పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Ravela Purushothama Rao లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Ravela Purushothama Rao లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

23, జూన్ 2014, సోమవారం

Ravela Purushothama Rao కవిత

అక్షరం ప్రవహించే వేళ ****************************** నాచుట్టూ పరిసరాలు చిమ్మ చీకటిలో చెమ్మగిల్లుతూ పరభాషావ్యామోహపరివర్తనంలో దాసోహమంటూ సాగిలబడుతున్నవి, అంతటా తళుకుబెళుకుల తన్మయత్వాలే మమ్మీ దాడీ అంటూ చిన్నపిల్లల చిలుకపలుకుల కులుకులు, అనురాగ రాహిత్యపుసంబోధనలు తల్లిదండ్రులను తన్మయత్వపు ప్రవాహాల్లో ముంచేసి శైశవాన్నతటినీ చికాకులపాల్జేస్తున్నది. ఉదయాస్తమానాలమధ్య పిల్లవాండ్ర మాతృభాషా సంబోధనలు యజమాన్యాలను కలవరపెడుతూ శిక్షించాలన్న తపన వారిమనసుల్లో దినదినాభివృద్ధి చెందుతున్నది. అభంశుభం తెలియని అమాయక విధ్యార్ధులమెడల్లో నేనిక ఇంగ్లీషునే పలుకుతాను తెలుగస్సలు మట్లాడను అంటూ హెచ్చరికల బోర్దులు వేలాడుతూ వ్యవ స్థను వెక్కిరిస్తూన్నవి. నా ఉనికి మృగ్యమై పోతుందేమోనన్న భాషామతల్లి భయకంపితమౌతున్న దృశ్యం ఇదేంవరస ?ఇదిన్యాయమేనా అంటూ నిలదీసి గద్దించే దిశగా కొందరిహృదయాలైనా ముందడుగు వేయడం నిజంగా గర్వించదగిన అంశం. అభిమానుల అంతరంగాలను ఆందొళనాపధంలోకి పడేస్తుందేమోనని పండితవర్గం వేదనపడుతున్న దాఖలాలు అనేకానేకాలు వ్యయమధికమైనా పరభాషాధ్యయనానికి పోటీ పడుతున్న యువత అంతరంగాన్ని అర్ధం చేసుకోలేక భాషామతల్లి తలపంకించి రోదిస్తున్నది. ఆ గద్గదస్వర వేదనలు కన్నీటి పర్యంతమై కకావికలౌతున్న అమ్మ సరస్వతమ్మ ఆక్రందనల స్వరాల విజృంభణలతో తెగిపడిపోతున్న ఆమె కచ్చపి వీణా తంత్రులను సరిచేసుకుంటూ నినమ్రయై నిలుచున్నది నాలో యెదో నాకే తెలియని కదలిక మరుగునపడిపోతున్న మాతృభాషా సంపదనంతా ఒక చోటికి చేర్చాలన్న భావన నన్ను ఉన్నపళాన జాగృతం చేసి వెన్వెంటనే నానిద్రమత్తును వొదిలించాయి. మరుక్షణంలో నాకళ్ళెదుటే అక్షరాలన్నీ అమృతవాహినులై పరవళ్ళతో ప్రవహిస్తున్నదృశ్యం చేదోడువాదోడుగా మనం సహకకరించగలిగితే ఆమె ఇకపై నిరంతరం అమందానంద కందళిత హృదయారవిందయై విరాజిల్లుతుందని నా ప్రగాఢ విశ్వాసం

by Ravela Purushothama Rao



from kavi sangamam*కవి సంగమం*(Poetry ) http://ift.tt/1lLb0hI

Posted by Katta

18, జూన్ 2014, బుధవారం

Ravela Purushothama Rao కవిత

అనింద్యాష్టకం రావెల పురుషోత్తమ రావు ************************************************************** అమ్మలంతా అప్పుడు మంచిపనే చేసినట్లనిపిస్తుందిప్పుడు నాన్నల మాటలను ఎగర్తించి మరీ మమ్మల్ను కన్నది. అందుకే అందరం ఇలా పతాక శీర్షికలలో నిలిచేలా ప్రతిభను కనబరిచి అమ్మల ఋణం తీర్చుకున్నాం. పోటీ పరీక్షల్లో నెగ్గి కొందరం అఖిల భారతంలో ఖ్యాతినార్జిస్తే మరికొందరం మంచు మల నధిరోహించి మన ద్జేశ పతాకను శిఖరాగ్రంపై రెపరెపలాడేలా నిరంతర కృషితో నెగ్గుకొచ్చి దేదీప్యమానంగా వెలిగాం. ప్రతిభకు లింగబేధమంటూ ఉండదని ప్రత్యేకంగా నిరూపించాం. అమ్మలూ ఇకనైనా ఆడపిల్లలని వినగానే భ్రూణ హత్యలకు పాల్పడకండి. కొడుకులతోపోటీ గా ప్రతిభా వ్యుత్పత్తులతో నెగ్గు కొస్తున్నాం . ఆడపిల్లలంటే ఐశ్వర్యంతో కూడిన యశోమూర్తులైన సిరిసంపదలని మరీ రుజువు చేస్తున్నాం గమనించండి మాగమ్యానికి అడ్డుగా నిలువకండి. అమ్మలూ నాన్నలూ అదే పదివేలని గ్రహించండి. మమ్మల్ను యశొ మూర్తులుగా శతమానం భవతీ అని మనః పూర్వకంగా ఆశీర్వదించండి.!!! ***********************************************************************************

