ఓటమి
ఉండగలవా ఓటమేలేకుండా?
ప్రశ్నలే రాని చింతలే లేని మరో ప్రపంచం ఉందా??
ఓటమి.. తిరుగుబాటు... అనంతరం వచ్చేదే అసలు సిసలు విజయం !!!
అద్దం వెక్కిరిస్తుందా?
ఏం..నువ్వు ఎదురు వెక్కిరించలేవా?
నీపై నువ్వే తిరుగుబాటు చేయలేవా?
అయ్యో పాపం..
ఓటమీ గెలుపూ ..తాత్కాలికమే!!
కానీ ఏది కావాలో నిర్ణయించుకో?
***
కళ్ళుతెరచి పోరాడితే అపజయం కాస్తా జంకుతుంది
కాస్త వెనుకడుగు వేస్తుంది
కళ్ళు మూసుకుంటే ఓటమి నిన్ను నిర్దాక్షిణ్యంగా వరిస్తుంది
****
కళ్ళు మూసుకొని ఓటమిభరించేవు
కళ్ళు తెరిచి పోరాడలేక?
ఓటమి నిన్ను అద్దంలో స్పష్టంగా చూపుతుంది
పోరాటమో ఆరాటమో
గెలుపో మరేమిటో
ఓటమికి అది తెచ్చే ప్రశ్నలకు
శక్తిమేర సమాధానం ఇవ్వు
అదే నువ్వు !అంతే నీ సామర్ధ్యం !!
ఓటమే సమాధానం అయితే?
ప్రశ్నించడం మానుకో?
వెనుకంజకు నిర్ణయం తీసుకో? పో! వెనక్కు తిరిగి పారిపో!!
***
గెలుపు కావాలా?
నిజాయితీగా ప్రశ్నించుకో? తక్షణమే నిర్ణయించుకో!
నిర్ద్వంద్వంగా నిర్దాక్షిణ్యంగా ప్రతిఘటించు పోరాడు!!
తిరుగుబాటుకు సిధ్ధంగా ఉండు ఆఖరుకు నీపై కూడా..
సమాధానం దొరక్కుండా పోదు విజయం రాకుండా పోదు !!
***
ముందు తిరుగుబాటు పుట్టి తర్వాత విజయం పుట్టిందని తెలుసుకో!
*6.7.2012
కామెంట్‌లు లేవు:
కామెంట్‌ను పోస్ట్ చేయండి