kavi sangamam

27, మే 2014, మంగళవారం

Aruna Naradabhatla కవిత

అస్త్రం ______అరుణ నారదభట్ల తాజాగా ఎగిరింది సీతాకోక చిలక! మట్టిగూటిని తొలిచివేసిన గొంగళీపురుగు! తేయాకు తోటలో గుప్పుమన్న పొగ మెదడునరాల్లో చిక్కింది! నాట్లు వేసే రైతు పదికాలాల తరువాతి కొత్త చినుకు! పొడిబారిన లోకానికి గొంతు తడిపే వానలా తను! వారసత్వపు కోరల్లో చిక్కిన మువ్వన్నెలను పిడికిట బంధించిన మట్టివాసన...! అంతర్వాహిని పెల్లుబికి పంటకాల్వలుగా విస్తరించింది! కలం..గళం స్వర్ణకమలమై విరిసింది! కొలనులోని పువ్వు.. సరస్సులో నవ్వులు ఆకాశాన మెరిసిన తారాజువ్వలా చీకటిలో వెలుగో.... కళ్ళు చీకట్లు కమ్మే మెరుపో కాలం ఇచ్చిన అస్త్రం వాడే విధానంలోనే గురి....గురుతు తెలిసేది! ఏమైనా అది మట్టి గొంతుక కన్నీళ్ళూ...మంచినీళ్ళూ.. అన్నింటీ రుచి తెలిసిన పచ్చని ఆకుల విస్తరి! 27-5-2014

