Trinadh Meegada కవిత

||నీ గర్భగుడిలో నిరంతర శోధనం అండ పిండ బ్రహ్మాండ దర్శనం నినదించిన నారాయణ మంత్రం నువ్వు నేర్పిన జీవన్మరణ సూత్రం నా జీవన జాగృతికై నీ ప్రసవ ఆర్తనాదం ప్రణవ నాద సృష్టికే ప్రళయ ఓంకారం .. పునీతమనుకొనే నా మల మూత్ర తీర్దం పుడమితో గెలిచేటి నీ స్వార్ధ రహితం జవ జీవమొసగే నీ పరిపుష్టి స్తన్యం విహీనమయ్యే నీ అందచందాల దైన్యం నీ పొత్తిళ్ళ చెంతన నా రాచరిక దర్పం ఇలలోనే కనిపించు నా కలల సౌధం నా తప్పు ఒప్పన్న నీ త్యాగ ఫలితం సమిధయ్యి సరిదిద్దు నా భవిత భరణం ఇరుకై.. కరుకై కురిపించు కారుణ్యం నా గృహస్తు గతికై నీ అగచాట్ల పయనం ఆర్ద్రమై నిలిచేటి నింగిలో ఎగసేటి నీ ప్రేమ వదనం మేఘమై మురిసేటి కరుణతో కురిసేటి అమృత వర్షం || ..................................మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1pGjoO9

Posted by Katta