Kontham Venkatesh కవిత

కొంతం వేంకటేశ్: అభినందన..: మండవ మిశ్ర శంకర భగవద్పాదుల న్యాయమూర్తి ఎవరోయి.. నరకాసుర వధ యందున నారసమెత్తినది ఎవరోయి.. కఠిన తపమునాచరించి అపర్ణయయిన ఆది ప్రేమమయి ఎవరోయి.. నిండు సభలో పండు మనసుతో రఘునందను వరించినది ఎవరోయి.. ఆంగ్ల రాక్షసులను వామ హస్తమున తరిమివేసినది ఎవరోయి.. కాకతీయ వంశప్రభకు వెలుగులద్దినది ఎవరోయి.. చంద్రమండలమున యాత్ర సల్పిన ధీరోద్ధాత్త మూర్తి ఎవరోయి.. అవనిన వెలసిన వనితా విరి కమలాలకు శ్రమ సౌందర్య విరాట్ తేజోమూర్తులకు ఇవియే నా మంగళ శాసనములు..! హృదయపూర్వక అభినందన చందనాలు..!! 08/03/2014

by Kontham Venkatesh



from kavi sangamam*కవి సంగమం*(Poetry ) http://ift.tt/1nsFi6E

Posted by Katta

Cv Suresh కవిత

సి.వి.సురేష్ || రె ౦ డు హృ ద యా ల మ ధ్య న‌ || ఇక చాలిస్తావా? ప్రవహిస్తున్న నీ జ్ఞాపకాలకు అడ్డుకట్ట‌ వేయ‌వా? శరాఘాతాల్లా తగులుతున్న నీ ఊహలకైనా చెప్పు ఇక‌ భరి౦చే శక్తి నా గు౦డెకు లేదని నీ ఆలోచనలు అగ్నికణికలను రాజేసి హృదయాన్ని మెలిపెడుతున్నా జాలిలేని కాల౦ ఆగిపోతో౦దే కానీ నా లోని శేష ప్రశ్నలకు సమాధాన౦ ఎక్కడ? ప్రతి అస్తమాన౦ వేదనని మిగిలిస్తో౦టే ఘనీభవి౦చిన రాత్రుళ్ళు నాలోని చీకటితో సయ్యాటలాట‌ నా మనో గదిలో ప్రశ్నల హోరుతో నేను విలవిల ఏకా౦తాలను కమ్మేసే మరుపెరుగని నీ సా౦గత్య౦ రొజుకి౦త గు౦డెను తొలుస్తూ నాలోనే బాసి౦పట్టేసుకొని ఋతువుల జాడే కనిపి౦చని నా జీవితాన‌ ఎ౦డుటాకుల శబ్దాలు కర్ణకఠోర౦గా మౌన స్థబ్ధతను నే పధిలపరుచుకొ౦టే ఉలుకూ పలుకు లేని నీ జ్ఞాపకమే నన్ను తీవ్ర హి౦సకు గురి చేస్తు౦టు౦ది 2 అయినా సరే... నాలా నీవు వేదన పడకూడదని నేననుకు౦టానా! నా మనసు మాత్ర౦ నీవి౦కా నాకన్నా ఎక్కువగా బాధ‌ పడాలని అనుకొ౦టో౦ది నిన్నె౦తగానో ప్రేమి౦చే నాలో... ఈ వి౦త స్థితి నాకే ఆశ్చర్య౦!!! @ సి.వి.సురేష్

by Cv Suresh



from kavi sangamam*కవి సంగమం*(Poetry ) http://ift.tt/1k3QdCx

Posted by Katta

Bharathi Katragadda కవిత

సీ. ఇంతుల చరితలు ఇలలోన మెరువంగ కన్నీటి రాసుల కథలు ఏల? మహిళలే రాణులై మహిని పాలింపగ కన్నీటి రాసుల కథలు ఏల? సిరులనే కురిపిస్తు శ్రీలక్ష్మి నడవంగ కన్నీటి రాసుల కథలు ఏల? చదువుల శక్తిచే శారద నడవంగ కన్నీటి రాసుల కథలు ఏల? తే. తరుణి కథలన్ని బాధలె తరచి చూడ అతివ రెక్కలకష్టమె అవని వెలుగు పురుష లోకాన కామపు ముసుగు లోన తరతరాలుగా తరుణియె తల్లడిల్లె!

by Bharathi Katragadda



from kavi sangamam*కవి సంగమం*(Poetry ) http://ift.tt/1k3N6KA

Posted by Katta

Srinivasu Gaddapati కవిత

అగ్నిపర్వతం ---------------- హిందీ:-ఓంప్రకాష్ వాల్మీకి స్వేచ్చానువాదం:_శ్రీనివాసుగద్దపాటి _________________________________________ గడిచిన ఆ క్షణాలగురించి ఏడుస్తూ కూర్చుంటావా..?! కాన్నీళ్ళు కారుస్తూ కూర్చుంటే మనకుదొరికేదేంటి.....?! సానుభూతి.... దయ..... కరుణ... ఇంకా..... వారి వేదనాభరితమైన కవిత్వం పొస్ట్ కవర్లలొ ఉత్తారాలు మరో కవరు ఇంకో ఉత్తరం ఆ ఉత్తరాలను చూస్తూనే.. ద్వేషంతో చింపేస్తూ.. చెత్తబుట్టలో పారేయటం ఎప్పుడైనా చూశావా...? కన్నీళ్ళు తుడుచుకో.. ఆపేయ్ వాటిని మూసేయ్ ఆ అవమానవీయ అకృత్యాలను లావాలాచేసేయ్ కూడబెట్టుకున్న ఆ కన్నీళ్ళను ఏదో ఒకరోజు అది తన్నుకొస్తుంది అగ్నిపర్వతం లా.... 08.03.2014

by Srinivasu Gaddapati



from kavi sangamam*కవి సంగమం*(Poetry ) http://ift.tt/NKe5Qt

Posted by Katta

Harish Babu కవిత

//అందుకే నువ్వు అమ్మవైనావ్//భీమ్// నా కష్టాల్లో కన్నీళ్ళై.., నా సంతోషం వెనుక కారణం అయ్యావ్ అలిగినపుడు తరగని కూటి కుండ.., ఫోన్ చేయనప్పుడు నిద్రపోని రాత్రులు హాస్టల్ నుంచి ఇంటికి వొచ్చిన ప్రతిసారీ దీర్ఘంగా నన్నే చూసే ఆ కళ్ళకు..., ఏం ఇచ్చి ఋణం తీర్చుకోను...! ఋణం సంగతి దేవుడికి ఎరుక.., నువ్వు పదికాలాలు చల్లగా బ్రతుకు బిడ్డ అంటావ్ అందుకే రాజేశ్వరి నువ్వు 'అమ్మ'వైనావ్ మొగుడు తాగొచ్చి కొడుతుంటే.., ఉయ్యాలలో నిద్రపోయే బిడ్డ భవిష్యత్తు అంచనా వేస్తూ తన్నుకొచ్చే ఏడుపుని కడుపులో దాచిపెట్టి కన్నీళ్ళనే ఆకలిగా తీర్చుకున్నావ్ పట్నంలో చదివే కొడుకు ఇంటి నుంచి తిరిగి వెళ్తుంటే ఒక్కసారైనా చూడకపోడానీ వాడి చూపుకోసం రోడ్డు మలుపు దాక ఎదురుచూసే ఓ చిన్ని ఆశవైనావ్ ఒకటేమిటి "అమ్మ" చెప్పుకుంటూ పోతే ఎన్నో...! ఈ జన్మనిచ్చినందుకు కృతజ్ఞతలు చెబితే స్వార్ధం అంటావ్ అదే స్వార్ధంతో నేనే అందరికన్నా మిన్నగా బ్రతకాలని ఆ దేవుడినేకోరుకుంటావ్ ...! నీ ప్రేమకు నేను ఏం చేయగలను అమ్మ ఇలా పిచ్చి వ్రాతలు వ్రాయటం తప్ప...!

