Mohan Rishi కవిత

ద్వంద్వ సమాసం - దాసరాజు రామారావు శ్రావ్యంగా వినడానికి వీనులు గావాలె అరవై ఏండ్ల కల వలపోతని వినకపోవడానికి బ్రహ్మ చెవుడు గావాలె తెరిపిలేని వీక్షణానందానికి అక్షులు గావాలె తనువుల నంటువెట్టుకుని బతుకుల బుగ్గి చేసుకున్న అమర దృశ్యరూపాలు కనబడకపోవడానికి గుడ్డి కనుగుడ్డొకటి గావాలె తెలుగు తేనియలు చప్పరించడానికి సమైక్యపు లాలాజలంలో ఈదడానికి రుచికరమైన నాలుక గావాలె ఆంబుక్క పెట్టడానికి అడ్డుకునే అడ్డగోలు మాటల కోసం మడత పడ్డ నాలుక కూడా గావాలె హాస రేఖల ప్రదర్శనకు ముఖారవిందం గావాలె ఆంధ్రప్రదేశ్ రెండుగా చీలినట్టు టీవీలో చూపినపుడు వికృత ప్రకోపాల జేవురింపు మొహం అత్యవసరంగా గావాలె విశ్వాన్ని ప్రేమించగలిగే విశాల సహృదయత గావాలె నోటికొచ్చే బుక్క నెత్తగొట్టడానికి ఎంతకైనా దిగజారే కుత్సిత మనసు గట్టిదే ఖచ్చితంగా గావాలె కుప్పమో కడపకో తప్ప తంగెళ్ళు దాటని కాళ్ళతో సీమ చెట్టుకో, కోస్తా మిర్చికో తప్ప పెట్టుపోతలు జరుపని చేతులతో వెయ్యికాలాల పెత్తనం ఎన్నికల్లేకుండా మాకే గావాలె ప్యూపాదశ నుంచీ సీతాకోకచిలుక అయ్యేవరకూ 1953 అనంగీకార కలివిడి మొదలు 2013 నిరవధిక కన్నారని ఆకాంక్ష వరకూ అడ్డుకొంటూనే వుండాలె అయితే గియితే అన్నీ అన్నీ అన్నీ వున్న హైదరబాద్ మాకే గావాలె విడిస్తే గిడిస్తే మా భీషణ ప్రతిజ్ఞలేం గాను తొడగొట్టిన పౌరుషాలేం గాను తేరగా మేసే మా నోరేం గాను అంచేతా మేమందరం గుడ్క వొదల బొమ్మాళీ నిన్నొదల…!!! (వాకిలి, ఫిబ్రవరి-2014)

by Mohan Rishi



from kavi sangamam*కవి సంగమం*(Poetry ) http://ift.tt/1bZlyQO

Posted by Katta

Mala Chidanand కవిత

॥హృదయ కమలం॥ మోహన రాగము మదిలో నీవేమో నా హృదయములో.. అకుంఠిత దీక్ష నా ప్రేమలో అనురాగమోలుకుతుంది నీలో.. ప్రసన్నాత్ముడు నా స్వామి అతడున్న తావే ఆనందజలధి.. లాలిత్యము అతని పలుకులో కారుణ్యము జగన్నియామకుడిది.. పద్మనాభుడు నా దేవుడు అతని పదపద్మ సేవికను నేను.. కస్తూరితిలకాంకితుడు విభుడు ఆ నామములోని గంధము నేను.. మహామహితాత్ముడతడు అతని మందహాసములో నేను. క్షీరసాగరశయనుడతడు అందులోని బిందువుని నేను. సర్వజన పరిరక్షకుడు శ్రీకృష్ణుడు అతని కృపాకటాక్షములో నేను. ॥మాలచిదానంద్॥4-2-2014||

