Yasaswi Sateesh కవిత

Selective poem for reading.. L.S. Rokade, ||To be or Not to be born|| ||ఈ నేలపై నే జన్మించాలా! || } ( Published by YasaswiSateesh ) ఆమ్మా నాకు గుర్తే .. నీ మాటలు.. నా ప్రసవానికి నీ వేదన నా ప్రయాణం లో నీ ప్రయాస చాలా పెద్దదనీ, కాలం కరగని నెప్పులకు కారణం నా ఈ సందిగ్ధతే.. ఈ నేలపై నే జన్మించాలా! అన్ని దారులూ దిఙ్మండలాన్ని ఛేదించినా నేను దారి లేక ఉండిపోయా నీలో నువ్ ప్రసవార్ధి వై పడుకున్నప్పుడు చూపులు ఆకాశానికి గుచ్చివున్నాయని మూసుకుంటున్న కనులు తెరుచుకున్న పెదవులతో ఆకాశమే నాకు ఆధారం అన్నాయని!! తరాల పేదరికం కప్పుకుని నువ్వు తల కింద తరగని అవసరాల దిండు రాత్రినిద్రలో పగలు పనుల్లో మెలికలు తిరిగే జీవితం ఖాళీ పిడికిళ్ళ తో గుండెలు కప్పుకుని నువ్వు చెప్పాలనుకున్న మాటలు ప్రతి మనిషి ప్రకృతి పురుష సంగమ సృష్టి అని ఈ దారిని మార్చజాలని దైన్యులమనీ నీ చుట్టూ తిరిగి తిరిగి నువ్ కనుగొనలేదా భూమి గుండ్రమనీ. ఆమ్మా ఇది నీ నేలే. నదులు ఒరుసుకు పారే గట్లతో అంచులు దాటే సెలయేర్లతో ఈ నేలే నిన్ను దోసెడు నీటి కోసం రక్తాన్ని చిందిస్తూ పోరాటం చేయించింది! ఈ మహానాగరికతంటే నాకొక చీత్కారం నువ్ పుట్టినందుకే ఈ నేల నీదా..! మనదా!! నీకు పుట్టినందుకు నాదవుతుందా!! నా నేల ఇదే అని నే పాటలు పాడాలా.. ప్రేమించాలా!! మన్నించమ్మా.. నిజం చెప్పనా సంశయంలో ఉన్నా ఈ నేలపై నే జన్మించాలా! (translated on..2.10.2012) =13.5.2014=

by Yasaswi Sateesh



from kavi sangamam*కవి సంగమం*(Poetry ) http://ift.tt/1oookt4

Posted by Katta