Nvn Chary కవిత

దృశ్య అనుభవం డా ఎన్.వి.ఎన్.చారి 21-06-2014 వామ హస్తమందు వాగేటి సెల్ఫోను హండి లొక్క చేత నదుము చుండు వాడి వెనుక వామ వలపులొలుకుచుండ ఆక్సిడెంటు నాప నబ్బ తరమె

by Nvn Chary



from kavi sangamam*కవి సంగమం*(Poetry ) http://ift.tt/1pvzTht

Posted by Katta

Satya NeelaHamsa కవిత

"దరినీరు" ========= 21-06-2014 -సత్య దరినీరూ సెలయేరు రేకలువా పరిమళము తొలిచినుకూ తుదిమినుకు నదిమలుపూ విరివిరుపూ తుమ్మెదలూ మధువనము నీరెండా గోధూళీ పసితనమూ చిరునవ్వు అనుభూతి ఆస్వాదన అబ్బురమూ ఆశ్చర్యము ప్రతిచోటా నాతోపాటే నువ్వూ నాలాగే ... చూస్తున్నట్టు వింటున్నట్టు నేనే నువ్వై స్పందిస్తున్నట్టు... నీ ఉనికిని నా పక్కనే అన్ని చోట్లా పొందుతున్నా... లోలోతున ఇంకా బాగా నాకు నేను అందుతున్నా ... :)

by Satya NeelaHamsa



from kavi sangamam*కవి సంగమం*(Poetry ) http://ift.tt/1p2kwzn

Posted by Katta

Srinivas Moni కవిత

తీరని దాహం _____________ - మోని శ్రీనివాస్ ఎవరన్నారు కవిత్వమంటే మాటలని అవును... కవిత్వమంటే కేవలం మాటలే కాదు మౌనం కూడా! సృష్టిలో... అందమైన ప్రతిదీ మౌనంలోంచే జనించినట్లు కవిత్వం కూడా మౌనంలోంచే వికసిస్తుంది! మహోన్నతంగా పరిమళిస్తుంది!! కిటికీ రెక్క తెరవగానే చటుక్కున చొచ్చుకువచ్చే వెలుతురు కిరణంలా నిశ్శబ్దం దోబూచులాడుతున్న వేళ మదిలో... ఓ ఆలోచన తళుక్కున మెరుస్తుంది అదేమిటో చిత్రంగా... అప్పుడు మౌనం కూడా ప్రతిద్వనిస్తుంది! మహోజ్వలంగా వెలిగిపోతుంది!! అపరిచిత పదాలు కూడా ఆత్మీయంగా దరి చెరుతాయి ఆక్వేరియంలొని చేపపిల్లల్లా అలవోకగా కదలాడతాయి పదాల రెమ్మలు ఒక్కొక్కటే విచ్చుకుంటూ అందమైన కవితాపుష్పం ఆకృతి దాల్చుకుంటుంది భావాల ఝరి ఒక్కసారిగా పురివిప్పుకుంటుంది కాగితంపై కలం పరుగులు తీస్తూ కవిత్వమై ప్రవహిస్తుంది. నిజంగా... ఇదేనా కవిత్వమంటే? బహుశ... కవిత్వం దేనికీ నిర్దారణ కాదేమో... అదొక అందమైన స్వప్నం! నిర్వచనానికందని ఓ నిత్యవసంతం!! చిన్నప్పుడు పూలచుట్టూ తిరిగే సీతాకోకచిలుకను పట్టుకోవాలనే పిచ్చి తాపత్రయంలాంటిదే ఇవాళ నాకు కవిత్వమంటే... నిజమే.. కవిత్వమంటే ఓ నిరంతర స్వప్నం! అది నాకెప్పుడూ ఓ తీరని దాహం!! -మోని శ్రీనివాస్ (21-02-2013)

