Rambabu Challa కవిత

ఫలిత కేశం/ Dt.2-6-2014 నీజన్మ సార్ధకత ఏమిటని ఐదుపదుల వసంతాల్ని చూసిన మానవుడ్ని అడిగింది తొలిసారి తొంగి చూసిన ఫలిత కేశం ఏం చెప్పను? ఏమని చెప్పను? బాల్యం వెట్టిచాకిరీలో గడిచిందనా? కౌమారం కొంగ్రొత్త ఆశల పల్లకిలో ఊరేగిందనా? యవ్వనం విచ్చలవిడి శృంగారాగ్నిలో శలభమైందనా? ప్రౌఢం అక్రమార్జన వలలో చిక్కుకుందనా? ఏం చెప్పను? ఇంకా కోరికలు మిగిలిపోయాయని ఎలాచెప్పను? పదవికోసం పైరవీలు సాగిస్తున్నాని సంపన్నుల్లో సభ్యుడ్ని కావాలని విదేశాల్లో వైద్యం పొందాలని కులాసాగా విలాసాల్లో తేలాలని అన్ని అవకాశాలు కల్పించమని కోరికల చిట్టా విప్పాడు అందుకే జీవితకాలాన్ని పెంచమని దేవుడ్ని కోరుకుంటున్నాననీ చెప్పాడు అది విన్న ఫలిత కేశం నవ్వింది... తిమిరాన్ని తరిమిన వెలుగులా అజ్ఞానాన్ని బాపిన జ్ఞానిలా నీవున్నావనుకుని వెలిశానంది శేష జీవితాన్ని దేశ సేవలొ, క్రాంతి సేనలో శాంతివనంలో గడపమంది నా అవసరం నీకు లేదంది వెంటనే రాలిపోయింది.

by Rambabu Challa



from kavi sangamam*కవి సంగమం*(Poetry ) http://ift.tt/1onC8Ru

Posted by Katta

Rambabu Challa కవిత

ఆఖరి ఘడియ/ Dt. 1-6-2014 తొందరగా ఎదగాలని ఎన్నో కలలు కన్నాను వయసొచ్చి పలకరిస్తే పులకించి పోయాను మూడు ముళ్ల బంధానికి తలవంచి నడిచాను పైసాయే పరమార్ధమనే మెట్టినింట ఆరిళ్లను నవ్వుతూనే భరించాను నేనూ ఓ మాతృమూర్తినై సృష్టికి స్ఫూర్తినవ్వాలని తలంచాను పొత్తిళ్లలో తనయుని చిగురుటాకుల్లాంటి పాదాలను చెక్కిళ్లకు ఆనించి తన్మయత్వం చెందాను "నాతిచరామి" ప్రమాణాన్ని మంటగలిపి ఇంకో నాతితో భర్త చరించినపుడూ బాధపడలేదు కడుపుకట్టుకొని చంకనేసుకొని తండ్రిలేని లోపాన్ని రానివ్వక కొడుకుని పెంచాను నాగమ్యం నాకుందని నా భవితవ్యం నేనెరుగుదునని రెక్కలవిమానంలో చక్కా ఎగిరిపోయాడాకొడుకు భవసాగరం నడుమ వదలివెళ్లిన అతనూ మగాడే చివరి మజిలో ఒంటరిగా వదలి వెళ్ళిన ఇతనూ మగాడే ధరిత్రికున్నంత సహనం గల వనితను సృష్టి యజ్ఞంలో ఓసమిధను ఎదురు చూస్తున్నాను ఆఖరి ఘడియకోసం