by Harish Babu



from kavi sangamam*కవి సంగమం*(Poetry ) http://ift.tt/NK0jND

Posted by Katta

Yasaswi Sateesh కవిత

by Yasaswi Sateesh



from kavi sangamam*కవి సంగమం*(Poetry ) http://ift.tt/1imDs8E

Posted by Katta

Yasaswi Sateesh కవిత

by Yasaswi Sateesh



from kavi sangamam*కవి సంగమం*(Poetry ) http://ift.tt/1ecPwSx

Posted by Katta

Sri Modugu కవిత

శ్రీ మోదుగు // దీవెన … // ఈ నల్ల రాళ్ళలో తెల్లని కలువా పడి లేచిన కెరటమా ఉదయించే అరుణమా అవమానాలను అధిగమించి భయాలను బందీ చేసి పసలేని త్యాగాలను కాలరాసి ఆడంబరాలను తృణీకరించి నిబ్బరానికి ప్రతీకగా ఉత్తేజానికే ప్రెరణ గా వాస్తవానికి కానుకగా నిలిచిన నిత్య చైతన్యమా ఇదే నా దీవెన మనో వాంఛా ఫల సిద్ధి రస్తు.... Date:08/03/2014

by Sri Modugu



from kavi sangamam*కవి సంగమం*(Poetry ) http://ift.tt/1k37awR

Posted by Katta

Nirmalarani Thota కవిత

పూవు విరిసింది . . వెన్నెల కాసింది . . చినుకు కురిసింది . . హరివిల్లు వెలిసింది . . సృష్టిలో ప్రతీది స్త్రీ వాచకమే . . పకృతంతా స్త్రీ మయమే . . ! ఆకాశమై పరచుకునే మనసు మాదే . . నీరై కరిగి జాలువారే ప్రేమ మాదే . . అవని ఒడలంతా మోసే సహనమూ మాదే . . ఉచ్వాస నిశ్వాసాల గాలిలో ఊపిరి పోసేది మేమే . . దీపమై వెలుగు పంచే వంటచెరుకై కడుపు నింపే నిప్పు కణికలం మేమే . . పాతాళ గంగ మేమే . . హిమవన్నగ శిఖరం మేమే . . నింగి నేలా నీరూ నిప్పు గాలి పంచభూతాలు మా రూపాలే . . చైత్ర కోయిలలై చైతన్య గీతికలై జగతిని మేలుకొలిపే సుప్రభాత వీచికిలం . . జీవితమంతా పూలై, పండ్లై , నీడై , చివరికి వంట చెరుకై కాలిపోయే తరుణీ తరువులం . . ఎవడురా. . . ఆడది అబల అన్నది . . ? పురుటినొప్పులకోర్చి జన్మనూ తనవారి తప్పుల్ని కడుపులో దాచుకొని అడుగడుగునా ఆలంబనై జీవితాన్నిచ్చే సహన బలం మీకుందా . . ? పస్తులుండి కూడా రక్తాన్ని పాలుగా చెమట చుక్కల్ని పంచభక్షాలు చేసి తన వారి కడుపు నింపే మా త్యాగం బలం మీకుందా? కట్టుకున్నవాడు తరిమేసినా కసాయి సంఘం వెలివేసినా కాఠిన్యపు విధి కాటేసినా ముళ్ళ బాటన రక్తమోడుతూ కన్న పిల్లల్ని వెలుగు బాటన నడిపించే మా మనో బలం మీకుందా? కండబలం కాదురా . . గుండెబలం కావాలి . . ఆ కండల్ని పెంచింది మేమేననే బుద్ది బలం కావాలి . . కాసింత ప్రేమ చూపితే అల్లుకుపోయే గోరంత అత్మీయత పంచితే అంకితమైపొయే " ఆడ మనసును " అర్ధం లేని ఆంక్షలతో అంతం లేని కాంక్షలతో ఆధిక్యపు పురుషంకారంతో ఆత్మభిమానాన్ని కించ పరిచి పోరాట బాట పట్టించారు . . గదిలో బంధించి కొడితే పిల్లికూడా పులి అవుతుందే . . మరి తల్లి ఏమవుతుంది . . ? సహనాన్ని సౌహార్ద్రతనీ అసమర్ధతగా భావిస్తే సీతలు సత్య భామలై . . అనసూయలు అపరకాళికలై అంతు చూస్తారు . . మనసు కళ్ళు తెరిచి చూడండి . . ఇది . . మగాడితో చెలగాటం కాదు . . మనుగడ కోసం పోరాటం . . మోజుపడ్డ ఆధిపత్య పోరు కాదు . . గాయపడ్డ అస్థిత్వపు కడలి హోరు . . ఏదో ఒక రోజు తీరం దాటిన కెరటాలు ఉప్పెనై ముంచుకొస్తే . . మునిగిపోయేది మీరూ . . మేమూ . . ఇకనైనా మారండి . . ఆడదాన్ని అబలగా కాక ఆలంబనగా గౌరవించండి . . ఆత్మీయంగా అక్కున చేర్చుకోండి . . ! ప్రకృతంతా పరుచుకున్న ధరణి మేమైతే సూర్య చంద్రులు మీరు . . తొలి పొద్దులో మీ చుట్టూ మేము . . మలి సంధ్యలో మా చుట్టూ మీరు . . జీవితాంతం తిరగాల్సిందే . . సహగమనం సృష్టి గమనం సాగాల్సిందే . . ! నిర్మలారాణి తోట [ తేది" 08.03.2014 ]

by Nirmalarani Thota



from kavi sangamam*కవి సంగమం*(Poetry ) http://ift.tt/1ecyzaJ

Posted by Katta

Jaya Reddy Boda కవిత

// జయ రెడ్డి బోడ // మహిమాన్విత // యాస లోనైతేనేం గిరిజన బాషలోనైతేనేం తల్లిగా నీ ప్రసవం ఒకటే ఆ లాలింపూ.. ఒకటే నీ ప్రేమకోసం తపన పడే ఒకరికి యుద్ధం, నీ ఓదార్పే ఒకరికి సింహాసనం నిన్ను గెల్చుకోవడమే ఒకరికి రాజ్యాధికారం నీ తోడుతో జీవన నౌకను నడిపిన నావికుడికి చిరకాలపు.. సేద దీర్చు ఒక సుమధుర తల్పం నువ్వు బ్రతుకు పోరులో అలసిన వారికీ దేవుడిచ్చిన గొప్ప వరం నీ ఒడి, నీ చిట్టి చేతులే ఎడారి బాటసారికి చల్లని వింజామరలు మళ్లీ నువ్వొక దినానికి కట్టిన ఒక రూపు రేఖవు కాదు వెరసి సర్వ మానవాళి ఇచ్చలు దీర్చు ... కలియుగ కల్ప వృక్షానివి నువ్వు .. ఓ అతివ ఓ మహిళా.. గొప్ప మహిమాన్వితవు నువ్వే నువ్వే ... ! (08-03-2014. మహిళా దినోత్సవం సంధర్భంగా మహిళా మణులు అందరకు శుభాకాంక్షలు )