by Aruna Naradabhatla

from kavi sangamam*కవి సంగమం*(Poetry ) http://ift.tt/1oFZhQa

Posted by Katta

Pusyami Sagar కవిత

పనసకర్ల ప్రకాష్ గారు రాసిన కవిత !!చావు తరువాత !!//కవిత్వ విశ్లేషణ// _______పుష్యమి సాగర్. చావు అంటే శరీరంలోనుంచి జీవుడు పైకి పోవుట అని అర్ధం చెప్పబడింది ...పుట్టిన ప్రతి జీవికీ తప్పని సరిగా వచ్చేది చావు లేదా మరణం (Death). తప్పించుకోలేనిది ఎప్పుడు వచ్చేదీ తెలియనిది మరణం. దీనిని సంస్కృతంలో మృతి లేదా మృత్యువు అని అంటారు.. మృత్యువు గురించి తాత్వికంగా చెప్పటం అంటే కొంచం కష్టమే...చావు తర్వాత కవిత లో కొన్ని నిజాలు ను చెప్పి జ్ఞాన భోధ కలిగించేలా మనసు ను తాకుతాయి ...నిజంగా చావు అంటే ప్రతి వారికి ఎందుకు భయం కలగాలి , చావు అంటే ఉదయం నుంచి సాయంత్ర్హం వరకు ఆడుకునే ఒక ఆట లాంటిది కదా....నిజమే జీవితం లో ఎవరు గుర్తు చేసుకోరు వచ్చే చావు కోసం... చావంటే ఏంటి ...? పురాతనకాలం నుంచి చెప్తారు మరణం మనిషికే కాని ఆత్మ కి కాదు ...ఇది ఒక దేహం నుంచి మరో దేహానికి విడిచి వెళ్ళే వాహకమే ..ఒకే ఒక వాక్యం లో చక్కగా చెప్పారు ... !! చావ౦టే ఏ౦టి..?//రూపాన్ని మార్చుకోడమేకదా..! నీడలా వెంట వచ్చి తీసుకు పోయేది చావే కదా ...మరి దానితో దోబూచులాట ఎందుకు ..ఇక్కడ చావు ను ఒక ఆట తో పోల్చడం బాగుంది ..పుట్టుక నుంచి చావు ..రోజు లో ఉదయం నుంచి సాయం వరకు ఆడే ఆట లాంటిదే మరి నీడై వె౦బడి౦చే చావుతో ఎన్నాళ్ళు//నీ దోబూచులు.../రాత్రైతే ఆట ముగిసిపోవాల్సి౦దే సహజ మరణం రావాలని అది కూడా సౌఖ్యం గా ఉండాలని కోరుకుంటారు ...కాని ఇక్కడ మన చావు కి మనమే దారులు వేస్తున్నాము ...చెడు అలవాట్ల తో .చెడు ఆలోచనలతో ..నిజమే మరి మన శరీరాఇనికి హానికరం అపాయకరమైన అలవాట్ల తో నే సగం చస్తున్నాం ... మన గోతుల్ని మన౦ ఎప్పుడో తవ్వుకునే ఉ౦టా౦ చెడు అలవాట్లతోనో చెడ్డ ఆలోచనలతోనో// చావు తరువాత ???....భూమి లో మన దేహం కప్పుబడ్డాక మొక్క లా తిరిగి మరల చిగురిస్తాం కదా...అంటే చావు కు ముందు మంచి జీవితం గడిపి నలుగురికి ఆదర్శ ప్రాయం గ నడుచుకోమని అర్థం.... మట్టిలోకి విత్తనమై మళ్ళీ చేరుకునే ము౦దు/// అన్ని కాలాలపాటూ నువ్వో పచ్చని జ్ఞాపకానివై ఈ లోక౦లో బతికే ఉ౦టావ్...... అన్ని కాలల లో నువ్వు పచ్చని చెట్టయి బతికే ఉంటావు ....చావు తర్వాత మిగిలేవి మంచి పేరే .....శాశ్వత మైన ధీ పేరు మాత్రమే ..సంపద కాదు అని చక్కగా చెప్పి ముగించారు ...ప్రకాష్ గారు ... తాత్వికత తో మంచి కవిత ను అందించిన ప్రకాష్ గారికి అబినందనలు ... \=============== "ఒక చావు తరవాత" వస్తే రానీ చీకటిని నేను మాత్ర౦ వెలుగుతూనే ఉ౦టాను చీకటిలోకి వెళ్ళేవరకూ..... చావ౦టే ఏ౦టి..? రూపాన్ని మార్చుకోడమేకదా..! ఊరికినే ఏడవకు ఎవరో సచ్చినట్టు కన్నీళ్ళు బుగ్గమీద‌ అమ్మ పెట్టిన తీపి ముద్దు గురుతుల్ని ఊరికే చెరిపేసి పోతాయ్ నీడై వె౦బడి౦చే చావుతో ఎన్నాళ్ళు నీ దోబూచులు... రాత్రైతే ఆట ముగిసిపోవాల్సి౦దే శాశ్వత౦కాని జీవితాన్ని మలుచుకోవాల్సి౦ది అ౦ద౦గా కాదు హు౦దాగా మన గోతుల్ని మన౦ ఎప్పుడో తవ్వుకునే ఉ౦టా౦ చెడు అలవాట్లతోనో చెడ్డ ఆలోచనలతోనో మన౦ ఇప్పుడు అటువైపే నడుస్తున్నా౦ మట్టిలోకి విత్తనమై మళ్ళీ చేరుకునే ము౦దు ఎన్ని గు౦డెలు నీ ఊపిరై కొట్టుకు౦టున్నాయో చూసుకో..... అన్ని కాలాలపాటూ నువ్వో పచ్చని జ్ఞాపకానివై ఈ లోక౦లో బతికే ఉ౦టావ్...... పనసకర్ల ప్రకాష్ 05/27/2014