by Ravela Purushothama Rao



from kavi sangamam*కవి సంగమం*(Poetry ) http://ift.tt/1ikRRT8

Posted by Katta

16, జూన్ 2014, సోమవారం

Ravela Purushothama Rao కవిత

మరణ యాత్ర------రావెల పురుషోత్తమ రావు *********************************************** మట్టిని మశానం వైపు తరలించే మహాప్రష్థానం మొదలయింది మనసున్న మనుషులంతా ఈ మరణ యాత్రలో పాల్గొనండి ఆరుగాలాలపాటు అహర్నిశలూ శ్రమించి చెమటోడ్చిన కృషి ఫలితమే గదా దేశ ఆర్ధిక అభ్యున్నతికి ఆసరాగా నిలచింది అన్నపూర్ణయై యింత అన్నం పెట్టగలిగింది ఆమడలదూరంగా ఆకలిని తరమగలిగింది చదువుకునే మగపిల్లల కింత సాయమై నిలువగలిగింది ఆడపిల్లల వివాహాది కార్యాల్లో ఆదరువై ఆదుకుంది పల్లె జీవనం పాడి పంటల పాలిటి సౌభాగ్య లక్ష్మిగా విలసిల్ల గలిగింది ఇప్పుడిక్కడి వాతవరణమే రూపు రేఖలు మార్చు కుంది వడి వడిగా వేడెక్కి వివాదాలకు నినాదాలకు పంట విరామానికి వేదికై నిలచింది ఈసారి గిట్టు బాటు ధర దొరక్క పాలించే ప్రభుత్వానికి వ్యతిరేకంగా రైతులంతా రోడ్డెక్కవలసి వచ్చింది. వరి కంకులతో గూడిన పనలను తగులబెట్టే స్థితికి దిగజార్చి కృషీవలుల కడుపు మంటకు కారణ భూతమై ప్రవర్తించింది. పంట పొలాలన్నింటినీ పారిశ్రామిక వాటికలుగా మార్చాలని శాసనాలతో ప్రభుత్వ ప్రతిపాదిత సాహత్యా కర్యక్రమం , మొదలయింది మట్టిని పూర్తిగా మశానం వైపు తరలించే ప్రక్రియ ప్రారంభమయింది ప్రణాలికలు సిద్ధమై మహాప్రస్థాన యానానికి మార్గం సుగమమై నిలిచింది . పల్లె తల్లి గోడు గోడున విలపించగా అనురాగాలూ ఆత్మీయతాను బంధాలూ అదృశ్యమయే అంకం మొదలయింది ---------------------------------------------------------------------16-6-14

by Ravela Purushothama Rao



from kavi sangamam*కవి సంగమం*(Poetry ) http://ift.tt/1owgf6X

Posted by Katta

15, జూన్ 2014, ఆదివారం

Ravela Purushothama Rao కవిత

నాన్న కళ్ళద్దాలు తుడిచి శుభ్రంచేసాను ఇప్పుడు ఆయన లక్ష్యం నెరవెరేందుకుమార్గం బాగా సులువయినట్లున్నది. గమ్యం బాగా చేరువయినట్లు తోస్తున్నది. ---------------------------------------------------

by Ravela Purushothama Rao



from kavi sangamam*కవి సంగమం*(Poetry ) http://ift.tt/1osZols

Posted by Katta

12, జూన్ 2014, గురువారం

Ravela Purushothama Rao కవిత

ఋతులాస్యం రావెల పురుషోత్తమ రావు నేలంతా పూల వర్షంతో పులకితమౌతున్నది నూత్నమర్యాదంజెందుతూ చివురు జొంపాలతో పుడమి మాత పురుడుపోసుకుంటూండడం అంతా వసంతుని లీలా విలాసమేగదా. అవనిమీద నీరంతా క్షణాలలో ఆవిరై యిగిరిపోతున్నది బహుశా ప్రచండభానుని గ్రీష్మతాపం తీరుస్తున్నదేమో ప్రకృతి పరాన్ముఖత పాలవకుండా జాగ్రత్త పడుతున్నది పగుళ్ళ నేలను చూసి గుండెలవిసేలావిలపించిన మేఘం తూనీగలతో దారులు గట్టి వర్షదేవతను మట్టి పరీమళ సౌరభాలతో అద్ది శుభస్వాగతం పలుకుతున్నది పూలరెక్కలన్నింటి పైనా హేమంతపు తుషార బిందు రత్నాలు దివ్యకాంతులతో విరాజిల్లుతూ హరివిల్లుల ననంతంగా అణువణువునా ప్రతిబింబింపజేస్తూ అమందానంద కందళిత సుందర హృదయానందయౌతూ వికసిస్తున్ననేపధ్యమది . నిగారింపులతో పాలకంకులు పాడి పంటల పసిడి తళుకులు, జున్నుమీగడ తరగల్లా మెరిసిపోతున్న పాడి పశువులు పొదుగుకున్న పసిడి కాంతుల ధగధగలు . శరత్ జ్యోత్స్నల సరిగమల ధవళ ధావళ్యాలు. ఆశనిరాశలమధ్యన ఊగిసలాడే నీరవనిశ్శబ్దాలు నిట్టనిలువునా వణికించే నిరాశా నిస్పృహల నిడుగాడ్పులు శిశిర ఝంఝల్లో రాలిపడే నిస్తబ్ధ తరంగాలు ఈ శీర్ణ పత్రాలు. **************************************** 12-6-14

