Aravinda Raidu Devineni కవిత

అరవింద రాయుడు **************** సర్వం ఉత్తమపురుష ****************** నేను అనే పదానికి ఎంతఅహమో నీవూ అనే మాటరానివ్వదు నాకు అనే పదానికి ఎంతస్వార్థమో నీకూ అనే ఔదార్యం చూపించదు మేము అనే పదం ఎంతసంకుచితమో మనమూ అనే భావనకు చోటుండదు ********************** 17-6-2014 ************(23)

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1r15F4Y

Posted by Katta

Aravinda Raidu Devineni కవిత

అరవిందరాయుడు//నానీలు *********************** అడ్డమైన గడ్డిమేసే వారివల్ల దేశం నానాగడ్డికరుస్తోంది....కర్మ శిశిరం చెట్టు వస్త్రాపహరణం చేస్తే వసంతం హరితవస్త్రాన్ని ఇస్తోంది నగలూ వగలూ ఒకే లాంటివి రెండూ మనుషులపై ప్రకాశిస్తాయి మనిషి నీటితో నమస్కరిస్తే చెట్టు గాలిద్వారా ఆశీర్వదిస్తుంది హరితాంబరం,పూలూ పండ్లతో వసంతం ప్రకృతికి చేసింది సీమంతం *************************** 14-6-2014 ****************(22)

by Aravinda Raidu Devineni



from kavi sangamam*కవి సంగమం*(Poetry ) http://ift.tt/TVs2y0

Posted by Katta

Aravinda Raidu Devineni కవిత

అరవిందరాయుడు *************** బడిసందడి ********** వళ్ళువిరుచుకున్న గంట నీరసంగా మోగుతుంది మళ్ళీ బడిసందడి మొదలైంది షరామామూలుగా ఇంటిమీది అల్లరిబుట్టలను బడికి చేర్చి తేలికపడ్డారు పెద్దాళ్ళు రిలీఫ్ నుండి రిలీవై సరహద్దుజవాన్ లా హడావిడిగా పయనమయ్యారు పంతుళ్ళు కొత్తబట్టలేసుకున్న తరగతిపుస్తకాలు కళకళలాడుతున్నాయి పిల్లల కళ్ళల్లో పిడికెడుపిండిలో బండెడు రొట్టెలు చేయడానికి అరకొరవసతులతో కార్పోరేట్ పాఠశాలలను మించడానికి బైరాగిచిట్కాలు అన్వేషిస్తూ అధికారులు కోడీకలతో శిల్పాలెలా చెక్కవచ్చో వివరిస్తూ మేథావులు క్రితందాకా వెలవెలబోయినగదుల్లో రణగొణల మంత్రాలు తర్వాతి సెలవుకోసం కాలెండర్ ముందేసుకుని ఆరాతీస్తూ హోంసిక్ బాధితులు నడ్డివిరిచే భారంతో మనసునిండిన వత్తిడితో విద్యార్థుల మళ్ళీ బడిజైలుకు ****************(21) 12-6-2014) ************

