పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
వెంకట చలపతి బాబు కూరాకుల లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
వెంకట చలపతి బాబు కూరాకుల లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

14, ఏప్రిల్ 2014, సోమవారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు || ప్రశ్నలు || షష్ఠి పూర్తి దాటి శతకానికై పరుగులు పెడుతున్న స్వాతంత్రమా నీవెక్కడ? ఇహపరాలను మరిపించి మనిషికి మనసును దగ్గరచేసే స్వేచ్ఛా నీ ఉనికెక్కడ? మూడువేల ఏళ్ళచరిత్ర నాదంటూ భీరాలు పలుకుతున్న పదహారణాల తెలుగుదనమా నీ ఊరెక్కడ? ఎంత తాగినా రక్తదాహమే తీరని హింసా నువ్వు కనిపించని చోటెక్కడ? ఆకాశంలో సగానివంటూ నిన్ను పాతాళానికి తొక్కారే మగువా నీకు మనుగడెక్కడ? రొమ్ము విరుచుకుని జబ్బలు చరుచుకునే మగతనమా నువ్వు పుట్టిందెక్కడ? #14-04-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1qyaV0i

Posted by Katta

12, ఏప్రిల్ 2014, శనివారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు || విప్లవ గీతిక || రక్షించవలసిన నాయకులే మన సర్వస్వాన్ని భక్షిస్తుంటే.. నీతిగా పాలించవలసినవారు అవినీతికి తలుపులు తెరుస్తుంటే.. రాజకీయమనే ముసుగులోని రాబందుల హస్తాలలో మన హక్కులు ఆవిరి అవుతుంటే.. బోరున విలపిద్దామా? మనకి చేతకాదు అని చేతులు కట్టుకుందామా? పెల్లబికిన హింసానాధం మన కర్ణభేరులని చీల్చక ముందే.. పెరుగుతున్న ఆక్రమణల పర్వం పెనుముప్పుకు దారి తియ్యక ముందే.. భరత మాత రుధిరాశ్రువులు నిప్పుకణికలై మన జాతిని మట్టుపెట్టక ముందే.. కలసి కట్టుగా.. స్తుప్తావస్తలో ఉన్న మీ ధైర్యాన్ని వెన్నుతట్టి లేపండి.. మరో శ్రీశ్రీ జన్మించలేదు శీతల యంత్రాల ధాటికి చల్లారి చప్పబడిన మీ ఎర్ర రక్త కణాలను సలసల మరిగించి విధులు మరిచిన అధికారులని నిలదిసే శక్తినివ్వడానికి.. గండ్ర గొడ్డలి చేతబూని మరో పరశురాముడు రాడు విచక్షణ మరచిన పాలకుల రక్తంతో భరతమాతకు రుధిరాభిషేకం చేయడానికి.. మనమే కదలాలి.. మనమే కదపాలి.. ఈ చేతకాని ప్రభుత్వాలను.. చేవలేని రాజకీయాలను.. గళం విప్పి కదలండి.. కదం తొక్కి నడవండి.. భగత్ సింగులమై.. సుభాష్ చందులమై.. మరో స్వరాజ్య ఉధ్యమ జ్యోతికి సమిధలమై భావిభారత వెలుగుదివ్వెలమై.. మరో స్వేచ్చా ఉద్యమానికి ఊపిరి పోద్దాం.. అర్ధం మారిన స్వరాజ్యన్ని అర్ధవంతం చేద్దాం.. జై భారత్... జై హింద్.. // dt 12-04-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1gmBEJS

Posted by Katta

10, ఏప్రిల్ 2014, గురువారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు || విషాద గీతం || అనుదినం.. అనుక్షణం.. ఈ గానం నీ కోసం.. అనుదినం.. అనుక్షణం.. ఈ రాగం నీ కోసం.. నా మౌనం కరిగే కన్నీటిపాటగా.. నా ప్రేమే మిగిలే విషాద కధగా.. నీ కొంటె చూపులతో నా గుండెను మీటావే.. నీ కోయిల పలుకులతో కొంగొత్త రాగం వినిపించావే.. సప్తస్వరాల ధ్వనిగా.. సుస్వరాల వీణానాదంగా. నా హృదయంలో కొలువైనావే.. నా మూగ గానం నీ యదనే తాకలేదా? ఈ మౌనవేదన నీ మనస్సును కరిగించలేదా? ఎన్నాల్లే ఈ విషాద రాగం.. ఎన్నేల్లే ఈ మూగ గానం.. వదలవే నన్ను అయ్యే వరకు మన్ను.. #10-04-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1kveuow

