పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Mala Chidanand లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Mala Chidanand లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

20, జూన్ 2014, శుక్రవారం

Mala Chidanand కవిత

॥భావాంకితం॥ మాటలతోనే మనసు దోచుకునే మాయలోడివి నీవు భావాలతోనే ఆకట్టుకునే అయస్కాంత శక్తిగలవాడివి నీవు చూపులతోనే సాంత్వనమిచ్చే కరుణామయుడివి నీవు ప్రేమతోనే జడ ప్రకృతికి జీవంనింపే అమృతత్యుడివి నీవు నీ మాటలు భావాలు చూపులు ప్రేమ అన్నీవరముగా పొందిన ఈ దివ్యకుసుమమెంత భాగ్యశాలినియో...!!! ॥మాలాచిదానంద్॥20-5-14||

by Mala Chidanand



from kavi sangamam*కవి సంగమం*(Poetry ) http://ift.tt/1oQ1KuP

Posted by Katta

16, జూన్ 2014, సోమవారం

Mala Chidanand కవిత

||మధురానుభూతి|| నీవలా పలకరిస్తుంటే ఎదలో ఏదో మధురమైన అనుభూతి. నన్నలా చూస్తూ ఉంటే ఎంతో సంతోషమైన అనుభూతి. పెదవులనలా తాకితే హృదయం ఉప్పొంగే అనుభూతి. కురులనలా తడుముతుంటే ఆప్యాయమైన అనుభూతి. నీ కౌగిలిలో బంధీనైనప్పుడు అలాగే కరిగిపోతున్నానన్న అనుభూతి. నీ ధ్యాసలో మునిగినప్పుడు నా మది పరవశించే అనుభూతి. నీ ప్రేమసుధాసాగరంలో జలకాలాడిన అద్భుతమైన అనుభూతి. అందమైన ఈ భువి మందిరంలో ప్రేమజంటలమై అలరాడుతున్న అనుభూతి. గగన వీధిలో స్వచ్ఛందంగా ప్రణయపక్షులమై తేలే అనుభూతి. గంధర్వులమై ఇంద్రుని నందనోద్యానంలో విహరించే అనుభూతి. అపరూపమైన నీ ప్రేమసామ్రాజ్యాన్నేలే దేవకన్యను నేనేనన్న అనుభూతి. నీతో నేనుండే క్షణాలే నాలో మిగిలిపోయే రసరమ్య సుమనోహర క్షణాలన్న అనుభూతి. ॥మాలాచిదానంద్॥16/6/14||

by Mala Chidanand



from kavi sangamam*కవి సంగమం*(Poetry ) http://ift.tt/1qVbhxQ

Posted by Katta

21, మే 2014, బుధవారం

Mala Chidanand కవిత

||హృదయేశ్వరుడు|| చిన్నదాని చందాలు చూసిన ఇందురూడు తన వెంటపడ్డాడు. నీలాకాశంపై ప్రేమ పత్రం రాసాడు నీవొక సౌందర్యవతివన్నాడు. నీ మనసొక అందాల కోవెలన్నాడు నిన్నొదిలి నేనసలు ఉండలేనన్నాడు. నీవే నా పాలికిక దేవత అన్నాడు నీ ఒడిలో నన్ను నేను మరిచిపోయానన్నాడు. అనితరసాధ్యమైన నీ అద్భుత ప్రేమ నాదైనందుకు ధన్యుడైనానన్నాడు. సర్వసంపదలకు అధిపతినైన నాకు నీ ప్రేమామృతముతో తనివి తీరినదన్నాడు. ప్రియురాలి హృదిలోని ఒక్కొక్క అంగులంలోను విరాజిల్లిపోయాడు. మనసిచ్చిన మగువను మనసారా మనువాడాడు మన్మథుడు. ఈ భువిలోనే కాదు ఆ స్వర్గములొ వెతికినా దొరకడిటువంటివాడు. చూడచక్కని అందాల సుందరుడు ఈ నా చందురూడు. నా స్వామి సొగసులు వర్ణించి సహస్రపదకుసుమాలనర్పించినా తనివి తీరదాయె. నేను జీవించే ప్రతిక్షణము అతని శ్వాసతో ఆచ్ఛాదితమాయె. నాలో నీవే నిండిపోయావన్న మధురభావమే నా ఈ కవితకు స్ఫూర్తియాయె. ఇదిగో ఈ మాలని నీ మాలగా మార్చుకున్న మహామాంత్రికుడివి నీవన్నది నిజమైపోయె. ॥మాలాచిదానంద్॥21-5-14||

