Abd Wahed కవిత

గుండెమంట కంటిలోని వెలుగులాగ మారిందీ నిన్నటి ఆ తలుపు నేడు గోడలాగ మారిందీ వరదలాంటి వేదనలో ప్రవహించిన సంతోషం జీవితాన నిలకడయే పరుగులాగ మారింది రాత్రంతా కలలవీధిలో తిరిగిన తలపులకూ తెరచిన కనురెప్ప ఇనుప గొలుసులాగ మారింది చూపుల్లో చుట్టుకుని దాచుకున్న ముత్యాలూ ఒలికిపోతె చెంపపైన మెరుపులాగ మారిందీ స్వప్నాలతొ పూలజడను అల్లుకున్న నిశిరేయీ వాస్తవాల ముళ్ళు చూసి మంచులాగ మారిందీ ఇల్లు కిటికి కన్ను తెరిచి లోకంలో వెతలు చూసీ మాటరాక దియా ఇపుడు మూగలాగ మారిందీ

by Abd Wahed



from kavi sangamam*కవి సంగమం*(Poetry ) http://ift.tt/1l8FRC8

Posted by Katta