పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎

12, మార్చి 2014, బుధవారం

Thilak Bommaraju కవిత

తిలక్/­ తెలియని నిర్మాణం -------------------­-- ఈ ఉదయపు నీరెండలో కొన్ని పచ్చని కాంతులేవొ చెట్ల కొమ్మల గుండా ప్రసరిస్తూ వాటి ఆకులపై సున్నితంగా కూర్చున్నాయి అప్పుడే కళ్ళు తెరిచిన కొన్ని పిచ్చుకలు గూటి కిటికిలోనుండి తల బయటకు పెట్టి కంటున్నాయి అప్పటిదాకా కనని కొత్త లోకాన్ని ఇసుకరేణువుల్లాంటి వాటి కనుపాపల్లో ఎన్ని ఆశలో రోజూ కొత్తగా ఎగరాలని కొన్ని రోజులను వాటి రెక్కలకింద పాతేసుకుంటూ వాలిపోతుంటాయి మబ్బుల తెరచాపల కిందుగా ఊళ్ళు దాటి వనాలను వయ్యారంగా పరికిస్తూ కొత్త రంగులను ఏరోజుకారోజు అద్దుకుంటూ అన్వేషణ పగిలిన బాణాలు కొన్ని గుచ్చుకోని గులాబి రెక్కలుగా చేరినప్పుడు మంచు హృదయాలను మళ్ళా కొన్నిసార్లు విదిలించుకుంటూ చేరిపోతుంటాయి చిరునామా తెలియని తీరాలకు పిలవని చుట్టంలా... మళ్ళా ఇప్పుడొక కొత్త గూటిని కట్టుకోవాలి రాలిపడకుండా... తిలక్ బొమ్మరాజు 12.03.14

by Thilak Bommaraju



from kavi sangamam*కవి సంగమం*(Poetry ) http://ift.tt/1njiPfN

Posted by Katta

Naresh Kumar కవిత

సొన్నాయిల నరేష్కుమార్ //చివరికి ఏం పీకాం?// బతికేందుకు ఇంకా ఏం చేయగలం బతకటం తప్ప వేలి చివర వెలుతురులతికించుకొని జీతమిచ్చే జీవితం తో వేటాడబడుతూనే ఉంటాం గుడిమెట్లదగ్గర రూపాయ్ కో రెండ్రూపాయలకో పుణ్యం కొనేస్కున్నాక పాదాలని భుజాలపై ఉంచి తిరుగుతూనే ఉంటాం ఇక్కడెవరూ బతికించలేరు బతకనిస్తారంతే వెన్నెల రాత్రులూ, చల్లని గాలులూ,ఆకలి కోరికలూ మొదలగు సుందర దృశ్యాల్లేని కళ్లతో ఖాలీ గ్లాసుల్లా ఒక్కొక్కడూ తమతమ టేబుళ్ళపై కదలికల్లేక ప్రాణం లేని దేహంలా కదులుతూంటారు ఎక్కడా ఉండని ముద్దుల్లో చక్కెర శాతాలూ కౌగిళ్ళ స్వాంతనలూ, మనుషుల మద్య ప్రేమలూ, దేవుడి కరుణా కటాక్ష వీక్షణల కోసం వెతికీ...,వెతికీ..., తీరా చివరికి అవన్నీ శూణ్యాలని తెలుసుకొనీ బట్టతలల్తో దువ్వెన చేతిలో పట్టుకొని తమ సమాధి పై కూర్చుని పొగిలి పొగిలి ఏడ్చే మనుషులని చూస్తూ మనమూ కదుల్దామనే అనుకుంటాం చిత్రంగా అప్పటికే మనలని దారాలతో భందించిన సాలె పురుగొకటి మనవైపే పరుగెత్తుకొస్తూంటుంది.... బతికున్న శవపు జీవితానికి నామ సార్ధకత లభించాక.. అప్పుడరుస్తాడు కాట్లో కాటమ రాజు గంజాయి దమ్ము లాగుతూ,తోలు గోచీ లోంచి పృష్టాన్ని గోక్కుంటూ, నాగు పాము కళ్లతో నవ్వుతూ "చిచ్చా అబ్ ఖేల్ ఖతం దుక్నం బంద్ వచ్చి నీ సమాధిలో పడుకో నేన్నీకు విశ్రాంతినిస్తాను...." అని 12/03/14

