1
ఎన్నెన్ని పంచవర్ష ప్రణాళికలూ!
వర్షం పడితే పంచ కురవడం మానదు
-నా దేశం
***
2
మంత్రిగారొస్తేనే షోకు
మహా కంతిరిది
మా మురికూరు.
***
౩
కూటి కోసం జనం
పట్నంబాట
ఓటు కోసం సియం
పల్లెబాట!
***
4
మూడు 'పూవులు'
ఆరు 'కాయలు'
శివారు పబ్బులు
5
గజకరువు
గజం జాగా కరువు
శ్మశానంలో
6
లేడిపిల్లలకేనా
అభయారణ్యం
ఆడపిల్లలకో!
7
పాడుబడ్డ గుడిసెలో
పాత బడని సాలెగూడు
కరువుకింకా
కరువు తీరలేదు!
8
అలారం వింటే గానీ
కోడీ కూయడం లేదు
మరీ విడ్డూరం
యంత్ర యుగం!
9
నిద్ర
మనసు మేలుకుని కనే
కల
10
కుడి ఎడమయితే పొరపాటు లేదా
గ్యాసుపొయ్యి నాబ్
తిప్పి చూడు దేవదా!
11
పురుగుమందు డబ్బా మీది
పుర్రెమార్కుగుర్తు
రైతుకు జాగ్రత్తా!
భవిష్యత్తా!
12
ఉప్పు తింటే మర్చిపోరుట
డబ్బు
ఎంత ఉప్పనో!
13
క్విడ్ ప్రో కో
గడించారా లక్షలకోట్లు-సార్లు
శిక్షగా రాయించు
క్విడ్ ప్రో కో
కోటీ లక్షల సార్లు
14
ఆనకట్టలు
ఆధునిక దేవాలయాలు
డబ్బుకట్టలు
అందులో ధూప దీప నైవేద్యాలు
కామెంట్‌లు లేవు:
కామెంట్‌ను పోస్ట్ చేయండి