బ్రెయిన్ డెడ్ కవిత

నిశీధి | Freezing point | ప్రశ్నలన్నీ ఎంగిళ్ళయ్యాక ప్రపంచపు ప్రశ్నపత్రం లో అమాయకపు వర్జిన్ ఐడియాస్ సంఘ నియమాల సిలబస్ లో ఇరుక్కోలేక జీజెస్ తో పాటు శిలువ ఎక్కుతాయన్న బెంగ తప్ప నిలదీయటానికి భయపడింది ఎపుడు ? ఈడెన్ తోట లో జ్ఞాన వృక్షపు నిషిద్ద ఫలం రుచి చూడక వివశత్వంలో వివస్త్రగా సాధారణ వెలుగులు అనుసరించి జీవిత కాలపు లాయల్టి కి లఘువుగా మిగులుతానన్న భయం తప్ప నిషిద్దాలకి తలవంచింది ఎప్పుడు టెలిపతి నియంత్రణలో భావోద్వేగ కేంద్రాలు ద్వేషం తో ఘనీభావించినప్పుడు వ్యక్తిత్వ లోపపు అయోమయాలు పాలరాతి తలుపులు వెనక సమాధి అవుతున్నాయన్న కలవరం తప్ప దయలేని దౌర్జన్యాలని ఎదిరించలేనిది ఎపుడు మృగతృష్ణ లలో మునిగి తేలి జ్ఞానతృష్ణలు తీరకుండానే మరణ కాంక్షకి బలైపోతానన్న బెంగ తప్ప చావంటే భయపడింది అసలెప్పుడు ? నిశీ !! 23/06/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1uXghCv

Posted by Katta

బ్రెయిన్ డెడ్ కవిత

నిశీధీ | Null statement | అర డజన్ కవిత్వాల్లో గుండెల్లో ఆరిపోయిన క్రాంతి ని వెలిగించే విశ్వప్రయత్నంలో ఓడిపోయి ఆర్మ్ చైర్ రాతల్లో జీవితపు సందేశాలు వెతుక్కుంటూ మనస్సు ని ఆవహిస్తున్న "నేను కాని "తనపు నిస్సహాయతలో కూరుకుపోతూనప్పుడు భీష్ముడి అస్త్ర సన్యాసం మర్మాలు విప్పి చెప్పుకుంటూ .. ఉలిక్కిపడుతూ ఊరడిల్లుతూ బ్రతికేద్దాంలే , వద్దన్నా శ్వాస నాళం ఉక్కిరిబిక్కిరి కి లివింగ్ డెడ్ లా నిలబడి భావరాహిత్యపు అభావం లో మరింత ముడుచుకుపోతూ అజ్ఞానపు సమాధుల్లో బ్లాక్ షీప్ బఫూన్ గిరి కి సిద్దపడి నంబ్ నెస్ మకుటం కి తలవాల్చేసి మరో అడ్జస్ట్ మెంట్ మౌసం లో కరిగిపోతూ బ్రతికేద్దాంలే . నిశీ !! 19/06/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1lIKIqo

Posted by Katta

బ్రెయిన్ డెడ్ కవిత

నిశీధి | ఒక వెచ్చని ఉదయం | చేదు కాఫీలో చక్కెర గుళికలా కొన్ని అత్మీయ పలకరింపులు చమక్కుమంటూ బ్రతకమంటాయి ఒక్క లిప్తపాటు మబ్బు పట్టిన మనసుల్లో వెన్నెల జల్లు కురుస్తుంది మోహమో ప్రేమో ఆవేశపు మధురిమో తృప్తిగా హృదయం ఒక నిట్టూర్పు వదులుతుంది చాలుతుందో చాలనుకుంటామో చాహత్ బంధనాల్లో మురిసిపోతామో ఏమయినా ఏదేమయినా జీవితపు గుటకలు గొంతుకి అడ్డం పడూతూ అయినా దిగుతూనే ఉంటాయి నిశీ!! 18/06/14.

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1iFIQyH

Posted by Katta

బ్రెయిన్ డెడ్ కవిత

నిశీధి |" కల "త | ఎండి డస్సిపోయిన భుమి పై పొడి జల్లుల ఓదార్పులా అలసిన కళ్ళ ని కొన్ని మృదువయిన కలలు తడిమితే బాగుండు కలవరం లేని సవ్వడితో కల వరమై కళ్ళని జో కొడితే ఇంకా బాగుండు జీవితంతం తోడు ఉండమన్నట్టు నిద్రకెందుకో అంత బెట్టు కొన్ని ..చాల కొన్ని క్షణాల ప్రేమను అలా ఒక్కసారి గుమ్మరించి పోవొచ్చుగా ప్రపంచాన్ని రాసియ్యమన్నానా ..ఏదో రెప్పల మీద మృదువుగా ఒక సంతకమేగా అడిగాను పెద్ద కోరికలేమి కోరాను ...మార్దవంగా చిన్నగా లాలిపాట తో జోకొట్టమనేగా . అయినా నాతో దోబుచులాడి ఎక్కడని ,ఎంతసేపని దాక్కుంటావులే అలకమాని ఏ రాత్రికొచ్చినా అప్యాయంగా కళ్ళకి హత్తుకుంటాననేగా ఇంతా ఆకతాయితనం .. హమ్మ్ సరెలే ఇలారా .. కాసేపు నిన్నలా గాఢంగా కళ్ళలో బంధించుకోని .. తృప్తిగా కాసేపు నీ కౌగిల్లో ఒదిగిపోని భయపు జ్వరపు పగళ్ళ నుండి దూరంగా నీలొ నేనుగా కొన్ని క్షణాలు కరిగిపోని . .. .. మరో ఉదయపు నిసృహ నన్ను నానుండి దూరం చేయకముందే నీలో కలిపేసుకోని జీవితపు ప్రవాహంలో తల్లడిల్లే మనసు పడవకి ఒకింత తీరం అవ్వోచ్చుగా నిశీ !! 10/06/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1pz2kdi