by Naresh Kumar



from kavi sangamam*కవి సంగమం*(Poetry ) http://ift.tt/1cPPaqh

Posted by Katta

Vimala Morthala కవిత



by Vimala Morthala



from kavi sangamam*కవి సంగమం*(Poetry ) http://ift.tt/1hbnB7G

Posted by Katta

సుధ కొనకళ్ళ కవిత

మా ఊరు బడి దగ్గర హేచ్చురామయ్య తాత బడ్డి కొట్టు బూబమ్మ అత్త సెంటరులో మిషను మామయ్య పుల్ల ఐసు హుస్సేన్ అన్న మేమంతా ఓ కుటుంబంలా ఇపుడా పిలుపుల జాడే లేదు మా వూరి మల్లెపూల వాగులో అల్లి పళ్ళ జాడ ఏది ? చింతల వాగులో దెయ్యాల కధలు వాటి తాలుకు భయం జాడలు మాత్రం ఇంకా ఉన్నాయి సుమీ దొరగారి దివాణం లో ఉసిరికాయ రుచి ఇంకా మరవలేదు కనకమ్మ అత్త పెంకుటిల్లు మాత్రమే మా ఊరి అతిధి ఉద్యోగస్తులకు పెద్ద వైట్ హౌస్ లాంటిది మా ఇంటి ముందర చేతి పంపు అక్కడే పెద్దవాళ్ళ ముచ్చట్లు కన్నెపిల్లల వయ్యారాలు నీళ్ళ వంతు వచ్చిన కావలసిన వాడి రాక కోసం కళ్ళలో ప్రాణంగా ఎదురు చూపులు బిందె నడుముపై వయ్యారంగా అసలా దృశ్యం ఎంత మనోహరం ప్రేమ కోసం తొట్టిలో నీళ్ళు పారబోసి మల్లి నీళ్ళు తేస్తున్నాడని తిట్టుకుంటూ తిరిగే సూరమ్మ అత్త చాకలి అప్పయ్య ఇంటి ముందర ఎంత పెద్ద దోర అయిన వరుస కట్టవలసిందే సీతాఫలాల అమ్మె చిట్టెమ్మ ఇంటింట నవ్వులే పుయించేది లైసేన్న్సు కూలి బోడయ్య తాత వస్తే పిల్లలకు ఎంత సంబరమో దొరగారు రోడ్డు పై వెళుతా ఉంటె వంగి వంగి దణ్ణాలు ఇపుడా దొరా లేదు దోర తనము లేదు బ్యాండు మేళం బోగాలు లేని పెళ్ళే లేదు మా ఉళ్ళో డప్పు అప్పన్న లేకుండా పంచాయితి వార్తే లేదు మరి ఇప్పుడు మా ఉళ్ళో వంతెనపై అంచు పంచెతో నాన్న లేరు ఆ పిలుపులు లేవు టివి సీరియళ్ళలో పడి మమతలే మాయం పట్నం మోజులో పూల జడలు కాదు కదా జడల జాడలె లేవు అంకమ్మ తిరునాళ్ళలో పూనకం వచ్చిన వాళ్ళలా విరబోసుకుని తిరుగుతున్నారు పరికిణి ఒణిలు లేవు అంత మాయం కాని నేను నా జ్ఞాపకాలు మాత్రం ఇంకా పదిలం $ సుధ కొనకళ్ళ $ 12.03.14

by సుధ కొనకళ్ళ



from kavi sangamam*కవి సంగమం*(Poetry ) http://ift.tt/1fsa7GN

Posted by Katta

చెన్నాప్రగడ వీఎన్నెస్ శర్మ కవిత

నువు నవ్వితే వెన్నెలే_సిగ్గుతో జాబిలమ్మ జారిపోతుంది ..@శర్మ \12.3.14\

by చెన్నాప్రగడ వీఎన్నెస్ శర్మ



from kavi sangamam*కవి సంగమం*(Poetry ) http://ift.tt/N5fznh

Posted by Katta

Em Es Naidu కవిత

:: ఆఖరి ఖాళీ :: ఎందరో నిద్రపోతున్న సమాధుల్లో ఇష్టంలేని నిద్రతో ఎందుకు వెళ్ళానో కన్నీటికైనా తెలిసిందా ఖాళీశ్వాస అక్షరాలతో ఖాళీయోని ప్రేమతో అద్దంలో చూడని అద్దంలో అందం ఏ శ్మశాన సువాసనో నీటి ఎముకలు పగిలి