by Jaya Reddy Boda



from kavi sangamam*కవి సంగమం*(Poetry ) http://ift.tt/1ecyyUr

Posted by Katta

Padma Sreeram కవిత

మహిళా దినోత్సవం...??? ||పద్మా శ్రీరామ్|| ఆలయాన వెలసిన ఆ దేవుని రీతి… ఇల్లాలే ఈ జగతికి జీవన జ్యోతి… మారుతున్న కాలంతో మగువ కూడ మారాలి మంద బుద్ధి నడక మాని మగువ తెగువ చూపాలి మానవజాతి మనుగడకే ప్రాణం పోసింది మగువ. త్యాగంలో అనురాగంలో తరగని పెన్నిధి మగువ ఇవీ సమాజం ఆడవారి కళ్ళకు తీయగా కడుతున్న వలువలు.యుగయుగాలుగా ఎవరి కాలికిందో కాదు తను నమ్మిన సంప్రదాయాల విలువల క్రింద తనని తానే బందీ చేసుకున్న అమాయిక మహిళల గాధలు పునశ్చరణ చేసుకుందామా అంతర్జాతీయ మహిళా దినోత్సవ సందర్భంగానైనా ఒకపరి… నిజాయితీగా…. త్రేతాయుగం….. అయోనిజ భూజాత…శీలపరీక్ష పేరుతో అగ్నిపునీతై , అమాయత్వానికి ఏకైక సింబల్ ఆఫ్ వుమన్ గా యుగయుగాలకు నిలిచిపోయిన ధాత్రి .. సీత… శీలమంటే ఆడవారికి మాత్రమే కాదు నిర్దేశింపబడినది…ఏక పత్నీవ్రతం చేపట్టిన శ్రీరామచంద్రుడికీ శీల పరీక్ష కోరవలసినదే కదా సీతమ్మ తల్లి…. కోరలేదు సరికదా భర్త ఆజ్ఞ కు శిరసొగ్గింది… అదలా ఉంచితే ఎవడో చాకలివాడు ఏదో అన్నాడని రాజ ధర్మం పేరుతో నిండుచూలాలిని నట్టడవికి పంపేస్తాడా ??? మనందరిచేతా పురుషోత్తముడిగా పిలువబడుతున్న రామచంద్రమూర్తి చేయతగ్గ కార్యమేనా ఇది? పెళ్లిలో మంత్రాల అర్ధం ఇదేనా? నాతిచరామి అంటే ఇంతేనా ? ఆడిన మాట తప్పనివాడు ఆదర్శపురుషుడు మన రాఘవుడు …మరి ముందు జరిగినది పెళ్ళి…అన్నమాట నాతిచరామి..తరువాతే రాజయ్యాడు…మరి రాజ ధర్మం ముందు వైవాహిక వాగ్దానం వీగిపోయిందా…పాపం సీతమ్మ తల్లి ఎంత వగచిందో అజ్ఞాతవాసంలో ఎన్ని ఇక్కట్లు పడిందో….కానీ నిశ్శబ్దంగా పిల్లలను భర్తకప్పగించి అవతారం చాలించింది…అదీ మౌనంగానే భర్తను ఏనాడూ తూలనాడి ఎరుగదు.ఎందుకిలా చేసావని ఎదురుపడి అడిగిన దాఖలాలూ లేవు…త్రేతాయుగపు మహిళాధ్యాయం ఆ తల్లి మౌనంతోనే ముగిసిపోయింది… అక్కడే నిలిచిపోయింది. ద్వాపర యుగం . ఒక విధివంచిత కాదు కాదు భర్తృ వంచిత అయిన ద్రౌపది కధ. కురుక్షేత్ర సంగ్రానికి బీజమేసిన అతివ వ్యధ. మౌనమవలేదు ఈ మహిళ. అన్యాయమనిపించిన చోట ఎలుగెత్తి ప్రశ్నించింది. మనసైనవాడూ, స్వయంవరంలో తనను గెలుచుకొన్నవాడు అమ్మ మాటను అడ్డంపెట్టి అన్నతమ్ములకు పంచాడు. ధర్మరాజు అనే పేరు మాటున ఒక భర్త తన్నొడ్డాక పెళ్ళాన్నొడ్డాడు. అసలు ఆ సమయములో ఆమె ఎవరి పత్నో చరిత్రకు తెలుసో లేదో . ఒకవేళ అతని పత్ని కానియెడల తమ్ముని పత్నిని ఒడ్డడం ధర్మమో అధర్మమో… ఆ ధర్మరాజుకు,అతని సహోదరులకు ద్రౌపది పాతివ్రత్యం కాని,ఆమె ఎదలో రగిలే జ్వాలలు కాని అర్థమౌతాయని అనుకోవడం మన అవివేకమే అవుతుంది. వారి వారి జన్మలన్నీ కర్మ బంధాలే కావొచ్చు కానీ ఆడది ఎంత ప్రేమించినా సంతృప్తి చెందని సగటు మగాడు ఆనాడూ ఉన్నాడని ధర్మరాజు ద్రౌపది అంతిమ దశలో ఆమెనుద్దేశ్యించి చేసిన విమర్శ ఋజువు చేస్తుంది.. భగవంతునికి స్త్రీల పట్ల ఎంత వివక్షుందో ద్రౌపది నుదుటి రాత ఇలా వ్రాయడంలోనే తెలుస్తోంది. యుగంతో పాటు కాలమూ మారింది . మహిళలు సైతం అక్షర జ్ఞానంతో కొంతవరకూ మారారు. వెనుతిరగక అలసిపోని అవిశ్రాంత శ్రామిక మహిళలు ఆత్మ స్థైర్యంతో విజయ పధంలో పయనిస్తూ అగ్రపధంలో ఉన్నారు. కానీ అవీ వేళ్ళమీద లెక్కించే ఘనతలే. నేటి సమాజాన్ని చూస్తే ఇక చరిత్రలన్నీ ముగిసే కలియుగమొచ్చింది అనిపిస్తోంది . కార్పొరేట్ కల్చర్ పెరిగింది.క్లబ్బులూ పబ్బులూ డిస్కో థెక్కులూ పెచ్చుమీరాయి. వాటితోపాటే మృగాళ్ళకు ఆకలి హెచ్చింది. తల్లి, చెల్లి , కూతురు, మనవరాలు ఎవరైనా కానీ వరసేదైనా కానీ ,పక్కింటమ్మాయి కానీ మతిస్థిమితం లేనిదైనా కానీ , పసికూన కానీ , పతివ్రత కానీ …ఆడదైతే చాలు అనుకుంటూ కిరాతకంగా శీల దోపిడీలు హెచ్చాయి. ఒక శ్రీలక్ష్మి తో మొదలై నిర్భయలతో ముగుస్తున్నాయి చాలా కధలు.ఎక్కడుంది లోపం పుట్ట్తుక లోనా , పెంపకంలోనా, సమాజం లోనా, సినీ ప్రభావం లోనా , నాగరికతల్లోనా? లోపమెక్కడున్నా బలిపశువు వనితే ఎందుకవుతోంది? ఇదే వరుస కొనసాగితే ఆలయాల్లో స్త్రీ దేవతలు కూడా ఉండరు. అమ్మతనం కరువై…మమకారం మరుగై ఎడారైన ఎడదలతో సమాజం బ్రతుకీడుస్తుంది. మహిళ కోరే మార్పు ఎక్కడినుంచో దేవునిలా ఊడిపడదు. మననుంచే రావాలి. మహిళల్లోంచే రావాలి. బూజు పట్టిన భావాల్లోంచి బయటికి రాగలగాలి. వరకట్నపు చావు లేని రోజు , ఆడపిల్లపై అఘాయిత్యాలు లేని రోజు , ధైర్యంగా ఆడవాళ్ళందరూ కనీసం రాత్రి 10 లోపు బయట క్షేమంగా తిరగగలిగే రోజు కోసం ఎదురు చూపు . “ఆకాశంలో సగం అవనిలో సగం…. నా తనువులో సగం…ఇంకేమి ఇవ్వాలి మీకీ జగం” అంటూంటారు కొందరు పురుషోత్తములు. మహిళకు సగ భాగాలక్కరలేదు.అసలు ఎవరిసొమ్మునో ధారాదత్తంగా ఏ మహిళా స్వీకరించదు.తనకూ వ్యక్తిత్వముందని గౌరవించాలి. అస్థిత్వ గుర్తింపుకై ప్రాకులాడే స్థాయి నుంచి మహిళలు దిశానిర్దేశం చేసే స్థాయికెదగాలి . ఎవరో ఏదో చేస్తారని కాదు. ఇది చదివి కొందరైనా స్త్రీల బ్రతుకులు మార్చేందుకు పూనుకొంటారని, తమతో సమాన గౌరవం మహిళకిస్తారనే చిన్ని ఆశ. అప్పటివరకూ వత్సరానికొకసారి ఆకులు రాల్చే శిశిరంలో వచ్చే మూర్దాభిషేకం ఈ “మహిళా దినోత్సవం” …బలిచ్చే జీవానికి బహు పూజలన్నట్లు జరుపుకుంటూనే ఉందాం. మర్నాటికల్లా మళ్ళీ మామూలే…. అయినా సరే చెప్తున్నా నా ప్రియ సోదరీ మణులందరితో పాటు ఇంత బడబాగ్నిని మోస్తున్న నా తల్లి మూగ ధరిత్రి క్కూడా….. “ హ్యాపీ ఉమెన్స్ డే “ 8th March 2014

by Padma Sreeram



from kavi sangamam*కవి సంగమం*(Poetry ) http://ift.tt/1imaqG4

Posted by Katta

ఉమిత్ కిరణ్ ముదిగొండ కవిత

అన్వేషణ... హీమాలయ గుహంతర్బాగాలలో తపస్సు చేసుకొనే ఋషి దగ్గరకు వెళ్ళి నేనడిగాను."దేవుడెక్కడుంటాడు" అని అతడు నావైపు నవ్వుతూ చూసాడు.. కొండల్ని, కోనల్ని, ఎగిరే పావురాల్ని. సముద్రాన్నీ. ఆకాశంలో నక్షత్రాల్నీ.పూసే పువ్వులనీ. పూఅంచురేకుల మీద నిలబడ్డ మంచు బిందువులనీ, దయార్థ్ర హృదయులని.కరుణామయులనీ.ప్రకృతినీ.వికృతినీ,సాకృతినీ. చూపించి ఇదంతా భగవంతుని ఆకృతే అన్నాడు. అసంతృప్తితో వెనుతిరిగాను. పర్వతశిఖరాలు దిగుతూ వస్తూ వుంటే కొండ చరియలలో చెట్టు మొదలు కొడుతున్న ఒక కష్టజీవి నుదుటి మీద చెమట చుక్కలో ఇంద్రధనుస్సు కనబడింది. అందులో దేవుడు నాకు కనబడ్డాడు." అన్వేషణ అంటే అదే, మనలో వున్న శక్తిని మనం తెలుసుకోగలగటం. మనలో వున్న కళని సరిగ్గా గుర్తించి బయటకు తీసుకురాగలిగే ప్రయత్నం చేయటం. అదే సౌందర్యం ! అదే జీవితం !! మన అన్వేషణంతా దాని కోసమే సాగాలి !!! ఉమిత్ కిరణ్ ముదిగొండ 8/3/14

by ఉమిత్ కిరణ్ ముదిగొండ



from kavi sangamam*కవి సంగమం*(Poetry ) http://ift.tt/1fan3ks

Posted by Katta

Kancharla Srinivas కవిత

తరతరాల చెరగని రాతిరి దీపాన్ని ముసిరిన చీకటి వేకువేది మహిళా జగతికి వెన్నెలేది మాతృమూర్తికి...