by Mala Chidanand



from kavi sangamam*కవి సంగమం*(Poetry ) http://ift.tt/1emPBYp

Posted by Katta

Thilak Bommaraju కవిత

తిలక్/చీకటి నా గదంతా చీకటి కమ్మేసింది నా నేస్తమై నన్ను చుట్టేసింది కళ్ళు తెరవగానే ఒక్కసారిగా వచ్చి నన్ను కౌగిలించుకుంది.. బహుశా తనను ఎవరు ఇష్టపడకపోవడంవల్లేమొ నేనంటే అంత ప్రేమ తన శరీరాన్ని నా ముందు పరిచింది నగ్నంగా నేనెం చేయలేనట్టు తన ఒళ్ళంతా తడిమి చూశాను ఎక్కడైనా వెలుగు చుక్కలు అద్దుకుందేమోనని ఒక్కసారిగా ఉప్పొంగిపోతుంది నేను తాకిన ప్రతిసారి నేనడుగుతుంటాను తనని... నీ ఒంటి నిండా ఈ నల్ల రంగేమిటని? ఒక చిరునవ్వు(చీకట్లోనే)­ నవ్వి అంటుంది నేను మాత్రమే స్వచ్చంగా ఉండగలను ఎవరు ఆస్వాదించినా,మరెవరు అసహ్యించుకున్నా అని... అప్పటినుండి తనను నాలోకి నింపుకుంటూనే ఉన్నా ఇష్టంతో తనొచ్చినప్పుడల్లా ఇప్పటికీ ప్రతి రాత్రి నాతో రమిస్తూనే ఉంటుంది తన నలుపు వర్ణాన్ని నా ఒంటికింత పులుముతూ ప్రతిరాత్రి తన ఒళ్ళోనే భావప్రాప్తి పొందుతుంటాయి నా చిక్కని జ్ఞాపకాలు ఇంకా నా పక్కనే తనను పరచుకొని పడుకుంది నాతోనే.... తిలక్ బొమ్మరాజు 04.02.14

by Thilak Bommaraju



from kavi sangamam*కవి సంగమం*(Poetry ) http://ift.tt/1fWIcML

Posted by Katta

Sukanya Beegudem కవిత

** ఆణి ముత్యం ** మనసనే కలవమని వయసనే జత కట్టమని జ్ఞాపకమనే తలవమని బిడియమనే సిగ్గుమొగ్గేయమని నడకనే ఏడడుగులేయమని వాత్సల్యమనే కలసుండమని మమతయనే ఒడిపట్టమని ధరహాసమనే ముద్దాడమని (బిడ్డని) **** అమ్మతనమనే ఆనందాల ఊగమని ఆనందభాష్పమనే నీ బిడ్డ ఆణిముత్యమని బోసినవ్వనే కల్మషంవద్దని బుడిబుడిఅడుగనే అడుగులు తడబడవద్దని మృదు స్వర్శనే స్పృహతోయుండమని వేలిగేకనులనే కరుణగలిగియుండమని చిరుచేతిదెబ్బయనే చేయిచాచినా అంతానీవారేయని . ప్రేమపాదరసమనే అమృతః హృదయాలలో జారిపోమ్మని. !!సుకన్య!!04/02/2014.