by Em Es Naidu



from kavi sangamam*కవి సంగమం*(Poetry ) http://ift.tt/N5fz6W

Posted by Katta

Annavaram Devender కవిత

తొవ్వ ...............అన్నవరం దేవేందర్ 12.03.2014 మొస మర్రనియ్యని మురిపాలు ,వశం గాని సంబురాలు వశం గాని వాన పడుతే ఎట్లుంటదో మనకేరుకే .వశం గాని మురిపాలు అంతే ,పట్ట వశం గాని ఆనందాలు అంతే .ఎగిలివారంగ అయిదు గొట్టంగ మొదలైన ఫోన్లు రాత్రి పదకొండుకు బంజేత్తే బందు అయినయి.పొద్దుగాల ఎనిమిదింటికి ఇంటికి రాక పోకలు మొదలైనయి.ఇటు మనుసులు అటు ఫోనులు అబ్బబ్బ ....అన్నం తినుడు అవుతలి ఇవుతలికి పోవుడు ఏడ .....మంది ఎనుక మంది ఫోనుల ఎనుక ఫోను ...అయితే కొన్ని వందల ఫోన్లు వశం గాక ఎత్తలే ..అన్ని మిస్సుడ్ కాల్స్ అయ్యి ఉంటయి ... ఇదంతా నిన్న కరీంనగర్ లో డాక్టర్ నలిమెల భాస్కర్ ఇంట్ల జరిగింది .ఆయనకు కేంద్ర సాహిత్య ఎకాడమి అనువాద లో పురస్కారం ప్రకటించింది .దీంతో ఈ శుభాకాంక్షల వాన పడ్డది .తను మలయాళం నుంచి 'స్మారక శిలలు ' నవల ను అనువదించిండ్రు .ఈ పురస్కారం ఏమో గని మిత్రుల ,బందువుల ఆత్మీయత తోని ఉక్కిరి బిక్కిరి అయిన దేవేందర్ అని అన్నడు .నలిమెల భాస్కర్ గురించి ఇదే కాలం ల ఒకసారి రాసిన .దానిని మల్లోసారి సదువొచ్చు.అది దొరుకక పోతే నా 'పెద్దర్వాజ '(http://ift.tt/1lyyNOh) ల సూడొచ్చు .ఎకాఎకిన భాస్కర్ సార్ మీద Narayana Sharma Mallavajjala .Ramakrishna Kalvakunta ,Boorla Venkateshwarlu కవిత్వం వర్షమే కురిపించిండ్రు .అవ్వి సుత ఇస్తున్న ..... 1. ఏ మట్టి పొత్తిళ్ల నుంచి ఈ ఙ్ఞానం నడక నేర్చిందో ఈ పాలపిట్ట ప్రపంచగొంతుకని పాటకట్టి ప్రసారం చేస్తుంది ఏ వాగుగిన్నెల అమృతాన్ని పులుముకుందో దెశపు నాలుగుచెరగుల మట్టివాసనకి దోసిలి పట్టింది పదునాల్గుభాషలు ఒక్కపుస్తకమైనడిచినట్టు పదిభాషలు ఒక రామచిలుకల గుంపై ఊరేగినట్టు పదిదిక్కుల ఉద్వేగాలు ఒక గుండెగా కొట్టుకున్నట్టు ఈ గొంతుకొక్కటే దేశానికి నిలువుటద్దమౌతుంది అనేక భాషల పిల్లవాయువులు అక్కడక్కడి సరస్సుల శీతల సమీరాలు ఆయా ఉద్యమాలవెలుగురేఖలు ఈ కిటికీ నుంచేమమ్మల్ని చేరుతాయి కాగితాలకి కళ్లతికించుకున్న బుద్ధుడిచేతిలో ఏ గొంతులూ మాగడపలో మూగ బోకుండా భోధి వృక్షాలౌతాయి ---------యం.నారాయణ శర్మ .11/03/2014 2. పద్నాలుగు భాషలభాస్కరుడు నారాయణపురం మట్టిపువ్వు తనహృదయకోశాన్నిజల్లెడపట్టి జానుతెనుగుసొగసు తెలంగాణా పదాల్నిఏరి కుప్పవోసి,కడుపులున్నమాటల్ని అక్షరబాణాలుగా ఆలోచనల్ని ఎక్కుపెట్టి మౌనంగా మహాకార్యాలు చేసేమొండి పట్టుదలకు పర్యాయ పదం రక్తమాంసాల నిండా నాయిన రామచంద్రం సారుని తనలోకి వొంపుకున్న మట్టి బిడ్డ స్వరాల్ని శ్రుతి కలిపి గుండె పియోనోపై ఆత్మీయతల్నివర్షించే ఆక్షర భాస్కరుడు దివారాత్రాలు కండ్లను పుస్తకాల పుటల్లో మాగవెట్టి ,కథల పండ్లనురసపరిపుష్టం చేసినోడు తెలుగు మట్టిపొత్తిళ్లల్ల అనువాదపు కొత్త పంటలు పండిస్తున్న నిత్యకృషీవలుడు ఆనువాదపునవనీతం నలిమెల భాస్కరుడా! నజరానా అందుకో! నాలుగుకోట్ల తెలంగాణా జనం సాక్షిగా!! ..............కలువకుంట్ల రామ కృష్ణ .11/03/2014 3. ముసి ముసి నవ్వుల ముత్యాలు రాలిపడే కళగల్ల మొకం పత్తిపాన్పులకెల్లి బొర్లచ్చినట్టు గుండెలకెల్లి పలికే రామసక్కని మాట మీగడ పెర్గు గిలకొడితె పేరుకున్న నవనీతం మనుసు అక్షరమక్షరం కండ్లకద్దుకుంటడు ఆత్మగల్ల భాషేదైనా అర్థం జేసుకుంటడు అతని పేరు నలిమెల భాస్కర్ అదిప్పుడు తెలుగు భాషల ముత్యాల పేరు పేరీ పేరీ అట్టుగట్టిన భాషల పరమాన్నం తెలంగాణ కడుపు సల్లగ జేసిన పదకోశపు సల్లకుండ ఒక్కటే తొవ్వ ఒక్కటే పట్టు మాటమీద నెనరు మనిషిమీద పావురం పనిమీదేసుకుంటే పరమాత్మనైనా పక్కకు పెట్టుడే పదామడైనా పాదాల పదాలు సుట్టుడే మానేరు పదనంత కరెక్కినట్టు దినదినం గల్లర గల్లర ఉరుకుడే బొళ్ళర బొళ్ళర కురుసుడే కుల్లంకుల్లం జేసుడే ఆ కాళ్ళకింది మట్టిని ముట్టుకుంటే సాలు ప్రపంచమంతా అనువాదమైతది అజ్ఞానమంతా సాగిలబడి సల్లు సల్లైతది. ...........బూర్ల వెంకటేశ్వర్లు 11/03/2014

by Annavaram Devender



from kavi sangamam*కవి సంగమం*(Poetry ) http://ift.tt/1cw2S0T

Posted by Katta

Bhaskar Kondreddy కవిత

kb || a టెస్ట్|| నా ముఖంలోకి చూస్తూ, నువ్వు బానిసవి కదూ అన్నాడు. నేను నవ్వి ఊరుకున్నాను. మళ్లీ అన్నాడు కాస్తంత కోపంగా,. నువ్వు బానిసవే కదూ అని కాస్త జేవురించిన ముఖంతో, తల పక్కకు తిప్పుకున్నాను. అతను మరింత గట్టిగా కేకలేసాడు,. నువ్వు బానిసవే, బానిసవేనని. ఆగ్రహంతో అతన్ని,.కొట్టి నెట్టేసాక ఆ పిచ్చివాడు నవ్వుతున్నాడు. అతని మాటను స్థిరపరుచుకొని. ---------------------------------12/3/2014

