Abd Wahed కవిత

సాంప్రదాయికంగా గజల్ కు ఉన్న ’’ప్రేయసితో సంభాషణ‘‘ అన్నఅర్ధానికి అనుగుణంగా ఒకే రదీఫ్ ఖాఫియాలతో వీలయినన్ని షేర్లను, ఒక సుదీర్ఘ గజల్ గా తెలుగులో రాస్తే... ఈ ప్రయోగం ఎలా ఉందో పాఠకులే చెప్పాలి. ఐదవ విడత ఐదు షేర్లను ఇప్పుడు పోస్టు చేస్తున్నాను. ఇప్పటికి ఇరవై షేర్లు అయ్యాయి. పదహారవ షేర్గా రాసిన రెండో మత్లాను మళ్ళీ పోస్టు చేస్తున్నాను. మత్లాతో కలిపి చదివితేనే గజల్ అందం. గజల్లో ప్రతి షేర్ దానికదే స్వతంత్రంగా ఉంటుంది, కాబట్టి ఇలా ఒక యాభై లేదా వంద వరకు షేర్లు రాయాలన్నది ఆలోచన. ఈ ప్రయత్నం ఎలా ఉందో చెప్పడం మరిచిపోవద్దు.. ప్రతిమాట తేటతెనుగు తీయదనము లాగున్నది ప్రతి శ్వాస సన్నజాజి పూలవనము లాగున్నది తాకినంత పులకరించె తోటలోని పూలన్నీ పూల చెండు లాంటి చేతి లాలిత్యము లాగున్నది మెరుపుతీగ భుజాలపై వాలుతున్న నీలికురులు పూలసజ్జపై తుమ్మెద ఝుంకారము లాగున్నది కనుపాపల తెరలపైన వాలుతున్న నగుమోమూ కనుచూపే గీసుకున్న దియ చిత్రము లాగున్నది నాజూగ్గా పెదవి విరుపు, కవ్వించే కంటినవ్వు ఎడారిలో ఒయాసిస్సు పలకరింపు లాగున్నది కలువరేకు పాదాలను చూపులతో ముద్దాడితె కావ్యకన్య చరణాలకు నమస్సుమము లాగున్నది

by Abd Wahed



from kavi sangamam*కవి సంగమం*(Poetry ) http://ift.tt/1iKZcrQ

Posted by Katta

Srinivas Reddy Paaruvella కవిత

నిరీక్షణ || పారువెల్ల వాకిట్లో ఎదురుచూపులు పరచబడివున్నా నోట్లోనే నాలుక ముడుచుకొని పడుకోవచ్చు మాట్లాడేందుకు ఇంకేదీ మిగలక పోవచ్చు ప్రాణం పోస్తున్న గాయాలను పదే పదే పలకరిస్తున్న కన్నీళ్లను దగ్గరగా మరింత దగ్గరగా కౌగిలించుకున్నాక రెండు గుండెల నడుమ చోటు దొరకక ఖాళీతనం కాసేపు దిగులుపడుతుంది జ్ఞాపకాలను ఆరేసుకున్న దండెం మౌనాన్ని విడిచి అమృతం కురిపిస్తుంది. దాచుకునవన్నీ చెరిసగం పంచుకోవడం పంచుకున్నవన్నీ పదిలంగా దాచుకోవడం వేయి కన్నుల నిరీక్షణకు వేదమవుతుంది 29-03-2014

by Srinivas Reddy Paaruvella



from kavi sangamam*కవి సంగమం*(Poetry ) http://ift.tt/1hl3RAX

Posted by Katta

కాశి రాజు కవిత

ఈ మధ్య కొప్పర్తి రమణ మూర్తి గారి పుస్తకం "యాభై ఏళ్ల వాన "విడులయింది. చదవాల్సిన కవిత్వం మీకు వీలయితే చదవండి .....