Posted by Katta

బ్రెయిన్ డెడ్ కవిత

నిశీధి | protest | సాలా ,మొత్తం ప్రపంచం కాలి బూడిదవ్వని హూ కేర్స్ శవాలను పార్టులు పార్టులుగా అమ్ముకొనే అధికారం నీకున్నప్పుడు కనిపించని గాయాలు రక్తపుటేరులా స్రవించనీ హూ కేర్స్ పాపిష్టి డబ్బు మలాం పిగిలిన దెబ్బలు కప్పడానికి విశ్వప్రయత్నం చేస్తున్నపుడు ఈ క్షణం బతికున్నాన్న నమ్మకం నీకు లేని సురక్షితపు ఇల్యూజన్లా కళ్ళ కి గంతలు కడుతుంటే హూ కేర్స్ గుడ్డిగా నువ్వు ప్రేమించే ప్రభుత్వం పవర్ పాలిటిక్స్ లో నిస్సహాయపు చావు కేకలను వినులవిందుగా మార్చి ఆహ్లాదం గా వినిపిస్తుంటే ఔన్సు ప్రేమలు అర క్షణం కామకాంక్షలు దొరకటం కోసం అకాశంనే శపించే నీకు ఎండిన రెక్కల్లో గూడు కట్టుకున్న భూగోళం అంత బుగులు కనిపించినా why the hell u care But డ్యూడ్ ఈ రోజు నీదే ఒప్పుకున్నా కాని నువ్వు నమ్ముకున్న ఉప్పెనలు నిన్ను ముంచెత్తినప్పుడు నీకోసం కన్నీరయ్యేది మాత్రం నేనే ఏ అన్యాయం ఎదిరించలేని నీ మానసిక బానిసత్వాన్ని తెంపడానికి ఏ రోజు కయినా ముందుకొచ్చేది ముందుగా నా సంకెళ్ళ చేతులే Coz , I care . నిశీ !! 07-06-14 * For professor G N Saibaba

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1oyW4mu

Posted by Katta

బ్రెయిన్ డెడ్ కవిత

నిశీధి |RIP| మొహం మై పూతలకి జరుగుతున్న పూజలకి మొహం కోసం చచ్చిన ఆత్మలని మరచి మరి మైమరుపుగా చూస్తున్నప్పుడు కలిగిన కలతలో **** సావొద్దు అంటే సచ్చేదాక ఇనలే సచ్చినంక కానేటోడు కనవడలే సావు బతుకుల మధ్య ఊగుతున్న భూమి కి పురిటి దానం చేసి సావెతుక్కున్న సమాధుల మీద సుకూన్ గా కూకున్న రాజకీయ మరాఠి సేతుల్ల మల్ల సచ్చినవ్ కదనే బతికున్న గోస లో బతుకులేకపాయె సచ్చినోడి కి పూలదండల పూలు కరువాయే బిడ్డా సావొద్దని నిన్ను అడిగేటోడు గప్పుడు లేకపాయే .. బతికున్న అమ్మకి గిప్పుడు గంజి కరువాయే సచ్చి ...రంకు సచ్చినోల్ల దొరల ఇంట్ల రాచ పీనుగు కి పట్టం గడితివి .. సావొద్దంటే ఇనకపోతివి సాధించింది నువ్వేనే .. నిన్ను సంపుకొని నీ ఘోరీ మీద పీర్ల సంకలెక్కి కుషి జేస్కుంటున్న దొం...లం .....లను జూస్తే నీ సావ్ మీద సావుకే జాలి గలిగే గద నీ బూడిదె రాల్సిన అన్నపు ఇత్తులు ఆడి నవ్వుల ఇషం గల్సి సేదెక్కినయ్యి బిడ్డా ... సావొద్దంటే ఇనకపోతివి నిశీ!! 03-06-14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1kkdfb1

Posted by Katta

బ్రెయిన్ డెడ్ కవిత

నిశీధి | మీమాంస | సంబరమో , సమరమో కొత్త ఉదయాలు అన్ని ఒక్క పొద్దులోనే పాతబడిపోతాయి అన్న బెంగ కొత్త చీకటి ని వెలుగు రవ్వల ఆసరా తో ఆసక్తి గా గమనిస్తూ వందల బాధలకి ఒకే మలాం గాయాన్ని రాక్షస పుండు చేస్తుందేమో అనే కలవరం కలలన్ని వరాలే పొలాలన్నీ వరదలే పోల "వరం " లో పోగొట్టుకున్న ఆత్మలే నయా సునామీలై గడ్డి పరకల్లో మళ్ళీ వెతుక్కోవాల్సిన జీవితం కోసం టన్నుల్లో అందుతున్న భయం తరమ బడి . తరిమి కొట్టి పారిపోతూ ఆగిపోతూ ఎదురు తిరిగిన నిజాలు భవిష్యత్తులో కూడా కాంతిలేమి లో ఇంకిపోతూ భ్రమల వెలుగులు మబ్బులై తేలిపోతూ సంబరాలు గర్వానికి గర్వభంగానికి మధ్య నిలబడ్డ ego లో అర్ధం కాని రాజకీయ గెలుపోటముల అట లో ప్రాణం లేని సైనికుల కవాతు నగ్నంగా విసురుతున్న పేలవమైన నవ్వుల్లో వినిపిస్తున్న సమరాలు సంబరమో ? సమరమో ? నిశీ !! 1-05-14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1iHPlRq

