Trinadh Meegada కవిత

మా ఆసరా గ్రూప్లో ఉత్తమ కవితగా యెంపికైన నా కవిత ||పుడమితల్లి మాతృత్వం|| ప్రకృతి వడిలో అందరం పసిపాపలమే డిల్లీకి రాజులమైనా తల్లికి కొడుకులమే అవని తల్లికి అందరం బిడ్డలమే పుడమితల్లి గిరుల నుండి జాలువారిన పాల జలపాతాలు పురిటి తల్లి వదిలిన తెల్లని మురిపాలు వంటివి తల్లి స్తానువుల కమ్మదనం పసితనం కెరుక .. అవనితల్లి జలపాత అమృత ధారలు జీవకోటికెరుక అమ్మతనంతో స్త్రీ సంపూర్ణత్వ సమృద్ది సాధిస్తే తీయని జలపాత ధారలుతో ప్రాణం పోసిన పుడమితల్లి మాతృత్వపు మధురిమలతో సమసిపోకుండా నిరంతరం ఎగసిపడుతూ మురిసిపోతుంది. ..............................మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1kMDykP

Posted by Katta

Trinadh Meegada కవిత

//సేను కోతకొచ్చింది// కొలువు యెల్లిన మావ కాన రాకున్నాడు పరువాల అల'జడి' వానలో తడిసి తనువు ముద్దవుతా వుంది నా సొగసు సిత్ర విసిత్రాలు నక్షిత్రాలన్నాడు నా కులుకే కోటి తారల యెలుగన్నాడు పిచ్చి మావ.. చిరిగిన నా రయికే సూసి సాలి రామన్న నేసిన మాసిన సీర సూసి సివుక్కుమన్నాడు ..రంగీ నీకు రంగుల లోకం సూపిత్తామన్నాడు కోటి యెలుగు నీలోనే వుందయ్యా ప్రేమ సాలయ్యా పట్నవాసమెందుకంటే పోవే నీకేం తెలుసన్నాడు ..జాబు నేదు జవాబు నేదు ..ఆకాశ రామా.. నీ కళ్ళ ముందు జరిగిన ఎన్నో మా యవ్వారాలకి నువ్వే సాచ్చివి కదా ..దూరం నుంచి పిలిసి మా మావకి నాకు గుబులుగా వుందని కబురియ్యు ....మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1lLM7RK

Posted by Katta

Trinadh Meegada కవిత

//సర్వోన్నతం నాన్న // అవని అమ్మ అయితే అంబరమే నాన్న అనంత ఆకాశ అంతరిక్ష పొరల్లో ఎన్నో విస్పటనాలు వెలుగు నొసగే సూర్యులు చల్లదనపు చంద్రులు జీవిత గమనాన్ని నిర్దేశించే గ్రహ గతులు అన్నీ దాచుకున్న అంబరం వంటి గుంబనమైన నాన్న .. ఉరుముల మెరుపుల పెళ పెళలు దాచుకొని చన్నీటి చుక్క ఆశ్రు ధారగా వర్షించే నాన్న . ఎండ కు ఎండి వానకు చిద్రమై బ్రతికించే ఛత్రమే నాన్న .. పైకి కల్లొల కడలిలా వెడలి .. సడలని రత్నగర్భమే నాన్న .. బండను మోసి నిందను కాసి బలిపసువైన నాన్న .. సృష్టి లో సర్వోన్నతమై అన్నింటికన్నా మిన్న నాన్న . ……………………………………………మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1qTs4Bg

Posted by Katta

Trinadh Meegada కవిత

||నీ గర్భగుడిలో నిరంతర శోధనం అండ పిండ బ్రహ్మాండ దర్శనం నినదించిన నారాయణ మంత్రం నువ్వు నేర్పిన జీవన్మరణ సూత్రం నా జీవన జాగృతికై నీ ప్రసవ ఆర్తనాదం ప్రణవ నాద సృష్టికే ప్రళయ ఓంకారం .. పునీతమనుకొనే నా మల మూత్ర తీర్దం పుడమితో గెలిచేటి నీ స్వార్ధ రహితం జవ జీవమొసగే నీ పరిపుష్టి స్తన్యం విహీనమయ్యే నీ అందచందాల దైన్యం నీ పొత్తిళ్ళ చెంతన నా రాచరిక దర్పం ఇలలోనే కనిపించు నా కలల సౌధం నా తప్పు ఒప్పన్న నీ త్యాగ ఫలితం సమిధయ్యి సరిదిద్దు నా భవిత భరణం ఇరుకై.. కరుకై కురిపించు కారుణ్యం నా గృహస్తు గతికై నీ అగచాట్ల పయనం ఆర్ద్రమై నిలిచేటి నింగిలో ఎగసేటి నీ ప్రేమ వదనం మేఘమై మురిసేటి కరుణతో కురిసేటి అమృత వర్షం || ..................................మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1pGjoO9

