పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Vani Koratamaddi లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Vani Koratamaddi లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

7, జూన్ 2014, శనివారం

Vani Koratamaddi కవిత

//అలజడి// నీ ఊపిరి ఆగిపోయిన క్షణం ఉక్కిరి బిక్కిరి అయి చలనం కోల్పోయి మనసంతా అలజడి చీకటి కమ్మేసి నట్లు మదిలో భుప్రకంపనలే నిజం నిజం కాదని ఘోష పెల్లుబికి సునామీనే అయ్యింది కెరటాల్లా కన్నీళ్ళు ఎగసి పడ్డాయి గాయం ఎండుతున్నా మచ్చ ఇంకా మెరుస్తూనే వుంది జ్ఞాపకంగా మెలిపెడుతూనే వుంది కంటిలో చెలమలు నేటికీ నిండుగానే వున్నాయి ఒక్కోసారి ఊట ఎక్కువై పొంగి పోతూ వుంటాయి ప్రకృతితో సంబందంలేని కన్నీటి వర్షానికి రుతువులతో పనేముంది మానిపోని పుండుపై గాట్లు పెట్టేవాళ్ళు వుంటే సరి సహనం నశిoచి కన్నులు సముద్రాలే అవుతాయి అంతారాల్లో అలజడి రేగి అతివృష్టిగా మారి పోతుంది . .....వాణి కొరటమద్ది 7 june 2014

by Vani Koratamaddi



from kavi sangamam*కవి సంగమం*(Poetry ) http://ift.tt/TqFKbP

Posted by Katta

11, మే 2014, ఆదివారం

Vani Koratamaddi కవిత

/ఓదార్పు// మనసుకు ఓదార్పు దొరకనపుడు కన్నీటిని వర్షిస్తూ బాద దిగమింగుతూ నాకు నేనే ఓదార్పు నయ్యాను కన్నీటినే అక్షరాలుగ మలిచి బాధనే భావంగా మారుస్తూ పదాలను ప్రోది చేస్తూ.. కవితా ప్రపంచంలోనికి అడుగులు వేసాను అక్షరాలకు గుర్తింపు నామనసుకు ఓదర్పు నిచ్చే మరో ప్రపంచానికి చేరువచేసింది ఆత్మ బందువైయ్యింది మదిలోని బాదలన్ని పదాలుగా పేరుస్తూ అక్షరాలు నామనసుకు ఓదార్పుగా.. కన్నీటి తుడిచేటి ఆత్మీయ నేస్తాలుగా...!! ...........వాణి కొరటమద్ది 11 may 2014

by Vani Koratamaddi



from kavi sangamam*కవి సంగమం*(Poetry ) http://ift.tt/1liyKXG

Posted by Katta

7, మే 2014, బుధవారం

Vani Koratamaddi కవిత

//పిచ్చుక// మరుగైపోతూ మా మంచి పిచ్చుక అరుదైన జాతిగా మిగిలి పోతావా సాంకేతికత నీ పాలిట శాపమయ్యిందా ఆధునికత పుణ్యమా అని అంతరించిపోతావా చిన్ననాటి మా ఆప్తనేస్తం నీ కిచ కిచలు మాకింక వినిపించలేవా అద్దంపై ముక్కుతో గుచ్చిన చుక్కలు చెరిగిపోనీ గుర్తులుగా మిగిలాయి నాడు పిచ్చుకపై బ్రహ్మస్త్రం అనేవారు నేడు నీపై మానవాస్త్రం సంధించినారు సెల్ టవర్లు నీపాలిట మ్రుత్యుకుహరాలు నీ జాతి అంతానికి అయినాయి మార్గాలు తల్లి బందం అంటె పిల్లలకే చూపినావు ఆహారం తినిపించిన చర్యలే సాక్ష్యంగా విశ్వాసానికి చిహ్నంమైన పిచ్చుక అమాయకత్వానికి నిదర్శనం శతాబ్దాలుగా చేసిన సహజీవనం మిగిలి పోనుందా మాకు జ్ఞాపకంగా అంతరించిపోకుండా కాపాడుకుందాం ప్రయత్నం చేద్దాం అందరం అవసరంగా (మేమూ పెంచుకుంటున్నాం మా బాల్కనీలో ఓ పిచ్చుకల జంటని) .....వాణి కొరటమద్ది , 7 may 2014