by Sukanya Beegudem



from kavi sangamam*కవి సంగమం*(Poetry ) http://ift.tt/1jazj79

Posted by Katta

Sreedhar Babu Pasunuru కవిత

"The Wolf of Wall Street" -పసునూరు శ్రీధర్ బాబు .... చెప్పకూడనివి చెప్పాలనిపిస్తుంది దాచుకోవాల్సినవి చూపించాలనిపిస్తుంది చచ్చేదాకా బతికేందుకు ఇన్నేసి రహస్యాలను కాపాడాల్సిన దౌర్భాగ్యమేమిరా దేవుడా? చీకటిలో తెరుచుకున్న రంగస్థలం మీద రహస్యాలభంజికలతో రాజుకుని మాడి మసైపోయి పొగల సెగల ఆనవాళ్ళతో లుంగలు చుట్టుకుపోతూ ఏదేదో రాసేయాలనిపిస్తుంది నెత్తుటి వెలుతురులో దుఃఖపు చీకటి అక్షరాలతో.. కోర్కెల రాత్రిలో మసిలే కన్నీటి వ్యాకరణంతో.. ఒక బ్లాక్ కామెడీ.. కరెన్సీ నోట్ల మీద కెలికేసి నలిపేసి... చెత్తబుట్టలో పారేసి- చెత్తబుట్టలు టేబుల్ కిందే ఉండవు.. లేబిల్ లేకుండా లోపల్లోపల నోరు తెరుచుకుని చూస్తూనే ఉంటయ్.. దీర్ఘాలోచనల నిట్టూర్పులను బుసకొడుతూ జుర్రుకునేందుకు- ముసలాడు మార్టిన్ స్కోర్సీస్ ఎప్పటికీ ఓ పాతికేళ్ళ తోడేలు భయపెడుతున్నాడు ముసుగులన్నీ పరపరా చింపేసి- సిగ్గుతో చచ్చిపోతున్నామిక్కడ.. వలువలన్నీ తీసేస్తుంటే.. విలువలు లేని బతుకులు తట్టుకునేదెట్లారా? టెడ్డీ బేర్ కన్ను ఆవురావురుమంటూ ప్రియురాలి రహస్సౌందర్యంలోకి చొరబడి చొంగకారుస్తుంటే.. ముక్కుపుటాలదిరేలా మాదక ద్రవ్యాన్ని మస్తిష్కంలోకి పీల్చుకున్నాక నైతికత ఒక అస్పష్ట కళాఖండం.. ఆధునిక దృశ్య కావ్యం... 'ఓహ్... ఐ జస్ట్ కేమ్.. డిడ్ యూ?' ..... (12.35 a.m. ఫిబ్రవరి 4, 2014)

by Sreedhar Babu Pasunuru



from kavi sangamam*కవి సంగమం*(Poetry ) http://ift.tt/1k6NASF

Posted by Katta

Krishna Mani కవిత

హైకూ **** వోల్వో సుఖం జగజ్జనితం హైవే రేసు యమగండం కృష్ణ మణి I 04 -02 -2014

by Krishna Mani



from kavi sangamam*కవి సంగమం*(Poetry ) http://ift.tt/1k72ecs

Posted by Katta

వెంకట చలపతి బాబు కూరాకుల కవిత

కూరాకుల వెంకట చలపతి బాబు || ఆవే(దన)శం || అయ్యో!.. అటుచూడండి.. ముక్కు పచ్చలారని పసికందు పంచవర్షములైనా నిండని చిట్టితల్లి.. అమ్మ చేతి గోరుముద్దలతో అమ్మ నోటి లాలిపాటలతో ఆనందించి.. తన ముద్దు ముద్దు మాటలతో చిలిపి చేష్టలతో.. అందరిని పరవశింపచేస్తున్న ఆ బుజ్జి తల్లిని చూడండి.. మృత్యువుతో ఎలా పోరాడుతుందో.. ఆ మృగాడి పైశాచికానికి ఎలా తల్లడిల్లి నరకయాతన అనుభవిస్తున్నదో.. అ!.. అటు చూడండి.. ఆ దారుణం చూడండి.. చదివి ఇంటికి వెలుగులు పంచాలి అనుకున్న ఓ చెల్లి జింక పిల్లను సింహాల మంద వేటాడినట్లు తమ వాంఛను ఎంత కిరాతకంగా తీర్చుకున్నారో.. "అమ్మా! మృత్యుదేవతా.. నాకు ఈ లోకంలో ఉండాలి అని లేదు.. మూగ జీవులను భక్షిస్తూ మృగాలుగా మారి అణువణువు కామకాంక్షతో తిరుగుతున్న ఈ దౌర్భాగ్యుల మధ్య వావి వరుసా, చిన్న పెద్దా తేడా లేకుండా కోరిక తీర్చుకుంటున్న ఈ కీచకుల మధ్య నేనుండలేనమ్మ.." అంటూ అపస్మారక స్థితిలో కొట్టుమిట్టాడి మృత్యుదేవత ఒడికి చెరిన ఆ సోదరిని చూడండి.. హా!... ఏమిటి ఈ ఘాతుకం.. పసిపిల్లల అపహరణ.. పసికందుల ప్రాణం విలువ ధనమా? ఎంతటి క్రౌర్యం? ఎంతటి నీచ సంస్కృతి.. ఛీ.. ఛీ... తూ తూ... జీవితాన్ని ఎలా గడపాలో తెలియని దౌర్భాగ్యులారా.. "స్త్రీ"ని ఎలా గౌరవించాలో తెలియని అధములారా మనిషిని మనిషిగా చూడలేని ఆటవీకులారా.. అతివ కూడా మనలానే.. చీము రక్తము మాంసపు ముద్దలు కలిగిన మాములు జీవి అని గుర్తించని మూర్ఖులారా.. ఎందుకు మీకీ బ్రతుకులు..? ఎందుకు మీకీ జీవితాలు..? 04-02-2014 /** పత్రికలలో రోజు చూస్తున్న కొన్ని సంఘటననుండి ప్రేరణ పొంది రాసిన భావాక్షరాలు