by Ravela Purushothama Rao



from kavi sangamam*కవి సంగమం*(Poetry ) http://ift.tt/1lidPW0

Posted by Katta

8, జూన్ 2014, ఆదివారం

Ravela Purushothama Rao కవిత

సంధానo ^^^^^^^^^^^రావెల పురుషోత్తమ రావు నిన్నటిదాకా నేను ఎదురయిన ప్రతి వాడినీ ప్రశ్నలతో ఉక్కిరి బిక్కిరి చేసేసాను. కప్పదాటు జవాబులతో కొందరు వినీ వినబడనట్లు నటిస్తూ, మరికొందరు నేనుకనబడగానే దివాంధుల్లా నటిస్తూ తడబడుతూ, దారిమర్చేవారు , ఇంకొందరు. ఎవరూ నాప్రశ్నలకు సూటిగా సమాధానం చెప్పలేకుండా పోయారు. అందుకే కొన్నాళ్ళు నేను ఆప్రశ్నలను వాటి మానాన వాటిని వదిలేసి మౌన్నాన్నశ్రయించాను ,మహర్షిలా. ఇప్పుడు కాలం పూర్తిగా మారిపోయింది అందరూ నన్ను ప్రశ్నల తో మూకుమ్మడిగా అదేపనిగా, దాడి చేస్తున్నారు. భావికాలపు జీవనగతిని గూర్చి నిజం చెప్పండంటూ నిలదీసి నిలువునా వేధిస్తున్నారు. అనూహ్యమైన ప్రశ్నల జడిలో నన్ను అన్యమనస్కం గావిస్తున్నారు అమ్మయ్య ఇప్పుడు జనంలో చైతన్యం, ప్రవాహంలా ఉరకలెత్తుతున్నది అబ్బబ్బబ్బో నన్ను ఎనలేని ఆనందం ఆర్ణవమై ముంచేస్తున్నది . చిరకాలపు నా వాంచ చిత్రంగా నెరవేరుతున్నది. సమాధానాలతో సంధానమై నిలువెల్లా, పులకించి పోతున్నాను =========================8-6-2014

by Ravela Purushothama Rao



from kavi sangamam*కవి సంగమం*(Poetry ) http://ift.tt/1o27RvT

Posted by Katta

7, జూన్ 2014, శనివారం

Ravela Purushothama Rao కవిత

ఉష్ట్రపక్షి రావెల పురుషోత్తమ రావు ^^^^^^^^^^^^^^^^^^^^^^^^^^^^^^^^^ అతనెప్పుడూ అంతే గతంలోకి తలదూర్చి భావికాలాన్ని ఊహిస్తాడు వర్తమనాన్ని వరుమానంగా భావిస్తుంటాడు ఎవ్వరేమన్నా యేమాత్రంపట్టించుకోడు ఎవ్వరెన్ని విధాలా చెప్పినా యేమాత్రం వినిపించుకోడు జీతం తన జీవితగమనాన్ని ఉచ్చు వేసి ఉరిబిగించినా వక్రమార్గం వైపు ఎన్నడూ ఓర కంటితోనైనాచూపుమరల్చడు. ఊపిరాడ కున్నాసరే ఉలకడుపలకడు బ్రహ్మచెవుడు నటిస్తాడు. తనుగీసుకున్నగిరిలోనే తనధ్యాసనిముడుస్తాడు ఎదుటిమనుషుల వ్యవహారాల్లో ఎన్నడూ జోక్యంచేసుకోడు ఎదుటివారిని మెచ్చుకోడు ఆత్మస్తుతి నందుకోడు. శతాబ్దాలక్రితం జన్మిస్తే శతసహస్రంగా ఎదిగేవాడు రాతియుగపు భావనలో రాణకెక్కిన మనీష అతడు ఇరవయ్యొకటో శతాబ్దంలో యిలా ఇరుకుబతుకునీడుస్తున్నాడు కాలంతోబాటు అతడు తన వాలకాన్ని మార్చుకోడు అతనెవరినీ అనుసరించడు ఎవరిమాటా చెవికెక్కించుకోడు. భావికాలపు గతినితెలుసు కోని బహుదూరపు బాటసారి అతడు అతనెప్పుడూఅంతే ఆధునికంగా ఆలోచించడు పాత చింతకాయ పచ్చడిలా పధ్యానికి మాత్రం పసందుగా పనికొస్తాడు ఉన్మాదిమాత్రంకానేకాడు ఉష్ట్రపక్షికోవకిందకొస్తాడు ----------------------------------7-6-2014

