Thilak Bommaraju కవిత

తిలక్/లోలకం --------------------­-------- లోలకమై తిరుగుతోంది నా శరీరం కొన్నిసార్లు సవ్యదిశలోను మరికొన్నిసార్లు అపసవ్యదిశలోను నా ఆశల దారాలు జీవన భారంతో సరితూగుతూ సంఘర్షణ,అసంఘర్షణల కొలిమిలో మగ్గుతున్నాయి కోరికల సాంబ్రాణిలా కొన్నిసార్లు అనుకుంటాను నేను ఈ చీము,నెత్తురును నా ఇ(వ)ంటి ఆవరణలోనె పారబోద్దామని స్వచ్చంగా ఇంక నిన్న రాత్రి నేను రమించిన దేహమేదొ నాతో అంటుంది నాలో ఏంచూసావని అప్పుడు నా మనసిలా చెబుతుంది తనతో నీ సరిహద్దులో పహారా కాస్తూ నీ వలపు తీరాలలో నన్ను నేను ఆరేసుకుంటూ కొండచరియల మద్యగా పయనించేశాక నీలోకి నన్ను ఒంపుకున్నావు ఒకే మాంసపు ముద్దలా ఇప్పుడు మిగిలింది నీతో అంతమైన నేను నాలో అనంతమైన నువ్వు. తిలక్ బొమ్మరాజు 13.02.14 14.02.14

by Thilak Bommaraju



from kavi sangamam*కవి సంగమం*(Poetry ) http://ift.tt/1nwXASi

Posted by Katta