పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Kotha Anil Kumar లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Kotha Anil Kumar లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

21, జూన్ 2014, శనివారం

Kotha Anil Kumar కవిత

@ ఎం చేస్తావో @ నా గుండె గొంతు విప్పగానే పలికిన ప్రతి స్వరం నీ చిరునవ్వులాగా నా గుండె గోడలలో ప్రతి ధ్వనిస్తుంది. నా మనసు పరవశించగానే మల్లెపూవు లోని సుగంధం లా మదుర భావాల కవిత వెలువడింది ఆ కవితలోని ప్రతి పదం నీకర్పిస్తున్నాను. నా కనులు ఆరాటపడుతూ నిన్ను సొంతం చేసుకోవాలని నీ రూపాన్ని వాటిలో నిలుపుకున్నాయి ఆ కనురెప్పల వెనుక నీవుంటావు. నా హృదయం విశాల గగనం మెరిసే ప్రతి నక్షత్రం ఒక ఊహ ఆ నక్షత్రాల వెలుగు నీవు ఆ వెలుగులోనే నేను జీవిస్తుంటాను. ఈ కాంతిలో నా పయనం ఉజ్వలితం చేస్తావో.... మాటమార్చి ఏమార్చి నా కలలకు చిరు చీకట్ల వల వేస్తావో. _ కొత్త అనిల్ కుమార్ 20 / 6 / 2014 ( ప్రేమ కవిత _ 1999 )

by Kotha Anil Kumar



from kavi sangamam*కవి సంగమం*(Poetry ) http://ift.tt/UnY4mu

Posted by Katta

19, జూన్ 2014, గురువారం

Kotha Anil Kumar కవిత

@ తొలి_తుది.. నీ తోనే @ నా గుండె గొంతు విప్పి పాడుకున్న తొలిపాట నీది. నా మనసు పరవశించి రాసుకున్న తొలి కవిత నీవు. నా కళ్ళు ఆత్రుత తో చూసిన తొలి రూపం నీది. నా హృదయం ఆశగా నింపుకున్న తొలి ఊహ నీది. నా పరిసరాలన్నీ ఉప్పొంగిన తొలి రాక నీదే. నా జీవితం తోడు కోసం చూసిన తొలి ఎదురు చూపు నీకై. నా శరీరం ప్రేమతో కోరుకున్న తొలి స్పర్శ నీది. చేజారి పోయే ఏకాంతానికి దొరికిన తొలి కౌగిలింత నీదే. సుదీర్గంగా సాగుతున్న నా శ్వాసలో తొలి నిట్టూర్పు నీతోనే. చిరకాలం సాగే ఈ పయనంలో నిరంతరం నా తోడుండేది నీవే నేను శ్వాసించినన్నాళ్ళు తుద వరకు ఉండేది నీతోనే. తొలి మొదలు నీ తోనే... తుది వరకు నీ తోనే. _కొత్త అనిల్ కుమార్ 19 / 6 / 2014 ( ప్రేమ కవిత_1999 )

by Kotha Anil Kumar



from kavi sangamam*కవి సంగమం*(Poetry ) http://ift.tt/1pnoqR8

Posted by Katta

17, జూన్ 2014, మంగళవారం

Kotha Anil Kumar కవిత

@ నా కోసం @ నా మనసుకు నడక నేర్పినావు అందుకే అది ప్రతి సారి నీ వైపే పరుగు తీస్తుంది. నా కనులకు మాటలు నేర్పావు అందుకే అవి నీ చూపులతో కలిసి పాటలు పడుతున్నాయి. నా హృదయాన్ని విశాల పరిచావు. అందుకే అది నీ తీయని జ్ఞాపకాలతో నిండి పోయింది. నిలకడగా నిలువలేని నా మనసుతో ఇబ్బంది పడుతున్నాను . నిదుర లేని ఆ రాత్రి చీకట్లో వెలుగు రేఖవై నా కళ్ళను కట్టేస్తావు. ఆ వెండి వెన్నెల్లో చల్లటి చిరుగాలి నన్ను తాకగానే గుర్తొస్తావు. ఆ తలపులతో నీవు నన్ను పిలుస్తున్నవనుకోలేదు. కాని,తల వాల్చి నిదురపోతుండగా కలగా నీ పిలుపు వినిపిస్తుంది. ఒకసారి జాబిలిని చూసి నీవనుకున్నాను. నా గుండెలో నీకు గుడి కడితే గగనానికి చేరుకున్నావని మదనపడ్డాను. నా కోసం నిన్ను దిగి రమ్మనను.కాని నాలో శాశ్వతంగా ఒదిగి పొమ్మంటున్నాను. _కొత్త అనిల్ కుమార్ 17 / 6 / 2014 ( ప్రేమ కవితలు _1999 )