by Rambabu Challa



from kavi sangamam*కవి సంగమం*(Poetry ) http://ift.tt/1wL8sn0

Posted by Katta

Rambabu Challa కవిత

చల్లా గౙల్/ 31-5-2014 ఉగ్రవాదం మత్తులో తెగ ఊగుతున్నావెందుకు పగతొరగిలే మంటలో చలి కాగుతున్నావెందుకు లోకమంతా క్రాంతి వృక్షం పెంచుకుంటుంటే కొమ్మ తొడిగే శాంతి చివురులు తుంచుతున్నావెందుకు కూటి కోసం కూలిచేసే సాటి మనిషి గుండెలో కర్కశంగా వాడి బాకులు దించుతున్నావెందుకు సమత తీవెకు మమత పూసే పూలతోటల్లో తీవ్రవాదం కలుపు మొక్కలు పెంచుతున్నావెందుకు సర్వమతములు విశ్వశాంతిని ప్రభోదిస్తుంటే శాంతి కొరకే ఆయుధాలని పలుకుతున్నావెందుకు

by Rambabu Challa



from kavi sangamam*కవి సంగమం*(Poetry ) http://ift.tt/1oFlkZG

Posted by Katta

Rambabu Challa కవిత

ఆకలి/ Dt. 28-5-2014 అగ్ని పర్వత హృదినుండి ఉబికివచ్చిన లావాలా ఓ అభాగిని ఉద్విగ్న హృదయాంతరాళం నుండి పెల్లుబికిన కన్నీటిని తాగుతుంది కామాంధుని ఆకలి భవష్యత్తనే అంధకారంలో ఆశల కాగడాతో వెతికినా కనరాని బ్రతుకు దారి ఆలి బొట్టు చెరిపేసి, తాళి బొట్టు తెంచేసి బడుగు రైతు నెత్తురుని జుర్రుకుంది కల్తీ వ్యాపారుల అకలి విస్పొట ప్రతిధ్వని ప్రకంపనల్లో సజీవ దహనాల అగ్నికీలల్లో కాలిన కపాలాల పెలుళ్లలో నర మాంసాన్ని కాల్చుకు తిన్నది మతచాంధసుని ఆకలి ఆకాశం పులిలా ఘాండ్రించిన వేళ రోడ్డు ప్రక్కన కుప్పతొట్టిలో ఆగని ఆర్తనాదంతో పెదవిపై పడ్డ చినుకుని తాగుతుంది పసికందు ఆకలి తారతమ్యము, తరతమ బేధమూలేని అకలీ నీ ఆకలి తీరేదెప్పుడు?

by Rambabu Challa



from kavi sangamam*కవి సంగమం*(Poetry ) http://ift.tt/1k2VJXx

Posted by Katta

Rambabu Challa కవిత

చల్లా గౙల్/ Dt. 27-5-2014 సొంత గొప్పలు మెప్పుకోసం ఎప్పుడూ వినిపించకు భావమివ్వని ఉత్త కవితలనెప్పుడూ వినిపించకు కసిని హృదిలో కుమ్మరించి మసిని మదిలో రంగరించి మొసలి లాగా కంట నీటిని ఎప్పుడూ కురిపించకు ఎదనుమీటగ చేర పిలిచినా రాగసుధలను పంచమన్నా నాదమివ్వని వీణ తీగల నెప్పుడూ సవరించకు శిధిల ఊహల జీవితాన రుధిర జ్యోతుల వెలుగులోన పెదవిపైన విషపు నవ్వుతో ఎప్పుడూ నటియించకు వింతలోకపు తీరు కల్ల అంతరాత్మయే నిజము "చల్లా" చింతలెన్నో ముసురుకున్నా ఎప్పుడూ విలపించకు