by Ravela Purushothama Rao



from kavi sangamam*కవి సంగమం*(Poetry ) http://ift.tt/TqFQjO

Posted by Katta

6, జూన్ 2014, శుక్రవారం

Ravela Purushothama Rao కవిత

ఈ సమరం ఇక ఆగదు ==============************ రావెల పురుషోత్తమ రావు ఈ యుద్ధం ఇక ఆగదు ఇలానో అలానో ఎలాగోలా ఇక సాగుతూనే వుంటుంది ఇవి ఇవ్వాల్టికివ్వాళ యేర్పడిన పొరపొచ్చాలు కానేకావు శతాబ్దాలుగా యేర్పడిన తారతమ్యాలివి యిదే తంతు ఇలా నిరాటంకంగా సాగుతూనేవున్నది శ్రీ నివాసుల జాబితాలో శిఖరారోహణ మొదలయిననాడే ఈపోరు ప్రారంభమయింది అప్పటినుండీ అనుస్యూతంగా ఈ వ్యత్యాసం పాటింపబడుతూనే వుంది పదునైన యెత్తుగడలతో ప్రవాహ ధృతిలో కడలిలా కదలి పోతున్నది నేతలవాగ్దానాల మాటలు నీటిమూటలై జనజీవనశ్రేణిలో కలతలు సృజిస్తూనేవున్నవి నిత్యావసరాలధరలు నిలువెత్తునా మండిపోతూ ఆకాశమార్గాన దిగిరాను దిగిరాను భువికంటూ పైపైకి ఎగసిపడుతూ దీర్ఘకాలంగా మనుషులను క్షోభ పెడుతూనేవున్నవి . అడుగడుగునా ఆకాశ హర్మ్యాలు అసంఖ్యాకంగా పెరుగుతూ ఆదాయపు పన్ను శాఖల అసమర్ధతను వేనోళ్ళా , నల్దిశలా ,చాటుతూనేవున్నది కుప్పతొట్లదగ్గర విసిరేయబడిన విస్తరాకులపైకి పేదరికం కుక్కలతోపాటుఎగబడుతున్నంతకాలం, ఈ సమరం యిలా సాగుతూనే వుంటుంది. కులాల మధ్య సంఘర్షణలు మతాలపేరిట మారణ హోమాలు అగ్రసనాధిపత్యం పేరిట అనాదిగా బడుగు దేశాలపై జరుపుతున్న పాశవిక దాడులు అన్ని కలగలసి ఇలా కదనరంగానికి సిద్ధం చేయడానికి,నేపధ్యంగా వ్యూహాలు రచిస్తున్నవి శిశిరరుతువులే జీవితకాల పర్యంతం శిరస్సు నధిరోహిస్తానంటే యెలా? వసంత రుతు సోయగాలకు దూరంగానేఉండాలని కొందరిజీవితాలను శాసిస్తే యెలా కుదురుతుంది? ఈసు, అసూయలు యిలా మానవజాతిని మలినపరుస్తూ పోతుంటే అస్తవ్యస్తమైన జీవన విధానాలు అవనిని అతలాకుతలం చేస్తున్నంతకాలం ఈ రణప్రస్థానం ఇలాసాగుతూనేవుంటుంది ఈపగలూ ద్వేషాలూ ,దట్టంగా పొగలు విరజి మ్ముతున్నంతకాలం ఈసమరం ఆపే ప్రసక్తే లేదనేలాగుంది అనంతంగా ఈసమరం యిలా నిరాటంకంగా సాగుతూనే వుంటుంది బహుపరాక్ ***************************************06-6-2014

by Ravela Purushothama Rao



from kavi sangamam*కవి సంగమం*(Poetry ) http://ift.tt/1pY6KtT

Posted by Katta

5, జూన్ 2014, గురువారం

Ravela Purushothama Rao కవిత

చైతన్య దీప్తి ************ రావెల పురుషోత్తమ రావు గదంతా గబ్బిలాల గవులు వెలుగు కిరణం చొచ్చుకుపోయె వీలు మృగ్యం కిటకీలూ ద్వారబంధాలూ గవాక్షాలూ అన్నీ దశాబ్దాలుగా మూతబడి వున్నాయ్ ఇప్పుడు ఆగదికి ఊపిరాడడం లేదు నియమనిబంధనల పేరిట నిరామయమై నిలిచి పోయింది అది మా తతముత్తాతలనాటి నివాసం భావప్రకటనా స్వేచ్చకు బాహాటంగా పరిమితులున్న కాలం ఎక్కడివారక్కడ నినమ్రంగా జీవితాలు వెళ్ళదీసిన రోజులవి. ఇప్పటికి నాకు తెలివొచ్చింది ఒకరకంగా జ్ఞానోదయమయింది నాలో జిజ్ఞాసా మొదలయింది. అన్నిగదులకు భిన్నంగా ఆ గదొక్కటే చీకటి గుయ్యారంలాఎందుకుండాలని? అంతరంగ మధనం మొదలయింది. ఇప్పటికి నాకు తెలిసొచ్చింది ఒకరకంగా జ్ఞానోదయమయింది. వెంటనే నాలో ఒక మార్పు సంప్రదాయపు సంకెళ్ళను తెగగొట్టి భావప్రకటనా స్వేచ్చకు విలువిచ్చి గౌరవించాల న్న తపన ప్రారంభమయింది వెలుగు వెల్లువకు అడ్డుపడుతున్న అన్ని చీకటి తెరల శృంఖలాలను తెంచేసాను అన్ని అడ్డంకులకూ ఆ గదిని విముక్తనుగ చేసాను. ఇప్పుడా గదిలో వెన్నెల వరదలా ప్రవహిస్తుంది నేనెందుకు బూజు పట్టినభావాలతో కనుమరుగై పోవాలని ఆ గది వేసే ప్రశ్నలకి తగు జవాబివ్వాలని అనుకున్నాను అనుకున్నదే తడవుగా ఆచరణలోకి ఉపక్రమించాను వెల్లవేసిన గది ఇప్పుడు వెన్నెల స్రోతస్వినిలా గోచరిస్తుంది నిన్నటిదాకా చీకటికి స్థావరమైనిలిచిన గది నేడేమో చైతన్య దీప్తికి శిఖరాయమానమై గెలుస్తుంది ^^^^^^^^^^^^^^^^^^^^^^^^^^^^^^^^^^^^^^^^^^^^^^^^05-6-2014 *