by Bhaskar Kondreddy



from kavi sangamam*కవి సంగమం*(Poetry ) http://ift.tt/1g7cLgv

Posted by Katta

Pusyami Sagar కవిత

శ్రీ వెంకటేష్ గారు రాసిన కవిత !!---మరణం---!! కవిత్వ విష్లేశణ ________________పుష్యమి సాగర్ మరణం జీవితానికి ఆఖరిమెట్టు. వస్తువుల ద్వారా దొరికే సుఖసౌఖ్యాలన్నీ కేవలం తాత్కాలికమేనని, శాశ్వతంగా లభించే ఆనందం వేరే ఉందని అది అన్నిటికన్నా అద్బుతమని తాత్విక భావన ల తో సాగుతుంది . ప్రతి మనిషికీ మరణం తప్పదు దాన్నుంచి తప్పించుకోవటం అసంభవమనీ తలంచడు, కాని అసలు మరణం అంటే ఏమిటి, మరణం తరువాత జీవితం వాటి తో ఉన్న బందం తెలుసుకోవచ్చునా ? మరణం దేవుడిచ్చిన వరం.. మరణం అనేది ఈ జీవితానికి చివరి దశ ఒక రకం గా గమ్యం (destiny) అని చెప్పొచ్చు , మరణం కూడా నిద్ర లాంటిదే ...బతుకున్నపుడు తాత్కాలికం, అది మరణం తరువాత శాశ్వతం మరణం ఒక గమ్యం//చేరితే నిద్రలో దొరికే సుఖం శాశ్వతం పునరపి జననం, పునరపి మరణం జీవి పుట్టటం గిట్టటం ...కాల చక్రం లో జరుగుతూ ఉండేదే కదా, తాత్విక ఆలోచనలో చూస్తే నిజమే మనిషి పుట్టుక తరువాత మలి ప్రయాణం మరణం వరకే, అది సత్యం కూడా... మరణం ఒక జననం//జన్మించాక మళ్ళీ మన గమ్యం మరణం మరణాన్ని ఎవరైనా చూడగలరా తమకు తాము ఫీల్ కాగలర , అదో అద్బుత ప్రపంచం కను మూసే వరకు జరిగే సంఘటనల సమూహం, మరణం ప్రతి మనిషి ని నడిపించే సైన్యం వంటిదా కావొచ్చు .....ఓ జీవితాన్ని గురించి ఎంత నేర్చుకోవచ్చో, ఒక మరణాన్ని చూసి కూడా అంతకన్నా ఎక్కువ నేర్చుకోవచ్చు. ఇది వాస్తవం మరణం ఒక సైన్యం//ఒకరికి మాత్రమే కట్టుబడి పని చేసే సైన్యం మరణం ఒక ప్రపంచం..కనురెప్పల ఎడబాటులో కనపడని//కనురెప్పల స్థిర కలయికలో దాగలేని ఒక అద్భుత ప్రపంచం// మరణాన్ని ప్రేమించాగలిగే గొప్ప తాత్వికత వుంది అంటే అది అద్బుతమే, మరణాన్ని ప్రేయసి గ ఉహించడము కొంచం కష్టమే. మనిషి పోయాక కాల్చేసిన కట్టే నుంచి పుట్టే జీవితపు అనుభవాల బూడిద నే మరణం, మరణం ఒక మన్మధయాగం//కాలే కట్టె రగిలే శరీరపు రాసక్రీడలో బూడిదను జన్మింపజేసే ఒక మన్మధయాగం నిజంగా మనిషి కి ఇచ్చన గొప్ప వరం మరణం....ఈ లోకం లో ఎన్నో ఘోరాలను నేరాలను , కుళ్ళు ను , అబద్దం మోసపూరిత లోకానుంచి దూరం చేసేది ఏది అయిన వుంది అంటే అది మరణమే. మరణం విడదీయరాని బందం మరణం ఒక అదృష్టం//మనిషిని చంపి//అబద్ధపు కళ్ళతో నిజాన్ని చూసే లోకానికి దూరంగా బ్రతికిపోగలిగేలా చేసే అదృష్టం......// పుట్టుక, మరణం రెండూ మనిషిలోని అంతర్భాగాలు.మొదటిచూపు ఎంత అవసరమో ` ఆఖరి చూపూ అంతే అవసరం. ఈ కవిత ని చదివినపుడు రాజేందర్ గారు రాసిన "ప్రస్తావన" గుర్తుకు తెప్పిస్తున్నది ....మనిషి లో ని అంతరంగాన్ని , మరణ భావన అనేది భయపడే వస్తువు కాదని చాల చక్కగా వివరించారు వెంకటేష్ గారు. వారి కవితల్లో మంచి కవిత ఇది. విబిన్న కోణాలను స్పృశిస్తూ మరిన్ని మంచి కవితలను అందిచాలని కోరుతూ .. అబినందనలతో .. మార్చ్ 12, 2014 మరణం ఒక గమ్యం చేరితే నిద్రలో దొరికే సుఖం శాశ్వతం మరణం ఒక జననం జన్మించాక మళ్ళీ మన గమ్యం మరణం మరణం ఒక సైన్యం ఒకరికి మాత్రమే కట్టుబడి పని చేసే సైన్యం మరణం ఒక ప్రపంచం కనురెప్పల ఎడబాటులో కనపడని కనురెప్పల స్థిర కలయికలో దాగలేని ఒక అద్భుత ప్రపంచం మరణం ఒక మన్మధయాగం కాలే కట్టె రగిలే శరీరపు రాసక్రీడలో బూడిదను జన్మింపజేసే ఒక మన్మధయాగం మరణం ఒక బంధం మనతో పాటే పుట్టి మనతో పాటే చచ్చే విడిచి వెళ్ళని విడదియ్య సాధ్యం కాని మర్మబంధం మరణం ఒక అదృష్టం మనిషిని చంపి అబద్ధపు కళ్ళతో నిజాన్ని చూసే లోకానికి దూరంగా బ్రతికిపోగలిగేలా చేసే అదృష్టం...... మరణం ఒక బంధం మనతో పాటే పుట్టి మనతో పాటే చచ్చే విడిచి వెళ్ళని విడదియ్య సాధ్యం కాని మర్మబంధం మరణం ఒక అదృష్టం మనిషిని చంపి అబద్ధపు కళ్ళతో నిజాన్ని చూసే లోకానికి దూరంగా బ్రతికిపోగలిగేలా చేసే అదృష్టం......

