Cv Suresh కవిత

సి.వి.సురేష్ || కా ల్చే సే మం టొ క టి…....!|| అవును ఇప్పుడు నాకు విషాదమే అవసరమైంది జడలు విప్పి నా గు౦డెలపై నర్తి౦చే పాషాణ౦ లా౦టి విషాదం అది నన్ను గుచ్చి గుచ్చి బాధపెట్టి నాకో వ్యథను మిగిల్చాలనుంది నాకు బాధే కావాల్సొచ్చి౦ది నిజ౦!! ఆమె జ్ఞాపకాలను దాచిన గుండెను కాల్చేసే మంటొకటి నాకిప్పుడు అవసరం ఆ కాలుతున్న బాధే నాకిప్పుడు కావాలి! వాస్తవ౦గా చెప్తున్నా! హృదయంలో గూడుకట్టుకొన్నఆమె రుపాన్ని పలుగుల‌తో తొలగించే నొప్పి కావాలి ఆ పలుగు చేసే గాయం కావాలి! బాహాట౦గానే చెప్తున్నా...... నా గుండెలోతుల్లో ఘనీభవించిన‌ ఆమె మధురానుభూతులను ఎగదోసి రగిలించి కరిగించే సెగ కావాలి ఆ సెగ రగిలించే వేదనే నాక్కావాలి! చెరగని వ్యధతో చెప్తున్నా..... ఆమె అంతర్ సౌందర్యాన్ని అతికించుకొన్న‌ మనసుపొరలను విడదీసి ముట్టించే నిప్పురవ్వొకటి కావాలి ఆ రవ్వ కాల్చే మంటే నాకిప్పుడు అవసరం చితికిన హృదయ౦తో వివరిస్తున్నా...... నా మనసును పదే పదే తడుముతూ ఎంత ఎండినా ఆవిరవని ఆమె జ్ఞాపకాలను నిలదీసి అంటించే అగ్గొకటి కావాలి ఇ౦కా...ఇ౦కా చెప్తున్నా..... విరబూసిన మా కలల విరితోటలను కబళించి దహించే దావానలం కావాలి 2 నిను నేను అర్థిస్తున్నా.. నను భౌతికంగా మాయంచేసే ఇంద్రజాలికుడొకడ్ని నావద్దకు ప౦పు.. నన్నో జీవశ్ఛవం చేసే నా గుండెను రాయిగ మార్చే ఓ మ౦త్రజలాన్ని నాపై చల్లు... సఖీ...చివరిగా అర్థిస్తున్నా.... నీ జ్ఞాపకాలను అ౦త౦ చేసే కనికట్టేదో నాపై ప్రయోగి౦చు. నను నేను అ౦త౦ చేసుకొనే ఓ విషా(దా)న్ని నాకు ప్రసాది౦చు....…! అవును.. ఇప్పుడు నాకొక విషాదం కావాలి నను కాల్చేసే మ౦టొకటి కావాలి...! Cv Suresh

by Cv Suresh



from kavi sangamam*కవి సంగమం*(Poetry ) http://ift.tt/1fuC0uS

Posted by Katta