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1og7spE

Posted by Katta

Aravinda Raidu Devineni కవిత

అరవిందరాయుడు *************** వి ల యం ********* ఓ బాధ్యత ఆదమరచి జాగరూకతకు నీళ్ళొదిలినపుడు ఓ నిర్లక్ష్యం విధినిర్వహించినపుడు ఓ నిర్లిప్తత కాలాన్నే శాసించినపుడు జరిగిన పెనుభీభత్సఫలమే ఈమహావిషాధం ఓ జలసైన్యమా నీవద్దకు చేరినది నీ ఆగర్భ శత్రువులు కాదే! ఓసలిలమయ స్మశానవాటికా! నీ మ్రోలనిలిచినది కాలంచెల్లినవారు కాదే! మరెందుకు నీ ప్రళయవిన్యాసం నీవుకేవలపయోరాశివి మాత్రమేకాదు కరుణ ఇసుమంతయినా లేని నిష్ఠుర ఎడారివి ఇంతదనుక నీఒడిలో కేరింతల హారాలతో అనుభూతు నైవేద్యం కొరకు ఆత్మీయ సందడులు చేసినది వేరెవరో కాదు మేథోజగత్తుసారథులు నీ సౌందర్యోపాసకులు ప్రతిగా నీవుచేసినదేమిటి? విశ్వాసఘాతుకం కాదూ నీ మృదువైన నీటిగుండె కొండరాళ్ళ పరిష్వంగంలో బండబారినదికదా నీ అమృతమయ తరంగాలు అమాయకుల పాలిట మృత్యుకుహరాలాయెకదా! ఆఖరుక్షణాల్లో చేయిచేయికలిపి నీకెదురుగా నిలిచి వారు తమహృదయాలను పరచినపుడూ నీ రాతిహృదయాన్ని తమకౌగిట్లోపొదవుకుంటూ రక్షణభారాన్ని నీపైమోపినపుడూ తృణీకరిస్తూ నీమొరటు కెరటాలతో వారిని అగాధంలోకి ఎంతతేలికగా విసిరేశావు? నీకూ మా మా'నవ'ప్రకృతిలోని వికృతి అబ్బినదిలే. ఐనా నిన్నంటే ఏం లాభం సుదూర గ్రహ గర్భజలాలను శోధిస్తూ పక్కనే పొంచిఉన్న విలయాలకు తలలువంచే మమ్ము మేము నిందించుకోవాలిగాని..... ******************** 11-6-2014 ******************(20)

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1l1jGA9

Posted by Katta

Aravinda Raidu Devineni కవిత

అరవిందరాయుడు **************** గువ్వలా....... ******* ఆకాశంలో విహరిస్తూ ఓ గువ్వలబారు ప్రశాంతంగా మేఘాలలో మెరుస్తూ యధేచ్చగా వాయుకన్య కంఠహారంగా సాగుతూన్నాయి విశృంఖలమైనా వాటిపోకడలో ఎంత ఒద్దికో... ఓ మహాచిత్రకారుని కాన్వాస్ పై చిత్రంలా హృద్యంగాఅనిపిస్తున్నాయి ఒక్కోసారి ఒక్కోఆకారంలో అమరుతూ వివిధ విన్యాసాలతో చిత్రవిచిత్రంగా దృశ్యీకరమవుతున్నాయి గాలిపటంలా ఓసారి చేపపిల్లలా ఓ సారి నీటి కెరటంలా మరోసారి పూలదండలా ఇంకోసారి అలరిస్తూన్నాయి నాలో ఏ మూలో అసూయారేఖ తళుక్కుమంది ఈసారిమాత్రం నవ్వుతున్నపెదాలరూపంలో వాటిఅమరిక కన్పించి నన్నుకవ్వించింది మావలె..స్వేచ్ఛగా ఎగరగలవా అన్నట్టు... నామనసు ద్వారా వాదించాను బెట్టుగా విమానాలున్నాయిలే మాకంటూ.. అయినా నాలోనాకే సందేహం అంతస్వేచ్ఛయేది మళ్ళీదిగుతామా అనే దిగులో ఖర్చయిపోతుందన్న గుబులో వెంటాడుతూనే ఉంటుందికదా... ఇంకా బింకంతో వాదించింది మనసు ఊహల్లో ఎగిరేది మేమేనంటూ... నాలో మళ్ళీ అలజడి అమ్మో అంతసమయం ఎక్కడిదంటూ నామనసు అర్ధసారాంశాల్ని అర్థం చేసుకున్న ఆపెదాల చిత్రం వెక్కిరించింది గాయపడకుండా నేలమీద సరిగా పయనించలేరు మీరు అన్నట్టుగా. అంతే నాగర్వంసర్వం మంచంపట్టేసింది *********** 09-6-2014 (19) ీ