by కాశి రాజు



from kavi sangamam*కవి సంగమం*(Poetry ) http://ift.tt/1hl3OoW

Posted by Katta

Naveen Kumar Gadari కవిత

|| నా చిన్నప్పుడు - 1 || నవీన్ కుమార్ గాదరి || తేది : 29-మార్చి- 2014 1) నేను చిన్నగున్నప్పుడు అరికట్నం కట్టుకొని పొద్దుగాల నాలుగ్గంటలకే లేశి నరేష్ గాన్ని, దస్తగిరి గాన్ని, ఎడ్డి రాజు గాన్నీ లేపుకొచ్చి సాయిలు మామ బర్రె కాడి గడ్డాం (గడ్డి వాము) ల నుంచి గింత గడ్డి గుంజుకచ్చి, ఆ పుల్ల ఈపుల్లా పోగేసి, పొగేసి, మంటపెట్టుకొని సలి కాగుకుంట తెల్లారెదాక కూసునేది..!! 2) తెల్లారగట్ల ఆరుగంట్లకు దస్తగిరిగాడు పటేండ్లిల్లకు పాలు తేనీకి పోయేటోడు వాడు పోంగనే, వాని పోరి గురించో లేక వాని పొలం గురించో మాట్లాడుకునేది...!! 3) ఏడుగంట్లకల్లా మంట కాంచి లేశి ఎడ్డి రాజు గానొల్ల యాప చెట్టెక్కి పండ్ల పుల్లలు ఇరుసుకొనేది పది గంట్ల దాకా పండ్లు తోముకొనేది ఎవని పుల్ల ఎక్కువ అరిగితే వాడు గొప్ప..!! 4) అట్ల పండ్లు తోముకుంట మా ఊరి రాం శెర్వుకో లేక చెరువు పక్కనే ఉన్న కర్ణాల బాయిలకో ఈతకు బోయేది నాకు ఈత రాదంటే, నేను నేర్పిస్తానని నరేష్ గాడు నన్నెత్తుకొని కండల వీరునిలా ఫోజిస్తూ బాయిలకు దుమికేటోడు..!! అప్పుడు మాకు ఆ కర్ణాల బాయే ఓ 'బాత్ టబ్ ' ఆ బాయి పక్కనే ఉన్న పొలాలల్లున్న బంకమన్నే మాకు 'డవ్ సోపు '...!! 5) అక్కన్నుంచి సక్కగ గౌండ్ల శీనన్న దగ్గరికి పోయి సల్లగ రొండు బుడ్ల తాటి కల్లు తాగి నాలుగు తాటి ముంజలు తిని సక్కగ ఇంటి బాట పట్టేది..!! 6) ఒస్తొస్త నారాయణ రెడ్డి పటేల్ మామిడి తోట్ల పడి మా చేతికందిన మామిడి కాయలు తెంపుకొని ఎవలు సూడక ముందే దబ్బదబ్బ ఉరుక్కుంటచ్చి ఊరి పొలిమేర్ల ఉన్న తాతమ్మ గుడిసెలకు పోయి ఆ కాయలు కోసి.. ఉప్పూ, కారం తెచ్చి, వాటికి అద్దుకొని తినేది... అబ్బబ్బ.. ఆ రుచే వేరు..!! ఖతం.. మా బ్రేక్ ఫాస్ట్ అయిపోయేది...!!!

by Naveen Kumar Gadari



from kavi sangamam*కవి సంగమం*(Poetry ) http://ift.tt/1f4sbX7

Posted by Katta

Chand Usman కవిత

చాంద్ || బోర్లించిన పాత్ర || నువ్వు బోర్లించిన ఈ పాత్ర లోపల ఏముందో అని ఎప్పుడైనా నా గుండెలపై చెవి ఆన్చి వినాలనుకున్నావా..? నాలోపల ఏమీలేదని నీకు ఏమీ దొరకదని ఖాళీ చేసి వెళ్లిపోయావ్ నా శూన్యం ఒక సంద్రం నువ్వు వినగలిగితే దాని ఘోషలో నువ్వు నీకు తప్పక వినబడతావ్ నువ్వు ఓపికగా వెతుకగలిగితే అట్టడుగున దాచుకున్నవన్నీ నీవేగా నువ్వు కలవని తీరానివైనా నిన్ను పొందాలనే ఆరాటంలో నా కెరటాలు ఎప్పుటికీ అలిసిపోవు నీకు తెలియనిది కాదు ఈ సంద్రం ఆరనిది ఎన్ని దాచినా నిండనిది ******* నన్ను బోర్లించే ముందు నా మనసును ఒక్క సారి అడిగుండాల్సింది. మీ చాంద్ || 29.03.2014 ||