by Vani Koratamaddi



from kavi sangamam*కవి సంగమం*(Poetry ) http://ift.tt/1o5L6Ga

Posted by Katta

1, మే 2014, గురువారం

Vani Koratamaddi కవిత

//నీ రూపం...// పెదవి దాటని మాటలకు మౌనమే సాక్షమ్ములే మనసులోని భావమంతా పదములుగ ప్రకటింతులే ఆగిపోని ఆలోచనంతా గడిచిపోయిన జ్ఞాపకములే కనుమరుగైన రూపానికి కనిపించదు నా కన్నీరులే జరిగిపోయిన కాలమంతా తిరిగిరాని స్వప్నమే ఆశపడిన జీవితం అందని అదృష్టమే.. మిగిలిపోయిన జీవితం నీ గురుతుల నీడలే మనసు అంతా పరచుకున్న మమత నిండిన నీ రూపమే మరలి రాని అదృష్టమే.. ....వాణి కొరటమద్ది 1/5/2014

by Vani Koratamaddi



from kavi sangamam*కవి సంగమం*(Poetry ) http://ift.tt/PSICvH

Posted by Katta

29, ఏప్రిల్ 2014, మంగళవారం

Vani Koratamaddi కవిత

/// అవని/// మట్టితోనె జరిగెను మానవుని సృజన భౌతిక అవసరాలు సమస్తం భూవుత్పత్తులపైనే కొండలు కోనలేకాదు సప్తసముద్రాలను మొయు చున్నావు భూమి తల్లీ మాయమైనాయి ఆహ్లాదపరచిన పిల్లతెమ్మెరలు ఆయువును హరిస్తూ వాయుకాలుష్యమై కర్మాగార వ్యర్దాలు కలుషితము చేస్తూ నదీనదాలను కారణమవుతున్నాయి అనారోగ్యాలకు హరించిపోతూ అడవులు సైతం కంటతడి పెట్టిస్తూ జంతుజాతులను చినుకులేక మేఘాలు మౌనాన్నిదాల్చినాయి ఎడారులైనాయిపంటపొలాలు అణుబాంబు ప్రయోగాలు అణువిద్యుదుత్పత్తులు ఉన్మాదుల ద్వేషాలు మారణహోమాలు జాతి వినాశనానికే దారితీస్తాయి తీరాలు ముంచెత్తి సముద్రాలు మత్యకారుల బ్రతుకు విలువ కోల్పోయె హరిత సుందరమైన అవని తల్లి కన్నీరు పెడుతోంది కళను కోల్పోయి అవని అనగానె ఒడలు పులకరించును కదా భూమాత అందరికి తల్లియే కాదా...!! అందరము పూనుకుందాము అవని అందాన్ని కాపాడుకుందాము!! .....వాణి కొరటమద్ది 29/4/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1rBjbuU

