రియాజ్ - కవిత

వాగుడుకాయ్..

మెరిసే యవ్వనపు కాంతితో
తొణికిసలాడే ఉత్సాహంతో
గంతులేస్తూ వెక్కిరిస్తూ చిందరవందరగ
ఉత్సాహంగా ప్రవహించేది
విసుగుకే విసుగుపుట్టి పారిపొయేలా వాగుతుండేది ఆ వాగుడుకాయ్!!

ఊహించని పరిణామం-----
ఎందుకో అంతులేనిమౌనం దాల్చింది
గడగడవాగుతూ నిండిపోయినవాగులా
పరుగెత్తుతుండేది యేమయ్యింది దీనికి??

తీవ్ర నైరాస్యం ఆవహించినట్లు స్తబ్ధుగా
నెర్రులుబారిన చెరువులా
ఇంకిపొయిన కలలు చచ్చిన కన్నీటి గుంటలా
ప్రవాహంలేని మౌన సరస్సులా నిశ్చేష్టగా వుండిపోయింది యేమైంది దీనికి?

నిశ్శబ్ద నైరాశ్య వైరాగ్యరాగంలో..
బహుశా.. ఎవరో గాయపరిచారు?

*4.7.2012