by Kotha Anil Kumar



from kavi sangamam*కవి సంగమం*(Poetry ) http://ift.tt/1ly87uP

Posted by Katta

Kotha Anil Kumar కవిత

@ మన ప్రణయం @ ప్రతి క్షణం నీ కన్నులతో మాట్లాడాలని తహతహ లాడే నా కళ్ళు. అనుక్షణం నీ రూపాన్ని ఊహించుకుంటూ జీవించే నా మనసు. ఎప్పటికి నీ చిరునవ్వుల సవ్వడి వింటూ ఆనందించే నా హృదయం . మధురంగా నీ పెదవులపై ఒక కావ్యాన్ని రాయాలనుకునే నా పెదాలు. ఒక్కసారిగా నువ్వు నా ఎదురుపడితే మైమరిచిపోవడం ఒక కొత్త వింత . అవును , ఇంత కాలం నా కన్నులు ఏ కన్నులతో మాట్లాడలేదు ఒక చూపుల ప్రశ్నలకు నా కళ్ళు బదులు పలకడం ఇదే తొలిసారి నిదురలో కళలు కనే కళ్ళకు మెలకువలో కలలు కనే ఊహల్ని నేర్పావు గుండె శబ్దం తప్ప ఏమి తెలియని నా జీవితాన్ని నీ చిరునవ్వుల అల్లర్లతో నింపేశావు ముచట్లే తెలియని నా పెదాలపై నీ పలకరింపులతో తీయని తడి కావ్యాలనే రాసేశావు. అందుకే మన ప్రణయం నిరంతర సుధా ప్రవాహం _కొత్త అనిల్ కుమార్. 17 / 6 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1sjbn6R

Posted by Katta

15, జూన్ 2014, ఆదివారం

Kotha Anil Kumar కవిత

@ నాన్న @ ఆయనెవరో నాకు అమ్మ చెప్పే దాక తెలియదు.కానీ అయన చేతి వెళ్ళు పట్టుకుని ఈ ప్రపంచం లోకి అడుగు పెట్టాను నా లోని శక్తిని ...క్రమ శిక్షణని నాకు పరిచయం చేశాడు. నాకు తెలియని ఈ లోకాన్ని ఆయనే చూపాడు అమ్మ కడుపులో ఎన్ని గింగిరీలు కొట్టినా నాన్న చేయి పట్టుకోగానే.. ప్రపంచాన్ని జయించిన ధైర్యాన్ని నింపాడు. అవును,.అందుకే నాన్నంటే నాకిష్టం. అమ్మ కడుపులో ఉన్నన్నాళ్ళు నాన్న గుండెలోనే నా నివాసం . తరువాత ఆ గుండెలే నాకు మైదానం. అమ్మతో శారీరక విభజన జరిగాకా నాన్న బోజ్జపైన్నే నా విహారం. రక్తాన్ని మాంసంగా చేసిన అమ్మ కంటే ఆ మాంసాన్ని మన్వత్వంగా తీర్చి దిద్దిన నాన్నంటే నాకు బాగా ఇష్టం పెరిగింది.కానీ ఇద్దరు నాకు గొప్పే. ఒకరు ఉచ్చ్వాసం...ఒకరు నిశ్వాసం. ఈ రక్తనాళాల శరీరాకృతికి ప్రాణం అమ్మ ఈ హృదయ స్పందనలకు భావం నాన్న . _ కొత్త అనిల్ కుమార్ 16 / 6 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1qP4BRG

Posted by Katta

14, జూన్ 2014, శనివారం

Kotha Anil Kumar కవిత

@ మౌనం _ నవ్వు@ మౌనం నవ్వు రెండు గొప్పవే నవ్వుతో కష్టాలు మరిచిపోవచ్చనేది మౌనం తో కష్టాలు దరికి చేరనివ్వరాదనేది సత్యమే. మౌనంతో ఈ ప్రపంచాన్ని చాల క్షున్నంగా చూడవచ్చు నవ్వుతో ఏ విషయాన్నయిన క్లుప్తంగా చెప్పవచ్చు మౌనం లో నవ్వు ఏడుపు ఉద్వేగం అన్నీ ఉంటాయి నవ్వుతో సంతోషం ఉత్తేజం కలుగుతాయి నాకు తెలిసి మౌనం నాకొక ఆస్తి అందులో నేను నవ్వుకుంటాను...ఏడుస్తాను నవ్వు నాకొక ఆభరణం దానితో ఈ సమాజానికి నేను ఆకర్షనీయంగా కనిపిస్తాను అందుకే,మౌనంగా నవ్వేస్తుంటాను నవ్వుతూ... నిశబ్దంగా ఉంటాను. నిశ్శబ్దంలోంచి వచ్చె మౌనమైన నవ్వే హృదయానికి నిజమైన ఉల్లాసాన్ని కలిగిస్తుంది _ కొత్త అనిల్ కుమార్ 14 / 6 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1mWpWVI