by Srinivas Moni



from kavi sangamam*కవి సంగమం*(Poetry ) http://ift.tt/UY3RzU

Posted by Katta

డాక్టర్ ప్రతాప్ కత్తిమండ కవిత

కత్తిమండ ప్రతాప్ || మళ్ళా వచ్చాను|| ======================= నేనే! కొన్ని అక్షరాలను ఏరుకుని గడ్డి పరకల తాడు కట్టుకుని మళ్ళా కనిపించాను బలవంతమైన ఐరావతమాటల కోటల బీటలు తీద్దామని నేనే ! కుల పాద గురుతులు చెరిపేద్దామని పశు చర్మాన్ని చెప్పులుగా కుట్టుకుని ఒంటరిగా వచ్చాను అంటరాని వాడలోకి సుతి మెత్తని అడుగుల చప్పుడుతో నేనే ! కాలగర్భంలో కలిసి పోతున్న కన్నీటి గాధలను మూట గట్టి కరుడు గట్టిన హృదయాన్ని మోసుకొచ్చాను వెలిబతుకుల గుండె చప్పుడు వినాలని నేనే ! నిత్యం బలి బతుకుల అన్వేషణలో ఆకలి మెతుకుల వెతుకులాటలో ప్రతి రోజు కుబుసం విడుస్తున్నాను ఐనా... ఛారలు ఆచారాలై వెక్కిరిస్తున్నాయి నేనే ! నగ్న సాహిత్యం దిగంబరమై గేలీ చేస్తుంటే రంగుల అక్షరాలను అంకురాలు చేసుకుని హోలీగా విత్తాలని వచ్చాను నేనే ! మసక బారిన అద్దంలో ప్రతిబింబాన్ని చూసుకుంటూ పొగ చూరిన దీపంలో నిన్ను వెతుక్కుంటూ మళ్ళా వచ్చాను . ఇంకా నా కళ్ళ ముందు అవే మాటలు నా కాళ్ళ కింద అవే గురుతులు శిధిల జ్ఞాపకాలు ..... ================ జూన్ 21/2014

by డాక్టర్ ప్రతాప్ కత్తిమండ



from kavi sangamam*కవి సంగమం*(Poetry ) http://ift.tt/1uNRTDe

Posted by Katta

Madhu Nandanavanam కవిత

by Madhu Nandanavanam



from kavi sangamam*కవి సంగమం*(Poetry ) http://ift.tt/1qzRNBq

Posted by Katta

Kavi Yakoob కవిత

చదువుదాం ఈ కవితా వ్యాసం!