by Rambabu Challa



from kavi sangamam*కవి సంగమం*(Poetry ) http://ift.tt/1mkxnqB

Posted by Katta

Rambabu Challa కవిత

చల్లా గౙల్/Dt.22-5-2014 మాటిమాటికి చిరిగే పరువును కుట్టినా ఏంలాభం మించిన బరువుకు ఒరిగే పశువుని కొట్టినా ఏంలాభం రేయింబవలు నిదురే హాయని గదిలో గడిపేస్తూ చీకటి బ్రతుకని వెలుగే లేదని తిట్టినా ఏంలాభం కాకాపట్టి బిరుదులకొసం కాళ్లని పట్టేస్తూ ఊహల రాళ్లతో గాలిలో మేడలు కట్టినా ఏంలాభం పేదల ఆకలి తీరుస్తానని బాకా ఊదేస్తూ ఆకలి చావుకి దండలు వేసి మొక్కినా ఏం లాభం అరటిచెట్టుకి గెల ఒకటైనా ఎంతో మధురం "చల్లా" పదిమందైనా మూర్ఖపు తనయులు పుట్టినా ఏంలాభం

by Rambabu Challa



from kavi sangamam*కవి సంగమం*(Poetry ) http://ift.tt/1jFiSQN

Posted by Katta

Rambabu Challa కవిత

చల్లా గౙల్-12/ Dt. 18-5-2014 సొంత గొప్పలు మెప్పుకోసం ఎప్పుడూ వినిపించకు భావమివ్వని ఉత్త కవితలనెప్పుడూ వినిపించకు కసిని హృదిలో కుమ్మరించి మసిని మదిలో రంగరించి మొసలి లాగా కంట నీటిని ఎప్పుడూ కురిపించకు ఎదనుమీటగ చేర పిలిచినా రాగసుధలను పంచమన్నా నాదమివ్వని వీణ తీగల నెప్పుడూ సవరించకు శిధిల ఊహల జీవితాన రుధిర జ్యోతుల వెలుగులోన పెదవిపైన విషపు నవ్వుతో ఎప్పుడూ నటియించకు వింతలోకపు తీరు కల్ల అంతరాత్మయే నిజము "చల్లా" చింతలెన్నో ముసురుకున్నా ఎప్పుడూ విలపించకు

by Rambabu Challa



from kavi sangamam*కవి సంగమం*(Poetry ) http://ift.tt/1oDbirQ

Posted by Katta

Rambabu Challa కవిత

చల్లా గౙల్-11/ Dt.30-4-2014 ఉంగా ఉంగా బుల్లి పాటలు పాడుతున్నావా అమ్మ కొంగుతో బూచి ఆటలు ఆడుతున్నావా తల్లిపాలను త్రాగి ఆకలి తీరిందంటే పువ్వుల్లాంటి బోసినవ్వులు రువ్వుతున్నావా బొమ్మల పెళ్ళి చేసి ఆటపాటలతో అలసి నాన్న కాళ్లపై తూగుటుయ్యాల ఊగుతున్నావా అన్నమూపుపై చేరి గుర్రపు స్వారి చేసి బొమ్మ కత్తితో బామ్మ మీదికి దూకుతున్నవా చందమామను చూపి కావాలంటూ ఏడ్చి తాతగారిని కోరికలెన్నోకోరుతున్నావా ముద్దు మాటలు పలికే ఆ సందడి రాసే "చల్లా" అందరి మదిలో అనుబంధాన్ని పెంచుతున్నావా

by Rambabu Challa



from kavi sangamam*కవి సంగమం*(Poetry ) http://ift.tt/1jg5Asg

Posted by Katta

Rambabu Challa కవిత

చల్లా గౙల్-10/ Dt. 27-4-2014 తల్లిలేని పేద బ్రతుకని చెప్పుకుంటాను కమ్ముకున్న బతుకు వెతలను విప్పుకుంటాను చెట్టు క్రింద మట్టిలో నే నిదురపోతూనే ఆరు రుతువుల రంగు దుప్పటి కప్పుకుంటాను తల్లి రెక్కల మాటునుండి గువ్వ చూస్తుంటే అమ్మ ఒడిలో హాయి ఎంతో చెప్పమంటాను గడ్డి పువ్వూ అమ్మ ఉందని మురిసిపొతుంటే అనాధకంటే నీవె గొప్పని ఒప్పుకుంటాను దొరలబాబుల డాబులింక చెల్లవోయి "చల్లా" వెట్టి చాకిరి చెయ్యమంటే తప్పుకుంటాను