Posted by Katta

7, జూన్ 2014, శనివారం

Kotha Anil Kumar కవిత

@ ఒడువని రణం @ _ కొత్త అనిల్ కుమార్ తెలంగాణా అచ్చిందని సంబురపడుడు గాదు ఎట్లచ్చిందని ఓ సారి యాజ్జేసుకోవాలే వందేండ్ల పోరు ముగిసింది... అరవయ్యేండ్ల పెత్తనం నేల కూలింది భాష పేరుతో కలిసిన వాళ్ళు చూపించిన దురహంకార ప్రదర్శన ముగిసింది ఈ ముగింపు సామాన్యమైనది కాదు.. ఈ ముగింపుకేన్నో కరాలు..పాదాలు దోహదపడ్డాయి..అవును మరి వలసవాద పీడనను నిలువరించి.. స్వయంపాలన పోరాట విజయానికి చేయి కలిపిన శక్తులను కొనియాడే సమయమిది ఇది మన అస్తిత్వ విజయోత్సాహం ఇది.. నింగి నేలను ఒక్కటి చేసిన కొట్లాటలో ఎత్తిన పిడికిల్లనిప్పుడు ముద్దాడాలే పర పాలన పీడను హతమార్చిన సంకల్పానికిప్పుడు జేజేలు పాడాలే అస్తిత్వ ద్వంసకుల మధమనిచిన కందలకిప్పుడు కంకణాలు తోడుగాలే ప్రాంతేతర పెత్తానాన్ని పరుగెత్తించిన పిక్కలకోక్కసారి మొక్కి తీరాలె భాషా దురహంకార కోరలు పీకిన మని కత్తుల మహత్తును స్మరించుకోవాలే ఆత్మ గౌరవం అణచి వేసిన నీచులను అణగదోక్కిన నాయకులను కొనియాడాలే నిదుల కోసం నిప్పులు చెరిగిన మన నాయకత్వాన్ని యాదుంచుకొవలె నీళ్ళు తెచ్చి నేలను తడిపిన నిపుణుల నొకసారి అభినందించాలి అహర్నిశలు తెలంగాణమే అని ఉద్యమించిన అధికారులను మెచ్చుకోవాలే కలం పట్టి అక్షర పోరు చేసిన చేతులనిప్పుడు గుండెల్లో దాచుకోవలె గజ్జె కట్టి ఎగిరి దునికిన కాల్లనిప్పుడు కండ్లల్ల పెట్టుకోవలె నిరసించి ఎండిన కడుపుల్ల సల్ల పోసి అలుముకోవాలే నిరంకుశత్వానికి మండిన గుండెలను ఓదార్చి గట్టిగ హత్తుకోవాలే నినదించి ఎదురు తిరిగిన గొంహులకు శనార్దుల మాలలేయ్యలె శ్వాసను రాగాలు చేసి పాటలు పాడిన ఆ కంటాలకు మందార మాలలేయ్యలె విరిగిన లాతీలకు వెన్ను చూపని మొండి తనాన్ని చేతులెత్తి మొక్కలే పేలిన తూటాలకు రొమ్ము చూపిన గుండె దైర్యానికి పూజలు చేయాలే చైతన్యమై ఎదురు తిరిగి నిలిచిన విప్లవ స్పూర్తికి అరుణవందనం చేయాలే నిలువెల్లా గాయపడి శోకించిన యుద్ద వీరుఅల్కు గేయాల ఒదార్పునియ్యాలె వలస వాద కోట గోడలను కూల్చిన పిడికిళ్ళను పాటలతో ఎత్తుకోవలె రణరంగం లో రంకెలేసిన యువఫిరంగులకు పట్టాభిషేకం చెయ్యాలే యుద్ధభూమిలో తుపాకులై మొలిచిన విద్యార్తులకు మనం రుణ పడి ఉండాలే కదన రంగంలో అసువులు బాసిన అమరుల ఆశయాలకు మనం వారసులం కావలె రోదించి నీరింకిన మాతృమూర్తుల కండ్లల్లో మల్లా వెలుగులు నింపాలే.. రేపటి మన స్వయం పాలనకు మాల్లా మనమే సైనుకులం కావాలె నిన్నటి మన గోస ఒడవని ముచ్చట ఇయ్యలటి సంబురం గెలిచిన ముచ్చట ఈ వ్యధకు నిన్న ముగింపు కావచ్చు రేపటి మన ప్రాంత దోపిడీ దారులకు రహదారి కావచ్చు. కొట్లాడి తయారుగానే ఉన్నాం.. మళ్ళా కొట్లాడుతానికి తయరైదాం.. జై తెలంగాణా .. ( తెలంగాణా ఉద్యమంలో పాల్గొన్న ప్రతి ఒక్కరికి ఈ కవిత అంకితం ) 7 / 6 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/Tpk6EV

Posted by Katta

1, జూన్ 2014, ఆదివారం

Kotha Anil Kumar కవిత

@ నవోదయ౦ @ నిన్నటి అరుణ గగన౦ తిరిగి నీలాకాశమై చల్ల బడి౦ది ఆ ప్రచ౦డ అగ్ని వీచికలు వెనుదిరిగి పోయి ఏవో మలయ మారుతాలు వెన్ను తాకాయి. ఆ అక్ర౦దనల ఘోశలు మూగబొయాయి అవె గొ౦తుకలీనాడు ఆన౦దమయమైన విజయగేయాలను ఆలపిస్తున్నాయి అవును కదా..మరి యే౦డ్లకే౦డ్లు ....తరతరాలు కుదురు లెని పీడకలల నిదురలాయె మరి నిన్న కదా కుదుట పడ్డ క౦డ్లు కొ౦త మూతలు పడి ఒక ప్రబాత స్వప్నాన్ని సమీపి౦చె.. అరవై యే౦డ్ల అణచివేతతొ గతరాత్రి దాకా కలవరి౦చిన పీడకల ఈ వేకువలో యెదను వరి౦చి౦ది విజయోత్సవ ప్రబాత స్వప్న౦లా.. కలతలతో నిదురచెడిన నడిరాత్రులన్ని నశి౦చి పోయే ప్రైపూర్ణ సౌఖ్యపు మెలకువ వచ్చె ప్రసన్నమైన ఈ ఉజ్వలిత ఉశోదయాన ముత్తాతల నాటి పోరు ముగిసి తాతల నాడు ముసుగేయ బడ్డ ఐక్యతా చీకటి పొరల్ని తొలిచేస్తూ రానె వచ్చి౦ది నా తెల౦గాణ నేలపై నవ్యోదయ౦ ఆ ఉదయపు కా౦తి నునువెచ్చని తాకిడితో అగ్గి రగిలి వున్న అరుగులన్ని చల్ల బడ్డాయి. ఆ వేకువ కిరణాలు కాలిడిన వాకిళ్ళన్ని ముగ్గుల ముచ్చట్లతో మురిసి పోయాయి.. ఆ స౦బుర౦ కోసమె బలహీన పడ్డ గు౦డెలన్ని కొస ప్రాణాలతొ బతికి ఉన్నాయి. ఈ నవొదయ౦ వెలుగు కోసమె ఎన్నో జీవనాలు ఎదురుచూస్తున్నాయి.. _ కొత్త అనిల్ కుమార్ 1 / 6 / 2014 ( జూన్ 2 నాడు మన తెల౦గాణ ఆవిర్బావ దిన౦ స౦దర్బ౦గా....)

