Chi Chi కవిత

_IdentitY_ దేనికీ లేదు మనిషిక్కూడా మనిషనుకోడమే..మనిషిననుకోడమే!! నన్ను భూమనమన్నాకొడుకెవడని భూమడగదు గనకనుకుంటున్నావ్!! అసలేదీ అడగలేదు దాన్నేదో అనుకోమని.. అనుకోడమే ఆయుధమైంది అందరిమీదందరికీ!! నీకది సమయం..సమయానికి నువ్వేంటి? నీకిది లోకం.. లోకానికి నువ్వేంటి? చాలు!! మౌనం భయపెడితే మరణం నవ్వుతుంది నీ బతుకంతా.. నువ్వు గుర్తించే జ్ఞానమంతా కాగల గుర్తింపు నీది జ్ఞానమే నిన్ను గుర్తించదు దానికదెందుకో దానికే తెలీదు దానికి నువ్వెందుకింక!! నీ నియమాలకు నువ్వొద్దు నీ ప్రశ్నలకు నువ్వొద్దు నీక్కావాల్సిన వేటికీ నువ్వొద్దు అవి నీక్కావలంతే!! ఒప్పుకోవా? మంచిది నీ ఒప్పుకోలు కూడా దేనికీ అక్కర్లా నిన్నొప్పుకోలేదన్నఏడుపు లేకుంటే చాలు నిన్ను నువ్వొప్పేస్కున్నట్టే!!___(11/5/14)

by Chi Chi



from kavi sangamam*కవి సంగమం*(Poetry ) http://ift.tt/1kWhNRc

Posted by Katta