Posted by Katta

బ్రెయిన్ డెడ్ కవిత

నిశీధి | రియాలిటీ చెక్ | “చే “మరణం నిన్ను కదిలించిందా ? భగత్ సింగ్ మరణం కి బాధ పడ్డావా ? అల్లూరి ని మిస్ అవుతున్నావా? రోజు వారి కనిపించకుండా జరిగే ఎన్కౌంటర్స్ కి ఫీల్ అవుతున్నావా ? ఉద్యమాల నినాదాల్లో కలిసిపోయిన ప్రాణాలు గుర్తుకోచ్చాయా ? ప్రభుత్వం చంపిన ప్రతి పోరాట యోధుడి వెనక వెకిలి నవ్వులు నవ్వుతున్న మొహాలు చూసి ఒకసారి మనసులోనే "థూ" అని ఉమ్మేయాలి అనుకుంటున్నావా? ఒకసారి కార్పొరేట్ ముసుగు వేసుకున్న నయా మత వాదులని చూడు ప్రతి మొహం వెనక కనిపిస్తున్న ఆ క్రూరమైన నవ్వు ని గమనించు మట్టి మనుష్యుల కోసం ప్రాణాలు వదిలే ధీరులను దేశ ద్రోహులుగా భావిస్తూ రాజుల కు చెంగులు పరుస్తున్న భావి తరాలు కనిపిస్తున్నాయా ? ఇన్నాళ్ళు డబ్బు మొహం వేస్కొని తిరిగిన కరడుగట్టిన కసాయితనం ఈ రోజు మతం మూర్ఖత్వాలు కూడా తగిలించుకొంది రండి నాయనా రండి ఫ్రీ షో . ... నెమ్మదిగా తెరలు తెరుచుకుంటున్నాయి .. కళ్ళు విప్పుకొని బాగా చూడండి .. మన మధ్య , మనలో మనమే అయి తిరుగుతున్న ఆ విష సర్పాన్ని బాగా చూడండి . కనిపించక పోతే ఇంటికెళ్ళి అద్దం లో వెతకండి ... హక్కుల మాట అడిగినా , స్వేచ్చ కావాలి అని గొంతెత్తినా నోటి నిండా ఇంత విషం నింపుకొని కసిగా కాటేయ్య డానికి సిద్ధం అయిన మన క్రూరత్వమే అన్ని చోట్లా , కనిపించిందా ? ఇదే ఇదే అల నాడు సోక్రటీసు విషపాత్ర వెనక దాగున్న మొహం కూడా సరిగ్గా అదే . Welcome to the new reality !! నిశీ !! 23 /05/14 * ** సారి సర్పం గారు మీరు మా అంత విషపురుగు కాదు కానీ వాడుకోవటం అలవాటు అయిన జాతి కదా మాది సో వాడేసుకుంటున్నాం క్షమించేయండి .

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1m0Xz9C

Posted by Katta

బ్రెయిన్ డెడ్ కవిత

నిశీధి | Trained Dog | లైఫ్ ఉంటే రాజీ లేదు రాజీ ఉంటే లైఫే లేదు . సింపుల్ ఈక్వేషన్ నమ్మినా నమ్మకపోయినా అర్ధం కావటానికి జీవిత కాలాలు పట్టినా అర్ధం కాకుండానే జీవితాలు అయిపోయినా బాలేన్సింగ్ ఆర్ట్స్ ఎన్ని నేర్చుకున్నా బాలెన్సు చెయ్యలేక సతమతం అయిపోయినా లైఫ్ ఉంటే రాజీ లేదు రాజీ ఉంటే లైఫే లేదు . ** పుట్టుకలు మరణాలు అన్నిటిలో తెలియకుండా ఆడే కాంప్రమైజ్ గేమ్ ఆడుతూ ఓడుతూ మిగిలిన బ్రతుకాటలో డర్నా కిస్ బాత్ కా దోస్త్ ఇలారా కొంచెం సర్దుకుపోదాం భయమా ?అదెందుకు జీవితం తో రాజీ నేర్చుకున్నాక మనసు తో రాజీ నీళ్ళలో మంచుగడ్డ ప్రయాణం అంత వీజీనేగా మునిగిన తెప్పల్లో నీరు ఎంతకని ఎత్తిపోసు కోవటం అసలు ఇంత ఎందుకు ప్రయాసపడటం ? ** మునిగిపోయాను అని తెలుసుకోవటం నిజం మునకే సుఖమనుకోవటమే అల్టిమేట్ రాజీ లేని జీవితాలు ఉన్నాయని ఇంకెంత కాలం మనసుని మభ్య పెట్టడం మునిగిపోవటానికి డర్నా కిస్ బాత్ కా దోస్త్ కోట్ల ఆత్మలు నీతో పాటు చిరునవ్వు చెరగకుండా నీకంటే ముందే మునిగున్నాయి చూడు ఇలారా కొంచెం సర్దుకుపోదాం destination లేని దార్లలో మునుగుతూ తేలుతూ నీళ్ళలో మనదయిన పాదముద్రలు వదులుతూ రాజీ లేని ప్రయాణం లో దారులతో రాజీ పడిపోతూ ** ఏమయినా ఎప్పటికి open అవ్వని వ్యవస్థల పారాచూట్ ని నమ్ముకొని మునగటం లో థ్రిల్లె వేరప్పా . దా ఇంకాస్త గట్టిగామునుగుదాం హే మర్చిపోయా కొంచం అసంట జరిగి మునగరాదు మా కులపోళ్ళు ఒప్పరు మా మతం కి సమ్మతం కాదు ఈ కలిసి మునగడాలు అవి! ఎక్కడయినా రాజీనే మతం వంగ తోటకాడ తప్ప హుమ్మ్ అక్కడ శవాలు కూడా రాజులే ఆకలి రాజ్యానికి కాపలాగా . ** నిశీ !! 21/05/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1mXYsCn

