అద్దం బాగానె ఉంది
అందులోని ముఖమే నాలా లేదు..
ఏం కోల్పోయాను?
......
ఆమె ఆమెలా లేదు
ఓ సంక్లిష్ట దృశ్యం
అస్పష్ట భావం
ముఖం దేహం నిండా
అరువు తెచ్చుకున్న బుల్లితెర reflections
కమర్షియల్ ఎమోషన్స్
ఆమె ఏం కోల్పోయిందో???
వాడు మనిషిలాగే ఉన్నాడు
నలుగురిని ఏమాత్రం వదలలేదు
ఇక కనిపించలేదు వాడు
అందరి గుండెల్లో అభద్రతై కూర్చున్నాడు
ఇంకెంతమంది ప్రాణాలు కావాలో !!
ఇంతకీ వాడు కోల్పోయిందేమిటో????
*****
పచ్చని దేహం చుట్టూ ఫెన్సింగ్ ముళ్ళు
రైతు గుండెలో పవర్ కట్
మూటసర్దుకున్న
కూలిమనసు
ఆ పల్లె
ఏం కోల్పోయింది???
నగరవీధులలో లక్షల యువ కిరణాలు
కడుపు భగ్గు భగ్గుమంటూ వెలుగుతూ..
గృహప్రవేశంలోపే
నెర్రులుబారి
నేలకొరిగే
ఇందిరమ్మ ఇళ్ళు
అడవిచీకట్లో మిణుగురుల్లా
ఏనాటికో కురిసిన వానచినుకుల్లా విచ్చేసిన
సినీతారల ఆగమనం ఎగబడే దేశభవితా డొక్కునరాలు
తళుకుబెళుకులను తమ కన్నుల పెన్నులతో బంధించేందుకు
పోటీపడుతున్న నాలుగో స్తంభంగాళ్ళు !!!
రోడ్లెక్కిన మురికికాలువల ఖాళీబిందెల
ఆసుపత్రుల బెడ్డులలలో మూలుగుల నినాదాలతో
ఏం కోల్పోయాయి ఈ మునిసిపాలిటీ కార్పొరేషన్ పట్టణాలు????
అక్కడ నాలుగు స్తంభాలను పాతివెళ్ళారు
కంచె అనుకున్నారు పాపం వారు..అప్పుడు!
పంచభూతాల్లా రక్షించేవని అనుకున్నారు
అవే తమపాలిట పాడి అంటున్నారు
ఆ నాలుగు తమను భక్షించేందుకే అంటున్నారు..ఇప్పుడు !!
ఏం కోల్పోయారు వారు?????
*10-08-2012
కామెంట్‌లు లేవు:
కామెంట్‌ను పోస్ట్ చేయండి