by Chand Usman



from kavi sangamam*కవి సంగమం*(Poetry ) http://ift.tt/1k4dBPf

Posted by Katta

Patwardhan Mv కవిత

సందర్భం::: మన తెలుగు ప్రశ్నపత్రాల్లో సందర్భ సహిత వ్యాఖ్యలు మనకు తెలుసు.అదే ఈ సందర్భానికి ఆలోచన ఇచ్చింది. ఇది కేవలం మంచి కవిత్వ పంక్తులను (నా దృష్టిలో) ఒక సారి మీ పార్టిసిపేషన్ ద్వారా స్మరణం చేసుకోవడం... దీనికి మొదలు అర్ధరాత్రి టీవీల్లో వస్తాయే "కాల్ చేయండి" ఆ షోల తరహాలో ఓ పదిహేను నిమిషాల వ్యవధిలో అనుకున్నా....నా అంచనా ఏమంటే-అందరమూ కవులమూ,సాహిత్యాభిమానులమే కాబట్టి చాలా ఎక్కువ ఆన్సర్లు వస్తాయనుకున్నా.కానీ ఎక్కడో కనెక్ట్ కాలేదు.సందర్భం రాయడం నాకు ఎక్కువ తెలుసనీకాదు.అడిగేవాడికి అన్నసామెత ఇక్కడ వర్తించదు.నేనూ సేకరించి పెడుతున్నవే. ఏదో కొంచెం వెరైటీగా ఉంటుందని అనుకున్నా! దీన్ని టేక్ అప్ చేయడంలో ఒక సమస్యా ఉంది.మీ నుంచి సమాధానాలు రాని పక్షంలో నాకు ఇక బయటపడే మార్గం ఉండదు.కాబట్టి సందర్భం బాగుంది అనుకున్న ప్రతి ఒక్కరికీ పేరు పేరునా విజ్ఞప్తి.సమాధానం తప్పో,ఒప్పో ఏదో ఒకటి రాయండి. అలాగే సందర్భం మీద మీ విలువైన సూచనలూ,సలహాలూ నిర్మొహమాటంగా రాయండి.దీని కంటిన్యూయేషన్ మీ స్పందనను బట్టే ఉంటుంది.నా ఈ మేయిలును కూడా ఇస్తున్నాను-కవిసంగమం అధికార నినాదం అందరికీ తెలుసు కదా! జయహో కవిత్వం. 29-03-2014,మంచిర్యాల్.

by Patwardhan Mv



from kavi sangamam*కవి సంగమం*(Poetry ) http://ift.tt/1iKvgMr

Posted by Katta

RajendraKumar Devarapalli కవిత

by RajendraKumar Devarapalli



from kavi sangamam*కవి సంగమం*(Poetry ) http://ift.tt/1hkDprf

Posted by Katta

Sistla Madhavi కవిత

from my daughter's pen MISSING SCHOOL 29-03-14. let us get to our school days lovely school days with happy mornings enjoyable afternoons clumpsy middays friendly evenings and gossiping nights missing our school is a very sorrow feel but to know about school it took 10 yrs missing our doorways missing our joy ways missing our greeting gates missing our classmates missing our teachers missing their nature missing the kinder garden missing the school garden missing the funny jokes of teachers missing the shyfull moments on stage missing the chiit chat gossip loitering in the corridors missing the feel of a ROSARIAN? but now I feel I am in rosary in a que near the canteen.

by Sistla Madhavi



from kavi sangamam*కవి సంగమం*(Poetry ) http://ift.tt/1iKvi7d

Posted by Katta

Sita Ram కవిత

♪♫☼బుల్లి☼♫♪ నాగుండెగూటిని విడిచి పోయినా నాహృదయ కోవెలలో నీ ప్రేమజ్యోతి ఎన్ని యుగాలైనా వెలుగుతూనే ఉంటుంది. పుర్ణమి జాబిలి వెన్నెలలా నామదిలో వెలుగుని పంచిన నీవు నాస్వాశలో ప్రణయ పారిజాతమై ఎల్లప్పుడూ పరిమళిస్తూనే ఉంటావు మొదటిసారి నిన్ను కలిసిన తరుణం నీకాలి అందెల చప్పుడు నేటికీ నామదిలో మార్మోగుతూనే ఉంది నానుండి నీవు వెళ్ళిపోయినా నిన్ను కలలోనైనా చూడటానికి నాఆశలనే రెక్కలుగా చేసి నాఊపిరినే నీ నిశ్వాశలా మలిచి నీలో ఒదిగుండాలని ఉంది ప్రియతమా 29.మార్చి.2014