by Pusyami Sagar



from kavi sangamam*కవి సంగమం*(Poetry ) http://ift.tt/1frAEnC

Posted by Katta

Bhaskar Palamuru కవిత

ఏదో ఒక రోజు వెళ్లి పోవాల్సిందే కదూ అందుకే ఈ ఆరాటం వద్దుకున్నా అదేదో గుండెను కెలుకుతూనే ఉంటుంది ఓ కొక్కెంలా గాలిపటంలా రివ్వుమంటూ దూసుకుపోతూ కవ్విస్తూ కలవరించేలా చేస్తూ పలకరిస్తుంది! అంతిమ యాత్రలో ఎన్ని ఆలోచనలో ఒక పట్టాన ఉండనీయవు ఒకే చోట కుదురుగా నిలువనీయవు ఒక్కోసారి ఉన్నట్టుండి ఆగిపోతాం అనుకోకుండానే మనలోకి ఆహ్వానిస్తాం అంతలోపే తెలియకుండానే ఊహల్లో విహరిస్తాం బంధనాలు లేని లోకం కదూ ఒక్కోసారి తప్పదనుకున్నా అభిమానిస్తూ.. ప్రేమిస్తూ రాలిపోతాం.. ఇదేనేమో బతుకంటే ! సాంగత్యం కంటే సాహచర్యం చాలా కష్టం కుడురుకోవటం మరీ కష్టం అప్పుడప్పుడు చిన్ని చిన్ని ఆనందాలు ఆవిరై పోతున్నప్పుడు లోలోపట దాచుకున్న మనుషుల రూపాలు వాళ్ళతో గడిపిన క్షణాలు ఏకాంతంలో ఒక్కటై పోయిన జ్ఞాపకాలు అన్నీ దారాల్లా కదలాడుతై ! ఓ నవ్వు ఓ చూపు పెదవుల అంచున రాలిన మాటల మూట కొనదేరిన కనురెప్పల్లో దాగిన మొహమాటం స్వాంతన చేకూర్చే గుండెలు మళ్ళీ మళ్ళీ వెంటాడే కళ్ళు విడిచి ఉండలేని స్థితికి చేర్చే దేహ భాష అందుకే బతుకంటే ఇష్టం నువ్వంటే చచ్చేంత మోహం!!

by Bhaskar Palamuru



from kavi sangamam*కవి సంగమం*(Poetry ) http://ift.tt/1lTPCXb

Posted by Katta

Buchi Reddy కవిత

3-11-2014 ******** మతం-- కులం దేనికి ?? ఎంధుకు ???మనిషి బ త క డా ని కి అవసరమా ??????????????? క ర సేవలు పాధాసేవలు ఆర్చనలు చక్ర తీర్థాలు ప్రెయర్లు నోము లు యజ్ఞాలు రథోత్సా వాలు మంత్రాలు జ్యోతి ష్య౦ మూడాచారాలు అంటరాని తనం తక్కువ ఎక్కువ కులాల తేడాలు ఇవన్ని బ్రహ్మ నీ క౦ ఏళ్ల తరబడి మతం పేరుతో దేవుని పేరుతో మా య మాటలు వల్ళిస్తూ నడిపిస్తూ నడుస్తున్న తతంగం- బ్రాహ్మ నియా బావ జాలం బలం గా ఇంకిపోయిన సమాజ౦ మన ధీ ఏళ్లతరబడి కోట్లాజనం మూడనమ్మకాలతో జ్జీర్ణించుకపోయి తరాలు గా పాటిస్తూ అమలుచేస్తూ--- స్వర్గానికి షార్ట్ కట్ చూపిస్తామని ప్రజల్ని బ్లాక్ మైల్ చేస్తున్న బాబాలు---సన్నాసులు---జియ్యం గార్లు మతం పేరుతో మన ష్యులను మరింత అజ్ఞా నం లో కి దింపుతున్న పీఠాధిపతులు---స్వాములు ?? కు లా ల పట్తింపులు తేడాలు అంటారాణితనం గుల్ల ల్లో ప్రవేశానిషేధాలు చూపుల్లో ఆచరణ లో తక్కువ-- ఎక్కువ బావాలతో ఎంధుకు ??? దేనికి ?? badly seriously deeply honestly rightly----- నేడు సమాజం లో చూస్తున్న నిజాలు సత్యాలు--- కులం-- మతం మనిషి బతకడానికి అవసరమా ?? పూజలు ధైవ ధర్షనాలు డిస్‌కౌంట్ సేల్స్ -- ప్రకటన ల తో నడుస్తున్న తీరు లో మనిషి బలహీన తల్ని ఆసరాగా తీసుకొని ఆడుకుంటూ మోసగిస్తూ---???? ఎంతకాలం వర్షాల కోసం పూజలు-- భజనలు యజ్ఞాలు అబద్దాలకు పాలిష్ కొట్టి అమ్ముకునే పత్రికల్లో టి వి ల లో పలానా తా యత కొంటె డబ్బు -- పధవులు సమకూరుతాయం టూ ప్రకటనల తో--- ఆచారాలూ--నియామాలు నిర౦కు శత్వ౦ తో సిద్దా౦ తా ల వ క్ర భాష్యం తో మనిషిని కీలుబొమ్మగా చేస్తూ--- మారుస్తూ--- మతాన్ని రాజకీయం చేస్తూ మతాన్ని వ్యాపారం గా మారుస్తూ--- ఎంధుకు ?? దేనికి --ఎంతకాలం ప్రజల పా లీ ట మతం మత్తు మంధు---మార్క్స్ మాటల్లో నిజం ఉంధీ--సత్యం ఉంధీ బ్రహ్మనిజం బలహీనమయనా రోజు దేశ స్వరూపం మారుతుంధీ- యువతులూ తరం మీ ధీ భాధ్యత మీ ధీ భావి మీ ధీ లేవండి--- పోరా డ౦ డి సాంఘిక ఆర్థిక విప్లవం రావాలంటే ప్రజల్లో చైతన్యం తేవాలి---రావాలి తెండి-- కదలండి మార్పు అవసరం ---------------------------------------------------- బుచ్చి రెడ్డి గంగుల