by Kotha Anil Kumar



from kavi sangamam*కవి సంగమం*(Poetry ) http://ift.tt/1wHXSNQ

Posted by Katta

31, మే 2014, శనివారం

Kotha Anil Kumar కవిత

@ అమర విజయ౦ @ ఆ చైతన్య మిప్పుడు ప్రజామోద౦ పొ౦ది౦ది ఆ ఉద్రేక మిప్పుడు కొ౦త ఊరట చె౦ది౦ది ఆ ఉద్వేగ౦...ఆ ఉద్యమ౦ నిర్మల౦గా సేద తీరి౦ది ఇన్నాళ్ళు కోట్ల గు౦డెలలొ చెలరేగిన భావావేశ మిప్పుడు ఎడ తెగని స౦బుర౦గా మారి౦ది అస్తిత్వ పరిరక్శన కొస౦ అసువులు బాసిన అమర వీరుల త్యాగ మిప్పుడు విజయ రూప దర్శనమిచ్చి౦ది స్వయ౦ పాలన కొరకై పొరాడి నేలకొరిగిన వారి ఆత్మ లిప్పుడు ఈ గడ్డపై పునర్జన్మి౦చాలని ఉవ్విళ్ళూరుతున్నాయి. అగ్ని స్నానాలు చెసిన దేహాలు పవిత్ర యజ్న జ్వాల లైనాయి ఉరి తాడు నులిమిన బొ౦డిగెలు అదౄశ్య గానాలు వినిపిస్తున్నాయి సతమతమై ఆగిన శ్వాసలిప్పుడు స్వేచ్చా పవనాలై వీస్తున్నాయి పోరు కొసమ్ పేగు బ౦దాన్ని కట్టబెట్టిన గు౦డెలు కుదుట పడ్డాయి ఆ మాతృ మూర్తుల శోక సముద్రాలు ఆన౦ద బాశ్పాలై వర్శిస్తున్నాయి. స్వరాజ్య తెల౦గాణ సమర౦లో వలసవాద పీడన వలనో... సొ౦త ప్రా౦త నాయకుల చేత కాని తన౦ వలనో.. తట్టుకోలేక ఊపిరి వదిలిన ఆ వీరత్వపు ఆత్మలన్ని రేపటి నవోదయ కా౦తిరేఖలై ఈ నేలపై వెలగబోతున్నాయి... ఆగిన శ్వాసలను మన పాటలకు రాగాలుగా చేసుకు౦దా౦.. పోయిన ప్రాణాలను చరిత్రలొ రాసి సజీవ౦గా నిలుపుకు౦దా౦.. జోహార్లు జోహర్లు జోహార్లు మన నేల కై నేలకొరిగిన మన అన్నదమ్ముల్లకు..అక్కచెల్లెల్లకు. _ కొత్త అనిల్ కుమార్.,31 / 5 / 2014 ( జూన్ 2 నాడు మన తెల౦గాణ ఆవిర్బావ దిన౦ స౦దర్బ౦గా....)

by Kotha Anil Kumar



from kavi sangamam*కవి సంగమం*(Poetry ) http://ift.tt/1rrzEqX

Posted by Katta

22, మే 2014, గురువారం

Kotha Anil Kumar కవిత

@ అమ్మ @ అమ్మా నీవొక మహత్తర శక్తివి మహిలొ నీవే మమతా మూర్తివి అవని పై నడిచె సౄశ్టి కర్తవి దరణీ తల౦ పై జీవకోటికి నీవే మూలవిరాట్టువి నిశ్కల్మశ హ్రుదయ౦తొ మాకు జన్మనిస్తావమ్మా . నిస్వార్ద౦గా నీ ప్రాణాలను మాకు దారపోస్తావమ్మా . నీ ఆశలన్ని కలబొసి మాకు ఆయుశ్శు పోస్తావమ్మా . నీ కొస౦ ఏది దాచుకొకు౦డా ఉన్నద౦తా మాకె అర్పిస్తావమ్మా . నీ ఆకలిని సైత౦ అణచివేస్తూ . . . మా కడుపుకు కావలి కాస్తావమ్మా . నీ కళ్ళల్లో నీరి౦కినా . . . మా కళ్ళల్లో నీళ్ళను చూడాలనుకొవమ్మా . మా చిరునవ్వుల కోసమని నీ శోకాన్ని దాచేస్తావమ్మా . నీ నరనరల్లోని నెత్తురున౦తా కలిపి నీ జీవన సర్వస్వపు కలలన్ని కలిపి నాకొక జన్మనిచ్చావు కదమ్మా ...! అడగకు౦డా ప్రాణ్౦ పొసిన నిన్ను ఒక్క వరమడుగుతానమ్మ నాకు ఇ౦కొక జన్మ౦టూ ఉ౦టే నువు నా కడుపులొ పుట్టాలమ్మా.. _ కొత్త అనిల్ కుమార్ 22 / 5 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1sVvN0w