by Sita Ram



from kavi sangamam*కవి సంగమం*(Poetry ) http://ift.tt/1iKvi73

Posted by Katta

Shamshad Mohammed కవిత

ఉగాది గడచిన ఉగాదుల స్వాగతాల తోరణాలన్ని జ్ఞపకాల దండలో గుచ్హబడ్డాయి లాభలో నష్టాలో అప్పులో ఆదాలో ఇష్టాలో అయిష్టాలో అంతో ఇంతో ప్రతిసారిలాగే కొయిల కూస్తూ మామిడి కాస్తూ వేప పూస్తూ సవత్సర కాలంలో షడ్రుచుల పట్టికలో దేనివాటా ఎంతైనా జీవితకాలం తినాల్సిందేగా అయిన ఆశల గుమ్మానికి కొత్త తోరణాలతో అందరికి జయాలే కలగాలని జయనామ సంవత్సర ఉగాదిని స్వాగతిస్తున్నాను షంషాద్ 3/28/2014

by Shamshad Mohammed



from kavi sangamam*కవి సంగమం*(Poetry ) http://ift.tt/1jFYCPF

Posted by Katta

Kks Kiran కవిత

మీలో శాస్త్రీయ సంగీతం అంటే ఆసక్తి ఉంటే ఈ ప్రశ్నకి సమాధానం చెప్పండి? ప్రశ్న :- కీర్తనకి,కృతికి కనీసం 5 తేడాలు వివరించండి? - Kks Kiran

by Kks Kiran



from kavi sangamam*కవి సంగమం*(Poetry ) http://ift.tt/1jFYAaA

Posted by Katta

Kavi Yakoob కవిత

by Kavi Yakoob



from kavi sangamam*కవి సంగమం*(Poetry ) http://ift.tt/1o9WBx0

Posted by Katta

Kranthi Srinivasa Rao కవిత

క్రాంతి శ్రీనివాసరావు ||చెవిలో పువ్వులు || ఒకడివ్వటమేంటో మరొకడు పుచ్చుకోవడమేంటో ఎటుతిరిగి వెనుక బడ్డోడిని ఇంకా వెనకేయడమే కదా హఠాత్తుగా నిద్రలేచి కొన్ని పులివేషాలు ఆవులిస్తాఎందుకో దేశం చెవిలో పువ్వులు తురుమేటందుకే కదా వద్దంటూనే ఒకరిపై ఒకరు ఒరిగిపోవటాలేమిటో ఎదురుతిరుగుతారనుకొనే నేతలను వొరుగుల్లా వాడుకొనేటందుకే కదా జెండాలను న్యూటన్ చక్రంలో వేసి న్యూట్రలై పోవడమెందుకో కొత్త రంగుపులుముకొని ఎంగిలైపోవడానికే కదా వాడినోట్లో వీడిపేరు వీడినోట్లో వాడి పేరు స్మరించుకొంటూ ఊరేగుడేందో ఎటుతిరిగీ కొనుక్కోవడమే అయినప్పుడు కసితీర్చుకొనేందుకు మరో మార్గం లేకనే కదా

by Kranthi Srinivasa Rao



from kavi sangamam*కవి సంగమం*(Poetry ) http://ift.tt/1iJYET6

Posted by Katta

Kamal Lakshman కవిత

నువ్వంటే నాకిష్టం నీ నవ్వంటే ఇంకా ఇష్టం నీ తీయటి మాటల కోసం కమ్మటి కూని రాగాల కోసం అనుక్షణం పరితపిస్తా... అందుకోసం నిజంగా పడి చస్తా.. నువ్వు కోరినా...... ఆకాశం లోని జాబిలిని కొండమీదున్నకోతిని... పుట్టలోని పామును... బంగారు నగలను.. ఖరీదైన బంగళాను రోల్స్ రాయిస్ కారును అస్సలు తేలేను.... నువ్వు కోరకపోయినా కల్మషం లేని ప్రేమను కల్తీ లేని నవ్వులను కల కాలం కురిపిస్తా.. కడదాకా పయనిస్తా పదికాలాలు నడిచొస్తా.. కమల్

