సుధలధార నింపితే వార్ధక్యపు బతుకులోన అవరతి వున్నట్టే. .. (తెలుగు గజల్ -06/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/1upArXk

Posted by Katta

Yessaar Katta కవిత

సురెక || తెలుగు గజల్-10 .. మనిషికి మనిషే తోడై నిలుచునులే మనసన్నది ఇస్తుంటే మనిషికి మనిషే నీడై మెసలునులే మమతన్నది ఇస్తుంటే. కులమతభేదాల గడులు బీటలు బాఱునులే మంచితనం మనిషిలో చిరునవ్వులు వీస్తుంటే. పరమతవాదాల సుడులు మెల్లగా మారునులే ప్రేమబలం మనిషిలో విరిపువ్వులు పూస్తుంటే . తరతమరాగాల సడులు తక్కెఱ చేరునులే స్నేహగుణం మనిషిలో సిరితొవ్వలు వేస్తుంటే. స్వ-పరప్రాంతాల జడులు చక్కగ తీరునులే అన్యోన్నత కాంతుల్నీ మదిదివ్వెలు యిస్తుంటే . ఈర్ష్యాద్వేషాల మడులు సుధలుగ మారునులే సహనత్వం ఆసరుండి బరిదవ్వులు కోస్తుంటే . .. (తెలుగు గజల్-10 ....... 04/06/2014)

by Yessaar Katta



from kavi sangamam*కవి సంగమం*(Poetry ) http://ift.tt/Tc3FvG

Posted by Katta

Yessaar Katta కవిత

సురెక || తెలుగు గజల్-8 .. నిజంనీడన నిలిచుంటే నలుపన్నది లేనట్టే కుదురులేని మనిషికి సొలుపన్నది లేనట్టే .. ఓటమి తలుచుకుని ఎప్పటికీ ఏడిస్తే ఓడుపడ్డదారిలో గెలుపన్నది లేనట్టే. .. చెలిప్రేమ చేజారినా దిగులే లేకుంటే నెఱగానిమదికి తలుపన్నది లేనట్టే. .. జీవితసత్యంతో ముందుకు పోతుంటే బతుకుబాటలో అలుపన్నది లేనట్టే. .. ఆగని కోరికలు పరుగులు పెడ్తుంటే మదిగుఱ్ఱానికి పలుపన్నది లేనట్టే. .. ప్రీతిసుధల తోడ నిత్యం నిలుస్తుంటే జీవనసేద్యంలో కలుపన్నది లేనట్టే. .. (తెలుగు గజల్ -8 31/05/2014)

by Yessaar Katta



from kavi sangamam*కవి సంగమం*(Poetry ) http://ift.tt/1oFlkZU

Posted by Katta

Yessaar Katta కవిత

సురెక ||తెలుగు గజల్-6 .. తల్లిచూపులొ మెసలుతుంటే ప్రేమదీవెన అందుతుందీ మంచిదారిన పొసగుతుంటే గొప్పభావన అందుతుందీ. .. మానవత్వము వదలకుంటే ఎల్లవేళల జయంవెంటే రొంపిఒడిలో కలువ వున్నా పూజజక్కన అందుతుందీ. .. సద్గుణము వెన్నంటివుంటే ఎక్కడున్నా మనిషిజయమే కంపపొదలో మల్లె వున్నా మంచివాసన అందుతుందీ. .. సత్యవర్తన మానకుంటే రెండు మనసుల నిండుదనమే భేదభావం ముసురుకున్నా స్నేహవీవన అందుతుందీ. .. సమ్మతమ్ములు కూడివుంటే కనులనిండా ప్రేమసుధలే సామరస్యము చేరుకొనగా మోహవంతెన అందుతుందీ. .. (తెలుగు గజల్: 28/05/2014)

by Yessaar Katta



from kavi sangamam*కవి సంగమం*(Poetry ) http://ift.tt/1mF4yqt

Posted by Katta

Yessaar Katta కవిత

సురెక||తెలుగు గజల్ -5 .. దేశప్రేమ పెంచితే ప్రగతిని నిలబడి చేరినట్టే కులపిచ్చి పంచితే దుర్గతికి కలబడి పోరినట్టే. .. కాలేపేగుకు కూడు యింత దొరికితే ఆకలి మంటకు ఇక సెగవడి తీరినట్టే. .. కవి లోచనకు భావం యింత దొరికితే పాళీనడకకు ఇక బలువిడి కూరినట్టే. .. చెలిమనసుకు రాగం యింత దొరికితే మది ఊసుల్లో ఇక అలజడి దూరినట్టే. .. ప్రేమదోయికి వలపు యింత దొరికితే అధర పలుకుల్లో ఇక అలికిడి జారినట్టే. .. దీపవల్లికి తైలం యింత దొరికితే కాంతి సుధలకు ఇక నిలకడ చేరినట్టే. .. (తెలుగు గజల్-25/05/2014)

by Yessaar Katta



from kavi sangamam*కవి సంగమం*(Poetry ) http://ift.tt/1h1WUrl

Posted by Katta

Yessaar Katta కవిత

సురెక||వోటు బా(పా)ట.. 1. దేశము బాగునే కోరుకో వోటేసి భాగమై ఆదుకో ! వోటరన్నా నీవు మేలుకో వోటేసి దేశాన్ని ఏలుకో !! 2. సందు చూసి దండుకోకు మందు వేసి పండుకోకు ! నోట్లజాతరల సొమ్ముషోకు వోటునెపుడు అమ్ముకోకు !! 3. నేతల్ని కంట కనిపెట్టు ‘నోటా’తొ వారి పనిపట్టు ! నోటి మాటలు కట్టిపెట్టు వోటు బాటకు పట్టుపట్టు !! 4. వోటుంటే రాదంట చేటు దానితోనె వేయిర వేటు ! వోటుంటే లేదంట లోటు అదివేసి నీ సత్త చాటు !! 5. వచ్చింది వోట్ల పండుగ వోట్లేసి చేద్దాం నిండుగ ! బద్దకించి ఇంట్లొ ఉండక వేద్దాం వోట్లన్ని మెండుగ !! .. (నేటి సార్వత్రిక ఎన్నికల సందర్భంగా-30/04/2014)

by Yessaar Katta



from kavi sangamam*కవి సంగమం*(Poetry ) http://ift.tt/1pKXRrc

Posted by Katta