Gubbala Srinivas కవిత

గుబ్బల శ్రీనివాస్ ________తడి చూడని మది భావనలు తెగిన ఆనకట్టలై మది గదుల గుండా ప్రవహిస్తున్నా తడి స్పర్శను స్పృశించుకోలేని మది అది . ఒక్కొక్క శబ్ధమూ ఆ గోడల చెవులను తాకి నిర్జీవంగా నేల రాలిపోతుంటాయి మరుజన్మ పుట్టుకులను తమతో భూస్థాపితం చేసుకుంటూ. రాగమూ ,బంధమూ ,అనుబంధమూ ఆ రాతిముందు శిలా ప్రతిమలై తమ రాతలను అవే చెక్కుకుంటాయి . రేపు రాని రోజులెన్నో ఉద్బవిస్తుంటాయి . నేటి క్షణాలకు అల్పాయుస్షును అతి బద్రంగా దాచుకుంటూ . కడలి అంతా కల్లోలం అయ్యి అయినా , మేఘమంతా నింగి జారయినా ఆ మదిని ఒక్క బిందువుతోనైనా తడపాలి ! (29-04-2014)

by Gubbala Srinivas



from kavi sangamam*కవి సంగమం*(Poetry ) http://ift.tt/PNLfyM

Posted by Katta