కర్లపాలెం హనుమంత రావు॥కొన్ని ఆలోచనా శకలాలు॥

1
ఈ చినుకు
ఏ సముద్ర
ఆనందబాష్పమో!

2
ఎవరన్నారు
కాలం గుప్పిట్లో చిక్కదని?
నాన్న ఫొటో!

3
కుట్టకుండా వదిలేసింది
గండు చీమ
ఎంత విశాల హృదయమో!

4
కంటికీ చేతులుంటే
ఎంత బాగుణ్ణో
కదా ఊహాప్రేయసీ!

5
ఎక్కినా
దిగినా
అవే మెట్లు

6
నలుపు తెలుపుల్లో
ఎన్ని రంగులో
పాత మిత్రుల గ్రూప్ ఫోటో!

7
మాయాలోక విహారం
పుస్తకం
కీలుగుర్రం

8
కోయిల కూస్తోంది
మావి చిగురు
మిగిలుందని!

9
మింటి మీదా
వంటి మీదా అర్థచంద్రులు
రాత్రి సార్థకం

10
తట్టి
తడిపింది
హైకూ

11
ఫొటోలోని బాబుకి తెలుసా
తనలాంటితనే తనను చూస్తాడని
నా పాతఫోటొ మాబాబు చేతుల్లో!