పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Uday Dalith లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Uday Dalith లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

20, మే 2014, మంగళవారం

Uday Dalith కవిత

#ప్రశాంత సంజ్ఞ# ప్రేమ నువ్వు విశ్వ వ్యాపిత సుగంధానివే మా మనసుల్లోని మైలను సూర్యరశ్మి కంటే ప్రజ్వలమైన ప్రజ్ఞోదయంలో సమూలంగా తుడిచివేసావు ఇప్పుడు అతి స్వచ్ఛత పొందిన హృదయాలు మావి కలయికలోనే వీడలేక ఒక్కటై భీకరమైన పొంగుతున్న జలపాతాలు యివి ఉరిమే మేఘాలను సైతం వణికిపోతూ ఎదిరించి జంటగా పూచిన సౌరభాలు ఇవి మానవతారాహిత్య విలువలకు అతీతమై స్వర్గ సుఖాల శోభలకు విముక్తి తామై ప్రపంచ జాడ్యాలను లోకాలకు విసిరివేసి స్వేచ్ఛగా ప్రేమ పతాకాన్ని ఎగురవేసిన హృదయాలు మావి ఉదయ్ 20.05.14

by Uday Dalith



from kavi sangamam*కవి సంగమం*(Poetry ) http://ift.tt/1mQSV0r

Posted by Katta

19, మే 2014, సోమవారం

Uday Dalith కవిత

సరస్వతిని చదువుల తల్లిగా కొలిచే దేశం ఐతే మాత్రం సగానికి పైగా ఆడవాళ్లకు చదువే లేదు భరతమాత అని దేశాన్నే పూజిస్తాం ఆ పేరుతోనే ఆడవాళ్లను అణగత్రొక్కుతాం గుళ్లు గోపురాలు ఎన్నో కట్టిస్తాం నీ చెల్లికి తల్లికి స్వేఛ్ఛ ఇవ్వడానికి కూడా ఒప్పుకోం ఆదిశక్తి పరాశక్తి అని వల్లెవేస్తాం ఆడవాళ్ల హక్కులన్నా రిజర్వేషన్లన్నా ఆమడదూరంలో వుంటాం సమానత్వం గురించి గొంతు చించుకు అరుస్తాం ఆడదంటే శృంగార వస్తువే కానీ వ్యక్తిత్వం వున్న మనిషిగా గుర్తించం పెళ్లి చేసుకుని భర్తకు సేవ చేసుకుని అత్త మామలతో అణకువ ప్రదర్శించే ఆడవాళ్లంటేనే సమాజానికి ఎక్కడలేని మర్యాద చదువుకుంటే ఉద్యోగం ఎందుకు యింట్లో మగాడు వుంటే బయటకు తానెందుకు సంసారాన్ని మించిన వేరే ప్రపంచం ఎందుకు ఝాన్సీరాణి రుద్రమ్మదేవిల చరిత్రలు పుస్తకాల్లో చదివి వదిలేద్దాం సీతా అనసూయల కధలతో పవిత్రత పుణ్యస్త్రీ పేర్లతో వంటిటికి మహారాణిని చేద్దాం ఏపూజలు వ్రతాలు దేవుళ్లు దేవతలు బానిసత్వాన్ని నీకు వరంగా యిచ్చారో వాటి నుండి విముక్తి కానంతవరకు స్వేచ్ఛకై పోరాటం చేయనంతవరకూ ఈ హింస ఆగదు నీ తలరాత మారదు నవ్వుతూ అనుభవిస్తున్నంత కాలం నవ్వులపాలవుతూనే వుంటావు ఉదయ్ 19.05.14

by Uday Dalith



from kavi sangamam*కవి సంగమం*(Poetry ) http://ift.tt/1p57P2I

Posted by Katta

18, మే 2014, ఆదివారం

Uday Dalith కవిత

స్వేచ్ఛ తన స్వేచ్ఛ కోల్పోయి భయానక భావాల సింహ గర్జనల మద్య అనునిత్యం పరాభవిస్తుంది మతోన్మాదుల దాష్టీకాలకు ఉదారవాదుల దైన్యానికి నడుమన స్వేచ్ఛావాణి తన గొంతు సవరించుకునే ఆశ లేక అనుక్షణం మూగబోతోంది ఉవ్వెత్తున ఎగసిపడే అలలు ఓ పక్క నిరంతరం ఎగిరిదూకే జలపాతాలు ఓ పక్క వేటికవే స్వేచ్ఛగా ప్రకృతిని పరవశింపజేస్తూంటే నా భావ స్వాతంత్ర్యం మత రక్కసి క్రౌర్యంలో ఆంక్షల వలయంలో నేలరాలిపోతుంది రక్తాలు చిందకముందే శాంతి కపోతాలు ఎగరాలి యుద్ధాలు జరగకముందే భావ స్వాతంత్ర్యం విరియాలి ఉదయ్ 18.05.14