by Kancharla Srinivas



from kavi sangamam*కవి సంగమం*(Poetry ) http://ift.tt/O55wzx

Posted by Katta

Prasada Murthy Bandaru కవిత

by Prasada Murthy Bandaru



from kavi sangamam*కవి సంగమం*(Poetry ) http://ift.tt/1n4JQmT

Posted by Katta

Rajkumar Bunga కవిత

ఆర్కే||అమ్మా, అక్కా, చెల్లి, భార్య, కూతురు|| ఈ ఒక్క దినం చేసేయ్యమంటార?? ఒక్క మాటతో రాసేయ్ మంటార ఏమి వ్రాయను మీ కోసం...... ఒక్క రోజులో వ్రాసేది కాదు ఒక్క రోజుతో పోయేది కాదు అమ్మా, నీ "పురిటినొప్పుల" పురాణం ఒక్కరోజులో చెప్పలేనిది అక్కా నీ చెయ్యి పట్టుకొని నేను ఆడిన "దాగుడు మూతలు" ఒక్కరోజులో చెప్పలేనిది చెల్లి నా చెయ్యి పట్టుకొని నీవు ఆడిన "తొక్కుడు బిళ్ళలు" ఒక్కరోజులో చెప్పలేనిది భార్య నా చెయ్యి పట్టుకొని నీవు ఆడుతున్న " జీవిత చదరంగం" ఒక్కరోజులో చెప్పలేనిది కూతురు నా కడుపు గట్టుకొని నీకోసం కూడగడుతున్న " జీవిత పోరాటం" ఒక్కరోజులో చెప్పలేనిది దినం చేసేయ్యమంటార?? ఒక్క దినంతో పోయేది కాదు, బంధం.... మీలో ఏ ఒక్కరు లేకపోయినా ఆ దేవుడు మీ ద్వారా నాకీ రూపం ఇవ్వకపోవును ఆర్కే||20140308||

by Rajkumar Bunga



from kavi sangamam*కవి సంగమం*(Poetry ) http://ift.tt/PbNxZt

Posted by Katta

Madhav Murthy కవిత

మనకి జన్మనిచ్చేది... బాల్యంలో నడక నేర్పేది.. యుక్తవయసులో ప్రేమను తెలిపేది.. యవ్వనం లో జీవితాన్న్ని పంచుకునేది... వృద్దాప్యం లో సేద తీర్చేది.. మగాడి జీవితానికి అర్ధం లా నిలిచేది..మహిళ. మాధవ - 8/3/2014

by Madhav Murthy



from kavi sangamam*కవి సంగమం*(Poetry ) http://ift.tt/Pbztit

Posted by Katta

వెంకట చలపతి బాబు కూరాకుల కవిత

కూరాకుల వెంకట చలపతి బాబు ||మహిళ ది..నో..త్స..వం.. || వచ్చింది.. మహిళని దేవతని చేసే రోజు వచ్చింది ఎప్పటిలాగే కవుల ఊహలకు కలాలకు పనిచెప్పింది అందరిగొంతులు ఒకే పాట పాడే రోజు రానే వచ్చింది (ఈ ఒక్క రోజే!) మానవతా సంఘాలు, మహిళా సంఘాలు సంఘసంస్కర్తలు (అని చెప్పుకునే వారు) ఎవరైతెనేమి అందరి రంగు ఒకటే..! మహిళా జిందాబాద్! మహిళా జిందాబాద్!! తడి ఆరిన గొంతులో రెండు నీళ్ళ చుక్కలు సృష్టికి మూలం " స్త్రీ " ఆకాశంలో సగం ఆమే! (అని అంటారు అంతే!) నిరంతర పోరటం చేసి అలసిన మనసుకు రెండు సాంత్వన వచనాలు కాదు ఇవి కానే కాదు నవమాసాలు పడ్డకష్టం గాలికి ఒక్క అమ్మ అనే మాటతో.. ఎక్కడైన బ్రతక గలననే ధైర్యం భర్త అనే భారోసాతో.. అలసిన నాడు ఇంత సాయం ఇంట్లో.. ఇవి చాలు స్వర్ణ సింహాసనాలు రత్న కిరీటాలు అక్కర్లేదు బ్రుణ హత్యలు బలాత్కారాలు చెయ్యకపోతే చాలు.. కవిత్వాలు వల్లించనక్కరలేదు కన్నీళ్ళు పెట్టించకపొతే చాలు దేవతని చెయక్కరలేదు మనిషిగా చూస్తే చాలు #08-03-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1k2qbzt

Posted by Katta

Satish Namba కవిత

సతీష్ నంబా || ఆదిపరాశక్తిని || నేను కల్పవృక్షాన్ని నీవు నన్ను కల్పనగా చూస్తావు నేను అందాల హరివిల్లుని ! నీవు నన్ను అంధకారంలోకి నెట్టేస్తున్నావు నేను నిర్భయమైన నిజాన్ని నీ స్వార్ధంతో నిర్ధాక్షిణ్యంగా తోసెస్తున్నావు ! ఆడది జన్మనిచ్ఛే తల్లని తెలిసీ నాలో నివు నగ్నత్వాన్నిని చూస్తున్నావు మృగాడివై నేను ఆమృతకలశాన్ని నీ జీవనారంభానికి అంగట్లో సరుకులా నన్ను చూస్తావు అమ్మలా కాకుండా ! నేను అనురాగాన్ని రా ఆటబొమ్మని కాను నేను నీకు ఆసరానిరా అలసత్వాన్ని కాను నేనను అమ్మనే కాను ఆదిపరాశక్తిని కూడా ! అభిమానిస్తే ఆదరిస్తా ప్రేమిస్తే ప్రాణమే ఇస్తా అలుసుగా చూస్తే ఆణచివేస్తా పరీక్షిస్తే ప్రాణాలు తీస్తా నేను అమ్మనే కాదురా ఆదిపరాశక్తిని !

by Satish Namba



from kavi sangamam*కవి సంగమం*(Poetry ) http://ift.tt/1hWhkiw

Posted by Katta

Gubbala Srinivas కవిత

గుబ్బల శ్రీనివాస్ ------------------।। గాయం ।। నీ కనుల కొలనులు వొలకబోసిన కన్నీళ్లు కాబోలు పాదాల కింద చేరి రంపపు కొత కోస్తున్నాయి . దారంతా ఎడారి మంటయ్యింది ప్రేమ చలిమంటలో హృదయం అగ్నికి ఆహుతైన వేళ . లావాగ్ని రాజేస్తుంది గంధం చిలికే రాతిరి నక్షత్రాలను నిప్పులుగా మార్చుకుని చీకటి సాక్షిగా . ముక్కలైపోయిన మనసు ముక్కలను ఎవరో పేర్చుతున్న శభ్ధం విషంతో అతికిస్తూ . ఎవడో ఒకడు వచ్చి మనసు తలుపు తడుతూనే ఉంటాడు గాయపడ్డ హృదయాన్ని మరమ్మత్తు చేస్తానంటూ . ఇప్పుడు నీ కళ్ళు వర్షించకూడదు జ్వలించాలి ! (08-03-2014)

by Gubbala Srinivas



from kavi sangamam*కవి సంగమం*(Poetry ) http://ift.tt/1hWhk2a

Posted by Katta

Krishna Mani కవిత

తల్లి ప్రేమలో మమకారం భార్య ప్రేమలో అనురాగం చెల్లి ప్రేమలో అనుభందం స్త్రీ ప్రేమలో తరగని సిరులు ఎల్లవేల్లల వెన్నెల వెలుగులు ! -** మహిళా దినోత్సవ శుభాకాంక్షలు **-

by Krishna Mani



from kavi sangamam*కవి సంగమం*(Poetry ) http://ift.tt/1oziUaq

Posted by Katta

Om Prakash కవిత

మిత్రులందరికీ అంతర్జాతీయ మహిళాదినోత్సవ శుభాకాంక్షలు అమ్మగా జన్మించని జన్మకాదు సార్దకం ఆడజన్మ ఆద్యంతం లోకానికి ఆదర్శం తల్లిగా అమృత క్షీరం అందించినా చెల్లిగా అనురాగం కురిపించినా ఇల్లాలిగా జీవితమంతా ప్రేమించినా ఎన్ని సేవలు చేసినా ..... ఎన్ని త్యాగాలు చేసినా ..... అది ఆడజన్మకే సాద్యం మగజాతి తీర్చుకోలేని ఋణం అందుకే ఓ మహిళా నీకు అడుగడుగూ వందనం అందుకో నా కవితా కుసుమాల నీరాజనం ప్రేమోన్మాదపు నీలినీడలు అడుగడుగునా వెంటాడుతున్నా... అనుమానపు పెనుభూతం భర్తగమారి వేదిస్తున్నా... ఆశయాల సాదనలో ఆంక్షల మంటలు దహియిస్తున్నా ... అలుపెరుగని నీ పయనం అందరికీ ఆదర్శం అందుకే ఓ మహిళా నీకు అడుగడుగూ వందనం అందుకో నా కవితా కుసుమాల నీరాజనం..... మీ అంతరంగం వర్ణించగ సాటిరాదే కవి హృదయం ... మీ ప్రేమ లోతు తెలుపంగ సరితూగలేదు సముద్రం ... మీ ఓర్పుకీ, సహనానికి భూమి తల్లే నిదర్శనం ... అందుకే ఓ మహిళా నీకు అడుగడుగూ వందనం అందుకో నా కవితా కుసుమాల నీరాజనం ..... ..................అంకితం................... వలువలు జార్చి విలువలు మరిచే వనితలున్న నేటి సమాజంలో ... ఇప్పటికీ సనాతన భారతీయ సాంప్రదాయాలను గౌరవిస్తూ అందరికీ ఆదర్శ ప్రాయంగా వుంటున్న ప్రతి మహిళకీ నా ఈ కవిత అంకితం ఈ కవితని ఆదరించిన,ఆదరించబోతున్న ప్రతి ఒక్కరికీ నా హృదయపూర్వక ధన్యవాదములు ...................................................Oms

by Om Prakash



from kavi sangamam*కవి సంగమం*(Poetry ) http://ift.tt/1h014um

Posted by Katta

Maheswari Goldy కవిత

FEMINIST PEACE IN THE WORLD…!! MAHESWARI GOLDY. Friends I hope Women has a greater Dignity of wisdom in our society Because her delights are men prosperity…!! I think women have a great responsibility To vanish struggles and sorrows of men lives She seem always ready to pay the effort for good She is the way of peace to prevent the issues with love…!! I desire nothing more than women in this world There are many kinds of issues just ended with her peace She would like to be fully absorbed mind with peace …!! Women are ready to shape their own destinies With commitments and harmonious ways…!! Domestic peace is still existed with her happiness She will try to be hidden her tears so forcefully for peace Really women are angels of allover the earth And born with infinite beauty and glory I am really proud of our feminist voices In every sector as a woman…!! It is very precious gift to women She is the glory that makes towards mercy Whenever she is experience happiness and peace In the nature there entire family and world belongs to heaven…!! Happy women’s day friends…!!