by Pusyami Sagar

from kavi sangamam*కవి సంగమం*(Poetry ) http://ift.tt/1mlLAng

Posted by Katta

Sriramoju Haragopal కవిత

చివరకు మిగిలేది.. 27.05.2014 ఎక్కడుందో జడిసి జడిసి వొణికిపోయి అణు,పరమాణు, కణజాలాలన్ని ముడుసుకుపోయిన గొంతులోని మాట ఎన్ని కాలాలనుండి వెతుక్కుంటున్నాను నా మాటని నేను పరకాయప్రవేశం చేసిన వాగర్థాలేవేవో నన్ను నన్నుగా పలుకనియ్యవు సుతారంగా చుట్టుకున్న తీగెలదారుల్లో సిగ్గులొలుకుతూ కట్లపూలై పూసిన నవ్వులన్ని అలవోకగా ఆకాశం వాలుమీద జారిన వెన్నెలలన్ని నీ కోసం నిరీక్షించిన వూపిరిగాలులలోకి దిగిన కలలపరిమళాలన్ని పిలుపులకోసం దారులు కాచిన పెదవుల వంతెన తెరిచి విడిచిన నౌకల్లా ఏవి మాటలు చిట్లీచిట్లని దుఃఖాల గాజులని వొడుపుగా సింగిడీలు చేసుకుని అల్లీఅల్లని వూహల పింగాణీపాత్రల వొరల్లో రంగులద్దుకుని ఆ వంకో ఈ వంకో విసిరినవో కసిరినవో పలుచని స్నేహాలని పుట్టినాకో పుట్టక మునుపో నిన్ను కలువాలని చేసిన ప్రతిజ్ఞల్ని మేఘాల మీద గీసిన నీటిరంగుల నీ చిత్రాల లాస్యాలు, లవణిమల్ని స్వరపేటిక తంత్రులు కదలీ కదలక, కదలనివ్వని వొత్తిళ్ళ మత్తల్లు దూకాల్సిన మాటలేయి నీవెక్కడున్నావురా నా చుట్టూరా నీ జ్ఞాపకాల కాంతి పరివేషాలు గుండెతొనల్ని వొలిచిపోసి మాధుర్యాల్ని గ్రోలే నీ కౌశలం తెలుసు నాకు నేను వ్యక్తం కాని నిర్వేదనని, నిశ్శబ్దాన్ని మిణుగురు వెలుగుల్లా ఆశలపుప్పొడులు రాల్చే చిరువెన్నెలల నెలపొడుపా నా మాటలు నాకివ్వు నీతోనే మాట్లాడనీ చివరిసారి

by Sriramoju Haragopal

from kavi sangamam*కవి సంగమం*(Poetry ) http://ift.tt/1kc0k52

Posted by Katta

Pratapreddy Kasula కవిత

ఉచితంగా మరణం - కాసుల ప్రతాపరెడ్డి గిన్నెల చేతులు కడిగి కండువా భుజానేసుకుంటవు వస్తనో, రానో, వుంటనో, పోతనో పైలమని చెప్పవు బాయి మీద మోటరు తొందర పెడతది కుండలెంత గోకినా పిడికెడు చేతికందది ఆ తల్లి బొటబొటా రాల్చే కన్నీళ్లు గుండె మీద టపాటపా రాలి ముద్ద కడతయి అద్దెకరం పొలం అప్పట్ల ఇంటిల్లిపాదికీ ఆదరువు జీవితానికి దీమూ, ఆత్మగౌరవమూ బాయి మీద మోటారు తొందరపెడతది మధ్యలోనే చావు బుసకొడుతూ కాటేయొచ్చు విద్యుత్తరంగాల పగ్గాలతో యముడు మాటేయవచ్చు రూపమేదైనా కావొచ్చు, పగ పట్టింది నిన్నే కదా! నీలం నీలంగా మెరుపు మెరుపులుగా ఆకుపచ్చ బటనే ఒంటి రక్తాన్ని పీల్చేసి విసిరేయొచ్చు ఎంత నాశనగాలమిది! కరెంటుకూ, ధరలకూ, బుక్కెడు బువ్వకే కాదు ప్రాణాలకూ బిచ్చగాణ్ని చేసిండ్రు కదా! బయటి శత్రువు లోపలి శత్రువు ఒక్కడే అద్మ రాత్రి కరెంటిచ్చేవాడు రాత్రి పూట తిరుగొద్దన్నవాడు ఒక్కరా, ఇద్దరా? నాలుక చీలినప్పుడు నాగుపామే! అంతా యెటమటం మోట గొట్టిన యాల్లనే బాగుండేదేమో! నడిరాత్రి నడమంత్రం చావు లేదు ఉచిత కరెంటును ఎగబెట్టే ఇకమతులేమో! నాణ్యతకు దొడ్డిదారి ఆమోదం కావాలేమో!! అందుకనే ఉచితార్థంగా నీ చావును రాసిపెట్టారేమో!!! కాయకష్టమెరిగినవాడివి కదా! ఈ కొత్త చావుల ముచ్చట్లు నీకేమెరుక?! (వైయస్ పాలనలో రాసిన కవిత ఇది)