by Ravela Purushothama Rao



from kavi sangamam*కవి సంగమం*(Poetry ) http://ift.tt/1oYQVFY

Posted by Katta

16, మే 2014, శుక్రవారం

Ravela Purushothama Rao కవిత

గాయాల చెట్లు. -----------------రావెల పురుషోత్తమ రావు. యు వత గుండెలు పిండేలా నాలుగుబజార్ల కూడలిలో ఊర్ధ్వ దిశగా వేలాడుతూ ఊపిరాడనివ్వకుండా కండల పెండేరాన్ని ప్రదర్శించే పీల కధానాయకుడు. నూలుతాడు బరువును సైతం భరించడం నా వల్ల కాదన్నట్లుగా ఆందాల ఆరబోతలో అగ్రశ్రేణి నధిరోహించి కన్నుల విందుకు రా! రమ్మన్నట్లుగా హొయలొలకబోసే అర్ధనగ్న సుందరి నేటిమేటి కధానాయిక. త్రిభాషా సుత్రానికి కట్టుబడి మూడు భాషల్లోని తిట్లనూ కదంబంలా కలిపికుట్తి పాటగా అల్లి ప్రజలచెత్తహోరెత్తించుతూ జ్ఞాతుల గడపలన్నింటా ఎక్కి దిగ్గి సిఫార్సుల చట్రంలో చిక్కుకుపోయిన చిత్ర విచిత్ర గీత రచయిత. కొన్ని వందలకోట్ల పెట్టుబడితో యేడాదిపొడుగునా విదేశీ లొకేషన్సులలో నిర్మితమై కక్షలూ కావేషాల నేపధ్యం గీసిన గిరిదాటలేక సినిమాలో తిరగబడే సుమోల్లా ప్రేక్షకుల అనాదరణకు గురై తిరుగు తపాలో డబ్బాల్లో పంపిణీ సన్oస్థ వాకిట్లో వాలిపోతున్న వందలాది మూస తెలుగు సినీ చిత్రాలు. ఇవoడీ మన సంస్కృతీ సంప్రదాయాలను కళ్ళకు కట్టినట్లు మంటగలపడంలో బహుధా ఆరితేరిన కధలూ కాకరకాయల కమామిషులూ బాధామయ గాధల గాయాల చెట్లు. 15-5-14 ===============================

by Ravela Purushothama Rao



from kavi sangamam*కవి సంగమం*(Poetry ) http://ift.tt/1k5VVF2

Posted by Katta

14, మే 2014, బుధవారం

Ravela Purushothama Rao కవిత

కలల సారధ్యంలో -------- =============== కలల్ను గూర్చి సమగ్రంగా ఓ కవితను రాయాలన్న తపన నా గుండెలో గూడు కట్టుకుని కరుడుగట్టుకుని పోయిందనుకుంటా క్షణ క్షణమూ ముల్లుగా గుచ్చి బాధపెడుతూ ఉంటుంది. రాత్రి వచ్చిన కలే తెల్లవారుతూనే మంచులా కరిగి నీరయి మనోఫలకం మీదనుంచి చెరిగిపోతూ వుంటే గతకాలంలో శరపరంపరగా వచ్చిన కలలు కవితకో సం కాగితం మీదకు ఎలా తేవాలన్నదే తీరని సమస్య తీరా అదే దొరకని పరిష్కారం. కలంటే ఒక కళాఖండం కాదుకదా కలకాలం మనో ఫలకంపై చెరగని ముద్రవేసి చిరకాలం స్మృతిపధంలో చెదరకుండా మిగలడానికి. కలంటే అపురూపమైన, అద్భుతమైన తైలవర్ణ చిత్రమూ కాదాయె చాయా చిత్రంగా వెన్వెంటనే తీసి భద్రపరచి తరువాత తీరిగ్గా వర్ణించవచ్చుననుకోడానికి. కలంటే కాలానికనుగుణంగా నేతలు చేసే నీటిమీద మూటలాంటి వాగ్దానం. ఎప్పుడు క్షుణ్ణంగా కరిగిపోతుందో ఎవ్వరికెరుక ? అందుకే కలంటే కల్లగానే మనం స్వీకరించాలి బుద్బుద ప్రాయమూ కేవలం క్షణభంగురమనీ మనం గుర్తెరుగాలి. కవితకు ప్రాతిపదికగా కలల నేపధ్యాన్ని ఎంచుకో వడం మానాలి. కలికాలంలో కరిగి నీరయి రూప రహితమై నిలిచే కలలకన్నా మరో మంచి ఇతివృత్తాన్ని ఎంచుకో మని ఉచిత సలహా పారేసి చిత్తగించి సెలవుతీసుకున్నాను. ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