by Maheswari Goldy



from kavi sangamam*కవి సంగమం*(Poetry ) http://ift.tt/NIvdWN

Posted by Katta

Thilak Bommaraju కవిత

ప్రాణం ----- నేను చూసాను గూటి నుండి కింద పడి పగిలిన ఓ పక్షి గుడ్డుని అందులో నుంచి అప్పుడే ప్రాణం పోసుకుంటున్న మాంసపు ముద్ద గర్భస్రావమైనట్టు దానికి ఆసరా ఇస్తూ చేతులు చాపిన మట్టి దేహం తనలోకి దిగమింగడానికి ప్రయత్నిస్తూనే ఉంది రాలిపడ్డ రక్త మాంసాలను మిగిలిన కొన్ని శకలాలు వాటంతట అవే ఆకాశంలోని కొన్ని అంచులను తాకుతున్నాయి ఇప్పుడిప్పుడే నేను చూసాను మళ్ళీ పసికందు ఆత్రాన్ని ఓ కీచు శబ్ధాన్ని తల్లి రొమ్ములో కుతిక నింపుకున్న ఓ జీవాన్ని ఆబగా దప్పిక తీర్చుకుంటున్న కణాన్ని నేను చూసాను దేహ ప్రక్షాళన గావిస్తున్న ఒక పదార్థాన్ని పరాన్న జీవి దశ నుండి పరిణమం చెందిన గుండెరెక్కల చప్పుళ్ళను ఇంకా కంటూనే ఉన్నా రాలిపడుతున్న కొన్ని మాంసపు ముద్దలను నా కళ్ళనుండి నెత్తురు ఉబికినప్పుడల్లా.. తిలక్ బొమ్మరాజు 01.03.14 08.03.14

by Thilak Bommaraju



from kavi sangamam*కవి సంగమం*(Poetry ) http://ift.tt/1fRWCva

Posted by Katta

Sri Venkatesh కవిత

------మహిళ------ అమ్మగా ఆలిగా, కూతురిగా కోడలిగా, ఆడపిల్లగా ఆడపడుచుగా, ఎన్నో పాత్రల ఏకైక రూపం "మహిళ", ఇన్ని పాత్రల కలబోత ఐన మహిళ , ఒక మగాడి జీవితంలో మాత్రం ఎప్పుడూ రెండు ముఖ్య పాత్రలు పోషిస్తుంది అవే "అమ్మ, ఆలి", మన జీవితంలో ఈ రెండు పాత్రల యొక్క ఆవశ్యకత,ప్రాధన్యత ఎంతుందో అని తెలిపే చిన్న ప్రయత్నమే నా ఈ "కవిత" , చదివి ఆనందించ నన్ను ఆశీర్వదించ ప్రార్ధన........ ***అమ్మ*** చనుబాల నుండి మొదలు ఉన్నాయా ఆమె ప్రేమకు హద్దులు?? తొమ్మిది నెలల తన పదవీ కాలంలో ఏనాడు తన విధి పట్ల కాని, తన ఏకైక భాత్యతైనా నీ పట్ల కాని, ఏ మాత్రం నిర్లక్ష్యత చూపించదు, పాలల్లో కుంకుమ పువ్వు ఎరుపు నీ కోసమే, సమపాలల్లో తినే ఆహరము నీ కోసమే, రోజు ప్రతి రోజు నీ ఎత్తేమైనా పెరిగిందేమోనని అద్దంలో తన మోముని చూడడం పూర్తిగా మరచి నీ ఆకారాన్నే తనివి తీర తన కనులారా చుస్తూ కబుర్లెన్నో చెప్తుంది నీకు మాత్రమే వినిపించేలా తన మనసు నీకు తెలిసేలా, తన గర్భాశయం యొక్క ఏకైక ఆశయం అందమైన నీ రూపం, తన ఎదురుచూపుల ఏకైన గమ్యం మృదువైన నీ దేహం, చిన్న చిన్నగా నువ్వు తనని తన్నుతున్నా వని తెలిసి ఎంత మురిసిపోతుందో పిచ్చి"తల్లి", బహుశా ఈ విశ్వంలో "తనకు గాయమైనా నీకు ఉపశమనమిచ్చే" ఏకైక జీవి "అమ్మే" అయ్యుండచ్చు, ఎముకలిరిగిపోతున్న నొప్పుంటుందని తెలిసినా ఏ మాత్రం నిన్ను తనకొద్దు అననుకోని ఒకే ఒక్క ప్రాణి "అమ్మ", విధాతే నీ రాత రాసింది కానీ ఆ రాతకొక రూపమిచ్చింది మాత్రం అమ్మనే ఈ "ప్రదాత" , జాబిల్లి రావే పాటను, చందమామ,బాలమిత్ర కథలను, బడి గంటను, గోరుముద్దలను, గడపకు కట్టిన ఉయ్యాలను, నూనె పెట్టి నలుగు పామిన లాలను, ఆకాశవాణి పాటను, అందమైన రోజును, ఊహించగలరా "అమ్మ" లేకుండా?????? అమ్మా , నీ పాద సేవేగా కోటి పుణ్యక్షేత్రాల దర్శన భాగ్యం, వేల ఉపవాశాల పుణ్యఫలం, ఏమిచ్చి తీర్చుకోను నీ ఋణం..... ***ఆలి*** "" కార్యేషు దాసి, కరనేషు మంత్రి, భోజ్యేషు మాత, షయనేషు రంభ, రూపేషు లక్ష్మి, క్షమయేషు ధాత్రి, సత్కర్మ నారి, కులధర్మ పత్ని "" శయ్యపై అందాల రాశిగా, సేవలో తానే ఒక దాసిగా, కని పెంచిన కన్నవాళ్ళ కడుపు తీపి నీకు పంచాలని , నువ్వు వేసిన మొదటి ముడికి తన మనసుని, రెండో ముడికి తన తనువుని, మూడో ముడికి తన బ్రతుకుని, నీకిచ్చి, హోమం చుట్టూ నడిచే ఏడడుగుల మొదలు నూరేళ్ళ తన జీవన మార్గమంతా నిన్ను వెనకుండి నడిపిస్తూ, తనూ నీ వెంటే నడుస్తూ, నువ్వు పంచుతున్న ప్రేమతో తన దారికి రంగులద్దుకుంటుంది, నీ జీవితాన సగమై, నీ ప్రేమను పసుపుగా మార్చి, నీ రూపాన్ని సింధూరంగా చేసి, పసుపు కుంకుమల మేలి కలయికలో తన తనువును ఎప్పటికప్పుడు శోభాయమానంగా అలంకరిస్తూ నీ ఉనికే తన అలంకారమని చెప్పకనే చెప్తుంది, నీవే తానుగా, తానే నీవుగా, తన రూపంతో నీ స్వభావాన్ని చూపుతూ నీతో ఏకమై, నీలో మమేకమై, తనహాసపు సుమాలను నీ పూజ కోసమే వెచ్చిస్తూ, తన హృది చేసే శబ్ధంలో నిన్నే ధ్యానిస్తూ, తన జీవన గమనాన్ని నీతోనే నిర్దేశిస్తూ, తన ఆయువు నీదిగా, నీ సంతోషమే తను పీల్చే వాయువుగా, నీ భాధలు తన కంట రాల్చే అశ్రువులుగా, పగలంతా గృహిణి పాత్రలో ఒదిగిపోతూ, రాత్రయితే నీ ఎదపై వాలిపోతూ , నువ్వు తనతో ఉన్న సమయాన్నే గఢియారంలో గుర్తించేంతంగా నీలో నీకే తెలియని నువ్వై నీ నవ్వై "ఆలి", తన వాలుజడను వేరు చేసి జాజి మల్లెను చూడగలరా?? తను లేని పానుపుపై పరువాల కలబోతను కల్పించగలరా?? గజిబిజి రోజులో ఒక్క గడియయినా గల గల పలికే తన ముద్దు ముద్దు మాటలు లేకుండా ఉండగలరా??? మీ మీ విధులకు వెళ్తున్న వేళ ఆరు బయటికొచ్చి మీ చొక్క గుండీకున్న దారాన్ని లాగుతూ గోముగా "సందేలా త్వరగా వచ్చెయ్యండే" అనే పలుకులు వినకుండా ఉండగలరా??? మహిళ మానవ జాతికి సృష్టికర్త, తను లేని మనం లేము ఉండబోము..... మహిళలందరికి మనస్పూర్వక మహిళాదినోత్సవ శుభాకాంక్షలు ......