Posted by Katta

9, ఏప్రిల్ 2014, బుధవారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు ||కళ్యాణం|| తాటాకు పందిర్లు.. ముతైదు సందడ్లు.. మామిడాకుల తోరణాలు.. అనుబంధాల పెళ్ళికి ఇవే అంకురార్పణలు.. కళ్యాణ వేడుకను కన్నులారా తిలకించుటకై విచ్చేయు బంధుజనాలు.. కన్నె పిల్లల కళకళలు.. కొంటె పిల్లల అల్లర్లు.. చంటి పిల్లల ఆట, పాటలు.. కళ్యాణ వేడుకకు కమనీయ సాక్షాలు.. ముత్యాల పందిరిలో, రత్నాల పీటలపై, వజ్రాల వధువును చూచి వెన్నెలే చిన్నబోయేనో..? మరో సీతమ్మ అని మూరిసిపోయేనో..? వరుడేమో రామయ్య తనకి సాటి వేరెవరు లేరయ్య తన మేనుసొగసుకు నెలరేడు కూడా నిలవలేడయ్య.. చూడచక్కని జంటని చూచి జామురాతిరి వెలుగును పంచేను తన్మయంతో జోల పాటను మరచేను.. బ్రహ్మలోక ప్రాప్తికోసం మామ చేసేను వరునకు దానం అదే "కన్యాదానం" తన వంశాభివృద్ధికై వరుడు గ్రహించేను "పాణిగ్రహణం" 'గృహ్ణామితే సుప్రజాస్త్వాయ హస్తం మయావత్య జరదృష్టిర్య దాసహ' దాంపత్యము కలిసి మెలసి ఉండవలెనని తెలుపుటకు జీలకర్రబెల్లము.. ఇదియే శుభయోగము.. ఇదియే శుభముహుర్తము.. మాంగల్యం తంతునానేన మమ జీవన హేతునా! కంఠే బధ్నామి సుభగే! త్వంజీవ శరదాం శతమ్!! కొంటె చూపుల నడుమ కొంగు కొంగు కలిపి ఏడుజన్మల బంధం ఏడు అడుగులతో మొదలై ఏకతాటిగా నడపగా వేసేరు సప్తపది.. నిశ్చల మనస్సుకై దృవ దర్శనం.. ముతైదు తనానికై అరుంధతి వీక్షణం.. కన్నవారు ఒకవైపు.. కడదాకా తోడు నిలిచేవాడు మరోక వైపు.. నడిమధ్యన కళ్యాణ కన్యకకు కన్నులారా కారేను బాధానంధ భాష్పాలు.. ఇవీ ఎవరు వర్ణింపలేని దృశ్యాలు.. 09-04-2014 //మా అక్క పెళ్ళికి నేను ఇచ్చిన చిరు కవిత

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1hsn1GG

Posted by Katta

26, మార్చి 2014, బుధవారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు|| మరోసారి ౠజువైంది || చూశారా! ఈ ఘోరం!! ఇన్నాళ్ళు కంటికి రెప్పలా కాపాడుకున్న ఆ గుండెలు రగిలే అగ్నికణాలైనాయి.. నవమాసాలు మోసిన మాతృపేమ ఒక్కక్షణం లాలిపాటను మరచి మృత్యుఘోషను ఆలపించింది.. గుండెలపైన ఆడించిన ఆ చేతులు గొంతు నులిమేశాయి తడబాట్లను సర్దిచెప్పిన ఆ మనస్సు ఎందుకో మరి పాషాణంగా మారింది.. కూడు పెట్టని కులం కన్నవాళ్ళ మదిలో రెప్పపాటు కారుమేఘమై కమ్ముకుంది పేగు బంధం యమపాశమై కన్నకూతురిని బలి తీసుకుంది.. మతం అనే మూర్ఖత్వం కులం అనే వ్యసనం మరో జీవితాన్ని బలి తీసుకున్నాయి.. మనిషి మనిషిని మనిషిగా చూడలేడని మరోసారి ౠజువైంది 26-03-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1fZVFS6