by Pratapreddy Kasula

from kavi sangamam*కవి సంగమం*(Poetry ) http://ift.tt/1nvDLhp

Posted by Katta

Ramaswamy Nagaraju కవిత

అనువాద కవిత్వం : ......॥ జీవితం!॥..... . ( Life ) . ఓ మార్మిక వైచిత్రీ! ఆనంద పుత్రీ! మానస వైవశ్యమా !జీవితమా! నీ ఉద్గమన పయన పరిధికి అవనివ్వు అనంతమే అవధి . నీ పక్షాలు మోస్తున్నవి ఔన్నత్య కీర్తిని, ఉపేక్షను, దైవత్వాన్ని అపార పారవశ్యాన్ని, ఆవేదనను, మరణాన్ని. జీవితమా! తీసుకో నన్ను నీ ఆలింగనం లోకి అనాఛ్చాదితంగా, నిస్సంకోచంగా, రాజీ రహితంగా, విస్మృతీ రాహిత్యంగా. అన్వేషిస్తాను నేను ఉదధి ఉప్పెన వంటి నీ మహదానందాన్ని సింహ గర్జన లాంటి నీ క్రూరత్వాన్ని కబళిస్తాను అసురునిలా కలహిస్తాను మానవునిలా ఆనందిస్తాను అనంతునిలా చిందులేస్తాను చిన్నారిలా . నిన్నేమీ అర్థించను ఏదీ ఆశించను విధినుండి ఓడినా గెలిచినా బ్రతికినా మృతిచెందినా . చింపి గుడ్డల్లోనూ నేను దేవుణ్ని నేల కొరిగినా దైవాన్ని అణచబడినా అజేయున్ని హతమైనా నేను అమరున్ని . మూలం : మహర్షి అరవింద ఘోష్ , (sri Aurobindo collected poems ) స్వేఛ్ఛానువాదం : నాగరాజు రామస్వామి.

by Ramaswamy Nagaraju

from kavi sangamam*కవి సంగమం*(Poetry ) http://ift.tt/1jX8rHd

Posted by Katta

విష్వక్సేనుడు వినోద్ కవిత

ప్రియతమా... అందుకో చెలియా... పరిమళించే ఉఛ్వాసలో ప్రయాణించే నీ విరహ కౌముది నా మదిని కోసినపుడు రాలిపడ్డ రంపప్పొట్టుని... పరిత్యజించే నిఛ్వాసలో పారిపోయే నీ వలపు కోయిల నా ఎదను మీటినపుడు ఊడిపడ్డ వెన్నెలపొడిని... అందుకే సఖియా... నేను నువ్వులేక ఖాళీగా తలచిన నీ క్షణాల్ని అనుక్షణం శిక్షించకు...అందులో నేను లేనని ! నేను నవ్వాగలేక జాలీగా గడిపిన నీ తలపుల్ని ప్రతిక్షణం బాధించకు...అందులో నువ్వున్నావని ! ఏదేమైనా ప్రియతమా... నేను కలై వస్తే మూసిన నీ రెప్పలు కదలనీయకు ! నేను అలై వస్తే వేచిన నీ కనులను మూసివేయకు !! 27-05-2014