by Sri Venkatesh



from kavi sangamam*కవి సంగమం*(Poetry ) http://ift.tt/1fRWFax

Posted by Katta

Panasakarla Prakash కవిత

సిగ్గుపడదా౦ ఇదిగో....ఇప్పుడుకూడా ఎక్కడో ఒక మహిళ మీద దాడి.. ఇదిగో ఈరోజు కూడా సామూహిక హత్యాచార౦ పక్క వీధిలో మొగుడి దెబ్బలకు ఇ౦టి గు౦డెలవిసిపోయేలా రోధిస్తున్న ఒక ఇల్లాలు పిల్లల నిరాదరణకు గురై రోడ్డుమీద కడుపు చేతపట్టుకుని అడుక్కు౦టున్న ఒక వృద్దురాలు ఇదిగో ఈ రోజుకూడా చెత్తకుప్పలో.... కుక్కలకు ఆహారమైన ఒక పసిపాప శవ౦ చదువుతున్న పేపర్లో..ఉరితాడుకు వేళాడుతున్న‌ ఒక వరకట్న బాధితురాలు............. ఈ క్షణ౦కూడా నా కళ్ళము౦దే.... రోడ్డుమీద నడుచుకు౦టూ వెళ్తున్న పడుచులపై పైశాచికుల మూకుమ్మడి చూపుల దాడి...... మహిళా దినోత్సవమే కావచ్చుగానీ.. ఈ రోజుకూడా ఎర్ర గులాబీలు నెత్తుటి గాయాలతోనే విచ్చుకోవడ౦. మన జాతి పతనానికి మరో నిదర్శన‍‍‍‍‍‍‍‍‍‍‍౦....... ర౦డి మనమ౦తా బహిర౦గ౦గానే................. పనసకర్ల‌ 8/3/2014

by Panasakarla Prakash



from kavi sangamam*కవి సంగమం*(Poetry ) http://ift.tt/1fRWBr4

Posted by Katta

Bala Kishan కవిత

Like This Page http://ift.tt/NIpCQg

by Bala Kishan



from kavi sangamam*కవి సంగమం*(Poetry ) http://ift.tt/1ebOzKi

Posted by Katta

Bhavani Phani కవిత

భవానీ ఫణి ॥అభివందనం॥ అలవోకగా ఆకాశాన్ని దాటిపోతుంది అవసరమైతే అక్కడే కాలి పోతుంది -కల్పనా చావ్లా కు కన్నీటి వందనాలు ఆత్మాభిమానాన్ని ఆభరణంగా ధరిస్తుంది అగ్నికీలల్ని సైతం నిగ్గు తేల్చి జ్వలిస్తుంది -సీతా ,సతీ మాతలకు శతకోటి వందనాలు మందరపర్వతమై మానవత్వాన్ని మధిస్తుంది ప్రేమామృతాన్నితెచ్చి ప్రపంచానికి పంచి ఇస్తుంది -మదర్ థెరీసా కు మనః పూర్వక వందనాలు శివంగిలా శత్రువుల గుండెల్లో చరిస్తుంది స్వేచ్ఛావర్ణమై చరిత్ర పుటల్లో మెరుస్తుంది -ఝాన్సీ లక్ష్మికి జయ ధ్వానాల వందనాలు సహనమై, సౌందర్యమై సాహసమై, సాహిత్యమై మాతృత్వమై, దాతృత్వమై ధీరత్వమై, దయాతృప్తహృదయమై సౌకుమార్యమై, శక్తి స్వరూపమై కారుణ్యమై, కదిలే కాంతి పుంజమై ప్రకాశించే ప్రతీ మహిళకూ పేరుపేరునా ప్రత్యేక అభివందనం !!! 08. 03. 2014

by Bhavani Phani



from kavi sangamam*కవి సంగమం*(Poetry ) http://ift.tt/NIpCQc

Posted by Katta

Padma Sreeram కవిత

నా ప్రియ మహిళలందరికీ అంతర్జాతీయ మహిళాదినోత్సవ శుభాకాంక్షలు... మహిళాదినోత్సవం సందర్భంగా ఆంధ్రప్రభలో ప్రచురితమైన నా కవిత.. http://ift.tt/NIpCQ8

by Padma Sreeram



from kavi sangamam*కవి సంగమం*(Poetry ) http://ift.tt/NIpCQ8

Posted by Katta

చెన్నాప్రగడ వీఎన్నెస్ శర్మ కవిత

ఆమె నాలో సగం_మాఇంట్లో సమస్తం ..@శర్మ \8.3.14\

by చెన్నాప్రగడ వీఎన్నెస్ శర్మ



from kavi sangamam*కవి సంగమం*(Poetry ) http://ift.tt/NIpCQ1

Posted by Katta

R K Chowdary Jasti కవిత

జాస్తి రామకృష్ణ చౌదరి స్త్రీ (ప్రపంచ మహిళా దినం సందర్భంగా) (On the Eve of World Women’s’ Day) ఆ నక్షత్రం నా కంట్లో మెరుస్తోంది ఆ వెన్నెల నా ఇంట్లో కాస్తోంది ఆ పుష్పం నా నవ్వులో పూస్తోంది ఆ కోయిల నా గుండెలో కూస్తోంది ఆ దేవత నా సంసారంలో జీవిస్తోంది తనొక స్త్రీ ఈ లోకానికే ఆమె ఒక అందమై ఆనందమై చలిస్తోంది! 08MAR2014

by R K Chowdary Jasti



from kavi sangamam*కవి సంగమం*(Poetry ) http://ift.tt/1n4gIfz

Posted by Katta

R K Chowdary Jasti కవిత

The Word that wakes us up She’s the depth of earth And is the profundity of ocean And is the infinity of skies And is the matrix in our mind And it’s, we, to read her To search our need in herself And we shall see Many panoramas in her eyes And we feel multiple thoughts of Her heart And feel silence of her soul And we must search her And catch her And cling to her And she’s just not the physique Of words She’s the smile And she’s the pain And she’s the hope And she’s the bliss And she’s the kiss And she’s the spirit that Enlivens us And so we must let her To flow into the depth of Our hearts And let her to move Our feelings And let her to make us To live in her Divinity She’s our enemy Who loves us And she’s our friend Who anchors us And she’s our angel Who redeems us And her name is Poetry Devoid of whom Our life’s void So we must let her To carry us into her dominion That she creates for us In our territory For us to live in her Communion. © R K Chowdary 08MAR2014

by R K Chowdary Jasti



from kavi sangamam*కవి సంగమం*(Poetry ) http://ift.tt/1feNAIT

Posted by Katta

Srinivas Vasudev కవిత

Gd mrng friends....This Saturday Id like to share Deepti Naval--yesteryear's Bollywood actress-- and her english poetry..

by Srinivas Vasudev



from kavi sangamam*కవి సంగమం*(Poetry ) http://ift.tt/1feNAsk

Posted by Katta

Srinivas Vasudev కవిత

Good mrng friends! This week I'd like to introduce Deepti Naval (yester year's famous bollywood actress) and her English poetry. Glad that I shared space with her in one of anthologies.. Let me print here one of her admirer's words about her poetry and a poem of her.. Deepti is a seeker of beauty: an explorer of wilderness. Her poems spring from anguish both within and without. And the visual intoxication of nature. And the burnished loveliness of living. There is a innocence in her writings – 'I stop the car and watch in disbelief- with what élan, the peacocks cross the street…' She takes such delight in the visual form. Her own personal spaces shift constantly like words to juice out the possibility of more beauty. Lamha Lamha was her first compilation of Hindi poems followed by the recent ‘BLACK WIND and Other Poems’, containing a collection called ‘The Silent Scream’: poems of pain at observing women at a mental institution. Coming up is a collection of poetry from wanderings in Ladakh. Deepti’s poetic journey has just begun. BULBUL MANKANI And here is a sample of her poety My dreams ------------- Endlessly I roam My inner wilderness Picking moments From life’s grays And browns – Reminiscing, Reflecting, Reacting …to being alive! The rustle of dry twigs Under my bare feet Far out, On the burnt hillside A forest fire glows…

by Srinivas Vasudev



from kavi sangamam*కవి సంగమం*(Poetry ) http://ift.tt/1feM7SA

Posted by Katta

Sasi Bala కవిత

స్త్రీ శక్తి ..................................శశిబాల(8 march 14 ) (మహిళా దినోత్సవ కానుకగా ) .............................................................. కదలి రండి కదలి రండి నవయువతుల్లారా దారుణ మానవ మృగముల దునుమాడగ రండి తరిమి తరిమి కొట్టాలీ ...తగిన శాస్తి చేయాలి ద్రావకాలనే పోసి వారిబ్రతుకులు బూడిద లు చేసే మదమదాంధులనెదిరించాలీ ...దుర్మార్గం తొలగించాలీ నమ్ముకున్న చిన్నారుల ఆటబొమ్మలుగ చేసి నీలి తెరల నీడలలో వారి బ్రతుకుల కాలితో రాసే కామాంధుల నరికట్టాలీ ..కటినంగా శిక్షించాలీ పసుపుతాడు బంధాన్ని పరిహాసాలాడి పలుపు తాడునే వారికి కానుక చేసే వారికి చెప్పులతో శాస్తి చేసి తప్పును తెలిసేలా చేసి ఆడదంటే ఆబల కాదు సబలని చూపించాలి అమాయకపు కన్నె పిల్లల పై మృగములుగా ..పశువులుగా దూకి మానభంగం చేసే రాక్షసులను నరికేయాలీ వారి పొగరును అణిచేయాలి మీరందరూ ఒక్కటిగా ఎదిరించిన నాడు లేవు దమనకాండలు ...లేవు ప్రాణ త్యాగాలు సంఘం లో వున్నా కుళ్ళు సమ్మూలంగా పెరికి ఆడదంటే అన్నింటా దీతేనని చాటాలి