by వెంకట చలపతి బాబు కూరాకుల



from kavi sangamam*కవి సంగమం*(Poetry ) http://ift.tt/1k6W6AW

Posted by Katta

Gubbala Srinivas కవిత

గుబ్బల శ్రీనివాస్ ।। ఆకాశం కన్నీరు కార్చింది ।। --------------------- కళ్ళకు అదో కనికట్టుల మాయాజాలమే కనుచూపు మేర సూన్యమే అయినా అందమైన నీలి చిత్తరువే ఆ ఆకాశం. బగబగ మండే సూర్యతాపాన్ని వడకట్టి నీలి నీరెండనే జగతికి పంచేను నేల మనుగడకు గొడుగై రక్షణ ఇచ్చేను. తన బిడ్డల మేఘాల కౌగిలింతల్లో చినుకై వర్షించి అవనికి సొగసులెన్నో అందించేను. చీకటై తాను నల్లబారినా రేరాజుని నొసటన దిద్దుకుని మురిసిపోతాది. ఇంతలో ఓ ఘనుడు పుట్టాడు స్వార్ధం ,పగ కోరాడు పరిశ్రమలు ,కాలుష్యం సృష్టించాడు పంచభూతాలను శాశించాడు పచ్చని హరితవనాల్ని హరించాడు ప్లాస్టిక్ వ్యర్ధాలను పెంచాడు నీలాకాశానికి పొగబెట్టి, ఉక్కిరి బిక్కిరి చేసి, సహజ ఋతువులను మాయం చేసి మేఘమధనాలతో గాలిలోనే విన్యాసాలు గావించాడు. ఊహలకు ,మేధస్సుకి రెక్కలు తొడిగి రాకెట్లను అగ్నిగోళంలా మండిస్తూ నింగిని చీల్చి అంబరంలో సంబరమన్నాడు. నిరంతరం మండే సూర్యతాపమే బరించింది మాయ మనిషి పెడుతున్న మంటకు ఆకాశం కన్నీరు కార్చింది ! (04-02-2014)

