నేను:అస్సలామాలేకుం
?: వాలేకుం అస్సలాం..నాం క్యా హే బేటా
నేను:ఇమ్రాన్ శాస్త్రి
?:ఏ క్యా హే.... ఇమ్రాన్ ....శాస్త్రి ..ఐసా నహి బోల్నా బేటా బోహుత్ గునా హే అల్లాః ఆప్కో భలా నహి కరేగా......................సో అండ్ సో
మరి ఇక ఇమ్రాన్ శాస్త్రి ఊరుకుంటాడా........!
ఆయువంటూ లేని కుల మతాల్ని అక్కున చేర్చుకుని అల్లారు ముద్దుగా పెంచుకుంటున్నా పెద్దరికమా
నేనడిగే ఒక్క ప్రశ్నకైనా నీ దగ్గర బదులంటూ ఉంటె సెలవీయుమా
!
జగతిలో ప్రప్రథమంగా జన్మించింది ఏ జాతి వాడు?
మొదటి మట్టిబోమ్మకి ప్రాణం పోసింది ఏ దేవుడు?
నువ్వు కడుపులో ఉన్నపుడు నీ కన్న తల్లికి
పురుడు పోసిన చేతులు మొక్కేది ఎవరికీ?
పుట్టిన పసి కందు ఏ జాతి అని అడిగే ప్రశ్నకి
ఎవరైనా చెప్పే బదులు ఆడ,మగ అనే కదా ఎప్పటికి!
ఉన్నాడంటే ఉన్నాడు నిజమే, ఎక్కడో ఆ పై వాడు
చూడగలిగారా బతికున్న వాళ్లెవరైనా
చూడాలనుకుంటే మిగలరే ఇలపై ఒకరైనా
పండే పంటకు లేదు కులం
పొంగే గంగకు లేదు మతం
వీచే గాలికి లేదు వర్గం
ఇవి లేక క్షణమైనా బతకలేని నీకెందుకు వాటిపై మోహం
మనిషికున్న పేరుని కాదు వాడు బతికే తీరుని చూడు
ప్రతి తల్లి కడుపు గుడిలో వెలిగే చిరు దీపానికుండే వెలుగొకటే
ప్రతి మనిషి కన్ను మూసాక కాలే కట్టెల గుండె మాటున మంట ఒకటే
జగతి ఇంటికి పైకప్పులా ఉన్న ఆకాశం ఒకటే
చివరి నిద్రకి పానుపు వేసిన నేలమ్మ ఒకటే
నువ్వు,నేను ఎవరైనా చూసే చూపు ఒకటే
నీకు ,నాకు ఎవరికైనా చూపించే చేతన ఒకటే
హాయి కలిగితే పాడే పన్నీటి జయగీతం ఒకటే
బాధ కలిగితే పారే కన్నీటి జలపాతం ఒకటే
గుండె ఒకటే,దాన్ని పలికించే ఊపిరి ఒకటే
పలికే మాట ఒకటే,బతికే బాట ఒకటే
పిలిచే పేరు ఒకటే,నడిచే తీరు ఒకటే
స్పందన ఒకటే ,పొంతన ఒకటే
ఆకలి ఒకటే ,దాహం ఒకటే
దేహం ఒకటే,దైవం ఒకటే
అన్నీ ఒకటే,అంతా ఒకటే
ఒక ఒకటి ఒకటే
కాదనగలవా నే చెప్పిన ఈ సత్యాన్ని
కనులు తెరుచుకో వదిలేసి స్వప్నాన్ని
"ప్రభువెక్కిన పల్లకి కాదోయ్ అది మోసిన బోయిలెవ్వరోయ్"అన్నాడు శ్రీ శ్రీ
"మన వెనక పుట్టిన మతం కాదోయ్ మనిషిలోని గుణం చూడవోయ్ "అంటున్నాడు ఈ ఇమ్రాన్ శాస్త్రి!
కామెంట్‌లు లేవు:
కామెంట్‌ను పోస్ట్ చేయండి