Posted by Katta

8, మార్చి 2014, శనివారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు ||మహిళ ది..నో..త్స..వం.. || వచ్చింది.. మహిళని దేవతని చేసే రోజు వచ్చింది ఎప్పటిలాగే కవుల ఊహలకు కలాలకు పనిచెప్పింది అందరిగొంతులు ఒకే పాట పాడే రోజు రానే వచ్చింది (ఈ ఒక్క రోజే!) మానవతా సంఘాలు, మహిళా సంఘాలు సంఘసంస్కర్తలు (అని చెప్పుకునే వారు) ఎవరైతెనేమి అందరి రంగు ఒకటే..! మహిళా జిందాబాద్! మహిళా జిందాబాద్!! తడి ఆరిన గొంతులో రెండు నీళ్ళ చుక్కలు సృష్టికి మూలం " స్త్రీ " ఆకాశంలో సగం ఆమే! (అని అంటారు అంతే!) నిరంతర పోరటం చేసి అలసిన మనసుకు రెండు సాంత్వన వచనాలు కాదు ఇవి కానే కాదు నవమాసాలు పడ్డకష్టం గాలికి ఒక్క అమ్మ అనే మాటతో.. ఎక్కడైన బ్రతక గలననే ధైర్యం భర్త అనే భారోసాతో.. అలసిన నాడు ఇంత సాయం ఇంట్లో.. ఇవి చాలు స్వర్ణ సింహాసనాలు రత్న కిరీటాలు అక్కర్లేదు బ్రుణ హత్యలు బలాత్కారాలు చెయ్యకపోతే చాలు.. కవిత్వాలు వల్లించనక్కరలేదు కన్నీళ్ళు పెట్టించకపొతే చాలు దేవతని చెయక్కరలేదు మనిషిగా చూస్తే చాలు #08-03-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1k2qbzt

Posted by Katta

7, మార్చి 2014, శుక్రవారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు ||తెలుగు వాడా|| తెలుగు వాడా! ఒరే తెలుగు వాడా! వజ్రాలు,రత్నాలు రాసులుగా పోసి అమ్మినవాడా.. రాయల నోట "లెస్స"గా కీర్తింపబడినవాడా.. ఆర్య సంస్కృతిని ఆకలింపు చెసుకున్న వాడా.. ద్రావిడ భాషలో ఒదిగిన వాడా.. ఒరే తెలుగు వాడా! జాతీయ పతాకానికి రూపునిచ్చినవాడా.. తెల్లవాడి తూటాకి గుండె దమ్ము చూపిన వాడా.. మన్నెం వీరుడి అమ్ములపొదిన అస్త్రమైన వాడా.. ఒరే తెలుగు వాడా! అవధానాన్ని ఆరంభించిన వాడా.. కాల జ్ఞానాన్ని పొందిన వాడా.. రామయ్యకు ఆవాసమిచ్చిన వాడా.. దక్షిణదేశపు ధాన్యాగారంగా కీర్తినొందినవాడా.. ఒరే తెలుగు వాడా! తెలుగు వాడా! ఒరే తెలుగు వాడా! తెలుగు గోడు పట్టని వాడా! అంగ్ల బాట పట్టిన వాడా! ఒరే తెలుగు వాడా! ఎల్లలు అనేవి లేకుండా ఎదిగావురా.. పరాయి భాషకు పట్టం కట్టి మాతృభాషని మట్టిమిద్దెలలోనే వదిలేశావురా! ఆంగ్ల భాషతో ఆస్తులు కూడబెట్టగలవేమో..! ఆప్తులని, ఆప్యాయతలను తెచ్చుకొలేవురా! శాఖలు విస్తరించాయి కదా అని వేర్లను మరువకురా మూలాలు లేకుండా నువ్వు మనగలగలేవురా.. తరతరాల నీ చరిత్రను తెలుసుకోరా ఎన్ని జన్మల పుణ్యఫలమో తెలుగును ఉచ్ఛరించే భాగ్యం నీకు దక్కిందిరా దాన్ని కాలదన్ని పాపం మూట కట్టుకోకురా తెలుగువాడా.. సకల భాషా జ్ఞానాన్ని సముపార్జించుకుందామురా.. కాని మన అమ్మభాషలోనే సంభాషించుకుందామురా.. తెలుగు తల్లి కన్నీటి వ్యధను తుడుద్దామురా.. ఒరే తెలుగువాడా! లేవరా.. నిద్ర లేవరా! భాష లేనిదే..జాతి లేదురా.. జాతి ఉనికికే నువ్వు ముప్పు తీసుకురాకురా తెలుగువాడా..! #07-03-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/NEJ1Bu