by Gubbala Srinivas



from kavi sangamam*కవి సంగమం*(Poetry ) http://ift.tt/1nMloVm

Posted by Katta

Kavi Yakoob కవిత

తెలుసా ? Six angry youngmen formed as Digambara Kavulu ( Naked Poets ) in 1965 Jwalamukhi (Telugu: జ్వాలాముఖీ) was the pen name of Veeravalli Raghavacharyulu (April 18, 1938 – December 14, 2008), who was an Indian poet, novelist, writer and political activist. Jwalamukhi won the national Sahitya Akademi Award (Hindi) for his novel Rangeya Raghava Life History. Among the other more prominent of his novels and thousands of poems were Veladina Mandaram, Hyderabad Kathalu and Votami-Tirugubatu. Jwalamukhi was a prominent member of the "Digambara Kavulu", a group of rebel poets whose views and style is recognised as a decisive break in the history of modern Telugu literature. He was also a co-founder of the Revolutionary Writers Association (Virasam) in 1970, an active member of the Organisation for People's Democratic Rights and a founder of the India-China Friendship Association. He was the Andhra Pradesh secretary and national vice president of the India-China Friendship Association until his death. He was born in the Sitarambagh section of Hyderabad. He founded Sitarambagh Residents Welfare Association and opposed Laxmi Nivas Ganeriwal.[1] After the foundation of Virasam in 1970, Jwalamukhi was arrested in 1971 for his writings along with two other Virasam members under the AP Preventive Detention Act.[4][5] One of his poems was proscribed under Section 99 of the Code of Criminal Proceedings, and all copies of the book in which it appeared were seized. "An electrifying speaker, Jwalamukhi travelled extensively and lectured across the state Andhra Pradesh and beyond for decades", according to an article in The Hindu. "He was associated with nearly every major social movement in Andhra Pradesh for well over three decades." He died at a corporate hospital at Somajiguda on December 14, 2008, from a heart attack while receiving treatment for liver cirrhosis, from which he suffered for the previous year. He was survived by his wife, Sita Devi, and sons Sampath Kumar, Sridhar and Vasu.

by Kavi Yakoob



from kavi sangamam*కవి సంగమం*(Poetry ) http://ift.tt/1k6NB9b

Posted by Katta

Sudarshan Punna కవిత

హైకూ/ పున్న సుదర్శన్ మూగ వెదురే శ్వాసించినప్పుడల్లా రాగఝరులే ****** నేను నీవయ్యే సంయోగ వైఫల్యంలో నీవూ నేనూగా

by Sudarshan Punna



from kavi sangamam*కవి సంగమం*(Poetry ) http://ift.tt/1fqAgTn

Posted by Katta

Surya Prakash Sharma Perepa కవిత

"మలినం లేని ప్రేమ" -వేదాధ్యయ [06-Feb'14] మలినం లేని ప్రేమ పొందాలనుకుంటున్నావా!! మలినం లేకుండా ప్రేమించు. ద్వేషపు మరకలు పడతాయి అనుమానపు బూడిద అంటుతుంది కాచి శుభ్రం చేసుకో సున్నితమైన ఆలోచన సబ్బుతో... పురుగులు కొరుకుదామని మాటువేస్తాయి వద్దని నచ్చజెప్పు, మందలించు ప్రేమతో... చంపుదామని చూస్తున్నావా!!? వాటి బంధువులొస్తాయి జాగ్రత్త, పగతో... ప్రేరణ లేక చిరుగులు పడతాయి. అల్లెయ్ నీ ప్రేమను మనసుపెట్టి పవిత్రమైన సమయ మగ్గాన్ని అందుకుని, మేలు జాతి సహన దారాలతో... మలినం లేకుండా చూసుకో నీ సహజ ప్రణయ వస్త్రాన్ని. మలినం లేని ప్రేమకై నీరీక్షణలో నీ పాత చర్మం రాలిపోనీ వేయి కాంతులతో కొంగ్రొత్తగా నీ ప్రేమ చర్మమై చేరేవరకు మలినంతో నిన్ను చేరిన ప్రేమ నిన్ను తాకినంతనె శుభ్రమైపోతుంది. మలినం లేకుండా ప్రేమించు నేస్తం! మలిన రహిత ప్రేమను ఆస్వాదించడానికై...

