కంచర్ల సుబ్బానాయుడు కవిత

// కులం - హాలాహలం // జంతు జాలాలకు లేదు కులం పశుపక్ష్యాదులకు లేదు కులం పంచభూతాలకు లేదు కులం మనుషులకెందుకు ఈ కుల హాలాహలం? ఆకలికి లేదు ఆహారానికి లేదు అది తిని బతికే నీ కెందుకు కులం? కులం కులం అంటుంటే.. మన ప్రగతే విఫలం దారితప్పి దాహమేస్తే అపుడుండదు కులం? కడుపునిండా తాగును ఆ జలం.. ఆపదలో ఆదుకొనే వాడు చూడడు ఏ కులం దాహం తీరిందా సాగిస్తావు మళ్ళీ జులుం ఈనాడు కులం కొందరికి బలం దానివల్ల పొందిన ఫలం మింగక తప్పదు ఏనాటికైనా హాలా హలం మనిషి మహోజ్జ్వల భవితకు అడ్డుగోడ కులం సమసమాజ శ్రేయస్సుకు అవరోధం కులం కులాల కుంపటి ఆర్పిన నాడు సాధించగలం సమానత్వ అమృతఫలం అందరం కలిసుంటే పురోభివృద్ధి సాధ్యం అది దేశ భవితకు ఎంతో బలం. :putnam: కంచర్ల

by కంచర్ల సుబ్బానాయుడు



from kavi sangamam*కవి సంగమం*(Poetry ) http://ift.tt/1ju5U36

Posted by Katta

కంచర్ల సుబ్బానాయుడు కవిత

(^^^) ఉగాది కవితల పోటీ * కవితా ప్రియులకు ఆహ్వానం ఉగాది సందర్భంగా సాహితీ సేవ http://ift.tt/1dGcZkf కూటమి ఆధ్వర్యంలో కవితల పోటి నిర్వహించదలిచాము . ఆసక్తి కల కవులు, కవయిత్రులు ఈ పోటీలలో పాల్గొనగలరు. * కాస్త సామాజిక స్పృహా కలిగిన అంశం రాయొచ్చు * కవిత10 నుండి 35 లైన్లుకు మించరాదు *కవిత కొత్తదై ఉండవలెను. ఏ ఇతర గ్రూప్ ల లోను మరియు ఇతర పత్రికల లోను ప్రచురితమై ఉండరాదు . *కవితల పోటీకి పంపిన కవితలను విజేతలు ప్రకటించే వరకు ఏ ఇతర గ్రూపులలోను, మరే ఇతర చోట్లా పోస్ట్ చెయ్యరాదు * మీ కవితలను ఉగాది కవితల పోటీ అని ఈ పిన్డ్ పోస్ట్ కిందనే తేది స్పష్టం గా వేసి ఈ నెల 31 వ తేది రాత్రి 12 గంటలు లోగా పోస్టు చెయ్యవలెను . * సమయం దాటినా తర్వాత వచ్చిన కవితలు పరిశీలనా లోకి తీసుకోబడవు *న్యాయ నిర్ణేతలుదె తుది నిర్ణయం . ఉత్తర ప్రత్యుత్తరాలకు తావు లేదు. గమనిక ===== ఉగాది కవితల పోటీలలో విజేతలైన వారికి వచ్చే నెలలో హైదరాబాద్లో జరిగే సాహిత్య సభలో బహుమతులు ప్రధానం చెయ్యబడును .. అదే విధం గా గతం లో సాహితీ సేవ నిర్వహించిన కవితల పోటీలో గెలుపొందిన విజేతలు ప్రధమ బహుమతి పొందిన శ్రీనివాస్ వాసుదేవ్ గారికి , ద్వితీయ బహుమతి పొందిన భారతి కాట్రగడ్డ గారికి , తృతీయ బహుమతి పొందిన వర్చస్వీ గారికి కన్సొలేషన్ బహుమతులు పొందిన భాస్కర్ పాలమూరు గారికి ,వెంకటేష్ వలన్దాస్ గారికి , లుగేంద్ర పిళ్ళై గారికి , నవీన్ కుమార్ కొమ్మినేని గారికి కూడా హై దరాబాద్ లో వచ్చే నెలలో జరిగే సాహిత్య సదస్సు లో(తేది త్వరలో ప్రకటించ గలము ) ప్రముఖుల చేతుల మీదుగా బహుమతులు అందజేయటం జరుగుతుంది. ఇట్లు కత్తిమండ ప్రతాప్, పుష్యమి సాగర్ అడ్మిన్స్, సాహితీ సేవ. http://ift.tt/1dGcZkf

by కంచర్ల సుబ్బానాయుడు



from kavi sangamam*కవి సంగమం*(Poetry ) http://ift.tt/1k9Qhzv

Posted by Katta

కంచర్ల సుబ్బానాయుడు కవిత

(^^^) మట్టి నేల పైన నింగి గొడుగు క్రింద నేల అరుగు మధ్యలో నడిచే చెట్లు మనుషులు వాన చెలికాని కౌగిటచేరి నేల ఏటా నిండు చూలాలౌతుంది అనుకోవడం తప్పు ఆమె నిత్యం పచ్చి బాలింతై పురిటి నొప్పుల తిప్పలు పడుతూనే వుంది నిజం చెప్పాలంటే మనం మట్టి మనుషులం కాదు కాదు మట్టిలో కలసిపోయే మనుషులం మట్టిలో పుట్టి మట్టిలో పెరికి మట్టిలో పోతాం కాబట్టి ఇందులో నిర్జీవుల పాత్ర వుంది సజీవుల యాత్ర వుంది మట్టి కడుపులో ఎన్ని ఆకు పచ్చ భూగోళాలు దాగి ఉన్నాయో విత్తు నాటామో లేదో అది పచ్చని ఆకుల హస్తాలతో నమస్కరిస్తూ పైకి లేస్తుంది మట్టి మనకు మెతుకౌతుంది బ్రతుకౌతుంది తన కడుపులో నాగేటిని గుచ్చి గుచ్చి దున్నినా తన ఉదరంలో ఎన్ని గడ్డపారలు తెచ్చి పెళ్ళగించినా నవ్వుతూ నవ్విస్తూ తాను మాగాణి పొలమై చినుకుల కునుకులకు మురిసి సిరుల మొలకౌతుంది మట్టి అమ్మై ఆకలి తీరుస్తుంది ప్రాణ చిలుక కాస్త ఎగిరి పోయాక ఈ కర్మ సంచిత దేహాన్ని పంచ భూతాల గేహాన్ని తన కడుపులో దాచుకొంటుంది చివరకు అంతా మట్టే అన్న నగ్న సత్యాన్ని చెప్పకనే చెబుతుంది. :putnam: కంచర్ల

by కంచర్ల సుబ్బానాయుడు



from kavi sangamam*కవి సంగమం*(Poetry ) http://ift.tt/1kd5e4O

Posted by Katta