Posted by Katta

బ్రెయిన్ డెడ్ కవిత

నిశీధి | Vengeance | రేపట్నుంచి ఐదేళ్ళ పాటు శవజాగారం చేయాల్సిన సూచనలు కనిపించటం లేదా ? ఈ ఒక్క రోజు శుభ్రంగా తిని బబ్బో. పొద్దున్న కాఫీ తో ఒకసారి రాత్రి పెగ్ తో ఇంకోసారి (పెగ్ కాకపోతే నిద్రమాత్రల తో ఎహే ..యే రాయి అయితేనేమి పళ్ళు రాలగోట్టుకోవటానికి) చచ్చిపోయిన ప్రజాస్వామ్యానికి రోజు RIP చెప్పుకోవటం ఇంకా పూర్తిగా రక్తంలో ఇంకనే లేదు అపుడే ఇన్నాళ్ళు కనీసం పుస్తకాల్లో బ్రతికున్న సెక్యులరిజం కూడా అదే దారిలో చావు యాత్ర కి రెడీ అయిపోయింది చూసి ఏడు . పీలో ఇండియా పీలో . అవుర్ ఎక్బార్ ఈకలు తీసిన కోడిలా బ్రతికున్న సంతోషం లో తాగు . షైనింగ్ ఇండియా మండబెట్టిన బ్రతుకులని 10 ఏళ్ళ పాటు స్కాం పురుగులు కొట్టేసాక సగం కాలిన శవాల్లా తీన్మార్ కి రెడీ అయ్యి నయా అభివృద్ధి చిప్పలో అడుక్కుందాం రా ! అఫీషియల్ గా పక్కోడి పీకలు కోసుకుతినడానికి సిద్దపడిపో .. నచ్చకపోతే ? ఫికర్ క్యౌ ? నేతల చంకలు నాకటం అయిపోతే నీ బొచ్చెలో ఆల్రెడీ ఉన్న పసితలలు చీల్చిన స్త్రీ గర్భపు నెత్తుర్లు టేస్టిగానే ఉన్నాయి గా అపుడే రుచి మర్చిపోయావా ? ఇండో చైనా భాయి భాయి కి చికిలించిన కళ్ళ వాడు మంగళం పలికేసాక హిందూ ముస్లిం భాయి భాయి కి హ్రదయం చచ్చిన నువ్వు చావు హారతి ఇచ్చుకో . పాత పగల కత్తులు అన్ని బయటకి తీసి కుంకుమార్చనతో సిద్దం చెయ్యి వసుదైక కుటుంబం డ్రామా కి తెరదించి ,నిజరూపం వెలికి తియ్యి . నీ మతం సమ్మతం కాని ప్రతి మనిషిని అడ్డంగా నరికెయ్యి నీ సంస్కృతిలో భాగం కాని ప్రతి మనస్సు ని చంపెయ్యి . ఇన్నాళ్ళు వేసుకున్న ముకౌటా తొలగించి నీ అమానవ అవతారం కి ఇంకోక్కసారి జై కొట్టు . ఎంత కర్కశపు పనులు చేసినా ? ఎన్ని దైవాగ్రహాలు నీవిగా నాటకం ఆడినా ? అఖరికి అన్ని సమాధుల సైజులు ఆరు బై మూడేగా మరపెందుకు? నిజమే.. నీ అభివృద్ధి నీకో పాలరాయి సమాధి సాధ్యం చేస్తుందేమో ...కాని నీ మనస్సు ని తొలుస్తున్న పురుగులు సమాధిలో నీ శరీరాన్ని తొలవటం ఒక్క క్షణం అయినా ఆపగలవా? "అ నేస్తం " ! నిశీ !! 15/05 /14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1jwBpcc