by Surya Prakash Sharma Perepa



from kavi sangamam*కవి సంగమం*(Poetry ) http://ift.tt/1itd0Gt

Posted by Katta

Naveen Auvusali కవిత

||అర్థం కాని రాక్ష(సరాజ్యం) ||నవీన్ అవుసలి|| ఏవేవో మౌన భావాలు ఎందుకో బలిసె దిగిన మూగ బాధలు .. సమరం చేసి సమాజాన్ని నిస్తేజం చేయమనా సంధి చేసి సత్తువల్ని నిస్సత్తువలు చేయమనా .. ఆత్మ రక్షణకై రాక్షసత్వాన్ని రేకెత్తించమనా అడుగంటిన అంతరాత్మని అంతమొందిన్చమనా .. కొమ్ములతో కుమ్మేసే క్రూరమృగాలని వేటాడమనా కోట్లతో కుమ్మక్కయ్యే కోడెనాగుల కోరలూడమనా.. అస్త్ర కైవసం చేసి అసురున్ని అడ్డంగా సంహరించమనా అస్త్ర సన్యాసం చేసి అసురిడికి ఆకలి నైవేద్యమవమనా .. గెలుపులేని ఓటమితోనే గెంతుతూపోమనా కుళ్ళు కుతంత్రాలు తాళలేక విగధజీవియై విశ్రాంతి తీసుకోమనా ...

by Naveen Auvusali



from kavi sangamam*కవి సంగమం*(Poetry ) http://ift.tt/1itd0pS

Posted by Katta

Kavi Yakoob కవిత

by Kavi Yakoob



from kavi sangamam*కవి సంగమం*(Poetry ) http://ift.tt/1kJE6dP

Posted by Katta

Ravela Purushothama Rao కవిత

సంధానం *********** నిన్నటిదాకా నేను ఎదురయిన ప్రతి వాడినీ ప్రశ్నలతో ఉక్కిరి బిక్కిరి చేసేసాను. కప్పదాటు జవాబులతో కొందరు వినీ వినబడనట్లు నటిస్తూ, మరికొందరు నేనుకనబడగానే దివాంధుల్లా నటిస్తూ తడబడుతూ, దారిమర్చేవారు , ఇంకొందరు. ఎవరూ నాప్రశ్నలకు సూటిగా సమాధానం చెప్పలేకుండా పోయారు. అందుకేకొన్నాళ్ళు నేను ఆప్రశ్నలను వాటి మానాన వాటిని వదిలేసి మౌన్నాన్నశ్రయించాను ,మహర్షిలా. ఇప్పుడు కాలం పూర్తిగా మారిపోయింది అందరూ నన్ను ప్రశ్నల తో మూకుమ్మడిగా అదేపనిగా, దాడి చేస్తున్నారు. భావికాలపు జీవనగతిని గూర్చి నిజం చెప్పండంటూ నిలదీసి నిలువునా వేధిస్తున్నారు. అనూహ్యమైన ప్రశ్నల జడిలో నన్ను అన్యమనస్కం గావిస్తున్నారు అమ్మయ్య ఇప్పుడు జనంలో చైతన్యం, ప్రవాహంలా ఉరకలెత్తుతున్నది అబ్బబ్బబ్బో నన్ను ఎనలేని ఆనందం ఆర్ణవమై ముంచేస్తున్నది . చిరకాలపు నా వాంచ చిత్రంగా నెరవేరుతున్నది. సమాధానాలతో సంధానమై నిలువెల్లా, పులకించి పోతున్నాను 05-02-2004 -----------------------