by విష్వక్సేనుడు వినోద్

from kavi sangamam*కవి సంగమం*(Poetry ) http://ift.tt/1tKdyh5

Posted by Katta

Rambabu Challa కవిత

చల్లా గౙల్/ Dt. 27-5-2014 సొంత గొప్పలు మెప్పుకోసం ఎప్పుడూ వినిపించకు భావమివ్వని ఉత్త కవితలనెప్పుడూ వినిపించకు కసిని హృదిలో కుమ్మరించి మసిని మదిలో రంగరించి మొసలి లాగా కంట నీటిని ఎప్పుడూ కురిపించకు ఎదనుమీటగ చేర పిలిచినా రాగసుధలను పంచమన్నా నాదమివ్వని వీణ తీగల నెప్పుడూ సవరించకు శిధిల ఊహల జీవితాన రుధిర జ్యోతుల వెలుగులోన పెదవిపైన విషపు నవ్వుతో ఎప్పుడూ నటియించకు వింతలోకపు తీరు కల్ల అంతరాత్మయే నిజము "చల్లా" చింతలెన్నో ముసురుకున్నా ఎప్పుడూ విలపించకు

by Rambabu Challa

from kavi sangamam*కవి సంగమం*(Poetry ) http://ift.tt/1mkxnqB

Posted by Katta

Sudarshan ON Screen కవిత

//kuppili sudarshan// * లోక్ సభ స్వగతం * నీకెలా పుట్టిందీ ఈ మెట్టుకి మొక్కాలనీ నిద్రిస్తున్న నా దైవత్వాన్ని మేల్కొలపాలనీ.. నేనొక మురికికూపమైపోయాక నీలో దేశభక్తి తుఫానై వొచ్చి నాకు తలంటినట్లుంది.. కాసేపహల్యాతుల్యనైనాననుకో.. నన్ను కాస్త కుదురుకోనీ ఇంకొంచెం తేరుకోనీ.. నీగురించి నాలో ఉన్న ప్రతి మట్టిపెళుసుకీ ఉద్వేగంగా చెప్పనీ.. మునుపు మసిబారిన నా ప్రజాస్వామ్యపు పడిగాపులూ తలబిరిసిన కులౌకికవాద చరిత్రలూ నన్ను ప్రశ్నించీ విసిగీ సమాధానాలు రాక లేకా, ఏ గది ఐమూలల్లోనో నా దేశ భావజాలాన్ని పాతిపెట్టీ దేశదేశాలకీ నేనొక మేడిపండు సౌధమని వర్తమానాలు పంపిస్తుంటే_ తల యెత్తి యెలా చూడగలనూ? ఏ 'పా'పాలకులను ఎంతని భరించగలనూ? మరో కుచిత్రమిది_ నిరాశతో ప్రజలంతా వాళ్ళ గుండెల్లొ వేదనలకీ- రోదనలకీ రాజ్యాంగంలో చుక్కలూ-కామాలే చిరునామాలుగా పెట్టి, నోటుకి వోటను బాటను పట్టీ_ అపుడు నేనేమయ్యానూ? నన్నేమన్నారూ? 'పిశాచ శయ్యాగారం' ! ఇంతకీ నీకెలా పుట్టిందీ ఈ మెట్టుకి మొక్కాలనీ నిద్రిస్తున్న నా దైవత్వాన్ని మేల్కొలపాలనీ..? సరే ఇపుడు నీకు శెభాషనమంటావా దేశభక్తా భారతీ గళ వక్తా.. విను విను నాలో ఉద్రేకంగా మేల్కొన్న స్వతంత్ర పూర్వపు స్వేచ్చా గాలులు ఐదేళ్ళొక లిప్త కానివ్వొద్దంటున్నాయ్. . ! 26th may ఆంధ్ర జ్యోతి వివిధలో ప్రచురితం. . 27/5/2014

by Sudarshan ON Screen

from kavi sangamam*కవి సంగమం*(Poetry ) http://ift.tt/1jXhp8K

Posted by Katta

Kamal Lakshman కవిత

నేటి జీవితం.... పీల్చే గాలి కల్తీ తాగే నీరు కల్తీ తినే తిండి కల్తీ మాటాడే మాటా కల్తీ చూసే చూపూ కల్తీ పలికే పలుకూ కల్తీ నవ్వే నవ్వూ కల్తీ బంధాలూ కల్తీ బంధువులూ కల్తీ ఇలా అన్నీ అన్నీ.. కల్తీ ..కల్తీ...కల్తీ...లే ఇక ప్రేమ మాత్రం కల్తీ కాకుండా ఎలా ఉంటుంది.. కల్తీ ప్రేమల మధ్య స్వచ్ఛమైన మన అనుబంధాలెంత స్వచ్చమో ....!! ఏమో..ఏమో..??? కమల్ 27.05.2014