by Mala Chidanand



from kavi sangamam*కవి సంగమం*(Poetry ) http://ift.tt/1mXYpGB

Posted by Katta

28, మార్చి 2014, శుక్రవారం

Mala Chidanand కవిత

||ఐక్యం|| నీ చిరుదరహాసం చిందించెను నా వదనంలో మందహాసం. నీ అమృతవాక్కులు అందించెను నాకొక నవజీవితం. నీ ఐశ్వర్యవంతమైన హృదయం నాకదే ఆవాసస్థానం. నీ అందమైన మనసులోని కుసుమం నేనన్నదే నాకు గర్వం. నీ కలలో విరిసే రంగుల హరివిల్లు నా కళ్ళలో మెరిసే నక్షత్రాలు. నీ ప్రతిశ్వాసలోని సుగంధం నన్నలరించే అద్భుత భావం. నీవాలాపించే దేవగానం నాలో ప్రవహించే జీవజలం. నీవు కురిపించు నిష్కల్మష ప్రేమ నాలో చిగురించెను చేతనత్వం. నీవే నా ఊపిరి.. నీలోనే నా ఉనికి.. నీతోనే సఖ్యం..నీలోనే ఐక్యం.. ॥మాలచిదానంద్॥28-3-2014||

by Mala Chidanand



from kavi sangamam*కవి సంగమం*(Poetry ) http://ift.tt/1fsNQF0

Posted by Katta

21, మార్చి 2014, శుక్రవారం

Mala Chidanand కవిత

మిత్రులందరికి కవితా దినోత్సవ శుభాకాంక్షలు... ॥ఒక అపహరణ వృత్తాంతము॥ సన్నివేశం-1 నేను నీ గురించే ఒక అందమైన కవిత రాస్తున్నా ఉండు పిల్లా, నా ఫ్రెండ్స్ వచ్చారు వాళ్ళను పలకరించి వచ్చేస్తా ప్లీజ్ ఆగరా కన్నా, నాకొక ముఖ్యమైన పని వుంది జస్ట్ ఇప్పుడే చేసి వచ్చేస్తారా నాన్నా, నేను ఊరెల్తున్నా రెండు రోజుల్లో వచ్చేస్తా బంగారు, రోజూ నాతో కాసేపు గడపడానికి, నాలుగు మంచి మాటలాడడానికి ఎన్ని కబుర్లు చెబుతున్నావు నేస్తమా... నాకు నీ సాకులొద్దు ప్రియా నువ్వు మరి నీ ప్రేమ కావాలి అంతే. సన్నివేశం-2 ఎక్కడో సన్నగా సుశ్రావ్యమైన సంగీతం వినబడుతున్నది. నిద్రమత్తు ఇంకా వీడనంతుంది. సన్న జాజుల పరిమళం ఆఘ్రాణిస్తూ ఏదో తెలియని మైకంలో తేలుతున్నట్టుంది. నేనెక్కడున్నాను!! అని తెలుసుకోవడానికి ప్రయత్నించడానికి ముందే!! నా నుదుటిపైన ఒక తీయని ముద్రనిచ్చింది నా రాణి!! నవ్వుతూ వచ్చి నా ముందు సిగ్గుతో తలవంచి నిలబడింది. ఆమె చుట్టూ నా కౌగిలిని బిగించిన నేను మెల్లగా తన మోమును పైకెత్తి అధరాలపై ఒక ముద్దందించాను. ఎంత కాలం అలా ఉన్నామో తెలియదు. ఓహ్ !! జ్ఞాపకం వచ్చింది అప్పుడడిగాను నేనిక్కడికెలా వచ్చాను ? చెప్పవా పిల్లా ? అని ? నవ్వుతూ చెప్పింది నిన్ను నేను అపహరించాను రాజా. నువ్విక నా ప్రేమఖైదివని. మనమిప్పుడు ఒక రమ్యమైన ప్రాంత్యంలో ఏకాంతంగా ఉన్నామని. తనివితీరా నా రాజుతో విహారించేదాక విడిచిపెట్టే సమస్యే లేదని సెలవిచ్చింది. మనసారా ప్రేమించే నా బంగారుకొండను నాకే తెలియక ఇంత భాధ పెట్టానా అని నాలో నేనే మథనపడ్డాను. ముద్దుల్తో ముంచెత్తాను. స్వైరవిహారం చేసాము. తనివి తీర ఆనందించాము. ఆమె కోర్కెలన్నీ తీర్చాను. సుఖాంత్యం " ఇక ఇంటికి వెళ్తాం పదండి. మళ్లీ మీరిలా చేస్తే నేను మళ్లీ మిమ్మల్ని అపహరిస్తా" అని చిరునవ్వు నవ్వుతూ ఆజ్ఞాపించింది నా అర్ధాంగి.. ॥మాలచిదానంద్॥21-3-2014||