by Kavi Yakoob



from kavi sangamam*కవి సంగమం*(Poetry ) http://ift.tt/1qzQHpg

Posted by Katta

Sharada Sivapurapu కవిత

వసంతరాగం // శివపురపు శారద చల్లటి గాలులు అల్లరిగా జల్లిన పుప్పొడి పూతలు వసంతుని ఆగమనం ముందుగా తెలిపిన దూతలు వనకన్య మేన రెపరెపలాడిన కొ త్తాకుపచ్చని కోకలు విరబూసిన విరజాజి మల్లె కొమ్మల గుసగుసలు మేలి వన్నెల సుమము లొల్కిన లేత సిగ్గులు చిరుగాలులతో చేరి చేసిన ఉషారైన షికారులు రారమ్మని పిలచిన కమ్మని పూల పరిమళాలు ఝుంఝుమ్మని వాలిన మ త్తెక్కిన తుమ్మెదలు తియ తియ్యగ ఊరిన లేత తేనెల విందులు కాదన లేదెవ్వరు రస రమ్యమైన పొందులు నిదురలోని పర్వతరాజుని మె త్తగ తాకిన మేఘాలు క్షణక్షణం మారిన వయ్యారి భామల నాట్యభంగిమలు ఆకుల ఒడిలో గారాలు పోయిన హిమబిందువులు గిలిగింతలు పెట్టిన నులి వెచ్చని అరుణోదయాలు పెద్ద కొండల చిన్ని గుండెలు హ త్తుకున్న పొగ మంచులు పొద్దు పొడిచినా సద్దు చేయక నిద్దుర పోయే బద్ధకాలు చిలిపిగ సూరీడు కెదురునిలిచి, దరిచేరగనే కరిగే తెలిమబ్బులు లేత చిగురుల రుచులు మరిగిన కోయిలమ్మలు గొంతులు విప్పి పాడగ లలితప్రియ రాగములు చిరు తాళం వేసిన పక్షుల కిలకిలా రావములు గోరొంకలు జంటలుగా పాడుకున్న యుగళగీతికలు నింగిఅంచున ఠీవిగ నిల్చిన వెండి వెలుగుల మబ్బుతునకలు కవి హ్రుదయం నుంచి అలవోకగ జారిన పద మాలికలు వీనుల విందుగ వినిపించే బహు పసం దైన రాగడోలికలు రేరాణి విరివిగ వెదజల్లిన గమ్మ త్తైన పూల సువాసనలు నిండు పున్నమి జాబిలి సభలో వెండి వెన్నెల జల్లులు తళుకు తళుకు తారలన్నీ మరువక హాజరైన రేతిరిలు అల్లరి గాలులు తాకగ మ త్తుగ ఊగిన లేత కొమ్మలు గలగల పారే సెలయేరుల తడిసిన పూల రెమ్మలు ముదురు కొమ్మల మ్రుదువుగ పెనవేసిన పసిడి లతలు పిల్లంగ్రోవి మౌనంగా మ్రోగించిన ప్రియమోహన రాగాలు ఎవ్వరికోస మై విరిసి మురిసెనీ ముద్ద మందారాలు మన సైన వారినెవరి నైనా హరించే శుద్ధ సింగారాలు కొసరి కొసరి వినిపించిన కుహు కుహూ రాగములు విరహాన వేసారిన చిలుకమ్మలు వేగిరపడిన విధములు ప్రకృతికన్య పరవశించి పాడిన స్వాగత గీతాలు మేళతాళాలతో విచ్చేసిన నవ నవీన వసంతాలు మరల మరల మనసులలరించే వార్షికోత్సవాలు… 21/06/2014

by Sharada Sivapurapu



from kavi sangamam*కవి సంగమం*(Poetry ) http://ift.tt/1uNvMg9

Posted by Katta

Bvv Prasad కవిత

బివివి ప్రసాద్ || తాకినపుడు || మాటలసందడిలో తటాలున ఆమెతో అంటావు నీ నవ్వు కొండల్లో పరుగులుతీసే పలుచనిగాలిలా వుంటుందని పలుచనిగాలీ, మాటల సెలయేరూ ఉన్నట్లుండి చిత్రపటంలోని దృశ్యంలా ఆగిపోతాయి కవీ, ఏం మనిషివి నువ్వు ప్రపంచాన్ని మొరటుగా వర్ణించడం మాని రహస్యంగా, రహస్యమంత సున్నితంగా ప్రేమించటం ఎప్పటికి నేర్చుకొంటావని నిన్ను నువ్వు నిందించుకొంటావు తాకితేనే కాని, పదాల్లోకి ఒంపితేనే కాని నీ చుట్టూ వున్న అందాన్నీ, ఆనందాన్నీ అనుభవించాననిపించదు నీకు నిజానికి, వాటిని తాకకముందటి వివశత్వ క్షణాల్లో మాత్రమే నువు జీవించి వుంటావు తాకుతున్నపుడల్లా నిన్ను మరికాస్త కోల్పోతావు పసిబిడ్డల పాలనవ్వులకన్నా సరళంగా జీవితం తననితాను ప్రకటించుకొంటూనే వుంటుంది ప్రతిక్షణం నీకో ముఖం వుందని అద్దంచెబితే తప్ప తెలుసుకోలేని నువ్వు లోకంలోని ప్రతిబింబాల వెంట పరుగుపెడుతూ జీవితాన్ని తెలుసుకోవాలని చూస్తావు ఆమె కోల్పోయిన నవ్వుని మళ్ళీ ఆమెకి ఇవ్వగలవా ___________________ ప్రచురణ: సారంగ 12.6.2014 http://ift.tt/1wcM0lD 21.6.2014