Posted by Katta

25, ఏప్రిల్ 2014, శుక్రవారం

Vani Koratamaddi కవిత

//మానవ సంబందాలన్ని అవసరాలే// తల్లి గర్భం నుండి బయట పడ్డాక మనిషి జీవ యాత్ర మొదలు బాల్యంలో తల్లి తండ్రులు యవ్వనంలో భాగస్వామి సాహచర్యం వృద్దాప్యంలో కన్నబిడ్డల సంరక్షణలోజీవితం మానవ జీవితం జీవనదీ ప్రవాహం సూర్యోదయం సూర్యాస్తమయం నిర్ణయిస్తాయిజీవితాలకి ఆద్యాంతాలు ధర్మబద్దమైన జివితగమనం మానవ జీవిత లక్ష్యం జీవించేది కొద్ది కాలం చేద్దాం మంచిని పెంచే ప్రయత్నం మనిషి జీవితం సుఖదు:ఖాల సమ్మేళనం పదుగురికి ఆదర్శంగా నిలిచినపుడె మానవ జన్మ సార్ధకం జీవితమనే మూడక్షరాలు విభిన్న రుచుల మేళవింపు మనిషి మనిషి కి మద్య బందం మానవత్వ ఆత్మీయ బందం ఒకరికొకరు తోడుగా నిలుస్తూ కస్టసుఖాలు పంచుకుంటూ కల్మషాలు దూరం చేస్తూ అపురూపమైనది స్నేహ బందం అందరూ ఒక్కరి కోసం అంటూ ఒక్కరూ అందరి కోసం అనుకుంటూ మానవీయ సంబందాల స్దాపనకై చేద్దాం కృషి .....వాణి కొరటమద్ది 25 april 2014

by Vani Koratamaddi



from kavi sangamam*కవి సంగమం*(Poetry ) http://ift.tt/1ijUhdS

Posted by Katta

21, ఏప్రిల్ 2014, సోమవారం

Vani Koratamaddi కవిత

//నగర జీవితం// కనిపించే ఆకాస హర్మాలు కనిపించని ప్రకృతి అందాలు ఆస్వాదించలేని సహజ వాతావరణం కలుషితమైన జీవన విధానం నాలుగు గోడలమద్యే జీవనం కుత్రిమ వెలుగులే అధారం మానవుల అతి ఆలోచనలే ప్రకృతి ఆగ్రహాలు దోచుకోబడుతున్న ప్రకృతి సంపదలు దాడులు ఎదుర్కొంటున్న సామాన్యులు భద్రత కరువైన జీవితాలు భయం నీడలో బ్రతుకులు మృగాళ్ళుగా మారుతున్న మగవాళ్ళు అమ్మాయిలపై అకృత్యాలు ముళ్ళబాటలా నగర జీవితం మరుగైపోయిన మానవత్వం ......వాణి కొరటమద్ది 21/4/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1eUfaBp

Posted by Katta

20, ఏప్రిల్ 2014, ఆదివారం

Vani Koratamaddi కవిత

//కన్నిటి జీవనం...!// అంకురమైన నీ రూపం అంతులేని అనందం మరునిమిషం నుండే తడిమిచూసుకునే తరుణం కోసం తలపించా.. పసిబిడ్డగా స్పర్శించి పరవసించిపోయా అనుక్షణం అతి జాగ్రత్తగా గాజుబొమ్మలా... ఎదుగుదలకి తపస్సే చేశా,, ప్రయత్నాలు విఫలించి. విధి వెక్కిరించి వ్యధకు గురి చేసి నీ స్పర్శనే దూరంచేసి కన్నిటి సంద్రంలో పడవేచి నిజమైన నీ రూపం.. నిజం కాని మా స్వప్నం విధి వెక్కిరించిన వైనం.. అనంతలోకాలకి నీ పయనం.. కొనసాగుతున్న మా కన్నిటి జీవనం...! ......వాణి కొరటమద్ది

by Vani Koratamaddi



from kavi sangamam*కవి సంగమం*(Poetry ) http://ift.tt/Pja9Gr

Posted by Katta

29, మార్చి 2014, శనివారం

Vani Koratamaddi కవిత

//సముద్రం// నింగి నేల ఏకామవ్వాలన్నట్లు సంద్రం ఆకాశంతో స్నేహాన్ని కోరుతుంది అలల హస్తాలతో ఆత్రంగా సంద్రంపై ప్రసరిస్తూ కిరణాల వెలుగులు మేఘమై మెరవాలని ఆకర్షిస్తున్నట్లుగా హద్దులు లేని కోరికలకు నింగి అర్దం చెపుతుంది అలవికాని అలొచనలకు నేల సమాదానం చెపుతుంది అలుపెరుగని అలను చూసి కొత్తపాఠం నేర్చుకో ఓటమి ఎదురైనా మున్ముందుకు దూసుకుపో కెరటం తుడిచేస్తూ పాదాల గుర్తులు గతం మరచి నడవమని గుణపాఠం చెపుతుంది కడలి ముందు కూర్చుంటే కలత చెదిరిపోతుంది మనసు ఓదార్పుకు తరంగం తోడవుతుంది ........వాణి కొరటమద్ది 29/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1fvze7R