by Rambabu Challa



from kavi sangamam*కవి సంగమం*(Poetry ) http://ift.tt/1pDOpWB

Posted by Katta

Rambabu Challa కవిత

చల్లా గౙల్-9/ Dt. 23-4-2014 కలనైనా ఊహనైనా చిరు ప్రాయం నాకివ్వు ఇహమైనా పరమైనా పసి ప్రాయం నాకివ్వు కొసరి కొసరి తినిపించే అమ్మ గొరుముద్దలు కడుపార ఆరగించు ఆ భాగ్యం నాకివ్వు నాన్న తీపి ముద్దులతో బామ్మ నీతి సుద్దులతో గుండెలకు హత్తుకొనే ఆ మమతలు నాకివ్వు తొలకరిలో మెరుపునై జల్లుల్లోచినుకునై తనివితీర తడిసిపోవు ఆరోజులు నాకివ్వు పుస్తకాల్లో కాగితాలు పడవలుగా మలచి నీటిపైన తేల్చియాడు ఆ ఆటలు నాకివ్వు వయ్యారాలొలకబొసే గాలిపటాలెగరేసి మెఘాల్లో విహరించే ఆ భావన నాకివ్వు ఆశలతో ఆహుతైన తనువెందుకు "చల్లా" స్వచ్ఛమైన మనసుండే ఆ బాల్యం నాకివ్వు

by Rambabu Challa



from kavi sangamam*కవి సంగమం*(Poetry ) http://ift.tt/1mziWQP

Posted by Katta

Rambabu Challa కవిత

చల్లా గౙల్-8/ Dt. 20-4-2014 పూల సొగసు చూడాలని తోటకి ఆశ ప్రేమరుచులు పంచాలని తేటికి ఆశ కమ్మనైన రాగాలు వీచికలైతే వీనులకు సొకాలని పాటకి ఆశ ఇజాలన్నీ పోటీపడి భాషణలిస్తే నిజం లోనే ఒదగాలని మాటకి ఆశ వేసిన ప్రతి అడుగూ మంచికోసమైతే పాదాలను తాకాలని బాటకి ఆశ ఖరీదైన నైవేద్యాలెందుకోయి "చల్లా" దైవస్మరణ చేయాలని నోటికి ఆశ

by Rambabu Challa



from kavi sangamam*కవి సంగమం*(Poetry ) http://ift.tt/1lnjxnf

Posted by Katta

Rambabu Challa కవిత

చల్లా గౙల్-7/ Dt. 17-4-2014 ఎక్కడో చిరుజల్లు పడితే ఇక్కడెందుకు గొడుగు పడతావు ఎక్కడో పారేటి నీటికి ఇక్కడెందుకు చాల్లు కడతావు గాయమొకరికి వైద్యమొకరికి రోగమెప్పుడు కుదుట పడును మనసుకే అవినీతి కుడితే మనిషికెందుకు మందు పడతావు సొమ్ము ఒకడిది షొకు ఒకడిది దేశమెప్పుడు బాగుపడును పొరుగునే పూరిళ్ళు ఉన్నా పరులకెందుకు మేడ కడతావు బాధలొకరివి భాగ్యమొకరిది సమత మమతలు ఎక్కడున్నవి ఆకలంటూ ఆర్తినొందే వారికెందుకు కడుపు కొడతావు కలం ఒకరిది కవిత ఒకరిది మొసమైనా ఓయి "చల్లా" కీర్తికోసం ఎన్ని జిత్తులో తెలిసి ఎందుకు బాధపడతావు