Posted by Katta

18, మే 2014, ఆదివారం

Kotha Anil Kumar కవిత

@ చుక్కలు @ చీకటి వెకువ ప్రేమ లెఖను రాసి౦ది అది చదువుదామనెమో సూర్యుడు పరుగెత్తుకుని వస్తున్నాడు చీకటి పడ్డ వాకిల్లన్ని ఎదురు చూస్తున్నయి దొసిట ని౦పుకుని చుక్కలన్ని౦టిని కుమ్మరి౦చమని తెల్లవారి ముగ్గుగా తెల్ల బడ్డ ఆకాశ౦ జారవిడిచిన ఆ చుక్కలన్ని౦టిని గీతల దారలతొ ముడి వెసి బ౦దీ చెసి ముగ్గులెస్తున్న ఆ ముని వేళ్ళకు వ౦దన౦. రాత్రి చలికి తట్టికోలేక భూదెవి చీకటి దుప్పటి కప్పుకు౦ది. ఆ దుప్పటికున్న చిల్లులే చుక్కలు. _ కొత్త అనిల్ కుమార్.

by Kotha Anil Kumar



from kavi sangamam*కవి సంగమం*(Poetry ) http://ift.tt/1p2uD33

Posted by Katta

16, మే 2014, శుక్రవారం

Kotha Anil Kumar కవిత

@ రాజకీయ పార్టీలు @ అసలే గుర్తులు కరువు అయినై నాయినల్లార అంటే గడియకో పార్టీ వెట్టి గందరగోళం జేయ్యవట్టే సర్కార్ ను ఏరి కోరి తీసుకుంటే కుదురధనొ ఏమో ఆఖరికి చెప్పు శీపుర్లకు గూడా మంచి గిరాకి అచ్చి పాడయింది ఏత్త..తీత్త అని ఉరికచ్చిన గా సారుకు ఇగ వట్టుమని జెప్పి ఊడ్సుడు పని అప్పజేప్తే ఊరంతా తిరుక్కుంట చెంప దెబ్బల పాలయిండు. నీతి నిజాయితి తెలియని నిబద్దత లేని నత్తి నల్లికుట్లోల్ల సంఘానికి గట్టి దెబ్బ తగిలింది. కుక్క కాటుకు చెప్పు దెబ్బ అన్నట్లు ఆ సంఘం పెట్టిన పార్టీకి ఆ గుర్తే ఇచ్చారు. అదేదో గాలి అట అదే ఫ్యాను గాలి అట ఆ గాలి అట ఏదో దులిపెస్త ఊపేస్త అంటుందటా ఏమో,?చెర్ల పెల్లి జైలు గోడల దుమ్మేమోనట అని అందరు అనుకుంటున్నారట ఇగ,ఈకలు ఈకలు కలిపి తయారయ్యిందోక తోక పార్టీ . తల లేదు...మొండెం కనిపించదు కాని మెదడున్న పార్టీ అని తెగ డబ్బాలు కొట్టడం ఇగ,దాని కథ జూడు రాజకీయ పార్టే కానీ పోటీ జేసుడు లేదని చెప్పుక తిరుగుడు. ఇవన్ని గట్లుంటే ముసలోనికి పడుసు పెండ్లమన్నట్లు ఏండ్లకేండ్లు దేశాన్ని మేమే ఏలుతం...అని పాత సంచిల కొత్త సరుకు జబ్బకేసుకుని ఒక తిరుగుడు గాదు జేజమ్మ ల పేర్లు జెప్పుకుంట. నేను అటు జూత్త..ఇటు జూత్త ఎటు వడితే ఆటే జూత్త నా దారికి అడ్డం అచ్చిండ్రనుకో ఎనుకకేలి అచ్చి ఈపుల గుద్దుత అని రెండు మూడు సిద్ధాంతాల కామెర్ల రోగాపోల్ల లొల్లి ఒక దిక్కు ఇగ గవ్వైతే గవ్వే అటోల్లకి ఆ దిక్కు మేమే ఇటోల్లకు ఈ దిక్కు మేమే అనుకుంట,. ఒగలకొగలను పడనిచ్చేది లేదు ఎవల జాగల వాళ్ళను ఉండనిచ్చేది లేదు. ఎవని తోని మాకెందుకు బై మాది మాకు గావలె అని ఒక కొట్లాట సరే.,మనది మనకు వచ్చింది గాని మల్ల అండ్లకేలి మాది మాకు గావాలంటే గుండె వలిగి సత్తం దొర జనం మొర పెట్టవట్టే. ఎనుకటి లెక్కనె గడ్డి కుప్ప కాడి కుక్క పార్టీలు అధికారం లకు రారు అచ్చినోల్లను పనిజేయ్యనియ్యారు. ఇగ గా రంగు జూత్తే, ఎవనికైన ఉచ్చ వడుతది. గిన్ని లోల్లుల నడుమ ఇంట్లకెళ్ళి బైలెల్లుతే.. ఒగడు వెయ్యిత్త నంటాడు ఇంకోగాడు క్వటరిత్తానంటాడు ఏది ఇత్తేంది ఇయ్యాక పోతేందని గట్టిగనే గుద్ది వచ్చిన రాజకీయ బ్రోకర్ల మాట ఇనకుంట పొయ్యి దేశాన్ని దోసుకునేటోల్లకు మొస మర్రకుంట _ కొత్త అనిల్ కుమార్ ( 16 / 5 / 2014 )

