‎"నీ" ||"మౌనం గదిని ఖాళీ చేయటం అంత తేలికేం కాదు"||

-మా ఇంట్లో...అద్దంలో..నా ముఖం నవ్వి
చాన్నాళ్ళయ్యింది!

చూపుల చీకట్లు
ఊహల గడపలు దాటి ఎన్నాళ్ళయ్యింది!

అంతరాంతరాల్లో
ఓటమి ఒదిగి ఒదిగి చూస్తుంది

పెదాలమీంచి విసిరిన మాట
గుండె మూలనెక్కడో పడుంది

ఆలొచన పగిలి ముక్కలై
లొపల్లోపలే గుచ్చుకుంటుంది

అప్పుడప్పుడు పెదాల్ని
క్లొమోర్ మైన్లతొ పేల్చుకుని
మాటల్ని బయటకు తీయాలి

బలవంతపు బతుకులో
కొన్ని సంగతుల సంకెళ్ళు తగిలించుకొవాలి

నన్ను నేనే మడుచుకుని నాలోపల లోలోపల దాచుకోవాలి !

నిశ్శబ్దపు గోడల్ని శబ్ధం బద్దలు చెయ్యాలి

అయినా..

"మౌనం గది ఖాళీ చేయటం అంత తేలికేం కాదు!"

*18-08-2012