by Kamal Lakshman

from kavi sangamam*కవి సంగమం*(Poetry ) http://ift.tt/SK2Hqi

Posted by Katta

Murthy Kvvs కవిత

KVVS MURTHY|జ్ఞానీలు-46 ఒకరి మీద అధికారం చెలాయించడం అంటే మనిషికి ఎంత ఇష్టం... అన్ని పనుల వెనుకన్న పరమార్ధమదేనేమో... అధికారం కూడా ఆలోచిస్తే ఒక గణిత సూత్రమే... కారణం ఏమైనా కాని...మనకి లోబడినవారిని మాత్రమే మనం అధికారించగలం... ప్రతివారి దగ్గరా తుపాకి ఉండనీ ఎవరూ ఎవరితో అవసరానికి మించి వ్యవహరించరు...! ----------------------------------------- 27-5-2014

by Murthy Kvvs

from kavi sangamam*కవి సంగమం*(Poetry ) http://ift.tt/1jVSpNO

Posted by Katta

Jaligama Narasimha Rao కవిత

---------జాలిగామ నరసింహ రావు ___________ప్రకృతి..విలాపం__________ ఒక సాయంత్రం... నా ఇంటి పెరటిలోని...ఒక..కొమ్మ... దిగాలు పడుతూ....ఊగీసలాడుతుంది... మందలించ విసుక్కుంది... పాడు మనుషులని తిట్టిపోసింది.... ఆకలేమో అనుకుని నీరు కోసం...వెల్లా! సల...సల..మసిలే నీరు...చిందులేసింధి... ఆవిరయ్యే...నా..జీవితాన్ని నిలబెట్టలేవని...విలపించింది... ముట్టరాదని....శాసించింది..... అంతలోనే తడిలేని పొడిగాలి...నన్ను...విసిరేసింది... నల్లని దుమ్ముతో....ఆ..కొమ్మని...కప్పేసింది... కొమ్మ....గాలి...నీరు...అన్నీ కలిసి...నన్ను..చూసి...ఈసడించాయి... సిగ్గుతో అందమైన...ప్లాస్టికు...కుర్చీలో...ఠీవిగా...కూర్చుండిపోయా... కాళ్ళకు...తగిలిన...పుడమి...అగ్గితో...బుగ్గిఅవుతూ....సుర్రుమంది.. అయ్యో...పాపమని....ఆలోచిస్తూఉండిపోయా... ఆహా!ఏమి లీల.... విలపించే...ప్రకృతినిచూసి... తాండవంతో...శివుడు... ప్రేమతో....యేసు... దయతో..అల్లా..... ఉసూరుమనే...ప్రకృతిని...ఊరడించడానికేమో... కుంపటిలా...వుండే...పుడమితల్లిని...కాస్త...చల్లారుద్దమనేమో... మనుషుల...పాపం..కాస్త..కడిగేద్ధమనేమో.... ఆకాశాన్ని...ఉరికించి...మేఘాల..కరిగించి...వర్షించాడు... తడిసిన...ప్రకృతి... ముసి...ముసిగా...నవ్వుతుంది.... నేలరాలిన..పంటతో....మనిషిని...కాస్త...ముంచింది.... ఇప్పటికైనా...కొంచెం...ఆలోచిద్ధాము..... కాలుష్యపు...కళిపై..పోరాటం..చేద్ధాము... ప్రకృతి...తల్లి..కంటి..నీరు..కాస్తైన...తుడిచేధాము... //27-05-2014//

by Jaligama Narasimha Rao

from kavi sangamam*కవి సంగమం*(Poetry ) http://ift.tt/1pdOj6Q

Posted by Katta

Jaligama Narasimha Rao కవిత

Chandrasekhar Sgd కవిత

మీరు ఏ తెలుగు ఫాంట్లను ఉపయోగిస్తున్నారో తెలుసుకోవచ్చా?