Posted by Katta

Trinadh Meegada కవిత

//సుందర స్వప్నం// పక్క పై వాలిన పడతి పరువపు బిగువులుతో ఎదో వెలితి తీరం నుండి విన్నప్రియుని వేణుగానం కలల అలలపై చేసే పడవ పయనం తరచి మురిసి వగచిన వయ్యారం అలకన కులుకుతో బుగ్గన దాచిన సింధూరం తీయని బడలిక భారము తీరిన తరుణం ప్రణయ ప్రేమా పరిణయ పరిస్వంగనం మేనే చేనై పండిన రస మధురిమ ఫలం కనుల వెనుకే దాచిన సుందర స్వప్నం ……………………………. మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/RE2wM1

Posted by Katta

Trinadh Meegada కవిత

అది అసంపూర్ణ స్వతంత్ర భారతం నివురుగప్పిన నియంత పాలనం రాజకీయ కీలుబొమ్మలాటలు అధికారుల తోలు బొమ్మలాటలు వెరసీ చైతన్య రహిత జనభారతం తెలుగు వాడంటే చులకన బూజు పట్టిన పట్వారీ విధానాలు విశ్వ విఖ్యాత నట సింగం జూలు విదిల్చింది ప్రజల పక్షాన నిలిచింది ఏలిక పాలకులపై పంజా విసిరింది సమూల రాజకీయ ప్రక్షాలన చేసింది అడవి రాముడు గా తిరిగిన ఆ సింగం బడుగు జనుల కోసం ఊరూరా తిరిగింది ప్రతి తెలుగు వాడు ఒక సింగమని అత్మీయతే కాదు ఆత్మ గౌరవం కూడా వాడికి ఉందని సహనమే కాదు సాహసం ఉందని ప్రపంచానికి చాటింది డిల్లీ సింహాసనం కదిలేలా ఘీంకరించిది నేనున్నానంటూ తన జాతికి బలం భరోసా ఇచ్చింది ఈ నేల అయుస్సు ఉండేదాకా ఈ జాతి గుండె లో కొలువై ఉంటుంది ఆ సింగం …………..మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1kK9sma

Posted by Katta

Trinadh Meegada కవిత

//సుందర స్వప్నం// పక్క పై వాలిన పడతి పరువపు బిగువులుతో ఎదో వెలితి తీరం నుండి విన్న ప్రియుని వేణుగానం కలల అలలపై చేసే పడవ పయనం తరచి మురిసి వగచిన వయ్యారం అలకన కులుకుతో బుగ్గన దాచిన సింధూరం తీయని బడలిక భారము తీరిన తరుణం ప్రణయ ప్రేమా పరిణయ పరిస్వంగనం మేనే చేనై పండిన రస మధురిమ ఫలం కనుల వెనుకే దాచిన సుందర స్వప్నం ……………………………. మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1nzk7B4

Posted by Katta

Trinadh Meegada కవిత

|| రెచ్చగొడితే తప్పా చిచ్చుపెట్టదు అరచేతిలో ఇమిడినా అవనినంతటినీ బుగ్గి చేసే శక్తి కలది మండి పొతూ దీపానికి వెలుగిస్తుంది మొండి చేస్తే బూడిద నిస్తూ బతుకులో చీకటి తెస్తుంది వెలుగు రేఖల గుత్తి ఇరువైపులా పదునున్న కత్తి ఖర్మ కాండలకు సంపత్తి అగ్గి పుల్లతో పంచభూతాల్లో కలసిపోతుంది ఈ తిత్తి కాదు కవితకనర్హమని కవితల్లో కొలువైన దీని నిష్పత్తి|| ……………………..మీగడ త్రినాధ రావు

by Trinadh Meegada



from kavi sangamam*కవి సంగమం*(Poetry ) http://ift.tt/1pacR0G

Posted by Katta

Trinadh Meegada కవిత

||హోలీ రంగేళీ వసంత ఉత్సవ కేళీ ఆకశాన హరివిల్లై విరిసిన డోలీ జీవితాన రంగులు నింపిన జోలీ శ్వేత వర్ణపు శాంతికేళీ పసుపు వర్ణపు శుభకేళీ ఎరుపు వర్ణపు సిందూర కేళీ నలుపు వర్ణపు మిధ్య కేళీ నీల వర్ణపు నిర్మల కేళీ కష్ట జీవుల ఎండు డొక్కలు పుష్టి జీవుల పండు రెక్కలు పాడుకుంటూ పరవశించే జీవకేళీ అన్నదమ్ముల ఆడబిడ్డల ఆలు మగల ప్రేమ బందపు పట్టు జిలుగులు ప్రేమ పక్షుల ప్రణయ దారుల పురులు గొలిపే విరుల ఝరులు రాణివాసపు అక్కసులకు రక్కసత్వపు రాజనీచులకు జ్ఞాన దీపికలు ఇచ్చు రోజు పెద్దలందరూ పిల్లలయ్యే సాటి లేని మేటి రోజు హోలీ రంగేళీ వసంత ఉత్సవ కేళీ || హోలీ శుభాకాంక్షలతో మీగడ త్రినాధ రావు మన తెలుగు మన సంస్కృతి

by Trinadh Meegada



from kavi sangamam*కవి సంగమం*(Poetry ) http://ift.tt/1mbS77n

Posted by Katta