by Bvv Prasad



from kavi sangamam*కవి సంగమం*(Poetry ) http://ift.tt/1wcM0lD

Posted by Katta

Pardhasaradhi Vutukuru కవిత

ఎవడు శాశ్వతం ఇక్కడ ఏది శాశ్వతం ఇక్కడ పుట్టినపుడు మనం ఏమి తోడూ తెచ్చుకోలేదు పోయే సమయంలో కనీసం మొలతాడు కూడా రాదు ఎందుకీ ద్వేషాలు ఎందుకీ ఆవేశాలు ప్రశాంతం గా కడుపార తినలేక ఆనందం గా కళ్ళ నిండా నిద్ర లేక మనసులో బాధలు పెంచుకుని వేరొకరితో పంచుకోలేక ఎందుకీ వేదన ఎంత సంపాదించినా నీదే నీకుంటుంది ఎంత పొరలినా నూనే ఎంత అన్తుకోవాలో అంతే కదా మరీ దేనికీ వెంపర్లాట ... దేనికోసం తపన ఒక్కటి పొందితే తృప్తి ఉంటుందా ?? .. లేదే మరొక దానికోసం మళ్ళీ శునక ప్రవ్రుత్తి వున్న దానితో తృప్తి పడితే వచ్చే ఆనందం వేయి రెట్లు ప్రేమను పెంచుకో ... ప్రేమను పంచు ... పది మంది హృదయాలలో పది కాలాలు వుంటావు !!పార్ధ !!21/6/14

by Pardhasaradhi Vutukuru



from kavi sangamam*కవి సంగమం*(Poetry ) http://ift.tt/1lULDEm

Posted by Katta

Maddali Srinivas కవిత

కింకర్తవ్యం?//శ్రీనివాస్//21/06/2014 --------------------------------------------------------------- మాయదారి మణికట్టు గడియారం కనికట్టు నేర్చిందో యేమో?! కాలం కదలక మొరాయిస్తుంది దూరం సాగి సాగి చాలా , దూరమైపోతోంది గమ్యం మాయలా మృగ తృష్ణ లా మిణుక్కుమంటూ మెరుస్తుంది అప్పుడే కనుమరుగై మాయమైపోతుంది అనుభవానికొస్తే గాని సాపేక్ష తత్వం బోధపడలే కాలం జల్లెడ పడితే రాలి పడిన రేణువులా నేనొక్కడినే నిశ్చలంగా వున్నట్టూ, అందరి పయనం నిరాటంకంగా సాగిపోతున్నట్టు యెందుకిలాగౌతుందో యేమో కానీ, యెన్ని సార్లైనా అంతే!! బొక్కబోర్లా పడ్డప్పుడల్లా యేదో అనుభవమౌతూనే వుంటుంది యేదో తత్వం అవగతమౌతూనే వుంటుంది కొత్త పాఠం ఆచరణలో పెట్టేలోగా, తరుముకొచ్చే క్షణాలు కొన్ని మళ్ళీ నన్ను మింగేస్తాయి??? మళ్ళీ నేనోక్కణ్ణే నిశ్చలంగా................. ప్రపంచమంతా వేగంగా............... నా చుట్టూ నేనే పరిభ్రమిస్తున్నానేమో కాలమా చెప్పమ్మా!!! నేనొక వివిక్త వ్యవస్తనా? లేదా నేనొకానొక అవ్యక్తావస్తనా? కనికరముంటే కనికట్టు విప్పమ్మా? కర్తవ్యం చెప్పమ్మా!!!!!