Posted by Katta

బ్రెయిన్ డెడ్ కవిత

నిశీధి | అ "జ్ఞానం " | మగ వెన్నెల కురవదా? సూర్యుడు ఆడ కాకూడదా? మెత్తని నవ్వుల్లో నిక్కచ్చి ప్రశ్నలు వెన్నెల లో మృదుత్వపు చలి శరీరాన్ని తాకినప్పుడు ప్రియురాలి వొళ్ళో అనుభవించిన వెచ్చదనపు జ్ఞాపకాలు కదలని మేఘంలా కురిసీకురియని వర్షపు జల్లులా తగులుతుంటే మగవెన్నెల ఎలా కురుస్తుంది ? ప్రకృతి ఆడ కాకుండా ఎలా ఉంటుంది ? ప్రకృతి అసమానత్వాలు పదాల్లో కూడా దాచేస్తూ అంతే మెత్తని సమాధానాలు అందులోనూ సూర్యుడు తన శక్తి ని ప్రకృతికాంత అందించి కొత్త జీవం తయారు చేసే శక్తిభాండాగారం కదా అందుకే సూర్యుడు పురుష్ గా ప్రయాస పడుతున్నాడు దాచుకొంటున్న గర్వపుకొంటె నవ్వుల స్వరం.. ఇంకోసారి ** గాయాలకి కారణాలు అన్నిసార్లు మారణాయుధాలు కాదేమో ? ** మరయితే ప్రతిసారి పురుషుడు అందించే శక్తి పసిబిడ్డలై జీవం పోసుకుంటుంటే స్త్రీ ఆశక్తిగా ,జీవచ్చవం గా ఎందుకు మారిపోతుందో “ఆడ” నుండి వినిపిస్తున్న మృదుస్వరం లో గాయపడ్డ ఏహ్యాత వెనక భేదాలన్ని శారీరకమే అయితే ఆలోచనల్లో ఇన్ని ఆసమానత్వాలు ఎందుకో ఎప్పటికి అర్ధం కాని కన్ఫ్యుజన్ ** నిజమే మనసులు మాట్లాడుకోకుండా పెదవులు మాటలు ఆడుకున్నపుడల్లా గాయాలకి కారణాలు మారణాయుధాలు కానక్కర్లేదు . ** ఎడారి ఇసుకల్లో దాగున్న సున్నితపు తడి మేఘాల్లోంచి జారిపడే రాళ్ళ వర్షాలు మృదువుగా మంచు కాల్చే గాయాలు అన్నిటిలో దాగున్న మసకనీడలా నిజం మిగిలింది అంతా నమ్మకాలంత అసత్యం ** నువ్వు నేను సత్యం As long as you treat yourself as first and best amongst equals నీకు నాకు మధ్య కనిపించని పరదాలు కూడా అంతే సత్యం . ** నిశీ !! 14/05/14 ***** అర్ధం కాని ఇష్యూస్ లో చేతులు పెట్టి అయ్యవారిని చేయబోతే కోతి అవుతుంది అన్నది కూడా అంతే సత్యం :)

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1lmFGjZ

Posted by Katta

బ్రెయిన్ డెడ్ కవిత

నిశీధి | Trance | ఒకోసారి ..... ....ఉహు చాలా సార్లు నేనొక బందింపబడ్డ గదిగా మారిపోతాను వెంటాడే జ్ఞాపకాలు , ఆలోచనలు ,వాదనల కి దూరంగా నాలో విరిగి పడ్డ ముక్కలన్ని వాటి వాటి స్లాట్ లలో కుదురుగా సర్దుకుంటూ మరో పరుగు పందెం కి మనస్సు రెడీ అవ్వకుండా అసాధ్యపు పగ్గాలు బిగిస్తూ ** వారగా ఒక మూlల ఇంకా పూర్తిగా మూసుకోని కిటికీ నాలో నేనున్న సంతృప్తికి పడ్డ రంధ్రం లా అపుడపుడు వీచే గాలి కి రక రకాల విన్యాసాలు ప్రదర్శిస్తూ కొన్ని వెలుతురు చారికలు నా చెంపల మీద రాలుస్తూ కొంత దుమ్ము ని నా మొహం మీద విదిలిస్తూ తట్టుకోలేక దాన్ని కూడా మూసేయాలన్న బలమయిన కోరిక వెర్రి గా గొంతుకలో అణచుకోలేని కేకలా అసహనంగా వినిపిస్తూ ** కొన్నిసార్లు లోపలి జారి పడే వెలుతురు కణాల ని తదేకంగా చూస్తూ శ్రద్ధగా చాల శ్రద్ధగా ధ్యానమో పరధ్యానమో ఒడిసిపట్టుకోలేని వివశత్వమో ఆవహిసున్నట్లు కాంతి రేఖల్లో కనిపించని నిజాలని అన్వేషించే ప్రక్రియ లో తేలకుండా మునిగిపోతూ ** ఇంకొన్ని సార్లు అపుడే వచ్చి వాలిన పిట్టల రెక్కల చప్పుడు పక్కనే పేలే బాణాసంచా లా బిగ్గరగా చెవిలో గుసగుసలాడుతుంటే బెదిరిపోతూ ఉలిక్కి పడుతూ ** అపుడపుడు రాలిపడే కొన్ని చినుకులు వాంఛల వేడి మీద ఇగిరిపోయిన పొగమంచుల్లా ఆవిరి అయిపోతూ హృదయాన్ని తాకని తడిలా ** విభ్రాంతిగా అనుభూతులని జీవించాలా ? జీవితమే పెద్ద అనుభూతా ? రౌండ్ అప్ చేసే కన్ఫ్యూజన్ లో అనుభూతులు నిస్సారమై అనుభవాలే జీవితం గా మిగిలిపోతాయా ? ** ఎదో మండుతున్న వాసన తల లో మాంసం ముద్ద పూర్తిగా ఉడుకుతున్న వేడి కళ్ళ లోంచి వెచ్చగా కారిపోతూ ఊరటగా !@$... !@# ...!@#$ కొన్ని ఆశుద్ధపు మాటలు పెదవులను స్పర్శిస్తూ ఉపిరితిత్తులకి కొంచం ఊపిరి పోస్తూ , గుండె లో ఖాళీలకు జరిమానా వేస్తూ మెదడులో గుచ్చుకున్న ముల్లు నుండి నెమ్మదిగా తేరుకుంటూ ** టైం ఎంత ? స్వేచ్చని రెండు చెవుల మధ్య నిశ్శబ్దపు శూన్యంలో బందీని చేస్తూ సరిహద్దుల కంచెలలో కి చేరిపోయే సమయం అయిందా ? నిర్లిప్తం గా రేసు లో రెక్కలు లేకుండానే అడుగుపెడుతూ హద్దులు లేని బయటప్రపంచంలోకి తలుపులు తీసే సమయం అపుడే వచ్చేసిందా ? అపుడేనా ? కిటికీ ఇంకా పూర్తిగా మూయనే లేదే? ఇంతలో తలుపులు తెరవాలా ? ఎగ్జిస్టేన్స్ బాధల అసంతృప్తి మెట్లు ఎక్కడం ఇక్కడ నుండే మొదలైపోయాయా ? ** నయా డ్రామా రక్తి కట్టించడానికి తలుపులు తెరుచుకుంటున్నాయి నెమ్మదిగా Its play time dude , Don’t forget to wear u r smile . నిశీ !! 12_05_14 .