by Kamal Lakshman



from kavi sangamam*కవి సంగమం*(Poetry ) http://ift.tt/1iJYCuj

Posted by Katta

Vani Koratamaddi కవిత

//సముద్రం// నింగి నేల ఏకామవ్వాలన్నట్లు సంద్రం ఆకాశంతో స్నేహాన్ని కోరుతుంది అలల హస్తాలతో ఆత్రంగా సంద్రంపై ప్రసరిస్తూ కిరణాల వెలుగులు మేఘమై మెరవాలని ఆకర్షిస్తున్నట్లుగా హద్దులు లేని కోరికలకు నింగి అర్దం చెపుతుంది అలవికాని అలొచనలకు నేల సమాదానం చెపుతుంది అలుపెరుగని అలను చూసి కొత్తపాఠం నేర్చుకో ఓటమి ఎదురైనా మున్ముందుకు దూసుకుపో కెరటం తుడిచేస్తూ పాదాల గుర్తులు గతం మరచి నడవమని గుణపాఠం చెపుతుంది కడలి ముందు కూర్చుంటే కలత చెదిరిపోతుంది మనసు ఓదార్పుకు తరంగం తోడవుతుంది ........వాణి కొరటమద్ది 29/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1fvze7R

Posted by Katta

Sasi Bala కవిత

అద్దమా !!!౧ నా( కు ) మనసుకి ప్రతిబింబమా ----------------------------------------- అద్దం లో కనబడే రూపం వెనుక .. కనబడని వ్యధలెన్నో మాటల్లో చెప్పలేని .. మౌన భాషణలెన్నో పెదవితో చెప్పలేని భావాలను .. కంటి చూపుతో చెప్పుకుంటా... నీతోనే ఎవరికీ చెప్పుకోలేని నా హృదయ ఘోష నీకే వినిపిస్తా నాకు తెలుసు నీవేవరికీ చెప్పవు ఎందుకంటే ... నేనే నీవు గనక నీకూ నాకూ తేడా లేం లేవు కుడి ఎడమల తారుమారు తప్ప నా ప్రతి భావానికీ నీవు స్పందిస్తావు దానికి కారణం అది నీ గుండెలో నుండే వచ్చింది కనుక శశిబాల (29 march 14)

by Sasi Bala



from kavi sangamam*కవి సంగమం*(Poetry ) http://ift.tt/1gAkhpk

Posted by Katta

Bhaskar Kondreddy కవిత

kb ||అల్టిమేట్|| అన్నా! నువ్వూ అంతేనా? నేనేదో కలగన్నానే, నేనేదో ఊహించానే నీ పొత్తిల్లలోని పసిబిడ్డలులాంటి ఆలోచనలు చూసి నేనేదో అనుకున్నానే, నువ్వూ,… అంతేనా అన్నా! పడితే పడ్డావు కాని, కాళ్ల ముందు బోర్లా అన్నా, వదులుకోకు ఉన్న వ్యక్తిత్వాన్ని గాయపరుచుకోకు, నీ మానసిక సౌందర్యాన్ని. మనకున్న తెంపరితనాన్ని చూసి మురుస్తున్నప్పుడు, అన్నా, నాకో ఆనందం వుండేది, ఒకే కడుపున పుట్టకపోయినా, వీడున్నాడురా, నాకు అని, మారుతున్న క్రమాన్ని చూస్తున్న తరువాత, అన్నా! దాన్ని దుఃఖమనలేను కాని. సంతోషమని మాత్రం ఖచ్చితంగా చెప్పలేను. ఎదుగుతున్న తీరుని చూసి, దాన్ని పతనమనలేను కాని, ఖచ్చితంగా అది అధిరోహించడమనలేను. సరే, మాటలదేముందని, మర్మగర్భంగా నవ్వుకోవచ్చు నీవు. సరే, రాతలదేముందిలేనని తెలివిగా బాటలేసుకోవచ్చు నీవు. ఎంతటి గాఢతలైన, పరిస్థితిలను బట్టి పల్చబరుచుకునే, ఓ పసరవేది లాంటి విద్యను వంట బట్టించుకున్న తరువాత, ఇప్పుడిక అసలైన ఆల్కెమి అర్థమైపోయిందన్నా, నీకు. అన్నా, విధానలదేముంది కాని, విలువలదేముంది కాని,. ఇంకా ఏదేదో అనుకుంటూ, మింగలేక, కక్కలేక ఓ వెర్రినవ్వుతో వెక్కిలి పుండై మిగిలాక నేను,. అన్నా,. ఇక జీవితం కూడా వుండదన్నా,. వుండదు. నీకైనా, మరి ఇక నాకైనా,. ఇద్దరమూ, ఒక్కరైన ఏవో కొన్ని క్షణాలకైనా. -------------------------------------------------29-03-2014