by Ravela Purushothama Rao



from kavi sangamam*కవి సంగమం*(Poetry ) http://ift.tt/1kWq9Ju

Posted by Katta

Kavi Yakoob కవిత

Selected readings : అతి మామూలుగా బరువూ,హంగూ, ఆర్భాటాల్లేకుండా అతి సాధారణంగా సాగిన కవిత. స్వగతంలా,తనతో తను,తనకోసం తను చెప్పుకున్నట్లుగా సాగిన కవిత. పక్కన కూచుని ముచ్చట చెబుతున్నట్లుగా ఒక రహస్యమేదో పంచుకున్నట్లుగా ఉంది కదూ ! పలమనేరు బాలాజీ | ప్రశంస ................................. నువ్వెప్పుడైనా ప్రశంసకు లోబడ్డావా? ప్రశంసతో ఒక్కరిద్దర్నయినా దగ్గరకు తీసుకున్నావా? నిద్రలేస్తావు తయారవుతావు రాత్రికి అలసటతో నిద్రతో ఖాళీగా వస్తావు ఇల్లు నిన్ను- సాయంత్రంనుండి ఉదయందాకా పూరిస్తూ వుంటుంది. ఖాళీలన్నీ పూర్తయ్యాక భుజబలాల్ని సరిచూసుకుంటూ దారుల్ని వెతుక్కుంటూ -లేదా ఒక్కో దారినే నిర్మించుకుంటూ నువ్వలా పరమోత్సహంగా నీ లోకంలోకి వెడతావ్ నీవెంట లోకం నడుస్తుందంటావు ప్రణాళికలు, యుద్ధాలు, నిర్మాణాలు చేసేవాడా - నిన్ను నిత్యం పునర్ నిర్మించే ఇంటినెప్పుడైనా ప్రశంసించావా ? [పలమనేరు బాలాజీ 'ఇద్దరి మధ్య' సంపుటి లోంచి ]

by Kavi Yakoob



from kavi sangamam*కవి సంగమం*(Poetry ) http://ift.tt/1nMcFm5

Posted by Katta

Aduri Inna Reddy కవిత

Aduri Inna Reddy || మూసిన కనురెప్పల వెనుక చిలిపిగ నవ్వుతూ నీవు || ------------------------------------------------------------------------------ దాచలని చూసినా దాగలేనిది మది ఊసుల ఊయలలు అనగారిన మురిపాలు అందిపుచ్చుకునే సమయం దగ్గరై మనసు గిలిగింతలు పెడుతున్నాయి... మది అళ్ళ కళ్ళోలం సాక్షిగా మదిసరాగాలు గిచ్చి గిలిగింతలు పెడుతున్నా.. మనం ఏకమై మమేకమై ఇద్దరం ఒక్కటై ఆసరాగాలు పాడుకునే వేలాయనా...? ఎవరన్నారు మన ప్రేమకు ఎటువంటి అడ్డుగోడలు ఉన్నాయని మనమధ్య ఏ విధమైన పొరపొచ్చాలు కావవి దూరంగా ఉండి దగ్గరవ్వడమే కదూ నీలోని సొగసుల సోయగాలు నాలో రేపెను వలపుల తరంగాలు మనసైన వాడిని కాబట్టేనేమో ప్రతి హృదయ స్పందన తెలుసుకున్నా తలచుకున్న క్షనానే గుండెలదరగా కవ్విస్తున్నావు మూసిన కనురెప్పల వెనుక చిలిపిగ నవ్వుతూనీవు

by Aduri Inna Reddy



from kavi sangamam*కవి సంగమం*(Poetry ) http://ift.tt/N5a3lu

Posted by Katta

Kavi Yakoob కవిత

కవిత్వమూ ,కవులు కలుసుకునే / కలిపే చోటు !