by Maddali Srinivas



from kavi sangamam*కవి సంగమం*(Poetry ) http://ift.tt/1puJUvo

Posted by Katta

Kranthi Srinivasa Rao కవిత

క్రాంతి శ్రీనివాసరావు ||సమాధానం|| సుప్రభాతగీతం మనకు మనమే పాడుకొని పొద్దున్నే మళ్ళీ శవాన్ని భుజానవేసుకొని ...... నిన్నటి పాదముద్రలనే కాళ్ళకు తొడుక్కుంటాం చెవులను అక్కడక్కడా అతికించి నాలుగువైపులకు కళ్ళను పారేసుకొంటాం.... ఆపై కళ్ళను చెవులను ఏరి తెచ్చుకొని ముందర పోగేసుకొని ఎడిటింగ్ లో విఫలమవుతుంటాం విసిరేసిన ఆట వస్తువుల నడుమ .....పసిపిల్లాడిలా చెల్లాచెదురైన ..దృశ్యాలు శబ్ధాల మధ్య పడి అలసిపోతుంటాం చలనపు చెలిమ ఎండిపోయేదాకా ....సమాధానాలకోసం వెతుకుతూనేవుంటాం .....

by Kranthi Srinivasa Rao



from kavi sangamam*కవి సంగమం*(Poetry ) http://ift.tt/1uNh4Wo

Posted by Katta

Srinivas Reddy Paaruvella కవిత

జీ హుజూర్ || పారువెల్ల కళ్ళలో చీకటిముళ్ళు గుచ్చుకుంటున్నది కలలు కనమని చెప్తున్నావా చీకటి చెరిపేయక! నీతో కానిది ఏముందో చెప్పు

by Srinivas Reddy Paaruvella



from kavi sangamam*కవి సంగమం*(Poetry ) http://ift.tt/1uNh6xv

Posted by Katta

Ravinder Vilasagaram కవిత

్ నివాళి -------- మూడు తరాల నాయకుడు మృదుభాషి నడుస్తున్న చరిత్రను వయ్యిల రాసి వలసపాలకుల వివక్షను ఎరుకజేసిన వైతాలికుడు తెలంగాణ సోయిని ప్రతి గుండెలో వెలిగించిన వాడు శత్రువు ఎంత భలవంతుడయినా తిరగబడ్డ ధీరుడు తెలంగాణ సిద్ధంతకర్త తెలంగాణ పెద్ద సార్ ప్రొ కొత్తపల్లి జయశంకర్ సార్ 21.6.2014

by Ravinder Vilasagaram



from kavi sangamam*కవి సంగమం*(Poetry ) http://ift.tt/1wcAabb

Posted by Katta

సాయి ప్రమోద్ జయంత్ నాని కవిత

నా దేశం , వి "దేశం " అనే మత్తులో ఇరుక్కోపోయింది..!! జయంత్ విదేశీ వస్తువులు ఒద్దు, దేశీయ వస్తువులే ముద్దు

by సాయి ప్రమోద్ జయంత్ నాని



from kavi sangamam*కవి సంగమం*(Poetry ) http://ift.tt/1p1t9dy

Posted by Katta

Nvn Chary కవిత

ప్రదానం డా . ఎన్.వి.ఎన్.చారి 21-06-2014 వరంగల్ ఎంతున్నదనేది కాదు ముఖ్యం దానమెంత చేసావన్నదే ప్రధానం అది జ్ఞానమైనా ,ధనమైనా ఏదైనా .......

by Nvn Chary



from kavi sangamam*కవి సంగమం*(Poetry ) http://ift.tt/UpkzaN

Posted by Katta

Rajeswararao Konda కవిత

ప్రేమ ఒక ఆరాటం కలకాలం ఒదిగిపోవాలి..! జీవితం ఓ పోరాటం ఓడిపోతూ గెలవాలి..!! సంసారం ఓ సాగరం ఈదుకుంటూ పోవాలి నేస్తమా..!!! $ రాజేష్ $