by Chandrasekhar Sgd

from kavi sangamam*కవి సంగమం*(Poetry ) http://ift.tt/1wdq22S

Posted by Katta

Sanjeev Goud కవిత

SANJEEVANA TARANGALU/ కనులు మూసుకుంటే కంటి పాపలో కనిపించే నీవు.... మల్లెల సౌరభాల తొ మనసూగించే నువ్వు తీరా కండ్లు తెరఛి చుట్టూ చూస్తె లేవు!! మది లో మాటతూటాలు పేల్చి గుండె తో గుసగుసలు పల్కి మధురానుభూతుల పంచి మత్తెక్కింఛి వివశుని చేసే నువ్ నిదుర లేచి చూదును గదా!? నిశబ్దమై నువ్వు ....!!! నిశ్చేశ్టనై నేనూ ......!!! @@@@@@@""""@@@@"""@@@@@

by Sanjeev Goud

from kavi sangamam*కవి సంగమం*(Poetry ) http://ift.tt/1wdbtfL

Posted by Katta

Kapila Ramkumar కవిత

కవి మిత్రులకు విన్నపము: ఈ క్రింది సూచనలను మరొక సారి గమనించి, కవి సంగమానికి సహకరించంచగోర్తాము ఈ గ్రూపు లో ~ 1. కవితలకు ఫోటోలు పెట్టవద్దు.[సీనరీలు గట్రా] 2. ఒకరోజులో ఒక కవిత మాత్రమే పోస్ట్ చెయ్యాలి. 3. ఇతర పత్రికలలో, అంతర్జాల పత్రికలలో ప్రచురితమైన మీ కవితల,కవితావ్యాసాల 'లింక్స్'ను సరాసరి ఇక్కడ పోస్ట్ చెయ్యవద్దు. ఆ రచనను టైపు చేసి కానీ ,కాపీ,పేస్ట్ చెయ్యడం ద్వారాగానీ పోస్ట్ చేస్తూ క్రింద బ్రాకెట్ లో సదరు పత్రిక యొక్క పేరును రాయండి.[అలా లేని పక్షంలో అటువంటి పోస్టింగును పోస్ట్తె చేసినవారికి తెలుపకుండానే తొలగించడం జరుగుతుంది] 4. కవిత్వానికి సంబంధించని పోస్టింగులు వెంటనే తొలగించబడతాయి. 5. కవితాస్ఫూర్తికి విరుద్ధంగా వ్యవహరించేవారిని, 'కవిసంగమం' గ్రూపు సమగ్రతకు భంగం కల్గించేవారిని వారికి తెలపకుండానే తొలగించడం జరుగుతుంది.ఈ విషయంలో 'అడ్మిన్'లు ఎవరికీ జవాబుదారీగా ఉండనవసరం లేదు. 6. కవిత కింద కేవలం లైక్ కొట్టిన వారికీ,కామెంటు రాసినవారికి -ఒక్కొక్కరికి ఒక 'థ్యాంక్స్' చెప్పడానికి మాత్రమే పరిమితం కాకుండా,అవసరమైన చోట్ల ఆ కామెంటుకు వివరణ కానీ,ఇంకాస్త కవితకు సంబందించిన విషయం కానీ చెప్పదలుచుకున్నప్పుడు రాయడం బాగుంటుంది. 7.కవితలలోని అంశాలకు, కామెంట్ల లోని విషయాలకు పోస్ట్ చేసినవారే బాధ్యులు. వాటితో 'అడ్మిన్'లు గానీ,'కవిసంగమం' గ్రూపుకానీ ఏకీభవించారని అనుకోవసరం లేదు. ..... Note 1 ~ ఒకరోజులో ఒక కవిత మాత్రమే పోస్ట్ చెయ్యండి. ఒకటికన్నా ఎక్కువ కవితలు పోస్ట్ చేసినచో ఆ పోస్ట్ తొలగించడం జరుగుతుంది. NOTE : 2 ~ కవిత పోస్ట్ చేసేటప్పుడు-కవితా శీర్శిక తప్పక పెట్టండి. [*ఉదా: కవి పేరు | కవితా శీర్షిక ] అలాగే కవిత క్రింద తేదీ తప్పక వెయ్యండి.[*ఉదా: తేది -నెల-సంవత్సరం] మిత్రులారా! సహకవులు రాసిన కవితలపై మీ స్పందనలు రాయండి.ప్రోత్సహించండి. మంచి 'కవితా'వరణం సృష్టించండి !! 27.5.2014