by Mala Chidanand



from kavi sangamam*కవి సంగమం*(Poetry ) http://ift.tt/PWvaIj

Posted by Katta

18, మార్చి 2014, మంగళవారం

Mala Chidanand కవిత

||ప్రేమోదయం|| ఒక నిండు మనసు కురిపించిన ప్రేమ వర్షంలో.... తడిసి మనిషిగా మారిందొక జీవితం... మొదటినుండి ఒక ధారలానే మురిపిస్తున్న ప్రేమను గుర్తించలేక, విచక్షణాహీనమైన మనసొకటి ఎన్నెన్నో అర్థంలేని పొగరుతో నేను అనే అహంభావముతో నీవు లేకపోయినా ఉండగలను అనే వెర్రి ఆలోచనతో భలే ఎగిరింది ఉన్మాదినిలా. ఇవన్ని చల్లగా చూస్తూ ఉన్న ప్రకృతి ఇప్పుడు రంగలోకి దిగింది. ఆ మనసుకు దివ్యదర్శనం కలిగించింది. తెలుపు-నలుపు, మంచి- చెడ్డల అనుభవం ఒక అందమైన పాఠంలా నేర్పింది.జీవితాన్నిచ్చింది. ఇదేనేమో ప్రేమ మహిమ. ప్రేమ గొప్పదనం. ప్రకృతి కారుణ్యము. చిగురుటాకులోంచి అప్పుడే పడుతున్న చిన్నారి చినుకులనూ తనలో చేర్చుకుని హాయిగా ప్రవహించే నదీమతల్లిలా, వర్షం తర్వాత మెరిసే శుభ్రాకాశంలా, మంచి కుసుమాలపైనుంచి వీచే చల్లని పవనంలా, ముదమును కలిగించు పచ్చని సిరులతో నిండిన భూమాతలా, వేదోక్త మంత్రాలతో అర్చిస్తున్నప్పుడు హోమకుండంలోని అగ్నిహోత్రుడిలా, పంచభూతాల సాక్షిగా నీవందించిన ప్రేమ జన్మజన్మలకూ మరిచిపోలేను ప్రాణమా. నా జీవమా. ॥మాలచిదానంద్॥18-3-2014||

by Mala Chidanand



from kavi sangamam*కవి సంగమం*(Poetry ) http://ift.tt/1lKL5mY

Posted by Katta

28, ఫిబ్రవరి 2014, శుక్రవారం

Mala Chidanand కవిత

||నన్నసలు|| అగ్రపీఠంలో అధిష్టించాను ఏ దారికెల్లితివి నీవసలు ??? హృదయపీఠంలో అలంకరించాను నేనెవరో తేలియదా నీకసలు ??? సర్వదా నిన్నే అనువర్తిస్తున్నాను మరిచిపోయావా ప్రియా నన్నసలు??? అనుగాలం నా జగతివయ్యావు నిలబెట్టుకో దొరా నన్నసలు ..... ॥ మాల చిదానంద్॥ 28-2-14 ॥