Posted by Katta

25, మార్చి 2014, మంగళవారం

Vani Koratamaddi కవిత

//మౌనం// మౌనంగా వున్న మనసు పలుకులు కరువై నిశ్శబ్దరాగాన్ని ఆలపిస్తూ పదాలతో ప్రపంచాన్ని పలుకరిస్తుంది నిట్టూర్పుల గాలులు భరించలేక నిశిలోకి చూస్తూ మనసు తలపులు మూసుకుంటాను నయనాలు కారుస్తున్న జల్లులు చెక్కిళ్ళపై కన్నిటి సముద్రాన్ని తలపిస్తాయి మాటలు పెదాలు దాటలేక భావాలు బయటకు రాలేక.. అక్షరాలై ప్రవహిస్తుంటాయి వాణి కొరటమద్ది 25/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1ljf2gQ

Posted by Katta

21, మార్చి 2014, శుక్రవారం

Vani Koratamaddi కవిత

కృష్ణయ్య కృష్ణయ్య నిను చూసి కనులు విప్పారక వుండునా మనసులోని బాదంతా చెప్పాలని వుండదా కన్నయ్య నీ మహిమలు చూసి అచ్చెరువే పొందనా భక్తితో నీకు దండాలే పెట్టాలని వుండదా బృందావనం చూసెందుకు మనసు ఉవ్విళ్ళూరు తుందిగా నీవు నడయాడిన ప్రదేశాన్ని స్పృసించాలని వుండదా మాధవుని మురళీ గానం రంజిల్లు తుందిగా తన్మయత్వంతో మనసంతా తుళ్ళి పడుతుందిగా కృష్ణా కృష్ణా అంటూ నీ నామమే నిండుగా మనసంతా భక్తిమునిగె నీ మీదే మెండుగా మధురలో అడుగులేసి మైమరచాలని వుందిగా మార్గమే చూపించు నీ చెంత చేరగా వాణి కొరటమద్ది 21/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1lV4u4P

Posted by Katta

20, మార్చి 2014, గురువారం

Vani Koratamaddi కవిత

మురిపిస్తావా... చందమామనే చుస్తుంటా.. చెదిరిన చిరునవ్వులను చిలుకరిస్తుందేమోనని చుక్కలనే చుస్తుంటా.. మిణుకు మిణుకున తారల్లో మెరుస్తున్నావేమోనని మనసంతా నీకోసమే .... మరో ప్రపంచంలో కనిపిస్తావేమోనని తినిపించా గోరు ముద్దలు చందమామని చూపిస్తూ.... కల్పించిన కధలు చెప్పి జోలపాడి మైమరిచా... అమ్మగా లాలించి గుండెలపై నిదురపుచ్చిన రోజులే జ్ఞాపకం మధురస్మ్రుతులు గుర్తొస్తే మరల నీకోసం నేనలా.. తపించి తలపించాలని వొస్తావా మళ్ళీ.. మురిపిస్తావా... వాణి కొరటమద్ది 20/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1g4tiqr

Posted by Katta

Vani Koratamaddi కవిత

మరో రూపంలో ...... వికసించవు రాలిన మొగ్గలు చిగురించవు ఎండిన కొమ్మలు అతకలేదు పగిలిన అద్దం వెతకలేము కన్నీటిని నదిలో తిరిగిరాదు పోయిన ప్రాణం తరిగిపోదు నాలో దు:ఖం అడుగులు ఆలస్యంగా వేశావు ఆత్రంగా జీవితాన్ని ముగించేశావు నీ స్పర్స దూరం అవడం నిజం మనసంతా నీవన్నది వాస్తవం నిజాయితీ నిబద్దత కలిగిన నీ భావాలు అవినీతీ స్వార్దం మద్యన సర్దుబాటు కాలేవు మదిలో నీ రూపు చెరిగిపోదెప్పటికీ మరో రూపంలో వస్తావు ముమ్మాటికీ వాణి కొరటమద్ది 20/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1gJoerc

