Sravanthi Itharaju కవిత

స్రవంతి ఐతరజు "సౌగంధిక జాజరలు" "మాధవా.. మధుసూధనా..." నీ పేరులోనిదా ఆ మాధుర్యం.. నేను పిలచుటవలన కలిగినదా? మాధవా..మధుసూధనా..కృష్ణా..మురారీ! నేను నీ రాధను కాలేను సత్యగా మాత్రమే ఉండగలను.. నను నీ పెదవి చివరన మురళిగా మలచవా మురళిపై పలుకని రాగాలు పలికించవా.. విరహిని నైన నాకు నీ ముగ్ధమోహన రూపాన్ని చూపించవా నా కటిని నీ కరబంధనం గావించవా.. పొగడపూ పొదల తిరిగి తిరిగీ నీ పద్మపాదాలు కెంగరించినవేమో ఇదుగో నా యెద పద్మం..పవ్వళించరావా..పదుమనాభా! పసిడికాంతుల చిమ్ము నీ కెమ్మోవి నా హృదయకెందామరల విహరించు భ్రమరిగా మార్చవా.. నీ వొడి ప్రేమ కడలి తరంగాల శృంగార తానాలు చేయించరావా.. చిటపటల రుసరుసల అలసి సొలసిన వేళ నీ ధృడ హృదయ సీమల నను సామ్రాజ్గ్నిని చేయవా.. హరే శ్రీ హరీ! గోవిందా గోకులానందా..

by Sravanthi Itharaju



from kavi sangamam*కవి సంగమం*(Poetry ) http://ift.tt/NeweWj

Posted by Katta