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1pWQTPf

Posted by Katta

Aravinda Raidu Devineni కవిత

అరవిందరాయుడు//విద్వత్తు//18 ***************************** జెన్ కో ట్రాన్స్ కో అనుసంధానమైతే జనం కళ్ళల్లో,జనుల ఇళ్ళల్లో వెలుగు గ్రంథం,గ్రంథాలయం సమన్వయమైతే ఎందరో జీవితాల్లో పున్నమి. అదివిద్యుద్భాష-ఇది విద్వద్భాష రెండూ అంతర్వాహినులే. రెండూ చైతన్య ప్రేరకాలే ఇరుశక్తుల అంతిమలక్ష్యం వెలుగు పంచడమే విద్యుత్ ఇంటింటికీ చేరకున్న అగోచరమే విద్వత్ ఫలం మనిషికీ అందకున్న అగమ్యమే అది వెలుగులో పరిఢవిల్లుతుంది ఇది పలుకులో పరిమళిస్తుంది ఒకటి శబ్ధంలో రాణిస్తుంది మరొకటి నిశబ్ధంలో శోభిస్తుంది రెండింటిమధ్య సామ్యం అనల్పం రెండొంటికీ భేధం అతిస్వల్పం తాత్కాలికమూ,పాక్షికప్రాయమూ పరిమితమాత్రమూ,ఆడంబరాస్పదమూ ఐన విద్యుత్తు అంటే అందరికీఅపేక్షే అది నిత్యావసరమూ,తక్షణప్రయోజనదాయినీ కనుక శాశ్వతమూ,పరిపూర్ణమూ అక్షయతుల్యమూ,నిరాడంబరాస్పదమూ ఐన విద్వత్తు పట్ల అధికులకూ ఉపేక్షే అత్యవసరమైనా తక్షణంఅనుభూతం కాదు కనుక. ప్రతిస్పందనలో ఎంతటి వైరుధ్యం సకల ఆవిష్కరణలకూ మూలం విద్వత్తు. సర్వప్ర'యోజనా'లకూ మూలవిరాట్టూ మేధస్సు విద్వత్తు అనుంగుపుత్రికే విద్యుత్తు దప్పికవేస్తే నీరుకోరడంహక్కు కలుగబోయే దప్పికగూర్చి తవ్విఉన్న నూతిబాగును గూర్చి ఆలోచిండం అందరిబాధ్యత చరిత్ర నేర్పే గుణపాఠాలను నేర్చుకుంటూ సాగాలెప్పుడూ ప్రశ్నార్ధకమైన భవితను మార్చుకొనే దిశలోకి మారాలెపుడూ ****** ******* 04-06-2014

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1ouMpva

Posted by Katta

Aravinda Raidu Devineni కవిత

అరవిందరాయుడు *************** అపసవ్యం **************** ఓ వక్త మానవ మేథస్సును, మానవుని శక్తి సామర్థ్యాలను, మానవత్వాన్ని గురించి అనర్గళంగా ఉపన్యసిస్తున్నాడు. ఓ గంగిగోవు తనకు గడ్డినిచ్చిన యజమానికి పాలనిస్తోంది కృతజ్ఞతా పూర్వకంగా. ఓ గుళ్ళోమి దైవం తనముందే జరుగుతున్న దొంగతనాన్ని నిస్సహాయంగా గమనిస్తున్నాడు. దొంగలరాకను తెలిపేప్రయత్నంలో ఓశునకం నిర్విరామంగా అరుస్తోంది తమ బంధువు ఉసురు తీసిన కల్తీ ఔషధాలను ఓ నిర్భాగ్యుడు శాపనార్థాలు పెడుతున్నాడు. ఓ కాకి మరణిస్తే తల్లడిల్లిన సహచరకాకులు పరిసరాల్లో నానా భీభత్సాన్ని సృష్టిస్తున్నాయి. ఓ సైకిల్ ను నుజ్జు నుజ్జు చేసిన ఓ లారీ ఎవరికీదొరక్కుండా శరవేగంతో దూసుకెళ్తోంది ఓ తల్లి శునకం పిల్లిపిల్లకు ఆప్యాయంగా తనపాలనిస్తోంది. పిల్లలనిరాదరణకు గురైన ఓ మాతృమూర్తి వీథుల్లో బిచ్చమెత్తుకుంటుంది. డబ్బులివ్వలేని పేదరోగిని ఆసుపత్రి సిబ్బంది దగ్గర్లోని చెట్టుకిందికి ఈడ్చేస్తున్నారు నిర్ధాక్షిణ్యంగా. ఎవరెస్టు శిఖరంపై పతాకాన్ని ఎగురవేసిన ఓ పర్వతారోహకుడు క్రమక్రమంగా దిగుతున్నాడు. ఉత్సాహంగా నిప్పురవ్వలు చిమ్ముతూ నింగికెగసిన ఓ తారాజువ్వ మరుక్షణం నిస్తజంగా ముఖంమాడ్చుకొని సిగ్గుతో నేలపై దుమ్ములో తనముఖాన్ని దాచుకుంది. సరికొత్త మానవవిధ్వంస బాంబుతయారీలో విజయం పొందిన శాస్త్రవేత్తలు గంతులు వేస్తున్నారు. ఒంటరి యువతిని తుంటరులుకొందరు నట్టనడివీథిలో వేధిస్తూ ఆనందిస్తున్నారు క్రమక్రమంగా స్పృహను కోల్పోతున్నప్పటికీ ఓ వరాహం తన గుడిప్రదక్షిణను మాత్రం మానడం లేదు. శిలామయ విగ్రహపు కనుకొలకులనుండి అభిశంసనా పూర్వక వేదనాభాష్పాలో అభినందనా పూర్వక ఆనందభాష్పలో తెలియని కన్నీటిబిందువులు మాత్రం జాలువారుతున్నాయి. **** ********* 10 ఫిబ్రవరి 2013నాటి నమస్తేతెలంగాణ బతుకమ్మలో వచ్చిన కవిత చిరుసవరణలతో...