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1skdXnU

Posted by Katta

బ్రెయిన్ డెడ్ కవిత

నిశీధి | Moments of inertia | అదృష్టాన్ని చూసుకొని అతిగా మిడిసిపడకు నేస్తమా జీవితం చిత్ర పటంలో పెయింట్ బ్రష్ నీ నియంత్రణ లో లేదేమో వెనక్కి తిరిగి నాస్టాలజీ కాంతిలో వెతికి చూడు గుర్తుకొచ్చాయా ? కుంభవృష్టి లో కాలిపోయిన రాజప్రాసాదాలు చూసిన చరిత్రలు రెప్పలు వాల్చే లోపు నక్షత్రాలు రాలిపోయిన కాలాలు ఆపిల్ కాంక్షల బ్లైండ్ నెస్ లో స్వర్గం నుండి తోయబడ్డ పెద్దరికాలు అందుకే నీదైన పాచికలు ప్రపంచానికి విసిరే ప్రతిసారి మట్టిని కూడా బంగారం చేసే ఆల్కెమిస్ట్ జీవితాలు సైతం మట్టిగా ముగిసిపోయాయని మననం చేసుకో **** స్వేచ్చలన్నీ అనైతికాలే నిన్ను నువ్వు తెలుసుకొనే ప్రక్రియలో యాంత్రిక పక్షుల్లా ఎగిరే ఆలోచనల ఆలాపనలలో ఎస్కేపిజాల పేర్లే ఆత్మ చైతన్య స్రవంతులు అందుకే ధారాపాతం గా కురసే వర్షంలో చుక్కలు లెక్కపెట్టే ఖాళీ గుండె గదులు ఎమోషనల్ భారం తో పూడుకుపోయి అసంకల్పిత ప్రతీకార చర్యకి లోనై రియాలిటీ చెక్ ల మరణం వంటరిగా తలుపు తట్టే లోపు అసంతృప్తుల మనస్సు ని అదృశ్యపు వలలు వేసి జారిపోకుండా గట్టిగా ఒడిసిపట్టుకో **** నిన్ను అమాంతం గా దొంగిలించే అయోమయ గందరగోళపు బ్యాటిల్షిప్ ఒకటి నిజాలకి అబద్దాలకి మధ్య అర్ధం కాని రిడిల్ గామార్పు చెందుతూ నీకంటి కి కనిపించని ట్విలైట్ జోన్ లో నడుస్తూ ఉంటుంది అందుకేనేమో నిశబ్దంగా పొగమంచు lలో కనబడే జింకపిల్లల భ్రమలన్ని సూర్యుడి వెలుతురు నవ్వుల్ల్లో తప్పిపోయినట్లు మెలుకువగా ఆడే ఆర్ట్ అఫ్ ఫైడింగ్ వన్ సెల్ఫ్ గేమ్ లో ఓటమెప్పుడు నీదే *** మృతదేహాల పై తాజ్మహళ్ళు వెలసే రహదారుల్లోనే కాఫిన్ కరువైన శవాలు నగ్నంగా కనిపిస్తుంటే కాగితం పులి లాంటి అదృష్టం పై ఈ మిడిసిపాటేల నేస్తం ? నిశీ !! 08/05/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1jD67EL