by Rajeswararao Konda



from kavi sangamam*కవి సంగమం*(Poetry ) http://ift.tt/1ptr7kb

Posted by Katta

Rajeswararao Konda కవిత

చక్కనైన చుక్కా.. నేనుండగ.. ఆ పక్కచూపులేల... //21.6.14// @ రాజేష్ @

by Rajeswararao Konda



from kavi sangamam*కవి సంగమం*(Poetry ) http://ift.tt/1p02oWE

Posted by Katta

ఇట్లు మీ శతఘ్ని కవిత

శతఘ్ని / కొత్త బాధ - పాత ఊరట ...!! ***************************** ప్రశ్నలతో రోజుని మొదలుపెట్టే ప్రతి మనిషినీ .... ఏం చేయడం ?? అనే మరో ప్రశ్న ఏదోలా సమధానపరిచేందుకు ప్రయత్నిస్తుంది ... సగం పుట్టిన సమాధానాలు సాష్టాంగ పడ్డా గుచ్చే ప్రశ్నలు గుండె గూటిని వదిలెళ్ళవు పూటకో రకమైన బాధ కొత్త రంగు పులుముకుంటున్నా అంతా దైవాధీనం అనే చిన్ననాటి ఊరటతోనే చెలిమి చేస్తాడు మనిషి .. ఎదిగే వయసు ఎంత నిలదీసినా ఏం లాభం? గాలిలేని చోట గాలిపటాన్నెగరేయాలనే చంటిపిల్లల గారాబం మనిషి మానుకుంటేనా?? తనకి తానుగా తగిలించుకునే దెబ్బలనుండి అంత తేలికగా కోలుకుంటేనా?? అలసిపోని ఆశ ఆకలి తీర్చలేక మనిషి అడ్డదారులెన్నో తొక్కుతాడు ఆయువు తీరేదాక ఆ మార్గంలోనే ఆస్తినెంతో కూడబెడతాడు వదిలితే తిరిగి పొందలేను అనే వాటిని వదిలిపోలేడుగా మనిషి ? అందుకే సమాధానపడదాం బ్రతుకంతా కొత్త బాధే పాత ఊరటే ....!! 21/06/2014.

by ఇట్లు మీ శతఘ్ని



from kavi sangamam*కవి సంగమం*(Poetry ) http://ift.tt/1iRANiy

Posted by Katta

Rammohan Rao Thummuri కవిత

మువ్వ ----------- జీవితం ఆశల కొమ్మవైపు జిరాఫీ మెడలా సాగుతూ ------------------------- వాధూలస 21/6/14

by Rammohan Rao Thummuri



from kavi sangamam*కవి సంగమం*(Poetry ) http://ift.tt/1lSje1P

Posted by Katta

Kotha Anil Kumar కవిత

@ ఎం చేస్తావో @ నా గుండె గొంతు విప్పగానే పలికిన ప్రతి స్వరం నీ చిరునవ్వులాగా నా గుండె గోడలలో ప్రతి ధ్వనిస్తుంది. నా మనసు పరవశించగానే మల్లెపూవు లోని సుగంధం లా మదుర భావాల కవిత వెలువడింది ఆ కవితలోని ప్రతి పదం నీకర్పిస్తున్నాను. నా కనులు ఆరాటపడుతూ నిన్ను సొంతం చేసుకోవాలని నీ రూపాన్ని వాటిలో నిలుపుకున్నాయి ఆ కనురెప్పల వెనుక నీవుంటావు. నా హృదయం విశాల గగనం మెరిసే ప్రతి నక్షత్రం ఒక ఊహ ఆ నక్షత్రాల వెలుగు నీవు ఆ వెలుగులోనే నేను జీవిస్తుంటాను. ఈ కాంతిలో నా పయనం ఉజ్వలితం చేస్తావో.... మాటమార్చి ఏమార్చి నా కలలకు చిరు చీకట్ల వల వేస్తావో. _ కొత్త అనిల్ కుమార్ 20 / 6 / 2014 ( ప్రేమ కవిత _ 1999 )

by Kotha Anil Kumar



from kavi sangamam*కవి సంగమం*(Poetry ) http://ift.tt/UnY4mu

Posted by Katta