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1rwmRDx

Posted by Katta

Aravinda Raidu Devineni కవిత

అరవిందరాయుడు//ట్రాఫిక్ సైతాన్//17 ***************************** మధ్యతరగతి జీవితంలాంటి ట్రాఫిక్ ప్రయాణంలో అడపాదడపా గాలిపోలికేకవేసినట్లు చెవులు చిల్లులు పడే శబ్ధంతో హరికేన్ బీభత్సాన్నితలపిస్తూ కన్నులు మిరిమిట్లుగొలిపే వేగంతో తోటివాహనాలను తత్తరపాటుకు గురిచేస్తూ పాములామెలికలు తిరుగుతూ సర్కస్వ విన్యాసాలను ప్రదర్శిస్తూ ఖరీదైన స్పోర్ట్స్ బైక్ లు పరిగెడుతూంటాయి తాగినవాడికిమల్లే ఉయ్యాలలూగుతూ;..... వాటిదూకుడు రాగానికి వాహనాల ఎడంలో ఏర్పడే ఏర్పడేసందులు తాళాలువేస్తూ బైక్ లను ఊరిస్తూ ఆహ్వానిస్తుంటాయ్ గ్రహకక్ష్యలకు అడ్డంగా అర్ధాంతరంగా పరుగులు తీసే ఆస్టిరాయిడ్లాంటి బైక్ లు అవి వాటిపై సైతాన్ లు స్వారీచేస్తుంటారు వారిముఖంలో బెరుకూమొహమాటాలుండవు నిర్లక్ష్యం తిరస్కారభావాలు తప్ప పద్దలూ,ఓర్పుభావనలుండవు దుడుకుతనం తప్ప .; తలబిరుసుతనమే వారిరూపంలో బైక్ నడుపుతూంటుంది తరచూ వారు రెండుచేతులు వదలిసాముచేస్తూంటారు ఎప్పుడూ క్రాఫ్ సవరిస్తూనో, అద్దంలో చూస్తూనో ఉంటూ అప్పుడప్పుడు రోడ్డువైపు చూస్తుంటారు ఆడగాలి తాకితే చాలు పొద్దుతిరుగుడు పువ్వులై తలలను మెలిదిప్పుకుంటుంటారు బైక్ హాండిల్ లు భ్రమలు మాని తమనుతామే హాండిల్ చేసుకుంటుంటాయి దుష్టునికి దూరంగా అన్నట్లు అంతా తప్పుకొనివారికి దారిస్తూంటారు పట్టపగ్గాలుండవు బైక్పోకడలకు నిస్సహాయులూ రోడ్డుపై ఉంటారనే స్పృహ ఉండదువారికి రక్తం అంటే ఎరుపు రంగు ద్రవమే వారికి ట్రాఫిక్ పాఠాలు అర్ధంకావు వారికి అనుభవంతో తెలిసే జీవితపాఠాలు గుణపాఠాలు నేర్చే సరికి వారు ఎక్కడుంటారో వారు ఎంతమందికి శాపమౌతారో వారు *************** 28-5-2014