by Uday Dalith



from kavi sangamam*కవి సంగమం*(Poetry ) http://ift.tt/1gWxh5t

Posted by Katta

13, మే 2014, మంగళవారం

Uday Dalith కవిత

నిట్టూర్పు నీ అభిప్రాయాలు మార్చుకు తిరిగావా లోకం తన ఆడంబరాలకు కాలం తన కవ్వింపులకు నిన్ను ఆహ్వానించకపోగా తన సౌఖ్యాల నుండి నిన్ను అంటరానివాడిగా వెలివేస్తుంది నువ్వు గీసుకున్న లక్ష్మణరేఖ నువ్వు దాటలేక వృత్తంలో పంజరమై చావలేక నటిస్తూ భరిస్తూ వీలుంటే పరిహసిస్తూ నవ్వుతూ మానవత్వాన్ని ప్రదర్శిస్తావు గర్జంచే మేఘాలంటే నీకు అసహ్యం చీకట్లో గుసగుసలంటే పరమ చిరాకు ఎంతో సుకుమారంగా పెంచుకున్న తోట నుండి కిరాతకంగా పువ్వుల్ని కోసేస్తావు రక్తమంటే నీ దేహంలో ప్రవహించే ప్రాణమంటే నమ్మవు భేదాలన్నీ నువ్వు పెట్టుకుని సమాజాన్ని నిందిస్తావు సంకెళ్లు ఖైధీలకు వేస్తారని భ్రమించావు సిరి సంపదలు జన్మ హక్కులనే వెలకట్టావ్ సాయం సంధ్యకు సాగరానికి నడిచి వెళ్లే దారి ఒకటే నీది అలలపై వీరంగం చేసే చూపులే నీవి యిసుకలో గూడు కట్టి కెరటాలకు అది కూలిపోతుంటే నువ్వు విడిచే నిట్టూర్పే హాయి కల్మషం లేని ఒక హృదయం అలలపై లోకాన్ని మరచి ఆడుకుంటోంది చూడు అది నీదే ఉదయ్ 13.05.14

by Uday Dalith



from kavi sangamam*కవి సంగమం*(Poetry ) http://ift.tt/1lrMfo9

Posted by Katta

12, మే 2014, సోమవారం

Uday Dalith కవిత

అజ్ఞాని నువ్వు తాగుబోతువో లేక లేక పుట్టిన ఫిలాసఫర్ వో నువ్వు తాగుబోతువే అయితే తప్ప తాగిపోతోంది నీ అహాన్ని నువ్వు ఫిలాసఫర్ అయితే నీ మొత్తుకోలు నీ స్వార్ధానికి నీ వేదాంతం ఎండమావుల ఎడారులు దాటి అథోఃపాతాలాన చేరి నీ కాలి కిందే విలవిలలాడి కొట్టుకు చస్తుంది నీ తాగుడు విశ్వ జ్ఞానాన్ని ప్రకటించి బోధి వృక్షాన వికటించి నీ శ్మశానానికి నెత్తురు కక్కుకు పోతోంది ఇపుడే వీలుంటే మేలు చేయక కీడు తలచక నీ ఒంటరి కలల్లోకి ఒద్దికగా జారుకో రేపే ఉషోదయాలు అవి నీ మత్తు కళ్లను అవిటి కలలను తప్పక భస్మం చేస్తాయి నీ పిరికి చేష్ఠలు పిల్లి కూతలు ఈ నిర్జనులకు అవసరమే నేడే నీ స్వార్ధ అశ్రువులకు వారి నివాళి ఉదయ్ 12.05.14