by Kotha Anil Kumar



from kavi sangamam*కవి సంగమం*(Poetry ) http://ift.tt/1mYMMSw

Posted by Katta

15, మే 2014, గురువారం

Kotha Anil Kumar కవిత

@@ అపార్ట్ మెంట్లు @@ ఎప్పటికి ఏవో జ్ఞాపకాల కదలికలతో మనసంతా సందడిగా ఉంటున్దేన్దుకో సందడి అంటే సంబురం కాదు గాని ఏవో గుర్తుకొస్తుంటాయి అనవసరంగా అన్ని యాది చేసుకునే నిరంధి జీవితం కాదు .కాని ఏదో రంది మదిని కదిలించేలా చేస్తుంది ఈ దినసరి మనవ యంత్రం నడిచి నడిచి చల్లబడాలంటే తిరిగి గూడు చేరి తలుపు లేసుకోవలసిందే తప్ప .,మందలించే మనిషుండదు అవును మరి., ప్రపంచీకరణ విసర్జించిన మనుషుల పుట్టాలనే అపార్ట్ మెంట్లలో ... నిన్న మొన్నటి వరకున్న వంద వాకిల్లని ఫ్లాట్లుగా మారిపోయాయి వాకిళ్ళ పై ఉన్న పిండి ముగ్గులన్ని పెయింట్ గీతలయినాయి ఆత్మీయ మనసులన్ని అపార్ట్ మెంట్ జాలిలో వడ పోయబడ్డాయి గల్లిలన్ని మాయమై విలాసం మిగిల్చిన విల్లలినాయి ఎవరి మనసులు వారికే ఎవరి చూపులు వారికే హద్దులు నిర్దేశింపబడిన అత్మీయప్రవర్తన లోపల ప్రేమలున్నా మించకూడదు చొరవలు కరువైన కృత్రిమ జీవితాలు ఒకప్పుడు మనసుల్లోకి మనుషులు అలవోకగా చొచ్చుకేల్లెవారు ఒకరింటి గుమగుమలు దారిని చీల్చుకుని ఇంకొకరింట్లోకి వెళ్లి నిండిపోయేవి ఇప్పుడంత పెద్ద దారులు లేకున్నా ఈ స్నేహ పరిమళాలు దర్వాజాలు దాతలేవు దాటిన ... మనిషి మనిషికి కనిపించినంత సేపే చక్కగా అతికించుకున్న పలకరింపులు అందంగా అలకరించుకున్న చిరునవ్వులు ఆ గూళ్ళలో ప్రేమలు లేవని నేననను ప్రేమను పాటిస్తున్నారనేదే నా బాధ మనసుకు వేరే బాధ లేక కాదు ఈ అనుభవాల యేరు గుండెను తడి చేస్తూ వెళ్ళడమే బాధ . కుదుట పడ్డ మనసు ఇలాంటి వెతలతో మల్లి పదనౌతుంది లక్షణంగా గడిపేస్తున్న జీవితంలో నాకేం బాధ లేదు కాని లక్ష్యాన్ని నిర్దేశించుకుని బ్రతికే యంత్రాలు ప్రేమకు కొంత 'spase ' ను నిర్దేశించుకుని జీవించడమే కొంత బాధ నాకు మనిషి బ్రతికే స్థలమే తగ్గింధనుకున్న మనసు బ్రతికే స్థలమూ తగ్గింది . _ కొత్త అనిల్ కుమార్ . 15 / 5 / 2014 ( ennila muchatlu _10 lo na kavitha )

by Kotha Anil Kumar



from kavi sangamam*కవి సంగమం*(Poetry ) http://ift.tt/1lzMZHP

Posted by Katta

11, మే 2014, ఆదివారం

Kotha Anil Kumar కవిత

@ అమ్మ @ అవని గర్భాన దాగిన ఖనిజాలెన్నో ధరణి ధరించిన ప్రకృతి సిరులెన్నో పుడమి భరించే పురిటి భాధలెన్నో వసుధ వేదికగా జన్మించే జీవలెన్నో ఓ అమ్మా...! నీ కడుపున మాకు ప్రాణం పోసి నీ గుండెలపై మమ్ముల మోసి నేలకె నువ్వు తలమానికమైనావు. _కొత్త అనిల్ కుమార్ 11/5/2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1kWhMNe

Posted by Katta

1, మే 2014, గురువారం

Kotha Anil Kumar కవిత

@ కార్మిక దినోత్సవం @ ఒక నిరసన లోంచి ఉద్బవించిన మహోదయం ఇది హక్కు కోసం నినదించిన గుండెలు పిడికిల్లెత్తిన దినం ఇది చెమటకు విలువ కట్టక నెత్తురును లెక్క చేయక దేహాలను హూనం చేస్తూ శ్రామిక కండబలాన్ని దోచేస్తున్న పెట్టుబడి దారు మధబలాన్నికృశింప జేసి అనైతిక వ్యాపార దొరనిని కంపింప జేసిన విజయారుణోదయం ఇది. పారింది శ్రమ జీవుల రక్తమే.కాని, ఆ గెలుపు కార్మిక జాతికి యుగాంతం వరకు...ఒక పెద్ద దిక్కు. అది శ్రామిక జీవన గమనంలో ఒక నిత్య నూతనోధయం. ఆ విజయపు రుదిర ధారలు స్వేద వంశీకుల మనుగడకు కొత్త దారులు పని చేయడమే మన పని కాదని, శ్రమకు విలువ సాదించడమని పని మనుషులకు విలువ సాదించుకోవడమని వృత్తికి సమాన వేతనం ఉండాలని వేళకు మించి శ్రమ బారం ఉండరాదని కార్మిక భవిత స్వర్ణమయం కావాలని హక్కుల కోసం పోరాడి ఆ ఆశయ సాధనలో ఎందరో నేలకొరిగిన త్యాగదనులదినమిది. అందుకే, ఈ అరుణోదయం ఈనాడు కార్మిక దినోత్సవమైంది... _ కొత్త అనిల్ కుమార్. 1 / 5 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1hVc27K