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1pxuDIF

Posted by Katta

Aravinda Raidu Devineni కవిత

అరవిందరాయుడు//నానీలు-4 ****************************** మేధస్సు మానవునికి వరం అందుకే నెత్తినెత్తుకోబడిందేమో * * * * * ముక్కును కట్టివేస్తే ప్రమాదం నోరు కట్టివేయకుంటే ప్రమాదం * * * * * బాధ గుండెల్లో దాగిఉంటుంది సంతోషం నెత్తిన ఊరేగుతూంటుంది * * * * * మనిషి చూపులు సదాఆకాశంలో; నేలను వీడకుండా పాదాలేమో క్రింద. * * * * * 25-5-2014 ------------(16)

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1p7G3pa

Posted by Katta

Aravinda Raidu Devineni కవిత

అరవిందరాయుడు//నానీలు-3 ************************* ఎగిరేపతంగాన్ని దారంశాసిస్తే తెగిన పతంగాన్ని గాలిశాసిస్తుంది **** ఆకాశంలో జిగేల్ మన్న మెరుపుఖడ్గం భయంతో మేఘంచాటున చంద్రుడు **** ఆకాశంలో మేఘాలతో వర్షపునీరు జీవితంలో మేఘాలతో కంట్లోనీరు **** విద్య మొక్కదశలో వంచుతుంది చట్టం ముదిరినచెడును త్రుంచుతుంది ***** 22-5-2015 *************15

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1sYls46

Posted by Katta

Aravinda Raidu Devineni కవిత

అరవిందరాయుడు//అమ్మ//14 **************************** అమ్మ ఓ అనురాగ స్రోతస్సు మూర్తీభవించిన శ్రేయస్సు బతుకు ప్రపంచాన పరచుకొన్న భాగ్యోషస్సు పూర్వపుణ్యయాగావిష్కృత విమలహవిస్సు జీవన ఎడారిదారుల్లో చల్లనిఆశీస్సై సదావెన్నంటినిలిచే సహనామృత ఒయాసిస్సు ***** 11-5-2014

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1lVu6hk

Posted by Katta

Aravinda Raidu Devineni కవిత

అరవిందరాయుడు//వైపరీత్యం//13 ************************* ఏమిటీ వైపరీత్యం తనకష్టాన్ని తలచుకొని కుమిలికుమిలి దు:ఖించే మనిషి సాటివాడిని నిర్ధాక్షిణ్యంగా ఎలాచంపగలుగుతున్నాడు ఎంత దుస్సహం సమస్తాన్నీ శాసించగలిగే మనిషి తోటివాడి అకృత్యాలనుమాత్రం నిరోధించలేకపోతున్నాడు ఏమిటీ చోద్యం ఎదుటివాడి చిన్నపొరపాట్లనూ నానాయాగీ చేసేమనిషి తనలోని తప్పిదాలను కప్పిపుచ్చుకోచూస్తున్నాడు చివరికి మనిషికన్నీటికి కూడా ఎంత పక్షపాతం తనచిన్న ఆపదకూ కడవలకొద్ది ప్రవహించే కన్నీరు సాటిమనిషి పెనువిషాదంలోకూడా ఒక్కబిందువైనా రెప్పగడపదాటదేం? ****** 21-5-2014(నేడు ఉగ్రవాద వ్యతిరేకదినోత్సవం)సందర్భంగా...

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1oddYdo

Posted by Katta

Aravinda Raidu Devineni కవిత

అరవిందరాయుడు//నానీలు//12 ************************ రాజీనామా చేసిన మంత్రిలా పడమటి కొండల్లో సూర్యుడు *** సూర్యుణ్ణి వెనకేస్తూ భూమి తూర్పుకు ఆయువును తగ్గస్తూ వయస్సు ముందుకు *** అదిగో గుండెలు మండిపోతున్నాయ్ కన్నీటి ఫైరింజన్ వస్తుంది ఇక *** కళ్ళల్లో ఎండాకాలం,వానాకాలమూ ఒకచో నిప్పులు మరొకచో కన్నీరూ *** మాస్టారు మాట ఉదయకిరణం చల్లగాతాకినా చురుక్కుమంటుంది *** 20-5-2014