by Ravela Purushothama Rao



from kavi sangamam*కవి సంగమం*(Poetry ) http://ift.tt/1iLLxhb

Posted by Katta

Ravela Purushothama Rao కవిత

తెరువెరుగని బాటసారి *******************************రావెల పురుషోత్తమ రావు. నిదురించే తోటలోంచి పాట యే మైనా వినిపిస్తుందేమోనని చెవులన్నీ చెట్ల ఆకులకు అతికించి శ్రద్ధగా ఆలకించి విన్నాను. పదినెలలు గడుస్తున్నాయేగాని పదిలమైన పాట మాత్రం నా చెవుల చెంతకు చేరిన దాఖలాల్లేవు. ఆశల తరువుమాత్రం చివుళ్ళు తొడగడం మొదలయింది. ఒక్క పాటా అటు వైపునుంచి పొటమరించిన దాఖలాల్లేవు. ఏక్కడకు పయనమై వెళ్ళావో ఎలా తెలుస్తుంది? గమ్యం తెలిస్తీ గదా గమన మార్గం వెదికే వీలయేది. దారులెన్ని ఎదురుగా స్పష్టంగా గోచరమవుతున్నా గానీ సరయిన త్రోవను మాత్రం ససేమిరా పట్టుకోలేక పోతున్నాను. ఆఖరు క్షణాల్లో నీవు చూసిన జాలిచూపులకు యేమైన కర్తవ్య బోధచేసావేమోనని కన్నీటిచుక్కలనన్నింటినీ విడిడిగా విడదీసి మరీ గాలించాను. ప్చ్!!! ఏమాత్రం అనుపానాలను అందుకోలేక పోయాను. పుట్టిన ప్రతిప్రాణీ గిట్టకతప్పదని తెలిసినా గిట్టిన నీ వు ఏ దిశగా పయనం సాగించావో నని పరిశోధించినా ప్రయోజనం చేకూర్చలేకపోయింది. అగ్ని సంస్కారం చేసిన కాపరిని అడిగాను విసుక్కున్నాడే గాని వివరమేమీ చెప్పనిచ్చగింపలేదు. అస్తికలను నిమజ్జనం చేసుకున్న పవిత్ర నదులనూ బ్రతిమాలాను మౌనమే తమ భాష్గా మూగనోమూ పట్టాయి అంతే. ఆమని నడిగాను ఆమె వెళ్ళిన జాడతెలుసునా అని? విరబూసిన సుమాలన్నీ మందస్మిత మయాయే గాని నోరు మెదపిన పాపాన పోలేదు. గతించిన శిశిరమూ, శరత్తూ, హేమంతం ఏ ఆచూకీ నివ్వలేకపోయాయి. గ్రీషం కూడా నాఘోషను ఆలకించిన పాపాన పోలేదు. సూర్యాస్తమయందాకా శూన్యదృక్కులను సారిస్తూ వివిషణ్ణ వదనంతో తెరువెరుగని బాటసారిలా నా ఒంటరితనాని మళ్ళీ భుజ స్కందాలకెత్తుకుని ఇంటిముఖం పట్టాను, విసిగి వేసారి విసిగించిన కాలాన్నీ తనివితీరా తిట్టుకుంటూ .14-5-14 ======================================

by Ravela Purushothama Rao



from kavi sangamam*కవి సంగమం*(Poetry ) http://ift.tt/1jsLGG4

Posted by Katta

11, మే 2014, ఆదివారం

Ravela Purushothama Rao కవిత

అమ్మా! మనసారా నన్ను క్షమించు! ***********************************రావెల పురుషోత్తమరావు అమ్మా! మనసారా నన్ను క్షమించు! ఐశ్వ ర్యానికి నిర్వచనం తెలీని కుటుంబంలోనుంచి వచ్చినా అందరినీ ఆనంద వార్ధిలో ముంచె త్తి మురిపించావు. ఐదు పదులైనా నిండకముందే ఐహిక సుఖాలనన్నింటినీ వదలుకుని ఆవలి తీరాలకు వెడలిపోయావు. చీకటంటే వెలుగు దారుల వెంట వెన్నంటి నడిపించే అశ్యమైన శక్తి అని పదే పదే చెపుతూ వచ్చావు. ఊహతెలియకముందే మమ్మల్నందరినీ దుఃఖ సాగర0లో ముంచి వెళ్ళిపోయావు. ఎంత ఉన్నతమైన సంస్కారమోనీది!!! ఊరు ఊరంతా కన్నీటి వీడ్కోలు పలికేందుకు తరలి వచ్చినప్పుడే మాకు తెలిసిపోయిందమ్మా! అందరూ కాదంటున్నా నాకిష్టమైన అమ్మాయిని కోడలిగా ఇంటికి తెచ్చి నీకు ప్రతిరూపమన్నట్లుగా నిలిపాను. ఆరేళ్ళు నిండకుండానే నా ముద్దులపట్టి పరలోకానికి ప్రష్తానం సాగిస్తే గుండెను చిక్కబట్టుకుని కాలం గడిపాను. నోములూ వ్రతాలంటూ నీకోడలు నిన్ను మరిపించిందటమ్మా అందరూ అంటుంటే తెలిసిందమ్మా -- ఆవిడా నీకొంగట్టుకు తిరుగుతూ ఏవో ప్రశ్నలకు సామాధానాలను తెలిసికోవాలని బయలుదేరి వచ్చిందమ్మా! మనుమలూ మనవరాండ్రనూ చూసి మురుసుకుంటూనే వాళ్ళందరినీ ఇక్కడనే వదిలేసి ఒక్కతే నన్ను ఒంటరితనానికి ఒదిలేసి ఒచ్చేసిందమ్మా! నీవు బహుశా శతాధిక వృద్ధురాలివై ఉంటావు! ఈపాటికి అయినా వాళ్ళ బాగోగులను నువ్వే చూసుకోవాలి తప్పదమ్మా! ఆజన్మాంతం నీకు ఋణ పడి ఉండడం మాటేమో గాని తనువు చాలించిన తర్వాతకూడా నీపై బరువును మోపిన దురదృష్టవంతుడినమ్మా నన్ను మనసారా క్షమించు. ఇప్పుడంతా చీకటే జీవితమైపోయిందని ఎలాచెప్పాలో తెలియకుండాపోతున్నది!!! ===================================11-5-14