Posted by Katta

21, ఏప్రిల్ 2014, సోమవారం

Kotha Anil Kumar కవిత

@ పార్టీల గోస @ అసలే గుర్తులు కరువు అయినై నాయినల్లార అంటే గడియకో పార్టీ వెట్టి గందరగోళం జేయ్యవట్టే సర్కార్ ను ఏరి కోరి తీసుకుంటే కుదురధనొ ఏమో ఆఖరికి చెప్పు శీపుర్లకు గూడా మంచి గిరాకి అచ్చి పాడయింది ఏత్త..తీత్త అని ఉరికచ్చిన గా సారుకు ఇగ వట్టుమని జెప్పి ఊడ్సుడు పని అప్పజేప్తే ఊరంతా తిరుక్కుంట చెంప దెబ్బల పాలయిండు. నీతి నిజాయితి తెలియని నిబద్దత లేని నత్తి నల్లికుట్లోల్ల సంఘానికి గట్టి దెబ్బ తగిలింది. కుక్క కాటుకు చెప్పు దెబ్బ అన్నట్లు ఆ సంఘం పెట్టిన పార్టీకి ఆ గుర్తే ఇచ్చారు. అదేదో గాలి అట అదే ఫ్యాను గాలి అట ఆ గాలి అట ఏదో దులిపెస్త ఊపేస్త అంటుందటా ఏమో,?చెర్ల పెల్లి జైలు గోడల దుమ్మేమోనట అని అందరు అనుకుంటున్నారట ఇగ,ఈకలు ఈకలు కలిపి తయారయ్యిందోక తోక పార్టీ . తల లేదు...మొండెం కనిపించదు కాని మెదడున్న పార్టీ అని తెగ డబ్బాలు కొట్టడం ఇగ,దాని కథ జూడు రాజకీయ పార్టే కానీ పోటీ జేసుడు లేదని చెప్పుక తిరుగుడు. ఇవన్ని గట్లుంటే ముసలోనికి పడుసు పెండ్లమన్నట్లు ఏండ్లకేండ్లు దేశాన్ని మేమే ఏలుతం...అని పాత సంచిల కొత్త సరుకు జబ్బకేసుకుని ఒక తిరుగుడు గాదు జేజమ్మ ల పేర్లు జెప్పుకుంట. నేను అటు జూత్త..ఇటు జూత్త ఎటు వడితే ఆటే జూత్త నా దారికి అడ్డం అచ్చిండ్రనుకో ఎనుకకేలి అచ్చి ఈపుల గుద్దుత అని రెండు మూడు సిద్ధాంతాల కామెర్ల రోగపొల్ల లొల్లి ఒక దిక్కు ఇగ గవ్వైతే గవ్వే అటోల్లకి ఆ దిక్కు మేమే ఇటోల్లకు ఈ దిక్కు మేమే అనుకుంట,. ఒగలకొగలను పడనిచ్చేది లేదు ఎవల జాగల వాళ్ళను ఉండనిచ్చేది లేదు. ఎవని తోని మాకెందుకు బై మాది మాకు గావలె అని ఒక కొట్లాట సరే.,మనది మనకు వచ్చింది గాని మల్ల అండ్లకేలి మాది మాకు గావాలంటే గుండె వలిగి సత్తం దొర జనం మొర పెట్టవట్టే. ఎనుకటి లెక్కనె గడ్డి కుప్ప కాడి కుక్క పార్టీలు అధికారం లకు రారు అచ్చినోల్లను పనిజేయ్యనియ్యారు. ఇగ గా రంగు జూత్తే, ఎవనికైన ఉచ్చ వడుతది. గిన్ని లోల్లుల నడుమ ఇంట్లకెళ్ళి బైలెల్లుతే.. ఒగడు వెయ్యిత్త నంటాడు ఇంకోగాడు క్వటరిత్తానంటాడు ఏది ఇత్తేంది ఇయ్యాక పోతేందని గట్టిగనే గుద్ది వచ్చిన రాజకీయ బ్రోకర్ల మాట ఇనకుంట పొయ్యి దేశాన్ని దోసుకునేటోల్లకు మొస మర్రకుంట _ కొత్త అనిల్ కుమార్ ( 21 / 4 / 2014 )