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1tef0ba

Posted by Katta

Aravinda Raidu Devineni కవిత

అరవిందరాయుడు//నవ్వు// 11 ***************************** తే.గీ!! అధరపుష్పము వికసించునటుల నవ్వు మోము భాసించు నిండైన పున్నమ వలె హృదయపుష్పము వికసించునటుల నవ్వు దేహమారోగ్యభరితమై తేజరిల్లు (ఓ నవ్వూ...నువ్వు నవ్వుతూ కలకాలం వర్థిల్లెదవు గాక ) 19-5-2014 10/1/2014

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1sIMzzU

Posted by Katta

Aravinda Raidu Devineni కవిత

అరవిందరాయుడు//పరిహేళి//10 ****************************** ఐదేళ్ళకోసారి ప్రజాక్షేత్రానికి దగ్గరగా జరిగే రాజకీయగ్రహాల పరిభ్రమణకేళి పరిహేళి పరిపూర్ణమయింది ఓట్లపండగ ముగిసింది ఓఘట్టం గడిచింది సందిగ్ధం తొలగింది ప్రజామోదరాజవీథుల్లోంచి ఠీవిగా నడచిపోయే మారాజులెవరో తేలింది ఇక ఐదేళ్ళపాటు ప్రజలకు దూరంగా ఒక్కోసారి ప్రజాస్వామ్యవ్యవస్థక భారంగా పరిణమించే అపహేళి దశ రానున్నది అప్పుడు నాయకులు పదవులచుట్టూ, పైరవీల చుట్టూ ప్రజలు నాయకులచుట్టూ భ్రమలచుట్టూ పరిభ్రమిస్తూనే ఉంటారు 17/5/2014 ి

by Aravinda Raidu Devineni



from kavi sangamam*కవి సంగమం*(Poetry ) http://ift.tt/RK6jrx

Posted by Katta

Aravinda Raidu Devineni కవిత

అరవిందరాయుడు//మెట్టు-4//06 -------------------------------మెట్టును చూస్తుంటే అనంతశిష్యకోటిని ఉన్నతలక్ష్యాలకుచేర్చి తానుమాత్రం ఉన్నచోటున్నే నిలిచిపోయే గురువుగుర్తుకొస్తున్నాడు పార్టీజండాను-నాయకునిపదవినీ తనప్రాణప్రదంగా మోస్తోన్న ఓ సామాన్యకార్యకర్తనూ మెట్టుబింబిస్తోంది ఓమహా వంశ యశ్శస్సునూ ఓమహాయుద్ధభారాన్నీ తనభజస్కంథాలపైదాల్చిన భీష్మాచార్యుడూ, ' "అతిథిదేవోభవ"అంటూ వామనుని మూడోపాదానికి తనశిరస్సును అర్పించిన బలిచక్రవర్తీ సాక్షాత్కరిస్తున్నారు డాబుసరికీదర్పానికీ ప్రతీకయై సోమరుల మరులుదోచే లిఫ్ట్్ లప్రభావంతో తనప్రాధాన్యతపిసరంత తగ్గినట్లనిపింంచినా మెట్టునాశ్రయించేవారూ అసంఖ్యాకులే శిశువు రూపంలో ఆసుపత్రిమెట్టుతో ఇహంలోకి రావడంతో మొదలైన మానవజీవనప్రస్థానం అంతిమఘడియల్లోనిరోగిరూపంలో అదే మెట్టు ఆత్మీయస్పరశతో పరంలోకి చేరేదాకా మెట్టులేని మనుగడ ఊహించడమూ కష్టమే 15-5-2014