by Rambabu Challa



from kavi sangamam*కవి సంగమం*(Poetry ) http://ift.tt/1hPnpz9

Posted by Katta

Rambabu Challa కవిత

చల్లా గౙల్-6/ Dt. 14-4-2014 ఉగ్రవాదం మత్తులో తెగ ఊగుతున్నావెందుకు పగతొరగిలే మంటలో చలి కాగుతున్నావెందుకు లోకమంతా క్రాంతి వృక్షం పెంచుకుంటుంటే కొమ్మ తొడిగే శాంతి చివురులు తుంచుతున్నావెందుకు కూటి కోసం కూలిచేసే సాటి మనిషి గుండెలో కర్కశంగా వాడి బాకులు దించుతున్నావెందుకు సమత తీవెకు మమత పూసే పూలతోటల్లో తీవ్రవాదం కలుపు మొక్కలు పెంచుతున్నావెందుకు సర్వమతములు విశ్వశాంతిని ప్రభోదిస్తుంటే శాంతి కొరకే ఆయుధాలని పలుకుతున్నావెందుకు హితం కోసం మతం ఉందని "చల్లా" కవితలు రాసినా మతం గుండుతో మనిషి గుండెను పేల్చుతున్నావెందుకు

by Rambabu Challa



from kavi sangamam*కవి సంగమం*(Poetry ) http://ift.tt/1gvsmrA

Posted by Katta

Rambabu Challa కవిత

చల్లా గౙల్-5/ dated 10-4-2014 కల్లలెరుగని పల్లె ఒడికి చేరుకోవాలనుంది తీపి తలపుల కలల సడికి జారుకోవాలనుంది పట్టు పావడతో చిట్టి చెల్లెలు పరుగున దగ్గరికొస్తే మురిపాలూరే చెలమలో మమతలు తోడుకోవాలనుంది నెమ్మదైన మా అమ్మ ఆశగా ఎదురు చూసే వేళ చెమ్మగిల్లిన కనుల వాకిట వాలిపోవాలనుంది బాల్యమిత్రుల ఆట పాటల తలపే మదిలోకొస్తే గుడి వెనకాల బిళ్ళంగోడు ఆడుకోవాలనుంది పచ్చని చేలను పచ్చిక గట్లను దాటుకు పోయే వేళ పల్లవించిన పల్లె పాటలు పాడుకొవాలనుంది డాలరు జాలరినైనా "చల్లా" ఆఖరి పిలుపే వస్తే పుట్టినచోటనే కట్టెగ మట్టిలో కలిసిపోవాలనుంది

by Rambabu Challa



from kavi sangamam*కవి సంగమం*(Poetry ) http://ift.tt/1i5f0pT

Posted by Katta

Rambabu Challa కవిత

చల్లా గౙల్-4/ dated 07-4-2014 కరుణ కిరణం సోకగానే మంచులాగా కరిగిపో జ్ఞాన దీపం వెలగగానే వత్తిలాగా తరిగిపో పరిధిలేని సిరులు ఉన్నా ప్రాకులాట దేనికోయ్ జీవితం పరిపూర్ణమైతే కంకిలాగా ఒరిగిపో పరుల సీమన మట్టిగడ్డగ మురిసిపోతావెందుకు ఉన్న స్థానం నిలుపుకుంటూ మేరువంతగా పెరిగిపో కొనలోన బండ రాయిగ మేలు చేయని బ్రతుకు వ్యర్ధం భక్తులెందరో తొక్కిన గుడిమెట్టు లాగా అరిగిపో పరులకోసం పాటుపడని మాటలెందుకు "చల్లా" వెన్న మీగడ పెరుగు నిచ్చే పాలలాగా మరిగిపో