Posted by Katta

16, మార్చి 2014, ఆదివారం

Vani Koratamaddi కవిత

స్వప్నం జ్ఞాపకాల బాష్పాలు అక్షరాలై వర్షిస్తాయి మనసుకైన గాయాలు గేయాలై మిగిలాయి ఒడిపోయిన కన్నీటి కధకు సాక్ష్యాలై నిలిచాయి స్వప్నంలో నీరూపం సాక్ష్యాత్కరిస్తుంది సరదాగామాట్లాడి సంగతులెన్నో చెపుతుంది నమ్మలేకపోతాను నీవులేని నిజాన్ని తెల్లార కుండావుంటే బావుండను కుంటాను భళ్ళుతెల్లారేసరికి గుండెగుభేలు మన్నది గతం నన్ను వెక్కిరించిది గాయం గుర్తు చేసింది తలగడపై తడి గుర్తులు కన్నీటికి ఋజువులుగా మిగిలివున్నా నేను.... బాష్పాలు రచిస్తూ..... వాణికొరటమద్ది 16/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/NkdZ10

Posted by Katta

13, మార్చి 2014, గురువారం

Vani Koratamaddi కవిత

గ్రీష్మం క్రొత్త సంవత్సరానికి ఆహ్వనం పలికి రాశిఫలాలు తెలుసుకుంటూ వెలుగురేఖలు వెల్లి విరియాలని ఆశ పడతారు కాలపురుషుని కదలికలతో ఋతువుమారి ప్రక్రుతిమాత ఒడిలోకి గ్రీష్మం కోయిల కుహుకుహు గానంతో చిగురాకుల చిరు సవ్వడితొ గ్రీష్మానికి అహ్వనం పలికాయి మల్లెలు గుబాళింపులు పలుకరిస్తూ మధుర ఊహలు మోసుకొస్తాయి మామిడిపండ్ల కమ్మదనాలు ఆవకాయ,మాగాయ పచ్చళ్ళతో హదావిడి ఎండవేడిమి తాళలేక పుచ్చపండ్లూ,తాటి ముంజలను ఆశ్రయిస్తూ తడి ఆరిపోయే గొంతులు కొబ్బరి నీళ్ళు పండ్లరసాలు పుచ్చుకుంటూసేద తీరుతాయి చిన్నారులకు వేసవి సెలవుల ఉత్సాహంఆటపాటలతో అల్లరి చేస్తూ తాత బామ్మల తో ముచ్చటిస్తూ విహారయాత్రకు ఉరకలు వేస్తారు దినకరుని ప్రచండతేజం ప్రతాపంతో బీడుబారిన పంటపొలాలు ఏడారులని తలపిస్తాయి ఎండిపోయిన నేల తల్లి నీటికోసం తల్లడిల్లి నోళ్ళు తెరిచి తడిసిపోవాలని తపిస్తుంది ఆకురాలిన చెట్లకొమ్మలు చిగురించాలని చినుకుకోసం ఎదురుచూస్తాయీ vani koratamaddi 12/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1oOtqe4

Posted by Katta

10, మార్చి 2014, సోమవారం

Vani Koratamaddi కవిత

స్వప్నం జ్ఞాపకాల బాష్పాలు అక్షరాలై వర్షిస్తాయి మనసుకైన గాయాలు గేయాలై మిగిలాయి ఒడిపోయిన కన్నీటి కధకు సాక్ష్యాలై నిలిచాయి స్వప్నంలో నీరూపం సాక్ష్యాత్కరిస్తుంది సరదాగామాట్లాడి సంగతులెన్నో చెపుతుంది నమ్మలేకపోతాను నీవులేని నిజాన్ని తెల్లార కుండావుంటే బావుండను కుంటాను భళ్ళుతెల్లారేసరికి గుండెగుభేలు మన్నది గతం నన్ను వెక్కిరించిది గాయం గుర్తు చేసింది తలగడపై తడి గుర్తులు కన్నీటికి ఋజువులుగా మిగిలివున్నా నేను.... బాష్పాలు రచిస్తూ..... వాణికొరటమద్ది 10/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1fiLnvW