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1lt9b3E

Posted by Katta

Aravinda Raidu Devineni కవిత

అరవిందరాయుడు//కుటుంబం//09 ****************** అయ్యగారిది డబ్బుప్రపంచం అమ్మగారిది సీరియళ్ళప్రపంచం పెద్దాడిదీ బైక్ ప్రపంచం చిన్నదానిది సెల్లు ప్రపంచం ఎవరి ప్రపంచం వారిది ఎవరి వెతుకులాట ఎవరి వెతుకులాటవారిది ఎవరికెవరిపై అపేక్షలు సొంతవారిపైన ఉపేక్షలు ఏంతింటున్నారు? ఎలాచదువుతున్నారు? ఎక్కడతిరుగుతున్నారు? ఏమేం చేస్తున్నారు? తెలుసుకునే తీరిక ఏది ఆరాతీసే ఓపిక ఎక్కడిది మేమంతాకలిసి భోంచేసి ఎన్నాళ్ళయిందో?అంటూ తామెంతబిజీయో అన్నట్టు తమపనులు ఆగితే ఆకాశమే కూలి నేలపై పడుతుందేమో అన్నంత హైరానాలు ఆధునికపోకడల ముఖచిత్రచిత్రాలు ఆత్మబంధాలమధ్య పెరుతున్నఅగాధాలు బాధ్యతలు పట్టని విషాధాలు నేతిబీరలో నెయ్యిలా కుటుంబంలోనే కుటుంబ భావనలు విలుప్తమవుతూంటే ఇక వసుధైక కుటుంబభావనలు ఎలాగ సాధ్యమవుతాయి 15-5-2014 (నేడు అంతర్జాతీయ కుటుంబదినోత్సవం)సందర్భంగా శుభాకాంక్షలతో......

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1liHH1P

Posted by Katta

Aravinda Raidu Devineni కవిత

అరవిందరాయుడు//మహామాయాబజార్//08.... ******** ఇక్కడ అప్పులున్నవాడికీ ఆదాయపుపన్ను వర్తిస్తుంది ఇక్కడ కారులున్నవాడినీ తెల్లరేషన్ కార్డు వరిస్తుంది సదా పాతికలక్షలకోట్లరూపాయల నల్లధనం విదేశీబాంకుల్లో నర్తిస్తుంది బాబూ ఇది మహామాయాబజార్ ఇక్కడనుండి రీతులు-నీతులూ ఏనాడోఅయినాయి పరార్ 14-5-2014 (మార్చి2014.

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1jZ67PM

Posted by Katta

Aravinda Raidu Devineni కవిత

అరవిందరాయుడు//ఆస్టిరాయిడ్//07 ఆస్టిరాయిడ్ మహాగడుగ్గాయి అస్థిరతకుచిరునామా అడ్డంగాప్రయాణం దూకుడే ప్రమాణం గమ్యం తెలియదు ఆది మధ్యా తెలియదు నిబంధనాలు గడ్డిపోచలే సహననిగ్రహాలు తనదృష్టిలోచాతకానివి పద్దతులేమో పాతచింతకాయ పచ్చళ్ళు ఎవ్వరికీభయపడని ప్రపంచం తన పేరువింటే చాలు హడల్ అందుకే అన్నారు మూర్ఖుడు ప్రపంచానికిరాజని ఇంకా అన్నారు దేన్నిఅడ్డంగా వాడేవాడు దాంతోనే పతనమవుతాడని 12-5-2014

by Aravinda Raidu Devineni



from kavi sangamam*కవి సంగమం*(Poetry ) http://ift.tt/1nAmmpw

Posted by Katta

Aravinda Raidu Devineni కవిత

అరవిందరాయుడు//మెట్టు-2//06 ఆదృఢత్వం అతని ఉత్థానంకొరకే ఆ నిమ్నత్వంలో ఎంత ఔన్నత్యం? ఆఔన్నత్యం వెనుక ఎంతటిముగ్ధత్వం నిజంగా..నిరుపమాన కమనీయ...రమణీయ సేవాశిల్పం-మెట్టు తనపై పాదంమోపుతున్నది బాలుడనీ -బలిష్టుడనీ అధికారనీ-బంట్రోతనీ బేధభావాలను మెట్టుచూపదు ఆదరణీయుడనీ-అనాకారిఅనీ లెక్కలువెయ్యడం తనకుతెలీదు దేశ,జాతివైరాలను కులమతప్రాంతవివక్షలను తానుపాటించదు జనం పాదాలధూళితో పాదరక్షలమురికితో తానుమలినమవుతానన్న జంకు తనకుండదు-(2)...11-5-14 june2013

by Aravinda Raidu Devineni



from kavi sangamam*కవి సంగమం*(Poetry ) http://ift.tt/RCUdAz

Posted by Katta