by Mala Chidanand



from kavi sangamam*కవి సంగమం*(Poetry ) http://ift.tt/1d0Vs3G

Posted by Katta

22, ఫిబ్రవరి 2014, శనివారం

Mala Chidanand కవిత

||శ్రుతి|| నీ దరి చేరిన అనురాగానికి నీ కౌగిలిలో కరిగిపోవాలనే తపన అనుక్షణం మదిలో చెలరేగి నిరీక్షణ తీసుకొస్తున్న వింత భాద తీయని మైకం కమ్ముతున్నట్టుగా ఎదలో ఏదో కొత్త రాగాల ఆలాపన శ్రుతిచేస్తున్న సుందర సమయాన తేనెలొలుకు నీ పలుకులే నా మనసుకు హాయి కలిగించిన తరుణాన నీ శ్వాసలో కలిసి ఒకటైపోయిన ఈ అద్భుత సమయాన నీవందించిన ఈ క్షణం మరువలేను 'సఖా'నేనెన్నడూ.... ||Malachidanand ||22-2-14||

by Mala Chidanand



from kavi sangamam*కవి సంగమం*(Poetry ) http://ift.tt/1ddngie

Posted by Katta

9, ఫిబ్రవరి 2014, ఆదివారం

Mala Chidanand కవిత

॥ ప్రేమగ్రంథం ॥ నాకు తెలుసు నేనంటే నీకిష్టమని నీకు తెలుసు నీవే నా దైవమని. నా ప్రేమ చందమామ నీవే అని నీ ముద్దు చిలుకమ్మ నేనే అని. నేను అనునిత్యం ఆరాధించేది నిన్నే అని నీవు అనుక్షణం అభిమానించేది నన్నే అని. నా ప్రేమసాగరంలోని ప్రతి బిందువూ నివే అని. నీవు శ్వాసించే గాలిలోని పరిమళమన్తా నేనే అని. నా అనుగాలపు కతృ కర్మ క్రియలన్నీ నీవే అని. నీ రచనలోని ప్రతి స్పందనా నేనే అని. నీకు తెలుసా ?? ప్రియా... మన ప్రణయమే మహాకావ్యమని ఆ కావ్యమే ఒక గ్రంథమని అందులోని వాక్యములే ఈ కవిత అని. ॥మాలచిదానంద్॥9-2-2014||

by Mala Chidanand



from kavi sangamam*కవి సంగమం*(Poetry ) http://ift.tt/1gYyz4Y

Posted by Katta

6, ఫిబ్రవరి 2014, గురువారం

Mala Chidanand కవిత

॥హృదయ కమలం॥ మోహన రాగము మదిలో నీవేమో నా హృదయములో.. అకుంఠిత దీక్ష నా ప్రేమలో అనురాగమోలుకుతుంది నీలో.. ప్రసన్నాత్ముడు నా స్వామి అతడున్న తావే ఆనందజలధి.. లాలిత్యము అతని పలుకులో కారుణ్యము జగన్నియామకుడిది.. పద్మనాభుడు నా దేవుడు అతని పదపద్మ సేవికను నేను.. కస్తూరితిలకాంకితుడు విభుడు ఆ నామములోని గంధము నేను.. మహామహితాత్ముడతడు అతని మందహాసములో నేను. క్షీరసాగరశయనుడతడు అందులోని బిందువుని నేను. సర్వజన పరిరక్షకుడు శ్రీకృష్ణుడు అతని కృపాకటాక్షములో నేను. ॥మాలచిదానంద్॥4-2-2014||

by Mala Chidanand



from kavi sangamam*కవి సంగమం*(Poetry ) http://ift.tt/1emPBYp

Posted by Katta