by Kotha Anil Kumar



from kavi sangamam*కవి సంగమం*(Poetry ) http://ift.tt/1i64d0r

Posted by Katta

20, ఏప్రిల్ 2014, ఆదివారం

Kotha Anil Kumar కవిత

@ విస్పోటన గీతం @ ఇవి శాంతి కపోతపు రెక్కల టపటపలు కావు రెక్కలు తొడిగిన ఉన్మాదపు రాబందులు సృష్టించిన హింసాత్మక పెలపెలలు అవి కంపించిన భూగోళపు కదలికల బడబడలు కావవి. ఉన్మత్త వికటాట్టహాసం చేస్తున్న తీవ్రవాదపు రాక్షస దరహాసపు ద్వనులు. ఇదంతా చెల్లాచెదురైన పరిసరాల రోధన కాదు. మానవత్వం మరిచిన రక్కసి కళ్ళలో ప్రస్పుటమౌతున్న అకారణ ప్రతీకారనందం. ప్రపంచ శాంతి జ్యోతిని వెలిగించే ఉజ్వలిత అగ్నిజ్వాలలు కావవి. ప్రపంచపు అనుబంధాలను మసి చేసి వేరు చేసే అమానుష వర్గపు నిప్పు కానికలు మనిషి చేతిలో విస్పొటనమైన ప్రాంతం కాదది జాతి ఐక్యతను విచ్చిన్నం చేసిన అమానవత్వాన్ని చూసి తలవంచిన ప్రకృతి పేలుడుకు తునాతునకలైన మృత దేహాలు కావవి మనిషి వికృత చేష్టలకు సిగ్గుపడి నేలనతికిన మనిషి ముక్కలు. ప్రేమానురాగాలతో విలసిల్లుతున్న భాగ్యనగరం కాదది ఉగ్రవాద క్రోధం లో చిక్కి శిదిలమైన వేదన నగరం. విధి చేసిన గాయానికి విలపిస్తూ వంచితులు చేసిన గానాలు కావవి. ఉన్మాద వర్గపు రాక్షసానందంలో... వినిపించిన విస్పొటన గీతాలు. _ కొత్త అనిల్ కుమార్. ( write on : 30/5/2013_post .19/4/2014)

by Kotha Anil Kumar



from kavi sangamam*కవి సంగమం*(Poetry ) http://ift.tt/1llpDbX

Posted by Katta

13, ఏప్రిల్ 2014, ఆదివారం

Kotha Anil Kumar కవిత

@ నాన్న @ ఆయనెవరో నాకు అమ్మ చెప్పే దాక తెలియదు.కానీ అయన చేతి వెళ్ళు పట్టుకుని ఈ ప్రపంచం లోకి అడుగు పెట్టాను నా లోని శక్తిని ...క్రమ శిక్షణని నాకు పరిచయం చేశాడు. నాకు తెలియని ఈ లోకాన్ని ఆయనే చూపాడు అమ్మ కడుపులో ఎన్ని గింగిరీలు కొట్టినా నాన్న చేయి పట్టుకోగానే.. ప్రపంచాన్ని జయించిన ధైర్యాన్ని నింపాడు. అవును,.అందుకే నాన్నంటే నాకిష్టం. అమ్మ కడుపులో ఉన్నన్నాళ్ళు నాన్న గుండెలోనే నా నివాసం . తరువాత ఆ గుండెలే నాకు మైదానం. అమ్మతో శారీరక విభజన జరిగాకా నాన్న బోజ్జపైన్నే నా విహారం. రక్తాన్ని మాంసంగా చేసిన అమ్మ కంటే ఆ మాంసాన్ని మన్వత్వంగా తీర్చి దిద్దిన నాన్నంటే నాకు బాగా ఇష్టం పెరిగింది.కానీ ఇద్దరు నాకు గొప్పే. ఒకరు ఉచ్చ్వాసం...ఒకరు నిశ్వాసం. ఈ రక్తనాళాల శరీరాకృతికి ప్రాణం అమ్మ ఈ హృదయ స్పందనలకు భావం నాన్న . _ కొత్త అనిల్ కుమార్ 13 / 4 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1iFhMic

Posted by Katta

10, ఏప్రిల్ 2014, గురువారం

Kotha Anil Kumar కవిత

@ ఎడారి సముద్రాలు @ ఎడారులు ఒకప్పటి సముద్రాలేనేమో ఈనాటి నిరాశలు ఇసుక మేటలైతే ఒకప్పటి కలలన్ని అలలేమో.. నిశ్శబ్దం ఎక్కడ లేదు. ఉప్పొంగే సముద్రంలో అలల ఘోష . నీరసించిన ఎడారిది తుఫాను భాష . సముద్రాలై పొంగిన కనులన్ని నీరింకిన ఎడారిగా మారవా..? ఆ ఎడారి లోని ముళ్ళ పొదలకు ఏ పువ్వో పూయదా.. ఎడారికి తెలిసిందొక్కటే ఇసుక రవ్వలతో ఎగిరెగిరి పడడం. సముద్రం చేసేదోక్కటే ఎగిరిపడే అలల్ని తిరిగి ఒడి చేర్చుకోవడం. ఎడారులు తనలో తడిని ఆవిరి చేసి ఎండమావుల సముద్రాన్ని సృష్టిస్తే , సముద్రం తన గర్బంలో ఒక ఎడారిని నిక్షిప్తం చేసుకుంది. నిజానికి ఇది పరస్పర ఓదార్పు అవును..ఇరువురోక్కటే అనే రహస్యప్రకటన. _ కొత్త అనిల్ కుమార్. 10 / 4 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1sBBYJY

Posted by Katta

9, ఏప్రిల్ 2014, బుధవారం

Kotha Anil Kumar కవిత

@ సర్వే జూదంలో @ ఎన్నికల పరుగు పందెం లో నాయకులూ గెలుపు ఓటముల సర్వే జూదంలో మాధ్యమాలు. విషయమేమంటే వాళ్ళిద్దరికీ పెట్టుబడి దారుడొక్కడే _ కొత్త అనిల్ కుమార్. @ ఆ బారం @ గెలిచినా నాయకుడొకడు అనుచరుల భుజాలపై కెక్కి హంగామా చేస్తున్నాడు ఇక,ఆ బారం మోసే పాపం ప్రజలేదే. _ కొత్త అనిల్ కుమార్.

by Kotha Anil Kumar



from kavi sangamam*కవి సంగమం*(Poetry ) http://ift.tt/1hgyMyW

Posted by Katta