by Ravela Purushothama Rao



from kavi sangamam*కవి సంగమం*(Poetry ) http://ift.tt/1liyPec

Posted by Katta

9, మే 2014, శుక్రవారం

Ravela Purushothama Rao కవిత

ఓ తెలుగు తల్లీ! రావెల పురుషోత్తమరావు చిక్కనైనది వలపు చక్కనైనది తలపు ప్రేమ తీయని మలుపు ఓ తెలుగు తల్లీ! --------------------- నేరచరితను కలిగి జైలు గదులలొ నలిగి నేతయౌనా ఎదిగి? ఓ తెలుగు తల్లీ! -------------- తేనె చక్కెర కన్న సుధల చందురు కన్న అమ్మ మనసే మిన్న ఓ తెలుగు తల్లీ! *****************9-5-14

by Ravela Purushothama Rao



from kavi sangamam*కవి సంగమం*(Poetry ) http://ift.tt/1notd5b

Posted by Katta

6, మే 2014, మంగళవారం

Ravela Purushothama Rao కవిత

పునఃస్మరణ ^^^^^^^^^^^^^^^^^^^^^^^ రావెల పురుషోత్తమ రావు ఎప్పుడు దాని వైపు దృష్టిని సారించినా అది ఎంతో ఉన్నతాసనంగానే నాకు అవగతమౌతుంది అతితి అభాయాగతులను సముచితంగా ఆదరించే గృహష్తు గానే నాకు అనవరతం గోచరిస్తుంది. తన రెండు చేతులను బార్లా సాచి వారినాహ్వానించే గృహస్థులాగా సౌహార్దాన్నీ సౌజన్యన్యాన్నీ కలబోసిన వ్యక్తిగా నా చెవులకు ధ్వనిస్తుంది. ఆదరాభిమానాలను అందించడంలో తనకెప్పరూ సాటిరారన్నట్లు ప్రవర్తిస్తున్నట్లుంటుంది. భోజనానంతరం భుక్తాయాసం తీర్చుకునే పట్టెమంచంలా దర్శనమిస్తుంది. హంసతూలికా తల్పంలా శయన శుఖాన్నందిస్తుంది. అది ఎందుకో చాలామందికి బద్ధకమ్నేర్పే యంత్రంలా సాక్షాత్కరిస్తుంది. అయినా నాకు మత్రం అది స్నేహశీలిగా ప్రవచనాలు పలికే హితైషిగానే నన్ను నడిపిస్తూ అత్యంత ఆదరాభిమానాలను చూరగొన్న పడకకుర్చీ నీకు శతాధిక అభిందనపూర్వక కృతజ్ఞతలు. [నరసరావుపేట చెక్క కుర్చ్చీలను మనోపధంలో స్మరించుకుంటూ]--6-may -14

by Ravela Purushothama Rao



from kavi sangamam*కవి సంగమం*(Poetry ) http://ift.tt/QapY2G

Posted by Katta

4, మే 2014, ఆదివారం

Ravela Purushothama Rao కవిత

my grand son chy Aneesh got 2 nd prize in "numbers bee" at state level copmpetition held on sunday 03-5-2014 Wilmington, Delawareeleware[USA]

by Ravela Purushothama Rao



from kavi sangamam*కవి సంగమం*(Poetry ) http://ift.tt/1q1WLYn

Posted by Katta

Ravela Purushothama Rao కవిత

గతితప్పని ధృతిలో----------- ================== రావెల పురుషోత్తమరావు మనసు శ్వేతపుష్పం లాంటిది. స్వచ్చంగా ఉన్నంతకాలం స్వర్ణకాంతులీనుతూ సౌరభాలను వెదజల్లుతుంది. సప్త వర్ణాలనూతనలోఇముడ్చుకుని ఇంద్ర ధనుస్సులా వెలిగిపోతుంది. కక్షలూ కావేషాలూ కన్నులెదుటగా కంట పడినప్పుడు కకావికలఔతూ కన్నీరును గారుస్తుంది. మంచితనం మానవత్వం పురివిప్పి నాట్యం చేస్తుంటే నేత్రపర్వంగావీక్షిస్తూ సంతసపడుతుంది. చిన్నపాటి మలయపవనం వీచినా పులకిత అవదనంతో పురస్కారంలా స్వీకరిస్తుంది. గాలి వేగం పెరిగి గందరగోళం సృష్టిస్తే ఘనీభవించిపోయి కరడుకట్టుకు పోతుంది. పంటపైరు లాంటి మనసును కలుపుమొక్కలతో నింపకూడదు. సున్నితమైన మనసును శూలలతో గుచ్చినట్లు బాధపెట్టకూడదు. మనసును మంచితనపు ఖజానాగా మనం అమూల్యంగా భావించుకోవాలి. ఒడుదుడుకులకు లోనైనప్పుడూ ఒద్దికగా సర్దుకుపోగలగాలి. అప్పుడే మనసు గతితప్పక అజరామరంగా ఆనంద సంభరితయై నిలుస్తుంది ***************************************************************04-05-14