by Kapila Ramkumar

from kavi sangamam*కవి సంగమం*(Poetry ) http://ift.tt/1oCWB61

Posted by Katta

Rajeswararao Konda కవిత

ప్రేమ విఫలమై - మనసు కకా వికలమై @ రాజేష్ @ 27/05/14

by Rajeswararao Konda

from kavi sangamam*కవి సంగమం*(Poetry ) http://ift.tt/1oCTNpo

Posted by Katta

Hari Chandan Kumar కవిత

EE CHETTULO OKA KOMMA PY VAALENDUKU AVAKAASAAM ICHCHINANDUKU KUVAKUVALA TO EE CHITTI PITTA CHEPTONDI DHANYAVAADAALU

by Hari Chandan Kumar

from kavi sangamam*కవి సంగమం*(Poetry ) http://ift.tt/Sahc63

Posted by Katta

Chennapragada Vns Sarma కవిత

నీ ఆటకట్టిస్తాలే_నువ్వెన్ని ఎత్తులేసినా ..@శర్మ \27.5.14\

by Chennapragada Vns Sarma

from kavi sangamam*కవి సంగమం*(Poetry ) http://ift.tt/1tInTdf

Posted by Katta

Rajeswararao Konda కవిత

నేనే.. వయ్యారం - నా కెందుకయ్యా ఇంకా ఈ మల్లెల భారం @ రాజేష్ @ 27/05/14

by Rajeswararao Konda

from kavi sangamam*కవి సంగమం*(Poetry ) http://ift.tt/1tInUxM

Posted by Katta

Rajender Kalluri కవిత

# నా పరిచయం ఒక జ్ఞ్యాపకం # తెలియని ఒక పరిచయం ఏర్పరిచే దారే " స్నేహం " ఆ దారిలో తెలీకుండానే ప్రయానిస్తుంటాం ఆ ప్రయాణం లో కొన్ని ఆశలు , ఆశయాలు , వాటితో ఏర్పడే స్నేహాలు . వాటి వెనకాల దాగుండే చిన్న స్వార్ధాలు అర్ధం లేని అలకలు అవకాశం కోసం ఎదురుచూసే అవకాశవాదులు ఆవేశాలని రగిలించే మధ్యవర్తుల మాటలు ఒక రోజు గాలివానలా ఎగసే గొడవలు వాటికి - వాళ్లకి మధ్య అహంభావాలు మాటలు లేని కొన్నికాలాలు మాట్లాడాలని ఉన్నా- మనసుకు ఎదురుపడే కొన్ని ప్రశ్నలు ఆ ప్రశ్నలకు దొరకని సమాధానాలు ఎదో వివరణ ఇవ్వాలని చేసే ప్రయత్నాలు తెలుసుకోలేని కొన్ని వాస్తవాలు , ఏ స్నేహం కోరదు సంజాయిషులు అలా ముగిసే ద్వేషాలు , ఒక్కటయినా క్షణాలు , అవి రాల్చే కన్నీరు తెలియజేసే ఆనందాలు... కోట్లు పెట్టినా కోనుక్కోలేని కొన్ని గ్న్యాపకాలు కొన్నాలకు ఎదురుపడితే :) kAlluRi [ 27 - 05 - 14 ]

by Rajender Kalluri

from kavi sangamam*కవి సంగమం*(Poetry ) http://ift.tt/1mwe1jO

Posted by Katta

పేజీలు

27, మే 2014, మంగళవారం