by Buchi Reddy



from kavi sangamam*కవి సంగమం*(Poetry ) http://ift.tt/1g6qwfo

Posted by Katta

R Rama Krishna M కవిత

ll వొస్తనే వుంటరు ll -ఆర్. ఆర్. కే. మూర్తి 12/03/14 ఇగ ఆడొస్తడు ఈడొస్తడు అడ్డమైన కొడుకులంతా వొస్తరు నువ్వు తలుపుతియ్యంగనే దండం పెడ్తరే పెద్దయ్యా ఇటు ఇటు జూసి నీ కాల్లు భీ మొక్తరు యాదిలే? ఐదేండ్లకింద రాలే ? గాల్లే గిప్పుడు మల్లచ్చిండ్రే పెద్దయ్యా ! పైసలిస్తరు మస్తు జెప్తరు పాపమంటివా బతుకు పాయిఖాన జేస్తరు ఈల్లు మడుసులుగారే పెద్దయ్యా కండువలు కప్పుకున్న మెకాలు.. మకురాలు చెప్పు చేతులవట్టుకోని ఆడు నీకేం జేసిండో అడుగు ఆడు గప్పుడెట్టుండె మరి గిప్పుడెట్టుండు అడుగు నా కొడుకుని ఇయ్యన్ని ఏడికెల్లి వొచ్చినయో మల్ల గనపపడితే మక్కెలిర్గుతయని చెప్పు ________________________

by R Rama Krishna M



from kavi sangamam*కవి సంగమం*(Poetry ) http://ift.tt/1nH1Tg3

Posted by Katta

Sree Kavitha కవిత

శుభరాత్రి ....@ "శ్రీ" .

by Sree Kavitha



from kavi sangamam*కవి సంగమం*(Poetry ) http://ift.tt/1nhppDB

Posted by Katta

Mohan Rishi కవిత

మోహన్ రుషి // కుక్క పిల్లలూ, దేవుడూ చల్లనివారే! // రాస్తాన్నేనొక కుక్క పిల్లను గురించి, ఈ రాత్రి, మిత్రులారా. ఎందుకొచ్చిందో తెలీదు. నా పక్కనే నడవడం మొదలుపెట్టింది. నా భయాలు నాకున్నాయి. నాకు మించిన సమస్యలేవో దానికున్నట్లుగా అడుగు అడుగులోనూ తెలియవచ్చింది. విచిత్రమే. పక్కన నేనున్నానన్న భరోసాతో నడుస్తుందది. నా దారిని గురించిన అంచనాల్తో అటూ, ఇటూ పరుగెడ్తుంది. తనను తాను తిట్టుకుంటూ మళ్ళీ వచ్చి పక్కన చేరుతుంది. తన భాషను నేనూ, నా బాడీ ల్యాంగ్వేజుని తనూ అర్థం చేసుకునే ప్రయత్నం. నాలుగు సర్కిళ్ళను దాటిపోయినా, విడిచిపోదే. నా సర్కిల్లోకొచ్చి కూచున్నిలబడి, నడుస్తూ దీనంగా చూస్తుంది, ఇక నువ్వే నా దిక్కన్నట్లుగా ఉంది. ప్రయాణం బాగానే ఉంది.కానీ ఇల్లు దగ్గర పడింది. గేటు ముందర నేనూ, నా ముందర తనూ. ఇక ఈ విషమ పరీక్షను దాటుడెట్లు? దరిద్రపు అపార్ట్మెంట్ బతుకు, పొమ్మనలేను, రమ్మనలేను. ఈ కరకు అర్ధరాత్రి ఒకర్నొకరం చూసుకుంటూ నిలబడ్డాం. ఎవరన్నా వచ్చి ఈ రెండు కుక్క పిల్లలూ ఒక్కచోట ఉండగలిగే ప్రదేశానికి తీసుకుపోతే బాగుణ్ణు. 12. 3. 2014