by Kavi Yakoob



from kavi sangamam*కవి సంగమం*(Poetry ) http://ift.tt/1bpJgJ9

Posted by Katta

Ramabrahmam Varanasi కవిత

పిల్లారాయాష్టకము వారణాసి రామబ్రహ్మం 6-2-2014 ౧. కల్లోలిత సరసిని కనిపించదే ప్రతిబింబము నిలువదు సంక్షుభిత హృదయమున నీ మూర్తి మదినిండ నిండి నెమ్మది నిమ్ము పిల్లారాయ ప్రభో! యానాము పుర విభో! ౨. నాసికాత్రయంబకమున నాజూకుగా మొదలై మరటాంధ్ర సీమల ఏరుల సెలయేరుల కలుపుకు నదిగ మారి భద్రగిరి రాముని పాద పద్మములకు పాద్యమై పున్నెములప్రోవై పట్టిస వీరభద్ర స్వామిని చుట్టుముట్టి అఖండ గౌతమై అన్నపూర్ణయై గోదావరి లవణాబ్ధిని కౌగలించుదరి నుంటివి ప్రసన్న వీక్షణముల ప్రపంనుని కావుము పిల్లారాయ ప్రభో! యానాము పుర విభో! ౩. సిద్ధి బుద్ధి పతివి నీవు శ్రీవల్లి దేవసేనాపతి తమ్ముడు; మంచి బుద్ధుల సిరుల సంపత్తుల నిచ్చి బ్రోతురు మమ్ము పిల్లారాయ ప్రభో! యానాము పుర విభో! ౪. సంసారపు బండిని లాగు మాకు బాడిబందల దారిని కాడి భారమయ్యె కలతల వడిని అలజడిని బాపుము పిల్లారాయ ప్రభో! యానాము పుర విభో! ౫. విలసిల్లును సదా పూవుల పిందెల కాయల నారికేళ వృక్షము కళ కళలాడును గృహములు సదా పిల్లలు పాపలు పెద్దలతో తళతళలాడును మీ మోము మామ్ము కాచుతరి భళి! భళి! పిల్లారాయ ప్రభో! యానాము పుర విభో! ౬. భావముల వరుసయే మనసు; నిరంతర కామ భావనయే మన్మథుడు; ప్రియమెప్పుడు మదిని మెదలుటయె వలపు; తలపుల సదా మీరుండుటయే భక్తి! పిల్లారాయ ప్రభో! యానాము పుర విభో! ౭. మీరు లేనే లేరని నాస్తికులు, అంతట మీరేనని ఆస్తికుల తగవులాటలు మొదటినుండీ శంకిసుమంతయును లేని నమ్మకము కుదుర్చుడు పిల్లారాయ ప్రభో! యానాము పుర విభో! ౮. జగమంతయును అల్లకల్లోలములు హాహాకారములగ నున్నది దేవుని పేరనే జరుగుచున్నవి దారుణములు మతముల మతులు సరిచేసి మమ్ము కాచుడు పిల్లారాయ ప్రభో! యానాము పుర విభో! తటిల్లతా సమరుచి గాత్రి తల్లి పార్వతి అనుంగుపట్టీ! అనుగ్రహము చూపి వ్రాయించితివి నాచేత నీ అష్టకమును వ్యాసమౌని మేటి వ్రాయసకాడా! ప్రీతితో గొని దీనిని బ్రోవుము నన్ను సమస్తవిద్యా ప్రదాతా! సకల విఘ్నాన్తకా! ఈశ్వరకుమారా! ఐశ్వర్య కారకా! పిల్లారాయ ప్రభో! యానాము పుర విభో!

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1kW3c9h

Posted by Katta

Kavi Yakoob కవిత

కవిత్వం -వ్యక్తిత్వ వికాసపరిమళం !

by Kavi Yakoob



from kavi sangamam*కవి సంగమం*(Poetry ) http://ift.tt/1k6t3O3

Posted by Katta

Rambabu Challa కవిత

చల్లా చమక్కులు // Dt. 04-2-2014 జీవన వృక్షం వాడిపోయి చిటారు కొమ్మన ప్రాణం చేరిపోతే రాలిన పళ్లను ఏరుకుంటున్నారు వారసులు వృద్ధాప్యమనే కడలిలో తల్లి దండ్రులు ప్రయాణిస్తుంటే డాలర్ల జాలరులైనారు కొడుకులు కూతుళ్ళు కాలక్షేపం అనే సోమరికి బద్ధకస్తులు ప్రియ బంధువులు శ్రామిక జీవన ఫలాలను కూర్చొని మెక్కుతారు

by Rambabu Challa



from kavi sangamam*కవి సంగమం*(Poetry ) http://ift.tt/1iopsHW

Posted by Katta