by Sasi Bala



from kavi sangamam*కవి సంగమం*(Poetry ) http://ift.tt/1dB4CEn

Posted by Katta

Bhaskar Palamuru కవిత

అంతటా ఆమే! ఓ చిరునవ్వు ఓ జ్ఞాపకాల పొదరిల్లు అప్పుడప్పుడు ఆనందాల హరివిల్లు ఒక్కోసారి చూడకుండా ఉండలేని స్థితి ఒంకొసారి వద్దనుకున్నా దాచుకోలేని పరిస్థితి సమూహంలో నైనా ఒంటరితనంలో సైతం ఓదార్పును దుఃఖంలో నేనున్నానంటూ భరోసా కల్పించే ఒకే ఒక్క సాధనం ఆమే ప్రాణంలో ప్రేమతనం ప్రేమలో గుప్పెడు అమ్మతనం కలిసి పోయినప్పుడు కలవాలని తపించినప్పుడు అన్నీ ఆమెనే ఆకాశంలో ఆమె సగం కానే కాదు ఈ లోకం .. ఈ ప్రపపంచం అన్నీ ఆమే తను కరిగి పది మందికి ప్రాణం పోసి ప్రేమను పంచి తను కోల్పోయి పదుగురికి వెలుగులు పంచే ఆమెకు ఒక రోజు ఏమిటి అన్ని రోజులు ఆమెవే తల్లి ..చెల్లి. చెలి ..నెచ్చెలి సహచరి .. లోహపు తంత్రులను మీటే ఆమెకు వందనం అవును ఆమె లేకుండా నేనుండలేను .. బతకలేను !

by Bhaskar Palamuru



from kavi sangamam*కవి సంగమం*(Poetry ) http://ift.tt/1dB4BAk

Posted by Katta

Sateesh Namavarapu కవిత

***జ్ఞాపకాలు*** అగ్నికీలలై దహిస్తూ కొన్ని, ఆగని వరదై తడిపేస్తూ మరి కొన్ని! మనసు మండిస్తూ కొన్ని, మనసు పండిస్తూ మరి కొన్ని.! పరవశింపజేస్తూ కొన్ని, పరిహసింపజేస్తూ మరి కొన్ని.! తగిన వ్యాపకం లేకుంటే..శక్తి పెంచుకుంటూ కొన్ని, తగ్గిన శక్తితో..మెదడు బూడిదలో కప్పబడుతూ మరి కొన్ని.! దెబ్బ తగిలితే మరుగున పడేవి కొన్ని, గత జన్మల్లోనుండీ బయటపడేవి మరి కొన్ని.! కాలక్షేపం నెమరువేతకు కొన్ని, కాణీ ఖర్చు లేని వినోదాన్నిచ్చేవి మరి కొన్ని.! ఉబుసుపోక ముసురుతూ కొన్ని, ఉసురు తీసేలా కసురుతూ మరి కొన్ని.! ఉరుముల్లా ఉరుముతూ..భయపెడుతూ కొన్ని, మెరుపుల్లా మెరుస్తూ..మురిపిస్తూ మరికొన్ని..!!..08MAR2014.

by Sateesh Namavarapu



from kavi sangamam*కవి సంగమం*(Poetry ) http://ift.tt/1dB4BjR

Posted by Katta

Swarnalata Naidu కవిత

శ్రీస్వర్ణ || మహిళ|| ఆలిగా,తల్లిగా భాద్యతలు నిర్వహించగలదు నేటిమహిళ అంతరిక్షంలోపాదం మోపి తనసత్తా చాటిన ధైర్యశాలి `కల్పనాచావ్లా'..మహిళే ! రణభూమిలో ప్రళయకాల రుద్రునిగా చెలరేగిన`'ఛత్రపతిశివాజీ'ఖడ్గానికి శౌర్యం నెర్పి సానబెట్టిన జిజియాబాయి మహిళే ! తెల్లదొరల ఆధిపత్యానికి తన కరవాలం కరకుదనాన్ని చూపించిన ఝాన్సీలక్ష్మి ..మహిళే ! అపారమైన మేధస్సుతొ గణితంలొమేటిగా పేరొందిన శకుంతలాదేవి..మహిళే! పరుగుల సౌరభాలు భరతమాత ఎదపై వెదజల్లిన పి.టి.ఉషా..మహిళే ! పంజాబ్ మణిమకుటం..కర్తవ్యపాలనలో కదంతొక్కే కిరణ్ బేడీ మహిళే! మువ్వన్నెల పతాక వైభవాన్ని హిమశ్రెణులపై గర్వంగా నిలబెట్టి భరతమాత మనసును ఊయలలూపిన బచేంద్రిపాల్..మహిళే ! సాహితీవనంలొ మందారాల మకరందాలు కురిపించిన భారతకోకిల సరోజినీనాయుడు..మహిళే ! రామాయణాన్ని లిఖించి సుగంధాలు పంచిన మొల్ల కూడా మహిళే ! మానవత్వపు మల్లెలు గుబాళింపచేసిన మదర్ థెరిసా..మహిళే! ఉరకలెత్తే ఉత్సాహంతో ఉప్పుసత్యాగ్రహంలోపాల్గొన్న సమరయోధురాలు దుర్గాభాయ్ దేశ్ముఖ్ కూడా మహిళే ! భరతమాతకు కీర్తి పతకాలను అందించిన కరణం మల్లీశ్వరీ ..మహిళే!

by Swarnalata Naidu



from kavi sangamam*కవి సంగమం*(Poetry ) http://ift.tt/O4goh7

Posted by Katta

Hanumantha Reddy Kodidela కవిత

by Hanumantha Reddy Kodidela



from kavi sangamam*కవి సంగమం*(Poetry ) http://ift.tt/1k1Rrhw

Posted by Katta

Kapila Ramkumar కవిత

Rain Rain, midnight rain, nothing but the wild rain On this bleak hut, and solitude, and me Remembering again that I shall die And neither hear the rain nor give it thanks For washing me cleaner than I have been Since I was born into this solitude. Blessed are the dead that the rain rains upon: But here I pray that none whom once I loved Is dying to-night or lying still awake Solitary, listening to the rain, Either in pain or thus in sympathy Helpless among the living and the dead, Like a cold water among broken reeds, Myriads of broken reeds all still and stiff, Like me who have no love which this wild rain Has not dissolved except the love of death, If love it be towards what is perfect and Cannot, the tempest tells me, disappoint. Edward Thomas

by Kapila Ramkumar



from kavi sangamam*కవి సంగమం*(Poetry ) http://ift.tt/1f97fyp

Posted by Katta

John Hyde Kanumuri కవిత

అవీ... ఇవీ...కొన్ని ఫెంటోలు ఒక చిరునవ్వు వెంట నాల్గక్షరాలు ఒలికించి చూసావా! ఎప్పుడైనా! *** నడినెత్తిన ఎండపొడలో స్నేహ కౌగిలికై నగ్నపాదాల నడిచావా! *** గుమ్మటాలలోని పావురాలు గింజలేరుకుంటూ తీసే కూనిరాగం విన్నావా! *** ఎదురుచూసి సొమ్మసిల్లిన పూరేకులను ప్రేమారగా ముద్దాడావా! *** తలుపు తెరిచిన గదిలో పగులగొట్టిన సుగంధాన్ని ఆఘ్రాణించావా! *** కొంగలబారు రెక్కల శబ్దం వెనుకెనుకే పయనించాలని చూసావా! *** ఒక్కసారి ఇటువస్తావా పొరలువిప్పి బాల్యంలోకి దూకి ఆడుకుందాం 12.08.2012