Posted by Katta

బ్రెయిన్ డెడ్ కవిత

నిశీధి | liaison | మాట్లాడుకోవాలి ఒకసారి ,వీలుంటే కొన్ని మాటలల్లుకోవాలి తెగిపోయిన బంధాల దారాలు ,మధ్యలో ముడేస్తూ ముడి కి ముడి కి మధ్య మనసుని నెమ్మదిగా బంధిస్తూ భవిష్యత్తు కలల గాలి పటంని నెమ్మదిగా గాలి మళ్లించాలి నిజాల కాకరకాయలకు అపుడపుడు శరీరంలో షుగర్ బావులు తవ్వి తీసిన కోటెడ్ నవ్వులు అతికించాలి నచ్చినా నచ్చకపోయినా జోడించిన పదాల పరాక్రమంతో ఇనుప గౌనులు తోడుకున్న హృదయాలని ఓడించడానికి విశ్వ ప్రయత్నం చేయాలి కన్నీళ్ళకి కాలిపోతున్న రెప్పలని మాటల ఆర్ధత్ర తో తడిపి జో కొట్టాలి సానుభూతుల కౌగిళ్ళ సంకెళ్లు వేసి నంబ్నెస్ డ్రగ్ లో భద్రంగా దాచాలి చేతలు అవసరం లేని మాటలేగా వెన్నెలకి వెన్న పూసి మరి అందించుకోవాలి శరీరానికో , మనసుకో తెలిసిన ఆకలితప్ప నాలుకలు లేని నిస్సహాయత్వాన్ని ఇంకోమారు నిద్రపుచ్చాలి మరోమారు అరచేతులలో కనిపించని క్రొత్త లఖీర్ ల వేటకి కాగితాల పడవ వేసుకొని తయారవ్వాలి నిశీ !! 05/05/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1sbzEIz

Posted by Katta

బ్రెయిన్ డెడ్ కవిత

నిశీధి |శాపగ్రస్తులు | జాతులన్నిటి ప్రపంచాధిపత్య దాహంకి రాజుకుంటున్న అడవి నిప్పుల్లా బాంబుల శబ్దాలలో కలిసిపోయి వినిపించని అస్పష్టమైన పసి ఏడుపులు సమతుల్యం లేని జీవితాలని సరిదిద్దలేని అశాంతి సానుభుతిలేని క్రూరత్వాలుగా మారి అపనమ్మకపు ఆత్మలు రాతిగుండెలై చేసే అప్రతిహత యుద్ధాలు బెదిరింపులు భీభత్సాల మధ్య భయం టాక్సిన్ ని నెమ్మదిగా మనసుల్లో ఇంజెక్ట్ చేస్తూ నమ్మిన ధర్మం పేర అధర్మ పరాక్రమాల అవిటి అక్రమాలు చివరకు మిగిలిన తెగిపడ్డ శరీరాలు , చేజారిన ప్రాణాలు మర్చిపోయిన నవ్వులు కసి కళ్ళ నుండి జారే అసహ్యపు ధారలు చెరగని మచ్చల భీతి మొహాల యుద్ధ బానిసలుగా టెర్రరిజం కి యాంటీ టెర్రరిజం కి మధ్య నలిగి జీవించటం మరిచిపోయిన మరిన్ని నీడలు Dear terrorist can u return my life ? can u at least bring back my smile ? if not , who gave u the right to tear my soul apart ? నిశీ !! 01/05/14 * RIP Swati victim of the twin bomb blasts in Chennai

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1nNealC

Posted by Katta

బ్రెయిన్ డెడ్ కవిత

నిశీధి | మాంజా | జబ్బు పడ్డ సమాజం పై జాలిపడ్డ సూర్యుడి కంటిలో నుండి జారే కన్నీటిలా కురుస్తున్న వర్షం అంచులలో నిలబడి స్తబ్దంగా కళ్ళ చివర గడ్డకట్టుకుపోయిన దుఃఖంని చినుకులలో తడిపి బాధ భారాలని పైకి తెలియనివ్వని హృదయాలు అబద్దపు నవ్వుల నెర్రెలతో నిస్తేజమైన ఎండమావి లా గడ్డ కట్టిన మనసు మూలల్లో కదిలించే కధల కన్నీరు తో ఆశలకి కి అభావాల మధ్య ఊగిసలాడే రిలేషన్ షిప్స్ మాంజాలు చేతులనే కోస్తాయో ? మనసులనే కటీ పతంగ్ చేస్తాయో ? నిర్లిప్తమయిన నిట్టుర్పులతో బండరాళ్లను చేస్తాయో ? నిశీ !!! 30/04/14 *After listening to Swanand Kirkire’s Manza

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1nGvI2J

Posted by Katta

బ్రెయిన్ డెడ్ కవిత

నిశీధి |Trauma _ ఒకానొక అభౌతిక గాయం | వేకువలా అవెక్కడున్నాయి ? మనసులన్ని కృష్ణబిలంలా చీదరపు దారుల్లో నిరంతరం శూన్యమయిపొయాక బలమయిన వేటగాళ్ళ చేతిలో చిక్కిన చలిచీమల్లా సహజన్యాయాలకి న్యాయం ఊసే ఎరగని సామాజిక న్యాయాలకి మధ్య నలిగే ఆత్మలు అచేతనత్వపు అంచులలో కొనఊపిరికోసం పోరాడుతూ ద్వైత్వం కి అద్వైతం కి మధ్య నలగుతున్న సన్న పోగులు పట్టుకొని కామోద్రేకాల కహానీ అర్దం చేసుకుంటూ పగన్ జీవితాలని పంచనామాలు చేస్తూ నిజాలు చర్చించలేని నిస్సహాయాత్వాన్ని వెలగపండులా మింగుతూ రెక్కలు తెంచుకొని ఫిజిక్స్ కి మెటా ఫిజిక్స్ కి మధ్య ఊయలూగుతుంటే మిగిలింది అంతా నిశ్శబ్దమే .... అనైతిక హృదయాలను ఖాళీ విషాదాలను ఎంత తవ్వి చూసినా అవే శిధిలాలుగా మిగిలిపోతూ మరోసారి రియాక్షన్ లెస్ రిఫ్లెక్షన్ లు ప్రసరిస్తూ మరిన్ని పార్ధివ శరీరాలను ధరిస్తూ అజ్ఞానపు వికారాల అలసత్వం తో వెయ్యిన్నొకటో సారి కూలబడుతూ నిశీ !! 27/04/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1nRcMLR