by Ravela Purushothama Rao



from kavi sangamam*కవి సంగమం*(Poetry ) http://ift.tt/1q1UQTv

Posted by Katta

3, మే 2014, శనివారం

Ravela Purushothama Rao కవిత

ధ్వని ముద్రితం కాని సంభాషణ ====================== రావెల పురుషోత్తమరావు కలకాలం గుర్తుండిపోయేది కల కాదుకదా వారానికొక్క సారయినా మన జీవిత గమనాన్ని మనం మూల్యాంకనం చేసుకోగలగాలి. అప్పుడే మోడు వారిన జీవలతికలపైనా కొత్త చిగురుటాకులు మొలిచే వీలుకలుగుతుంది. ఒక్క సారయినా అలా చేయలేని మౌనం నేరంగానే పరిగణించ బడాలని నా భావం. చేసిన తప్పొప్పుల పట్టికను చేరదీసి చిక్కుదీసి సమీక్షించుకోవడం సరయిన కార్యక్రమం కాదని ఎలా చెప్పగలను?. దాగుడు మూతలతో ఆటమొదలయినప్పుడే దండనల జోరూ మొదలవుతాయి. అంతరంగాన్ని మధించకుండా అన్యోన్యతనూ అభిమానాన్నీ సాధించడం కష్టతరమని నా ప్రగాఢ విశ్వాసం. వెలుగునీడలమధ్యన పెల్లుబికే వేదనలనూ అశృత్యాత్మక్షోభను అణచలేమని కూడా మనం అర్ధం చేసుకోగలగాలి నిరంతరం మౌనమే సమాధానమనీ కాలమే గాయాలను మానుపుతుందని , అలా నిరంతరం ఎదురుచూపులతో నిరాశా నిస్పృహలతో గడుపుతూండడం ఎంతవరకు సమంజసమో భావ్యమో నీవే నీకుగా తెలుసుకో ! మేలుకో దూరమైనా గమ్యం చేరుకునేదాకా విశ్రాంతిని కోరుకోకు. కడుపునిండా నవ్వుకుని కంటనిండా కునుకును నింపుకుని ఎన్నాళ్ళయిందో గమనించు. అభద్రతాభావంతో ఎన్నాళ్ళని అంతర్గత సంఘర్షణనూ ఆక్రోశాన్ని అణచి వున్వుకోగలమో ఊహించు.ఈ స్థితి ఆరోగ్యప్రదం కాదని ఎన్ని సార్లు నేను నొక్కి వక్కాణించానో ఒక్కసారి పునరాలోచన చేసుకో. ధ్వని ముద్రితం కాని ఏ సంభాషణయినా చిరకాలం చెవుల్లో రింగు రింగు మనదని గుర్తుంచుకో 03-5-14

by Ravela Purushothama Rao



from kavi sangamam*కవి సంగమం*(Poetry ) http://ift.tt/1i9I8s9

Posted by Katta

2, మే 2014, శుక్రవారం

Ravela Purushothama Rao కవిత

కలలకాలం =============రావెల పురుషోత్తమరావు కలకాలం గుర్తుండిపోయేది కల కాదుకదా క్షణభంగురమూ బుద్బుద ప్రాయమైనదేకదా కలంటే. నిద్రపట్టని దశలో కనేకలలకన్నా జాగృదావస్థలోని కలలే వాస్తవానికి దగ్గరగా మసలుతాయని కొందరి భావన. తెల్లవారు ఝామున వచ్చేకలలన్నీ నిజమౌతాయని కొందరి ఊహ. కలల మీద మనో వైజ్ఞానిక శాస్త్రవేత్తలు ఎన్నో వాస్తవాలు చెప్పారట. ఏదిఏమయినా కలలో అప్రాప్తమనోహరి దర్శనమిచ్చే యవ్వనం అమూల్యమైనది. యముని మహిషపు లోహ గంటల శబ్దం కలలలో వినబడనంతవరకూ కనేకలలకు ఓ పరమార్ధముందని నా ప్రతిపాదన. కలంటే వాస్తవ జీవనయానంలో కనబడని నైరూప్యచిత్రమేమోకూడా! ===========================================

by Ravela Purushothama Rao



from kavi sangamam*కవి సంగమం*(Poetry ) http://ift.tt/1kASAgB

Posted by Katta

1, మే 2014, గురువారం

Ravela Purushothama Rao కవిత

అంతరంగ తరంగం -------------------రావెల పురుషోత్తమరావు నన్ను క్షమించండి. నా కవితను మన్నించండి. తరత్రాలుగా చెల్రేగుతున్న అంతరంగాలను అన్వేషించండి. అంగళ్ళలో రతనాలను అమ్మిన తరం నాదికాదు. అంగనల అంగాంగ సౌందర్యాన్ని బహిరంగా అమ్ముకుంటూ నిలువుదోపిడీ ని నిరంతరం సాగిస్తున్న దోపిడీ గావిస్తున్న నిష్కృష్టపు తరం నాది. సమాజపు సౌశీల్యానికి సాహిత్యపు పౌరోహిత్యం నిర్వహిస్తూ సోదరభావాన్ని నెరపిన తరం నాదికాదు. సన్మానపు సం రంభంలో అశ్లీలానికీ అసభ్యానికి సాగిలబడిపోతున్న తరం నాది. తిమిరంతో సమరం జరిపి జగతిని వెలుగు వెన్నెలకు వేదికగా నిలిపుకున్న తరం నాది కాదు. విశాలాంధ్ర భావాలకు వెన్నుఫోటు పొడిచి స్వార్ధాన్నీ సంకుచితత్వాన్నీ సమూలంగా పెనవేసుకున్న నంగి నంగి మాటల నాజూకు తరం నాది. =================01-05-2014

by Ravela Purushothama Rao



from kavi sangamam*కవి సంగమం*(Poetry ) http://ift.tt/1u8P5TK

Posted by Katta