దాసరాజు రామారావు కవిత

ప్రముఖ కవి నందిని సిధారెడ్డి ఇటీవలి తన అరవ కవితా సంపుటి " ఇక్కడి చెట్లగాలి " లోంచి ఒక కవితను చూడండి.... \\ తలంపు \\ ఈ లోపల పాట చెవిలో ప్రపంచ రహస్యం ఊదాలె పగలని గుండుకు తొలికొట్టి మందుగుండు పెట్టాలె అర్ధాంగీకారం అనిపించినా మౌనం కూడా వ్యూహమే కూలిపోతున్న ఊరి చెలిమెలో కూరిమి తోడాలె రాత్రిని వెలిగించేది సాహసం ఒక్కటే ఈ లోపల వలసపోయిన వసంత మేఘానికి ప్రేమలేఖ రాయాలె వట్టిపోయిన తరానికి మనిషిని కానుక ఇవ్వాలె స్వభావవిరుద్దమనిపించినా మౌనం కూడా వ్యక్తీకరణే ఈ లోపల కాలం కనురెప్పల మీద జీవితం రచించాలె తడి కోల్పోయిన ఆధిపత్యానికి గడియలు గణించాలె మౌనం నిరంతర దీక్ష తల ఎత్తితే కందిరీగలు తరుముతయి చావు ఒకటే వేలసార్లు వెంటబడుతది ఈ లోపల అక్షరానికి అంతరంగానికి సయోధ్య కుదుర్చాలె యుగానికీ యుద్దానికీ దారి వేయాలె ఈ లోపల గాలి రెక్కల మీద మనిషిని చేరుకోవాలె ఎవరికీ తలవంచని రేషం అద్ది పద్యం ఎగురవేయాలె .......15-03-2014.

by దాసరాజు రామారావు



from kavi sangamam*కవి సంగమం*(Poetry ) http://ift.tt/1nsqg4l

Posted by Katta