Posted by Katta

బ్రెయిన్ డెడ్ కవిత

నిశీధి | Rennovation of thoughts | గ్రావిటీ సూత్రాలు అన్ని శరీరాలకే అందుకే ఆశలు ,ఆశయాలు , ఐడియాలజీలు ఆకాశంలో ఎగురుతుంటాయి . అందుకే సమాజం పవిత్రతల పగ్గాలు మనసుకి వెయ్యలేక వేదన పడుతుంది . అందుకే మనిషిని చంపలేని ద్వేషం మానవత్వాన్ని చంపుతుంది అందుకేనేమో ముదనస్టపు బాడీలో ముచ్చటగా సోల్ ని ఖైధి చేసె ప్రక్రియల్లో ప్రపంచం మునిగితేలుతుంది ప్లే సేఫ్ డ్యూడ్ ఇన్నోవేషన్ లేని జీవితాలకు తత్వపు ముసుగుల రెన్నోవేషన్ వెయ్యి ి కంపర్ట్ జోన్లో దాగి కంపాటబిలిటీ లేని హ్రుదయాన్ని బుజ్జగించు . కుడి యెడమలు కాని గోడెక్కి పట్టపగలు చుక్కలు వెతుక్కో సిం హపు గర్జనల వెనక నీలోని పిల్లిని దాచెయ్యి పొయేదెముంది ? వేస్తే ముసుగు తీస్తే లొసుగు బంజారన్ బ్రతుకులో నిస్వార్ధత నచ్చలేదా నీదయిన స్వార్ధపు పింజరంలో పిట్టైపో ప్లే సేఫ్ డ్యూడ్ ఎండ్ ఆఫ్ ద డే బ్రతికున్నాం అనిపించుకోవటమేగా జీవిత పరమార్ధం . బ్రతుకు సూత్రాలు భూమికి ఆరడుగుల లోతున 3*6 లో నిన్ను బలంగా భద్రపరుచుకొనేలోపు జీలే జర తూ జీనేకే నాం పే ఎక్ బార్ మర్నా భి సీఖొ క్యా పతా కల్ హొ తో భి కైసా హో ? నిశీ !! 20/04/14 .

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1gXJp9v

Posted by Katta

బ్రెయిన్ డెడ్ కవిత

నిశీధి | ఎరోటికా | కంటికి రెండు దార్లు కనిపిస్తుంటే మనసు మూడో దారి వెతుక్కుంటుంది చూపుకి అంటని భాష ఏదో మనసుకి కి లోబడుతుంది . మొహం పొరలు విచ్చుకొని మోహం తళుక్కుమని రెటీనా రెక్కలు విరుస్తుంటే కంటి చివర మానవ సంభంధాలు గడ్డకట్టి అభావం గా ఆలొచనలోపడ్తాయి జీవితం పెద్ద సర్ప్రైజ్ ఏమి కాదు అనెక్స్పెక్టెడ్ అనురాగాల వెనక ఎక్స్పెక్టెడ్ శరీరాలే కదులుతూ ఉంటాయి పాముల్లా మెలికలు తిరుగుతూ ప్రేమవాంచల ప్రవాహంలో సుడులు గా సుఖానికి సజీవత్వనికి సంకెళ్ళు వేస్తూ భావప్రాప్తి కోసం రహస్య యుద్ధాలు చేస్తూ Humm... life is a bundle of joy with loads of mismanagement handle with care Or be bizi collecting the Shattered pieces while Yelling wildly for missing peace of soul Nishee !! 19/04/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1hay6X4

Posted by Katta

బ్రెయిన్ డెడ్ కవిత

Nisheedhi | Illogical| తర్కం కి అందని మనసుపొరలని గర్హిస్తూ నిజాలను గ్రహిస్తూ ఒక్కొ పొర వదిలేస్తు నగ్నంగా నమ్మకాలకి దూరంగా ఆస్వాదించాలంటే ఆలోచనల దిగంబరత్వమే అశరీరంగా అనంతంగా ఎల్లలు లేని అనుభుతిగా కళ్ళు తెరిచి చూడలేని మూసిన గుప్పిట్లో రహస్యాలన్ని మనసు విప్పుతూ ఒకటే యాతన ప్రసవభారం తీరి అర చేతుల్లో పాపయిలా నవ్వేవరకు . అలోచనలన్నీ బాస్టర్డ్ చైల్డ్సే విత్తుల గుర్తులు తెలియకుండా కన్నందుకు అమ్మలకి తప్పని అభిశపం లా మనసుని వదలకుండా అడ్డ దిడ్డంగా మహావేగం గా పెరిగిపోతూ జనోద్దారణ కోసమో స్వీయ దహనం కి ఆత్రమో . ఎందుకో మరి ? నిశీ!! 14-04-14 .

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1iNLAKU

Posted by Katta