by Mohan Rishi



from kavi sangamam*కవి సంగమం*(Poetry ) http://ift.tt/PponGQ

Posted by Katta

Sravanthi Itharaju కవిత

సౌగంధిక జాజరలు "ఏడుకొండల స్వామీ.." _ స్రవంతి ఐతరాజు ఏడుకొండలస్వామీ నిను ఎలుగెత్తిమ్రొక్కెద అడుగడుగు దండాలతో గండాలు దాటింప నీ నామ స్మరణము..నీ "నామ"ధరణ చేసెద తనదు ఏడెడూ జన్మాల పాపంబుల బాపింప వ్రేడెద పిలుపు వినవా నా స్వామీ! ఏలుకొన రావేమీ? అందాల నా విభుడు అస్వస్థుడైనాడు.. జన్మజన్మాంతర పాపకర్మల బాధింపబడుచున్నాడు కావవా మము ఓ కావేటి రంగా! నీకల్యాణపురిని మా కల్యాణము గావించితివి ముడుపుగట్టితినీకు మా ముద్దుమురిపాలు నా సగమాయువు నా రేనికి బోయుమా అనిల అనుమానపు అవమానపు చాయల అలసిసొలసిన ఆ గుండియకీయగరాదె నీ అమృత శీతల కర స్పర్శ కరుణింపగరాదె పాపుల నీ పద పద్మముల సేవింప ఏడెడు కొండలెక్కి నీ నగుమోము గాంచెద నాదుముడుపులు చేకొని నాధుని రక్షింపుమా నాధా శ్రీనాధా జగన్నాధా పాహిమాం పాహి పాహి!!!

by Sravanthi Itharaju



from kavi sangamam*కవి సంగమం*(Poetry ) http://ift.tt/Ppolyz

Posted by Katta

11, మార్చి 2014, మంగళవారం

Sriramoju Haragopal కవిత

కాపిశ్కెడు నెనరు పిడీలు గడిచినయి పిడికెడు దయగలిగిన మనుషులు పిడికెడుగూడ దొరకలే దోసెడు దోసెడు కన్నీళ్ళు తాగి ఆశలు దూసిన బతుకుచెట్టునీడల ఎండిపోయినయి చల్లటి అయినోల్లనీడలు ఎవల్నడుగాలె బాధలెందుకుంటయని మొగులొడ్డున పొద్దొకనది యెలుగు, మాపొకనది సీకటి బురద బురద కప్పు తొర్రల్లో చిక్కిన యాదిచుక్కలు పొయ్యిల కొర్రాయిలెక్క చిటపట యిడిచిపోయినోల్లె కాని వున్నదెవరుతోడు? పుటుకపొద్దు, సావుమునిమాపుల నడుమ చానా ముచ్చట్లు కతలుగ చెప్పడానికే నిజం మనం కలిసి బతికిన రోజులన్నిట ఆత్మగల్లలోకం వొకటుంటదనే భావుకం, నీకు నాకు నడుమ వెలిసిపోని పావురం దుక్కం మొగురమై గుండెల్లో దిగబడితే బొమ్మరిల్లు బొమ్మయిల్లే తండ్లాడి పేర్చుకన్న బతుకమ్మయితే బతుకు పిడీలకవుతల కూడా ప్రేమలచేన్లే పండుతయి

by Sriramoju Haragopal



from kavi sangamam*కవి సంగమం*(Poetry ) http://ift.tt/1i3zFd5

Posted by Katta

Bandla Madhava Rao కవిత

కవి మిత్రులారా మీ మీ కవితలు ఏ పత్రికలో ప్రచురితమైనా వాటి వివరాలు లేదా ఆయా కవితలు కవిత 2014 ప్రచురణల డైరీ పేజీలో అతికించడి.

by Bandla Madhava Rao



from kavi sangamam*కవి సంగమం*(Poetry ) http://ift.tt/1i9qngm

Posted by Katta

Rajkumar Bunga కవిత

ఆర్కే||ఓ క్షణం చాలు|| అవును, జీవితం అందమైనది ఒక యుగమైన ఒక్క క్షణమైనా జీవితం అందమైనది కొన్నిసార్లు ఎవరో చెప్తేగాని తెలియదు అంతమయ్యేలోపు మరింత అందమని తెలుసుకో ఎందుకు ఆ భయం రోగంనిన్ను పీడుస్తుందా లేక రోగిని అనే దిగులు నిన్ను పీడుస్తుందా What is more hurting you? Disease or fear about Disease. ఇదిగో మనసా నీకో రహస్యం చెప్పనా, రోగం లేనోళ్ళు ఉన్నారేమో గాని మరణం లేనోళ్ళు కాదు...పిచ్చిముఖమా! న్యాయ సమ్మతమైన సమయంలో పరస్పర సమ్మతిపత్రం తీసుకొని ఏ ఉద్దేశ్యంతో ఇక్కడకు వచ్చావో నీకు ఆ భగవంతునికి మాత్రామే తెలుసు అదో రహస్యం ....మీ ఇరువురి మధ్య ఒప్పందం ప్రయాణంలో ఎన్నో మజిలీలు, తోటి ప్రయాణికులు!! కార్యం ముగింపులో కార్యాలయం ఆలోచన ఎందుకు ఎలా వచ్చావో అలాగే స్వచ్చంగా, లేతగా వెళ్ళిపో కార్యాలయం బీటలు వేస్తే నీకేంటి, బూజులు పడితే నీకేంటి శిధిలాలు భుజాన్నేసుకొని తిరుగు ప్రయాణం ఎందుకు, భూమిలో పాతెయ్ కాన్సర్ కణాలు మట్టితోకట్టిన కార్యాలయపు గోడలను కూల్చగలవు గాని, నిన్నుదాటుకొని నీ గుండెను కాదుగా ...తెలుసుకో అద్దెకొంపలో ఏమైనా కట్టిపడేసే బాధ్యతలుంటే తేలికపాటి ప్రయాణం కోసం అన్ని ఖాళి చేసుకొని నీగుండెలో నువ్వు చేరి సిద్దపడిపో పక్షిలా ఎగరడానికి Everything looks like important in life, but everything is not need in life, until unless you know the difference between important and need. సమస్తం ఆవశ్యకమైనవే, కాని అవసరము కాదు వాటి మధ్య వ్యత్యాసము తెలియనంతసేపు జీవితమంటే శరీరంలోనే నివాసం కాదు .... జీవితమంటే ఓ అందమైన ప్రయాణం, ఓ జ్ఞాపకం అందరిలో జీవించడానికి , అందమైన జ్ఞాపకంగా మిగిలిపోవడానికి వందేళ్ళు అవసరం లేకపోవచ్చు.. ఒక్కోసారి ఓ క్షణమే చాలు What is more hurting you? Death or fear about Death నవ్వినా నవ్వించగల్గిన...ఓ క్షణం చాలు ఎవరో ఒకరిలో నీవు తిరిగి జీవించడానికి..కమ్మని జ్ఞాపకంలా!! ఆర్కే||ఓ క్షణం చాలు|| 20140311

