Murthy Kvvs కవిత

KVVS MURTHY|జ్ఞానీలు-43 పిట్టలు నిద్రలేచేవేళ చూస్తుంటాను.. అలారం పెట్టి ఎవరో లేపినట్లు కిచకిచలాడుకుంటూ పొద్దుటే లేచిపోతాయి..! అప్పటికి సూర్యుడు కూడా సరిగా నిద్రలేవడు.. గూళ్ళలోనుంచి జట్లు జట్లుగా గాలి తరంగాలలో ఈదుకుంటూ అలా వెళ్ళిపోతుంటాయి.. మళ్ళీ సూర్యుడు సాయంవేళ దిగుతుండగా గూళ్ళలో దీపాలు వెలిగించడానికా అన్నట్లు వెనుదిరిగి వస్తూనే ఉంటాయి.. ఒక వేళ ఏ పిట్ట అయినా ఆ రాత్రికి రాలేదో, ఇక ఎన్నటికీ రానట్లేనని అర్ధం.. గూటిలోని దానిపిల్ల రేపు తన రెక్కల కష్టంతో ఎగరవలసిందే లేదా తన చావు తాను చావవలసిందే...! ------------------------------------------ (13-5-2013)

by Murthy Kvvs



from kavi sangamam*కవి సంగమం*(Poetry ) http://ift.tt/RMO5WE

Posted by Katta