by Uday Dalith



from kavi sangamam*కవి సంగమం*(Poetry ) http://ift.tt/1gbEUu9

Posted by Katta

7, మే 2014, బుధవారం

Uday Dalith కవిత

ప్రేమికా ఓ ప్రేమ పాట పాడనీ నన్ను స్వరతంత్రులు ఆకాశపు విహంగమల్లే ఎగరనీ పూదోటలో కురిసిన తొలకరి తేనెజల్లు నీ హృదయనాళం లోకి ఇంకిపోనీ ఓ ప్రేమ పాట పాడనీ నన్ను విరహ జ్వాలల్లో తడిసి ముద్దైన గుండె పాట గొంతు నుండి పలికించనీ తోకచుక్కమల్లే ఆవేశమొచ్చి ప్రాణమంత ఒక్కటై నా పల్లవి వినిపించనీ వేయి కాంతిపుంజాలు వెల్లువెత్తి దేహానికి శక్తినిచ్చి ప్రపంచపుటంచుల నిశ్శబ్ధాలు ఛేదించనీ ఓ ప్రేమ పాట పాడనీ నన్ను ఉదయ్ 07.05.14

by Uday Dalith



from kavi sangamam*కవి సంగమం*(Poetry ) http://ift.tt/1slgoIu

Posted by Katta

4, మే 2014, ఆదివారం

Uday Dalith కవిత

శోక వసంతం ఆమని కోయిల విసుగెత్తి పాడే ఉల్లాస రాగాలు విన్నావు మాటిమాటికీ శిశిరాలు రాల్చే ఎండుటాకుల శోకాలు ఏ ఒక్కనాడైనా విన్నావా సాగర తీరాలు పదేపదే పలికే సంగీతాల హోరు ఎంతకాలం వింటావు ఆ భీకర అలల పోటు కంటే భయానక జీవిత కధలున్నాయి అవెప్పుడిక నువు వింటావు పూల వర్ణనలతో చిగురాకుల సున్నితాలతో కాలం అల్లే కావ్యాలు యుగయుగాలుగా విన్నావ్ వాడిపోతున్న సమాజ విలువలతో విలవిలలాడే జీవుల ఆర్తనాదాలు ఇకనైనా వింటావా ఉదయాలు మేల్కొలిపే శ్రావ్య గానాలు అరుణారుణ లేలేత అందాలు తెలుసు గానీ చెమట తడిలో బ్రతుకులీడ్చి తలరాతలతో చితులు పేర్చి దుఃఖమే కానీ సుఖమేలేని అభాగ్యుల జీవన పోరాటాలు ఇప్పుడైనా విను ఉదయ్ 03.05.14

by Uday Dalith



from kavi sangamam*కవి సంగమం*(Poetry ) http://ift.tt/RbwM17

Posted by Katta

3, మే 2014, శనివారం

Uday Dalith కవిత

నేనో అబద్ధం మళ్లీ నేనో అబద్ధం నా గానం నా కావ్యం నా ప్రణయం అబద్ధం కావు నేను నేనే అబద్ధం నా కలం నా గళం నా శోధన అబద్ధం కావు నాకు నేను ఓ అబద్ధం నా సొద నా సమాజం నా ప్రవాహం అబద్ధం కావు నేను కలగన్నదే అబద్ధం నా నవ్వు నా సత్యం నా విచారం అబద్ధం కావు వెక్కిరించు నేనో అబద్ధం నా చలనం నా గమ్యం నా సాహసం అబద్ధం కావు నేను మాట్లాడితే అబద్ధం నా అధరం నా యవ్వనం నా నిస్పృహ అబద్ధం కావు ఉదయ్ 03.05.14

by Uday Dalith



from kavi sangamam*కవి సంగమం*(Poetry ) http://ift.tt/1nbnnl8

Posted by Katta

29, ఏప్రిల్ 2014, మంగళవారం

Uday Dalith కవిత

ఏకాంతం ఇది నువ్వు లేవని ఒక భవిష్యత్తు నువ్వు రావని ఒక భ్రమ ఊహలతోనే పోరాటం అక్కడితో ఆగు ప్రపంచం ఒక పాట ఒక కవిత నిన్ను నన్ను కలుపు ఆ తర్వాత శూన్యం ఒక యుగం చాలదు ఒక అనుభవం సరిపోదు అనుబంధం సుగంధం మమత మాధుర్యం క్షణమొక నరకం అరక్షణపు స్వర్గం నిన్న సర్వస్వం రేపు వినాశనం వెన్నెలేదో వేకువేదో చూపే ఓహృదయం కోసం మళ్లీ ఓ రోజు మళ్లీ ఓ అనుభవం ఉదయ్ 29.04.14

