Rambabu Challa కవిత

చల్లా గౙల్-9/ Dt. 23-4-2014 కలనైనా ఊహనైనా చిరు ప్రాయం నాకివ్వు ఇహమైనా పరమైనా పసి ప్రాయం నాకివ్వు కొసరి కొసరి తినిపించే అమ్మ గొరుముద్దలు కడుపార ఆరగించు ఆ భాగ్యం నాకివ్వు నాన్న తీపి ముద్దులతో బామ్మ నీతి సుద్దులతో గుండెలకు హత్తుకొనే ఆ మమతలు నాకివ్వు తొలకరిలో మెరుపునై జల్లుల్లోచినుకునై తనివితీర తడిసిపోవు ఆరోజులు నాకివ్వు పుస్తకాల్లో కాగితాలు పడవలుగా మలచి నీటిపైన తేల్చియాడు ఆ ఆటలు నాకివ్వు వయ్యారాలొలకబొసే గాలిపటాలెగరేసి మెఘాల్లో విహరించే ఆ భావన నాకివ్వు ఆశలతో ఆహుతైన తనువెందుకు "చల్లా" స్వచ్ఛమైన మనసుండే ఆ బాల్యం నాకివ్వు

by Rambabu Challa



from kavi sangamam*కవి సంగమం*(Poetry ) http://ift.tt/1mziWQP

Posted by Katta