Posted by Katta

7, మార్చి 2014, శుక్రవారం

Vani Koratamaddi కవిత

ఆడపిల్ల నీవు లేక మనుగడే లేదు అంకురంగానే నిన్ను అణిచి వేస్తుంటారు నీవు వోచ్చెదారుల్ని మూసెస్తు వున్నారు గాయం చేసే వాళ్ళూ గాయాలు మానిచే వాళ్ళూ రక రకాల మనుషులు రంగులు మార్చే వాళ్ళు బందాన్ని చూడక బరితెగించేవాళ్ళుంటారు నీ సహనానికే శిక్ష వేసెస్తు వుంటారు అవకాశం.ఇచ్చావా అదను చూసి ఆవహించేస్తారు మెచ్చుకోలు నెపంతో గుచ్చుతూ వుంటారు వయసుతేడాలేదు వావి వరసా లేదు ఆడపిల్లైతే చాలు ఆశ పదుతుంటారు నీ అసలు రూపం మరచి ఆదమరచి వున్నారు హద్దుదాటే వారి అంతు చూడమ్మ నీలోని పులిని చంపెయ్యబాకు అవసరాన్ని బట్టి అవతారం మార్చుకో చదువుకోవాలి నువ్వు చరిత్ర తెలసుకోవాలి మనుష్యుల తత్వాలు చూసి మసలుకోవాలి వెళ్ళే దారుల్ని పరికించి వెళుతుండు దుష్టశక్తులకు నువ్వు దూరంగ వుంటుండు ఎదైతెనేం సుమా నిన్ను నీవు మలచుకో ఆడపిల్లను లే అని అణిగిమణిగి వుండకు మహిళా దినొత్సవం సందర్బంగా. వాణి కొరటమద్ది 7/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1jZaaKI

Posted by Katta

6, మార్చి 2014, గురువారం

Vani Koratamaddi కవిత

మనోగతం..... మాసిపోదు మనోగతం మది చేరదు ఆశాకిరణం చెరిగిపోని చేదు నిజం చేరువవదు చిరు దీపం జ్ఞాపకాల నిట్టూర్పులు మదిదాటని భావాలు ఆరిపోని ధు:ఖాలు ఆగిపోని బాష్పాలు మరువలేని అనుభవాలు మరలిరాని ఆశలు పెదవిదాటని మాటలు కనుమరుగైన బాటలు స్వర్గంలో నువ్వు శోకంలో నేను స్వప్నంలో నువ్వు శూన్యంలో నేను అమరమై నువ్వు అవనిలో నేను స్పర్స లేక నువ్వు స్మరిస్తూ నేను నీ రూపం నిజం.... నీవన్నది అమరం.. అంకురమే... అంతిమమై...! వాణి కొరటమద్ది 6/3/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1mXdXwJ