by Uday Dalith



from kavi sangamam*కవి సంగమం*(Poetry ) http://ift.tt/1kjnusd

Posted by Katta

24, ఏప్రిల్ 2014, గురువారం

Uday Dalith కవిత

చుండూరు దళిత స్వరం కులం లేదు కులం లేదు అని నువ్వంటుంటే ఈ చుండూరు ఎక్కడిది ఈమారణహోమం ఎప్పటిది కులం హలాహలం అంటాడు ఇంకొకడు అంతేలే అది నిన్ను కాదుగా మింగింది దళితుడైన నన్నేగా మింగింది మనుషులంతా ఒకటేగా ఆపు నీ నీతి వాక్యాలు ఒక్కటైతే ఒకే రక్తమైతే మా రక్తాలు చిందుతున్నాయి మీ రక్తాలు నరుకుతున్నాయి చేతగాని నీతులెన్నో చెప్పరాని ధర్మాలెన్నో కళ్ళ ముందు మృగాలన్నీ కసితీరా వేటాడుతుంటే కళ్ళ ముందు సాక్ష్యాలెన్నో తల్లకిందులవుతుంటే నీ సమానత్వ బోధలు నీ మనుధర్మ వాక్కులు వీలుంటే పోరాడు కులతత్వాన్ని చెండాడు మీ మసి పూసే మాటలన్నీ మీ ముద్దు ముద్దు రాతలన్నీ కులం విడిచిపెట్టుకొమ్మని మమ్మల్ని బానిసలై చావండని అంతేకానీ సమానత్వం మీ ఆశయమూ కాదు మానవత్వం మీ మతమూ కాదు మీ మర్యాదలు మీ మేధస్సులు మీ అంతస్తులు అహంకారాలు అలంకారాలు అన్నీ కులమైతే కంటికి రెప్పలా మిము కాపాడుతుంటే కులం పోవాలని మీరు చెప్పే నీతులు మాయమాటలు మమ్మల్నీ మా పోరాటాన్నీ మా ఆత్మగౌరవాన్నీ అంతం చేయాలని మాకు తెలుసులే

by Uday Dalith



from kavi sangamam*కవి సంగమం*(Poetry ) http://ift.tt/1hnBCBX

Posted by Katta

Uday Dalith కవిత

చుండూరు దళిత స్వరం రాముడు శంభూకుని వధించవచ్చును ద్రోణుడు ఏకలవ్యుని బొటనవ్రేలును తెంచవచ్చును అదే న్యాయం అదే ధర్మం పశుపక్షాదులు పూజలు అందుకోనూవచ్చు రాళ్ళు రప్పలు దైవత్వాన్ని పొందవచ్చు అదే మానవత్వం అదే సమానత్వం పుట్టుకే నీచమైనది అవనూవచ్చు అదే పవిత్రత కానూవచ్చు అదే యుక్తి అదే భక్తి అంటరానితనమే వసంతం అస్పృశ్యతే సేవ మనిషిని మనిషే చంపి తింటుంటే మనువు మళ్లీ పుట్టి న్యాయానికి తీర్పు చెబుతుంటే పుట్టుకే చావు అర్హతను నిర్ణయిస్తే సమసమాజానికి అదే నీతి అదే ప్రీతి

by Uday Dalith



from kavi sangamam*కవి సంగమం*(Poetry ) http://ift.tt/1igiFwT

Posted by Katta

23, ఏప్రిల్ 2014, బుధవారం

Uday Dalith కవిత

ఎందుకలా ఓప్రేమ కవిత రాయమంటే చైతన్య పద్యాలు పాడతావు నువ్వు శృంగార వర్ణానివే అనుకున్నా నువ్వు చైతన్య కిరణానివి కూడా నీ అందం నాకు బంధనమనుకున్నా అది స్ఫూర్తి గ్రంధమై ఇవాళ ప్రపంచ దర్శనమైంది పన్నీరు వాసనలొలికే నీ పెదవులు మధువులు పూయించే పూరెమ్మలనుకున్నా కానీ అవి తేట తెలుగులో ప్రవచనాలు పలికిస్తుంటే నులివెచ్చని నా వయస్సు సామాజిక హితమని వింతగా పరుగులు తీస్తుంది ప్రతి యామినిలో మగసిరులు కోరే కనువిందు నీవని అనుకున్నా కానీ అరుదైన నీ వ్యక్తిత్వం జాగృతిలో జనించి కటిక చీకట్లలో నాకు ఉషోదయమై ప్రతి పూటా పరవశింపజేస్తుంది

by Uday Dalith



from kavi sangamam*కవి సంగమం*(Poetry ) http://ift.tt/1f4DeSd

Posted by Katta