by Rajkumar Bunga



from kavi sangamam*కవి సంగమం*(Poetry ) http://ift.tt/1nFMHQ0

Posted by Katta

Yasaswi Sateesh కవిత

యశస్వి.. ఎన్నికల లోగిళ్ళలో.. ఎదురుచూపులు చాలిక తెరతొలగించి చూపించాలి మొదలైంది డచ్చాల యుద్ధం రంగం సిద్ధం చూస్తున్న వారిప్పుడూ.. మౌనాన్నే ఆశ్రయిస్తున్నారు ఈలలు వేసి గోల ఆడేవారే చేస్తున్నారు జీడిపప్పు తిని బలిసిన పందెం కోళ్ళు బరిలో నించున్నాయ్ ప్రయాణంలో, పనివేళల్లో.. కాలక్షేపం కబుర్లు బోలెడు పేపరు నిండా కాలక్షాపం బఠాణీలే చోద్యం పంచడానికి తోడున్నాయిగా మన ఛానళ్ళు ప్రజలంతా ఎవరినో గెలిపించడానికి సిధ్ధమైపోయారు లేదా తాము ఓడిపోవడానికి సిధ్ధమైపోతారు ఏమీ అడగలేక పోతారు అయాచితానికి ఆశపడిపోతారు చూపున్నా దృష్టి లేక బ్రతికున్నా స్పృహలేక ఆకలికి తాళలేక బరువుకీ కరువుకీ తాయలాలకై తొందరపడిపోతారు ఎన్నికలలనో పోగేసిన మాటల్ని నెమరేయలేక కలల్ని కనే అవకాశాన్ని వదిలిపోతారు అలవాటైన చీకట్లోకి నడిచిపోతారు.. కవీ! గోరీలు తవ్వి లేపనక్కరలేదు.. బ్రతికున్న మనుషులేగా మనవాళ్ళు! అయోమయంలో వారి ఆనవాళ్ళు ఎన్నిక చేసుకునేది మనుషుల్ని కాదు ముందురోజుల జీవితాన్నని.. మరలచెప్పు. అమ్మ-నాన్న, ఊరూ-కులం, భాష- ప్రాంతం పుట్టుక- చివరికి నువ్వు మగో- ఆడో నిర్ణయించుకునే అవకాశం కూడా లేకుండానే ప్రయాణం మొదలెట్టాముగా! నీపరమైన వన్నీ గౌరవించే మనసున్నోడివి బతుకు బండి నడిపే వాడిని ఎన్నుకోమని అడిగితే తలదించుకు పోతావే? అని కదా మనం అడగాలి!! ఓటు కోసం వచ్చిన వాడ్ని ప్రశ్నించమని చేప్పేవి- చేసేవి చిట్టాల తూకం వెయ్యమని మరలచెప్పు మన మనిషికి గొంతెత్తి పిలువ్! వెలుగు దారి తొక్కమని ==11.3.14==

by Yasaswi Sateesh



from kavi sangamam*కవి సంగమం*(Poetry ) http://ift.tt/N3slTl

Posted by Katta

Usha Rani K కవిత

మరువం ఉష | అనుసంధానం ---------------------------- ఆ విముక్తాకాశతలాన విలాసంగా విహరించే విహంగం మదిలో అసూయ గుప్పిస్తోంది అప్రయత్నంగా రెక్కగూడు తడుముకున్నాను ఎక్కడో అగాథపు లోతుల్లో మొండి పర్వతం ఇబ్బందిగా కదులుతూనే ఉంటుంది ఊహల్లో ఎగిరే నాకింత అత్యాశ కలిగితే, గతించిన యుగాల్లో సుఖించిన రెక్కజోరు కడలి హోరులా ఊపుతూనే ఉండాలిగా ఈ విశాలభూతలాన విస్తారంగా పరుచుకున్న వనం ఎదలో అనుభూతిని రగిలిస్తోంది అనుకోకుండా కళ్ళు మూసుకున్నాను ఇక్కడే ఎక్కడో శాపవిముక్తి పొందని నిస్త్రాణ దేహమొకటి స్థాన భ్రంశం కోసమని ఆరాటపడుతుందేమో కలలకే అబ్బురపడే నేను, భ్రమణ కాంక్షకి లోనైతే కామరూప విద్యల కలదిరిగిన విలాసాలు శ్వాస నిశ్వాసలుగా ఆయువిస్తున్నాయేమో అనుభవానికి రాని ఆరాటాలు ఆగవెందుకో ఆనవాళ్ళ మాయతివాచీ మీద పయనాలు చేస్తుంటాయి నిదురలోనూ మూత పడని మనసు, మూస్తున్న కళ్ళలో పక్క వేసుకుంటుంది కుతూహలపు కేరింతలతో వింత ప్రదర్శనలు చూసి వస్తుంది 11/03/14

by Usha Rani K



from kavi sangamam*కవి సంగమం*(Poetry ) http://ift.tt/1g4CfuN

Posted by Katta