Chand Usman కవిత

చాంద్ || వదులుకోక తప్పదా..? || చిన్నోడు అడిగాడు నాన్నా వదులుకోక తప్పదా ఒకటి కావాలంటే మరొకటి వాడి ప్రశ్నతో నేను ఉదయించాను ఈరోజు అవును వదులుకోక తప్పదా అని ******* ఎండిన ఆకులును కొమ్మ వదులుకొని పచ్చని ఆకులుకు జన్మనిస్తాది రాత్రి వెన్నెలను వదులుకొని వెచ్చటి సూర్యున్ని రమ్మంటుంది అమ్మ వ్రేళు వదలకుంటే నేను నడక నేర్వలేనుగా బాల్యపు ఒడి వీడకుంటే ఎదిగిన నన్ను చూసేవాడినా అడుగు అడుగునా ప్రతీ అడుగునూ వదిలే నడవాలి గతం విడిచిన శ్వాస వంటింది మరలా వాస్తవాన్ని శ్వాసించాల్సిందే కంటి రెప్ప కన్నీటిని వదలకుంటే గుండె భారం తీరదు కదా ******* నేను వాడి తల నిమురుతూ అన్నాను సిద్దంగా ఉండు ఎప్పుడూ ఏదో ఒకటి వదలడానికి విలువైనవన్నీ పొందాల్సిన రహస్యం ఏదో ఒకటి కోల్పోవడంలోనే దాగివుంది త్యాగం లేని ప్రేమ కూడా ఎప్పటికీ పూయని మొగ్గలాంటిది కన్నా మీ చాంద్ || 23.03.2014 ||

by Chand Usman



from kavi sangamam*కవి సంగమం*(Poetry ) http://ift.tt/OMAlcF

Posted by Katta