by Bhaskar Kondreddy



from kavi sangamam*కవి సంగమం*(Poetry ) http://ift.tt/1k1Qogx

Posted by Katta

Kapila Ramkumar కవిత

Kapila Ramkumar ||Cesar Vallejo || Black Stone on Top of a White Stone || I shall die in Paris, in a rainstorm, On a day I already remember. I shall die in Paris-- it does not bother me-- Doubtless on a Thursday, like today, in autumn. It shall be a Thursday, because today, Thursday As I put down these lines, I have set my shoulders To the evil. Never like today have I turned, And headed my whole journey to the ways where I am alone. César Vallejo is dead. They struck him, All of them, though he did nothing to them, They hit him hard with a stick and hard also With the end of a rope. Witnesses are: the Thursdays, The shoulder bones, the loneliness, the rain, and the roads... 29.3.2014 ఉ.5.21

by Kapila Ramkumar



from kavi sangamam*కవి సంగమం*(Poetry ) http://ift.tt/1o9u8rf

Posted by Katta

బ్రెయిన్ డెడ్ కవిత

నిశీధి | Alexander the dumb | అక్రోస్టిక్ పోయెమ్ రాసారో లేదా ఆక్రోశమే వెళ్ళగక్కారో కాని ప్రపంచం ని జయించిన విజేత చేతులు ఖాళీగా పరలోకం కి పయనం సాగిస్తున్నాయని సమాధి బయటకి జాపి పెట్టిన నీ రిక్త హస్తాలు ఎన్ని మార్లు ఎంత మందిని హెచ్చరించినా సికంధర్ .. మా చేతులు ప్రపంచాన్నే చుట్టేసేందుకు ఉవ్విల్లూరుతూనే ఉంటాయి ఎప్పటికి . కోరికే కూడదన్న తీరని కోరికతో కళ్ళు మూసిన సిద్ధార్ధుడు టెన్నిసన్ యులిసిస్ లో బ్లాంక్ వెర్స్ గా మిగిలిపోతే బ్లాక్ మనీ తో సిద్దయోగం మాకు భావప్రాప్తిని ఇస్తుంది శ్వాసల్లో మోహావేశం గ్రీష్మాన్ని సైతం కాలుస్తుంటే కామపు యాగవాటికలలో కాలిన బూడిద తో మాకు శివోహం సిద్ధిస్తుంది . బచ్ కే రహెనా హమ్ సే ఇహం పరం అంతా “జింతాత “ సమాసాలలో కిర్రెత్తి పోయి జాంబీ వేషంలో వెర్రి అరుపులు అరుస్తుంటే మా రక్తం నీరైపోయిందేమో నిర్ఘాంతపోతున్నావా పిచ్చి సికంధర్ ... శవాలకి రక్తం రంగు తో హోలీ లే తప్ప ఉరకలెత్తే వేడిరగతం ఎక్కడుంటుందయ్యా ? లక్ష చావుల నుండి లక్షల విలువయిన ఆలోచన ఒక్క దాన్ని ఒడిసిపట్టుకుందాం అనుకున్నా బ్రతుకు నుండి పారిపోయి మాది అనుకున్న శరీరంలో మక్కువ గా బ్రతికేసే బలహీన జీవులని క్షమించేసి నీదైన సమాధిలో ప్రశాంతంగా చుక్కలు లెక్కబెడుతూ నిదురపో . నిశీ !!! 29 – 03 – 14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1f1mLMy

Posted by Katta

DrAcharya Phaneendra కవిత

by DrAcharya Phaneendra



from kavi sangamam*కవి సంగమం*(Poetry ) http://ift.tt/1g86kdw

Posted by Katta