by Rambabu Challa



from kavi sangamam*కవి సంగమం*(Poetry ) http://ift.tt/1mUJxr4

Posted by Katta

Rambabu Challa కవిత

చల్లా గౙల్-3 Dt. 02-4-2014 మనసు పొరలో మానవత్వం పేరుకుంటే మంచిది పొరుగు వాని సామరస్యం కోరుకుంటే మంచిది సంసారమే ఒక సాగరం అని ఎప్పుడూ నైరాశ్యమేనా ఆత్మస్థైర్యమే నావగా నడిపించుకుంటే మంచిది దేశ రక్షణ నాది కాదని ఎప్పుడూ నిర్లక్ష్యమేనా ప్రతీ ఒక్కరు వీరగంధం పూసుకుంటే మంచిది దోపిడీలే వృత్తి అనుకొని ఎప్పుడూ దుర్మార్గమేనా మంచి అన్నది కొంచమైనా పంచుకుంటే మంచిది ఇంటిలోన ఆలుమగలు ఎప్పుడూ చిరుతగవులేనా పెరటిలోన శాంతి మొలకలు నాటుకుంటే మంచిది కులం కులమని కుమ్ములాటలుఎందుకోయి "చల్లా" సమత బడిలో ఓనమాలు దిద్దుకుంటే మంచిది

by Rambabu Challa



from kavi sangamam*కవి సంగమం*(Poetry ) http://ift.tt/1op3vP9

Posted by Katta

Rambabu Challa కవిత

చల్లా గౙల్-2/ dated 30-3-2014 పంచ భూతములొక్కటై నను గేలి చేస్తే ఏమి సేతును వంచనాభ్ధి ఒక్క ఉదుటున ముంచి వేస్తే ఏమి సేతును భాష్మ చిల్మను కావలొక అస్పష్ట రూపము కదలెను భ్రమను గొలిపే ఎండ మావిగా మారిపోతే ఏమిసేతును కడలి ఒడ్డున చెలియ పేరును రాసు కొంటిని ప్రేమతో కక్ష గట్టిన జలధి చేతులు చెరిపి వేస్తే ఏమిసేతును ప్రేమ దేవత చిత్రపటమును పూలతో పూజించితే విరులు సైతం పడగ విప్పి కాటు వేస్తే ఏమిసేతును గుండెలో దిగబడిన బాకును పెరికినా బ్రతకొచ్చు "చల్లా" ఆమె రాసిన ప్రేమ లేఖలు నన్ను కాల్చితే ఏమిసేతును

by Rambabu Challa



from kavi sangamam*కవి సంగమం*(Poetry ) http://ift.tt/1k9QfIa

Posted by Katta

Rambabu Challa కవిత

చల్లా చమక్కులు /Dt.6-3-14 రోజూ నా గుండె తలుపులు తెరచి దీపం పెట్టేదానివి నువ్వు రానంటే చీకటి లో బ్రతికేదెలా ప్రియా! కళ్ళు తెరచి నిన్ను చూసే నేను నీవు లేక మూసిన కళ్ళతో చూస్తున్నాను అంధుడనై పోతానేమో! నీవు రాకపోతే సరి- విలువైన వస్తువుని తీసుకుపోయావు నా హృదయాన్ని తిరిగివ్వమంటే మొండికేస్తున్నావు నీ తోడు లేని దారంతా చీకటే నీ నవ్వుల రతనాలను ఏరుకొని నా చీకటి బ్రతుకులో వెలుగు నింపుకుంటా

by Rambabu Challa



from kavi sangamam*కవి సంగమం*(Poetry ) http://ift.tt/1osXxYn

Posted by Katta

Rambabu Challa కవిత

by Rambabu Challa



from kavi sangamam*కవి సంగమం*(Poetry ) http://ift.tt/1o2iWaE

Posted by Katta

Rambabu Challa కవిత

చల్లా చమక్కులు// Dt.19-2-2014 కరిగి పోయిన కాలాన్ని గాజు జాడీలో భద్రపరచాను పరుగెత్తే కాలంకాళ్ళు తగిలి పగిలిపోయింది ఆ జాడీ ఏమైందీ కాలానికి పరిగెడుతోంది నడక నేర్చుకుంటున్న నా ప్రేమకు చేయందివ్వ కూడదూ!

by Rambabu Challa



from kavi sangamam*కవి సంగమం*(Poetry ) http://ift.tt/1gVG7lO

Posted by Katta