Posted by Katta

14, ఫిబ్రవరి 2014, శుక్రవారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు ||ప్రేమ-తోడు|| కనుబొమ్మల విల్లుతో అధరం అనే అమ్ములపొది నుండి ఆమె విసిరిన చిరునవ్వు అనే నారచరం యద కవాటాలను చీల్చి తియ్యని గాయం చేసింది.. హృదయ గాయానికి తన తలపులనే కుట్లువేసి తన నవ్వునే మందుగా వాడి బ్రతికేస్తున్నా.. అయినా కంటికి కునుకు లేదు మనసుకు మరుపు రాదు.. ఏంటా ఇది అని ఆరా తీస్తే "ప్రేమ"న్నారు ప్రేమంటే? ప్రేమ గుడ్డిదన్నారు కొందరు.. నలుపు,తెలుపు,ఎరుపు పొట్టి,పొడుగు అందం,చందం ఇవి ఏమి పట్టించుకోదు కదా ప్రేమ గుడ్డిదే! ప్రేమ మూగదన్నారు ఇంకొందరు కనులతో భావాలు పంచుకుంటూ మనసుతో మమేకమై తలపులలో జీవిస్తుంటే ఇక మాటలెందుకు ప్రేమ మూగదే! ప్రేమ పిచ్చిదన్నారు పేద,ధనిక కులం,మతం పట్టించుకొకుండా సమానత్వ భావాన్ని చూపిస్తుంది కదా ప్రేమ పిచ్చిదే! ప్రేమకి అనేక భావాలు చెప్పారు కాని ప్రేమంటే చెప్పలేదు ఎవరు.. నాకు నేనై ప్రేమ ని అన్వేషించా సోధించా చివరికి సాధించా (పాక్షికంగానే..) మనిషి తన జీవితానికి తోడును వెతుక్కునే క్రమానికి పెట్టిన పేరు ప్రేమ అని నాకు అనిపించింది.. అందుకే ప్రేమని వెదకటం ఆపేశా చిన్న నవ్వుతోనే జీవితాంతం గుర్తుండే తియ్యని బాధాని ఇచ్చిన ప్రేయసితోడుకై నా పయనం సాగించా... #14-02-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1cDFRDE