Posted by Katta

26, ఫిబ్రవరి 2014, బుధవారం

Vani Koratamaddi కవిత

మా తండ్రిగారి కవితలని ఆదరిస్తున్న మిత్రులకి దన్యవాదాలు గుప్తంగా వుండిపొయిన నాన్నగారి ప్రతిభను నలుగురికి తెలియజేసే ప్రయత్నం చేస్తున్నాను రచన. క్రీ.శే.కొరటమద్ది నరసింహయ్య గారు, దీపావళి అమావాస్య నుద్దేశించి వ్రాయ బడింది. అమావాస్య నవ్వింది అమవస నిశిలో లెక్కలేని చుక్కల రాశిలో మృగ్యమైన శశికళ కోసం నా కన్నులు కలియ జూచినై నా ఎదను కలచివేచినై రాని రేనికోసం కలువరాణి పరితపించింది తీయని బాధతో తీరని బాధలతో సొమ్మసిల్లి పోయింది అంతా అంధకారబంధురం మర్మం తెలియని ప్రగాఢతిమిరం కలువల వెతతో నిండిన కజ్జల సంద్రం అంతు తెలియని విధాతృకృత్యం ఈ అందాల శరత్తులో జగత్తును ముంచెత్తిన ఈ తిమిరం ఏమిటి? దీని మర్మం ఏమిటి? ఆలోచన సాగలేదు, అంతుదొరకలేదు, అనుమానం తీర లేదు, అల్లంత దూరాన ఒక దీపకళిక మిణుకు మిణుకు మన్నది ఆకాశాన ఒక మెరుపు తునక తళుకు మన్నది నా ఆలోచనలకు అడ్డుకట్ట వేసింది ఒక దీపం దీపావళియై ఒక మెరుపు తటిల్లతమై నిశియంతా నిండిపోయినై వెలుగుల పాలవెల్లిలో ఆకశమంతా నిండి వైచినై విరహిణియే కలువ బాల భ్రమసి పోయింది దాని శరజోత్స్న అనుకున్నది రేకు విచ్చి చూచింది నిజం తెలిసి నవ్వింది ఈనవ్వుల వెన్నెలలో అమవసనిశి నిండింది అమావాస్య నవ్వింది విరోధికృత దీపావళి. 26/2/2014.

by Vani Koratamaddi



from kavi sangamam*కవి సంగమం*(Poetry ) http://ift.tt/1fppt9X

Posted by Katta

24, ఫిబ్రవరి 2014, సోమవారం

Vani Koratamaddi కవిత

మా నాన్న గారు క్రీ.శే. శ్రీ కొరటమద్ది.నరసిం హయ్య గారు రచించిన మరో కవిత ఇది నాన్న గారు కె,యన్.కౌండిన్య అనే కలం పేరుతో కధలు కవితలు రాస్తూ వుండే వారు అప్పట్లొ అవి పెద్దగా ప్రచురణకి నోచుకోలేదు కవి మిత్రులకి పరిచయం చెయ్యాలనే ప్రయత్నం చేశాను . 5/5/1969 రచన. క్రీ.శే శ్రీ.కొరటమద్ది నరసిం హయ్య గారు. "జై భారత్" తెలంగాణా వీరుల్లరా సమైక్యాంద్ర సోదరులారా మనమంతా తెలుగు సోదరులం మనమంతా తెలుగు తల్లి అనుంగు బిడ్డలం తెలుగునాటి ప్రగతి యొధులం అమరజీవి త్యాగనిరతి ఆంద్రకేసరి రాజనీతి మాడపాటి ధీయుక్తి బూర్గుల స్నేహనిరతి కరడు కట్టిన తెలుగుజాతి మనది పీడకలలు మరచుదాం ప్రగతి పదానికి మరలుదాం తెలుగు ప్రజలకు అండదండగ నిలుద్దాం వెలుగుబాట చూపుదాం నవయువకుల్లారా భావియొధుల్లారా లేవండి,నడుంకట్టి ముందుకు నడవండి రాయలసీమలో రత్నాలు వెతుకుదాం సాగరసీమను సస్యశ్యామలం చేద్దాం తెలంగాణాను తేనె మాగాణి చేద్దాం తెలుగు సోదరులారా మనకెందుకీ వైవిద్యం మనకెందుకీ వైరుడ్యం మనమంతా ఒక్కటే భారతీయులం కలసికట్టుగ నదుంకట్టి లాగుదాం ప్రగతిరధం జై అంద్ర ,జై తెలంగణా నినదమ్ములు మానుదాం "జై భారత్" అని ఎలుగెత్తి జాతీయతను చాటుదాం 24/2/2014

by Vani Koratamaddi



from kavi sangamam*కవి సంగమం*(Poetry ) http://ift.tt/1fhfdAK

Posted by Katta