by John Hyde Kanumuri



from kavi sangamam*కవి సంగమం*(Poetry ) http://ift.tt/MVoiIF

Posted by Katta

Chi Chi కవిత

_ 0 _ అలా,ఇలా,ఎలాగోలా కాయం కదలికల కారణాలాపుతాయప్పుడప్పుడు కడుప్పిలిచేదాకా ఆగెతుకుతూ పడే ఆత్రంలో కనిపించదేదీ!! ఆత్మనే అజ్ఞానం దగ్గరాగి , అదే జ్ఞానమనే ఆకలి చప్పుళ్ళకు బెదిరి కదలికలాగవు!! ఆత్మాజ్ఞానాన్ని దాటిపోతే ఆగిపోతావేమో ప్రాణం నిండిన రాయిలా చిరాయువుతో ఆకలి చచ్చి మిగిలిపోతావేమో!! అయినా ఆకలి మాత్రమే చస్తే చచ్చేదేముంది దేహసందేహాలాకలి ఉసిగొల్పే చలనం చావాలి రాయి బతకాలంటే!! చలనం చచ్చాకేమవుతుందో ఆలోచిస్తే చలనం చావనట్టే ఆలోచన చచ్చి అచలమై చేసేదేముందో దేహం తప్ప అన్నీ చచ్చాకే తెలుస్తుందేమో అసలదే బతుకంటే అనిపిస్తుంది ఆకలి బతికున్నప్పుడు!! అంతా అయ్యాక అంతరించకుండా నిర్మితమయ్యే సంకల్పమేదో మూలమార్గాన పొంచి ప్రతి కదలికనూ పరీక్షిస్తోంది నిత్యకృత్యంగా!! అంతే నిశితంగా అజ్ఞానం కూడా ఆకలి వైపుకు అడుగులేయిస్తోంది!! రెండు వైపులా కదులుతూ ఏ చివరకూ చేరలేక ఆగాగి ఆలోచనాపుకోలేక , సాగుతూ ఆకలితో వేగలేక అటుసారమిటుసారమంతా నిస్సారమవుతుంటే కదలికాగిపోయింది!!________________________Chi Chi (8/3/14)

by Chi Chi



from kavi sangamam*కవి సంగమం*(Poetry ) http://ift.tt/1fewSsZ

Posted by Katta

Pardhasaradhi Vutukuru కవిత

ఆకాశం లో సగం అన్నది నీకు బయట వ్యాపిస్తే ఆవేదనలలో అత్యున్నతం అన్నది నిజ స్తితి అతివ ఒక సౌందర్య రాశి అంతవరకే నేటి రోజులలో పురుషులతో సమానం గా కష్టపడినా కుటుంబ బాధ్యతలు సరిసమానం గా చూస్తున్నా స్వతంత్ర భావాలు లేని అందమైన మరబొమ్మ వివాహం విషయం స్వతంత్రత లేదు కుటుంబం నుంచి వెలివేత భావం ఎప్పుడు మారతాయో ఈ మూర్ఖపు భావాలు తల్లి తండ్రుల కోసం తెలియని వ్యక్తీ చేసుకుని నిరంతరం చస్తూ బ్రతుకుతూ వున్నా జీవితం అన్నాక ఆ మాత్రం తప్పదు అనే వేదాంతం ఒకటి మగవాడి భావాలు ఇలాంటివి అయినా సమాజం హర్షిస్తుంది మగువ మానసిక భావాల మీద ప్రతి ఒక్కడికి అధికారమే కదా అన్నీ వున్నా వాళ్లకు మనో వేదన తోడూ వుంటే తోడూ లేని వాళ్ళ మనోవేదనకు అవధి లేదు సంద్రం లో ప్రయాణిస్తూ త్రాగు నీరు లేని చందం చుట్టూ ఎంత మంది వున్నా మనసు తెలుసు కునే వ్యక్తీ లేని బాధ సహజంగా ఎదిగామో లేదో తెలియదు కాదు గానీ సాంకేతికంగా ఎదిగాం ... సున్నితం గా పరిశీలిద్దాం !!పార్ధ !!08march 14

by Pardhasaradhi Vutukuru



from kavi sangamam*కవి సంగమం*(Poetry ) http://ift.tt/NHHkmP

Posted by Katta

Ravela Purushothama Rao కవిత

ఉంగిడి* ---------- రావెల పురుషోత్తమరావు ^^^^^^^^^^^^^^^^^^^ మా వూరికి ఉంగిడొచ్చినట్టుంది నాముపంటను నాకేసి డొక్కలెగరేసే గొడ్డులా ఎగిరెగిరి పడుతుంది. ఎంత చింతపండును పిసికి రసాన్ని పులుసులాజేసి గొంతులో బొంగు గొట్టంతో దిగబోసినా వాగు వొడ్డును ఎక్కలేక కళ్ళు రెండింటినీ తేలేస్తూ ఊపిరిసలుపకుండా ఉక్కిరిబిక్కిరై పోతున్నది. ఎన్నిక సమయంలో మన్నికైన అభ్యర్ధిని ఏకంగా ఎన్నుకోలేని చవటలా ఎగాదిగా దిక్కులెంట జూస్తూ ఏబ్రాసి ముఖమేసుకుని ఏవో పిచ్చిలెక్కలతో వేళ్ళమీద గుణించుకుంటూ మనాదితో మనువాడిన మనిషిలా నాగొడ్డుగూడా నాదిగాకుండా పోతుందేమోనని నా సదసత్సంశయం **************************08-03-2014 ఉంగిడి****తొలకరి జల్లులు పడిన తర్వాత చేలో మొలిచే నాము[కోసిన జొన్న పంట మొదళ్ళలో మొలిచే మొక్కలు] తిన్న గేదెలు విషపూరితమై గిలగిలలాడి కొట్టుకుంటాయి ఆ జబ్బును ఉంగిడి అంటారు.దానికి విరుగుడుగా చింతపండును రసంలా పిసికి, పిండి పోస్తారు] ------------------------------------------------------------------

by Ravela Purushothama Rao



from kavi sangamam*కవి సంగమం*(Poetry ) http://ift.tt/P9VNZL

Posted by Katta

Cv Suresh కవిత

అలుపెరగని ఇనుప ఖచ్చడాల దాడిపై అదృశ్య చేతులతో అలుపెరగని పోరాటాల నడుమ హాపి ఉమెన్స్ డే పలకరి౦పుల పుష్ప గుచ్ఛాలతో నీవు.. విశాలమైన హృదయాన్ని ఆటుపోట్లకు అప్పచెప్పే నయవ౦చనల నడుమ‌ జె౦డర్ డిస్క్రిమినేషన్ తో అ౦ద౦గా అల౦కరి౦చబడే నీవు.... వొదిగి౦చి, వ౦చే సహనాన్ని నేర్పే పసుపుతాడును కళ్ళకద్దుకొనే నీవు..... ర౦గుర౦గుల తగరపు కాగితాల్లో చుట్టబడుతున్న‌ నీ శరీరాకృతి లో అ౦గా౦గ శోధనతో కాసుల వేటతో మునిగి తేలుతున్న మగజాతి మధ్య‌ ఇప్పుడు మహిళా దినోత్సవ స౦బరాలతో...ఆన౦దకేళిలో... నీవు! 2 అశోకవనాల్లా మారిపోతున్న గడపల్లోని ప్రతి సీత కూ.. పట్టుకొన్న పుష్పగుచ్ఛాల మాటున ఎదిరి౦చి పోరాడే పిడికిలి ని మరిచిపోవద్దని.........!!! గుర్తు చేస్తూ....! Cv Suresh

by Cv Suresh



from kavi sangamam*కవి సంగమం*(Poetry ) http://ift.tt/1ikdvGE

Posted by Katta

Surya Prakash Sharma Perepa కవిత

వేదాధ్యయ //08-03-14// గుండె. ఎన్ని జన్మల రుణమో సఖీ... నా గుండెలో ప్రేమ గది పునాది పడింది. నీ పరిచయానికి ముందు కీటకాలుగా కనబడినవన్నీ నా ప్రణయ వృక్షంపై వాలిన తుమ్మెదలుగా కనిపిస్తున్నాయిప్పుడు రక్తం తాగే జలగలుగా కనిపించినవన్నీ మకరందం తాగే భ్రమరాలై సంగీతం వినిపిస్తున్నాయి. గదితో మొదలైన నా ప్రణయ సౌధం నా హృదయ దేవతకై వేల గదుల సామ్రాజ్యాన్నే కట్టింది. ప్రతి గదిలో...ప్రతి మూలలో... ప్రతి ఇటుకపైనా నీ పేరే రాసుకుని కనబడిన ప్రతి గుండెలోని ప్రేమనూ ఆస్వాదించింది. విషతుల్యమైన ద్వేషాన్ని ప్రేమ అనే అమృతంగా మార్చి మరొక గదికి పునాదిగా మార్చగిలిగింది. నిర్మాణం పూర్తయింది. నీ మూర్తిని అందులో ప్రాణ ప్రతిష్ఠ చేయాల్సిన తరుణంలో భూకంపాన్ని సృష్టించావు. ప్రళయమే అయావు... లక్ష గదుల నీహృదయంలో ఒక్క గది కూడా ఖాళీ లేదన్నావు. నాకోసం ద్వేషం అనే విషం కూడిన గుండె కట్టావా ప్రాణేశ్వరీ!! ఆ విషాన్ని బొట్టు పొల్లు పోకుండా అందుకుని అనంతమైన అమృతాన్ని నీ గుండెకు ఇచ్చే ప్రేమ నా గుండె సొంతం. నువ్విచ్చిన అమృతమే కదా చెలీ... నీ విషాన్ని అమృతంగా మార్చగల శక్తి దానికుంది. -ఎక్కడుందో...ఏంచేస్తోందో... పుట్టిందో పోయిందో తెలియని అజ్ఞాత ప్రేయసికి అంకితం :D

by Surya Prakash Sharma Perepa



from kavi sangamam*కవి సంగమం*(Poetry ) http://ift.tt/1n36Frj

Posted by Katta