Posted by Katta

6, ఫిబ్రవరి 2014, గురువారం

వెంకట చలపతి బాబు కూరాకుల కవిత

కూరాకుల వెంకట చలపతి బాబు || ఆవే(దన)శం || అయ్యో!.. అటుచూడండి.. ముక్కు పచ్చలారని పసికందు పంచవర్షములైనా నిండని చిట్టితల్లి.. అమ్మ చేతి గోరుముద్దలతో అమ్మ నోటి లాలిపాటలతో ఆనందించి.. తన ముద్దు ముద్దు మాటలతో చిలిపి చేష్టలతో.. అందరిని పరవశింపచేస్తున్న ఆ బుజ్జి తల్లిని చూడండి.. మృత్యువుతో ఎలా పోరాడుతుందో.. ఆ మృగాడి పైశాచికానికి ఎలా తల్లడిల్లి నరకయాతన అనుభవిస్తున్నదో.. అ!.. అటు చూడండి.. ఆ దారుణం చూడండి.. చదివి ఇంటికి వెలుగులు పంచాలి అనుకున్న ఓ చెల్లి జింక పిల్లను సింహాల మంద వేటాడినట్లు తమ వాంఛను ఎంత కిరాతకంగా తీర్చుకున్నారో.. "అమ్మా! మృత్యుదేవతా.. నాకు ఈ లోకంలో ఉండాలి అని లేదు.. మూగ జీవులను భక్షిస్తూ మృగాలుగా మారి అణువణువు కామకాంక్షతో తిరుగుతున్న ఈ దౌర్భాగ్యుల మధ్య వావి వరుసా, చిన్న పెద్దా తేడా లేకుండా కోరిక తీర్చుకుంటున్న ఈ కీచకుల మధ్య నేనుండలేనమ్మ.." అంటూ అపస్మారక స్థితిలో కొట్టుమిట్టాడి మృత్యుదేవత ఒడికి చెరిన ఆ సోదరిని చూడండి.. హా!... ఏమిటి ఈ ఘాతుకం.. పసిపిల్లల అపహరణ.. పసికందుల ప్రాణం విలువ ధనమా? ఎంతటి క్రౌర్యం? ఎంతటి నీచ సంస్కృతి.. ఛీ.. ఛీ... తూ తూ... జీవితాన్ని ఎలా గడపాలో తెలియని దౌర్భాగ్యులారా.. "స్త్రీ"ని ఎలా గౌరవించాలో తెలియని అధములారా మనిషిని మనిషిగా చూడలేని ఆటవీకులారా.. అతివ కూడా మనలానే.. చీము రక్తము మాంసపు ముద్దలు కలిగిన మాములు జీవి అని గుర్తించని మూర్ఖులారా.. ఎందుకు మీకీ బ్రతుకులు..? ఎందుకు మీకీ జీవితాలు..? 04-02-2014 /** పత్రికలలో రోజు చూస్తున్న కొన్ని సంఘటననుండి ప్రేరణ పొంది రాసిన భావాక్షరాలు

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1k6W6AW

Posted by Katta

2, ఫిబ్రవరి 2014, ఆదివారం

వెంకట చలపతి బాబు కూరాకుల కవిత

కూరాకుల వెంకట చలపథి బాబు ||కవితా సాక్షాత్కారం|| అందమైన కవిత రాయాలని కూర్చున్నా... అద్భుతమైన కవితా వస్తువు కోసం ఆలోచిస్తున్నా.. ఏకాంతంలో బాగా వస్తాయని ఎవరో అంటే ఒంటరిగా తోటలో కూర్చోని ఆలోచించా.. ఎండిన ఆకులు రాలాయి కాని.. కవితా వస్తువు దొరకలేదు.. ఇలా కాదని.. గదిని చీకటి చేసి కూర్చోని ఆలోచించా.. మెదడుకు తట్టలేదు.. విద్యుత్ దీపం మీట నొక్కాను దీపం వెలిగింది కాని మస్తిష్కంలో కవితా వస్తువు తట్టలేదు.. లాభం లేదని.. "శ్రీశ్రీ" పుస్తకాలు తిరగేశాను.. అగ్గిపుల్ల, సబ్బుబిల్ల, కుక్కపిల్ల ఏదైనా కవిత వస్తువే అన్నారు.. నవ రసాలు కలిపిన హృదయభాషే కవిత అని అర్ధం అయింది.. ఇంతలో పెళ్ళుమనే శబ్దం... ఏంటా అని కిటికి తెరిశాను.. ఉరుములు... మెరుపులు.... చిన్న చిన్న చినుకులు... ఆ వెంటనే సూర్యుడు వచ్చాడు.. ఇంతలో అద్భుతం... అల్లంత దూరాన సూర్యకిరణాలు నీటి బిందువులు చేసిన ప్రకృతి అద్భుతం కళ్ళముందు కనువిందు చేసింది.. నా మెదడుకు వెలుగునిచ్చింది.. నా కలం సప్తవర్ణాలను నింపుకుని "హరివిల్లు"లా శోభించి పరుగులు తీసింది.. అద్భుతమైన కవిత నా కనులముందు సాక్షాత్కరించింది.. అప్పుడు అర్ధమైనది... కవితలు సహజత్వపు తీరాల్లో సాక్షాత్కరిస్తాయని.. మనసు పొరల్లో వికసిస్తాయని.. #31-01-2014

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1nw8niw

Posted by Katta